#🖋 എൻ്റെ കവിതകൾ🧾 #📋 കവിതകള്‍ #📝 ഞാൻ എഴുതിയ വരികൾ #❤️ പ്രണയ കവിതകൾ #😥 വിരഹം കവിതകൾ തേങ്ങലുകൾ **************** എന്തിനെന്നറിയാതെ ഉള്ളിലെവിടെയോ ഒരു വിങ്ങലായ്, വിവശമായൊരു തേങ്ങലായ്.. ചുറ്റിവരിഞ്ഞൊരു നോവായ് ഒന്നല്ല, ഒരായിരം പേർ..? ആരെന്നോ, എന്തെന്നോ ചോദ്യത്തിനുത്തരം കിട്ടാതെ, പേടിച്ചരണ്ടു നിലവിളിക്കും നേരം തൊണ്ട കുരുക്കിൽ തൂങ്ങിയാടുന്നു, ഇത്ര കാതങ്ങളോളം എഴുതാതെ മരവിച്ച ഒരു കൂട്ടം സൃഷ്ടിയുടെ തേങ്ങലുകൾ.. ഇല്ലാ, എനിക്കിനി എഴുതുവാൻ വയ്യാ.. ചിന്തകളിൽ ചൊരിഞ്ഞൊരു നാളവും കെട്ടുപോയ്‌ ക്ലാവു പിടിച്ചൊരെൻ മനസ്സും മടുത്തുപോയ്‌ പിന്നെയും പിന്നെയും പരിതപിച്ചു പതം ചൊല്ലിടുമ്പോൾ.. പിന്നിൽ നിന്നാരോ തള്ളിടുന്നെന്നെ ഓർമ്മകൾ കൊണ്ട് ഉറവ വറ്റാത്തൊരു ഗർത്തത്തിലേക്ക്..! **************** നിത്യാ മോഹൻ (നിത്യവസന്തം)