saico (psychological thriller 3/4) #🎬സിനിമ കോർണർ #🎞 Short Film Corner #🕵️‍♀️ കുറ്റാന്വേഷണ കഥകൾ #📔 കഥ #📙 നോവൽ Screenplay by Hibon Chacko ®copyright protected (കാർ സ്റ്റാർട്ട്‌ ചെയ്ത് മുന്നിലേക്ക് അല്പം വേഗത്തിലെന്നവിധം പോവുകയാണ്) സായി: (O. C., പഴയ ഭാവം വിടാതെ) “നീയെന്താടാ രണ്ടുടുപ്പിട്ട് ഈ കോലത്തിലൊക്കെ…” ജോബിൻ: (O. C., പഴയഭാവത്തിൽ) “വണ്ടിയോടിച്ച് നല്ല തണുപ്പടിച്ചു…അതാ…” (വഴിവിളക്കിന്റെ വെളിച്ചത്തിനു ഉദ്ദേശം അടുത്തെന്നവിധം, റോഡരുകിൽ പാർക്ക്‌ ചെയ്തിരിക്കുന്ന ജോബിൻ വന്ന സ്കൂട്ടറിന് ഒരു പ്രത്യേകഭാവം തോന്നിക്കുന്നുണ്ട്- ഒരു ഒറ്റയാനെപ്പോലെ) സായി: (O. S., പഴയഭാവത്തിൽ) “അവനെ വിളിച്ചിട്ട് എടുക്കുന്നില്ല…തപ്പിനോക്കാം…” (ഒന്ന്‌ ഉറപ്പിച്ചവിധമെന്നപോലെയാണ് വാചകങ്ങൾ, കാർ രംഗത്തിൽനിന്നും മറയുകയാണ് പൂർണ്ണമായും) 61.long shot/back-> tracking/close up*(scooter)/back Cut. Scene 4 (1C) Ext. ഒഴിഞ്ഞ T കവല. Night 12.30am സ്കൂട്ടർ അരികിൽ പാർക്ക്‌ ചെയ്തുവെച്ചിരിക്കുന്നു, T കവലയിൽ സായിയുടെയും മറ്റും കാർ കിടന്ന സ്ഥലത്ത് (ഒഴിഞ്ഞിടം) രണ്ട് സമപ്രായക്കാരോടൊപ്പം ശങ്കർ എത്തി നിൽക്കുകയാണ് (മൂവരും അല്പം ചിതറിയാണ് വഴിവിളക്കിന് കീഴിലുള്ള നിൽപ്പ്). ശങ്കറിന്റെ കാർ സ്കൂട്ടറിന് പിന്നിലായി റോഡരുകിൽ, ഓഫാക്കി പാർക്ക്‌ ചെയ്തിട്ടുണ്ട്. 62.long shot/corner* ശങ്കർ: (പുറം തിരിഞ്ഞൊക്കെയൊന്ന് റോഡരുകിനു മുഖാഭിമുഖമായി, വഴിവിളക്കിനുദ്ദേശം താഴെ നിന്നുകൊണ്ടൊക്കെ, ഫോണിലൊരു നമ്പർ ഡയൽ ചെയ്ത് ചെവിയിൽ വെക്കുന്നു) “സായി എവിടെയാ, ഞങ്ങള് ദേ, നിങ്ങള് കിടന്ന സ്പോട്ടിലുണ്ട്” (മറുപടി ശ്രദ്ദിച്ചശേഷം) “ചെറുക്കനെ, തപ്പിയിട്ട് കിട്ടിയില്ല…ഈ സ്കൂട്ടർ ഇരിക്കുന്നത് ആരുടെയാ?” (ശങ്കറിന്റെ മുഖം മുന്നോട്ട് തന്നെയാണ്) 63.medium shot/tracking/front-back (സ്കൂട്ടറും കാറും മിന്നെപ്പിറകേയായി കിടക്കുന്നതിനെ കാര്യമാക്കാത്ത വിധമെന്നപോലെ ഒന്നനങ്ങിയൊക്കെ റോഡിൽ ഇടതു ഭാഗത്ത് ചുറ്റിനിൽക്കുകയാണ് ശങ്കറിന്റെ കൂട്ടുകാർ ഇരുവരും-പുറം തിരിഞ്) ശങ്കർ: (O. S., പഴയഭാവത്തിൽ, ആദ്യത്തെ തിടുക്കം ഇല്ലാത്തമട്ടാണ്) “കണ്ടിട്ട് പോകാം. അവനെ തപ്പി കൈകാര്യം ചെയ്യണം… പിന്നെ, അവളുടെ കാര്യവും തീരുമാനിക്കാനുണ്ട്…” (ഒന്ന്‌ നിർത്തിനിർത്തിയൊക്കെയാണ് പറയുന്നത്) 64.medium shot/back (കോൾ കട്ട്‌ ചെയ്‌തവിധം ശങ്കർ തിരിഞ് സുഹൃത്തുക്കളോട് ചേരുന്നു -എന്തോ സംസാരിക്കുന്നെന്നവിധം ) സായി : (V. O., കോളിൽ ശങ്കറിനോടുള്ള മറുപടിയെന്നവിധം ) “ഒന്നും പറയേണ്ടെടാ, ഒരുത്തനെ തപ്പാൻ പോന്നതാണ്… ഇതുവരെ കിട്ടിയിട്ടില്ല…ഉള്ള സൊയ്ര്യം പോയിക്കിട്ടി…!” (അടുത്ത മറുപടിയെന്നവിധം ) “ഞാൻ ദേ തിരിച്ച് വരുവാ, വന്നിട്ട് കാര്യങ്ങൾ സംസാരിക്കാം…” (സംസാരിച്ചശേഷം മൂവരും തങ്ങളുടെ കാറിനടുത്തെത്തി വെയിറ്റ് ചെയ്യാൻ തുടങ്ങുകയാണ് -കാറിന്റെ വലതുവശത്ത് മൂന്നിടത്തായി മൂവരും ചാരിയും മറ്റുമൊക്ക- ശങ്കർ സ്കൂട്ടറിന് ഉദ്ദേശം അടുത്ത് വരണം. വഴിവിളക്കിന്റെ വെളിച്ചത്തിനും സ്കൂട്ടറിനും പിന്നിൽ ഇവരിൽ രണ്ടുപേർ ചാരിനിൽക്കുമ്പോൾ ശങ്കർ ബോണറ്റിന്റെ അരികിൽ പാതി ഇരിക്കുകയാണ് -ഒരു കാൽ കയറ്റിയൊക്കെ വെച്ചപടി ) 65.long shot/side/right side of car Cut. Scene 5 (1D) Ext. ഒഴിഞ്ഞ T കവല. Night 1am ഏതാണ്ടൊക്കെ പഴയപടി നിലകൊള്ളുന്ന ശങ്കറിന്റെയും കൂട്ടരുടെയും അടുത്തേക്ക് [(65)-ലെ വിവരണം നോക്കുക ] അല്പം വേഗത്തിൽ അകലെനിന്നും സായിയുടെയും മറ്റും കാർ വരികയാണ്, ഇരുകൂട്ടരും ‘മുഖാമുഖം’ ആണ്. കാർ വന്ന് സ്കൂട്ടറിന് മുന്നിലായി ഏകദേശം നിർത്തിയിടുന്നു. ശങ്കർ ഉൾപ്പെടെ മൂവർ എഴുന്നേറ്റ് സായിയുടെ കാറിന്റെ ഭാഗത്തേക്ക്‌ ചെല്ലുന്നു. സായി ഉൾപ്പെടെ മൂവരും ധൃതിയിൽ തങ്ങളുടെ കാറിൽ നിന്നും ഇറങ്ങുന്നപടിയാണ്. സായിയുടെ മുന്നിലായി ശങ്കറും പിന്നിലെന്നവിധം സുഹൃത്തുക്കളും, കിരൺ മുന്നിലൂടെ വന്ന് ചേരുന്നു, ജോബിൻ ഇറങ്ങിയശേഷമൊന്ന് പിന്നിലേക്ക് നോക്കുകയാണ്. 