Part 80 " ഇന്നലെയും കൂടി ഞാൻ പറഞ്ഞതല്ലേ ഉള്ളു ഇത് പോലെ എന്ത് ആഗ്രഹം ഉണ്ടെങ്കിലും എന്നോട് പറയണം എന്ന് " : കണ്ണൻ " എന്ത് ആഗ്രഹം പറഞ്ഞാലും കണ്ണേട്ടൻ നടത്തി തരുമോ....? " : ഗൗരി ആകാംഷയോടെ തിരക്കി. " എന്നെ കൊണ്ട് കഴിയുന്ന എന്തും നടത്തി തരും " : പെണ്ണിന്റെ ചോദ്യം കേട്ടതും കണ്ണ് ചുരുക്കി അത്രയും ഉറപ്പോടെ പറഞ്ഞു അവൻ " എന്നെ എവിടെ എങ്കിലും കറങ്ങാൻ കൊണ്ട് പോകാൻ ആണ് ഞാൻ പറയുന്നത് എങ്കിലോ " : കാല് രണ്ടും കുത്തനെ വെച്ച് കൈ രണ്ടും കൊണ്ട് മുഖം താങ്ങി പിടിച്ച് ആകാംഷ വിടാതെയാണ് ഗൗരി അത് തിരക്കിയത്. " കറങ്ങാൻ കൊണ്ട് പോകും " : അവനും ഒരു കണ്ണിൽ വിരിഞ്ഞ തിളക്കത്തോടെ അതിനുള്ള മറുപടി നൽകി. " അത് ഇപ്പൊ രാത്രി ആണെങ്കിലോ...? " : ഗൗരി തിടുക്കത്തോടെ തിരക്കി. " രാത്രി ആണെങ്കിലും കൊണ്ട് പോകും " : ഇപ്രാവിശ്യം അവളുടെ ചോദ്യം കേട്ടതും അവന് ചിരിയാണ് വന്നത്. എങ്കിലും അത് മറച്ച് കൊണ്ട് അവൾക്ക് ഉള്ള മറുപടി കൊടുത്തു. " അപ്പൊ മഴ ആണെങ്കിലോ...? " : ഗൗരി ചെറുതായിട്ട് മുന്നിലേക്ക് അഞ്ഞ് കൊണ്ട് തിരക്കി. " മഴ മാറിയിട്ട് കൊണ്ട് പോകും " : അവൻ കണ്ണോന്ന് ചുരുക്കി കൊണ്ട് മറുപടി നൽകി. " അപ്പൊ ഇനി ചിലപ്പോ കണ്ണേട്ടന് വയ്യെങ്കിലോ, അല്ലെങ്കിൽ കണ്ണേട്ടൻ വേറെ എന്തെങ്കിലും തിരക്കിൽ ആണെങ്കിലോ....? " : കണ്ണൻ എല്ലാത്തിനും അലുകൂനിച്ച് ഉള്ള മറുപടി കൊടുക്കുന്നത് കണ്ടതും ആവേശം ഒട്ടും കുറയാതെ അവൾ ചോദിച്ചു. എന്നാൽ ഇപ്രാവിശ്യം അവൻ അവളെ കടുപ്പിച്ച് ഒന്ന് നോക്കി. ആഗ്രഹം എന്ന് പറഞ്ഞിട്ട് ഇതിപ്പോ ആഗ്രഹം മുടക്കുന്ന കാര്യങ്ങളാണ് ചോദിക്കുന്നത്. അവന്റെ നോട്ടം കണ്ടതും ഗൗരി ഒന്ന് പതറി.  എത്ര ഒക്കെ ആണെന്ന് പറഞ്ഞാലും അവൾക്ക് ഉള്ളിൽ ഇപ്പോഴും കണ്ണനെ പേടി ആണ്. അവന്റെ നോട്ടം നേരിടാൻ കഴിയാതെ കൈ രണ്ടും താഴ്ത്തി ഇട്ട് മെല്ലെ തല ചെരിച്ച് അങ്ങോട്ടും ഇങ്ങോട്ടും നോക്കി ഇടക്ക് കണ്ണനെയും നോക്കും. " അത്.... അത് പിന്നെ അറിഞ്ഞ് വെക്കാലോ എന്ന് കരുതി ചോദിച്ചതാ. ഇന്ന് തന്നെ ഞാൻ കരുതിയിലെ കണ്ണേട്ടൻ മറ്റെന്തെങ്കിലും ആവിശ്യത്തിന് വന്നതാണെന്ന് അത് കൊണ്ട് അല്ലെ ഞാൻ ഇവിടേക്ക് വരണം എന്ന് ആഗ്രഹിച്ചിട്ടും പറയാഞ്ഞത് " : നിമിഷങ്ങൾ കഴിഞ്ഞിട്ടും കണ്ണന്റെ നോട്ടം തന്നിൽ നിന്ന് മാറുന്നില്ല എന്ന് കണ്ടതും ഗൗരി മെല്ലെ പറഞ്ഞു. അത് കേട്ടതും ഒരു ചിരി ഒളിപ്പിച്ച് കൊണ്ട് കണ്ണൻ ഗൗരിയുടെ ശ്രദ്ധ ആകർഷിക്കും വിധം അവന്റെ കൈ എടുത്ത് മെല്ലെ അവളുടെ കയ്യ് പൊതിഞ്ഞ് പിടിച്ചു. അത് അറിഞ്ഞത് പോലെ ഗൗരിയും അവനെ നോക്കി. അവൾക്കും അറിയാം ഇങ്ങനെ അവൻ കൈ പിടിക്കുന്നുണ്ട് എങ്കിൽ അവളോട് എന്തെങ്കിലും പറയാൻ വരുമ്പോഴാണ് എന്ന് ഇപ്പൊ കുറെ ആയില്ലേ ഇങ്ങെനെ. " നോക്ക്, എന്ത്... എന്തൊരു കുഞ്ഞ് ആഗ്രഹം ഉണ്ടെങ്കിലും നിനക്ക് എന്നോട് പറയാം. അതിന് യാതൊരു മടി കാണിക്കേണ്ട കാര്യം ഇല്ല. ഇന്ന് ഈ ലോകത്ത് മറ്റാരേക്കാളും നിന്നിൽ ഉള്ള അവകാശം എനിക്ക് ആണ് അത് പോലെ തന്നെയാണ് തിരിച്ചും. അപ്പൊ എന്ത് ചെറിയ കാര്യം ആണെങ്കിൽ പോലും നിനക്ക് അത് എന്നോട് പറയാം, ആഗ്രഹം ആണെങ്കിൽ അങ്ങനെ എന്നെ കൊണ്ട് കഴിയ്യുന്നത് ആണെങ്കിൽ ഏത് വിധേനയും ഞാൻ അത് നടത്തി തരും. ഇനി അതല്ല നേരത്തെ നീ പറഞ്ഞത് പോലെ എനിക്ക് എന്തേലും അസൗകര്യം ഉണ്ടെങ്കിൽ അത് ഞാൻ തുറന്ന് പറയും അപ്പൊ അത് നീയും മനസ്സിലാക്കണം. ഇന്ന് എനിക്ക് നടത്തി തരാൻ കഴിഞ്ഞില്ല എങ്കിൽ നാളെ ഒരിക്കൽ ഉറപ്പായും ഞാൻ നടത്തി തന്നിരിക്കും. അത് പോരെ ഗൗരി നന്ദക്ക് " : സൗമ്യമായി അവളോട് അത്രയും പറഞ്ഞ് കൊണ്ട് അവളെ നോക്കി കണ്ണ് ചിമ്മി. അവളും അതിന് അവനെ കണ്ണെടുക്കാതെ നോക്കി കൊണ്ട് തലയാട്ടി. എന്തോ ഉള്ളം സന്തോഷം കൊണ്ട് നിറയുന്നത് പോലെ തോന്നി അവൾക്ക്. പെട്ടെന്ന് എന്തോ ഓർത്ത പോലെ അവൾ അവനെ നോക്കി. " എങ്കിൽ.... എങ്കിൽ ഞാൻ പറയുന്ന ഒരു... ഒരു കാര്യം ചെയ്യുവോ....? " : ചെറിയൊരു പരുങ്ങലോടെ അവൾ ചോദിച്ചു. അത് കേട്ടതും അവൻ അവളെ മുഖത്തേക്ക് ഒന്ന് നോക്കി. ആ ചോദ്യത്തിനുള്ള പരുങ്ങൽ അവന് പെട്ടന്ന് മനസ്സിലാവുകയും ചെയ്തു. അത് കൊണ്ട് തന്നെ അവൾക്കുള്ള ഉത്തരം കൊടുക്കാതെ അവളുടെ കയ്യിലുള്ള പിടി വിട്ട് നിവർന്ന് ഇരുന്ന് കൊണ്ട് അവളെ നോക്കി പിരുകം ഉയർത്തി. " അത്... അതില്ലേ അത് പിന്നെ കണ്ണേട്ടൻ ഇനി അങ്ങനെ അടി ഉണ്ടാക്കാൻ ഒന്നും പോകണ്ട " : അവന്റെ പ്രതികരണം ഓർത്ത് കൊണ്ട് ചെറിയൊരു പേടിയോടെയും പതർച്ചയോടെയും ആണ് അവൾ അത് പറഞ്ഞത്. അത് കേട്ടതും അവന്റെ മുഖം ഒന്ന് ആർദ്രമായി. ഒരു നിമിഷം അവൻ കണ്ണെടുക്കാതെ അവളെ നോക്കി ഇരുന്നു. അവളുടെ എന്തെങ്കിലും ആഗ്രഹം പറയാൻ പോകുവാണ് എന്നാണ് അവൻ കരുതിയിരുന്നത് പക്ഷെ ഇങ്ങനെ ഒരു ആവിശ്യം മുന്നിലേക്ക് വെക്കും എന്ന് അവൻ ഒരിക്കലും കരുതിയിരുന്നില്ല. " അതിന് ഞാൻ അടിയൊന്നും ഉണ്ടാക്കാറില്ലല്ലോ " : സൗമ്യമായി തന്നെ അവൻ അവൾക്കുള്ള മറുപടി നൽകി. " ഇല്ല കണ്ണേട്ടൻ അടി ഉണ്ടാക്കും, ഞാൻ കണ്ടിട്ടുണ്ടല്ലോ റോട്ടിൽ കിടന്ന് തല്ല് ഉണ്ടാക്കുന്നത്. പിന്നെ പോലീസ് പിടിച്ചോണ്ട് പോകുന്നത് എല്ലാം " : കണ്ണന്റെ സൗമായമായ പ്രതികരണം കണ്ട് അവൾ പേടിയൊക്കെ വിട്ട് കൊണ്ട് പറഞ്ഞു. " അതൊന്നും ഞാൻ പോയി അടി ഉണ്ടാകുന്നത് അല്ലന്നേ, ഒന്നുങ്കിൽ അടി ഉണ്ടാകണം എന്ന ലക്ഷ്യത്തോടെ എന്റെ അടുത്തോട്ടു വരുന്നതായിരിക്കും അതല്ലെങ്കിൽ അവർ എന്തെങ്കിലും ഒക്കെ തെറ്റ് ചെയ്യുമ്പോൾ അതിന് ഞാൻ പ്രതികരിക്കുന്നത് ആയിരിക്കും എന്നെ അല്ലാതെ ഞാൻ ആയിട്ട് അങ്ങോട്ട് പോകുന്നത് ഒന്നും അല്ല " : അവൾക്ക് മനസ്സിലാകുന്ന വിധം അവൻ പറഞ്ഞു. " അങ്ങനെ ഇങ്ങോട്ട് അടി ഉണ്ടാകാൻ വരുമ്പോൾ കണ്ണേട്ടൻ ഒഴിഞ്ഞ് മാറണം എന്തിനാ പിന്നെയും അവരുടെ കൂടെ തന്നെ  നിൽക്കുന്നെ. പിന്നെ തെറ്റ് ചെയ്യുന്നവരോട് ഒക്കെ അടി ഉണ്ടാകാൻ കണ്ണേട്ടൻ എന്തിനാ പോകുന്നെ, അവരെ ഒക്കെ നോക്കാൻ ഇവിടെ പോലീസ് ഇല്ലേ അപ്പൊ അങ്ങനെ എന്തെങ്കിലും കാണുമ്പോ കണ്ണേട്ടൻ പോലീസിനെ അറിയിക്കണം " : ഗൗരി അത്രയും കാര്യമായിട്ട് തന്നെ പറഞ്ഞു. എന്നാൽ അത് കേട്ട് നിന്നവൻ ചിരിയാണ് വന്നത്. അല്പം മുൻപ് പോലും പരുങ്ങി നിന്നവളാണ് ഇപ്പൊ അങ്ങനെ ചെയ്യണം ഇങ്ങനെ ചെയ്യണം എന്നൊക്കെ അവന് പറഞ്ഞ് കൊടുക്കുന്നത്. " അതോ ചെലപ്പോ പോലീസിനെ അറിയിക്കാൻ പറ്റി എന്ന് വരില്ല. ഒരിക്കൽ ഞാൻ കവലയിൽ കടയിൽ നിന്ന് ചായ കുടിച്ച് ഇറങ്ങുവായിരുന്നു. അപ്പോഴാ ഒരുത്തൻ ചുറ്റും നോക്കി പമ്മി പമ്മി പോകുന്നത് കണ്ടത്. അത് ഈ സ്കൂളും കോളേജും ഒക്കെ വിട്ട് കുട്ടികൾ ബസ്സ് ഇറങ്ങി വീട്ടിലെക്കും ട്യൂഷനും ഒക്കെ പോകുന്ന സമയം ആയിരുന്നു. അങ്ങനെ ഇവനെ തന്നെ ഇങ്ങനെ നിരീക്ഷിച്ച് കൊണ്ട് ഇരുന്നപ്പോഴാ ഇവൻ ഒരു സ്കൂൾ യൂണിഫോം ഇട്ട പെണ്ണ് കൊച്ചിന്റെ പിറകെ പോകുന്നത് കണ്ടത്. ആ കൊച്ചിനെ കണ്ടാൽ എട്ടിലോ ഒമ്പത്തിലോ പഠിക്കുന്നതായിട്ടേ തോന്നു. അങ്ങനെ സംശയം തോന്നി ഇവന്റെ പിറകെ ചെന്നപ്പോഴാ ഒരു ഇട വഴി എത്തിയതും ഇവൻ ആ കൊച്ചിനെ ഉപദ്രവിക്കാൻ നോക്കുന്നത് കണ്ടത്, അപ്പൊ മുന്നും പിന്നും ഒന്നും നോക്കിയില്ല കൊടുത്ത് അവന് നല്ലത്. അടി കണ്ട് പേടിച്ച് നിൽക്കുന്ന കൊച്ചിനോട് അപ്പൊ തന്നെ വീട്ടിൽ പൊക്കോളാനും പറഞ്ഞു. അത് പേടിച്ച് അപ്പൊ തന്നെ താഴെ കിടന്ന ബാഗും എടുത്ത് ഒറ്റ ഓട്ടം. ആ സമയം കൊണ്ട് ഇവൻ ഓടി കവലയിലേക്ക് പോയി, പിറകെ ഞാനും ഞങ്ങളുടെ കോലം കണ്ടിട്ടോ എന്തോ ആളുകളും കൂടി. പലരും എന്നെ പിടിച്ച് വെച്ചു. കാര്യം പറഞ്ഞ് വന്നപ്പോൾ ഞാൻ അവനോട് പൈസ ചോദിച്ചിട്ട് അവൻ കൊടുക്കാഞ്ഞിട്ട് തല്ലി എന്നായി. അവൻ ആ നാട്ടുകാരൻ ആയത് കൊണ്ടും എന്നേക്കാൾ വിശ്വാസം അവനെ ആയത് കൊണ്ടും ആരും ഞാൻ പറഞ്ഞത് വിശ്വസിച്ചില്ല. ആ കൊച്ചിനെ പറഞ്ഞ് വിട്ടത് കൊണ്ട് എന്റെ ഭാഗം തെളിയിക്കാൻ വേറെ മാർഗം ഇല്ലായിരുന്നു. ഇനി പറ ഇങ്ങനെ ഒക്കെ സാഹചര്യത്തിൽ പോലീസിനെ വിളിച്ച് അവർ വരുന്നത് വരെ കാത്തിരിക്കാൻ സാധിക്കുമോ. അങ്ങനെ കാത്തിരുന്നിട്ട് ആ കൊച്ചിന് എന്തെങ്കിലും സംഭവിച്ചാൽ അതിന്റെ കുറ്റബോധം വേറെ. അങ്ങനെ ഉള്ള സാഹചര്യത്തിൽ നമ്മൾ പ്രതികരിക്കുക തന്നെ വേണം " : അവൻ അത്രയും പറഞ്ഞ് കൊണ്ട് അവളെ നോക്കി. അവളും അതിന് മറുപടി ഒന്നും ഇല്ലാതെ നിന്നു. ശെരിയാ അന്ന് പോലീസ് വരാൻ കാത്ത് നിന്നിരുന്നു എങ്കിൽ ആ കൊച്ചിന്റെ അവസ്ഥ എന്താകുമായിരുന്നു ഈശ്വരാ... അത് ഓർത്താതെ അവളുടെ ഉള്ളം ഒന്ന് കലങ്ങി. ഒപ്പം മുന്നിൽ ഇരിക്കുന്നവനോട് ഒരു ബഹുമാനം വന്നത് പോലെ. " പിന്നെ ഇങ്ങോട്ട് ഓരോന്ന് പറഞ്ഞ് അടി ഉണ്ടാകാൻ വരുന്നവന്മാരുടെ കാര്യം, ഒഴിഞ്ഞ് പോകുമെങ്കിലും പിന്നെയും തട്ടാനും മുട്ടാനും വരുന്നവന്മാരെ പിന്നെ എന്ത് ചെയ്യണം. " : കണ്ണൻ അതും പറഞ്ഞ് അവളിലേക്ക് തിരിഞ്ഞു. " ക്ഷമിക്കണം, ഇങ്ങോട്ട് തട്ടുമ്പോ തിരിച്ച് തട്ടാൻ പോകുന്നത് കൊണ്ട് അല്ലെ അതൊരു വലിയ അടി ആകുന്നത്. കണ്ണേട്ടൻ അതങ്ങ് ക്ഷമിച്ചു പോയാൽ അവിടെ തീരൂല്ലേ ആ പ്രശ്നം " : ഗൗരി ഒരു ഉപദേശം പോലെ കാര്യമായി തന്നെ അവന് പറഞ്ഞ് കൊടുത്തു. " ഈ കാര്യത്തിൽ എന്തായാലും ഗൗരി നന്ദയെ പോലെ മദർ തെരേസ ആകാൻ എന്നെ കിട്ടില്ല. എന്റെ ദേഹം നൊന്തൽ അത് തിരിച്ച് ഞാനും കൊടുത്തിരിക്കും " : അവളുടെ ഉപദേശം ഇഷ്ടാമാകാത്ത പോലെ കണ്ണൻ പറഞ്ഞു. അവന്റെ പറച്ചിൽ ഇഷ്ടപെടാത്ത പോലെ അവളും കെറുവിച്ച് നോക്കി അവനെ. അത് കണ്ടതും അവന്റെ ഇഷ്ടക്കേട് എല്ലാം മാഞ്ഞ് അവിടെ ഒരു പുഞ്ചിരി സ്ഥാനം പിടിച്ചു. " അപ്പൊ ഓരോരുത്തർക്കും വേണ്ടി കൊട്ടേഷൻ ഒക്കെ എടുക്കുന്നതോ...? " : വിടാൻ ഭാവം ഇല്ലാത്ത പോലെ ഗൗരി തിരക്കി. ഇതുവരെ പറഞ്ഞതിന് ഒക്കെ ഓരോ ന്യായങ്ങൾ പറഞ്ഞ് വന്നവൻ ഇതിന് ഇനി എന്ത് പറയും എന്ന ഭാവം ആണ് അവളിൽ. " അത് പിന്നെ എനിക്ക് ആരെങ്കിലും വേറെ ജോലി എന്തെങ്കിലും തരേണ്ടെ. എനിക്കും ജീവിക്കണ്ടേ, ഭക്ഷണം വേണ്ടേ. ഭക്ഷണം ആരും വെറുതെ തരുത്തില്ലലോ അതിന് പൈസ തന്നെ വേണം അതിനാ. പിന്നെ കോട്ടേഷനും കാര്യം ഉള്ള കാര്യം ആണെങ്കിൽ മാത്രമേ ഞാൻ ഏറ്റ് എടുക്കു. " : അവളുടെ മുഖഭാവം മനസ്സിലാക്കിയത് പോലെ എന്തിനും എനിക്ക് എന്റേതായ ഞ്യായം ഉണ്ടെന്ന പോലെ അവനും മറുപടി നൽകി. അവന്റെ മറുപടി കേട്ടതും അവനിൽ ഉള്ള അവളുടെ നോട്ടം അറിയാതെ തന്നെ കൂർത്ത് പോയി. 