*चांद बीबी महाल* म्हणजेच *चांद बीबीचा महाल* किंवा *सालाबत खानाचा मकबरा*. *लोकेशन*: अहमदनगर शहराजवळ, शहाडोंगरी टेकडीवर, अहमदनगर-मनमाड रोडला. अमरावतीपासून ∼280 km. *काय आहे ही वास्तू*: ही चांद बीबीची समाधी नाही, तर तिचा पती *सलाबत खान दुसरा* याचा मकबरा आहे. सलाबत खान अहमदनगर निजामशाहीचा वजीर होता. *चांद बीबी कोण होती*: 1. *नाव*: चांद सुलताना, चांद बीबी म्हणून प्रसिद्ध. 2. *काळ*: 1550-1599. 3. *ओळख*: अहमदनगरच्या निजामशाहीची राजकन्या, विजापूरच्या आदिलशहाची पत्नी, नंतर अहमदनगरची राजमाता. 4. *पराक्रम*: 1595 मध्ये मुघल बादशहा अकबराचा मुलगा मुराद याच्याविरुद्ध अहमदनगर किल्ला स्वतः लढवला. पुरुषी वेशात, हातात तलवार घेऊन बुरूजावरून लढली. म्हणून तिला "मराठवाड्याची झाशीची राणी" म्हणतात. *महालाची माहिती*: गोष्ट माहिती **बांधकाम** सुमारे 1580 च्या दरम्यान **उंची** टेकडीवर असल्याने 70 मीटर उंच, 3 मजली + घुमट **रचना** अष्टकोनी दगडी इमारत. खाली थडगं, वर महाल. **वैशिष्ट्य** 12 फुटी कमानी, पर्शियन-भारतीय स्थापत्य. वरून पूर्ण अहमदनगर शहर दिसतं. **आजची स्थिती** ASI संरक्षित स्मारक. पर्यटकांसाठी खुलं. *गैरसमज*: लोकांना वाटतं की हा चांद बीबीचा राजवाडा होता किंवा तिची समाधी आहे. पण प्रत्यक्षात तिची हत्या 1599 मध्ये अहमदनगरच्या किल्ल्यातच झाली. हा महाल तिच्या नवऱ्याचा मकबरा आहे. तिच्यावरून टेकडीला "चांद बीबी महाल" नाव पडलं. *कसं जायचं*: अमरावती → अकोला → मेहकर → अहमदनगर. अहमदनगर बस स्टँडपासून 13 km. सूर्यास्ताच्या वेळी खूप सुंदर दिसतो. इतिहासात रस असेल तर नक्की बघण्यासारखी जागा आहे. कधी प्लॅन करतोय जायचा? #👌हृदयस्पर्शी फोटो #🔴आजचे ताजे अपडेट्स📰 #1️⃣महाराष्ट्र अपडेट्स #😏मतलबी दुनिया #🏛️राजकारण

....म्हणून मी भ्रजपाचं अभिनंदन करणार नाही. उलट नैतिकतेचे जोडे हातात घेऊन माझ्या देशाची लोकशाही बरबाद केली आणि संविधानाचा अपमान केला म्हणून जाब विचारीन! ममता बॅनर्जींची 90 लाख मतं ग्यानेसनं कापली तेव्हाच त्याच्या पक्षाचा विजय निश्चित झाला होता. 7 कोटी 34 लाख एकूण मतांतून 90 लाख म्हणजे तब्बल 12.26 टक्के मतदार थेट उडवूनच टाकले होते. यात कोण होते? खास करून मुस्लीम होते, ममता बॅनर्जींचे परंपरागत मतदार. ते या देशाचे जणू नागरिकच नाहीत असं एसआयआरच्या नावाखाली ठरवण्यात आलं. देशाच्या निवडणुक इतिहासातला हा सर्वात भयंकर प्रकार होता. बिहारमध्ये ग्यानेसनं हा विषप्रयोग पहिल्यांदा यशस्वी केला. तिथं तब्बल 47 लाख मतं कापून टाकून भ्रजपा सत्तेत आली. तोच विषप्रयोग बंगालात झाला आणि तिथली लोकशाही देखील यशस्वीपणे मारून टाकली. या प्रकरणात ज्या दिवशी सर्वोच्च न्यायालयानं हात वर केले त्याच दिवशी बंगाल भ्रजपानं गिळलेला होता. हा विषप्रयोग इतका भयंकर होता तरी देशाच्या सर्वोच्च न्यायालयानं मतदारांना 'तुम्ही पुढच्या वेळेस मतदान करा' असं सांगितलं. देशातली लोकशाही या गिधाडांपासून वाचवण्याची जबाबदारी सर्वोच्च न्यायालयाची नाही तर कोणाची? उद्या सर्वोच्च न्यायालयाच्या आवारात सुरा घेऊन एक गुंड एखाद्या माणसाच्या मागे लागला आणि तो माणूस न्यायमूर्तींच्या खुर्चीसमोर धापा टाकत येऊन मला वाचवा म्हणाला तर 'पुढच्या जन्मी आम्ही तुला वाचवू' असं म्हणणार आहे का? किती खेदजनक गोष्ट आहे ही! तुम्ही नाही तर या देशातला मतदाराचा हक्क कोण वाचवणार? अमेरिकेचं सर्वोच्च न्यायालय? या देशाचे एक माजी मुख्य निवडणूक आयुक्त एस.