💜ഹൃദയത്തിൽ സൂക്ഷിക്കാൻ 💜 പാർട്ട്‌ -21 വെറുതെ ഇരുന്നപ്പോ നേഹയെ വിളിക്കാൻ തോന്നി ഫോൺ എടുത്തു അവളെ വിളിച്ചു. ആദ്യം എടുത്തപ്പോൾ തന്നെ പെണ്ണിന്റെ വായിൽ  ഇരിക്കുന്നത് ഒക്കെ കേട്ട്.. എവിടെ ആണെന്നും വിളിക്കാഞ്ഞത് എന്താണെന്നും ഒക്കെ ആയി പിന്നീട് അങ്ങോട്ട്... ഞാൻ ചെയ്യ്തു കൂട്ടിയത് ഒന്നും അവളോട്‌ പറയാൻ തോന്നി ഇല്ല... എന്തിനാ വെറുതെ അവളെ കൂടി എല്ലാം അറിയിച്ചിട്ടു.. ഇനി പറയണം എന്ന് തോന്നിയാൽ കോളേജിൽ ചെന്നിട്ട് ആവാം...       മുത്തശ്ശിയെ കുറിച്ച് ഓർത്തതും അവൾക്ക് സങ്കടം വന്നു പോയി.... തനിക്ക് ഇനി ഈ ലോകത്ത് സ്വന്തം എന്ന് പറയാൻ ആരാ ഉള്ളത്... പോയില്ലേ എന്നെ തനിച്ചു ആക്കിട്ടു.... പാറു ഒറ്റക്കാണ്....    ഫോണിൽ കുറച്ചു നേരം ഗെയിം കളിച്ചും ഉറങ്ങിയും നേരം വൈകി.... എണീറ്റപ്പോ സന്ധ്യ ആയി  ഓടി പോയി മേലൊന്നു കഴുകി... ഹാളിലേക്ക് ചെന്നപ്പോൾ വിളക്കും ഇരിപ്പോണ്ട്... എല്ലായിടവും തൂത്തിട്ട് വിളക്ക് കഴുകി തുടച്ചു......ഉമ്മറത്ത് കത്തിച്ചു വെച്ചു.. ചെറുതായി മഴയും പൊടിച്ചു തുടങ്ങി.. വിളക്ക് കത്തിച്ചു അവിടെ തന്നെ ഇരുന്നു ആലോചിച്ചു കൂട്ടുമ്പോൾ പുറത്ത് മഴ പെയ്യുന്നത് ഒന്നുമേ കണ്ടില്ല... അത്രക്ക് ആലോചന ആയിരുന്നു....വീടിനു മുന്നിൽ ഷീറ്റ് ഇട്ടിട്ടുണ്ട്.. കാർ ഉം ബുള്ളറ്റ് ഉം ഒക്കെ കയറ്റി ഇടാൻ.. അതു കൊണ്ട് തന്നെ എറിച്ചിൽ വെള്ളം ഒട്ടു അടിച്ചതുമില്ല.    ഒരാൾ ഓടി കയറി അകത്തേക്ക് വന്നു...... എന്റെ ഇരിപ്പ് കണ്ടിട്ട് ആവണം... കയ്യിൽ ഉള്ള വെള്ളം തനിക്ക് നേരെ ഒന്ന് കുടഞ്ഞു....           അകത്തെങ്ങാനം കയറി പൊടി.....ദിവാസ്വപ്നവും കണ്ട് ഇരിക്കാതെ.... അപ്പോളാണ് അവൾ പുറത്തേക്ക് നോക്കിയത് പോലും മഴ.. അവൾ ഞെട്ടി എണീറ്റു അവന് മുന്നിൽ നിന്ന്.... നിനക്ക് ഇത് വരെ ആയിട്ടും ഇത് ഊരി മാറ്റാറായില്ലേ.....