66.long shot/back of Shankar’s car സായി : (പഴയപടി ഏവരും നിൽക്കുമ്പോൾ, പിന്നിലേക്ക് നോക്കിയിരുന്ന ജോബിനോട്, പിന്നിലേക്ക് ഇടതുവശത്തുകൂടി തലതിരിച്ചു, ധൃതിയിലും ദേഷ്യത്തിലുമെന്നവിധം ) “എടാ, അവന്റെയും നിന്റെയും വീട്ടിലെ നമ്പർ തരണം… കാര്യങ്ങള് വീട്ടിലും പോലീസിലും അറിയിക്കണം…” (ഒന്നുനിർത്തി, പിന്നോട്ടുള്ള ജോബിന്റെ ഭാവം കണ്ട് -മുന്നോട്ട് ശ്രദ്ദിക്കവേ ) “…എന്നാ, എന്നാ നീയീ നോക്കുന്നത്?” (നെറ്റിചുളുപ്പിച്ചാണ് സായി, മറ്റ് നാൽവർ സംഘം രംഗം വീക്ഷിക്കുന്നുണ്ട് ) 67.medium shot/back ജോബിൻ : (പഴയപടി- പിന്നിലേക്കല്പം തിരിയാനെന്നവിധം പക്ഷെ മുന്നിലേക്ക് നോക്കി ) “ഒന്ന്‌ മൂത്രമൊഴിക്കാൻ പോകണം…” (തിടുക്കഭാവം മുഖത്ത് കാണാം മൂത്രശങ്കയുടേതെന്നവിധം ) സായി : (O. C., പഴയപടി തുടർന്നവിധം ) “പെട്ടെന്ന് പോയിട്ട് വാടാ, എന്താ ഇത്…” (അവസാന വാചകം പൊതുവായെന്നവിധം, ജോബിൻ വേഗം പിന്നിലേക്ക്, തുറസ്സായ ആ സ്ഥലം അവഗണിച്ച് ഈ റോഡിലേക്ക് വന്നുകേറുന്ന വഴിയിലേക്ക്, ശങ്കർ ആദ്യം ഒറ്റക്ക് വന്ന വഴിയിലേക്ക് പോയി ഒരു മറയത്ത്‌ മൂത്രമൊഴിക്കുവാൻ തയ്യാറെടുക്കുന്നു ) 68.close up-long shot/pan സായി : (ജോബിനിൽ നിന്നും മുഖമെടുത്ത് ശങ്കറിനെ മാനിച്ച്, മറ്റ് മൂവരെയും ചേർത്ത് ) “ഒന്നും പറയേണ്ടെടാ, ഒരു ചെറുത് അടിച്ചിരുന്നു…” (അവസാന വാചകം വലതുകൈകൊണ്ട് ആംഗ്യം കാണിക്കുന്നു ) “സമയം ഇത്രയുമായി, മൂഡും പോയി…” (തിടുക്കം, ദേഷ്യം, അവശത…വാചകങ്ങളിലും മറ്റും കാണാം -മൊത്തത്തിലും ) “ആഹ്, നിന്റെ കാര്യം…പറയാം” (ശങ്കറിന്റെ മുഖത്തേക്കുതന്നെ നോട്ടം ) 69.medium shot/side/left side of Sai മൂത്രമൊഴിച്ചുകൊണ്ടിരുന്ന ജോബിൻ ആ സ്ഥലത്തുനിന്നും അപ്രത്യക്ഷനായിരിക്കുന്നു -കാണ്മാനില്ല. 70.medium shot/back* സായി തന്റെ മുന്നിലുള്ള ശങ്കറിനോടും മറ്റ് മൂവരോടുമെന്നവിധം കാര്യമായി എന്തൊക്കെയോ പറയുകയാണ്, മറുപടിയായി അവരും കൂട്ടിച്ചേർക്കുന്നൊക്കെയുണ്ട്. 