वाय. कुरेशी म्हणाले की मी सर्वोच्च न्यायालयाचं 'तुम्ही पुढच्या वेळी मत द्या' हे विधान ऐकून इतका हतबुद्ध झालो की 'भाकरी मिळत नसेल तर केक खा' या वाक्याची आठवण झाली. कुरेशींनी निवडणूक आयोगाचं हे असं मतं कापणं हा घटनाद्रोह आहे हे निःसंदिग्धपणे सांगितलं. ओम प्रकाश रावत हे दुसरे माजी मुख्य निवडणुक आयुक्त ज्यांनी या देशात एकूण साडे सहा कोटी मतदारांना वगळण्याचा हा गंभीर बनाव आहे असं म्हणलं. ही दोन मतं भ्रजपाच्या विरोधकांची नाहीत, या देशाच्या याच निर्वाचन आयोगात मुख्य म्हणून काम केलेल्या लोकांची आहेत. नव्वद लाख मतदारांचा मूलभूत अधिकार अर्थात मताधिकार रात्रीतून काढून घेतला जातो आणि सर्वोच्च न्यायालय म्हणते पुढच्या वेळी मत द्या? बाबासाहेबांच्या स्वप्नात जरी हे असं काही आलं असतं तरी त्यांनी कदाचित राज्यघटनेत न्यायसंस्थाच ठेवली नसती! हवीच कशाला? खुद्द सुभाषबाबूंचे नातू चंद्रकुमार बोस एसआयआरचा अटीतटीचा विरोध करत होते. हा प्रकारच असंवैधानिक आणि लोकशाहीला तुडवणारा आहे असं त्यांनी म्हणलं. बंगालात थेट अर्धसैनिक बल पाठवून या देशाच्या गहमंत्र्यानं मतदारांनाच दहशतीत घेतलं. अर्धसैनिक दलाचे 2 लाख 20 हजार सैनिक तैनात केले होते. दर शंभर मतांना एक सैनिक. 'यावेळी भ्रजपाला मत दिलं नाही तर पुढच्या वेळी नाव काढलं जाणार आहे' अशा अफवा भ्रजपानं स्वतःच्या यंत्रणांमधून पसरवल्या. ममता बॅनर्जींना प्रत्येक यंत्रणेनं जेरीस आणलं. ईडी, सीबीआय हे घरगडी तर होतेच आणि सर्वात हक्काचा घरगडी असलेला आयोग हर तर्‍हेनं ममतांना छळत होता. पंतप्रधान, गृहमंत्री, अख्खं केंद्र सरकार, भाजपाशासित अख्खी राज्य सरकारं, त्यांचे मुख्यमंत्री, मंत्री, देशभरातले त्यांचे खासदार, आमदार, खजिनदार, काळा पैसा, शासकीय यंत्रणा, हिंदू खतरे मेंच्या अफवा इमाने इतबारे पसरवणारी गोदी माध्यमं, सोशल मिडीया, भ्रजपाचे भांडवलदार, ईडी, सीबीआय, सर्व शासकीय यंत्रणा, भ्रजपाची निवडणूक सेल बनलेला आयोग विरूद्ध एकट्या ममता दिदी (काँग्रेस आणि कम्युनिस्टांच्या विरोधासह) असा हा सामना होता. त्या सामन्यात जेवढ्या काही जागा त्यांनी मिळवल्या त्या अभिनंदनास पात्र आहेत. त्यांना मिळालेल्या जागा म्हणजे डाकूंनी सशस्त्र दरोडा घातल्यानंतरही त्यांनी धीरानं वाचवून आणि सांभाळून आणलेली ही पूंजी आहे हे विसरता कामा नये. ममतांचा पराभव झाला पण तो भ्रजपाच्या विजयापेक्षा कितीतरी जास्त लखलखीत आहे. खेळाचे सर्व नियम मोडून आणि सर्व प्रकारच्या लबाड्या करून जिंकलेला हा द्युत आहे म्हणून मी भ्रजपाचं अभिनंदन करणार नाही . एक विद्यार्थी गुंडगिरी करतो. इतर विद्यार्थ्यांच्या वह्या परीक्षेआधी फाडून टाकतो. त्यांना परिक्षा केंद्रावरच येऊ देत नाही. परीक्षेचं दालन आतून बंद करून पर्यवेक्षकाला सुरा दाखवून एका जागी बसवून ठेवतो. सगळा पेपर गाईड