'കാര്യം ഉള്ള കാര്യം ആണെങ്കിൽ മാത്രമേ ഏറ്റെടുക്കു പോലും അതും കൊട്ടേഷനിൽ' അവൾ അവനെ കൂർപ്പിച്ച് നോക്കി കൊണ്ട് തന്നെ പിറുപിറുത്തു. അവളുടെ ഭാവവും പിറുപിറുക്കലും ഒക്കെ കണ്ടതും അവൻ അറിയാതെ തന്നെ ചിരിച്ച് പോയി. പൊട്ടി ചിരി അല്ലെങ്കിലും ആർക്കും മനസ്സിലാകും വിധമൊരു ചിരി. ഇപ്രാവിശ്യം അവനും അതിനെ തടഞ്ഞ് നിർത്താൻ ശ്രമിച്ചില്ല. എന്നാൽ കണ്ണന്റെ ചിരി കണ്ടതും അവനെ തന്നെ കണ്ണും വിടർത്തി നോക്കി നിൽക്കുവാണ് ഗൗരി. ആദ്യമായിട്ട് ആണ് അവൾ കണ്ണന്റെ ആ ഒരു ഭാവം കാണുന്നത് അതിന്റെ എല്ലാ കൗതുകവും ഉണ്ട് അവളുടെ മുഖത്ത്. തുടരും..... കഥ ഞാൻ മനപ്പൂർവം വൈകിപ്പിക്കുന്നത് അല്ലാട്ടോ ഞാൻ ആദ്യമേ പറഞ്ഞിട്ടില്ലേ ഞാൻ ഒരു student ആണ് so ക്ലാസ്സ്‌, works, project, assignments, പിന്നെ പഠിക്കണം, പിന്നെ വീട്ടിൽ വന്നിട്ട് എന്റേതായ കാര്യങ്ങൾ ഒക്കെ ചെയ്യണം പിന്നെ ഏറ്റവും പ്രധാനം ആയിട്ട് എനിക്ക് അടുത്ത മാസം ഒരു competitive exam ഉണ്ട് 🙂 അതിനും വേണ്ടി prepare ചെയ്യണം. ഇനി ഇതിനെല്ലാം പുറമെ എല്ലാത്തിന്റെയും പിന്നാലെ പോയി മനുഷ്യ സഹജമായ തലവേദന, ക്ഷീണം, കണ്ണ് വേദന ഒക്കെ ഇണ്ട്. ഇതിന് ഇടയിൽ സമയം കിട്ടുമ്പോൾ എല്ലാം ഞാൻ കുറച്ച് കുറച്ച് എഴുതി വെക്കും. ഇനി ചെലപ്പോ എഴുതുന്നത് ഒന്നും ശെരി ആകുലാ. അങ്ങനെ തട്ടി കൂട്ടി എഴുതിയിട്ട് കാര്യം ഇല്ലല്ലോ. ഈ കഥ ഇപ്പൊ ഇവിടെ post ചെയ്ത പിന്നെ ഞാൻ വരുന്നത് next time post ചെയ്യാൻ വേണ്ടി ആയിരിക്കും. അതാട്ടോ കമന്റ്സ് ന് റിപ്ലൈ ഒക്കെ തരാൻ വൈകുന്നത്. Inboxum ഞാൻ അധികം നോക്കാറില്ല ഇത് ഇവിടെ post ചെയ്തിട്ട് ആണ് inbox നോക്കാർ 🫣. പിന്നെ ഞാൻ ഇപ്പൊ ഇത് പറഞ്ഞത് ഞാൻ കമന്റ്സ് ഒക്കെ കണ്ടിട്ട് പറഞ്ഞതാണ്. But അത് കാണുമ്പോ വിഷമം ഒന്നും അല്ല പകരം സന്തോഷം തന്നെയാണ്, എന്റെ കഥ നിങ്ങൾ അത്രയും സ്വീകരിക്കുന്നത് കൊണ്ട് അല്ലെ താമസിക്കുമ്പോൾ കമ്പും എടുത്ത് വരുന്നത് 😁. അതാട്ടോ ഇപ്പൊ ഇത് വന്ന് പറഞ്ഞെ. എല്ലാരം waiting ആണെന്നൊക്കെ അറിയാഞ്ഞിട്ട് അല്ലാട്ടോ ഇതാണ് സിറ്റുവേഷൻ ഒന്ന് ഇടവിട്ട് എങ്കിലും തരണം എന്ന് ഉണ്ടെനിക്ക് പക്ഷെ എന്ത് ചെയ്യാനാ. 🙂❤️🫂 #💞 പ്രണയകഥകൾ #💞 നിനക്കായ് #love #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ

Part 79 " ഇനിയും ഒത്തിരി ദൂരം നടക്കാൻ ഉണ്ടോ കണ്ണേട്ടാ...? " : ചെറിയൊരു മടുപ്പോടെ ഗൗരി തന്റെ കൈ പിടിച്ച് ഒപ്പം നടക്കുന്നവനെ ഇടം കണ്ണിട്ട് നോക്കി കൊണ്ട് അവൾ പറഞ്ഞു. അത് കേട്ടതും നടത്തം നിർത്തി അവൾ പിരുകം പൊക്കി കൊണ്ട് അവൻ അവളെ ഒന്ന് നോക്കി. അത് കണ്ടതും ഗൗരി ഒന്ന് പരുങ്ങി. അതിന് കാരണമുണ്ട് ബസ്സ് ഇറങ്ങിയപ്പോൾ 'ഇനിയും ഒരുപാട് ഉണ്ടോ പോകാൻ' എന്ന് തിരക്കിയവളോട് അവൻ പറഞ്ഞതാ ഒരു 10, 15 മിനിറ്റ് കൂടിയേ ഉള്ളു ഓട്ടോയിൽ പോകാം എന്ന്. അപ്പൊ ആ തീരുമാനത്തെ എതിർത്ത് കൊണ്ട് ഗൗരി തന്നെയാണ് പത്ത് മിനിറ്റത്തെ കാര്യമല്ലേ നടന്ന് പോകാം എന്ന് പറഞ്ഞത്. എങ്കിലും ഓട്ടോയിൽ പോകാം എന്ന് അവൻ പറഞ്ഞെങ്കിലും അവൾക്ക് നടക്കുന്നതാ ഇഷ്ടം എന്ന് കേട്ടതും പിന്നെ ഒന്നും പറയാൻ നിൽക്കാതെ അവളെയും കൂട്ടി നടന്നതാണ് അവൻ അപ്പോഴാണ് മടിയോടെ ഉള്ള അവളുടെ സ്വരം അവനെ തേടി എത്തുന്നത്. " ഞാൻ വെറുതെ എത്ര ദൂരം ഉണ്ടെന്ന് അറിയാൻ ചോദിച്ചതാ. " : അവന്റെ നോട്ടം കണ്ടതും അവനെ ഇടങ്കണ്ണിട്ട് നോക്കി കൊണ്ട് തന്നെ അവൾ പറഞ്ഞു. അതിന് മറുപടി നൽകാതെ അവളെയും കൊണ്ട് അവൻ നടന്നു. ഉള്ളിൽ പരിഭവം നിറച്ച് കൊണ്ട് അവളും അവന്റെ ഒപ്പം നടന്നു. കൈ പിടിച്ച് ദിശ തെറ്റാതെ കൊണ്ട് പോകാൻ ഒരാൾ ഉള്ളത് കൊണ്ട് തന്നെ അവളുടെ കണ്ണ് ചുറ്റും ഉള്ള കാഴ്ചകളിൽ ഓടി നടന്നു. അത് ഇപ്പൊ അവൾക്കും ശീലമായി. മുൻപും ഇത് പോലെ ആയിരുന്നല്ലോ കൊച്ച് കുട്ടിയെ കൊണ്ട് പോകുന്നത് പോലെ കയ്യും പിടിച്ച്. ഇപ്രാവിശ്യവും ഈ കയ്യിൽ പിടിച്ചുള്ള നടത്തം അവൾ പ്രതീക്ഷിച്ചത് കൊണ്ട് തന്നെ വലിയ വിറയാലോ പരിഭ്രാമമോ ഒന്നും അവളിൽ നിന്ന് ഉയർന്നില്ല. വീണ്ടും കുറച്ച് കൂടി മുന്നോട്ട് പോയതും റോഡിന് അപ്പുറം കാണുന്ന കടലിന്റെ ശബ്ദത്തോട് ഒപ്പം ഉള്ള മണൽ തരികൾ കണ്ടതും അവളുടെ കണ്ണ് വിടർന്ന് വന്നു. ബീച്ചിൽ നിന്ന് അവർ കുറച്ച് അകലെ ആണെങ്കിലും അവിടെ നിന്നുള്ള കാറ്റ് അവരെ വീശി കടന്ന് പോകുന്നുണ്ടായിരുന്നു. മുന്നോട്ട് പോകുന്തോറും അവൾക്ക് ബീച്ച് വെക്തമായി കാണാൻ കഴിഞ്ഞു. അങ്ങോട്ട് പോകണം കടൽ കാണണം എന്നൊക്ക ഉള്ള ആഗ്രഹം അവളിൽ ഉണർന്നെങ്കിലും, കണ്ണനോട് പറയാൻ ഉള്ള വല്ലായിമയിലും, ഇനി പറഞ്ഞാൽ അവന്റെ പ്രതികരണം ഓർത്തുള്ള വല്ലയിമയും, എല്ലാത്തിനും ഉപരി കണ്ണേട്ടൻ ഇങ്ങോട്ട് വന്നത് തന്നെ മറ്റൊരു ആവിശ്യത്തിന് ആണെന്നുള്ള ചിന്തയും കാരണം അവൾ ആ ആഗ്രഹം ഉള്ളിൽ ഒതുക്കി. ആഗ്രഹം മനസ്സിൽ ഒതുക്കി എങ്കിലും അവളുടെ കണ്ണിനും മുഖത്തിനും അതിന് കഴിഞ്ഞില്ല അല്പം ദൂരെ ആയി കാണുന്ന മണൽ തരിയും കടലും ഒക്കെ അവൾ കൗതുകത്തോടെ നോക്കി നടന്നു. നടന്ന് നടന്ന് ബീച്ച്ലേക്ക് പ്രവേശിക്കുന്നത് കണ്ടതും അവൾ കണ്ണ് വിടർത്തി കൊണ്ട് കണ്ണനെ നോക്കി. അവിടെ പക്ഷെ ഇതൊന്നും ശ്രദ്ധിക്കാതെ മുന്നോട്ട് തന്നെ നടക്കുവാണ്. " നമ്മൾ ബീച്ചിലേക്ക് പോകുവാണോ കണ്ണേട്ടാ...? " :  ബീച്ചിലേക്ക് ഉള്ള എൻട്രൻസ് കടന്നതും ഗൗരി കണ്ണും വിടർത്തി അവനോട് തിരക്കി. അതിനൊരു മൂളൽ ആയിരുന്നു അവനിൽ നിന്ന് വന്ന മറുപടി. പക്ഷെ അത് അവൾ കേട്ടോ എന്ന് തന്നെ സംശയം ആണ് ചുറ്റും പരാതി നടക്കുവാണ് അവളുടെ കണ്ണും കാതും മനസ്സും ഒക്കെ. " അപ്പൊ നമ്മൾ ബീച്ചിലേക്ക് ആണോ കണ്ണേട്ടാ വന്നേ " : ബീച്ചിലെ മണലിലേക്ക് കാലെടുത്ത് വെച്ചതും എന്നിട്ടും വിശ്വാസം വരാതെ കണ്ണ് വിടർത്തി കൊണ്ട് ഗൗരി ചോദിച്ചു. " എന്തേ ഇത് കണ്ടിട്ട് ബീച് ആയിട്ട് തോന്നുന്നില്ലേ " : കണ്ണൻ അതിന് തിരിച്ച്  കളിയാക്കി കൊണ്ട് ചോദിച്ചു. എന്നാൽ ബീച്ച് കണ്ടതിന്റെ സന്തോഷത്തിൽ അവന്റെ കളിയാക്കൽ ഒന്നും തിരിച്ച് അറിയാതെ അവൾ നിഷ്കളങ്കമായി അറിയാം എന്ന പോലെ തലയനക്കി. അത് കണ്ടതും അവൻ പോലും അറിയാതെ അവന്റെ ചുണ്ടിൽ ഒരു ഇളം പുഞ്ചിരി സ്ഥാനം പിടിച്ചു. " നമ്മുക്ക് അവിടെ പോയി ഇരിക്കാം. കുറച്ച് നടന്നതല്ലേ " : ചുറ്റും നിഷ്കളങ്കമായി കണ്ണ് വിടർത്തി നോക്കുന്നവളോട് ആയി അവൻ തിരക്കി. അതിന് അവനെ നോക്കാതെ ചുറ്റും നിരീക്ഷിക്കുന്നതിന് ഇടയിൽ പോകാം എന്ന പോലെ തലയാട്ടി കാണിച്ചു. അത് കണ്ടതും അവളുടെ കയ്യും പിടിച്ച് കൊണ്ട് തണൽ ഭാഗത്തേക്ക്‌ നടന്നു. " ഇരിക്ക് " : നടത്തം നിർത്തി അവളുടെ കൈ വിട്ട് അതും കൊണ്ട് പറഞ്ഞ് അവൻ ചെരുപ്പ് അഴിച്ച് രണ്ടും ചേർത്ത് വെച്ച് അതിന് മുകളിലായി ഇരുന്നു. കണ്ണന്റെ പ്രവർത്തി ഒക്കെ നോക്കി നിന്നവൾ അവൻ ചെയ്തത് പോലെ ചെയ്ത് അവന് അടുത്തായി ഇരുന്നു, അവനെ തട്ടാതെ എന്നാൽ അവനിൽ നിന്ന് ഒത്തിരി ദൂരെ അല്ലാതെ ഇരുന്നു. സമയം അപ്പോൾ തന്നെ നാലര ആയിട്ടുണ്ടായിരുന്നു. വെയിൽ കുറഞ്ഞെങ്കിലും മണലിൽ ഒക്കെ ചെറു ചൂട് ഇപ്പോഴും തങ്ങി നിൽപ്പുണ്ട്. ആ ചൂടിനെ വക വരുത്താൻ വിധം കാറ്റും മത്സരിച്ചു. അവധി ദിവസം അല്ലാത്തത് കൊണ്ട് തന്നെ അധികം ആളുകളും ഒന്നും ഉണ്ടായിരുന്നില്ല. അധികവും കോളേജ് കുട്ടികളും കമിതാക്കളും ഒക്കെ ആയിരുന്നു. പിന്നെ വൈകിട്ട് നടക്കാൻ വരുന്നവരും, മനസ്സ് ശാന്തമാക്കാൻ വന്നിക്കുന്നവരും അവിടെയും ഇവിടെയും ആയിട്ട് ഉണ്ട്. " ഗൗരി നന്ദ ഇതിന് മുന്നേ ബീച്ചിൽ വന്നിട്ടില്ലേ " : വന്നിട്ട് ഇത്രയും നേരമായിട്ടും കൗതുകം വിടാതെ എല്ലാം നോക്കുന്നവളെ കണ്ടതും കണ്ണൻ സൗമ്യമായി തിരക്കി. അപ്പോഴാണ് തൊട്ട് അടുത്ത് ഇരിക്കുന്നവനെ അവൾ നോക്കുന്നത്. മുട്ടി മുട്ടിയില്ല എന്ന പോലെ തന്നോട് ചേർന്ന് ഇരിക്കുന്നവനെ കണ്ടതും അവൾ ഒന്ന് പരിഭ്രാമിച്ച് പോയി. നേരത്തെ ചുറ്റുമുള്ള കാഴ്ചകൾ കാണാനുള്ള തിടുക്കത്തിൽ ഈ  ഇരുപ്പ് ഒന്നും അവൾ ശ്രദ്ധിച്ചിരുന്നില്ല എന്നതാണ് സത്യം. അത്രയും അടുത്ത് അവനെ കണ്ടതും അവന്റെ സാമിഭ്യവും ഒക്കെ അവളിൽ ചെറുതായി വിറയൽ പടർത്തി. " വന്നിട്ടില്ലേ " : അവളുടെ അനക്കമൊന്നും കാണാതെ വന്നതും അവൻ വീണ്ടും തിരക്കി. " അത്... ഹാ വന്നിട്ടുണ്ട് ഇപ്പോഴൊന്നും അല്ല വർഷങ്ങൾക്ക് മുൻപ്. അമ്മ ഉള്ളപ്പോ അഞ്ചാറ് വെട്ടം ഒക്കെ വന്നിട്ടുണ്ട് പിന്നെ ചെറിയമ്മയുടെയും അച്ഛന്റെയും കല്യാണം കഴിഞ്ഞ സമയത്ത് എന്തോ വന്നതാ. പിന്നെ വന്നിട്ടേ ഇല്ല. അവർ ഒക്കെ വരും പക്ഷെ എന്നെ കൊണ്ട് വരാറില്ല. ആദ്യം ഒക്കെ അച്ഛൻ തിരക്കും എന്താ വരാതെ എന്ന് അപ്പൊ അമ്മമ്മക്ക് കൂട്ടിന് നിൽക്കുവാണ് എന്നൊക്കെ അമ്മമ്മയും ചെറിയമ്മയും കൂടി പറയും പിന്നെ പിന്നെ അച്ഛനും ചോദിക്കാതെ ആയി. അമ്മാമ്മയെ അവരുടെ ഒപ്പം കൂട്ടിയാലും എന്നെ കൂട്ടാതെ ആയി. " : ഗൗരി മുന്നിൽ കാണുന്ന കടലിലേക്ക് നോക്കി കൊണ്ട് പറഞ്ഞു. അത് കേട്ടെങ്കിലും കണ്ണനിൽ വലിയ ഭാവ വെത്യാസം ഒന്നും ഉണ്ടായിരുന്നില്ല. ഇതൊക്കെ അവൻ പ്രതീക്ഷിച്ചത് തന്നെയാണ് എങ്കിലും ഒരു സംസാരത്തിന് തുടക്കം കുറിക്കുന്ന വണ്ണം അവൻ ചോദിച്ചതാണ്. " എന്നിട്ട് ബീച്ചിൽ വരാൻ ഇഷ്ടമാണോ " : കണ്ണൻ തിരക്കി. " ഹ്മ്മ് ഇഷ്ടമാണ് ഇവിടെ വരാനും, ഈ മണലിൽ കൂടി നടക്കാനും, ഇവിടുത്തെ കപ്പലണ്ടി വാങ്ങി കഴിക്കാനും, ഇവിടിരുന്ന് ഇങ്ങനെ തിര വരുന്നതും നോക്കി ഇരിക്കാനും ഒക്കെ ഭയങ്കര ഇഷ്ടമാണ്. നമ്മൾ ഇങ്ങോട്ട് നടന്ന് വന്നില്ലേ അപ്പൊ ഈ ബീച്ച് കണ്ടപ്പോൾ ഞാൻ ആഗ്രഹിച്ചതെ ഉള്ളു, ഇവിടെ ഇങ്ങനെ വന്ന് ഇരിക്കാൻ കഴിഞ്ഞിരുന്നു എങ്കിൽ എന്ന് " : അത്രയും ഇഷ്ടത്തോടെ അവൾ പറഞ്ഞു. " എന്നിട്ട് എന്തെ എന്നോട് പറയാഞ്ഞേ...? " : അവൻ അവളിൽ നിന്ന് അല്പം വിട്ട് മാറി അവളെ വൃത്തിക്ക് കാണും വിധം ഇരുന്നു കൊണ്ട് പിരുകം ഉയർത്തി കൊണ്ട് തെല്ലും ഗൗരവത്തോടെ തിരക്കി. " അത്... അത് പിന്നെ ഞാൻ ഇങ്ങനെ ഓരോ കാഴ്ചകൾ നോക്കി വരുന്ന കൂട്ടത്തിൽ അത് പറയാൻ വിട്ട് പോയി അപ്പോഴേക്കും നമ്മൾ ഇങ്ങോട്ട് വന്ന് " : അവന്റെ ചോദ്യത്തിന് എന്ത് മറുപടി നൽകും എന്ന് അറിയാതെ അവൾ പെട്ടന്ന് വായിൽ വന്നത് അങ്ങ് പറഞ്ഞു. പറഞ്ഞത് അത്രയും കള്ളത്തരം ആയത് കൊണ്ട് തന്നെ അവൾ അവനെ നോക്കാനേ പോയില്ല.  " അപ്പൊ കള്ളത്തരങ്ങളും കയ്യിൽ ഉണ്ടല്ലേ " : കണ്ണൻ കള്ള ഗൗരവത്തോടെ തിരക്കി. " എ... എനിക്ക്.. എനിക്ക് കള്ളത്തരം ഒന്നും ഇല്ല " : പൊടുന്നനെ ഉള്ള അവരുടെ മറുപടി കേട്ടതും അവൾ ഒന്ന് പരുങ്ങി. " ഇല്ലേ....? " : അവൻ ഒന്നും കൂടി കടുപ്പിച്ച് ചോദിച്ചു. അത് കേട്ടതും അവൾ പരുങ്ങലോടെ അവനെ ഇടങ്കണ്ണിട്ട് നോക്കി. " അത് പിന്നെ... ഞാൻ... അത് " : അവനുള്ള മറുപടി എന്ത് പറയും എന്ന് അറിയാതെ കുഴഞ്ഞു. എങ്ങനെ പറയും അവനോട് പറയാൻ ഉള്ള വല്ലായിമ കൊണ്ട്  ആണോ. " എന്നോട് പറയാൻ ഉള്ള ബുദ്ധിമുട്ട് കൊണ്ട് ആണോ...? " : കണ്ണൻ ഒരു പിരുകം പൊക്കി ചോദിച്ചു. " ഹ്മ്മ്.... അത് മാത്രമല്ല കണ്ണേട്ടൻ മറ്റൊരു ആവിശ്യത്തിന് വന്നെയല്ലേ എന്ന് കരുതി. " : വേറെ നിവർത്തി ഇല്ലാതെ അവൻ ചോദിച്ചതിന് സമ്മതിച്ച് കൊണ്ട് അവൾ പറഞ്ഞു. " എന്ന് ഞാൻ പറഞ്ഞോ....? " : അവൻ കണ്ണ് ചുരുക്കി കൊണ്ട് ചോദിച്ചു. " ഇല്ല, ഞാൻ ഊഹിച്ചു. " : അവന്റെ ചോദ്യത്തിന് പെട്ടന്ന് അങ്ങ് പറഞ്ഞതാണ് എങ്കിലും പറഞ്ഞ് കഴിഞ്ഞതിനു ശേഷമാണ് എന്താ പറഞ്ഞെ എന്ന് അവൾ ഓർത്തത്. അവൾ അമളി പറ്റിയത് പോലെ അവനെ തല ചെരിച്ച് നോക്കി. അവിടെ ഗൗരവം ആണ്. എങ്ങനെ ഗൗരവം കാണിക്കാതെ ഇരിക്കും എത്ര വെട്ടം പറഞ്ഞിട്ടുണ്ട് സ്വയമേ ഒന്നും ഊഹിച്ച് എടുക്കരുത് എന്ന്, എന്നിട്ട് കേൾക്കുവോ വീണ്ടും അത് തന്നെ ചെയ്യും. ഇനി ഊഹിച്ച് ഓരോന്ന് ചിന്തിച്ചാൽ പോലും അത് ശെരിയാണോ തെറ്റാണോ എന്ന് ഒരു വാക്ക് എങ്കിലും ചോദിക്കാലോ ഇത് അതും ഇല്ല. " അത് പിന്നെ കണ്ണേട്ടന്റെ കാര്യങ്ങൾ ഒക്കെ ഞാൻ വേണ്ടേ കണ്ട് അറിഞ്ഞ് മനസ്സിലാക്കാൻ അതാ " : ഒരു ആശ്രയം എന്ന പോലെ അതും പറഞ്ഞ് അവനെ നോക്കി കണ്ണ് ചിമ്മി. അത് കേട്ടതും അത് വരെ ഗൗരവത്തോടെ നിന്നവന്റെ ഗൗരവം ഒക്കെ എങ്ങോ മാഞ്ഞ് പോയി. മുന്നിൽ ഇരിക്കുന്നവളുടെ മുഖം കണ്ടാൽ അറിയാം തന്നെ മെരുക്കാൻ വേണ്ടി പറഞ്ഞതാണ് എന്ന് പക്ഷെ എന്ത് കൊണ്ടോ അവൾ പറഞ്ഞത് കേട്ടതും ഉള്ളിൽ ഒരു കുഞ്ഞ് സന്തോഷം നിറഞ്ഞു. എങ്കിലും അതൊന്നും പുറമേക്ക് കാണിക്കാതെ അവൻ അവളെ ഗൗരവത്തോടെ തന്നെ നോക്കി. " എത്ര പറഞ്ഞാലും കേൾക്കരുത്.... ഇനി ഇത് പോലെ എന്തെങ്കിലും സ്വയം ഊഹിച്ച് എടുത്ത ആ കടലിൽ കൊണ്ട് എറിയും ഞാൻ " : ഗൗരവം ഒട്ടും കുറക്കാതെ കണ്ണൻ പറഞ്ഞു. അതിന് അനുസരണ ഉള്ള കുട്ടിയെ പോലെ തലയാട്ടി കാണിച്ചു. അത് കണ്ടതും എത്ര വേണ്ടെന്ന് വെച്ചിട്ടും അവന്റെ ചൊടികളിൽ ചെറിയൊരു പുഞ്ചിരി സ്ഥാനം പിടിച്ചു അത്രയും നിഷ്കളങ്കത ഉണ്ടായിരുന്നു ആ മുന്നിൽ ഇരിക്കുന്നവൾക്ക്. ഗൗരി അവനെ തന്നെ നോക്കി ഇരിക്കുവാണെങ്കിലും മീശയും താടിയും കൊണ്ട് മറഞ്ഞ് കിടന്നത് കൊണ്ട് ആ ചിരിയാട്ട് കണ്ടതും ഇല്ല. തുടരും..... #💞 പ്രണയകഥകൾ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #💞 നിനക്കായ് #love

Part 78 " എന്നാലും ഇവൾ ഇത് എവിടെ പോയിരിക്കുവാ " : കൊട്ടിയിട്ടും ബെൽ അടിച്ചിട്ടും തുറക്കാത്ത വാതിൽ കണ്ട് രോഷത്തോടെ സരസ്വതി തിരക്കി. " ചിലപ്പോൾ സാധനം വല്ലതും വാങ്ങിക്കാൻ പോയത് ആയിരിക്കും സരസ്വതി. നീ അവിടെ ഇരിക്ക് കുറച്ച് നേരം കൂടി നമ്മുക്ക് നോക്കാം " : ലതയാണ് അത് പറഞ്ഞത്. ഉച്ച ഭക്ഷണവും കഴിച്ച് ഒരു ഉറക്കവും കഴിഞ്ഞ് പ്രമാണത്തിന്റെ കാര്യത്തിനായി ഗൗരിയെ അന്വേഷിച്ച് വന്നതാണ് സതീഷനും കുടുംബവും. (ഗൗരിയെ അവിടുന്ന് പുറത്താക്കിയില്ലേ അപ്പൊ അവളെ നമ്മുക്ക് ഇനി ആ കുടുംബത്തിൽ ചേർക്കണ്ട 🫣 എന്ത് പറയുന്നു) കണ്ണൻ ഉച്ചക്ക് കഴിക്കാൻ വരും എന്ന് അറിയുന്നത് കൊണ്ട് തന്നെ അവൻ വന്ന് പോയിട്ട് ഇറങ്ങാൻ കാത്ത് നിന്നതാണ് അവർ. ഇവിടെ എത്തിയിട്ട് ഇപ്പൊ കുറച്ച് നേരമായി ഇത്രയും നേരമായിട്ടും വാതിൽ തുറക്കാത്തത്തിന്റെ രോഷമാണ് സരസ്വതി തീർത്തത്. ഒപ്പം എല്ലാം പെട്ടന്ന് നടത്തി കണ്ണൻ വരുന്നതിന് മുൻപ് തന്നെ അവർക്ക് ഇവിടുന്ന് പോകണം. ലത പറഞ്ഞതും സരസ്വതി വലിയ താല്പര്യം ഇല്ലാത്ത പോലെ ലതക്ക് അടുത്തായി ആ തിണ്ണയിലേക്ക് ഇരുന്നു. ലെച്ചുവും സതീഷനും പിന്നെ വീടിന്റെ പരിസരം കാണാൻ ചുറ്റും നടക്കുവാണ്. " നിങ്ങൾ എന്താ ഇവിടെ ഇരിക്കുന്നെ അവൾ ഇതുവരെ കതക് തുറന്നില്ലേ " : പരിസരം ഒക്കെ കണ്ട് വന്ന് തിണ്ണയിൽ ഇരിക്കുന്നവരെ കണ്ട് ലെച്ചു ചോദിച്ചു. സതീഷനും അതെ സംശയത്തോടെ അവരെ നോക്കി. " ഇല്ല, ആ പെണ്ണ് ഇവിടെ ഇല്ലെന്ന തോന്നുന്നേ. കൊട്ടിയിട്ടും ബെൽ അടിച്ചിട്ടും ഒന്നും വാതിൽ തുറന്നില്ല. അകത്തും ആളനക്കും ഒന്നും കണ്ടില്ല. ഇനി ചിലപ്പോൾ കടയിൽ വല്ലതും പോയതായിരിക്കും അങ്ങനെ ആണെങ്കിൽ തിരികെ വരാൻ സമയം ആയല്ലോ അതാ ഞങ്ങൾ ഇവിടെ ഇരുന്നേ. " : ലതയാണ് അവർക്ക് ഉള്ള മറുപടി നൽകിയത്. അത് കേട്ടതും സതീഷനും ലെച്ചുവും കൂടി അവർക്ക് ഒപ്പം വന്ന് ഇരുന്നു. " അവൾ കടയിൽ ഒന്നും പോയത് ആയിരിക്കില്ല ചിലപ്പോൾ അവന്റെ കൂടെ എങ്ങോട്ടെങ്കിലും പോയത് ആയിരിക്കും അല്ലെങ്കിൽ ഇപ്പോൾ വരേണ്ട സമയം കഴിഞ്ഞില്ലേ. " : ഏറെ നേരം കഴിഞ്ഞിട്ടും അവളെ കാണാതെ വന്നതും സതീശൻ അതും പറഞ്ഞ് അവിടെ നിന്ന് എണീറ്റു. " അവർ എവിടെ പോകാന " : സതീശൻ പറഞ്ഞത് കേട്ട് ഇരുണ്ട മുഖത്തോടെ ലെച്ചു തിരക്കി. " അത് ഇപ്പൊ നമ്മുക്ക് എങ്ങനെ അറിയാന അവർ ഭാര്യയും ഭർത്താവും പോകുന്ന ഇടം ഒക്കെ. നമ്മുക്ക് എന്ന ഇറങ്ങാം നാളെ രാവിലെ വരാം " : അതും പറഞ്ഞ് സതീശൻ ഓട്ടോയുടെ അടുത്തേക്ക് നടന്നു. അത് കേട്ടതും ലെച്ചുവിന്റെ മനസ്സിൽ മുൻപ് രണ്ട് തവണ ഗൗരിയെയും കണ്ണനെയും പുറത്തൊക്കെ വെച്ച് കണ്ടത് ആയിരുന്നു. ഓർമ്മ വെച്ച കാലം മുതൽ ഗൗരിയെ ഭരിച്ച് ജീവിച്ചവൾക്ക് എന്ത് കാരണം കൊണ്ട് ആയാലും ഗൗരിയുടെ ഈ പോക്ക് ഒന്നും ഇഷ്ടപ്പെടുന്നുണ്ടായിരുന്നില്ല. " കല്യാണം കഴിഞ്ഞെന്ന് പറഞ്ഞ് അവൾ അങ്ങ് കറങ്ങി നടക്കുവാണല്ലേ " : ഇഷ്ടക്കേടോടെ അവൾ സ്വയം പറഞ്ഞു. പോകാനായി തിണ്ണയിൽ നിന്ന് എണീറ്റവർ അത് കേൾക്കുകയും ചെയ്തു. അവർ പരസ്പരം ഒന്ന് നോക്കി പിന്നെ ലെച്ചുവിന്റെ നേരെ തിരിഞ്ഞു. " ലെച്ചു " : സരസ്വതി " എന്തൊക്കെ ആയിരുന്നു നിങ്ങൾ പറഞ്ഞെ കല്യാണം കഴിഞ്ഞ അവൻ അവളെ കൊണ്ട് പോയി അത് ചെയ്യും ഇത് ചെയ്യും അതോടെ അവളുടെ ജീവിതം നശിക്കും എന്നിട്ട് ഇപ്പൊ ഏത് നേരം നോക്കിയാലും രണ്ട് പേർക്കും കറക്കം മാത്രം " : ലെച്ചു എണീറ്റ് അവർക്ക് നേരെ ചീറി. " എന്റെ ലെച്ചു ഒന്ന് പതുക്കെ, സതീഷേട്ടൻ കേൾക്കും. എത്രെ ഒക്കെ പറഞ്ഞാലും സ്വന്തം ചോര തന്നെ അല്ലെ, കാശ് കിട്ടുന്നത് കൊണ്ട അല്ലെങ്കിൽ ഇങ്ങനെ ഒരു ആലോചനക്ക് സതീഷേട്ടൻ സമ്മതിക്കുമായിരുന്നോ.....? നീ ഈ പറയുന്നത് കേട്ട് എവിടെയെങ്കിലും അയാളുടെ മനസ്സ് ഒന്ന് ചാഞ്ഞാലോ. അത് കൊണ്ട് ഇനി നീ ഓരോന്ന് പറഞ്ഞ് ഇഷ്ടക്കേട് വരുത്താതെ. അറിയാലോ ആ വീടും കൂടി അവളുടെ കയ്യിൽ നിന്ന് വാങ്ങി എടുക്കാൻ ഉള്ളതാ, ഇനി ഇതെങ്ങാനും കേട്ടിട്ട് എവിടെ എങ്കിലും ഒരു അനുകമ്പ തോന്നി അവളുടെ ഭാഗം വേണ്ടെന്ന് സതീഷേട്ടൻ അങ്ങ് വെക്കും. അത് കൊണ്ട് ഒന്നും മിണ്ടാതെ വരാൻ നോക്ക് " : അതും പറഞ്ഞ് ലതയോടൊപ്പം സരസ്വതി മുന്നോട്ട് നടന്നു. അത് കേട്ടതും ലെച്ചുവിന്റെ മുഖം ഒന്ന് തണുത്തു. ഒരിക്കൽ കൂടി ആ വീട്ടിലേക്ക് നോക്കി അവളും ഓട്ടോയിലേക്ക് കയറി. ************************************* " നമ്മൾ എവിടെക്കാ കണ്ണേട്ടാ പോകുന്നെ " : ക്ലിനിക്കിൽ നിന്ന് ഇറങ്ങി ടൗണിലേക്ക് ഉള്ള ബസ്റ്റോപ്പിൽ നിൽക്കുമ്പോൾ ഗൗരിയിൽ നിന്ന് വന്ന ചോദ്യമാണ്. " അതോ എത്തുമ്പോൾ അറിയാം " : സ്വാതുവെ ഉള്ള ഗൗരവത്തിൽ അവൾക്ക് ഉള്ള മറുപടി കൊടുത്ത് കൊണ്ട് അവൻ ചുറ്റും നോക്കി. പിന്നെ ഒന്നും ചോദിക്കാതെ ഗൗരിയും അവനോപ്പം നിന്നു. പലരുടെയും നോട്ടവും അടക്കം പറച്ചിലും ഒക്കെ അവരെ തേടി എത്തുന്നുണ്ടായിരുന്നു. വ്യക്തമായ കാര്യം അറിയില്ലെങ്കിലും താനും കണ്ണേട്ടനും പ്രണയിച്ച് വിവാഹം കഴിച്ചവരാണെന്ന് ചെറിയമ്മ കല്യാണത്തിന്റെ അന്ന് ക്ഷേത്രത്തിൽ വെച്ച് പറയുന്നത് അവളും കേട്ടിരുന്നു. അത് കൊണ്ട് ആയിരിക്കും അവരുടെ നോട്ടം തങ്ങൾക്ക് നേരെ നീളുന്നത് എന്ന് ഗൗരി കരുതി. തെറ്റ് ചെയ്തില്ലെങ്കിലും അവരുടെ ഒക്കെ നോട്ടത്തിലെ വല്ലായിമയിൽ തല കുനിച്ച് കണ്ണനോട് ചേർന്ന് നിന്നു ഗൗരി ഒപ്പം മറവിക്ക് വിട്ട കഴിഞ്ഞ് പോയ പലതും വീണ്ടും അവളുടെ ഓർമയിലേക്ക് എത്തിയതും അവൾക്ക് ഉള്ളം സങ്കടം കൊണ്ട് വിങ്ങി. കണ്ണൻ എന്നാൽ തനിക്കോ ഗൗരിക്കോ നേരെ നീളുന്ന നോട്ടത്തിന് തിരിച്ച് അവരെ ദഹിപ്പിക്കും വിധമൊരു നോട്ടം നൽകി കൊണ്ട് അവൾക്ക് മറയായി നിന്നു. പലർക്കും ഗൗരിയെ പലതും പറഞ്ഞ് കുത്തി നോവിക്കണം എന്ന് ഉണ്ടങ്കിലും ഒപ്പം നിൽക്കുന്ന എന്തിനും പോന്ന ആണൊരുത്തനെ കണ്ടതും അവർ പലതും ഉള്ളിലൊതുക്കി. " എന്നാലും അവളെ സമ്മതിക്കണം എന്തൊരു തൊലി കട്ടി ആണെന്ന് നോക്കണേ കെട്ടി ഒരുങ്ങി നിൽക്കുന്നത് കണ്ടില്ലേ " " ചിലപ്പോൾ ഹോസ്പിറ്റലിൽ പോകുന്നതായിരിക്കും, ഞാൻ വരുന്ന വഴിയിൽ കണ്ടായിരുന്നു രണ്ട് പേരും കൂടി ക്ലിനിക്കിൽ നിന്ന് ഇറങ്ങി വരുന്നത്. ആ പെണ്ണിന്റെ വയറ്റിൽ ഉള്ളതല്ലേ. " ബസ്സ് വന്നതും ഗൗരിയെ ആദ്യം കയറ്റി പിന്നാലെ കയറാൻ നിന്നവന്റെ ചെവിയിൽ ബസ്റ്റോപ്പിൽ നിന്ന രണ്ട് സ്ത്രീകളുടെ സംഭാഷണം തേടി എത്തി. അത് കേട്ടതും അവൻ അവരെ രൂക്ഷമായോന്ന് നോക്കി കൊണ്ട് വണ്ടിയിലേക്ക് കയറി. ഗൗരിയും കണ്ണനും ബസ്സ് കയറുന്ന ധൈര്യത്തിൽ അവിടെ നിന്ന് അവരെ കുറ്റം പറഞ്ഞ് നിന്നവർ അവന്റെ നോട്ടത്തിൽ ഒന്ന് വിരണ്ടു കൊണ്ട് നോട്ടം മാറ്റി. " ഓ പിന്നെ അവന്റെ ഒരു നോട്ടം കണ്ടില്ലേ ഉത്സവം വരെയേ ഉള്ളു രണ്ടും ഇവിടെ അപ്പൊ കാണാം. ഹാ അത് വരെ സഹിക്കണമല്ലോ എന്ന് ഓർക്കുമ്പോഴാ " അവർ കയറിയ ബസ്സ് കണ്ണിൽ നിന്ന് മറഞ്ഞതും അവന്റെ നോട്ടം ഇഷ്ടപ്പെടാതെ കൂട്ടത്തിലൊരു സ്ത്രീ പറഞ്ഞു. പിന്നെയും അവരെ കുറിച്ചുള്ള ചർച്ചകൾ അവിടെ പുരോഗമിച്ച് കൊണ്ട് ഇരുന്നു. ************************************ ഉച്ച കഴിഞ്ഞെങ്കിലും സ്കൂളും കോളേജും ഒന്നും വിടുന്ന സമയം ആകാത്തത് കൊണ്ട് തന്നെ ബസ്സിൽ അധികം തിരക്കൊന്നും ഉണ്ടായിരുന്നില്ല. ഒരുവിധം സീറ്റും എല്ലാം ഒഴിഞ്ഞ് കിടപ്പുണ്ട്. കണ്ണൻ ബസ്സിലേക്ക് കയറിയതും അവന്റെ കണ്ണ് ഗൗരിയെ തിരഞ്ഞു. ലോങ്ങ്‌ സീറ്റിൽ വിൻഡോ സീറ്റിൽ ഇരിപ്പുണ്ട് കക്ഷി. നടുമധ്യത്തിൽ ഇരിക്കുന്നത് കൊണ്ട് തന്നെ അവൻ അവൾക്ക് അടുത്തേക്ക് ചെല്ലാതെ അവളെ നോക്കി കൊണ്ട് പുറകിലെ സീറ്റിലേക്ക് ഇരുന്നു. അവൻ വന്ന് ഇരുന്നത് തൊട്ട് അടുത്ത് ഇരുന്ന വെക്തി അവനെ പേടിച്ച് ഉടനെ അവിടെ നിന്ന് മറ്റൊരിടത്തേക്ക് മാറി ഇരുന്നു. അത് കണ്ടതും അയാളെ ഒന്ന് നോക്കി പിന്നെ അത് കാര്യമാക്കാതെ അഞ്ചാറു സീറ്റ്‌ മുന്നിൽ ഇരിക്കുന്നവളിലേക്ക് നീണ്ടു. നാട്ടിൽ നിന്ന് ടൗണിലേക്ക് പോകുന്ന ബസ്സ് ആയത് കൊണ്ട് തന്നെ ഒട്ടുമിക്ക ആളുകളുടെയും കണ്ണ് അവരിൽ പതിക്കുന്നുണ്ടായിരുന്നു. ആദ്യം ഒക്കെ അവന് നേരെ നീളുന്ന നോട്ടങ്ങൾക്ക് തിരിച്ച് കടുപ്പിച്ച് നോക്കുമെങ്കിലും പിന്നെ അവൻ ശ്രദ്ധിക്കാതെ ആയി. രണ്ട് പേർക്കും ഉള്ള ടിക്കറ്റും എടുത്ത ശേഷം കൈ രണ്ടും മാറിൽ പിണച്ച് കെട്ടി ജനലിലേക്ക് തല ചായ്‌ച്ച് ഇരുന്നു എങ്കിലും അവന്റെ കണ്ണ് ഗൗരിയിൽ തന്നെ തറഞ്ഞ് നിന്നു. അവിടെ ഒരു കൈ മുൻ സീറ്റിലെ കമ്പിയിൽ പിടിച്ച് ജനലിൽ തല ചെയ്ച്ച് ഇരിക്കുവാണ്. പിന്നി വച്ചിരിക്കുന്ന മുടി തോളിലൂടെ മുന്നിലേക്ക് ഇട്ടിട്ടുണ്ട്. ആ മുഖം കണ്ടില്ലെങ്കിലും അവൻ മനസ്സിലാകുന്നുണ്ടായിരുന്നു അവളുടെ ചിന്ത ഇപ്പൊ എന്തായിരിക്കും എവിടെ എല്ലാം സഞ്ചരിച്ച് കാണും എന്ന്. ഒരു വശം അവർ ഇനിയും അവളെ ഇട്ട് ദ്രോഹിക്കുന്നതിലും നല്ലതും താൻ ഒപ്പം കൂട്ടിയത് തന്നെ ആണെന്ന് മനസ്സ് വാദിക്കുമ്പോൾ. മറു വശം ഇന്നലെ വരെ സ്നേഹത്തോടെ നോക്കി കണ്ടിരുന്നവളെ ഇന്ന് വെറുപ്പോടെയും പുച്ഛത്തോടെയും അവക്ഞ്ഞതയോടെയും മറ്റുള്ളവർ നോക്കുന്നത് താൻ കാരണം ആണ് താൻ അവളെ പെണ്ണ് ചോദിച്ച് ചെന്നത് കൊണ്ട് അല്ലെ എന്ന് അവന്റെ കുറ്റപ്പെടുത്തി. ചിലപ്പോൾ ഇപ്പൊ പോലും മനസ്സ് കൊണ്ട് അവൾ തന്നെ കുറ്റപ്പെടുക ആയിരിക്കും അവൻ ഒന്ന് നിശ്വസിച്ചു. പരിഗണിക്കപ്പെടുന്നതിന്റെയും അവളെ കേൾക്കാൻ ആളെ കിട്ടിയതിന്റെയും സന്തോഷവും സ്നേഹവും ആണ് അവളിൽ തനിക്ക് കാണാൻ കഴിഞ്ഞത്. അതിൽ കവിഞ്ഞൊരു സ്നേഹം തന്നോട് അവൾക്ക് ഉണ്ടോ എന്ന് ചോദിച്ചാൽ ഇല്ല എന്ന് തന്നെയാണ് അവന്റെ മനസ്സ് അവന് നൽകിയ ഉത്തരം. പക്ഷെ തനിക്കോ....? ഒരിക്കലും ഒരു കൗതുകത്തിന്റെ പുറത്തോ അവളുടെ അവസ്ഥ കണ്ട് സഹതാപം തോന്നിയിട്ടോ അവൾ ആത്മത്യക്ക് ശ്രമിച്ചപ്പോൾ അതിന്റെ വാശി പുറത്തോ സ്വന്തം ആക്കിയതല്ല താൻ അവളെ. ആഗ്രഹിച്ചിട്ട് തന്നെയാ, ആദ്യ കാഴ്ചയിൽ തന്നെ തന്റെ മനസ്സ് കവർന്നവൾ. ഈ നാട്ടിലേക്ക് വന്നതിന് പിന്നിൽ രേവതിയുടെ മകൾ ഗൗരി നന്ദ എന്ന പെൺകുട്ടിയും തന്റെ ലക്ഷ്യം ആയിരുന്നു. പക്ഷെ അത് ഒരിക്കലും ഇത് പോലെ കല്യാണം കഴിച്ച് ഒപ്പം കൂട്ടാൻ ആയിരുന്നില്ല എന്ന് മാത്രം. ആദ്യ കാഴ്ചയിൽ തന്നെ തന്റെ മനം കവർന്നപ്പോൾ അതായിരിക്കും താൻ അന്വേഷിച്ച് വന്ന പെൺകുട്ടി എന്ന് ഒരിക്കലും കരുതിയിരുന്നില്ല. പിന്നീട് അറിഞ്ഞപ്പോൾ വലിയ ഞെട്ടൽ തന്നെ ആയിരുന്നു അത് തനിക്ക് സമ്മാനിച്ചത്. രണ്ട് പേരും ഒരാൾ ആണെന്ന് അറിഞ്ഞപ്പോൾ തന്റെ മനസ്സിൽ തോന്നിയ ആ ചെറിയ ഇഷ്ടം പോലും വേണ്ടെന്ന് വെക്കാൻ ആണ് ആദ്യം ശ്രമിച്ചത്. കഴിഞ്ഞതെല്ലാം ഒരു മനസ്സിൽ ഒരു മിന്നൽ പോലെ പാഞ്ഞ് പോയതും കണ്ണോന്ന് ഇറുക്കി അടച്ച് തുറന്ന് തിരിഞ്ഞ് ഇരുന്ന് തന്നെ നോക്കുന്നവളിൽ തന്നെ കണ്ണ് പതിപ്പിച്ചു. മോചിപ്പിക്കണം....! ഈ താലി ബന്ധനത്തിൽ നിന്ന് തന്നെ അവളെ മോചിപ്പിക്കണം....! അവൾ ഒരിക്കലും ആഗ്രഹിച്ച് കൊണ്ട് സ്വീകരിച്ചതല്ല ആ താലി അത് കൊണ്ട് തന്നെ അവളെ അതിൽ തന്നെ കുരുക്കി ഇടാനും താൻ ആഗ്രഹിക്കുന്നില്ല. ' എത്രയും പെട്ടന്ന് ഇവിടെ നിന്ന് എല്ലാം ഒതുക്കി തീർത്തിട്ട് വേണം അവളെയും കൊണ്ട് ഇവിടം വിടാൻ അന്ന് എല്ലാം അറിഞ്ഞതിനു ശേഷം അവൾക്ക് തീരുമാനിക്കാം ആ താലി അവൾക്ക് വേണോ വേണ്ടയോ എന്ന് '  അവൻ അവളിൽ നിന്ന് നോട്ടം മാറ്റാതെ തന്നെ ഉറച്ചൊരു തീരുമാനം എടുത്തിരുന്നു. ഇടക്ക് കണ്ണനെ നോക്കി തിരിഞ്ഞവൾ കണ്ണടച്ച് തുറന്ന് അവളിൽ നോട്ടം ഇട്ട് ഇരിക്കുന്നവനെ കണ്ട് കുറച്ച് നേരം അവളും നോക്കി ഇരുന്നു എങ്കിലും പിന്നെ ഒരു പതർച്ചയോടെ നോട്ടം മാറ്റി കൊണ്ട് മുന്നിലേക്ക് തിരിഞ്ഞ് ഇരുന്നു താളം തെറ്റിയ ഹൃദയമിടിപ്പ് വരുതിയിൽ വരുത്തുകയായിരുന്നു. തുടരും........ #പ്രണയം #love #💞 പ്രണയകഥകൾ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ

Part 77 ഒന്നും മിണ്ടാതെ ഉള്ള കണ്ണന്റെ നിൽപ്പും നോട്ടവും ഗൗരിയിൽ ഒരു പരവേഷം തീർത്തു. അവൾ ഒരിക്കൽ കൂടി അവനെ നോക്കി കൊണ്ട് മെല്ലെ അടുക്കളയിലേക്ക് പോയി. എങ്കിലും അവളുടെ ഉള്ളിൽ കണ്ണന്റെ നോട്ടം തറഞ്ഞിരുന്നു. ഇതുവരെ നോക്കിയത് പോലെ അല്ല അവന്റെ ആ നോട്ടം അത് എന്ത് ഭാവം ആണ് അവന്റെ കണ്ണിൽ വിരിഞ്ഞത് എന്ന് അവൾക്ക് മനസ്സിലായില്ല, അതിനാൽ പറഞ്ഞ് അറിയിക്കാൻ കഴിയാത്തൊരു വെപ്രാളം അവളിൽ പിടി കൂടി. അടുക്കളയിൽ വന്ന് ഒരു ഗ്ലാസ്സ് വെള്ളം കുടിച്ച് ഒരു കടുത്ത നിശ്വാസം വിട്ടതിന് ശേഷമാണ് അവൾ പണിയിലേക്ക് തിരിഞ്ഞത്. മാഷ് ഉണ്ടായിരുന്നത് കൊണ്ട് തന്നെ അവൾ ഉച്ചക്ക് ഉണ്ടാക്കിയതും കഴിച്ചതുമായ പാത്രം ഒക്കെ അവിടെ തന്നെ ഇരിപ്പുണ്ട്. എല്ലാം ഒന്ന് നോക്കി കൊണ്ട് ഇട്ടിരുന്ന ഷാൾ ഊരി കസേരയിലേക്ക് ഇട്ട് കൊണ്ട് ഓരോന്ന് ഒതുക്കാൻ തുടങ്ങി. " ഹ്മ്മ് ഹ്മ്മ്മ് " : പാത്രം കഴുകുന്നവളെ കണ്ടതും അവൻ ഒന്ന് മുരടനക്കി. " എ... എന്താ കണ്ണേട്ടാ....? എന്തെങ്കിലും വേണോ...? " : പെട്ടന്ന് അവനെ പ്രതീക്ഷിക്കാതെ അവൾ ഒരു പതർച്ചയോടെ അവനോട് തിരക്കി. ഒപ്പം അല്പം മുൻപ് ഉള്ള അവന്റെ നോട്ടവും അവൾക്ക് ഉള്ളിൽ തെളിഞ്ഞ് വന്നു അത് കൊണ്ട് അവനെ നോക്കാതെയാണ് അവളുടെ ചോദ്യം ഒക്കെ. " ഒന്നും വേണ്ട ഞാൻ ഒരു കാര്യം ചോദിക്കാൻ വന്നതാ " : സ്വാതുവെ ഉള്ള ഗൗരവത്തിൽ തന്നെ അവൻ തിരക്കി. അത് കേട്ടതും അവൾ പാത്രം കഴുകുന്നത് നിർത്തി ഒരു സംശയത്തോടെ അവനെ തിരിഞ്ഞ് നോക്കി. " ഏതാ ആ രണ്ട് ദിവസം...? " : ഭവമാറ്റം ഒന്നും ഇല്ലാതെയാണ് അവന്റെ ചോദ്യം. " ഏത് ദിവസം...? " : അവന്റെ ചോദ്യം മനസ്സിലാകാതെ അവൾ ഒരു സംശത്തോടെ തിരക്കി. " മാഷ് ആഴ്ചയിൽ രണ്ട് ദിവസം ഉഴുന്ന് വട വാങ്ങി തരുന്ന ദിവസം ഇല്ലേ അത് ഏതാന്ന്...? " : സ്വരത്തിൽ ഗൗരവം അല്പം കുറച്ച് കൊണ്ട് അവൻ തിരക്കി. എന്നാൽ ആ ചോദ്യം കേട്ടതും ഒരുവളുടെ കണ്ണ് വിടർന്ന് പോയി. അവളെ തന്നെ നോക്കി നിന്നവൻ അത് ഒപ്പി എടുത്തു. " ഗൗരി നന്ദക്ക് ഇനി എന്തെങ്കിലും ആഗ്രഹം ഉണ്ടെങ്കിൽ എന്നോട് പറയാം, എല്ലാം സാധിച്ച് തരാം എന്നൊന്നും ഉറപ്പ് ഞാൻ തരുന്നില്ല പക്ഷെ എന്നെ കൊണ്ട് കഴിയ്യുന്നത് ആണെങ്കിൽ ഉറപ്പായിട്ടും നടത്തി തന്നിരിക്കും " : അത്രയും പറഞ്ഞ് അവളുടെ മറുപടിക്ക് പോലും കാത്ത് നിൽക്കാതെ അവളുടെ മുഖത്തെ ഭാവം ഒന്നും കൂടി ഒപ്പി എടുത്ത് കൊണ്ട് അവൻ അവിടെ നിന്ന് തിരിഞ്ഞ് നടന്നു. തിരിഞ്ഞ് നടക്കുന്നവന്റെ ചുണ്ടിൽ ചെറിയൊരു ചിരിയും സ്ഥാനം പിടിച്ചിരുന്നു. എന്നാൽ അവൻ അറിഞ്ഞിരുന്നില്ല അല്പം മുൻപ് അവൻ നൽകിയ ഉറപ്പിന്റെ പേരിൽ നാളെ ഒരിക്കൽ അവൻ അത്രമേൽ ദുഖിക്കും എന്ന്. ഗൗരിയുടെ അവസ്ഥയും മറിച്ച് ആയിരുന്നില്ല, അത്രമേൽ സന്തോഷം തോന്നി അവൾക്ക് അത് പക്ഷെ അവളുടെ ആഗ്രഹം സാധിച്ച് താരം എന്ന് കേട്ടതിൽ ആയിരുന്നില്ല മറിച്ച്, തന്റെ ആഗ്രഹങ്ങൾ മൂടി വെക്കാതെ അവനോട് പറഞ്ഞോ എന്ന് കേട്ടതിൽ ആയിരുന്നു. അത് മതി ആയിരുന്നു ആ പാവം പെണ്ണിന്, അങ്ങനെ ചേർത്ത് പിടിക്കാനും പരിഗണിക്കപ്പെടാനും തകർച്ചയിൽ താങ്ങാകാനും മാത്രമേ ഇന്നോളം അവളും ആഗ്രഹിച്ചിരുന്നുള്ളു. അതിന്റെ സംതൃപ്തിയും അവളിൽ നിറഞ്ഞു. തന്റെ അവസ്ഥ അറിഞ്ഞ് മാഷ് ഓരോന്ന് ചെയ്ത് തരുമെങ്കിലും അദ്ദേഹത്തെ ബുദ്ധിമുട്ടിക്കണ്ട എന്ന് കരുതിയും ആ കാര്യം വല്ലതും അറിഞ്ഞാൽ വീട്ടിൽ ഉണ്ടാകുന്ന പ്രശ്നങ്ങൾ ഓർത്തും പലതും ഉള്ളിൽ ഒതുക്കിയിട്ടേ ഉള്ളു. എന്നാൽ ഇപ്പോൾ തന്നിൽ ഏറ്റവും അവകാശം ഉള്ള വെക്തി തന്നെ..... ചിന്തകൾ പകുതി വഴിക്ക് നിർത്തി കൊണ്ട് അവളുടെ കണ്ണും കയ്യും ടോപ്പിനുള്ളിൽ കിടക്കുന്ന മഞ്ഞ ചരഡിലേക്ക് നീണ്ടു. പതിയെ അവളുടെ ചുണ്ടിലും ഒരു ഇളം ചിരി മോട്ടിട്ടു അതെ ചിരിയോടെ തന്നെ അവൾ ബാക്കി പണിയിലേക്ക് തിരിഞ്ഞു. ദിവസങ്ങൾക്ക് ശേഷം അന്ന് ആദ്യമായി ഗൗരി നന്ദയിൽ കണ്ണനുള്ള സ്ഥാനം എന്തെന്ന് അവളുടെ മനസ്സ് തന്നെ കാട്ടി കൊടുത്തു അല്ല അവളുടെ മനസ്സ് ആ സ്ഥാനത്തെ അംഗീകരിച്ച് തുടങ്ങി. അന്ന് പിന്നെ എങ്ങോട്ടും കണ്ണൻ പോയില്ല മുറ്റത്ത് ഇറങ്ങി ഓരോന്ന് ചെയ്തും, പത്രം വായിച്ചും, ടി വി കണ്ടും അവിടെ തന്നെ ഉണ്ടായിരുന്നു. ഇടക്ക് ഇടക്ക് എന്തെങ്കിലും മിണ്ടിയും പറഞ്ഞ് ഗൗരിയുടെ ഒപ്പവും അവൻ അന്നത്തെ ദിവസം ചിലവഴിച്ചു. രാത്രി കഴിക്കാൻ ചൊറിനൊപ്പം സ്പൂണും ആയിട്ട് വരുന്നവളെ കണ്ടതും വീണ്ടും എന്താല്ലാമോ കള്ളം പറഞ്ഞ് അവളെ കൊണ്ട് തന്നെ വാരി തരീപ്പിച്ചു. " കണ്ണേട്ടാ നാളെ എപ്പോഴാ ക്ലിനിക്കിലെക്ക് പോകുന്നെ...? " : അടുക്കള എല്ലാം ഒതുക്കി കണ്ണനുള്ള മരുന്നും കൊടുത്ത് ടി വിയ്ക്ക് മുന്നിൽ ഇരിക്കുമ്പോഴാണ് കണ്ണനെ തേടി അവളുടെ ചോദ്യം എത്തിയത്. ആദ്യം കാര്യം മനസ്സിലായില്ല എങ്കിലും പിന്നെ അവളുടെ നോട്ടം തന്റെ കെട്ടി വെച്ചിരിക്കുന്ന