നീയാം ജീവൻ Part 25 💞💞💞💞💞💞💞 കതിർമണ്ഡപത്തിലേക്ക് കയറുമ്പോഴും അവൾ ഒരു അക്ഷരം പോലും ആരോടും പറഞ്ഞില്ല. തൊട്ടടുത്ത് ആരോ വന്നിരിക്കുന്നത് ഒക്കെ അവൾ അറിയുന്നുണ്ടായിരുന്നു എങ്കിലും അവൾ അങ്ങോട്ട് നോക്കിയത് പോലും ഇല്ല. " താലി കെട്ടിക്കോളൂ " തളികയിലെ താലി കൈയിൽ എടുത്ത് കൊണ്ട് ആ ചെറുപ്പക്കാരൻ അവൾക്ക് നേരെ തിരിഞ്ഞു കഴുത്തിലേക്ക് താലി കെട്ടാൻ ഒരുങ്ങി. അവളുടെ കഴുത്തിൽ എന്തോ തണുപ്പ് അറിഞ്ഞപ്പോഴാണ് അവളുടെ നോട്ടം നെഞ്ചിലേക്ക് പോയത് അവൾ അതിലേക്ക് ഒന്ന് നോക്കി.അവൻ താലി ഒരു കെട്ട് കെട്ടി രണ്ടാമത്തെ കെട്ട് കെട്ടാൻ നിന്നതും പെട്ടന്ന് തന്നെ അവൾ അവിടെ നിന്നും ചാടി എഴുന്നേറ്റ് കൊണ്ട് അവിടെ ഉണ്ടായിരുന്ന നിലവിളക്ക് എല്ലാം തട്ടി തെറുപ്പിച്ചു കഴുത്തിൽ കെട്ടാൻ പോയ താലി അവൾ അഗ്നിഹുണ്ടതിലേക്ക് എറിഞ്ഞു പിന്നെ ഒരു ഭ്രാന്തിയേ പോലെ സമനില്ല ഇല്ലാതെ അവൾ എന്തൊക്കെയോ ചെയ്തു കൊണ്ട് ഇരുന്നു പതിയെ അവൾ ഒരു അപ്പുപ്പൻ താടി നിലം പതിക്കും പോലെ താഴേക്ക് ഊർന്നു വീണു അപ്പോഴേക്കും രണ്ട് കരങ്ങൾ അവളെ വന്ന് താങ്ങിയിരുന്നു. ( ആമിയുടെ past ഇവിടെ അവസാനിച്ചു ഇനി present ആണ്... ബാക്കിയുള്ള കാര്യങ്ങൾ എല്ലാം വഴിയേ പറയാം ) ആമി : ആരോ എന്നെ വന്ന് എടുത്തത് എല്ലാം ഒരു അവക്തമായ ഓർമ്മ എനിക്ക് ഉണ്ട് പക്ഷേ ആരാ എന്നറിയില്ല. പിന്നെ ഒന്നും തന്നെ എനിക്ക് ഓർമ്മ ഇല്ല ഇത്ര മാത്രമേ എനിക്ക് ഓർമ്മയൊള്ളു.... പിന്നെ ഓർമ്മ വന്നപ്പോൾ ഞാൻ ഇവിടെ ആണ്. അമ്മ : എന്തായാലും എല്ലാം നല്ലതിന് ആണെന്ന് കരുത് മോളെ.... നീ ഇഷ്ട്ടപെട്ട ആളുടെ കൂടെ തന്നെ നിനക്ക് ജീവിക്കാൻ പറ്റിയില്ലേ.... ഇനി അങ്ങോട്ട് എന്റെ മോൾക്ക് സന്തോഷം മാത്രമായിരിക്കും... ആമി : പക്ഷേ എന്ത് കൊണ്ടാ അമ്മേ അൻഷിന് എന്നെ മനസിലാവാത്തത് എന്നെ പരിജയം ഇല്ലാത്തത് പോലെയല്ലേ അൻഷ് പെരുമാറുന്നെ.... അത് മാത്രം എന്തോ എനിക്ക് സഹിക്കാൻ പറ്റുന്നില്ല... ഞാൻ അറിയുന്ന അൻഷിന് ഗംഗയേ ഒരിക്കലും അറിയില്ല അവളെ പരിജയം പോലുമില്ല... അത് മാത്രം അല്ല എന്നെ മറന്നു കൊണ്ട് അൻഷ് ഒരിക്കലും ഗംഗയുമായിട്ടുള്ള