⛳आजचे शिव'कालीन ऐतिहासिक दिनविशेष⛳ 📜 २२ डिसेंबर इ.स.१६५६ शिवराय-मुघल पत्रव्यवहार सन १६४९ मधे शिवरायांनी दख्खनच्या मुघल सुभेदारला, म्हणजे शहजादा मुरादबक्षला काही पत्रे लिहीली होती. ह्यानंतर सन १६५६ पर्यंत त्याने मुघलांना काही लिहील्याचे पुरावे मिळत नाहीत. जुलै १६५६ मधे शिवरायांनी मुल्तफखान नावाच्या अहमदनगरच्या किल्लेदाराला पत्र लिहीले होते. हे पत्र आज उपलब्ध नाही पण ऑगस्ट १६५६ मधे औरंगजेबने मुल्तफखानला लिहीलेल्या पत्रात त्या पत्राचा संदर्भ येतो. २२ डिसेंबर १६५६ ला लिहीलेल्या औरंगजेबच्या दुसऱ्या पत्रातून असे लक्षात येते की शिवरायांनी मुघलांशी हा पत्रव्यवहार आदिलशाहीविरुद्ध त्याच्या आक्रमणांना पाठींबा मिळवण्यासाठी केला होता. ह्या पत्रात औरंगजेबने शिवाजी राजा व शाहजी राजाला लिहीलेल्या पत्रांचाही उल्लेख आहे पण ती कुठलीच पत्रे आज उपलब्ध नाहीत. सन १६५७ मधे फेब्रुवारीच्या शेवटी किंवा मार्चच्या सुरवातीला शिवरायांचा वकील औरंगजेबला भेटला होता. शिवरायांनी उत्तरादाखल दिलेले पत्र आज उपलब्ध नाही पण १५ मार्च १६५७ ला औरंगजेब ने मुल्कफखानला लिहीलेल्या पत्रात ही घटना दिला आहे. त्यानंतर औरंगजेबने शिवरायांना एक निशाण पाठविले व शिवरायांनी त्यालाही उत्तर दिले. ही दोन्ही पत्र आज उपलब्ध नाहीत पण २३ एप्रिल १६५७ ला औरंगजेबने शिवरायांना लिहीलेल्या पत्रात त्यांचा उल्लेख आहे. ह्यातील शेवटच्या पत्राच्या एका आठवड्यानंतरच शिवरायांनी जुन्नर व अहमदनगर ही मुघलांची ठाणी लुटली. 🏇🚩🏇🚩🏇🚩🏇🚩🏇🚩 https://www.instagram.com/the_great_maratha_warriors/ #🗿शिवकालीन पुराणवस्तू #🚩छत्रपती संभाजी महाराज स्टेटस🙏 #🚩शिवराय #📜इतिहास शिवरायांचा #🙏शिवदिनविशेष📜 https://wa.me/message/Y2WBK2HSVXL5I1 शिव दिनविशेष Video Link🔗 https://youtu.be/FkAgPIUOsso 📜 २२ डिसेंबर इ.स.१६५७ जावळीच्या दत्तक प्रकरणी मजहर जावळीच्या संस्थानची स्थापना करण्याऱ्या मूळ व्यक्तीचे नाव 'चंद्रराव' असे होते. या चंद्ररावला ६ मुले होती. त्यापैकी थोरल्या मुलाला त्याने स्वत:जवळ ठेवले आणि इतरांना जावळीतील निरनिराळ्या जागा नेमून दिल्या. थोरल्या शाखेत चंद्रारावापासून पुढील ८ पिढ्या झाल्या. चंद्रराव - चयाजी - भिकाजी - शोदाजी - येसाजी - गोंदाजी - बाळाजी - दौलतराव. जावळीचा हा प्रत्येक शाखापुरुष किताब म्हणून चंद्रराव हे नाव धारण करू लागला. या शाखेतला आठवा पुरुष दौलतराव निपुत्रिक होता, म्हणून त्याची आई माणकाई हिने कृष्णाजी बाजी यास दत्तक घेतले आणि जावळीच्या गादीवर बसवले. वास्तविक दत्तक घेतलेल्या चंद्ररावाचे नाव 'येसाजी' होते हे २२ डिसेंबर १६५७ सालच्या एका महजरावरून दिसून येते. महजरातील या उल्लेखाचा शिवभारत व मोऱ्यांची बखर याच्याशी मेळ घातला की , कृष्णाजी व बाजी हे त्याचे मुलगे होते असे अनुमान निघते. या दत्तक प्रकरणा दरम्यान काही कारणास्तव आदिलशाहीकडून मदत न घेता माणकाईने शिवाजी महाराजांना मदतीसाठी बोलावले. 🏇🚩🏇🚩🏇🚩🏇🚩🏇🚩 📜 २२ डिसेंबर इ.स.१६८३ व्यापाराच्या निमित्ताने भारतात आलेल्या पोर्तुगीजानी सण १५८० पर्यंत भारतातील बराच भूभाग आपल्या ताब्यात आणला.शंभुराजेंच्या काळात मराठे आणि पोर्तुगीजामध्ये अंजदीव बेटाच्या मालकीवरून सुरू झालेला वाद पुढे पोर्तुगीजानी मुघल आरमाराला केलेल्या मदतीने आणखीनच चिघळला.त्यामुळे शंभुराजेंनी पोर्तुगीजांच्या ताब्यातील उत्तर कोकण भागा बरोबरच दक्षिण कोकणातील साष्ट व बारदेशवरही हल्ला केला.