കയ്യിലേക്ക് ആണെന്ന് കണ്ടപ്പോഴാണ് കെട്ട് അഴിക്കാനായി നാളെ അങ്ങോട്ട് ചെല്ലാൻ അവർ പറഞ്ഞതാണ് അവന്റെ ഓർമയിൽ തെളിഞ്ഞത്. " നാളെ രാവിലെ പോകണം " : അവൻ വലിയ താല്പര്യം ഇല്ലാത്ത പോലെ അലസമായി പറഞ്ഞു. സത്യത്തിൽ ആ കെട്ട് അഴിക്കണം എന്ന് അവന് ഒട്ടും താല്പര്യം ഉണ്ടായിരുന്നില്ല. " ഞാനും വരട്ടെ " : പ്രതീക്ഷയോടെ ഗൗരി ചോദിച്ചു. ഇത്ര നിസാര കാര്യത്തിന് അവൾ വരണ്ട എന്ന് പറയാൻ വന്നവൻ പ്രതീക്ഷയോടെ നോക്കുന്നവളെ കണ്ടതും ഒന്ന് നിന്നു. " ഹ്മ്മ് എങ്കിൽ ഒരുമിച്ച് പോകാം " : കണ്ണൻ അതിന് ചിരിയോടെ തലയനക്കി കൊണ്ട് അവളുടെ ശ്രദ്ധ വീണ്ടും ടി വിയിലേക്ക് നീണ്ടു. പിന്നെയും ഏറെ നേരം അവർ ഒന്നിച്ചിരുന്നു എങ്കിലും അവർക്ക് ഇടയിൽ മൗനം മാത്രം സ്ഥാനം പിടിച്ചു. ********************************** " അവരെ തന്നെയാണ് കണ്ടതെന്ന് നിനക്ക് ഉറപ്പാണോ...? " : unknown ഗൗരി മുറിയിൽ കയറിയതിന് പിന്നാലെ മുറിയിലേക്ക് കയറി ഫോൺ ചെയ്ത് ഇന്നത്തെ കാര്യം ഒക്കെ എതിരെ നിൽക്കുന്ന വ്യക്തിയോടെ പറയുകയാണ് കണ്ണൻ. " അങ്ങനെ ഉറപ്പ് ഇല്ലാതെ ഇരിക്കാൻ ഇന്നും ഇന്നലെയും കണ്ട് തുടങ്ങിയത് അല്ലല്ലോ അവനെ ഞാൻ.... പിന്നെ ആ കാറും ഇതൊന്നും തിരിച്ചറിയാതെ ഇരിക്കാൻ മാത്രം മണ്ടൻ അല്ലല്ലോ ഞാൻ " : കണ്ണൻ പല്ല് കടിച്ച് കൊണ്ട് പറഞ്ഞു. " ഞാൻ അങ്ങനെ ഉദ്ദേശിച്ച് അല്ലടാ പറഞ്ഞെ.... ഏതോ പ്രോജെക്ടിന്റെ ഭാഗമായി ഒരു മാസം അവൻ ഔട്ട്‌ ഓഫ്‌ കേരള ആയിരിക്കും എന്ന് അല്ലെ പറഞ്ഞെ, പിന്നെ മാത്രവുമല്ല അവൻ അങ്ങോട്ട് വരേണ്ട കാര്യവും എത്ര ചിന്തിച്ചിട്ടും ഞാൻ കാണുന്നില്ല " : അപ്പുറം നിൽക്കുന്നവന്റെ ഭാവം മനസ്സിലായതും unknown പറഞ്ഞു. " ഹ്മ്മ് പക്ഷെ എന്തായാലും ഈ വരവ് വെറുതെ ആയിരുന്നില്ല എന്ന് എന്റെ മനസ്സ് പറയുന്നു " : കണ്ണൻ " ഇനി ചിലപ്പോൾ നിന്നെ തിരക്കി വന്നത് ആയിരിക്കുമോ...? " : unknown " അതിന് ചാൻസ് കുറവാണ് കാരണം ഞാൻ ഇവിടെ ആണുള്ളത് എന്ന് നിനക്ക് അല്ലാതെ മറ്റാർക്കും അറിയില്ല പിന്നെ ഇത് വരെ എന്നെ തിരക്കാത്തവൻ പെട്ടെന്നു ഒരു സുപ്രഭാതത്തിൽ എന്നെ തിരക്കി ഇവിടെ വരേണ്ട കാര്യം ഇല്ലല്ലോ " : കണ്ണൻ ഉറച്ച ശബ്ദത്തിൽ പറഞ്ഞു. " ഇനി ചിലപ്പോൾ നീ അവിടെ ഉണ്ടെന്ന് അറിഞ്ഞ് നീ അവിടെ എന്തിന് പോയി എന്നൊക്കെ അറിഞ്ഞ് വെച്ച് കൊണ്ട് നിനക്ക് പണി തരാൻ വേണ്ടി ആണെങ്കിലോ....? അല്ല ഞാൻ ഒരു ഊഹം പറഞ്ഞന്നേ ഉള്ളു അങ്ങനെയും ഒരു സാധ്യത ഉണ്ടല്ലോ " : unknown അത് കേട്ടതും കണ്ണൻ ഒന്ന് നിശബ്‍ദമായി. " അറിയില്ല, പക്ഷെ നീ ഇപ്പൊ പറഞ്ഞത് പോലെ എന്തെങ്കിലും ആണ് അവന്റെ ഉദ്ദേശം എങ്കിൽ അവനെ ഇനിയും ഈ നാട്ടിൽ പ്രതീക്ഷിക്കാം. ഇവിടെ വെച്ച് അവനെ എന്റെ മുന്നിൽ കിട്ടുവാണെങ്കിൽ ഞാൻ നോക്കിക്കൊള്ളാം. ഇനി അതല്ല എങ്കിൽ അവൻ നമ്മുടെ നിരീക്ഷണത്തിൽ ഉണ്ടായിരിക്കണം. മനസ്സിലായോ....? " : കണ്ണൻ " ഹ്മ്മ് " : unknown ************************************* " ഇത് മതിയോ കണ്ണേട്ടാ...? " : റെഡി ആയി വന്ന് കൊണ്ട് ഗൗരി തിരക്കി. ഹാളിൽ ഇരുന്ന് പാത്രം നോക്കി കൊണ്ട് ഇരുന്നവൻ തല ഉയർത്തി അവളെ ഒന്ന് നോക്കി. കണ്ണൻ അന്ന് എടുത്ത് കൊടുത്ത ചുരിദാറിൽ സ്കൈ ബ്ലൂ ടോപ്പും വൈറ്റ് പാലാസ പാന്റും ആണ് അവളുടെ വേഷം ഒപ്പം ഉള്ള ഷാൾ വൺ സൈഡ് ആയിട്ട് കുത്തിയിട്ടുണ്ട്. പതിവിന് വിപരീതമായി മുടി നന്നായി ചീകി പിന്നി ബാക്കിലേക്ക് ഇട്ടിട്ടുണ്ട് പിന്നെ കണ്ണ് മഷി കൊണ്ട് കണ്ണോന്ന് കറുപ്പിച്ചിട്ടുണ്ട്. നെറ്റിയിൽ ഒരു സ്റ്റോൺ പൊട്ടും കയ്യിൽ അവൻ വാങ്ങി കൊടുത്ത നീല കുപ്പി വളയും. അവൻ കണ്ണെടുക്കാതെ അവളെ നോക്കി നിന്നു ഒരുക്കം എന്ന് പറയാൻ അധികം ഒന്നും ഇല്ലെങ്കിലും അവൻ ആദ്യമായി ആണ് അവളെ ഇതുപോലെ കാണുന്നത് അതിന്റെ ഒരു കൗതുകം അത്രയും അവന്റെ നോട്ടത്തിലുണ്ട്. " കണ്ണേട്ടാ " : മറുപടി തരാതെ നോക്കി നില്കുന്നവനെ കണ്ടതും അവൾ ഒരു വല്ലായിമയോടെ വിളിച്ചു. " ഹാ ഇത് മതി കൊള്ളാം.. എന്ന നമ്മുക്ക് ഇറങ്ങാം. ഞാൻ സാബുവിനെ ഒന്ന് വിളിക്കട്ടെ " : ഇത്രയും നേരം മതി മറന്ന് അവളെ നോക്കി നിന്നതിന്റെ ജാളിത്യ മാറാൻ ഗൗരവത്തോടെ അതും പറഞ്ഞ് അവൻ എണീറ്റു. അത് കേട്ടതും എല്ലാം ഒതുക്കി വെച്ചില്ലേ എന്ന് ഉറപ്പ് വെറുതെനായി അവൾ അടുക്കളയിലേക്ക് നടന്നു. ക്ലിനിക്കിലെക്ക് ഇവിടുന്ന് അധികം ദൂരം ഇല്ലെങ്കിലും രാവിലെ പോകേണ്ടത് ഉച്ച ആയി. ഇനി ഈ ഉച്ചക്ക് നടക്കാൻ വയ്യാത്തത് കൊണ്ട് തന്നെ സാബു ഉച്ചക്ക് ആഹാരം കഴിച്ച് തിരികെ പോകുമ്പോൾ അവനോട് അങ്ങോട്ട് ആക്കി തരാൻ പറഞ്ഞിരുന്നു കണ്ണൻ. രാവിലെ തന്നെ പോയി ആ കെട്ട് അഴിക്കാം എന്ന് ഗൗരി കണ്ണനോട് പറഞ്ഞതാണ്, രാവിലെ കൊണ്ട് ആ പണി അങ്ങ് കഴിയുമല്ലോ അതാണ് അവൾ അങ്ങനെ പറഞ്ഞത്. അപ്പോഴാണ് കണ്ണൻ അത് നീട്ടി കൊണ്ട് ഉച്ചക്കത്തേക്ക് ആക്കിയത് കാര്യം ചോദിച്ചപ്പോൾ എന്തോ അത്യാവിശ്യ പണി ഉണ്ടെന്നു. ബന്ധജ് അഴിച്ചിട്ടു അതിന് പോയാൽ പോരെ എന്ന് തിരക്കിയിട്ടും അവൻ നേരത്തെ പോകണം എന്ന് പറഞ്ഞ് പോയി. എന്നാൽ ഹോസ്പിറ്റലിൽ പോയിട്ട് പോകേണ്ട കാര്യമേ ഉണ്ടായിരുന്നുള്ളു എങ്കിലും കണ്ണൻ മനപ്പൂർവം തന്നെയാണ് അത് ഉച്ചക്കത്തേക്ക് തള്ളി നീക്കിയത്. ആ ഒരു നേരം കൂടി അവളെ കൊണ്ട് ഊട്ടിക്കാലോ എന്നാണ് അവൻ ചിന്തിച്ചത് ഒപ്പം മറ്റൊരു ആവിശ്യം കൂടി. ഉച്ചക്ക് അവളെ കൈ കൊണ്ട് തന്നെ ആഹാരം കഴിച്ച് പോകാൻ റെഡി ആകാൻ പറഞ്ഞതാണ് അവൻ. ക്ലിനിക് അടുത്ത് ആയത് കൊണ്ട് തന്നെ വീട്ടിൽ ഇടാൻ കണ്ണൻ വേടിച്ച് കൊടുത്ത എന്നാൽ വൃത്തി ഉള്ള ഒരെണ്ണം ആണ് അവൾ ആദ്യം ഇട്ട് വന്നത്. അപ്പോഴാണ് കണ്ണൻ മറ്റൊരിടത്ത് കൂടി പോണം മറ്റൊരണ്ണം ഇട്ട് വരാൻ അവളോട് പറഞ്ഞത്. ആദ്യം അവൾ വരുന്നില്ല എന്ന് പറഞ്ഞെങ്കിലും കണ്ണൻ ഗൗരവം ആയതും പിന്നെ ഒന്നും പറയാതെ ഡ്രസ്സ്‌ മാറാൻ പോയി. അതാണ് ഇപ്പോ അവന്റെ അഭിപ്രായം തിരക്കി വന്നത്. സാബു വന്നെന്ന് പറഞ്ഞതും ഒരിക്കൽ കൂടി കണ്ണാടിയിൽ നോക്കി എല്ലാം ഉറപ്പ് വരുത്തി പുറത്തേക്ക് ഇറങ്ങി. അവൾ ഇറങ്ങിയതും വാതിലും പൂട്ടി കണ്ണനും കൂടി ഓട്ടോയിലേക്ക് കയറി. തുടരും......... #💞 പ്രണയകഥകൾ #പ്രണയം #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #love

Part 76 " എന്തൊക്കെ ആയിരുന്നു നാട്ടുമ്പുറത്ത് കാരിയാണ്... പ്രേമം എന്നൊക്കെ കേട്ട അവിടെ പ്രേതത്തെ കണ്ടത് പോലെയാണ്... ആനെയാണ് ചേനയാണ് എന്നിട്ട് ഇപ്പൊ എന്തായി പവിത്രത ചമഞ്ഞ് നിന്നവൾ കണ്ടില്ലേ കെട്ടിന് മുന്നേ വയറ്റിൽ ഉണ്ടാക്കിയത്. " : തിരിച്ച് ഹോട്ടലിൽ എത്തി മുറിയിലേക്ക് കയറിയതും ഡെറിയുടെ വകയാണ് അത്. അതിന് ഒത്താശയായി സച്ചു ഒപ്പം ഉണ്ടെങ്കിലും മനു അവനെ കണ്ണുരുട്ടി നോക്കുകയാണ് ചെയ്തത് അതിന് ഡെറിക്ക് അവനെ തിരിച്ച് നന്നായി പുച്ഛിച്ച് വിട്ടു. " നീ ഇങ്ങനെ എന്നെ നോക്കുക ഒന്നും വേണ്ട ഞാൻ ഇനിയും പറയും, കണ്ട പെണ്ണുങ്ങളെ എല്ലാം പ്രണയം നടിച്ച് പറ്റിച്ച് അവന്റെ ആവിശ്യം കഴിയുമ്പോ കളയുന്നവൻ ആദ്യമായി ഒരുത്തിയെ ആത്മാർത്ഥമായി പ്രണയിച്ചത് അതാകട്ടെ ഇങ്ങനെയും ആയി. " : വരുണിനെ കളിയാക്കി കൊണ്ട് ഡെറി അതും പറഞ്ഞ് കട്ടിലിലേക്ക് ചാഞ്ഞു. അത് കേട്ടതും മനുവിന്റെയും സച്ചുവിന്റെയും നോട്ടം ഒരു പോലെ ചെന്നെത്തിയത് ഇതുവരെ ഒരു അക്ഷരം പോലും മിണ്ടാതെ കട്ടിലിൽ തലയും താഴ്ത്തി ഇരിക്കുന്നവനിൽ ആയിരുന്നു. ഡെറിക്ക് പറഞ്ഞത് സത്യമാണ് ഈ കാലത്തിന് ഇടയിൽ അവന് മോഹം തോന്നുന്ന പെണ്ണുങ്ങളെ എല്ലാം അവൻ പ്രണയം നടിച്ചും അല്ലാതെയും അവന്റെ വലയിൽ വീഴ്ത്തിയിട്ടുണ്ട്. അതിൽ ഒന്നിനോട് പോലും അവനൊരു ആത്മാർത്ഥത ഉണ്ടായിരുന്നില്ല. എല്ലാം അവന്റെ ആവിശ്യത്തിന് മാത്രം. ആവിശ്യം കഴിയുമ്പോൾ തഞ്ചത്തിൽ അവരെ ഒഴിവാക്കാറാൻ പതിവ്. പക്ഷെ ആദ്യമായിട്ട് ആയിരിക്കും ഒരാളോട് പ്രണയം തോന്നുന്നത്, കല്യാണം കഴിച്ച് കൂടെ കൂട്ടണം എന്ന് തോന്നുന്നത് അത് ഇങ്ങനെയും ആയി. മനു ഒന്ന് നിശ്വാസച്ച് കൊണ്ട് കുറച്ച് മാറിയുള്ള സോഫയിലേക്ക് ഇരുന്നു. " എനിക്ക് അവളെ വേണം " : സഹികെട്ടവനെ പോലെ തലക്ക് കൈ കൊടുത്ത് കൊണ്ട് വരുൺ പുലമ്പി. " എന്ത്...? " : കേട്ടതിന്റെ കുഴപ്പമാണോ എന്ന് അറിയാതെ സച്ചു ചോദിച്ചു. ഡെറിക്കിന്റെയും മനുവിന്റെയും നോട്ടം എല്ലാം വരുണിൽ തന്നെയാണ്. " എനിക്ക് അവളെ വേണം എന്ന്... അവളെ... ആ ഗൗരിയെ " : കട്ടിലിൽ നിന്ന് ചാടി എണീറ്റ് കൊണ്ട് വരുൺ പറഞ്ഞു. " ഹ ഹ ഹ... എടാ ഇവന് പ്രേമം തോന്നിയതും ഉള്ള ബോധം കൂടി പോയെന്ന തോന്നുന്നത്. അല്ല പിന്നെ കല്യാണം കഴിഞ്ഞ പെണ്ണിനോടാ അവന്റെ പ്രണയം " : എന്തോ തമാശ കേട്ടത് പോലെ ഡെറി അവനെ കളിയാക്കി. " അതെന്താ കല്യാണം കഴിഞ്ഞ പെണ്ണിനെ പ്രണയിച്ചുടാ എന്ന് എവിടെയെങ്കിലും പറഞ്ഞിട്ടുണ്ടോ " : പല്ല് കടിച്ച് കൊണ്ട് വരുൺ ചോദിച്ചു. " ഇല്ല ഡാ എവിടെയും പറഞ്ഞിട്ടില്ല. നീ എന്ന ഒരു കാര്യം ചെയ്യ് ഇതും പറഞ്ഞ് അവളുടെ കെട്ടിയോന്റെ അടുത്ത് ചെല്ല്, അയാൾ ഏതോ ഗുണ്ട ആണെന്നോ മറ്റോ അല്ലെ പറഞ്ഞെ അവന്റെ കയ്യിൽ നിന്ന് കിട്ടുമ്പോ ശെരി ആയിക്കൊള്ളും. പിന്നെ പണി എടുക്കാതെ തന്നെ ഒരു കൊച്ചിനെയും ഫ്രീ ആയിട്ട് കിട്ടും " : അവനെ തീർത്തും പുച്ഛിച്ച് കൊണ്ട് ഡെറി പറഞ്ഞു. അത് കേട്ടതും ഇനി ഒന്നും പറയാൻ ഇല്ലാത്തത് പോലെ വരുൺ നിസ്സഹായനായി അവിടെ ഇരുന്നു. അത് കണ്ടതും ബാക്കി മൂന്ന് പേരും പരസ്പരം നോക്കി കൊണ്ട് അവന്റെ അടുത്തേക്ക് ചെന്നു. " പോട്ടെ ഡാ അവൾക്ക് നീ ചേരില്ല, കെട്ടിടത്തോളം അവൾ അത്ര നല്ലതൊന്നും അല്ല. നീയും കേട്ടതല്ലേ ആ ചേച്ചി പറഞ്ഞത് പഠിക്കുന്ന കാലത്തും അവൾ കണ്ട ചെറുക്കന്മാരുടെ തോളത്ത് ആയിരുന്നു എന്ന്. നിന്റെ എന്തോ ഭാഗ്യം കൊണ്ട് ആണ് നേരത്തെ പോയി അവൾക്ക് തല വെച്ച് കൊടുക്കാനത് അല്ലെങ്കിൽ നിന്റെ പണം കണ്ടിട്ട് നിന്റെ തോളത്ത് ആയിരുന്നെഞ്ഞേ, ഇത് പോലെ വയറ്റിൽ കൊച്ച് ഒക്കെ ആയിട്ട് ആണോ എന്ന് ആർക്ക് അറിയാം. അത് മാത്രമല്ല നിന്റെ അമ്മ ഇതിന് സമ്മതിക്കും എന്ന് നിനക്ക് തോന്നുന്നുണ്ടോ. മകന് പുളിങ്കോമ്പ് നോക്കി പിടിക്കുന്ന അമ്മക്ക് ഇതെന്നല്ല ഇത് പോലെ ഒരു ബന്ധത്തിനും സമ്മതിക്കില്ല. ഇനി ഇപ്പൊ എന്തായാലും അമ്മയെ പിണക്കണ്ടല്ലോ. നീ വാ നമ്മുക്ക് പുറത്തൊക്കെ പോയി ഒന്ന് ചില്ല് ആയിട്ട് വരാം, അപ്പോഴേക്കും നിന്റെ മൂഡ് ഓകെ ആകും. ദേ നോക്ക് അവൾക്ക് നിന്നെ വിധിച്ചിട്ടില്ല അങ്ങനെ കരുതിയ മതി.    