വിവാഹത്തിന് തയാറാവില്ല... ഈ 5 വർഷം കൊണ്ട് അൻഷിന് എന്തൊക്കെ മാറ്റം വന്നത് എന്നറിയണം ആ ആക്സിഡന്റിന് ശേഷം എന്താ പറ്റിയത് എന്നറിയണം അവന്റെ അംഷിയേ എങ്ങനെ അൻഷ് മറന്നു എന്നറിയണം... അമ്മ : മോള് സമാധാനമായിട്ട് ഇരിക്ക് നമുക്ക് എല്ലാം കണ്ടുപിടിക്കാം ആമി : മ്മ് 💞💞💞💞💞💞💞 യദു : യാൻ നമുക്ക് ഒന്ന് കറങ്ങാൻ പോയാലോ യാൻ : ഞാൻ ഇല്ല നീ പൊക്കോ യദു : ഞാൻ ഒറ്റക്ക് പോയിട്ട് എന്ത് ചെയ്യാനാ.. നീ കൂടെ വാ യാൻ : എനിക്ക് ഇവിടെ കുറെ വർക്ക്‌ ഉണ്ട് യദു നീ ദേഷ്യം പിടിപ്പിക്കാതെ പോകുന്നുണ്ടെങ്കിൽ പോവാൻ നോക്ക് അല്ലെങ്കിൽ കുറച്ച് പ്രൊജക്റ്റ്‌സ് ഉണ്ട് അതിലെ കറക്ഷൻസ് ഒക്കെ ഒന്ന് നോക്കിട്ട് ചെക്ക് ചെയ്ത് എനിക്ക് മെയിൽ അയക്ക് യദു : നീ വരണ്ട നീ ഇവിടെ ഇരുന്ന് വർക്ക്‌ ചെയ്തോ ഞാൻ പോവാ... പിന്നെ യാൻ ഞാൻ ആമിയെ കൂടെ എന്റെ ഒപ്പം കൂട്ടുന്നുണ്ട് യാൻ : അവളെ ഒന്നും കൊണ്ട് പോകണ്ട... ഒന്ന് ശ്രദ്ധ തെറ്റിയാൽ മതി അത് എവിടെ എങ്കിലും പോവാൻ... ഒന്നാമതെ ഇപ്പൊ തന്നെ സ്വസ്ഥത ഇല്ല ഇനി അവൾക്ക് എന്തെങ്കിലും പറ്റിയിട്ട് വേണം ഉള്ള സമാധാനം പോവാൻ യദു : ഞാൻ നോക്കിക്കോളാം... നീ ഇവിടെ ഇരുന്ന് വർക്ക്‌ ചെയ്യാൻ നോക്ക് ഞങ്ങൾ പോയിട്ട് വരാം യാൻ : മ്മ് അവളെ കൂടെ കൂട്ടുന്നത് ഒക്കെ കൊള്ളാം നന്നായി ശ്രദ്ധിക്കണം പറഞ്ഞില്ലെന്ന് വേണ്ട യദു : ഓഹ് തബ്രാ യാൻ : 😡 യദു : ഞാൻ പോയി അതും പറഞ്ഞ് കൊണ്ട് അവൻ അവിടെ നിന്നും അപ്പൊ തന്നെ ഇറങ്ങി ഓടി. 💞💞💞💞💞💞💞 വീട്ടിൽ നിന്നും യദുവും ആമിയും ഇറങ്ങാൻ നിന്നതും ഗംഗ അങ്ങോട്ട് വന്നതും ഒപ്പം തന്നെ ആയിരുന്നു ഗംഗ : നിങ്ങൾ ഇത് എങ്ങോട്ടാ യദു : ഞങ്ങൾ ഒന്ന് പുറത്ത് പോവാ യദു ഒരു ഒഴുക്കൻ മട്ടിൽ മറുപടി പറഞ്ഞു കൊണ്ട് നോട്ടം മാറ്റി ഗംഗ : യാൻ ബേബി എവിടെയാ അവനും നിങ്ങളുടെ കൂടെ വരുന്നുണ്ടോ യദു : എന്തിനാ നിനക്കും വരാൻ ആണോ എങ്കിൽ അവൻ വരുന്നില്ല അവന് കുറച്ച് വർക്ക്‌ ഉണ്ട്. ഗംഗ : എന്തായാലും ഞാൻ എന്റെ യാൻ ബേബിയേ ഒന്ന് കാണട്ടെ യദു : നിന്റെ ഉദ്ദേശം എന്താ എപ്പോഴും ഇങ്ങനെ കേറി ഇറങ്ങി പോവാൻ ഇത് നിന്റെ കെട്ടിയോന്റെ വീട് ഒന്നും അല്ല ഗംഗ : ഇപ്പൊ അവൻ എന്റെ കെട്ടിയോൻ ആയിരിക്കേണ്ടത് ആണ് അപ്പോഴാ ഈ നശൂലം എല്ലാം കൂളമാക്കിയത് യാൻ : അല്ലാതെ നീ ആയിട്ട് അവനെ കൊണ്ട് സമ്മതിപ്പിച്ചതല്ല ഗംഗ : എന്നാലും ഇവൾ അവന്റെ കൂടെ ഉണ്ടായിരുന്നത് കൊണ്ടല്ലേ ഈ പ്രശ്നം എല്ലാം ഉണ്ടായത് 😬 യദു : ഉണ്ടെങ്കിൽ തന്നെ നന്നായി പോയി യദു ഗംഗ കേൾക്കാതെ പിറുപിറുത്തു കൊണ്ട് പുറത്തേക്ക് നടക്കാൻ ഒരുങ്ങി ഗംഗ : നീ ഇപ്പൊ എന്തെങ്കിലും പറഞ്ഞിരുന്നോ യദു : നിന്റെ ബേബി അതിന്റെ അകത്ത് ഉണ്ട് എന്ന് പറഞ്ഞതാ ഗംഗ : എന്തായാലും ഇവളെ നീ കൊണ്ട് പോവാൻ നിന്നത് നന്നായി അത് കൊണ്ട് എനിക്കും എന്റെ ബേബിക്കും കുറച്ച് സമയം സ്പെൻഡ്‌ ചെയ്യാൻ പറ്റും. അത് ഒന്നും യദു കേട്ടതായി നടിക്കാതെ ആമിയുടെ കൈയും പിടിച്ച് മുൻപോട്ട് നടന്നു. പക്ഷേ ആമിക്ക് ഇതെല്ലാം കേട്ട് ചൊറിഞ്ഞു കേറുന്നുണ്ടായിരുന്നു. അവൾക്ക് യാനിനെ വിട്ട് യദുവിന്റെ കൂടെ പോവാൻ മനസ്സ് വരുന്നുണ്ടായിരുന്നില്ല കാരണം വേറെ ഒന്നും അല്ല ആ ഗംഗ തന്നെ.അവൾ മനസ്സില്ല മനസോടെ യദുവിന്റെ കൂടെ പോയി. 💞💞💞💞💞💞 അവർ നേരെ പോയത് ബീച്ചിലേക്ക് ആണ്. ആ ബീച് കണ്ടതും അവൾക്ക് പഴയ സംഭവങ്ങൾ എല്ലാം ഓർമ്മയിൽ വന്ന് അവളെ വീർപ്പു മുട്ടിക്കാൻ തുടങ്ങി. അവസാനമായി യാനിനെ കണ്ടത് ഇതേ ബീച്ചിൽ വെച്ചായിരുന്നു. അവൾ അതെല്ലാം ഓർത്ത് ഒരു നിമിഷം നിന്നു. യദു : എന്താണ് ആമി കുട്ടി ഒരു ആലോചന ആമി പെട്ടന്ന് എന്ത് പറയും എന്നറിയാതെ നിന്നു പിന്നെ കുറച്ച് അകലെ ആയിട്ടുള്ള ഒരു ഐസ്ക്രീം വണ്ടി കണ്ടതും അവൾക്ക് അപ്പൊ തന്നെ ഐഡിയ കിട്ടി ആമി : യദുവേട്ടാ ആമിക്ക് ഐസ്ക്രീം വേണം ☹️ യദു : അത്ര ഒള്ളൂ അത് ഒക്കെ നിസാരം 😎 മോൾ വാ നമ്മുക്ക് ഐസ്ക്രീം വാങ്ങിയിട്ട് വരാം അതും പറഞ്ഞ് കൊണ്ട് അവർ ഐസ്ക്രീം വാങ്ങാൻ പോയി ഐസ് ക്രീം ഒക്കെ വാങ്ങി കഴിച്ച് അവർ രണ്ട് പേരും കൂടി കുഞ്ഞി കുട്ടികളെ പോലെ തിരയിൽ കളിച്ചു കൊണ്ടിരുന്നു. അപ്പോഴാണ് യാനിന്റെ കാൾ അവന് വരുന്നത് യാൻ : നീ ഇപ്പൊ എവിടെയാ യദു : ഞങ്ങൾ ഇവിടെ അടുത്തുള്ള ബീച്ചിൽ ഉണ്ട് എന്താടാ യാൻ : ഒന്നുല്ല അവൾ എവിടെയാ യദു : അവൾ ഇവിടെ ഉണ്ട് എന്താടാ എന്തെങ്കിലും അത്യാവശ്യം ഉണ്ടോ....  