स्वतः शंभुराजेंच्या नेतृत्वाखाली झालेल्या या लढाईत मराठ्यांनी एका महिन्यात साष्ट व बारदेश लुटून आणि जाळून फस्त करत इतर लुटीसोबत त्यांच्या ४६ तोफाही आपल्या ताब्यात घेतल्या.मोगल आपल्या मदतीस येतील या आशेवर असलेला पोर्तुगीज व्हाइसरॉय मराठ्यांना इतका घाबरला की त्याने आपली राजधानी पणजीहून हलवण्याची तयारी सुरू केली.पण शहजादा शहाआलम पोर्तुगीजांच्या मदतीस आल्याने शंभुराजेंना त्यांच्यासोबत तह करणे भाग पडले.याबाबत सुरतकर कारवारकर इंग्रजांना लिहितात,'बहुतेक पोर्तुगीज व राजे यांचा तह होऊन तुमच्याकडील भागात पुन्हा शांतता नांदू लागली असेलच.इकडे बातमी होती की तहाच्या वाटाघाटी चालू आहेत. 🏇🚩🏇🚩🏇🚩🏇🚩🏇🚩 📜 २२ डिसेंबर इ.स.१६९९ २२ डिसेंबर रोजी विठोबा बाबर ह्यांना राजाराम महाराजांनी एक पत्र लिहिलं ज्यात त्यांच्या कमालीच्या उंचावलेल्या मनस्थितीचं दर्शन घडतं. त्या पत्रात राजाराम महाराज म्हणतात, " आम्ही सिंहगडावर पोचलो आहोत, आणि बादशहाच्या सैन्याचा पाडाव करण्यासाठी आपल्या सर्व शक्तीनिशी पुढे निघणार आहोत. सेनापती धनाजी, नेमाजी शिंदे, परसोजी भोसले आणि इतर पुढार्यांनी ब्रह्मपुरी येथे तळ देऊन असलेल्या बादशहाच्या छावणीवर भयंकर हल्ला केला, त्यांनी बादशहाच्या मुलीला व इतर अनेक प्रमुख कुटुंबियांना पकडून ताब्यात घेतले आहे. त्यानंतर त्यांनी, दहा हजार बैलांचा एक तांडा पडकला. या बैलांवरून बादशाही सैन्याला रसद पुरवली जात होती. हे सैन्य सातार्याकडे निघाले आहे. गनिमाचे धैर्य गळाले आहे. त्यामुळे या सैन्याचा सातार्यावर काहीही परिणाम होणार नाही. आम्हाला आता या बादशहाच्या सामर्थ्याची दखल घेण्याची गरज वाटत नाही. ईश्वरकृपे आम्ही त्याला पार उखडून टाकू." ह्यानंतर लगेच राजाराम महाराजांच्या नेतृत्वाखाली मराठयांनी बादशाही छावणीवर हल्ला केला. 🏇🚩🏇🚩🏇🚩🏇🚩🏇🚩 📜 २२ डिसेंबर इ.स.१७४० संभाजी आंग्रे यांनी मुंबईवर हल्ला करण्यापूर्वी विजयदुर्गावर आपणच चढाई करावी असे ठरवून इंग्रजांनी कमांडर जॉर्ज बग्वेल याला विक्टरी, किंग जॉर्ज, प्रिन्सेस क्लोरीन आणि रेसोल्युशन ही जहाजे आणि तीन गलबते याशिवाय वाटण्यासाठी दोन हजार रुपये देऊन विजयदुर्गावर हल्ला करण्यासाठी पाठवले. आंग्र्यांचे आरमार बुडवणे याचा विचार करणे आणि तो प्रत्यक्षात आणणे यात खूप फरक होता. इंग्रजांना आदल्या रात्री आंग्र्यांचे आरमार विजयदुर्गाच्या हद्दीत दिसले तर दुसऱ्या दिवशी त्यातील एक जहाज दिसले आणि बाकीचे आरमार कधी आणि कुठे गेले याचा पत्ता इंग्रजांना लागला नाही. सिद्धी ला विचारले तर त्याने आरमार दाभोळला आहे असे सांगितले. इंग्रजी आरमार तेथे पोहोचले तर आंग्रे यांचे आरमार कारवारला गेल्याचे समजले. या पळापळीत इंग्रजाच्या आरमाराची पुरती दमछाक झाली. शेवटी अन्न आणि पाणी संपल्यावर सिद्धी पुढे इंग्रजांना हात पसरावे लागले. यानंतर इंग्रजांचे आरमार पुन्हा मुंबईला कुठल्याही प्रकारची लढाई न करता परतले. इंग्रजांचा विजयदुर्ग किल्ल्यावरील हल्ला फसला ती तारीख होती २२ डिसेंबर १७४०. 🏇🚩🏇🚩🏇🚩🏇🚩🏇🚩 YouTube चैनल वर हि video स्वरूपात शिवदिनविशेष पाहू शकता खालील लिंक वर👇 https://youtube.com/c/thegreatmarathawarriors . . . 👉अतिशय महत्त्वाचे : सर्व शिवप्रेमींना विनंती आहे या पोस्ट मध्ये कोणीही आपली स्वताची प्रसिध्दी करु नये. 🏇🚩🏇🚩🏇🚩🏇🚩🏇 ✍ लेखन / माहिती संकलन : राहूल बोरसे पाटील. शिवकालीन दिनविशेष व इतिहासावरील दर्जेदार माहिती https://www.facebook.com/TheGreatMarathaWarriorss/ 🏇🚩🏇🚩🏇🚩🏇 🚩🏇 ☀🚩⚔️|| हर हर महादेव, जय श्रीराम || || जय भवानी, जय शिवाजी.||⚔️🚩☀