അവനിൽ നിന്നും വന്ന ചോദ്യം കേട്ട് അവളൊന്നും ഞെട്ടി... ഇയ്യോ തുണി... അവനെയും തള്ളി മാറ്റിയവൾ അടുക്കളയിലേക്ക് ഓടി.. അടുക്കള കതക് തുറന്നു വെളിയിലേക്ക് ഇറങ്ങി ഓടി.. മഴയാണെന്നോ ഇട്ടിരുന്നത് കൂടി നനയുമെന്നോ അവൾ ഓർത്തില്ല...... അയയിൽ വിരിച്ചിരുന്ന തുണി മുഴുവനും നനഞ്ഞിരുന്നു.. അവൾക്കു എന്തോ സങ്കടം തോന്നി പോയി..... ആ തുണിയും നോക്കി അവൾ വിതുമ്പി.... അതെല്ലാം വലിച്ചെടുത്തു കൊണ്ട് അടുക്കളയോട് ചേർന്ന് ഷീറ്റ് ഇട്ടിരിക്കുന്നിടത് കൊണ്ട് വിരിച്ചു......    . കുളിക്കാൻ തോർത്തും എടുത്തു വന്നവൻ ഇതൊക്കെ കാണുന്നുണ്ടായിരുന്നു..... നനഞ്ഞു വിറച്ചു അകത്തേക്ക് കയറാതെ അവളാ തിണ്ണയിൽ  ഇരുന്നു... ഇനി കയറിയട്ടു വേണം അടുത്ത വഴക്കിന്... മുഖം പൊത്തി അവൾ കരഞ്ഞു പോയി... അച്ഛനും അമ്മയും ഇല്ലാത്തവരുടെ അവസ്ഥ ഇതൊക്കെ തന്നെ ആണെന്ന്...     കുളിച്ചിട്ട് ഇറങ്ങി വന്നവൻ കാണുന്നതും തണുത്ത് വിറച്ച് ഇരിക്കുന്ന അവളെ ആണ്... ഓരോ അടവും കൊണ്ട് ഇരിക്കുവാ.. അഹങ്കാരി... അവളെ മൈൻഡ് ചെയ്യാതെ അവൻ അകത്തേക്ക് കയറി പോയി...      Tv ഓൺ ചെയ്യ്തു ഇന്ദ്രൻ അത് കണ്ടോണ്ട് ഇരുന്നു.... പുറത്ത് മഴയുടെ ശക്തിയും കൂടി വന്നു.. ഇടി യും മിന്നലും കൂടി ആയതും അവന് ദേഷ്യം വന്നു കസേര യിൽ നിന്ന് എണീറ്റു.... ഇരുട്ടത്ത് ഒരുമൂലയിൽ ആയി അവൾ ഇരിപ്പോണ്ട്.. തലമുടിയിൽ നിന്നും വെള്ളം ഇറ്റിറ്റു വീഴുന്നുണ്ട്... നല്ലത് പോലെ അവൾ നനഞ്ഞു....... ഡി.... നിന്റെ ചെവി പൊട്ടിയതാണോ ആണോ.. ഈ ഇടിയും മഴയും പെയ്യുന്നത് നി കാണുന്നില്ലേ അകത്തു കയറി പോകാൻ നോക്ക്..... അവൾ ഇല്ലന്ന് തലയാട്ടി... ഇതിനു ശെരിക്കും വട്ടാണോ... അതൊ വട്ടാണെന്ന് അഭിനയിക്കുവാണോ... എന്ത് ജന്മം ആണോ... അവൻ കൈ നെറ്റിയിൽ താങ്ങി നിന്ന് പോയി.. ശെരി ഞാൻ വഴക്ക് പറയില്ല നി അകത്തു കയറി പൊ.. ചെല്ല്... ഇല്ല ഇന്ദ്രേട്ടാ.. എന്റെ തുണി മുഴുവൻ നനഞ്ഞതാ.. വേറെ ഇടാൻ എനിക്ക് ഇല്ല... അകത്തു വന്നാൽ മുഴുവൻ  വെള്ളവാകും