पाहून लिहीतो पाहिजे तितका वेळ घेऊन. नंतर पर्यवेक्षकाला स्वतःला पाहिजे त्याच पेपर तपासणीसाकडे पेपर पाठवायला लावतो. तिकडे पैसे देऊन मार्क्स वाढवून घेतो. नंतर माॅडरेटरकडे जाऊन धमकी देतो की अर्धा मार्क कमी केला तरी तुझा गळा कापीन. स्वतःचं प्रगतीपुस्तक स्वतःच्या हातानं पाहिजे तसं लिहितो आणि मुख्याध्यापकाला धमकी देऊन त्यावर सही घेतो. आणि ते प्रगती पुस्तक नाचवत स्वतःवर गुलाल उधळत येतो. असा विद्यार्थी अभिनंदनास पात्र नसतो, सगळे नियम तोडले म्हणून शिक्षेस पात्र असतो. मला कल्पना आहे की अशा विद्यार्थ्याचे चाळे खपवून घेणार नाही म्हणणारे फार थोडे लोक देशात शिल्लक आहेत. मला त्यांच्यापैकी एक रहायला आवडेल म्हणून मी भ्रजपाचं अभिनंदन करणार नाही. #👌हृदयस्पर्शी फोटो #🔴आजचे ताजे अपडेट्स📰 #🏛️राजकारण #😏मतलबी दुनिया #1️⃣महाराष्ट्र अपडेट्स

पत्रकार:- खून केल्यानंतर तुम्ही पळून गेलात फरारी राहिलात त्यामुळे मग तुम्ही पळून गेल्यानंतर तुमच्या घरच्यांना कुटुंबीयांना कसा त्रास झाला?? बापू:- आव पुष्कळ झाला की! बायकोला अटक, आईला अटक, भावाला अटक. सगळ्यांना अटक केली. आमचं घर जप्त केलं.आमची जमीन जप्त केली ! करू दे म्हणलं काय, वडलाचंच हाई, आता जमिनीसाठी काय आमी काय मरायचं हाई का? आम्ही जगलो तर आणिक जमीन घेता यील, आम्ही जगलो तर आणिक घर बांधता यील. गावच्या पोरींनी कृष्णा कोयना संगमा मध्ये मध्ये उडी घेण्याच्या अगोदर बापू बिरू वाटेगावकरांची भेट घेऊन सांगितलं होतं" जशी गावची पोरगी हाल हाल करून मारली तशी आमची जर हालत झाली त्याच्या अगोदर आम्ही कृष्णा कोयना संगमात जीव सोडतो" पण पुढे त्यांनी काही पाऊल उचलायच्या अगोदर बापूंनी बाईचा बलात्कार करून खून करणाऱ्या रंग्याचा हाल हाल करून काटा काढला. ज्याच्याबरोबर आपला काही संबंध नव्हता. कोणी आपल्या घरचा नव्हता दारचा नव्हता, नातेवाईक नव्हता पण गावातल्या पोरी बाळी आपल्याही कुणीतरी पोरीबाळी लागतात याच भावनेतून त्यांना त्रास देणाऱ्या गुंडांचा बदला घ्यायचा, 12 12 वर्षे फरार राहायचं आणि घरदार ,जमिनी, कुटुंबीयांची होळी करायची याला वाघाचं काळीज लागतं!!🪷🙏🏿 ते काळीज आमच्या आप्पाकडे होतं! मिसिंग लिंक चे उद्घाटन करून बायकांबद्दल आणि गोरगरीब लोकांबद्दल कीर्तनातून शेरेबाजी करणाऱ्या कीर्तनकाराच्या घरच्या राजेशाही लग्नाला उपस्थित राहणारे उपमुख्यमंत्री, इतर मंत्री आणि मुख्य म्हणजे मुख्यमंत्री हे गृहमंत्री म्हणून चार वर्षीय मुलीच्या निर्घृण बलात्कार आणि खून प्रकरणामध्ये प्रभावी यंत्रणा राबवण्यासाठी मिसिंग राहत असेल तर उद्या लोकांनी कायदा हातात घेऊन जेल तोडून आरोपीची खांडोळी केली तर आश्चर्य वाटायला नको! लोकशाहीची मिजास भाषणामध्ये ऐकायला चांगली वाटते. ती मिजास जर गरीब, दुर्बळ लोकांवर आणि स्त्रियांवर होणाऱ्या अन्यायाचा प्रतिकार करू शकत नसेल तर असली पोकळ मिजास काही कामाची नाही. #👌हृदयस्पर्शी फोटो #🔴आजचे ताजे अपडेट्स📰 #1️⃣महाराष्ट्र अपडेट्स #😏मतलबी दुनिया #🏛️राजकारण

#😏मतलबी दुनिया #🎭Whatsapp status #🔴आजचे ताजे अपडेट्स📰 #1️⃣महाराष्ट्र अपडेट्स #🏛️राजकारण #Nasarapur प्रकरणातील पीडित मुलीचे वडील..