71.long shot/back of Sai സായി : (പഴയപടിയുടെ തുടർച്ചയോടെ ) “…അപ്പോൾ അങ്ങനെ ചെയ്യ്‌ തത്കാലം, ബാക്കി നോക്കാം..” (ഇരുകൈപ്പത്തികളും വിടർത്തിക്കാണിച്ചൊക്കെയാണ് ) ശങ്കർ : (അടുത്തനിമിഷം, ജോബിൻ പോയ ഭാഗത്തേക്ക്‌ നോക്കി ) “മൂത്രമൊഴിക്കാൻ പോയവൻ എന്തിയേ…!” (സായി പിന്നിലേക്ക്, ജോബിൻ പോയഭാഗത്തേക്ക് പാതി തിരിഞ് നോക്കിപ്പോവുകയാണ് ) 72.medium shot/back of Shankar മൂവരോടൊപ്പം ശങ്കറും മുന്നോട്ട് സായിയെ അനുകരിക്കുംവിധം ചലിക്കുന്നതിന് മുൻപേ, ഒരുനിമിഷം പഴയപടി നോക്കി നിന്നശേഷം സായി, വേഗത്തിൽ നടന്ന് ജോബിൻ മാറിയ സ്ഥലത്തേക്ക് വരുന്നു. ഇരുകൈകളും അരയ്ക്ക് കൊടുത്തെന്നവിധം കാലിയായ ആ പ്രദേശത്ത് നിന്നുപോവുകയാണ് ദൃഢതയോടെ -അല്പം പിന്നിലാണ് മറ്റുള്ളവർ. 73.long shot (ജോബിൻ മൂത്രമൊഴിക്കാൻ നിന്ന സ്ഥലത്തേക്കും വലത്തേക്ക് കിടക്കുന്ന റോഡിലേക്കും സായി നോക്കുകയാണ് ) സായി : (O. C., ദേഷ്യം അടക്കിപ്പിടിച്ച് ) “ഈ മൈരൻ…” 74.close up or medium shot/P.O.V. of Sai/pan നിന്നിടത്തുനിന്നും രണ്ടുനിമിഷത്തിനകം പോയ വേഗത്തിൽ തിരികെ, മറ്റുള്ളവരെ പിന്നിട്ടുവന്ന് സ്കൂട്ടറിന്റെ നമ്പർ പ്ലേറ്റിനടുത്ത് വന്ന് സായി, തന്റെ മൊബൈലെടുത്തു വേഗത്തിൽത്തന്നെ അതിലെന്തോ തിരഞ്ഞുപിടിച്ച്, നമ്പർ പ്ലേറ്റ് നോക്കി അതിൽ കുറിക്കുകയാണ്, ശേഷം സ്‌ക്രീനിൽ ‘ഓക്കെയ്’ എന്നവിധം ടച്ച്‌ ചെയ്യുന്നു, സ്ക്രീനിലേക്ക് നോക്കി വെയിറ്റ് ചെയ്യുന്നു -മറ്റുള്ളവർ ഈ രംഗത്തേക്ക് തിരിഞ്ഞിരുന്നു. 75.long shot- medium shot സ്‌ക്രീനിൽ എന്തോ വന്നത് പെട്ടെന്ന് വായിച്ചെന്നവിധം, ശേഷം അതിലെ നമ്പറിലെന്നവിധം കോൾ ചെയ്ത് വലത് ചെവിയോട് ചേർക്കുന്നു സായി, ധൃതി വിടാതെ. മറ്റുള്ളവർ അല്പം കൂടി അടുത്തേക്ക് വരികയാണ് സായിയുടെ. 76.medium shot/back അല്പനിമിഷത്തിനകം ചെവിയിലെ ഫോൺ താഴ്ത്തി- കോൾ എടുത്തില്ലെന്നവിധം, മറ്റൊരു നമ്പറിലേക്കെന്നവിധം തിരഞ്ഞ് പഴയപടി വലതുചെവിയിലേക്ക് ചേർക്കുകയാണ് സായി -മുഖം ഇത്തവണ അല്പം മുകളിലേക്കാണ്. ചുറ്റും ശങ്കർ ഉൾപ്പെടുന്നവർ ഉണ്ട്, രംഗം വീക്ഷിച്ച്. 