തറയിൽ ഒക്കെ.. സാരമില്ല ഞാൻ ഉണങ്ങിയിട്ടു കയറിക്കോളാം.... അഹ് എന്നാൽ മോൾ ഇവിടെ തന്നെ ഇരുന്നോ.... അത്രയും പറഞ്ഞു വീണ്ടും അവൻ അകത്തേക്ക് കയറി.. മുറിയിലേക്ക് കയറിയ അവൻ ബെഡിൽ ചെന്നു കിടന്നു.. ഫോണിൽ തൊണ്ടിക്കൊണ്ട് ഇരുന്നു... പുറത്ത് അവൾ ആണേൽ കോച്ചുന്ന തണുപ്പിലും  ഇരുന്നു.... ഇന്ദ്രൻ ഫോൺ എടുത്തു അനൂപിനെ വിളിച്ചു.. അവനാണെൽ എടുക്കുന്നുമില്ല... ഒടുക്കം പേഴ്സും ഫോണും കാറിന്റെ ചാവിയും എടുത്തു വെളിയിലേക്ക് ഇറങ്ങി..മഴ തകർത്ത് പെയ്യുവാണ്....        ഇന്ദ്രന്റെ കാർ ആ വീടും കഴിഞ്ഞു പോകുന്നത് അവൾ കണ്ടു.. എന്തോ ഉള്ളിലേക്ക് കയറി പോകാൻ അവൾക്ക് തോന്നി ഇല്ല... അതെ ഇരുപ്പ് അങ്ങനെ ഇരുന്നു.. സമയം കടന്ന് പോയി........ അവൾക്ക് തണുപ്പ് നല്ലത് പോലെ ദേഹത്തു അടിക്കുന്നുണ്ടായിരുന്നു... വല്ലാതെ വിറക്കുന്നും ഉണ്ട്... പണ്ടായാലും ഇപ്പോൾ ആയാലും അങ്ങനെ ആണ്.. മഴയും തണുപ്പും എവിടെ എങ്കിലും കൂടെ പോയാൽ മതി പിന്നെ അങ്ങോട്ട്‌ പനി ആണ്..അവിടേക്കു തന്നെ അവൾ കിടന്നു.....          ഇന്ദ്രൻ തിരിച്ചു വന്നത് അവൾ അറിഞ്ഞു.. കാറിന്റെ സൗണ്ട് കെട്ട്.. കുറച്ചു കഴിഞ്ഞതും അടുക്കള ഭാഗത്തെ ലൈറ്റ് ഓൺ ആയി.... ഒരു നിഴൽ തന്റെ അടുത്ത് വന്നു നിൽക്കുന്നുണ്ടന്നും അവൾ അറിഞ്ഞു പക്ഷെ കണ്ണ് തുറക്കാൻ വയ്യ.. നല്ല തലവേദന..... ഡീ.. ഇന്ദ്രൻ അവളെ തട്ടി വിളിച്ചു... എടി എണീക്ക്....അകത്തേക്ക് വാ.... വേണ്ട.. ഡ്രെസ്സ് ഉണങ്ങിയിട്ടു വരാം..അവൾ കണ്ണടച്ച് കൊണ്ട് തന്നെ മറുപടി കൊടുത്തു.. സാരമില്ല.. നി അകത്തേക്ക് കയറി പൊ.. ഞാൻ നിനക്കുള്ള ഡ്രെസ്സ് വാങ്ങിക്കൊണ്ട് വന്നിട്ടുണ്ട്. അവൾ ഞെട്ടി കണ്ണൊന്നു തുറന്നു.. ശെരിക്കും എനിക്ക് ഉള്ള ഡ്രെസ്സ് വാങ്ങിക്കൊണ്ട് വന്നോ... ഹ്മ്മ്... വന്നു.അകത്തേക്ക് വാ... പെട്ടെന്ന് അവൾ അവന്റെ കയ്യിൽ അമർത്തി പിടിച്ചു കൊണ്ട് എണീറ്റു.. ആടി തൂങ്ങി അകത്തേക്ക് കയറി.... ഇന്ദ്രൻ പോയി അവർക്കുള്ള ഡ്രസ്സ്‌ കൊണ്ട് വന്നു.. അതിൽ തന്നെ തോർത്തും ബ്രേഷും ഒക്കെ ഉണ്ടായിരുന്നു.... അവൾ ടേബിളിലെക്ക് നോക്കി.. പലചരക്കു സാധനങ്ങളും ഫുഡും അവൻ മേടിച്ചിരുന്നു.. വേഗന്ന് പോയി അവൾ ഡ്രെസ്സ് മാറി വന്നു... നനഞ്ഞ മുടി തോർത്തി കെട്ടി വെച്ചു... അവൾ അവന്റെ അടുത്തേക്ക് വന്നു... ഫോണിൽ തോണ്ടി ഇരുന്നവൻ അവളെ ഒന്ന് നോക്കി.... 3 ഫോർത്തും ബനിയനും ആണ് വേഷം... അതികം നീളമില്ലാത്തത് കൊണ്ട് വീട്ടിൽ ഇടാൻ ഇങ്ങനേ ഉള്ളത് മതി എന്ന് അവന് തോന്നി.. താങ്ക്സ്... അഹ് വരവ് വെച്ചേക്കുന്നു.... അത്രയും പറഞ്ഞു അവൻ വീണ്ടും ഫോണിൽ തോണ്ടി... വേറെ പണി ഒന്നും ഇല്ലാതെ വീണ്ടും താളം ചവിട്ടി നിൽക്കുവാണവൾ... വിശക്കുന്നുണ്ടങ്കിൽ പോയി എടുത്ത് കഴിക്ക്... അപ്പൊ ഏട്ടനോ... കഴിക്കുന്നില്ലേ.. എന്നെ ഊട്ടിയും ഉറക്കിയും നീ കഷ്ടപെടണ്ട.. വേണേ പോയി വല്ലതും കഴിച്ചിട്ട് ഉറങ്ങാൻ നോക്ക്...    പിന്നെ ചോദിക്കനോ പറയാനോ നിൽക്കാതെ വേഗം അവൾക്കുള്ളത് എടുത്തു ഒരു പത്രത്തിൽ ആക്കി കഴിക്കാൻ തുടങ്ങി.. അവൻ അവളെ നോക്കി.... ആ ഇരുപ്പും കഴിപ്പും കണ്ടാലേ അറിയാം പക്വത അടുത്ത്  കൂടി പോലും പോയിട്ടില്ലന്ന് ഇവളാണോ എന്നെ കല്യാണം കഴിക്കണോന്നു പറഞ്ഞു വന്നത്    അല്ല വൈഷ്ണവി... മിനഞ്ഞാന്ന് രാത്രിയിൽ നിന്നെ ഇവിടെ കൊണ്ട് വിട്ടത് ആരാണെന്ന നീ പറഞ്ഞത്.... പൊറോട്ട കഷ്ണം വായിലേക്ക് കുത്തി കയറ്റുമ്പോൾ ആണ് ആ ചോദ്യം... അവൾ അതൊന്നു ഇറക്കി കൊണ്ട് അത് ഉണ്ടല്ലോ ഇന്ദ്രേട്ടാ.... പെട്ടെന്ന് തലയിൽ ബൾബ് മിന്നി ഇന്ദ്രനോട് താൻ അങ്ങനെ ഒന്നും പറഞ്ഞില്ലല്ലോ.. പിന്നെ ഇപ്പൊ എന്തിനാ അങ്ങനെ ചോദിച്ചത്... അവൾ ഇന്ദ്രനെ നോക്കിയപ്പോൾ അവളെ തന്നെ നോക്കി ഇരിക്കുവാണ് അവൻ.. ആ മുഖം ദേഷ്യത്താൽ ചുമന്നിട്ടുണ്ട്... അവൾ വേഗം ഇരുന്നിടത് നിന്നും എണീറ്റ് അടുക്കളയിലേക്ക് ഓടി.. ഇന്ദ്രേട്ടൻ എല്ലാം അറിഞ്ഞു കൊണ്ടാണോ അതോ സംശയം തീർത്തത് ആണോ... ഒന്നും അറിയില്ല.. പേടി ആവുന്നു..... . പാത്രം കഴുകി വെച്ചു  തിരിഞ്ഞപ്പോൾ വാതിക്കൽ ഇന്ദ്രൻ നിൽക്കുന്നു.... അവളൊന്നു ചിരിക്കാൻ ശ്രെമിച്ചു.... പിന്നെ ഹാളിലേക്ക് നടക്കാനായി പോയി... എന്നാൽ അതിന് മുൻപ് ഇന്ദ്രൻ അവളുടെ കൈ പിടിച്ചു വലിച്ചു ഭിത്തിയോട് ചേർത്തിരുന്നു....   എല്ലാവരും കൂടി ചേർന്ന് പറ്റിക്കുവായിരുന്നു അല്ലേടി    പുല്ലേ........ അവന്റെ അലർച്ചയിൽ അവൾ പേടിച്ചു പോയി.... ഇരുട്ട് പേടിയായ അവൾ ഒറ്റക്ക് ഇവിടെ വരെ വന്നു എന്ന് ഇന്നലെ രാത്രിയിൽ നീ പറഞ്ഞപ്പോഴേ എനിക്ക് ഡൌട്ട് അടിച്ചതാ...     ഇന്ദ്രേട്ടാ അത്..... മതി ഇനി എനിക്ക് ഒന്നും അറിയണ്ട.. വന്നതൊക്കെ വന്നു... ഇനി എന്റെ ജീവിതത്തിൽ നിന്ന് എത്രയും വേഗം പെട്ടിയും കിടക്കായുമെടുത്തു ഒന്ന് പോയി തന്നാൽ മതി....    സ്നേഹിച്ചവർ ഒക്കെ ഇന്ദ്രനെ ചതിച്ചട്ടെ   ഉള്ളൂ.... ഇനി നിന്നെ കൂടി അതിൽ കൂട്ടാൻ വയ്യ... അതും പറഞ്ഞവൻ ഹാളിലേക്ക് പോയി...   ശോ.... എല്ലാം അങ്ങ് തുറന്നു പറഞ്ഞാൽ മതി ആയിരുന്നു ഇത് ഇപ്പൊ...അവൾ റൂമിൽ കയറി ഇന്ദ്രന് എല്ലാം അറിയാം എന്ന് പറഞ്ഞു അപ്പൂന് മെസ്സേജ് ഇട്ടു.. ഫോൺ ഓഫാക്കി വെച്ചു... കിടക്കാൻ സമയം ആയതും പതുങ്ങി പതുങ്ങി അവൾ വാതിലിനു അടുത്തെത്തി.. ഇന്നലെ കിടന്നോളാൻ പറഞ്ഞത് അല്ലെ പിന്നെ എന്തിനാ പേടിക്കുന്നത്.. അവൾ ഉള്ളിലേക്ക് കയറി... ഇന്ദ്രൻ ബെഡിൽ കിടന്നു അവളെ നോക്കി... ആ മുഖത്തു ദേഷ്യം ആണ്.. എങ്കിലും അവൻ ഒന്നും പറയാൻ പോയില്ല... പായ എടുത്തു വിരിച്ചു അവൾ അതിലേക്ക് കിടന്നു ...ഇന്ദ്രൻ രാവിലെ അവളെ കൊണ്ട് എടുത്തു മാറ്റിപ്പിച്ച പുതപ്പും തലയിണയും അവൾ കൊണ്ട് വന്നു.... വലിയ ബെഡ് ആണ്.. ദുഷ്ടൻ അതിൽ ഒന്ന് കിടത്തത്തില്ല...എന്റെ കഴുത്തിൽ താലി 3 കെട്ട് കെട്ടി ഇല്ലങ്കിലും   ഒരു കെട്ട് കെട്ടി ഇല്ലേ...ഞാൻ അങ്ങേരുടെ ഹാഫ് വൈഫ്‌ അല്ലെ...        