#💐संत महंत🙏 #✍️भक्ती संदेश #🌻आध्यात्म 🙏 . . ll ज्ञानेश्वरीतील ज्ञानामृत चिंतन ll
. ***********************
अभ्यास वैराग्याने ज्याचे रूप आपल्याला आत्मसात करून
. घ्यायचे आहे
. तो कवी म्हणजे पुराणपुरुष असून सर्वज्ञ आहे,
. तो सनातन आहे.
. तो सूक्ष्मतम आहे, म्हणून सर्वव्यापी आहे तो शास्ता आहे
.************************************************
. . तो केवळ परब्रह्म । जया परमपुरुष ऐसे नाम l
. ते माझे निजधाम । होऊनि टाके ll
******************[ ज्ञानेश्वरी-८/९९]*****************
ll अर्थ ll
. तो परमपुरुष म्हणजे शुद्ध परब्रह्म होय. तो एक धार्मिक माणूस आहे. तो या निजस्वरूपाला प्राप्त होतो.
. ll स्पष्टीकरण ll
. . अभ्यास योगयुक्त उपासक ज्या दिव्य पुरुषाला जाऊन मिळतो त्या दिव्य परमपुरुषाचे स्वरूप भगवंत आता उलगडून दाखवित आहेत. अभ्यास वैराग्याने ज्याचे रूप आपल्याला आत्मसात करून घ्यायचे आहे तो कवी म्हणजे पुराणपुरुष असून सर्वज्ञ आहे, तो सनातन आहे. तो सूक्ष्मतम आहे, म्हणून सर्वव्यापी आहे तो शास्ता आहे म्हणजे त्याच्या नियंत्रणाखाली ब्रह्मांडे निर्माण होतात व नष्ट होतात. तो ब्रह्मांडापेक्षा मोठा आहे ते चैतन्य परब्रह्म आहे, तो सर्वांना धारण करणारा आहे. तो आदित्य वर्ण आहे. सर्व जगाला प्रकाश देणारा आहे.
. मरणकाळ प्राप्त झाला असता स्वरूप प्रकाशात जीवात्मा कसा मिसळतो हे ज्ञानेश्वरांनी फार उत्तम प्रकारे स्पष्ट केले आहे. ते म्हणतात,
. 'स्थिर अंतःकरणाने काहीच व्यंग नसलेल्या ब्रह्माला जो जाणून असतो व त्याला स्मरतो; पद्मासन घालून उत्तरेकडे तोंड करून बसतो; कर्मयोगाचे सुख अंतःकरणात साठवतो; मन एकाग्र झाल्याने आत्मस्वरूपाच्या प्रेमाने सुषुम्ना नाडीच्या मध्यमार्गाने ब्रह्मरंध्रा जाण्यास जो प्राण निघतो; जेथे प्राणवायू ऊर्ध्व दिशेने आकाशात प्रवेश करतो तेथे प्राणाचा आणि चित्ताचा मनाच्या स्थिरतेने संबंध झालेला असतो. योगबलाने आवरलेला प्राणवायू चेतन व अचेतन पदार्थांना नाहीसे करून भिवयांत संचार करतो व तेथे लय पावतो.
. ज्याप्रमाणे घंटेचा नाद घंटेत लय पावतो किंवा घटाखाली झाकलेला दिवा कधी विझला हे कळत नाही याप्रमाणे जो देह ठेवतो तो पुरुष जे केवळ परब्रह्म आहे व ज्याला परमपुरुष हे नाव आहे. असे जे माझे खास स्वरूप आहे तो या निजधामाला प्राप्त होतो.
. कसे जगावे हे जसे शिकावे लागते तसेच कसे मरावे हेही भगवंतांनी सांगितले आहे.
. ll राम कृष्ण हरी, माऊली ll