#नसरापूर प्रकरणातील भीमराव कांबळेनी आधी एका ७५ वर्षांच्या म्हाताऱ्या एकट्या राहणाऱ्या स्त्रीला तिच्याच घरात लपून आणि रात्री कोयत्याचा धाक दाखवून बलात्कार केला. म्हातारी बिचारी रातोरात मुलीकडे निघून गेली. दुसऱ्या दिवशी जावई गावात आला आणि कांबळेविरोधात तक्रार केली. म्हातारीच्या साडीला लागलेलं रक्त तिथे होतं असं साक्षीदार सांगतोय. तरीही केस कोर्टात टिकली नाही आणि त्याची निर्दोष मुक्तता झाली. ह्या प्रकरणात कांबळेच्या बायकोनी जमीन विकून त्याला वाचवला म्हणे. दुसऱ्या प्रसंगात कांबळेनी त्याच्याच पुतणीवर बलात्कार करण्याचा प्रयत्न केला. तिला ‘TV चालू करता येत नाही’ म्हणून चालू करून द्यायला घरात बोलवलं. मुलगी हुशार होती.तिनं दारात उभी राहून टीव्ही चालू करून देण्याचा निर्णय घेतला. तरीही कांबळेनी तिला घरात ओढलं आणि दार लावून कोयत्याच्या धाकानी तिच्यावर जबरदस्ती करण्याचा प्रयत्न केला. ती ओरडली आणि त्याला ढकलून पळाली.थोडक्यात वाचली. मुलगी धिराची होती म्हणून शिक्षण, नोकरी, pregnancy चालू असतानाही चार वर्ष जिद्दीनं कांबळेविरोधात केस चालवली. मुलीच्या घरच्यांनीही तिला साथ दिली. पेपरमध्ये बातमी आल्यावर तिला प्रश्न विचारणारे अनेक “सभ्यं” लोक होते ज्यामुळे तिला बराच मानसिक त्रास झाला तरीही तिनं जिद्दीनं केस चालवली आणि शेवटी हरली. कांबळेची सर्वात लहान सख्खी मुलगी तिच्याच वयाची आणि तिच्याबरोबर शिकणारी होती. पुतणीवर हात टाकण्याच्या पंधरा दिवस आधी कांबळेनी स्वतःच्या लहान मुलीवर अत्याचार करण्याचा प्रयत्न केला. म्हणून बायकोनी तिला मावशीकडे पाठवली. पुतणी आणि तिच्या घरच्यांनी strong action घेतल्याने कांबळे त्या भागात पुन्हा फिरकला नाही. ह्या प्रकरणात कांबळेच्या बायकोने पुतणीनी जमिनीच्या भांडणातून खोटी केस केल्याचं पोलिसांना सांगितलं. पुण्यात येरवड्यात पण कांबळेनी एका स्त्री वर जबरदस्ती करण्याचा प्रयत्नं केल्याचं पुतणी सांगते. तिथे लोकांनी त्याला कपडे काढून मारला आणि त्यानंतर आता पुन्हा एकदा कांबळेनी चार वर्षांच्या बाळावर अत्याचार करून तिला मारून टाकलं. कांबळेला शिक्षा झालीच पाहिजे. परंतु त्याचबरोबर ह्याआधीच्या सगळ्या केसमध्ये असलेल्या पोलिस आणि न्यायाधीशांच्या भूमिकेची सविस्तर चौकशी होऊन त्यात दोषी आढळणाऱ्यांनाही शिक्षा होणं तितकंच गरजेचं आहे. कारण सातत्याने बलात्कार करण्याची कांबळेची हिंमत वाढण्यासाठी त्याला आधीच्या केसमध्ये निर्दोष ठरवणारी व्यवस्थाही तितकीच कारणीभूत आहे. कांबळेच्या बायकोचं तर मला आश्चर्य वाटतं. इतका विकृत नवरा असेल तर बायकोसोबत त्यानं काय केलं असेल? स्वतःच्या मुलीवर अत्याचार होऊ नये म्हणून तिला मावशीकडे पाठवणं तिला कळतं मग इतरांच्या मुलींच्या बाबतीत ते होऊ नये हे का वाटत नाही? “असला ठरकी नवरा असण्यापेक्षा नसलेला बरा” हा विचार का नसेल आला तिच्या मनात? माणूस किंवा स्त्री म्हणून अस्तित्व हे बायको असण्यापेक्षा जास्त महत्वाचं का वाटलं नसेल तिला? ती आर्थिकदृष्ट्या त्याच्यावर अवलंबून होती म्हणून की काय ? कांबळेच्या बायकोची पण ह्या सगळ्या प्रकरणात चौकशी होणं गरजेचं आहे. पुतणी सांगते त्याप्रमाणे तिचा त्याला अशा विकृतींमध्ये सक्रिय पाठिंबा असेल तर तिला सहआरोपी करता आलं तरी करावं. ह्या प्रकरणातून Take Away हा आहे की बायांनो, सहन करणं हा पर्याय नाही. ती पुतणी बोलली, धैर्यानं उभी राहिली, कायद्याच्या मदतीने त्याला नडली म्हणून वाचली. भले केस हरली. पण त्याच्या मनात तिच्या घराजवळ फिरकायची हिंमत तर नाही झाली. “बोल” ह्या चित्रपटाच्या सुरुवातीलाच एक वाक्य आहे. “Things in our society don’t change coz we don’t speak up.” Speaking up is the first preventive measure. चुकीच्या गोष्टींविरोधात बोलणं हा पहिला प्रतिबंधात्मक उपाय आहे. मग ते online trolling असो, verbal/ non verbal sexual abuse असो, बलात्कार असो, domestic violence असो किंवा sexual harassment at workplace असो. Speaking up is the most important thing. नाहीतर काळ सोकावतो. #🔴आजचे ताजे अपडेट्स📰 #🎭Whatsapp status #🏛️राजकारण #1️⃣महाराष्ट्र अपडेट्स #😏मतलबी दुनिया

'शिवसेनेचे मुख्य नेते आणि उपमुख्यमंत्री एकनाथ शिंदे साहेबांनी पुणे-नरसापूर येथील चिमुरडीच्या वडिलांशी दूरध्वनीवरून संपर्क साधून त्यांचे सांत्वन केले. या कुटुंबाला न्याय मिळवून दिल्याशिवाय स्वस्थ बसणार नाही, असा शब्दही त्यांनी दिला.' - #eknathshinde #Nasrapur #news #🎭Whatsapp status #1️⃣महाराष्ट्र अपडेट्स #🔴आजचे ताजे अपडेट्स📰 #🏛️राजकारण #😏मतलबी दुनिया

पुणे जिल्ह्यातल्या भोर तालुक्यातील नसरापूर गावात फक्त चार वर्षांच्या चिमुरडीवर पासष्ट वर्षांच्या म्हाताऱ्याने बलात्कार करून खून केला आहे. भीमराव कांबळे हा यातला मुख्य आरोपी. ह्या नालायकावर 1998 आणि 2015 साली विनयभंगाचे गुन्हे दाखल झाले होते. पाच हजार लोकवस्ती म्हणजे हजार कुटुंबे इथे राहतात. दर दहा बालकांमागे नऊ बालिका आहेत. पिडीत मुलगी तिच्या आज्जीकडे आलेली, उन्हाळ्याच्या सुट्टीसाठी! तिच्या मामाचा वाडा चिरेबंदी नव्हता की तालेवार मामाही नव्हता. करून खाणारं साधं कुटुंब. ही चार वर्षांची पोर सकाळ संध्याकाळ खेळत राहायची. या नराधमाने डाव साधला. ती यायला तयार नव्हती. मग यानं आमिष दाखवलं, खाण्यापिण्याच्या जिनसेचे नाही की खेळणीचेही नाही! यानं आमिष दाखवलं गायीच्या वासराचं! चल, तुला वासरू दाखवतो म्हणून गुरांच्या गोठ्यात घेऊन गेला. आणि कोवळी कळी याने निर्दयीपणे रगडली. याच्या मांडीवर जोजो बाळा म्हणून झोपी लावायची तान्ही कोवळी पोर या नीचाने अंगाखाली घेतली! काय म्हणला असेल तिचा कोमल देह, किती घुसमट झाली असेल तिची, किती जीवघेण्या वेदना झाल्या असतील तिला! अर्धमेल्या झालेल्या त्या तान्हुलीचा याने श्वास थांबवला. शेणाच्या ढिगात तिला लोटलं. वरून चवाळं झाकलं. दुपारी खेळायला गेलेली पोर घरी कशी येईना म्हणून सांजच्याला शोधाशोध सुरू केली तरी सापडली नाही. शोध मोहीम तीव्र केल्यावर तिचा निष्प्राण अचेतन देह गोठ्यात सापडला. सीसीटीव्ही फुटेजमध्ये हा थेरडा तिला गोठ्याकडे घेऊन जाताना आढळला. पोलिसांनी त्याला पकडलं. लोक भावनांचा जनक्षोभ वगैरे उफाळून आला. ओबीव्हॅन गावात आल्यात. फास्टट्रॅक कोर्टाचा पोपट नाचवून झालाय. लोकांना संताप वगैरे आलाय. सोशल मीडियावर क्रोधाचा पूर वगैरे आलाय. पण मूळ मुद्द्यांचे काय? बलात्काराविषयी आपण घृणा व्यक्त करतो पण प्रत्यक्षात पुढे न्याय मिळतो का? समाजात बलात्कारी उजळ माथ्याने वावरताना दिसतात. त्यांना सुटकेनंतर लोकाश्रयासह ओवाळलेही जाते. किती अधम फासावर लटकावण्यात आले? कितींना पॅरोलवर सोडण्यात आले आहे? किती कैदेत आहेत आणि किती जामीनावर आहेत? जामीनवर सुटलेले किती तरी आरोपी, कैदी पुन्हा पीडितेच्या कुटुंबियांना धमकावताना दिसतात, काय उपटतो आपला कायदा