#📰జాతీయం/అంతర్జాతీయం #🆕Current అప్డేట్స్📢 #📰ఈరోజు అప్డేట్స్ #🏛️పొలిటికల్ అప్డేట్స్ #🏛️రాజకీయాలు
*దొంతికుర్రులో అక్రమ చెరువుల తవ్వకం*
*..నిబంధనలు బేఖాతరు..*
కాట్రేనికోన మండల పరిధిలోని దొంతికుర్రు గ్రామ సర్వే నంబర్ 227లో నిబంధనలకు విరుద్ధంగా సాగుతున్న అక్రమ చెరువుల తవ్వకాలు స్థానిక రైతులను ఉక్కిరిబిక్కిరి చేస్తున్నాయి.
ఎటువంటి ప్రభుత్వ అనుమతులు లేకుండానే శుక్రవారం రాత్రి నుంచి భారీ ప్రోక్లైన్లతో ఇక్కడ తవ్వకాలు ప్రారంభించడం కలకలం రేపుతోంది. శని, ఆదివారాలు సెలవు రోజులు కావడంతో తవ్వకాలకు ముహూర్తం పెట్టుకుని మూడు ప్రోక్లైన్లు తో తవ్వేస్తున్నారు. వాటికీ అనుమతులు లేవు.తవ్వకాలు మాత్రం జోరు గా సాగుతున్నాయి. *సర్వే నంబర్ 227 పరిధిలోని సుమారు 10 ఎకరాల విస్తీర్ణంలో ఈ తవ్వకాలు జరుగుతున్నాయి* కేవలం మూడు ఎకరాలకు మాత్రమే అనుమతి కోసం దరఖాస్తు చేసుకున్నట్లు సమాచారం ఉన్నప్పటికీ, సంబంధిత అధికారుల నుండి ఇంకా ఎటువంటి అధికారిక అనుమతులు మంజూరు కాలేదు. అయినప్పటికీ, ఈ భూములను లీజుకు తీసుకున్న వ్యక్తులు ప్రభుత్వ నిబంధనలను బేఖాతరు చేస్తూ అక్రమంగా చెరువులు తవ్వేస్తున్నారు.ఈ అక్రమ తవ్వకాల వల్ల పరిసర ప్రాంతాల్లో తీవ్ర నష్టం వాటిల్లే ప్రమాదం ఉందని రైతులు ఆవేదన వ్యక్తం చేస్తున్నారు:పంటలు, కొబ్బరి చెట్లు దెబ్బతినే అవకాశం ఉంది.పక్కనే ఉన్న సాగు భూములు ఈ తవ్వకాల వల్ల ఉప్పు భూములుగా మారే ప్రమాదం ఉంది.పంట కాలువల్లోకి చెరువుల నీరు చేరి కలుషితం అయ్యే అవకాశం ఉందని స్థానికులు ఆందోళన చెందుతున్నారు. ప్రధాన తీర ప్రాంత గ్రామమైన పల్లం రక్షిత మంచినీటి పథకం కు ఈ కాలువ నీటినే వినియోగిస్తారు. తవ్వకాల వల్ల నీరు కలుషితమైతే వేలాది మంది ప్రజల ఆరోగ్యంపై ప్రభావం పడే అవకాశం ఉందంటున్నారు.శనివారం సాయంత్రం తహసీల్దార్ రవికిరణ్ ఆదేశాల మేరకు ఆర్. ఐ విశ్వనాథ్, వీఆర్వో నరసింహమూర్తి పోలీసులను వెంటబెట్టుకుని సంఘటనా స్థలానికి చేరుకుని పనులను తాత్కాలికంగా నిలిపివేసినప్పటికీ, తవ్వకాలకు ఉపయోగిస్తున్న ప్రోక్లైన్లను సీజ్ చేయకపోవడంపై విమర్శలు వ్యక్తమవుతున్నాయి. అధికారులు వెళ్ళిన తర్వాత మళ్లీ పనులు మొదలవుతాయేమోనని స్థానికులు భయాందోళన చెందుతున్నారు.వెంటనే రెవెన్యూ, ఫిషరీస్ అధికారులు స్పందించి అక్రమ తవ్వకాలను శాశ్వతంగా నిలిపివేయాలని, నిబంధనలు ఉల్లంఘించిన వారిపై కఠిన చర్యలు తీసుకోవాలని, అక్కడ ఉన్న యంత్రాలను సీజ్ చేయాలని స్థానికులు కోరుతున్నారు..
__________________________
డాక్టర్ బి.ఆర్.అంబేద్కర్ కోనసీమ జిల్లా :-
ముమ్మిడివరం - నియోజకవర్గం
*శేఖర్✍️ న్యూస్ 📹 గ్రూప్స్* 4️⃣
👇 *వాట్సాప్ గ్రూప్ లింక్*👇
______________________✍️
*ఫాలో అవ్వండి.* & *సబ్ స్క్రైబ్ చేసుకోండి...👇*
౼౼౼౼౼౼౼౼౼౼౼౼౼౼౼౼౼౼౼
Follow this link to join my WhatsApp group: https://chat.whatsapp.com/2opEPGh68Zq0FMQqQWreQy?mode=gi_t
౼౼౼౼౼౼౼౼౼౼౼౼౼౼౼౼౼౼౼౼