77.medium shot സായി: (ഫോൺ പെട്ടെന്ന് ചെവിയിൽ നിന്നുമെടുത്ത് തന്റെ ഇടത് വശത്തായി നിന്നിരുന്ന ശങ്കറിലേക്കും മറ്റും മുഖംകൊടുത്ത് നിന്നശേഷം ) “ഇതിലെന്തോ കളിയുണ്ട്…ഈ സ്കൂട്ടർ ആ മൈരന്റെ പേരിലല്ല…” (ദേഷ്യമടക്കിയാണ്- സാഹചര്യസമ്മർദ്ദവും കൂടെ, ഒന്നുനിർത്തിയശേഷം ) “ആ ‘മൈരൻ’ വിളിച്ചിട്ട് എടുക്കുന്നില്ല, ഇവന്റെ കൂട്ടുകാരന്റെ നമ്പർ സ്വിച്ച് ഓഫ് ഇപ്പോൾ…” (അടുത്തനിമിഷം ജോബിൻ മൂത്രമൊഴിക്കുവാൻ പോയ സ്ഥലത്തേക്കെന്നവിധം മറ്റുള്ളവരെ ഒഴിവാക്കി ഓടിപ്പോവുകയാണ് സായി ) 78.long shot/left side of Sai’s car (സായി ഓടിച്ചെന്ന് -സാഹചര്യത്തിനൊത്തവിധം, ജോബിൻ നിന്നിരുന്ന സ്ഥലം നോക്കിയശേഷം -മൊബൈലും കൈയ്യിലെന്തി, ആ വഴിയേ അല്പം മുന്നോട്ടു അതേപോലെ ഓടിപ്പോയി നോക്കുകയാണ് ) സായി : (കിതപ്പും മറ്റും അവഗണിച്ച് അല്പം ഉറക്കെയിങ്ങനെ വിളിക്കുന്നുണ്ട് ) “എടാ…, ജോബിൻ…,” (ശൂന്യമായ ആ പ്രദേശത്തെ സാക്ഷിയാക്കുംവിധം കിതച്ച് നിന്നശേഷം -ഇരുകൈകളും അരയ്ക്കുകൊടുത്ത്, തിരിഞ് ശ്വാസം വിട്ട് കാറുകളും ശങ്കറും മറ്റുമൊക്കെ നിൽക്കുന്നിടത്തേക്കെന്നവിധം നോക്കി തിരിച്ച് വരികയാണ് സായി ) 79.medium shot/back*/tracking സായി അങ്ങനെ ചെന്ന് നിന്നുപോകുന്നത്, മറ്റുള്ളവരെ പിന്നിലാക്കിയവിധം നിൽക്കുന്ന -സായിയുടെ കാറിനടുത്ത്, ശങ്കറിന് മുന്നിലേക്കാണ്. ശങ്കർ സായിയെ, സംശയം ഉള്ളിലൊതുക്കുംവിധം നോക്കിനിൽക്കുകയാണ്, സായി കിതച്ച് അവന് മുന്നിൽ നിന്നുപോവുകയാണ്, സായിയെ നോക്കിത്തന്നെ തുടർച്ചയെന്നവിധം ശങ്കറൊന്ന് നെറ്റിചുളിച്ച് പോവുകയാണ്. 80.medium shot/back/tracking /close up/back of Sai Cut to: Scene 6 Ext. തുറസ്സായതും ഒഴിഞ്ഞതുമായ റോഡ്. Night 10:30pm ഒറ്റയ്ക്ക് കാർ ഓടിച്ച് പോകുന്ന ശങ്കർ, സായിയെയും മറ്റും ആദ്യമായി കാണുന്നതിന് അല്പസമയം മുൻപ്, T- കവലക്ക് ചെന്നുകയറുന്ന വഴിയിലൊരിടമാണ്, വേഗത്തിലാണ് യാത്ര. അടുത്തനിമിഷത്തിലൊന്നിൽ മുന്നിൽ തന്റെ വലതുഭാഗത്തായി റോഡരിക് ചേർന്നെന്നവിധം