#સુરત સમાચાર #અમે સુરતી #સુરત #💥 સુરત અપડેટ્સ #📰 5 ડિસેમ્બર ના સમાચાર 💳 ATM કાર્ડ ખિસ્સામાં… છતાં ખાતું ખાલી! સુરત સાયબર ક્રાઇમનો મોટો ખુલાસો સુરતમાં સાયબર ક્રાઇમ સેલે એક ચોંકાવનારો હાઇટેક ફ્રોડ કેસ પર્દાફાશ કર્યો છે, જેમાં ATM કાર્ડ ક્લોનિંગ અને બોગસ POS મશીન દ્વારા લાખો રૂપિયાની હેરાફેરી કરતી ગેંગ ઝડપાઈ છે. આ ગેંગ એટલી ચાલાકીથી કામ કરતી હતી કે લોકોના ATM કાર્ડ અને PIN સુરક્ષિત હોવા છતાં તેમના ખાતામાંથી રૂપિયા ઉપડી જતા હતા. પોલીસ કમિશનર અનુપમસિંહ ગહલૌત અને DCP બિશાખા જૈનના માર્ગદર્શન હેઠળ ત્રણ આરોપીઓની ધરપકડ કરવામાં આવી છે, જેમાં BScનો વિદ્યાર્થી મંથન કુકડિયા (19), ઉદય ધડુક (28) અને પ્રિયાંશુ મહેતા (24)નો સમાવેશ થાય છે. મંથન બોગસ ‘ઉદ્યમ સર્ટિફિકેટ’ બનાવી બેંકમાંથી POS મશીન મેળવે, ઉદય તે મશીન હરિયાણાના જીંદ જિલ્લામાં મોકલે અને ત્યાં સાગરીતો ક્લોન કરેલા કાર્ડ સ્વાઇપ કરીને રૂપિયા ટ્રાન્સફર કરતા. બાદમાં આ નાણાં સુરતમાં એકાઉન્ટમાં જમા થઈ ATM અને CDM મારફતે અન્ય ખાતાઓમાં ફેરવવામાં આવતા. માત્ર 6 દિવસમાં ₹2.21 લાખની હેરાફેરી કરવામાં આવી હોવાનું સામે આવ્યું છે. રાજસ્થાનના ઉદયપુરના એક પીડિતના ખાતામાંથી કાર્ડ વગર ટ્રાન્ઝેક્શન થતા ફરિયાદ નોંધાતા ટેકનિકલ સર્વેલન્સ દ્વારા મોટા વરાછા વિસ્તારમાંથી આ ગેંગ સુધી પોલીસ પહોંચી હતી. હાલ પોલીસે BNS અને IT એક્ટ હેઠળ ગુનો નોંધી વધુ તપાસ હાથ ધરી છે અને હરિયાણામાં રહેલા મુખ્ય સૂત્રધારોને પકડવા ટીમ રવાના થઈ છે. ⚠️ અપીલ: પોતાના PAN, આધાર કે અન્ય મહત્વના દસ્તાવેજો અજાણ્યા લોકોને આપતા પહેલા સાવચેત રહો, કારણ કે તેનો ગેરઉપયોગ થઈ શકે છે. #SuratCrime #CyberFraud #ATMCloning #POSScam #BreakingSurat