आणि काय करते सरकार नावाची गांडू व्यवस्था? तुमच्या माझ्या धमन्यातलं रक्तही काही महिन्यांच्या अंतराने पेटून उठतं. काही दिवस जाताच सवयीने पुन्हा शेपूट घालून बसतं. पुन्हा कधीतरी असा भयंकर गुन्हा घडतो, आपली मनगटे पुन्हा आवळली जातात. पुन्हा मुठी सैल होतात. दरम्यान ज्यावर जनक्षोभ उफाळून आला नाही असे अगणित बलात्कार मधल्या अवकाशात घडतच असतात! तेव्हा आपल्या भावनांना काय झालेलं असतं? बायकांनी अंग झाकलं नाही तर पुरुष बलात्कार करत नाहीत अशी गरळ ओकणाऱ्यांच्या मनातही एक छुपा सुप्त बलात्कारी दडून असतो. अशा भडव्यांनी सांगावं की या चार वर्षांच्या चिमुरडीने कसे व कोणते कपडे घालणे अपेक्षित होतं? आरोपी भीमराव कांबळेवर खटला चालवून आठवड्यात फासावर लटकवले पाहिजे. खरेतर ती इवलीशी पोर जशी घुसमटून मरण पावली, तसेच यालाही छळ करून मारले पाहिजे. शिक्षेची जरब बसली पाहिजे. #copypestpost #निर्दयी_न्यायव्यवस्था #nasrapurcase #manojjarangepatil #viealphoto #JusticeForDaughter #punecrime #justice #maharashtra #humanity Devendra Fadnavis Eknath Shinde - एकनाथ संभाजी शिंदे #🔴आजचे ताजे अपडेट्स📰 #1️⃣महाराष्ट्र अपडेट्स #😏मतलबी दुनिया #🏛️राजकारण #🎭Whatsapp status

नसरापूरमधल्या जघन्य कृत्याची बातमी वाचली, कुणाही सर्वसामान्य नागरिकांच्या मनात जसा उद्वेग, चीड, संताप आणि हतबलता इत्यादी भावना दाटून आल्या तशाच त्या माझ्या मनातही दाटून आल्या. जवळपास दीड दिवस वेगवेगळ्या कामांमध्ये पूर्ण अडकून पडल्याने ही बातमी आणि हे क्रूर, हीन कृत्य याविषयी मी पुष्कळ उशिरा वाचलं. अगदी काही तासांनी, म्हणजे रात्री माझ्या सख्ख्या भावासारखा असलल्या माझ्या प्रिय मित्राचा मेसेज आला, वैकुंठ स्मशानभूमीतून नुकताच घरी आला होता, चिमुरडीच्या अंत्यविधीला गेलो होता. तिचे वडील त्याचे जवळचे मित्र आहेत आणि माझ्या या बंधुतुल्य मित्राप्रमाणेच तेही पौरोहित्य करतात हे समजलं. अलीकडचं बदलापूर प्रकरण असो, काही वर्षांपूर्वी हाथरसमधल्या अत्याचार प्रकरणाच्या वेळी, त्याआधी कठुआ प्रकरणाच्या वेळी, त्याआधी निर्भया प्रकरण, अशा अनेक प्रसंगांच्या वेळी उफाळून आलेली अस्वस्थता अशीच होती. सोनई हत्याकांड, खैरलांजी प्रकरण, शहाबानो प्रकरण घडलं तेव्हा फारसं कळत नव्हतं पण कळू लागल्यावर त्या प्रकरणांविषयी वाचलं तेव्हाही अशीच चीड आली होती. मी स्वतः एका मुलीचा बाप असणं, ज्या चिमुरडीवर हा दुर्दैवी प्रसंग ओढवला आहे, तिचे वय, तिच्या वडिलांचे माझ्या आत्मीय व्यक्तीशी असलेलं मित्रत्व इत्यादी बाबींमुळे, स्वाभाविक मानवी गुणधर्मानुसार वैयक्तिक पातळीवर अधिक भीती, अधिक उद्वेग, अधिक हतबलता दाटून आली. आपल्याकडचे जातिवंत पुरोगामी यातही माझ्या आणि संबंधित दुर्दैवी मुलगी आणि तिच्या परिवाराच्या जन्मजातीचा संबंध शोधतील/किंवा हे वाचताना तो जोडलाच असेल. दुसरीकडे आपल्याकडच्या धर्मशील, धर्मरक्षक म्हणून घेणाऱ्या जातिवंत माणसांनी तर लगेचच जातधर्म शोधून काढला आहे. त्यानिमित्ताने (एरवी ज्यांचं सोयीने खोटं गुणगान करतो त्या) सुधारक मंडळींविषयी मनात असलेलं विषही ओकून झालं आहे. या प्रसंगावरील प्रतिक्रिया वाचताना पुन्हा एकदा अमुक जातीच्या माणसाने केलेलं निर्घृण कृत्य, अमुक जातीच्या दुर्दैवी मुलीवर आणि कुटुंबावर गुदरलेला प्रसंग आणि समोर आलेलं क्रौर्य वगैरे यामध्ये जात हायलाईट होऊ लागली. समाजमाध्यमांवर संबंधित माणसावर कारवाई