തണുത്തിട്ട് അവൾക്ക് വയ്യ... സമയം പാതിരാത്രി ആയി.....അവൾ തറയിൽ എണീറ്റിരുന്നു... പനി പിടിച്ചു കിടന്നാലും ഇങ്ങേരു എടുത്തു ബെഡിൽ കിടത്തുമെന്നു   സ്വപ്നത്തിൽ പോലും കരുതണ്ട.... അതെ ഇരുപ്പിൽ അവൾ ബെഡിലേക്ക് ഒന്ന് നോക്കി... ഇന്ന് കട്ടിലിൽ മൊത്തം കവിഞ്ഞല്ല കിടക്കുന്നത്.. അങ്ങേ അറ്റത്ത് ആണ്.... ഈ അറ്റത്ത് ഞാൻ ഒന്ന് കിടന്നു എന്ന് കരുതി  പുള്ളി അറിയാൻ ഒന്നും പോകുന്നില്ല.....      ഇനി അറിഞ്ഞാൽ തന്നെ ഉറക്കത്തിൽ വന്നു കിടന്നത് ആണെന്ന് പറഞ്ഞു തടി തപ്പാം..... അല്ലേലും എന്റെ തല നിറയെ ഐഡിയ ആണല്ലോ.....      അവൾ കട്ടിലിനു അടിയിൽ കൂടി ഉരുണ്ട് അപ്പുറത്തെ വശത്തേക്ക് എത്തി.... വലതു കാൽ ഒന്ന് നീട്ടി നല്ലത് പോലെ കൊലുസ് ഇട്ടോന്ന് ആട്ടി... ഉണർന്ന് കിടക്കുവാണേൽ അറിയാമല്ലോ... പിന്നെ കുപ്പി വള കിടന്ന കയ്യൊന്നു ഇളക്കി.... നെഞ്ചിൽ കയ്യൊന്നു വെച്ചു ശ്വാസം ആഞ്ഞു വലിച്ചു കൊണ്ട് വീണ്ടും ഉരുണ്ട് അവൾ ഇപ്പുറത്തു വന്നു.....     നല്ല ഉറക്കമാ..... അവൾ വാ പൊത്തി ചിരിച്ചു.... പതിയെ തറയിൽ നിന്നും എണീറ്റു... ബെഡിന് മേലെ ഇരിക്കാൻ പാവിച്ചു..... വൈഷ്ണവി..... അവൾ ചുറ്റിനും ഒന്ന് നോക്കി... പിന്നെ ഇന്ദ്രനിലേക്കും... വൈഷ്ണവി എന്ന് തന്നെ അല്ലെ വിളിച്ചത്.. അതോ തനിക്കു തോന്നിയത് ആണോ... ഏയ് അങ്ങനെ വരാൻ വഴി ഇല്ലല്ലോ... വീണ്ടും അവൾ ബെഡിലേക്ക് ഇരിക്കാൻ പാവിച്ചു... എന്റെ കട്ടിലിൽ കിടന്നാൽ നിന്റെ മുട്ടുകാല് ഞാൻ തല്ലി ഓടി ഓടിക്കും...അവൾക്ക് നേരെ തിരിഞ്ഞു കൊണ്ട് അവൻ പറഞ്ഞു.. ഇല്ല... ഞാൻ കിടക്കുന്നില്ല...... ഞാൻ ചുമ്മാ ബെഡിൽ തണുപ്പ് ഉണ്ടോന്നു അറിയാൻ... അല്ലാതെ സത്യമായിട്ടും കിടക്കാനൊന്നും അല്ല.. അഹ് അത് കൊണ്ട പറഞ്ഞത്(ഇന്ദ്രൻ ) ഇനി നീ ബെഡിൽ കയറി കിടക്കാൻ നോക്കിയാൽ ഞാൻ അപ്പുറത്തെ റൂമിൽ പോയി കിടക്കും.. പിന്നെ ഇതിൽ നീ ഒറ്റയ്ക്ക് കിടക്കേണ്ടി വരും.. പറഞ്ഞില്ലാന്നു