शिवछत्रपतींचा राज्याभिषेकाची वार्ता दिल्ली दरबारात पोहोचली त्यावेळी औरंगजेब मनोमन खिन्न झाला त्याच्या मनाची दशा कशी झाली, याचे फार सुंदर वर्णन मल्हार रामराव चिटणीस या बखरकाराने केले आहे तो लिहीतो.., “राज्याभिषेक होवून तख्त केले हे वर्तमान समजले ते पातशहा बहुत खफा होऊन दिलगीर झाले आणि (म्हणाले) ‘खुदाने वर देवून आम्हास बाराशे वर्षे पाताशहात दिली ती मर्यादा अवकाश असता दुसरे तख्त पृथ्वीवर हिंदूंचे जाले..! हे तख्त मोडाव्याचे कठीण गोस्त आहे सुलतान रुकंदिन याचे कुलात उत्पन्न होवून आपले कारकिर्दीत हे गोष्ट घडली व्यर्थ उत्पन्न झालो..शिवाजी महाराजांनी रानाजीचे (उदयपूरचा राणा) कुळी उत्पन्न होवून पुन्हा छत्र सिंहासन तख्त केले ते धन्य झाले’ (असे) म्हणोन तीन दिवसांपर्यंत बाहेर आले नाहीत.. मक्केस निघून जावे.. म्हणून जनाण्यात राहिले” मल्हार रामरावाने तत्कालीन राजनैतिक भाव अचूकपणे जाणला आहे...” शिवराज्याभिषेक दिन म्हणजे मराठ्यांना, त्यांच्या राज्याला, स्वातंत्र्य व सार्वभौमत्वा देणारा दिवस होय. सव्वातीनशे वर्षापूर्वी घडलेल्या या घटनेचे स्मरण आपण दरवर्षी रायगडावर येवून करत असतो लोकशाही भारतात आपले राष्ट्र सार्वभौम राहावे यासाठी आपण सतत जागरूक असतो त्याकामी रायगडावरील हा शिवराज्याभिषेक महोत्सव सतत प्रेरणा देत राहील... इतिहासकार : डॉ.जयसिंगराव पवार. #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त