ആംബുലൻസ്... (40) സബ് ഇൻസ്പെക്ടർ ഗോപിനാഥും സബ് ഇൻസ്പെക്ടർ ആനന്ദനും പരിസരം സസൂക്ഷ്മം പരിശോധിച്ചു. അഗാധ ഗർത്തത്തിലേക്കുളള ആഴം നിരീക്ഷിച്ചു. സബ് ഇൻസ്പെക്ടർ ഗോപിനാഥ്: "ആ പ്രഭാകരൻ്റെ അജ്ഞാത സന്ദേശമല്ലാതെ നമ്മുടെ പക്കൽ യാതൊരു തെളിവുമില്ല. നമുക്ക് solid evidence ലഭിക്കാതെ എന്താണ് സംഭവിച്ചതെന്ന് പറയുകയോ ഊഹിക്കയോ സാധ്യമല്ല... സബ് ഇൻസ്പെക്ടർ ബൽറാം കാണാതായി എന്ന് മാത്രം തല്ക്കാലം കരുതിയാൽ മതി. അദ്ദേഹത്തിൻ്റെ കുടുംബത്തോട് എന്ത് പറയുമെന്നാണ് ഇതുവരെ മനസ്സിലാകാത്തത്". പെട്ടെന്ന് ദൂരെ നിന്നും ഒരു ആംബുലൻസ് ഉച്ചത്തിൽ അപായ സൈറൺ മുഴക്കി പാഞ്ഞെത്തി സൈഡ് ഒതുക്കി നിർത്തി... അതിൽ നിന്നും ഡ്രൈവർ ചാടിയിറങ്ങി അവരുടെ അടുത്തേക്ക് വന്നു. "സർ...നിങ്ങൾ ഈ വളവിൽ നടന്ന അപകടമറിഞ്ഞോ?" "ഇല്ല...എന്തപകടം?" "ഒരു ആംബുലൻസ് ദാ...ഈ പൊയ്കയിലേക്ക് മറിഞ്ഞു..." "എന്നിട്ട് ആർക്കെങ്കിലും എന്തെങ്കിലും പററിയോ?" "അഗാധ ഗർത്തത്തിലേക്ക് മറിഞ്ഞാൽ എന്ത് പററാനാ സാറേ...അവരെ മൂന്ന് പേരേയും കാണാനില്ല..." " ആരൊക്കെയാ ആ മൂന്ന് പേർ?" " ഒന്ന് സബ് ഇൻസ്പെക്ടർ ബൽറാം... രണ്ട് ആ ആംബുലൻസ് ഡ്രൈവർ... മൂന്ന് അതിലുണ്ടായിരുന്ന Dead body..." " നിങ്ങൾക്ക് സബ് ഇൻസ്പെക്ടർ ബൽറാമിനെ എങ്ങനെ അറിയാം?" " അതൊക്കെ അറിയാം സാറേ...ഈ ചുരത്തിൽ നടക്കുന്ന ഓരോ അപകടങ്ങളിലും ആംബുലൻസുമായി ഓടി എത്തുന്നത് ഈ ഞാനാ... അല്ലാതെ ഒററ മനുഷ്യർ തിരിഞ്ഞു പോലും നോക്കില്ല..." "നിങ്ങളുടെ പേര്?" "പ്രഭാകരൻ..." (തുടരും) #📙 നോവൽ #📔 കഥ #🕵️‍♀️ കുറ്റാന്വേഷണ കഥകൾ #🧟 പ്രേതകഥകൾ!