ഒരാൾ പ്രത്യക്ഷനാവുകയാണ്. കാർ കണ്ട് കൈനീട്ടുന്ന ആൾക്ക് മുന്നിലായി, ശങ്കർ കാർ പെട്ടെന്ന് നിർത്തുന്നു- കാർ ഓൺ ആണ്. അല്പം റോഡിലേക്ക് കയറിനിന്നിരുന്ന ആൾ -പാന്റും ഷർട്ടുമാണ് വേഷം, തോളിൽ ബാഗുമുണ്ട്, ശങ്കറിനടുത്തെ വിൻഡോയുടെ അടുത്തേക്ക് വന്ന് നിൽക്കുന്നു -എന്തോ സംസാരിക്കുവാനെന്നവിധം. 81.long shot/tracking /Int. ബാഗുകാരൻ യുവാവ് 2: (വളരെ സാവധാനം ) “ചേട്ടാ, കീരിച്ചാലിലേക്കുള്ള വഴി ഇതല്ലേ?” ശങ്കർ : (യുവാവിനെ നോക്കിയിരിക്കവേ, സംസാരം കനത്തിലാണ് ) “ഇതുതന്നെയാ വഴി, നീ ഇവിടെയുള്ളതല്ലേ…” 82.medium shot/side/left side of car ബാഗ്. യുവാവ് 2: (പഴയപടി ) “ചേട്ടാ ഞാൻ ഇവിടെയുള്ള ആളല്ല… സിനിമക്ക് അസിസ്റ്റന്റായി വർക്ക് ചെയ്യാൻ വന്നതാ ഇവിടെ..” ശങ്കർ : (തുടർച്ചയെന്നവിധം ) “ഇവിടെ അതിന് എന്ത്‌ സിനിമ?!” 83.medium shot ബാഗ്. യുവാവ് 2: (തുടർച്ച, സാവധാനത്തിൽ തന്നെ ) “കീരിച്ചാലിൽ എന്റെ കൂട്ടുകാരൻ, അസിസ്റ്റന്റ് ഡയറക്ടർ ആണ്. ഇന്നവന്റെ വീട്ടിൽ താമസിച്ചിട്ട് നാളെ ഒരുമിച്ചൊരു വർക്കിന്‌ പോകാനാ.” 84.close up/corner */P.O.V. of Shankar/Int. ശങ്കർ : (മുഖമെടുത്ത് നേരെനോക്കി ഒന്ന്‌ നെറ്റിചുളിച്ചശേഷം തിരിച്ച് വീണ്ടും നോക്കി ലഘുവായൊന്നഴഞ് ) “വഴി ഇതുതന്നെയാ, നേരെ മുന്നോട്ട് പോയാൽ മതി… പിന്നെ…സംഗീത് ആണോ നിന്റെ കൂട്ടുകാരൻ?” (സംശയം വിടാതെ ) 85.close up/P.O.V. of Young man ബാഗ്. യുവാവ് 2: (അല്പം ധൃതിയോടെയെന്നവിധം, ശങ്കറിനോട് ) “അ…അതെ.” 86.medium shot/side /left side of car അങ്ങനെ തുടരവേ, യുവാവ് തലയാട്ടിയശേഷം അല്പം പിന്നിലേക്ക് മാറിനിൽക്കുന്ന നിമിഷം ശങ്കർ കാർ മുന്നോട്ട് പായിച്ച് പോകുന്നു. അങ്ങനെതന്നെ നിൽക്കുന്ന യുവാവ് പോക്കറ്റിൽ നിന്നും തന്റെ മൊബൈൽ എടുത്ത് ഒരു കോൾ ചെയ്ത് വലത്തേ ചെവിയിലേക്ക് ചേർത്തശേഷം വലത്തേക്കൽപം തലതിരിക്കുന്നു, ദൂരെ മറയുന്ന കാറിനെ നോക്കിയെന്നവിധം. 87.long shot/back/left side of Young man Cut to: തുടരും.....