എണീറ്റെ.... എണീറ്റെ ഇന്നത്തോടെ ഈ വിഷയം ഇവിടെ വിട്ടോണം. ഞങ്ങൾക്ക് ഞങ്ങളുടെ പഴയെ വരുണിനെ മതി ഇത് കൊള്ളത്തില്ല അല്ലേടാ ഡെറി " : മനു അത്രയും പറഞ്ഞ് വരുണിന്റെ തോളിൽ കൂടി കയ്യിട്ട് കൊണ്ട് ഡെറിയോട് തിരക്കി. " അതന്നെ ഇത് ഒരുമാതിരി ശോകം പിടിച്ച് ഇരിക്കുന്നത് പോലെ. എടാ വരുണേ നിനക്ക് അല്ലെങ്കിലും മറ്റേ ലൈനെ ചേരു " : മനുവിനെ ഏറ്റ് പിടിച്ച് കൊണ്ട് ഡെറി പറഞ്ഞു. ഏത് ലൈൻ എന്ന പോലെ മറ്റ് മൂന്ന് പേരും അവനെ നോക്കി. " മറ്റേ ലൈൻ, അവൾ പോയ അവളുടെ അനിയത്തി " : ഡെറി അതും പറഞ്ഞ് അവന്മാരെ നോക്കി പല്ലിളിച്ചു. " അയ്യോ അവിടുന്നു ഇനി ഒന്നിനെ കൂടി വേണ്ടായേ ഇത് തന്നെ ധാരാളം " : സച്ചു കൈ കൂപ്പി കൊണ്ട് അവനോട് പറഞ്ഞു. അത് കേട്ടതും എല്ലാരും കൂടി ചിരിച്ച് കൊണ്ട് ഗൗരി എന്ന വിഷയം അവിടെ അവസാനിപ്പിച്ച് കൊണ്ട് വരുണിനെയും കൂട്ടി പുറത്തേക്ക് ഇറങ്ങി. ************************************ " ആരെയാ പ്രണയിക്കുന്നെ എന്ന് ഗൗരി നന്ദ ചോദിച്ചില്ലേ...? " : കണ്ണൻ " ഞാൻ ചോദിച്ചതാ പേര് ഒന്നും പറഞ്ഞില്ല " : അവൾ ഒരു നിരാശയോടെ പറഞ്ഞു. " പിന്നെ എന്താ പറഞ്ഞെ...? " : കണ്ണ് ചുരുക്കി കൊണ്ട് അവൻ തിരക്കി. " കല്യാണം ഒക്കെ കഴിഞ്ഞ് കുട്ടി ആയിട്ട് ജീവിക്കുവായിരുന്നു. കുറച്ച് നാൾ മുൻപ് വരെ കണ്ടു ഇനി ഒരിക്കലും കാണാൻ കഴിയില്ല എന്നൊക്കെ ഒരു വിഷമത്തോടെയ അന്ന് പറഞ്ഞെ. മാഷിന്റെ വിഷമം കണ്ട് ഞാൻ പിന്നെ ഒന്നും ചോദിച്ചില്ല. ചോദിച്ചാലും മാഷ് പറയില്ലന്നെ അല്ലെങ്കിൽ അമ്മയോട് എങ്കിലും പറയണ്ടെ " : അവൾ മാഷ് പോയ വഴിയേ നോക്കി കൊണ്ട് പറഞ്ഞു. മനസ്സിൽ കണ്ടൊരു ഉത്തരം കിട്ടിയത് പോലെ അവന്റെ കണ്ണ് ഒന്ന് തിളങ്ങി. " അമ്മയോട് എങ്ങനെ ആയിരുന്നു മാഷ് " :  അതെ തിളക്കത്തോടെ എന്നാൽ മുന്നിൽ നിൽക്കുന്നവൾക്ക് അത് മനസ്സിലാകാത്ത വിധം അവൻ ചോദിച്ചു. " മാഷിന്റെ പ്രിയ വിദ്യാർത്ഥിനി ആയിരുന്നു എന്റെ അമ്മ. ഒപ്പം നല്ല സുഹൃത്തുക്കളും. അന്നൊക്കെ ഉത്സവത്തിന് മാഷും അമ്മയും കൂടി ചേർന്നാണ് കുട്ടികളെ എല്ലാം ഒരിക്കിയിരുന്നത്. അമ്മയെ വേദിയിൽ കാണണം എന്ന് അമ്മയേക്കാൾ ആഗ്രഹം മാഷിന് ആയിരുന്നു. അമ്മയെ കൊണ്ട് കഴിയാത്തത് എന്നെ കൊണ്ട് നേടിയെടുക്കണം എന്ന മാഷ് പറയാറ് " : അവൾ ഒന്ന് നിശ്വസിച്ച് പറഞ്ഞ് കൊണ്ട് അവനെ ഒന്ന് നോക്കി അകത്തേക്ക് നടന്നു. ' അപ്പൊ രാഘവൻ മാഷിന്റെ നടക്കാതെ പോയ പ്രണയം ആണ് ഗൗരി നന്ദയുടെ അമ്മ രേവതി ' മാഷ് പോയ വഴിയേ കണ്ണെടുക്കാതെ നോക്കി കൊണ്ട് അവന്റെ ഉള്ളം മൊഴിഞ്ഞു. പിന്നെ എന്തൊക്കെയോ കൂട്ടി കുറിച്ച് ചിന്തിച്ച് കൊണ്ട് അവൻ അകത്തേക്ക് കയറി. അവിടെ ഇരുന്ന് ബാക്കി വന്ന ഉഴുന്ന് വട തിന്നുന്നവളെ കണ്ടതും അവൻ ഒന്ന് നിന്നു. തിന്നുന്നതിൽ മാത്രമാണ് ആളുടെ ശ്രദ്ധ അത്രയും ആസ്വദിച്ച് ആണ് കഴിക്കുന്നത്. കണ്ണന് മാഷ് അവൾക്ക് ഉഴുന്ന് വട ഇഷ്ടമാണെന്ന് പറഞ്ഞത് ഓർമ വന്നു. അവൻ അവൾക്ക് തടസം നിക്കാതെ കൈ രണ്ടും മാറിൽ പിണച്ച് കെട്ടി മതിലിൽ ചാരി നിന്ന് അവളിൽ തന്നെ നോട്ടം പതിപ്പിച്ച് നിന്നു. ആസ്വദിച്ച് കഴിക്കുന്നവളെ കണ്ടതും അവന്റെ ചുണ്ടിൽ ചെറു പുഞ്ചിരി വിരിഞ്ഞു. നേരത്തെ മാഷിനോട് സംസാരിച്ച് ഇരുന്നത് കൊണ്ട് ഈ രംഗങ്ങൾ ഒന്നും അവൻ കണ്ടിരുന്നില്ല. വട കഴിച്ച് കഴിഞ്ഞ് വിരലിൽ പിടിച്ചിരുന്ന പൊടിയും അകത്താക്കി പ്ലേറ്റും എടുത്ത് അടുക്കളയിലേക്ക് പോകാനായി തിരിഞ്ഞപ്പോഴാണ് തന്നെയും നോക്കി കൈ കെട്ടി നിൽക്കുന്നവനെ അവൾ കണ്ടത്. അവന്റെ നിൽപ്പിൽ നിന്ന് തന്നെ കൊറേ നേരമായി അവിടെ നിൽക്കാൻ തുടങ്ങിയിട്ട് എന്ന് അവൾക്ക് മനസ്സിലായി. താൻ കഴിക്കുന്നത് കണ്ടിട്ടുള്ള നിൽപ്പാണെന്ന് അവൾക്ക് മനസ്സിലായി. കണ്ണൻ പുറത്ത് കാര്യമായി എന്തോ ചിന്തച്ച് നിൽക്കുന്നത് കണ്ടാണ് അവൾ അവിടെ ഇരുന്ന് തന്നെ കഴിച്ചത് അവൻ ഇപ്പൊ കയറി വരും എന്ന് അറിഞ്ഞിരുന്നു എങ്കിൽ അതുമായി ഉറപ്പായും അടുക്കളയിലേക്ക് മുങ്ങിയെഞ്ഞേ. " അത് പിന്നെ ഒരു ഉഴുന്ന് വട കൂടി ഉണ്ടായിരുന്നു, കണ്ണേട്ടന് വേണമായിരുന്നോ...? " : കണ്ണൻ ഒന്നും മിണ്ടാതെ അവളെ തന്നെ നോക്കി നിൽക്കുന്നത് കണ്ട് അവൾക്ക് എന്തോ ജാളിത്യ ഒക്കെ തോന്നി. അത് മറക്കാൻ എന്ന വിധം അവൾ തിരക്കി. " ഉഴുന്ന് വട അത്രക്ക് ഇഷ്ടമാണോ....? " : അവൾ കഴിക്കുന്ന രീതി കണ്ടാണ് കണ്ണൻ അങ്ങനെ ചോദിച്ചത്. " ഇഷ്ടമാണോ എന്ന് ചോദിച്ച, പണ്ട് ഒരിക്കൽ ഇതുപോലെ അച്ഛൻ വീട്ടിലേക്ക് വേടിച്ച് കൊണ്ട് വന്നതായിരുന്നു, ഉഴുന്ന് വടയും, മുട്ട ബജിയും, വഴക്കപ്പവും. അവരുടെ ഓരോരുത്തരുടെ ഇഷ്ടം ഒക്കെ നോക്കിയാണ് വെടിച്ചോണ്ട് വന്നത്. അവിടെ പിന്നെ സ്പെഷ്യൽ ആയിട്ട് എന്തെങ്കിലും വെടിച്ചാൽ അവരൊക്കെ കഴിച്ച് കഴിഞ്ഞ് ബാക്കി എന്തെങ്കിലും ഉണ്ടെങ്കിൽ അതും അവരുടെ അനുവാദത്തോടെ മാത്രമേ എനിക്ക് കഴിക്കാൻ അവകാശം ഉള്ളു. അങ്ങനെ എല്ലാരും കഴിച്ച് കഴിഞ്ഞ് എല്ലാരും എണീറ്റ് പോയപ്പോൾ ടേബിൾ ഒതുക്കാൻ ചെന്നതാണ് ഞാൻ, അവിടെ പേപ്പറിൽ ഒരു ഉഴുന്ന് വട മാത്രം ബാക്കി ആയിട്ട് ഇരിപ്പുണ്ട്. അവിടെ ഒതുക്കി അതുമായി അടുക്കളയിലേക്ക് വന്നു. ഞാൻ അവിടെ ഒതുക്കുന്നതും ആ പൊതി എടുക്കുന്നതും ചെറിയമ്മ കണ്ടിട്ടും ഒന്നും മിണ്ടാത്തത് കൊണ്ട് തന്നെ അത് എനിക്ക് ഉള്ളതാണെന്ന് കരുതി എടുത്ത് ഒരു വാ വെച്ചതും ചെറിയമ്മ അവിടെ എത്തി. പിന്നെ പറയണോ കയ്യിൽ ഇരുന്ന ബാക്കി എടുത്ത് മുറ്റത്തേക്ക് വലിച്ച് ഒരു ഏർ, വായിൽ വെച്ചതും എന്നെ കൊണ്ട് തുപ്പിച്ചു പിന്നെ കൊറേ അടിയും തന്നു ഞാൻ കട്ട് തിന്നു എന്ന് പറഞ്ഞു. എതിർത്തിട്ടും കാര്യം ഇല്ലാത്തത് കൊണ്ട് നിന്ന് കൊണ്ടു. അതിന്റെ പേരിൽ അന്ന് പട്ടിണിയും. പിറ്റേന്ന് എന്റെ മുഖം വല്ലാതെ ഇരിക്കുന്നത് കൊണ്ട് മാഷ് ചോദിച്ചപ്പോ ഞാൻ ഈ കാര്യം പറഞ്ഞതിൽ പിന്നെയാ മാഷ് എനിക്ക് എന്നും ഉഴുന്ന് വട വാങ്ങി തരാൻ തുടങ്ങിയെ. പക്ഷെ എന്താന്ന് അറിയില്ല അതിന് ശേഷം മുതൽ കഴിക്കുന്ന ഉഴുന്ന് വടക്ക് ഒരു പ്രേത്യേക രുചിയ....! " : ഒരു ചിരിയോടെ പറഞ്ഞ് നിർത്തുന്നവളെ അവൻ കണ്ണിമാവെട്ടാതെ നോക്കി നിന്നു. എന്തൊക്കെ യാധനകൾ ആണ് ഈ ചെറു പ്രായത്തിൽ തന്നെ ഈ ഒരുവൾക്ക് അനുഭവിക്കേണ്ടി വന്നത്. ഓരോ തവണ അവളോട് സംസാരിക്കുമ്പോഴും ഇത് പോലെ എന്തെങ്കിലും വേദനയുടെ കഥ പറയാൻ കാണും അവൾക്ക്. ഇനിയും ഇത് പോലെ എത്രയോ കാണും താൻ അറിയാത്തതു കേൾക്കാത്തതുമായത് അതും ഓർത്ത് അവൻ അവളെ തന്നെ നോക്കി നിന്നു. ഉള്ളിൽ അവൾ ഒരുവൽക്കായി ഹൃദയം സ്ഥാനം ഒരുക്കിക്കൊണ്ട്.....!!!!! തുടരും......... #💞 പ്രണയകഥകൾ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #love #പ്രണയം

Part 75 തിരിച്ച് വീട്ടിലേക്ക് ഉള്ള നടത്തത്തിലും കണ്ണന്റെ ചിന്ത മുഴുവൻ അല്പം മുൻപ് അവനെ മറികടന്ന് പോയ കാറും അതിലിരുന്ന വ്യക്തികളും ആയിരുന്നു. ഉത്തമം കിട്ടാത്ത പല ചോദ്യങ്ങളും അവന്റെ മനസ്സിൽ നിറഞ്ഞു. മാഷുള്ളത് കൊണ്ട് ചായക്ക് എന്തെങ്കിലും കടി വാങ്ങിക്കാൻ ഇറങ്ങിയാതാണ് കണ്ണൻ. ചോറ് കഴിച്ചിട്ട് ഇറങ്ങാൻ നിന്ന മാഷിനെ വെയിൽ താന്നിട്ട് ഇറങ്ങാം എന്നും പറഞ്ഞ് പിടിച്ച് ഇരുത്തിയതാണ് രണ്ട് പേരും. ഇത് പോലും കാര്യം പറയാതെ ആണ് ഇറങ്ങി വന്നത്. ഇല്ലെങ്കിൽ മാഷ് പോകാൻ തിരക്ക് കൂട്ടും എന്ന് അവന് അറിയാം. ' എനിക്ക് അത്യാവിശം ആവിട്ട് ഒരിടം പോകണം മാഷ് ഇവിടെ കാണില്ലേ ഗൗരി ഒറ്റക്കാണ് ' എന്ന് പറഞ്ഞ് മാഷിന്റെ സമ്മതം വാങ്ങി ഇറങ്ങിയാണ് കണ്ണൻ. പലതും ചിന്തിച്ച് കൊണ്ട് വീട്ട് മുറ്റത്തേക്ക് കടന്നതും കണ്ടു മുറ്റത്ത് നിന്ന് മാഷിന് ഓരോന്ന് കാണിച്ച് കൊണ്ട് വിശേഷം പറയുന്നവളേ. അത് കണ്ടതും അത്രയും നേരം കുശലമായ മനസ്സൊന്ന് തണുത്തത് പോലെ തോന്നി. ഓരോന്ന് മാഷിന് കാണിച്ച് കൊടുത്ത് പറയുന്നവളുടെ മുഖത്ത് പല പല ഭാവങ്ങൾ ആണ് മിന്നി മായുന്നത്. അവൻ അതെല്ലാം ഉറ്റ് നോക്കി നിന്നു. എത്രയോ കൊല്ലങ്ങൾ കഴിഞ്ഞ് കാണുന്ന വ്യക്തിയോട് എന്നത് പോലെയാണ് അവളുടെ സംസാരം മാഷ് അതെല്ലാം ചിരിയോടെ കേട്ട് നിൽക്കുന്നുണ്ട്, ഇടക്ക് ഇടക്ക് അവൾ പറയുന്നതിന് എല്ലാം മൂളിയും തലയാട്ടിയും പ്രതികരിക്കുന്നുണ്ട്. കണ്ണൻ വന്നതൊന്നും അവർ രണ്ട് പേരും അറിഞ്ഞിട്ടില്ല, അവൻ മെല്ലെ അവർക്ക് അടുത്തേക്ക് നടന്നു. " ഹാ വന്നോ, ഞങ്ങൾ അകത്തിരുന്ന് മുഷിഞ്ഞപ്പോൾ പുറം കാഴ്ചകൾ ഒക്കെ കാണാനായിട്ട് ഇറങ്ങിയതാ. തന്നെ കാത്തിരുന്നതാ ഞാൻ ഇറങ്ങാൻ ആയിട്ടേ " : കാവി മുണ്ടും മടക്കി അടുത്തേക്ക് നടന്ന് വരുന്നവനെ കണ്ടതും മാഷ് പറഞ്ഞു. " നിക്ക് മാഷേ ചായ കുടിച്ചിട്ട് പോകാം, ഞാൻ ദാ കടിയും മേടിച്ചിട്ടുണ്ട് " : കയ്യിലുള്ള പൊതി ഗൗരിയ്ക്ക് നേരെ നീട്ടി കൊണ്ട് കണ്ണൻ പറഞ്ഞു. അത് കണ്ടതും വിടർന്ന കണ്ണോടെ ഗൗരി അത് മേടിച്ചു. അത് കേട്ടതും മാഷ് ഒരു വല്ലായിമയോടെ രണ്ട് പേരെയും നോക്കി. കണ്ണ് വിടർത്തി നോക്കുന്നവളെ കണ്ടതും അദ്ദേഹത്തിന് എതിർപ്പ് പറയാൻ തോന്നിയില്ല. അടുക്കളയിൽ എത്തി പ്ലേറ്റ് എടുക്കുമ്പോൾ ഗൗരിയുടെ ഉള്ളം സന്തോഷം കൊണ്ട് തുടികൊട്ടി. താൻ ആവിശ്യപ്പെടാതെ തന്നെ ഓരോന്ന് കണ്ട് അറിഞ്ഞ് ചെയ്യുന്നവനെ ഓർത്ത് അഭിമാനവും ഇഷ്ടവും ഒക്കെ നിറഞ്ഞു അവൾക്ക് ഉള്ളിൽ. പ്ലേറ്റ് എടുത്ത് വെച്ച് പൊതി തുറന്നവളുടെ കണ്ണുകൾ വീണ്ടും വിടർന്നു. മൂന്ന് പഴംപൊരിയും നാല് ഉഴുന്ന് വടയും ആയിരുന്നു അവൻ വേടിച്ച് കൊണ്ട് വന്നത്. പഴംപൊരിയോടെ ഇഷ്ടക്കുറവ് ഒന്നും ഇല്ലെങ്കിലും ഉഴുന്ന് വട അവൾക്ക് ഭയകര ഇഷ്ടമായിരുന്നു. കണ്ണൻ അതൊന്നും അറിഞ്ഞ് കൊണ്ട് അല്ല വെടിച്ചത് എങ്കിലും അവളുടെ ഇഷ്ടം നോക്കി വേടിച്ച് കൊണ്ട് വന്നതാണ് എന്ന് ചിന്താകാൻ ആയിരുന്നു അവൾക്ക് ഇഷ്ടം. അവൾ ഒരു ചിരിയോടെ അതും പ്ലേറ്റിലാക്കി