होणार नाही कारण तो अमुक जातीचा आहे अशा पोस्ट पडायला लागल्या. विखारी पोस्ट लिहिण्याचा मक्ता घेतलेल्या, शासकीय पाठिंब्याने 'शेफारलेल्या' लोकांच्या फुत्कारातील विष हाच वैचारिक आहार असलेल्या विषकन्या, विषपुत्रांनी हा विखार पसरवायला सुरुवात केली आहे. नसरापूर प्रकरण, बदलापूर प्रकरणातील आरोपींच्या जाती, त्यांच्यावरील कारवाया, कठुआमधील आरोपी, त्यावरील कारवाया, खैरलांजी प्रकरणावेळची सामाजिक, शासकीय प्रतिक्रिया त्यांवरून समोर आलेलं सर्वपक्षीय जातनिष्ठ न्यायकारण आणि सर्वजातीय प्रतिक्रिया यांचा परामर्श घेतल्यास भारतीय समाजाच्या सामाजिक संवेदनांक(Social quotient)आणि कथित सुशिक्षित अभिजन+बहुजन+पुरोगामी+प्रतिगामी गटांतील सार्वत्रिक सामाजिक-राजकीय निरक्षरता आणि असंवेदनशील बेजबाबदारपणा लक्षणीय आहे. ही बाब केवळ लक्षणीय नाही तर समाज आणि सामाजिक व्यवस्था म्हणून आपण अधिकाधिक हीन स्तर गाठत आहोत, याची निदर्शक आहे. खरं तर या अधःपतनाच्या स्तराचं सर्वाधिक हीन टोकही आपल्या समाजाने अनेकदा गाठलं आहे. पूर्वी एका आंतरजातीय विवाहातून झालेल्या कौटुंबिक हत्याकांडाच्या वेळी एक 'थोर' सामाजिक कार्यकर्ते टीव्हीवरील चर्चेत जातीयवाद, त्यातून आलेला लैंगिक दुजाभाव, बेटी व्यवहार याविषयी त्वेषाने बोलताना "जरा ब्राह्मणांच्या बायका आम्हाला मिळू द्या की" वगैरे विधान करत होते आणि सामाजिक समतेसाठी लढणारे, आक्रमकतेने-त्वेषाने बोलणारे एक वृत्तसंपादक ते शांतपणे ऐकून घेत होते. बिल्कीस बानो प्रकरणात तर गुन्हेगार राक्षसांची तुरुंगातून सुटका झाल्यावर तर स्वघोषित धर्मशील मंडळींनी त्यांचा सत्कारच केला होता. छत्रपती शिवाजी महाराजांनी कल्याणच्या सुभेदाराच्या सुनेला सन्मानाने सोडलं ही सद्गुणविकृती होती, असं मानणाऱ्या, अशा विचारांच्या संस्कारांत वाढलेल्या लोकांकडून सुसंस्कृततेची आणि संवेदनशीलतेची अपेक्षा करायची कशी!? या अधःपतनाच्या प्रवाहाला एक नवीन महाकाय गटार येऊन मिळालं आहे. आखाती देशांत, आयसीसच्या/तालिबानच्या राज्यात असते तशीच न्यायव्यवस्था या देशात लागू व्हावी अशी मागणी यातून समोर येते आहे. पूर्वी अशा मागण्या इतक्या मोठ्या प्रमाणात सरसकट, उघडपणे केल्या जात नसत, आता मात्र समाजातील सभ्य, सुसंस्कृत उच्चभ्रू, लब्धप्रतिष्ठ मंडळींकडूनही अशी मागणी होते आहे (यातील बहुतांश सुसंस्कृत मंडळींविषयीचं अप्रिय वास्तव हे आहे की, बिल्कीस बानोच्या बलात्कार्यांचा सत्कार झाला त्यावेळी मात्र असा त्वेष त्यांच्या लिखाणात दिसून आला नव्हता.) सामाजिक असभ्यता, क्रौर्य, नृशंसता या गोष्टी गुन्हेगार, वासनांध राक्षसांची मक्तेदारी असल्याचं आपण मानतो. या उलट समाजाचं नियमन करणाऱ्या मूल्य आणि मूल्यव्यवस्थांचं पालन करणं आणि त्या पालनासाठी आवश्यक सामाजिक, सांस्कृतिक आणि राजकीय प्रगल्भ चौकटीशी बांधील समाज निर्माण करणं हे सभ्य, उन्नत समाजाचं लक्षण असल्याचं प्रगत समाजामध्ये मानलं जातं. मात्र सुसंस्कृत, सभ्य वगैरे असलेल्या नागरिकांना अशा टोकाच्या मागण्या कराव्या असे वाटते याचं कारण न्यायप्रणालीतील आणि शासकीय, व्यवस्थात्मक संरचनांमध्ये आहे हे विसरून चालणार नाही. या संरचनांचे रक्षक, पालक याची जबाबदारी घ्यायला तयार नाहीत. उलट या अशा घटनांतूनही राजकीय पोळी भाजून घेणे , त्याचा फायदा राजकीय सत्ताप्राप्तीसाठी करून घेणे हाच इथला रिवाज बनला आहे. याचा दोष सामान्य, सभ्य, सुसंस्कृत , सजग म्हणून