ലൈല മജ്നു ❤️ Part 4 അമീൻ സർ ക്ലാസ്സിൽ നിന്ന് പുറത്തേക്ക് പോയതും ദിയയും അമ്മുവും ഐഷുവിനെ വളഞ്ഞു. അവരുടെ കണ്ണുകളിൽ ആ പഴയ കഥ അറിയാനുള്ള വെമ്പലായിരുന്നു. ദിയ: "ഐഷൂ... ഇനി നീ ഒന്ന് തെളിച്ചു പറ. ആ അമീൻ സാറിന്റെ ഇക്കയും നിന്റെ നിശ്ചയവും തമ്മിൽ എന്താ ഉണ്ടായേ? അൻവർക്കയ്ക്ക് എന്ത് പറ്റി?" ഐഷുവിന്റെ മുഖത്തെ ആ തന്റേടമൊക്കെ മാറി അവിടെ ഒരു വലിയ സങ്കടം നിഴലിച്ചു. അവളുടെ മിഴികൾ ഈറനണിഞ്ഞു. ഐഷു: (ഇടറിയ ശബ്ദത്തിൽ) "ഇല്ലടി... ആ നിശ്ചയം നടന്നില്ല. അതിന് മുൻപേ... അൻവർക്ക മരണപ്പെട്ടു." ദിയയും അമ്മുവും ഞെട്ടിപ്പോയി. ഐഷുവിന്റെ ശബ്ദം വിറയ്ക്കുന്നുണ്ടായിരുന്നു. ഐഷു: "അൻവർക്ക താമസിച്ചിരുന്ന ഫ്ലാറ്റിൽ നിന്ന് താഴേക്ക് വീണതാ. എങ്ങനെ വീണു എന്ന് ആർക്കും അറിയില്ല. മരിക്കാൻ മാത്രം ഒരു കാരണവും ആ പാവത്തിനില്ലായിരുന്നു. ഒരു തെളിവും അവിടുന്ന് കിട്ടിയില്ല. പോലീസും കൈമലർത്തി. ആ മരണം കേട്ട് എല്ലാവരും തകർന്നുപോയി. അമീൻക്കയുടെ ഫാമിലിയുമായി ഞങ്ങൾക്ക് ഇപ്പോഴും നല്ല അടുപ്പമാണ്, പക്ഷെ ആ സങ്കടം താങ്ങാൻ വയ്യാതെ ഞങ്ങൾ അങ്ങോട്ട് പോകാറില്ലായിരുന്നു. ആ മുഖങ്ങൾ കാണുമ്പോൾ പഴയതെല്ലാം ഓർമ്മ വരും. കുറെ കാലത്തിന് ശേഷമാ അമീൻക്കയെ ഇന്ന് കാണുന്നത്." അമ്മുവിനും ദിയയ്ക്കും ആ മറുപടി കേട്ട് വലിയ വിഷമമായി. ക്ലാസ്സ് മുറിയിൽ അല്പനേരം ഒരു വിങ്ങൽ പടർന്നു. മറുഭാഗത്ത്, ഹനുവും ആബിദും പാർക്കിങ്ങിൽ നിൽക്കുമ്പോഴാണ് സന അങ്ങോട്ടേക്ക് വരുന്നത്. തന്റെ അഹങ്കാരവും ആഢ്യത്വവും മുഖത്ത് വിരിയിച്ചു കൊണ്ടാണ് അവൾ വന്നത്. ആബിദ് ഐഷുവിനെ പറ്റി വീണ്ടും സംസാരിക്കാൻ തുടങ്ങി. ആബിദ്: "എടാ ഹനൂ... രാവിലെ നിനക്ക് മറുപടി തന്ന ആ പെൺകുട്ടി ഉണ്ടല്ലോ... അവൾ കാണാൻ എന്ത് സുന്ദരിയാടാ! സത്യം പറഞ്ഞാൽ നല്ല ഒന്നാന്തരം ലുക്കാ അവൾക്ക്." സന: (പുച്ഛത്തോടെ ഇടയ്ക്ക് കയറി) "എന്ത് സുന്ദരി? ആരെപ്പറ്റിയാ ഈ പറയുന്നത്? ആ നടന്നു പോയ പെണ്ണിനെപ്പറ്റിയാണോ? ഈ കോളേജിൽ എന്നെക്കാൾ വലിയ സുന്ദരി വേറെ ഉണ്ടെന്ന് എനിക്ക് തോന്നുന്നില്ല. പിന്നെ അവളുടെ കാര്യം, അതൊരു അഹങ്കാരി പെണ്ണാ. ഈ കോളേജിൽ ഞാൻ ആരാണെന്ന് അവൾക്ക് അറിയില്ലായിരിക്കും." ആബിദ്: "അഹങ്കാരമുണ്ടെങ്കിൽ അത് അവളുടെ കൂടെയുണ്ടല്ലോ സനാ. അവൾക്ക് അതിനുള്ള ലുക്കും ഉണ്ട്. ഈ കോളേജിലെ ഒരു തരംഗമായി അവൾ മാറും." ഹനു അതുവരെ ഒന്നും മിണ്ടാതെ നിൽക്കുകയായിരുന്നു. സനയുടെ അഹങ്കാരം നിറഞ്ഞ സംസാരം കണ്ടപ്പോൾ അവൻ്റെ ഗൗരവം കൂടി. ഹനു: "അവൻ പറഞ്ഞത് ശരിയാ സനാ. എനിക്ക് അവളെ ഇഷ്ടമൊന്നുമല്ല, പക്ഷെ അവളുടെ ആ ആറ്റിറ്റ്യൂഡ്... അത് എനിക്ക് ഇഷ്ടപ്പെട്ടു. ആരെയും കൂസാത്ത ആ ഒരു ബോൾഡ്നെസ്സ്, അത് എല്ലാവർക്കും കിട്ടില്ല. കാണാൻ നല്ല ചേലുള്ള കുട്ടിയാണെങ്കിലും വാ തുറന്നാൽ അവൾ പുലിയാണ്. വെറുതെ ഒരാളുടെ മുന്നിലും കുനിഞ്ഞു കൊടുക്കാത്ത ആ ഒരു സ്വഭാവം ഉണ്ടല്ലോ, അതൊരു ക്വാളിറ്റിയാണ്." സനയുടെ നിയന്ത്രണം വിട്ടു. ഈ കോളേജിലെ റാണിയായി സ്വയം കരുതുന്ന അവൾക്ക് മറ്റൊരു പെൺകുട്ടിയെ ഹനു പുകഴ്ത്തുന്നത് സഹിക്കാനായില്ല. സന: (ദേഷ്യത്തോടെ) "നിനക്ക് ഇപ്പോൾ അവളെ അത്രയ്ക്ക് വലിയ കാര്യമായോ ഹനൂ? ഈ കോളേജിൽ ഞാൻ പറയുന്നതാണ് അവസാന വാക്ക്. അവളെപ്പോലെ ഒരുത്തി വന്ന് എനിക്കിട്ട് പണി തരുമ്പോൾ നീ അത് നോക്കി നിന്ന് ചിരിക്കുകയാണോ? എന്നെ വഴക്ക് പറയാൻ നിനക്ക് ഇപ്പോൾ അവളൊരു കാരണമായല്ലേ?" ഹനു: (കടുപ്പത്തിൽ) "സപ്പോർട്ടിന്റെ കാര്യമല്ല സനാ! നീ രാവിലെ ചെയ്ത റാഗിങ്ങ് എത്ര മോശമാണെന്ന് നിനക്ക് ഇപ്പോഴും മനസ്സിലായിട്ടില്ല. നീ ചെയ്തത് തെറ്റാണ്, അവൾ ചെയ്തതാണ് ശരി. ആ സത്യം അംഗീകരിക്കാൻ നിനക്ക് പറ്റുന്നില്ലെങ്കിൽ അത് നിന്റെ കുഴപ്പമാണ്. നീ വെറുതെ ഇവിടെ റാണിയാണെന്ന ഷോ കാണിക്കാതെ അവളെപ്പോലെ കുറച്ച് മര്യാദയ്ക്കും ബോൾഡ് ആയും നടക്കാൻ നോക്ക്." സന: "അതൊക്കെ പോട്ടെ... ഇന്ന് ഡിന്നറിന് ഉപ്പ നിന്നെ വീട്ടിലേക്ക് വിളിച്ചിട്ടുണ്ട്. നീ വരണം. നിർബന്ധമാ." ഹനു: (മുഖത്ത് നോക്കി നൈസ് ആയിട്ട്) "ഇന്ന് എനിക്ക് വേറെ ചില പരിപാടികളുണ്ട് സനാ. ഉപ്പയോട് പറഞ്ഞേക്ക്, വേറെ ഒരിക്കൽ വരാമെന്ന്. ഞാൻ ഇറങ്ങുവാ." ഹനു ബൈക്ക് സ്റ്റാർട്ട് ചെയ്ത് പോയതും സന തന്റെ ഫ്രണ്ടിനോട് കലിപ്പ് തീർത്തു. സന: "കണ്ടില്ലേടി? അവൾ വന്നത് മുതൽ ഹനുവിന് അവളുടെ കാര്യമേ പറയാനുള്ളൂ. എന്നെ വഴക്ക് പറയാൻ അവനൊരു മടിയുമില്ല. ഈ കോളേജിലെ എല്ലാം ഞാനാണെന്ന് അവന് അറിയാത്തതല്ല. അവളുടെ അഹങ്കാരം ഞാൻ അടിച്ചൊതുക്കുന്നുണ്ട്. ആരാണാവോ അവൾ?" വൈകുന്നേരം ഐഷു വീട്ടിലെത്തി. ഇക്കയും ഉമ്മയും വരാന്തയിൽ ചായ കുടിച്ച് ഇരിക്കുകയായിരുന്നു. ഐഷു: "ഇക്കാ... ഇന്ന് കോളേജിൽ ഞാൻ അമീൻക്കയെ കണ്ടു. പുള്ളി അവിടെ പുതിയ ലെക്ചറർ ആയി ജോയിൻ ചെയ്തതാ." ഇക്ക: (സങ്കടത്തോടെ) "അമീനോ? അൻവറിന്റെ അനിയൻ അമീൻ തന്നെയാണോ? പാവം അവൻ... അൻവർ പോയതിൽ പിന്നെ നമ്മൾ അവരെ അധികം കണ്ടിട്ടില്ലല്ലോ. പഴയ കാര്യങ്ങൾ ആലോചിക്കുമ്പോൾ ഇപ്പോഴും ഉള്ളിൽ ഒരു വിങ്ങലാണ്. ആ കുടുംബം ആ സങ്കടത്തിൽ നിന്ന് ഇപ്പൊ എങ്ങനെയൊക്കെയോ ആണ് തിരിച്ചു വരുന്നത്." ഐഷു: "അതെ ഇക്കാ... അമീൻക്കയെ കണ്ടപ്പോൾ എനിക്കും ശരിക്കും വിഷമമായി. പുള്ളി വീട്ടിലെ വിശേഷങ്ങളൊക്കെ ചോദിച്ചു." ഓരോന്ന് പറഞ്ഞ് ഫുഡ് ഒക്കെ കഴിച്ച് ആ പഴയ ഓർമ്മകളിൽ ഐഷു വേഗം കിടന്നുറങ്ങി. പിറ്റേന്ന് രാവിലെ. കോളേജിൽ പോകാൻ ഐഷു റെഡിയായി ഇറങ്ങി. ബൈക്കിന് അടുത്തേക്ക് പോയെങ്കിലും അവൾ പെട്ടെന്ന് നിന്നു. ഉമ്മ: "എന്താ മോളേ, ഇന്ന് ബൈക്ക് എടുക്കുന്നില്ലേ?" ഐഷു: "ഇല്ല ഉമ്മാ... ഇന്നലെ വണ്ടി ഓടിച്ചപ്പോൾ ഒരു അമ്മൂമ്മയെ ഇടിക്കാൻ പോയതാ. ആ പേടി ഇപ്പോഴും മാറിയിട്ടില്ല. അമ്മൂമ്മയുടെ സമാധാനത്തിന് വേണ്ടി ഇനി മുതൽ ബസ്സിൽ പോകാമെന്ന് വെച്ചു." ഐഷുവും അമ്മുവും ദിയയും കൂടി ബസ്സിലാണ് യാത്ര. ബസ്സിൽ നല്ലൊരു റൊമാന്റിക് സോങ്ങ് പ്ലേ ചെയ്യുന്നുണ്ട്. ഐഷു ജനാലയ്ക്കൽ തല ചായ്ച്ച് പുറത്തെ കാഴ്ചകൾ കണ്ട് ഇരിക്കുകയായിരുന്നു. പെട്ടെന്നാണ് സിഗ്നലിൽ ബസ്് നിന്നപ്പോൾ അവളുടെ കണ്ണുകൾ ആ കാഴ്ചയിൽ ഉടക്കിയത്. അവൾ ശരിക്കും ഞെട്ടിപ്പോയി! ഭയങ്കര എക്സൈറ്റഡ് ആയി അവൾ അമ്മുവിന്റെ കയ്യിൽ പിടിച്ചു വലിച്ചു. ഐഷു: "അമ്മൂ... ദിയാ... അത് നോക്കിയേ! അത്... അത് അയാളല്ലേ?!" ഐഷു അത്രമേൽ ആവേശത്തോടെ കണ്ട ആ രൂപം ആരുടേതാണ്? അവൾ കണ്ടത് ഹനുവിനെയാണോ അതോ അവളുടെ ജീവിതത്തിൽ വരാനിരിക്കുന്ന മറ്റാരെയെങ്കിലുമാണോ? തുടരും.#💞 പ്രണയകഥകൾ #📙 നോവൽ #📔 കഥ #📖 കുട്ടി കഥകൾ