జయహో జర్నలిస్ట్ సోదరులు, జర్నలిస్ట్ సోదరుల హక్కులు వర్ధిల్లాలి!
లేదా
జర్నలిస్ట్ సోదరులు ఎలాంటి పరిస్థితుల్లో తమ పవిత్ర వృత్తికి కళంకం తెచ్చేలా వ్యవహరించకూడదు!
జర్నలిస్ట్ సోదరులు ఎలాంటి పరిస్థితుల్లో తమ పట్ల ఈ సమాజానికి,ఈ సమాజం లోని ప్రజలకు వున్న విశ్వసనీయతను కోల్పోరాదు.ముఖ్యంగా సామాన్య ప్రజలకు ఈ సమాజంలోని వ్యక్తుల,వ్యవస్థల నుంచి ఎలాంటి ఇబ్బందులు,సమస్యలు ఎదురైనా మీ వెనుక మేమున్నాము అనే భరోసాను జర్నలిస్ట్ లు ప్రజలలో కల్పించాలి. అలాగే జర్నలిస్ట్ లు ఎలాంటి పరిస్థితుల్లో అవినీతి మచ్చ గల రాజకీయ నాయకులకు,మరేదైనా వృత్తిలో అక్రమమార్గంలో పయనించే వ్యక్తులకు తొత్తులుగా మారకూడదు, వారు పెట్టే ప్రలోబాలకు ఎంత మాత్రం లొంగకూడదు. ఎంతో బాధ్యత తో కూడిన,గౌరవప్రదమైన జర్నలిస్ట్ వృత్తికి కళంకం తెచ్చేలా ఎలాంటి పరిస్థితుల్లో ఏ ఓక్క జర్నలిస్ట్ సోదరుడు కూడా వ్యవహరించకూడదు.ఎందుకంటే ఈ సమాజం లో ఏ ఓక్క జర్నలిస్ట్ తప్పు చేసిన,చట్ట విరుద్ధమైన పనులకు పాల్పడిన యావత్తు జర్నలిస్ట్ లకే ఎనలేని మచ్చ తీసుకువచ్చిన వారవుతారు.జర్నలిస్ట్ సోదరులు ఎప్పుడు కూడా తమ వృత్తిని చిన్న చూపు చూడకూడదు.ఓక విధంగా చెప్పలంటే జర్నలిస్ట్ లు నైతిక విలువలకు ప్రధమ ప్రాధాన్యతను ఇస్తూ ఈ సమాజంలోని కుళ్లును,కుతంత్రాలను ఎండగడుతూ ఓక ఆదర్శవంతమైన, స్ఫూర్తిదాయకమైన జర్నలిస్ట్ గా ప్రజలలో ఓక మంచి గుర్తింపును, ఫాలోయింగ్ ను సంపాదించుకోనేలా విశేష కృషి సల్పాలి.
ఏదిఏమైనా జర్నలిస్టులు అంటే సామాన్య ప్రజలకు ఓక వారధిగా వుంటూ వారికి ఏ కష్టమొచ్చిన ఆ కష్టం తన కష్టంగా భావించి ఆ కష్ట నివారణకు ఆరు నూరైనా తన వంతుగా తీవ్ర కృషి సల్పినవారే నిజమైన జర్నలిస్టులు.ఏమైనా జర్నలిస్ట్ రంగానికి వన్నె తెచ్చేలా,పేరు ప్రఖ్యాతలు తీసుకువచ్చేలా ప్రతి ఓక్క జర్నలిస్ట్ వ్యవహరిస్తే జర్నలిస్ట్ ల పట్ల ప్రజలు మంచి విధేయతను కలిగి వుంటారు,వారు తమ శ్రేయోభిలాషులుగా భావించి వారికి బ్రహ్మరథం పట్టడం తథ్యం.జయ జయహో జర్నలిస్ట్ సోదరులు,జయ జయహో జర్నలిస్ట్ సోదరుల హక్కులు!
- బుగ్గన మధుసూదనరెడ్డి,సామాజిక విశ్లేషకుడు, బేతంచెర్ల,నంద్యాల జిల్లా.
#జర్నలిస్ట్