घेणाऱ्या नागरिकांकडे जातो, हेदेखील खरं. सर्वधर्मीय मध्ययुगीन, प्राचीन धर्मशास्त्रे आणि त्यांची अंमलबजावणी करणाऱ्या सत्ताधीश, व न्यायव्यवस्थेतील धुरिणांनी आचरलेली आणि आखून दिलेली दंडनीतीची चौकट ही एक बॅगेज घेऊन येते. तिच्यामध्ये सामाजिक नीतीचे एकचालकानुवर्तित्व, सरंजामी जाणिवा आणि गुन्ह्यामागील मूळ सामाजिक सांस्कृतिक कारणे यांचा विचार करणाऱ्या व्यवस्थांना त्या सरंजामी जाणिवांच्या चौकटीबाहेर पडून उन्नत जाणिवांचा स्वीकार करण्याची मुभा द्यायची नसते. हिंसेचे उत्तर त्याहून अधिक नृशंस हिंसेने द्यायचे असा विचार त्याच्या मुळाशी असतो. यातूनच नव्या हिंसाप्रणाली आणि शोषण व्यवस्थांचे अनंत प्रकार निर्माण होऊ लागतात. आजच्या काळात औपचारिक आणि अनौपचारिक शिक्षण, शिक्षणाची केंद्रे, व्यक्तिगत आणि सामाजिक सभ्यतेच्या आदर्श मूल्यव्यवस्था यांना हीन ('पौरुष'हीन) समजणाऱ्या राजकीय, सामाजिक भवतालात अशा मध्ययुगीन जाणिवा आणि मागण्यांविषयी प्रतिकूल मत व्यक्त करणं हादेखील गुन्हा ठरून ट्रोलिंग, सामाजिक, कौटुंबिक, राजकीय दबाव आणि त्रास होण्याची शक्यताच अधिक. हाथरस अत्याचार प्रकरणात पीडित भगिनीची जीभ कापली तेव्हाच समाजाचीही जीभ कापली गेली, गुन्हेगारांना पाठीशी घालण्यासाठी तिचं शरीर परस्पर जाळून टाकलेलं जात असताना समाजातील किमान संवेदना आणि नागरी संवेदना जाळल्या जात होत्या.. कालच्या नसरापुरच्या चिमुरड्या गोडूलीच्या शरीराला लपवण्यासाठी शेण आणि ठेचायला वापरलेले दगड वापरले जात होते तेव्हा या दुर्दैवी, गोजिरवाण्या जीवाप्रमाणेच मानवी सामाजिक जाणिवा, संवेदनशीलता आणि सामाजिक जबाबदाऱ्या यांनाही शेणाने लेपून ठेचलं जात आहे. त्यामुळे माझ्या आत्मीय मित्राच्या जवळच्या परिवारातील गोजिरवाण्या मुलीला, कठूआ प्रकरणातील ताईला, बिल्कीस बानो किंवा भोतामांगे आणि त्यांच्या अनुषंगाने सर्व स्त्रीजातीला (आणि बळहीन पुरुषांनाही) त्यांचं संरक्षण, सुखाने जगण्याचे अधिकार आणि न्यायिक, सामाजिक, राजकीय बळ देणाऱ्या व्यवस्थांची गरज आहे. त्यासाठी सोबतच दीर्घकालीन सामाजिक मूल्यांची रुजवणही आवश्यक होती आणि आहे. संयत, दीर्घकालीन प्रक्रिया विरुद्ध तत्काळ कारवाई यांच्यातला फरक हा "सुधारणा आधी की स्वातंत्र्य?" या वादासारखा आहे. सुधारणा न झाल्याने स्वातंत्र्योत्तर काळातल्या समाजात काय काय घडलं आहे हे आपण पाहिलं+पाहातो आहे. स्वातंत्र्य मिळून ८० वर्षे होतील पण देशातील आर्थिक, राजकीय, सांस्कृतिक जाणिवा आणि त्यांविषयीची धोरणभूमिका आणि बेसिक सार्वजनिक जाणीवा सर्वोच्च स्तरापासून ते समजतील सर्वसामान्य स्तरापर्यंत सर्वस्तरीय आनंदीआनंद पसरलेला आहे. दीर्घकालीन व्यवस्थापन सामाजिक राजकीय साक्षरतेतून आणि मूल्यव्यवस्थेच्या संयत आचरणातूनच यावर उत्तर मिळू शकतं. (शांती या तत्त्वाप्रमाणेच) सभ्यता, संयम आणि विवेक या मूल्यांना कधीही पर्याय नव्हता, कधीही पर्याय नसेल. हे लक्षात येत नाही तोवर या क्रूर घटना आणि त्यावर barbaric पद्धतीचे उपाय हे दुष्टचक्र संपून जाणार नाही, हजारमुखी सर्पाप्रमाणे त्या फुत्कारत राहातील. #🔴आजचे ताजे अपडेट्स📰 #1️⃣महाराष्ट्र अपडेट्स #👌प्रेरणादायी स्टेट्स #🏛️राजकारण #😏मतलबी दुनिया

#😜भन्नाट जोक्स🤣 #🤣मीम्स लव्हर😍 #🤪राजकीय टोलेबाजी😜 #🏛️महाराष्ट्राचे राजकारण😎 #🏛️राजकारण

#📲व्हायरल व्हिडिओ #🏛️महाराष्ट्राचे राजकारण😎 #⚡️लेटेस्ट व्हिडीओ #1️⃣महाराष्ट्र अपडेट्स #🏛️राजकारण