കൊണ്ട് അവർക്ക് അടുത്തേക്ക് ചെന്നു. " ആഹാ ഉഴുന്ന് വട കണ്ടതിന്റെ തിളക്കം ആണോ മുഖത്ത്. കേട്ടോ കണ്ണാ ഉഴുന്ന് വടയുടെ ആളാണ് ഈ ഇരിക്കുന്നത്. നൃത്തതിന് വരുമ്പോൾ ആഴ്ചയിൽ രണ്ട് ദിവസം എന്റെ വക ഉഴുന്ന് വട ഉള്ളതാ. ആദ്യം ഒക്കെ സ്ഥിരം ആയിരുന്നു പിന്നെ കടയിലെ ആയത് കൊണ്ടും എല്ലാ പലഹങ്ങൾ ഒക്കെ അത്ര നല്ലത് അല്ലാത്തോണ്ടും ആഴ്ചയിൽ രണ്ടോ മൂന്നോ ദിവസത്തേക്ക് ആക്കി. ഇന്നാ ഇരുന്ന് കഴിക്ക് " : മാഷ് ഒരു ചിരിയോടെ ഒരു ഉഴുന്ന് വട ഗൗരിക്ക് എടുത്ത് നീട്ടി കൊണ്ട് പറഞ്ഞു. കണ്ണൻ ഇരിക്കുന്നത് കൊണ്ട് തന്നെ മാഷ് പറയുന്നത് കേട്ട് ഒരു ജാളിത്യ തോന്നി അവൾക്ക്. ഉഴുന്ന് വട കയ്യിലേക്ക് വാങ്ങി കൊണ്ട് ഗൗരി കണ്ണൻ ഇരിക്കുന്നതിന് അടുത്തായി എന്നാൽ കുറച്ച് അകലം ഇട്ട് കൊണ്ട് ഇരുന്നു. ഗൗരിയുടെയും അവളുടെ അമ്മയുടെയും ഒക്കെ നൃത്തത്തോട് ഉള്ള അഭിരുചിയും എല്ലാം മാഷ് ഒരു അഭിമാനത്തോടെ കണ്ണനോട് പറഞ്ഞു. അത് കണ്ണനും മനസ്സിലായി. അദ്ദേഹം അവർക്ക് രണ്ട് പേർക്കും കൊടുക്കുന്ന പ്രാധാന്യം എന്ത് കൊണ്ടോ കണ്ണന്റെ ഉള്ളിൽ സംശയം നിറച്ചു. ഒപ്പം ഗൗരിയെയും അവളുടെ അമ്മയെയും കുറിച്ച് പറയുമ്പോൾ മാഷിന്റെ മുഖത്ത് വിരിയുന്ന ഭാവങ്ങൾ കണ്ണിലെ തിളക്കം ഒക്കെ അവന്റെ സംശയങ്ങൾ കൂട്ടുകയാണ് ചെയ്തത്. വീണ്ടും അവർക്ക് ഇടയിൽ സംസാരങ്ങൾ നീണ്ടു. അതിൽ അധികവും നൃത്തത്തെ കുറിച്ച് ആയിരുന്നു എന്ന് മാത്രം. നൃത്തത്തെ കുറിച്ച് എന്തെങ്കിലും കണ്ണൻ ചോദിക്കുമ്പോൾ ഗൗരിയുടെ മാഷും അവന്റെ സംശയങ്ങൾ തീർത്ത് കൊടുത്തു. അപ്പോഴൊക്കെ കണ്ണന്റെ ശ്രദ്ധ നൃത്തത്തെ കുറിച്ച് വാചലമാകുന്നവളിൽ ആയിരുന്നു. " ഞാൻ എന്ന ഇറങ്ങട്ടെ, ഇരുട്ടി തുടങ്ങാറായി. ഇനി ഇടക്ക് വരാം. മോളെ, ആരും ഇല്ലെന്ന തോന്നൽ വേണ്ട ഞാൻ ഉണ്ട് എന്റെ കുട്ടിക്ക്. രക്ത ബന്ധം കൊണ്ട് അല്ലെങ്കിലും നീ എന്റെ മകളാണ് അങ്ങനെയേ ഇതുവരെ നിന്നെ ഞാൻ കണ്ടിട്ടുള്ളു. ഇന്ന് സതീശനെ കുറിച്ച് കേട്ടതും ആ സ്ഥാനം കൂടി ഞാൻ ഏറ്റെടുക്കുവാ എന്റെ കുഞ്ഞ് ഒന്നും കൊണ്ടും വിഷമിക്കണ്ട. ഒരു വിളിക്ക് അപ്പുറം ഞാൻ ഉണ്ട് നിനക്ക്. നിന്നെയും കൂടി പോറ്റാൻ ഉള്ള കഴിവ് എനിക്ക് ഇപ്പൊ ഉണ്ട്. വിഷമിക്കണ്ട എന്റെ കുട്ടിക്ക് ഞാൻ ഉണ്ട്. " : ഗൗരിയെ ചേർത്ത് പിടിച്ച് കൊണ്ട് ഉള്ളിൽ നിറയുന്ന അച്ഛന്റെ വാത്സല്യത്തോടെ അദ്ദേഹം പറഞ്ഞു. അത് കേട്ടതും ഗൗരിയുടെ മുഖവും ഒന്ന് വിങ്ങി പോയി. " ഞാൻ പറഞ്ഞില്ലേ കണ്ണാ... ഇന്ന് ഇങ്ങോട്ട് വരുമ്പോൾ മനസ്സിൽ ആകെ സമാധാനക്കേട് ആയിരുന്നു പക്ഷേ ഇപ്പൊ ഏതോ ഇവൾ നിന്റെ അടുത്ത് സുരക്ഷിതം ആണെന്ന് ഒരു തോന്നൽ ആ ഒരു വിശ്വാസത്തിലാ ഞാൻ പോകുന്നെ. നോക്കിക്കോണേ, എന്തെങ്കിലും ഉണ്ടെങ്കിൽ എന്നെ വിളിച്ചാൽ മതി, ഞാൻ ഉണ്ടാകും ഇവിടെ. " : ഗൗരിയിൽ ഉള്ള പിടി ഒന്നും കൂടി അമർത്തി കൊണ്ട് മനസ്സിൽ തട്ടി കൊണ്ട് എന്നാൽ അത്രയും ഉറപ്പോടെ അദ്ദേഹം പറഞ്ഞു. മാഷ് പറഞ്ഞ് നിർത്തിയതും ഗൗരിയുടെയും കണ്ണന്റെയും മനസ്സിൽ തെളിഞ്ഞത് സതീശന്റെ മുഖം ആയിരുന്നു. ഗൗരിക്ക് സന്തോഷം കൊണ്ടോ സങ്കടം കൊണ്ടോ കണ്ണൊക്കെ നിറഞ്ഞ് വന്നു. " അയ്യേ മോള് കരയുവാണോ.... എന്തെ എന്നെ അച്ഛന്റെ സ്ഥാനത്ത് കാണാൻ കൊള്ളില്ലേ " : ഗൗരിയെ കളിയാക്കി കൊണ്ട് അദ്ദേഹം തിരക്കി. " സന്തോഷം കൊണ്ട... എനിക്ക് സന്തോഷമേ ഉള്ളു മാഷിന്റെ മകൾ ആകാൻ. പലപ്പോഴും ഞാൻ ചിന്തിച്ചിട്ടുണ്ട് ഞാൻ മാഷിന്റെ മകൾ ആയിട്ട് ജനിച്ചാൽ മതിയായിരുന്നു എന്ന്. അതെങ്ങനാ നല്ല പ്രായത്തിൽ ഒരു കല്യാണം ഒക്കെ കഴിക്കണം ആയിരുന്നു. " : അവൾ മുഖം അമർത്തി തുടച്ച് കൊണ്ട് ആദ്യം കാര്യമായിട്ടും അവസാനം കളി ആയിട്ടും പറഞ്ഞു. എന്നാൽ ഗൗരി മറുപടി കേട്ടതും മാഷിന്റെ മുഖം പെട്ടന്ന് ഒന്ന് വിളറി പോയി. അത് അവർ കാണാതെ ഇരിക്കാൻ അദ്ദേഹം ചിരി എടുത്ത് അണിഞ്ഞു. എന്നാൽ അവരെ രണ്ട് പേരെയും തന്നെ നോക്കി നിന്നവൻ അത് കൃത്യമായി തന്നെ ഒപ്പി എടുത്തു. " ഹാ ഈ ജന്മം അതിന് ഇനി വഴി ഇല്ലല്ലോ, തത്കാലം ഇനി അടുത്ത ജന്മം നോക്കാം എന്തേ.... " : അദ്ദേഹവും ഒരു കളിയോടെ പറഞ്ഞ് കൊണ്ട് അവരെയും കൂട്ടി പുറത്തേക്ക് ഇറങ്ങി. " ഞാൻ എന്ന ഇറങ്ങട്ടെ ഇടക്ക് ഒക്കെ അങ്ങോട്ടും കൂടി ഇറങ് രണ്ട് പേരും. പിന്നെ പറഞ്ഞത് ഓർമ്മ ഉണ്ടല്ലോ അടുത്ത മാസം അവസാനം ആണ് ഉത്സവം നിന്റെ ഒറ്റക്ക് ഉള്ള നൃത്തം എന്തായാലും വേണം അതിനുള്ള തയാറെടുപ്പ് എത്രയും വേഗം തുടങ്ങിക്കോ. ഹാ ഇനി പിള്ളേരെ പഠിപ്പിക്കാൻ വരുണ്ടോ നീ....? " : അവസാനം ഒരു ചോദ്യഭാവത്തോടെ അദ്ദേഹം തിരക്കി. അതിന് അവൾ കണ്ണനെ നോക്കുകയാണ് ചെയ്തത്. " വരും മാഷേ പക്ഷെ ഇപ്പോഴല്ല കുറച്ച് നാൾ കഴിയട്ടെ, ഇനി ഇപ്പൊ ഉത്സവത്തിന് വേണ്ടി ഉള്ള തയ്യാറെടുപ്പ് ഒക്കെ വേണ്ടതല്ലേ എങ്കിൽ പിന്നെ ഉത്സവം കഴിഞ്ഞിട്ട് വീണ്ടും പഠിപ്പിക്കാൻ തുടങ്ങാം. എന്തേ അത് പോരെ....? " : അവന്റെ അഭിപ്രായം എന്ന പോലെ പറഞ്ഞ് കൊണ്ട് അവളുടെ സമ്മതം കൂടി തിരക്കി. അതിന് പൂർണ്ണ സമ്മതം എന്ന പോലെ അവൾ തലയാട്ടി കാണിച്ചു. കണ്ണൻ അങ്ങനെ പറഞ്ഞതിന്റെ കാരണം അറിയാവുന്നത് കൊണ്ട് തന്നെ മാഷും പിന്നെ അതെ ചൊല്ലി ഒന്നും പറയാൻ നിന്നില്ല. വീണ്ടും ഒരിക്കൽ കൂടി യാത്ര ചോദിച്ച് കൊണ്ട് മാഷ് അവിടെ നിന്ന് ഇറങ്ങി. അദ്ദേഹം കണ്ണിൽ നിന്ന് മറയുന്നത് വരെ അവർ പേരും അദ്ദേഹത്തെ തന്നെ നോക്കി അവിടെ നിന്നു. " മാഷിന്റെ കുടുംബം....? " : അദ്ദേഹം പോയെന്ന് കണ്ടതും കണ്ണൻ ഗൗരിയോട് തിരക്കി. " മാഷിന് അങ്ങനെ കുടുംബം ഒന്നും ഇല്ല... മാഷിന്റെ അച്ഛൻ മാഷിന്റെ കുഞ്ഞിലേ തന്നെ മരിച്ചു പിന്നെ ആകെ ഉള്ളത് അമ്മ ആയിരുന്നു. ബന്ധുക്കാർ ഒക്കെ മാഷിന്റെ അച്ഛൻ മരണപ്പെട്ടത്തോടെ ഇവരിൽ നിന്ന് അകന്നു. അവർ രണ്ട് പേരും ഒരു ബാധ്യത ആകും എന്ന് കരുതി ആകണം. മാഷ് ഡിഗ്രി പഠിച്ച് ഇറങ്ങിയപ്പോൾ ഒരു നെഞ്ച് വേദന വന്ന് ആ അമ്മയും പോയി. അതോടെ മാഷ് ഒറ്റക്കായി. ഇവിടെ ഉത്സവത്തിന് ആണ് ആദ്യമായിട്ട് മാഷ് വരുന്നത് പിന്നെ ഈ നാട് ഒക്കെ ഇഷ്ടപ്പെട്ടിട്ട് ആണോ എന്തോ മാഷ് ഇവിടെ സ്ഥിരം ആക്കി. അമ്മ ഉള്ള കാലത്ത് അമ്മയും അച്ഛനും ഒക്കെ ഒത്തിരി പറഞ്ഞിട്ടുണ്ട് ഒരു കല്യാണം ഒക്കെ കഴിക്കാൻ, അപ്പൊ പറയും മനസ്സിന് ഇണങ്ങിയ കുട്ടിയെ കണ്ടില്ല എന്ന്. " : പറഞ്ഞ് വന്നത് നിർത്തി ഗൗരി മാഷ് പോയ വഴിയേ ഒന്ന് നോക്കി അദ്ദേഹം പോയെന്ന് ഉറപ്പ് വരുത്തി വീണ്ടും അവന് നേരെ തിരിഞ്ഞു. " പക്ഷേ ഉണ്ടല്ലോ എനിക്ക് അറിയാം അതൊന്നും അല്ല കാരണം എന്ന്.... അമ്മ പോയി കുറച്ചു വർഷങ്ങൾക്ക് ശേഷം മാഷെന്ത കല്യാണം കഴിക്കാതെ എന്ന് ചോദിച്ചപ്പോൾ പറയുവാ. മാഷിന് ഒരാളെ ഇഷ്ടമായിരുന്നു എന്ന് പക്ഷേ അവരുടെ കണ്ടുമുട്ടൽ വൈകിയത് കൊണ്ട് തന്നെ അവർക്ക് ഒന്നിക്കാൻ കഴിഞ്ഞില്ല എന്ന്. അന്ന് ഞാൻ ഒരുപാട് കളിയാക്കി കാരണം എന്താണ് അറിയോ അത് പ്രണയം ഒന്നും ആയിരുന്നില്ല കണ്ണേട്ടാ, ആ പെൺകുട്ടിക്ക് പോലും ഇങ്ങനെ ഒരാൾ തന്നെ സ്നേഹിക്കുന്നത് അറിയില്ല. എന്നിട്ടാണ് മാഷ് ഇങ്ങനെ ഒരു കല്യാണം പോലും കഴിക്കാതെ നിൽക്കുന്നെ. കണ്ണേട്ടൻ അറിയോ മാഷിന് എന്തോരം പെൺപിള്ളേർ ഫാൻസ്‌ ആയിട്ട് ഈ നാട്ടിൽ ഉണ്ടായിരുന്നു എന്ന്, എത്ര പേരാന്ന് അറിയോ മാഷിന് പ്രേമലേഖനം എഴുതുന്നത്. പലതും ഞങ്ങൾ രണ്ട് പേരും ഒരുമിച്ച് ഇരുന്ന വായിക്കുന്നേ. പിന്നെ വേറെ ചിലർ മാഷിന്റെ സമ്മതത്തിനായി എന്നെ വന്ന് കാണും. എന്നിട്ട് ഇവരെ ആരെയും വേണ്ടാതെ പഴയ പ്രേമവും കെട്ടിപ്പിടിച്ചു ഇരിക്കുവാ ഇപ്പോഴും. പക്ഷെ എനിക്ക് അത് ഭയങ്കര സങ്കടം ആണ് ആരും ഇല്ലല്ലോ ഒറ്റക്ക് അല്ലെ " : ആദ്യം ഒക്കെ ഒരു കളിയോടെ പറഞ്ഞ് വന്നവൾ അവസാനം ഒരു നിശ്വാസത്തോടെ അവസാനിപ്പിച്ചു. " ആരെയാ പ്രണയിക്കുന്നെ എന്ന് ഗൗരി നന്ദ ചോദിച്ചില്ലേ...? " : അത്ര കേട്ടിട്ടും അവന് ചോദിക്കാൻ ഉണ്ടായിരുന്നത് അതായിരുന്നു. തുടരും....... ഈ part ന്റെ ആവിശ്യം ഉണ്ടായിരുന്നോ എന്ന് നിങ്ങൾക്ക് തോന്നും പക്ഷെ വേണം കേട്ടോ 😁 ഏത് അതന്നെ..... #💞 പ്രണയകഥകൾ #പ്രണയം #love #നോവൽ #തുടർകഥ #കഥ #തുടർകഥ #mallu stories #പ്രണയം #പ്രണയ കഥ

Part 74 " ഇല്ല മാഷേ... ഇനിയും വയ്യ അങ്ങനെ ജീവിക്കാൻ. ഇപ്പൊ താൽക്കാലികം ആയിട്ട് മുരളീധരൻ മുതലാളിയുടെ കീഴിൽ ആണ്, എന്തെങ്കിലും ചെറിയ ചെറിയ ആവിശ്യം വരുമ്പോൾ മുതലാളി വിളിക്കും അപ്പൊ എന്തെങ്കിലും കൂലി ആയിട്ട് തരും ഇപ്പൊ അങ്ങന കഴിഞ്ഞ് പോന്നേ. ജോലി സ്ഥിരം ആയില്ല മില്ലിലോ മറ്റോ ഒഴിവ് വന്ന മുതലാളി തരപ്പെടുത്തി തരാം എന്ന പറഞ്ഞെ. " : കണ്ണൻ അദ്ദേഹത്തെ തന്നെ നോക്കി കൊണ്ട് പറഞ്ഞു. ഒട്ടും പ്രതീക്ഷിക്കാതെ എന്നാൽ തീർത്തും വിശ്വാസയോജ്യമായി കാര്യം കേട്ടത് പോലെ അദ്ദേഹത്തിന്റെ കണ്ണോന്ന് വിടർന്നു. ഒപ്പം ഇത് വരെ പുകഞ്ഞ് കൊണ്ട് ഇരുന്ന മനസ്സിൽ മഞ്ഞ് വീണ സുഖവും അദ്ദേഹം അനുഭവപ്പെട്ടു. കാരണം ഗൗരി അദ്ദേഹത്തിന് അത്രയും പ്രിയപ്പെട്ടവൾ ആണ് ആ അവളുടെ ജീവിതം അദ്ദേഹത്തെ  ഈ കുറഞ്ഞ നിമിഷം കൊണ്ട് അത്രയും ആശങ്കയിൽ ആഴ്ത്തിയിരുന്നു. എന്നാൽ കണ്ണൻ ഇപ്പോൾ പറഞ്ഞത് കേട്ടതും അദ്ദേഹത്തിന് ഉണ്ടായ ആശ്വാസം ചെറുതൊന്നും ആയിരുന്നില്ല. " അതെന്തായാലും നന്നായി ഇത്രയും നേരം ഈ ഒരു ആശങ്ക ഉള്ളിൽ കിടന്ന് വീർപ്പ് മുട്ടുവായിരുന്നു. ഞാൻ പറഞ്ഞില്ലേ ഗൗരി എനിക്ക് ഒരു വിദ്യാർത്ഥിനി എന്നതിന് ഉപരി ഈ ആരും ഇല്ലാത്തവൻ എല്ലാം ആണ്. ഇന്നലെ നിങ്ങളുടെ കാര്യം കേട്ടപ്പോൾ മുതലുള്ള പിടപ്പാണ് ഉള്ളിൽ ഇപ്പോഴാ മനസ്സിന് കുറച്ചെങ്കിലും ആശ്വാസം ആയത്. പിന്നെ ജോലിയെ കുറിച്ച് ഇനി പേടിക്കണ്ട മുതലാളിയും ആളൊരു നല്ലൊരു മനുഷ്യൻ ആണ്, സഹായം ചോദിച്ച് വരുന്നവരെ ആരെയും വെറും കൈയ്യോടെ അദ്ദേഹം മടക്കി അയക്കാറില്ല. ഇവിടെ മഹാദേവന്റെ അമ്പലം ഇല്ലേ, അവിടെ വലിയ ഉത്സവം ആണ് ഈ നാട് ഒട്ടാകെ ജാതിമത ഭേദം ഇല്ലാതെ ആഘോഷിക്കുന്ന ഉത്സവം, പൂജയും മറ്റുമായി അഞ്ചു ദിവസം നീണ്ട് നിൽക്കുന്ന ഉത്സവം. ആ ചിലവിന്റെ ഒക്കെ നേർ പകുതി സ്പോൺസർ മുതലാളി തന്നെയാ. ഉത്സവത്തിന്റെ അവസാന ദിവസം