നിന്റെ സ്വീറ്റ് ഹാർട്ട്‌ അവിടെക്ക് വന്നിട്ട് ഉണ്ടായല്ലോ ആ രാക്ഷസി എവിടെ പോയി യാൻ : യദു 😬 യദു : എന്താടാ അവളെ പറഞ്ഞത് നിനക്ക് പിടിച്ചില്ലേ അങ്ങനെ യദു ഒന്നും രണ്ടും പറഞ്ഞ് കൊണ്ട് ഇരുന്നു. അതിന്റെ ഇടയിൽ അവൻ ഇടക്കിട്ട് ആമിയെ നോക്കുന്നുണ്ടായിരുന്നു അവൾ അപ്പോഴും തിരയിൽ കളിച്ചു കൊണ്ട് ഇരിക്കുകയാണ്. തിരയിൽ കളിച്ച് വയ്യാതെ ആയത് കൊണ്ട് അവൾ അടുത്ത് കണ്ട ബെഞ്ചിൽ പോയി ഇരുന്നു അപ്പോഴാണ് അവളുടെ അടുത്തേക്ക് ഒരു വയസായ സ്ത്രീ വന്നത്. ഒരു കറുത്ത ബ്ലൗസും വെള്ള മുണ്ടും ആണ് വേഷം... പഴയതായ വസ്ത്രം ആണെന്ന് ഒറ്റ നോട്ടത്തിൽ കണ്ടാൽ തന്നെ മനസിലാവും. വെയിൽ കൊണ്ടത് കൊണ്ടാണെന്ന് തോന്നുന്നു അവർ ഒരുപാട് തളർന്നിട്ടുണ്ട്. അവർ അവളുടെ മുഖം ഒന്ന് നോക്കി. " അവസാനം പാതിയായവൻ നിന്നിലേക്ക് തന്നെ വന്നെത്തിയിരിക്കുന്നു പക്ഷേ സന്തോഷിക്കാൻ ആയിട്ടില്ല ഇനിയും വിധി നിങ്ങളെ കളിപ്പിക്കും മുൻപ് അനുഭവിച്ചതിനെകാളും കൂടുതൽ വിരഹവേദന ആയിരിക്കും ഇനി അനുഭവിക്കേണ്ടി വരുന്നത്. സൂക്ഷിക്കുക അപകടം കൂടെ തന്നെ ഉണ്ട്. പക്ഷേ നിന്റെ പാതിയായവൻ നിന്റെ അരികിൽ ഉള്ളിടത്തോളം കാലം ഭയപ്പെടേണ്ടതില്ല എല്ലാ ദുഷ്ടശക്തികളിൽ നിന്നും അവൻ നിന്നെ രക്ഷിക്കും... പക്ഷേ ദൈവം കരുതി വെച്ച വിരഹവേർപാടിൽ നിനക്ക് അവനിൽ നിന്നും അകലേണ്ടി വരും പക്ഷേ ഒന്ന് ഓർക്കുക നിന്നെ പോലെ തന്നെയാണവനും അവന്റെ ഒപ്പം തന്നെ അപകടമുണ്ട്  നിനക്ക് മാത്രമേ അവനെ താങ്ങാൻ പറ്റുകയൊള്ളു... നിങ്ങളിൽ ഒരാൾക്ക് എന്ത് പറ്റിയാലും സ്വയം താങ്ങാവാൻ നിങ്ങൾക്ക് മാത്രമേ പറ്റു. ശിവന് പാർവതി ദേവി എങ്ങനെ ആണോ അത് പോലെ ആയിരിക്കും അവന് നീ... രണ്ടാളുടെയും ആയുസ്സിന് ചെറിയ കോട്ടം കാണുന്നുണ്ട് എന്തായാലും ദീർഘസുമംഗലി ആയിരിക്കട്ടെ..." അത്രയും പറഞ്ഞ് കൊണ്ട് അവർ നടന്നകന്നു അവരുടെ വാക്കുകളിലെ പൊരുൾ മനസിലാവാതെ ആമിയും അവിടെ തന്നെ ഇരുന്നു എന്നാൽ ഇതെല്ലാം പുറകിൽ നിന്നും കേട്ട യദുവിന് ഒന്നും തന്നെ മനസിലായില്ല എങ്കിലും