#🏛️రాజకీయాలు #🏛️పొలిటికల్ అప్‌డేట్స్ #📰ఈరోజు అప్‌డేట్స్ #🆕Current అప్‌డేట్స్📢 #📰జాతీయం/అంతర్జాతీయం *అవగాహనలేని ఇరిగేషన్ అధికారుల తీరుపై రైతుల ఆగ్రహం..* డాక్టర్ బి.ఆర్ అంబేద్కర్ కోనసీమ జిల్లా విలస గ్రామ పంచాయితీ పరిధిలో సిరిపల్లి నుండి అమలాపురం వైపు ప్రవహించే ప్రధాన పంట కాలవపై ప్రైవేటు వ్యక్తులు కల్వర్ట్ (చిన్న వంతెన) నిర్మాణ పనులు చేపట్టడం పట్ల రైతులు ఆందోళనకు గురవుతున్నారు. గ్రామం చివరలో లేఅవుట్ అభివృద్ధి పేరుతో జరుగుతున్న ఈ నిర్మాణానికి సంబంధించి అధికారిక అనుమతులు ఎవరు ఇచ్చారో తెలియకపోవడం వివాదాస్పదంగా మారింది. రైతుల వివరాల ప్రకారం ప్రస్తుతం నిర్మిస్తున్న వంతెన బాటం కాలవ లోతు కంటే ఎత్తుగా ఉండటంతో భవిష్యత్తులో నీటి ప్రవాహానికి తీవ్ర ఆటంకం కలిగే అవకాశం ఉందని చెబుతున్నారు. వర్షాకాలంలో కాలవ నీరు కిందకు సక్రమంగా వెళ్లక పంట పొలాలు ముంపుకు గురయ్యే ప్రమాదం ఉందని ఆవేదన వ్యక్తం చేస్తున్నారు. ఇరిగేషన్ శాఖ అధికారులు నిర్మాణ పనులను పరిశీలించకుండా నిర్లక్ష్యంగా వ్యవహరిస్తున్నారని రైతులు మండిపడుతున్నారు. కాలవ వెడల్పు, నీటి ప్రవాహ సామర్థ్యం, భవిష్యత్ అవసరాలను పరిగణలోకి తీసుకోకుండా పనులు కొనసాగుతున్నాయని ఆరోపిస్తున్నారు..ఉన్నతాధికారుల నుండి కల్వర్ట్‌కు డిజైన్ మరియు డ్రాయింగ్ అప్రూవల్ రాకుండానే నిర్మాణ పనులు ప్రారంభించడమేకాక, ప్రభుత్వానికి సెక్యూరిటీ డిపాజిట్ చెల్లించకుండా పనులు చేపట్టడం వలన భవిష్యత్తులో రైతులకు సాగునీరు అందక ఇబ్బందులు ఎదురయ్యే పరిస్థితి ఏర్పడుతుందని రైతులు ఆందోళన వ్యక్తం చేస్తున్నారు..తక్షణమే ఈ నిర్మాణ పనులను నిలిపివేసి పూర్తి స్థాయిలో విచారణ చేపట్టాలని రైతులు డిమాండ్ చేస్తున్నారు. లేకపోతే ప్రతి సోమవారం జిల్లా కలెక్టరేట్‌లో నిర్వహించే “ప్రజా సమస్యల ప్రజావేదిక” కార్యక్రమంలో అధికారులకు ఫిర్యాదు చేస్తామని హెచ్చరిస్తున్నారు. అధికారులను ఫోన్ ద్వారా రెండు మూడు పర్యాయాలు సంప్రదించేందుకు ప్రయత్నించినప్పటికీ స్పందన లభించలేదని రైతులు ఆరోపిస్తున్నారు..ప్రభుత్వ అధికారులు వెంటనే స్పందించి రైతులకు ఇబ్బందులు తలెత్తకుండా తగిన చర్యలు తీసుకోవాలని స్థానిక రైతులు కోరుతున్నారు.. __________________________ డాక్టర్ బి.ఆర్.అంబేద్కర్ కోనసీమ జిల్లా :- *శేఖర్✍️ న్యూస్ 📹 గ్రూప్స్* 4️⃣ 👇 *వాట్సాప్ గ్రూప్ లింక్*👇 ______________________✍️ *ఫాలో అవ్వండి.* & *సబ్ స్క్రైబ్ చేసుకోండి...👇* ౼౼౼౼౼౼౼౼౼౼౼౼౼౼౼౼౼౼౼ Follow this link to join my WhatsApp group: https://chat.whatsapp.com/2opEPGh68Zq0FMQqQWreQy?mode=gi_t ౼౼౼౼౼౼౼౼౼౼౼౼౼౼౼౼౼౼౼౼