വേണ്ട... തണുത്തിട്ടാ ഏട്ടാ.. ആ മഴ മൊത്തം ഞാൻ നനഞ്ഞില്ലേ... പ്ലീസ്.. ഇന്നൊരു ദിവസത്തേക്ക്... എടി... നിനക്ക് കുറച്ചെങ്കിലും പേടിയും നാണവും ഇല്ലേ.. ഞാൻ അന്യ ഒരുത്തൻ അല്ലെ... രണ്ടു ദിവസം കൊണ്ട് എന്റെ കൂടെ കയറി കിടക്കുവാണെന്ന് വെച്ചാൽ എന്തുവാ.. നിനക്ക് സ്വായമേ  ഒരു വില ഇല്ലേ.. അതിന് ചേട്ടൻ എന്റെ കഴുത്തിൽ താലി കെട്ടി ഇല്ലേ.. അപ്പോ ഞാൻ ഈ കട്ടിലിൽ കിടന്നത് കൊണ്ട് എന്തുവാ പ്രശ്നം.. അവളുടെ ചോദ്യം കെട്ട് അവൻ തലയിൽ കൈ വെച്ചു പോയി.. കൊച്ചേ.. ഒന്നങ്കിൽ നീ അടുത്ത റൂമിൽ പോയി അവിടെ ചെന്നു കിടക്കാൻ നോക്ക്... അതുമല്ലങ്കിൽ താഴെ കിടക്കാൻ നോക്ക്.. ബെഡിൽ എന്തായാലും വേണ്ട..     പിന്നെയും ആങ്ങിയും തൂങ്ങിയും നിൽക്കുന്നവളെ കണ്ടതും ബെഡിൽ കിടന്നോളാൻ അവൻ പറഞ്ഞു... കിടക്കുന്നത് കൊള്ളാം പക്ഷെ എന്റെ ദേഹത്തു മുട്ടാനോ... കെട്ടി പിടിച്ചു കിടക്കാനോ വന്നാൽ ഉണ്ടല്ലോ. ഒറ്റ ചവിട്ട് ഞാൻ തരും... മുട്ടില്ല.. സത്യായിട്ടും മുട്ടില്ല... അവൻ തറയിൽ നിന്ന് ഒരു തലയണ എടുത്തു അവർക്ക് നടുവിൽ വെച്ചു.. അവളേ സൂക്ഷിച്ചു ഒന്ന് നോക്കിക്കൊണ്ട്   അവനും കിടന്നു....    കുറച്ചു കഴിഞ്ഞതും അവന്റെ ബ്ലാങ്ക്റ്റ് ദേഹത്ത് നിന്നും പോകുന്നത് ഇന്ദ്രൻ അറിഞ്ഞു  കണ്ണ് തുറന്നു നോക്കുമ്പോൾ ഒരുത്തി ഉറക്കത്തിൽ തന്നെ വലിച്ചു കൊണ്ട് പോയതാണെന്ന് മനസിലായി... ഈശ്വരാ ഇതിനെ കൊണ്ട് വല്യ ശല്യം ആണല്ലോ.... അവൻ നോക്കുമ്പോൾ മുഖം മാത്രം കാണാൻ പറ്റുന്ന രീതിയിൽ പെണ്ണ് മൂടി കിടക്കുവാണ്.. വേറെ നിവർത്തി ഇല്ലാതെ അവൻ അലമാരയിൽ നിന്നും മറ്റൊന്ന് എടുത്തു ചൂടി... ഈ പോക്ക് ആണേൽ ഇവൾ ഈ വീടും കൂടി എഴുതിക്കൊണ്ട് പോകും.... ഒട്ടകത്തിന് സ്ഥലം കൊടുത്ത പോലെയാ അവസ്ഥ... ബ്ലാങ്കറ്റ് തലവഴി മൂടി അവൻ കിടന്നു.. ഇല്ലങ്കിൽ ഉള്ളത് കൂടി അവൾ വലിച്ചു കൊണ്ട് പോകും...... ( തുടരും) #നോവൽ #📙 നോവൽ #💞 പ്രണയകഥകൾ #📔 കഥ