അവന് എന്തോ ഒരു നെഗറ്റീവ് വൈബ് അനുഭവപെടാൻ തുടങ്ങി. പിന്നെ ഇതെല്ലാം വെറുതെ ഇവർ വെറുതെ പറയുന്നതാണെന്ന് സ്വയം വിശ്വസിപ്പിച്ചു കൊണ്ട് അവൻ ആമിയുടെ അടുത്ത് വന്നിരുന്നു. പിന്നെ കുറച്ച് നേരം രണ്ടാളും  തിര എണ്ണി കൊണ്ട് ഇരുന്നു. പിന്നെ ഒന്നും തന്നെ മിണ്ടാതെ അവർ കാറിന്റെ അടുത്തേക്ക് നടന്നു. ആമി : യദുവേട്ടാ ആമിക്ക് ഒരു ഐസ്ക്രീം കൂടി വേണം യദു : നമുക്ക് പോകുന്ന വഴി വാങ്ങാം മോൾ ഇപ്പൊ വാ ആമി : ആമിക്ക് ഇപ്പൊ തന്നെ വേണം യദു : അത് അവിടെ അല്ലെ ആമികുട്ടി കുറച്ച് നടക്കാൻ ഇല്ലേ പിന്നെ നിന്നെ കാറിൽ ആക്കി കൊണ്ട് എങ്ങനെയാ ഞാൻ പോവാ അത് കൊണ്ട് നമുക്ക് പോകുന്ന വഴി വാങ്ങാം ആമി : യദുവേട്ടാ ഞാൻ നല്ല കുട്ടി ആയിട്ട് ഇവിടെ ഇരുന്നോളാം എനിക്ക് ഐസ്ക്രീം വേണം ☹️ യദു : എന്നാ ഞാൻ പോയി വാങ്ങിയിട്ട് വരാം പക്ഷേ ഇവിടെ തന്നെ ഇരിക്കണം കേട്ടല്ലോ ആമി : മ്മ് അതിന് ആമി ഒന്ന് മൂളി കൊണ്ട് അവിടെ തന്നെ ഇരുന്നു യദുവിന്റെ മൂഡ് ഒന്ന് ചേഞ്ച്‌ ആക്കാൻ വേണ്ടിയാണ് അവൾ അങ്ങനെ പറഞ്ഞത്. യദു അങ്ങോട്ട്‌ നടക്കുന്നുണ്ടെങ്കിലും എപ്പോഴും തിരിഞ്ഞു നോക്കി കൊണ്ടാണ് നടക്കുന്നെ....യദു ഐസ്ക്രീം വാങ്ങി വരുന്നത് കണ്ടതും അവൾ വേഗം തന്നെ കാറിൽ നിന്നും ഇറങ്ങി ആ സമയം കൊണ്ട് തന്നെ അകലെ നിന്നും വരുന്ന ഒരു കാർ അവളെ തട്ടി കൊണ്ട് കടന്നു പോയിരുന്നു യദു : ആമി..... അത് കണ്ടതും യദു കൈയിലെ ഐസ്ക്രീം താഴെ ഇട്ടു കൊണ്ട് അവളുടെ അടുത്തേക്ക് ഓടി അപ്പോഴേക്കും കുറെ ആളുകൾ അവർക്ക് ചുറ്റും കൂടിയിരുന്നു.... യദു : ആമി.... മോളെ അവൻ പേടിയോടെ അവളെ തട്ടി വിളിച്ചു. അവന്റെ കണ്ണുകൾ ഒക്കെ നിറഞ്ഞൊഴുകുന്നുണ്ടായിരുന്നു. അവൻ കവിളിൽ തട്ടിയതും അവൾ കണ്ണ് ചിമ്മി തുറന്ന് കൊണ്ട് അവനെ ഒന്ന് നോക്കി വേദനയിൽ കുതിർന്ന ഒരു പുഞ്ചിരി നൽകി. പതിയെ അവളുടെ കണ്ണുകൾ അടയാൻ നിന്നതും പിന്നെ അവൻ ഒന്നും നോക്കാതെ അവളെ കൈകളിൽ കോരി കൊണ്ട് ഹോസ്പിറ്റലിലേക്ക് വിട്ടു. പോകുന്ന വഴിയിൽ അവൻ ഇടക്കിട്ട് അവളെ നോക്കി കൊണ്ട് ഇരുന്നു. തുടരും..... #💌 പ്രണയം #💞 പ്രണയകഥകൾ #📔 കഥ #📙 നോവൽ #നോവൽ