*महाराष्ट्र प्रदेश गड किल्ले संवर्धन सेल* *इतिहास शिवरायांचा* ********************************** *शिव दिनविशेष* 🚩🚩🚩⛳⛳⛳⛳🚩🚩🚩 *२२ जून इ.स.१६६९* *बिकानेरचा राजा रावकर्णाचा मृत्यू* *बिकानेरचा राजा रावकर्ण याचा मृत्यू औरंगाबाद येथे २२ जून १६६९ रोजी झाला. पण शिवाजी महाराजांनी कर्णाशी जोडलेले संबंध नंतरही एकदा आणीबाणीच्या प्रसंगी उपयोगी पडले.* *१६७९ च्या नोव्हेंबर मध्ये महाराजांनी जालना शहरावर हल्ला चढविला. यावेळी जालण्याचा मोगल अधिकारी रणमस्तखान हा होता.* *"... मोगलांचे सैन्य चालून येत आहेत, सावध राहा.."* *असा इशारा मोगल सरदार किशनसिंह राठोड याने जालण्याच्या मोहिमेत महाराजांना दिला. म्हणून महाराज अधिक हानी न होता जालन्यातून निघून गेले.* *याविषयी सभासद बखरकार म्हणतो -* *".. त्याचे कुमकेस केसरसिंग व सरदारखान व बाजे उमराव असे वीस हजार फौज तीन कोसांवर राहिली. मग केसरसिंग यांनी अंतरंगे सांगून पाठविले की 'उभयपक्षी भाऊपणा आहे. आमची गाठ पडली नाही तोवर तुम्ही कूच करून जाणे' हे वर्तमान कळताच राजे तेथून निघाले.. "* *शिवाजी महाराजांना वेळीच सावधगिरीचा इशारा देणारा हा केसरसिंग म्हणजेच राव कर्ण याचा मुलगा होय.* 🚩🚩⛳⛳⛳🚩🚩 *२२ जून इ.स.१६७०* *मराठ्यांनी कर्नाळा किल्ला जिंकला.* *माहुलीवरील यशस्वी प्रयत्नानंतर छत्रपती शिवाजी महाराज कर्नाळ्याला गेले. दलदल व दाट जंगलाने वेढलेला हा किल्ला जिंकण्यास अवघड होता. मराठ्यांनी लाकडी फळ्या वापरुन बचावाची तयारी केली. अशा रीतीने फळ्यांचा वापर करुन ते तटापर्यंत गेले व दोरी लावून आत प्रवेश केला. आतल्या सैन्याने चटकन हत्यारे टाकली व कर्नाळा किल्ला घेतला शिवाय पावसाळ्यापूर्वी कल्याण प्रांत ही काबीज केला.* 🚩🚩⛳⛳⛳🚩🚩 *२२ जून इ.स‌.१७०१* *औरंगजेबाने वर्धनगड जिंकला वर्धनगड हा भारताच्या महाराष्ट्र राज्यातील एक किल्ला आहे.* *सह्याद्रीची एक रांग माणदेशातून फिरली आहे. तिचे नाव महादेव डोंगर रांग. त्या रांगेवर भांडलीकुंडल नावाचा जो फाटा आहे त्यावर कोरेगाव व खटाव तालुक्याच्या सीमेवर, कोरगावपासून ७ मैलांवर व साताऱ्याच्या ईशान्येस १७ मैलांवर हा किल्ला बांधलेला आहे. किल्ल्याला लागूनच असलेल्या लालगून व रामेश्वर ह्या दोन डोंगरांवरून किल्ल्यावर तोफांचा चांगला मारा करता येत असे.* 🚩🚩⛳⛳⛳🚩🚩 *२२ जून इ.स१७९२* *फर्मान बाडी ‘चा कार्यक्रम* *महादजी शिंदे पुण्यात पोहोचल्यावर १२ जून १७९२ ला त्यांनी कारभाऱ्यानच्या भेटी घेऊन बादशाह शाह आलमने दिलेल्या वकील इ मुत्लक बहुमान व त्याच्या बरोबरील मान सन्मान सवाई माधवरावास देण्या विषयी चर्चा केली.* *पण कारभारी त्याबाबत काही बोलेनासे झाले. तेव्हा महादजींनी सर्व मुत्सद्यांचा विरोध मोडून काढून २२ जून १७९२ रोजी गारपीराजवळ (आताचा ससून हॉस्पिटलच्या आसपासचा भाग) खास शामियाना उभारून सवाई माधवरावना मानाची वस्त्रे देण्याचा कार्यक्रम म्हणजे ‘फर्मान बाडी ‘चा कार्यक्रम पार पडला.* *वकील इ मुतलकी पदामुळे मराठ्यांना बादशाहची मुखत्यारी मिळाली, ते मोगली सत्तेचे अधिकृत कारभारी बनले, हिंदुस्थानच्या सत्तास्पर्धेत इंग्रजांवर मात केली.* 🚩🚩⛳⛳⛳🚩🚩 *जय जगदंब जय जिजाऊ* *जय शिवराय जय शंभूराजे* ⛳ *जय गडकोट*⛳ *!! हर हर महादेव !!* 🚩आम्ही_शिवपाईक_बारा_मावळचे🚩 *श्री मंगेश चंद्रकांत वीर* ( भोर तालुका गड किल्ले संवर्धन सेल सोशल मीडिया प्रमुख ) मा श्री महेंद्र तानाजी देवघरे* ( अध्यक्ष पुणे जिल्हा ) मा श्री योगेशजी सुदामराव शेलार (प्रदेशाध्यक्ष - महाराष्ट्र प्रदेश गड किल्ले संवर्धन सेल) महाराष्ट्र प्रदेश गड किल्ले संवर्धन सेल #🙏शिवदिनविशेष📜 #📜इतिहास शिवरायांचा #🙏 शिवराय स्टेटस #🚩छत्रपति शिवाजी महाराज #🚩जय भवानी जय शिवाजी🚩