ആണ് നൃത്തവും, സംഗീതവും, വെസ്റ്റേൺ ഡാൻസും പാട്ടും മറ്റും അത് മൊത്തം സ്പോൺസർ ചെയ്യുന്നത് മുതലാളി തന്നെയാ. അവർക്ക് വേണ്ടുന്ന കോസ്റ്റുമും മറ്റും എല്ലാം അദ്ദേഹം തന്നെയാണ് സ്പോൺസർ ചെയ്യുന്നതും. അത് കൊണ്ട് മാത്രം ആണ് ഗൗരിക്ക് ഉത്സവത്തിന് നൃത്തം ചെയ്യാൻ കഴിയുന്നത്. നൃത്തതിന് വേണ്ടുന്ന അവളുടെ ചിലവ് ഞാൻ നോക്കിക്കോളാം എന്ന് പറഞ്ഞാലും സരസ്വതി സമ്മതിക്കില്ല ഇത് പിന്നെ മുതലാളിയെ പിണക്കാൻ കഴിയാത്തത് കൊണ്ട് മനസ്സില്ല മനസ്സോടെ സമ്മതം മൂളുന്നു എന്ന് മാത്രം. " : അദ്ദേഹം ഒരു നെടുവീർപ്പോടെ പറഞ്ഞ് നിർത്തി. എല്ലാം വളരെ ശ്രദ്ധയോടെ കേട്ട് നിൽകുവായിരുന്നു കണ്ണൻ. ഒക്കെ കേട്ട് കഴിഞ്ഞ് അവന്റെ പിരുകം ഒരു സംശയത്തോടെ ചുളിഞ്ഞു. " ഇപ്പോഴും സംസാരം ആണോ രണ്ട് പേരും, മതി സംസാരിച്ചത് രണ്ട് പേരും വാ ഇനി കഴിച്ചിട്ട് ആവാം ബാക്കി ഒക്കെ ഞാൻ എല്ലാം വെച്ചിട്ടുണ്ട് " : ഗൗരി അവരുടെ രണ്ട് പേരുടെയും അടുത്തേക്ക് വന്ന് കൊണ്ട് പറഞ്ഞു. അത് കേട്ടതും അവർ സംസാരം അവിടെ നിർത്തി അവൾക്ക് ഒപ്പം നടന്നു. മുന്നിൽ സംസാരിച്ച് പോകുന്നവരിൽ ആണ് കണ്ണന്റെ നോട്ടം എങ്കിലും അവന്റെ ചിന്ത മറ്റ് എവിടെയോ ആയിരുന്നു. ഒപ്പം ' എന്തിന്...? ' എന്നൊരു ചോദ്യവും അവന്റെ മനസ്സിൽ നിറഞ്ഞു. ********** " മോളെ നീയും കൂടി ഇരിക്ക് എല്ലാം ഇവിടെ തന്നെ ഉണ്ടല്ലോ. " : മാഷ് തനിക്കും കണ്ണനും വിളമ്പി തന്നിട്ട് മാറി നിൽക്കുന്നവളെ കണ്ടതും പറഞ്ഞു. അദ്ദേഹത്തിന്റെ സ്വരം ആണ് കസേരയിലേക്ക് ഇരുന്നവനെ ചിന്തയിൽ നിന്ന് ഉണർത്തിയത്. ഒപ്പം അവന്റെ നോട്ടം മാറി നിൽക്കുന്നവളിലേക്കും എത്തി. അവിടെ നിന്ന് പരുങ്ങുന്നവളെ കണ്ടതും അവനും ഒപ്പം ഇരുന്ന് കഴിക്കാൻ പറഞ്ഞു. എന്നിട്ടും നിന്ന് പരുങ്ങുന്നവളെ കണ്ടതും അവൻ അവളെ കണ്ണ് ചുരുക്കി നോക്കി. പരുങ്ങലോടെ ഇടക്ക് ഇടക്ക് നോട്ടം തന്റെ കെട്ടി വെച്ചിരിക്കുന്ന കയ്യിലേക്ക് വീഴുന്നത് കണ്ടപ്പോഴാണ് അവന് കാര്യം മനസ്സിലായത്. മാഷ് ഇല്ലായിരുന്നു എങ്കിൽ തനിക്ക് അവൾ അല്ലെ ഭക്ഷണം വാരി തരുന്നത്, ഇപ്പൊ മാഷ് ഉള്ളത് കൊണ്ട് എന്ത് ചെയ്യണം എന്ന് അറിയാതെ തന്റെ മറുപടിക്കായി ഉള്ള പരുങ്ങലാണ് അവന് മനസ്സിലായി. " ഒരു സ്പൂൺ എടുത്തിട്ട് വാ, എന്നിട്ട് ഇരിക്ക് എല്ലാർക്കും ഒരുമിച്ച് ഇരിക്കാം " : കണ്ണൻ അവളിൽ നിന്ന് നോട്ടം മാറ്റി കൊണ്ട് പറഞ്ഞു. അതിനൊന്ന് തലയാട്ടി കൊണ്ട് സ്പൂൺ എടുക്കാനായി അവൾ അടുക്കളയിലേക്ക് തിരിഞ്ഞു. അവൾ പോയെന്ന് കണ്ടതും അവന്റെ ചുണ്ടിൽ ചെറിയൊരു ചിരി സ്ഥാനം പിടിച്ചു. മാഷിനെ കണ്ടപ്പോൾ തന്നെ മറന്നില്ലല്ലോ എന്നും അവൻ ഒരു തമാശ പോലെ ഓർത്തു. ************************************* " ചേച്ചി ദാ ഈ കുട്ടിയെ അറിയുമോ...? നൃത്തം ഒക്കെ ചെയ്യുന്നതാണ് " : മനു കയ്യിലെ ഫോൺ മുന്നിൽ നിൽക്കുന്ന സ്ത്രീയിക്ക് നേരെ നീട്ടി കൊണ്ട് തിരക്കി. പ്രൊജക്റ്റ്‌ ഒകെ കഴിഞ്ഞ് വീട്ടിൽ പോലും പോകാതെ ഗൗരി കാണുക എന്ന ലക്ഷ്യത്തിൽ അവളുടെ നാട്ടിലേക്ക് എത്തിയതാണ് വരുണും കൂട്ടരും. ഇന്നലെ രാത്രിയോടെ ആയി അവർ ഇവിടെ എത്തിയപ്പോൾ. രാത്രി ആയത് കൊണ്ട് തന്നെ ടൗണിൽ ഒരു ഹോട്ടലിൽ തങ്ങിയിട്ട് രാവിലെ ഗൗരിയെ അന്വേഷിച്ച് ഇറങ്ങിയതാണ് നാല് പേരും എന്നാൽ ഇവിടെ എത്തിയപ്പോഴേക്കും ഉച്ച ആയിട്ടുണ്ടായിരുന്നു. പിന്നെ ഉച്ച ഭക്ഷണവും കഴിച്ച് അമ്പലത്തിലേക്ക് ഇറങ്ങിയതാണ് അവിടെ ആരോടെങ്കിലും അവളെ കുറിച്ച് അന്വേഷിച്ചാൽ വിവരം കിട്ടാതെ ഇരിക്കില്ല എന്ന് മനുവാണ് പറഞ്ഞത്. പക്ഷെ ഉച്ച കഴിഞ്ഞതേ ഉണ്ടായിരുന്നത് കൊണ്ട് തന്നെ അമ്പല പരിസരത്ത് ഒന്നും ആരും ഉണ്ടായിരുന്നില്ല. പോയിട്ട് പിന്നെ വരാം എന്ന് പറഞ്ഞെങ്കിലും വരുൺ അതിന് ഒരുക്കമല്ലായിരുന്നു. ഇന്ന് തന്നെ ഇതിനൊരു തീരുമാനം ഉണ്ടാക്കിയിട്ട് മാത്രമേ ഇവിടുന്ന് തിരിക്കുന്നുള്ളു എന്നായിരുന്നു അവന്റെ മറുപടി. അങ്ങനെ ഇരുന്നപ്പോഴാണ് അമ്പലപരിസരത്ത് തന്നെയുള്ള വീട്ടിലേക്ക് ഒരു സ്ത്രീ വന്ന് കേറുന്നത് അവരുടെ ശ്രദ്ധയിൽ പെട്ടത്. വേഷത്തിൽ നിന്ന് അത് ഒരു നഴ്‌സ്‌ ആണെന്ന് അവർക്ക് മനസ്സിലായി അങ്ങനെ അവർക്ക് മുന്നിൽ വന്നതാണ് അവർ നാല് പേരും. " ഇത് ഗൗരി അല്ലെ...? " : അവർ ഫോണിൽ കാണുന്ന ഫോട്ടോയിൽ ഒന്ന് നോക്കി മുന്നിൽ നിൽക്കുന്ന ചെറുപ്പകാരോട് ചോദിച്ചു. " ഹാ അതേ നിങ്ങൾക്ക് അറിയുമോ ഗൗരിയെ....? ഇവളുടെ വീട് എവിടാ എന്ന് ഒന്ന് പറഞ്ഞ് തരുമോ...? " : നഴ്സിന്റെ മറുപടി കേട്ടതും മനു അതിനുള്ള മറുപടി കൊടുക്കുന്നതിന് മുന്നേ വരുൺ തിരക്കി. " പിന്നെ അറിയുമോ എന്നോ ഗൗരി അല്ലെ ഇപ്പൊ ഈ നാട്ടിലെ താരം. അല്ല നിങ്ങൾ ഒക്കെ ആരാ മുൻപ് ഇവിടെ ഒന്നും കണ്ടിട്ടില്ലല്ലോ...? " : ആദ്യം ഒരു പരിഹാസത്തോടെ പറഞ്ഞ് പിന്നെ മുന്നിൽ നിൽക്കുന്ന ചെറുപ്പകാരെ അടിമുടി നോക്കി കൊണ്ട് അവർ തിരക്കി. " ഞങ്ങൾ.... ഞങ്ങൾ കുറച്ച് ദൂരെന്ന. ഗൗരിയെ ഒന്ന് കാണാൻ ആയി വന്നതാ ഒരു പ്രോഗ്രാമിന് വേണ്ടി ആയിരുന്നു. ഗൗരി നന്നായി നൃത്തം ഒക്കെ ചെയ്യുന്ന കുട്ടി അല്ലെ. " : എന്ത് പറയും എന്ന് അറിയാതെ നിൽക്കുന്നവരെ കണ്ട് ഒന്ന് പരുങ്ങി കൊണ്ട് സച്ചു അവർക്കുള്ള മറുപടി നൽകി. " ഓ അവളെ ആട്ടത്തിന് വിളിക്കാൻ വന്നെയാണോ... ഇനി അതിന്റെ കുറവേ ഉള്ളു. അയ്യോ ഇനി അത് നടക്കും എന്ന് തോന്നുന്നില്ല പിള്ളേരെ " : ആദ്യം സ്വയം പുച്ഛത്തോടെ പിറുപിറുത്ത് പിന്നെ മുന്നിൽ നിൽക്കുന്നവർക്കുള്ള മറുപടി നൽകി. ഗൗരി നൃത്തം ചെയ്യുന്നത് കൊണ്ട് തന്നെ സച്ചുവിന്റെ മറുപടി കേട്ടിട്ട് അവർക്ക് വലിയ സംശയം ഒന്നും തോന്നിയില്ല. " അയ്യോ അതെന്താ... ആ കുട്ടിയുടെ വീട്ടിൽ എന്തെങ്കിലും പ്രശനം ഉണ്ടോ...? ചേച്ചിക്ക് ആ കുട്ടിയുടെ വീട് അറിയാമെങ്കിൽ പറഞ്ഞ് ഒന്ന് തരുമോ ഞങ്ങൾ പോയി സംസാരിക്കാം " : കാര്യം പറയാത്തത് കൊണ്ട് തന്നെ മനു അങ്ങനെ ചോദിച്ചു. " ഏയ്യ് അതൊന്നും അല്ല, രണ്ട് ആഴ്ച മുൻപാണ് അവളുടെ കല്യാൺ കഴിഞ്ഞത് " : അവർ നാല് പേരെയും മാറി മാറി നോക്കി കൊണ്ട് പറഞ്ഞു. എന്നാൽ അവരുടെ വെളിപ്പെടുത്തൽ കേട്ട് ആകെ ഞെട്ടി നില്കുവാണ് അവർ നാല് പേരും. അങ്ങനെ ഒരു കാര്യം ഈ നിമിഷം വരെ അവർ പ്രധീക്ഷിച്ചിരുന്നില്ല. സ്വഭാവികമായി മറ്റ് മൂന്ന് പേരുടെയും നോട്ടം വരുണിന് നേരെ തിരിഞ്ഞു. അവിടെ ഇപ്പോഴും കേട്ട കാര്യം ഉൾകൊള്ളാൻ കഴിയാതെ നിൽക്കുവാണ്. " കൂടാതെ ആ പെണ്ണിന്റെ വയറ്റിലുമുണ്ട് " : അവർ ഒരു ഒഴുക്കാൻ മട്ടിൽ അങ്ങ് പറഞ്ഞു. " ഇത്ര പെട്ടെന്നൊ...? " : ഡെറിക്ക് ആണ് അത് ചോദിച്ചത്, അല്ല അവർ പറയുന്നത് കേട്ടപ്പോൾ അവന്റെ വായിൽ നിന്ന് അറിയാതെ വന്നതാണ്. ചോദിച്ച് കഴിഞ്ഞാണ് അവൻ ബോധം വന്നത് അവൻ നാക്ക് കടിച്ച് ബാക്കി ഉള്ളവരെ ഒന്ന് നോക്കി. മനുവും സച്ചുവും അവനെ നോക്കി പല്ല് കടിച്ചപ്പോൾ വരുൺ ഇതൊന്നും ശ്രദ്ധിച്ചത് പോലും ഇല്ല. " അയ്യോ അത് പെട്ടെന്ന് ഒന്നും അല്ല രണ്ടും മുടിഞ്ഞ പ്രേമം ആയിരുന്നു അത്രേ എന്നിട്ട് വയറ്റിലായപ്പോ അവളുടെ തന്തയെ ആ ചെറുക്കൻ വന്ന് ഭീഷണിപ്പെടുത്തി വിവാഹം കഴിപ്പിച്ച് കൊടുത്തതാ. അവൻ ആണെങ്കിലോ തല്ലും പിടിയും പോലീസ് കേസും ഒക്കെ ആയി നടക്കുന്നവൻ ചുരുക്കി പറഞ്ഞ ഒരു ഗുണ്ട. ഈ നാട്ടിലെ ഒന്നും അല്ല എവിടുന്നോ വലിഞ്ഞ് കയറി വന്നതാ. ആ പെണ്ണ് ആണെങ്കിലോ പൂച്ചയെ പോലെ പതുങ്ങി ഇരുന്നെയല്ലേ ആരെങ്കിലും അറിഞ്ഞോ കാലം ഉടക്കും എന്ന്. " : അത്രയും പറഞ്ഞ് മെല്ലെ തല ചെരിച്ച് ചുറ്റും ഒന്ന് നോക്കി കൊണ്ട് നഴ്‌സ്‌ വീണ്ടും അവർക്ക് മുന്നിലേക്ക് തിരിഞ്ഞു. " അതുണ്ടല്ലോ, ആ പെണ്ണ് പണ്ടേ ശെരി അല്ലത്രേ സ്കൂൾ കഴിഞ്ഞ് പടുത്തം ഒക്കെ അങ്ങ് ടൗണിൽ ആയിരുന്നു. അവിടെ ഏതൊക്കെയോ ചെറുക്കന്മാരും ഒക്കെ ആയിട്ട് പ്രേമവും കറക്കവും ഒക്കെ ആയിരുന്നു അത്രേ. രാവിലെ ഇവിടുന്ന് ഒരുങ്ങി കെട്ടി പൊക്കി ആര് അറിഞ്ഞു വല്ലവനും ആയിട്ട് കറങ്ങാൻ ആയിരുന്നു ഇങ്ങനെ പോകുന്നെ എന്ന്. അങ്ങനെ ഇത് അവളുടെ തന്ത അറിഞ്ഞിട്ട പടുത്തം നിർത്തി വീട്ടിൽ ഇരുത്തിച്ചത്. എന്നിട്ട് ഇപ്പൊ എന്തായി ഈ കല്യാണത്തിന് മുന്നേ വയറ്റിൽ ഉണ്ടാക്കി ഈ നാടിന് പേര് ദോഷം ഉണ്ടാക്കി. " : അവർ ഒരു അവക്ഞ്ഞതയോടെ പറഞ്ഞു. എന്നാൽ കേട്ട കാര്യങ്ങളുടെ നടുക്കത്തിൽ നിൽക്കുവാണ് അവർ നാല് പേരും. ഇങ്ങനെ ഒന്നും ആയിരുന്നില്ല ഇവിടേക്ക് വരുന്നത് വരെ അവർ പ്രദീക്ഷിച്ചിരുന്നത്. ഒപ്പം ഇത് പോലെ ഒരു നാട്ടിൽ വളർന്നിട്ടില്ല അത് പോലെ ഒരു പെൺകുട്ടി ആയിരിക്കും ഗൗരി എന്ന് അവർക്ക് ഉൾകൊള്ളാൻ കഴിഞ്ഞില്ല. " വളരെ നന്ദി ചേച്ചി ഞങ്ങൾ എന്ന പോട്ടെ " : ഇനിയും അവിടെ നിൽക്കാൻ വയ്യെന്ന പോലെ മനു അതും പറഞ്ഞ് വരുണിനെയും വലിച്ച് കൊണ്ട് കാറിൽ കയറി. ബാക്കി രണ്ട് പേരും അവർക്ക് പിന്നാലെ വന്ന് കാറിൽ കയറിയതും പിന്നെ ഒന്നും മിണ്ടാതെ വരുണിനെ ഒരിക്കൽ കൂടി ഒന്ന് നോക്കി കൊണ്ട് കാർ മുന്നോട്ട് എടുത്തു. കാർ മുന്നോട്ട് കുത്തിക്കുമ്പോഴും കാറിൽ നിശബ്ദത മാത്രം തളം കെട്ടി. ഇതേ സമയം കവലയിൽ നിന്ന് ആ കാർ മറികടന്ന് പോയതും കടയിലേക്ക് മറഞ്ഞ് നിന്ന കണ്ണൻ പുറത്തേക്ക് വന്നു. അവന്റെ ദൃഷ്ടി അപ്പോഴും ദൂരെ മറഞ്ഞ് പോകുന്ന ആ കാറിൽ തന്നെ ആയിരുന്നു. ഒപ്പം ' അവർ എന്താ ഇവിടെ... ഇനി തന്നെ അന്വേഷിച്ച് വന്നത് ആയിരിക്കുമോ 'എന്ന സംശയവും അവനിൽ നിഴലടിച്ചു. തുടരും......... കുറച്ച് ലേറ്റ് ആയി എന്ന് അറിയാം 🫣 ഇത്തിരി തിരക്ക് ആയി പോയി അതാട്ടോ... #💞 പ്രണയകഥകൾ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #പ്രണയം #love

Part 73 ഒരു നിമിഷം അദ്ദേഹം എന്താണ് ചോദിച്ചത് എന്ന് മനസ്സിലാകാതെ അവൻ ഒന്ന് സംശയിച്ചു എങ്കിലും അടുത്ത നിമിഷം അദ്ദേഹത്തിന്റെ ചിന്തകൾ ഏത് ഒക്കെ വഴി സഞ്ചരിച്ച് കാണും എന്ന് ഓർത്ത് കൊണ്ട് അവന്റെ അധരത്തിൽ ചെറു ചിരി വിരിഞ്ഞു. പല അർത്ഥങ്ങളും നിറച്ചൊരു ചിരി..........!!!!!!! " നമ്മുക്ക് പുറത്തേക്ക് ഇറങ്ങിയാലോ....? " : അടുക്കളയിലേക്ക് ഒന്ന് നോക്കി കൊണ്ട് കണ്ണൻ ചോദിച്ചു. ഗൗരി കേൾക്കാതെ ഇരിക്കാൻ ആണ് കണ്ണൻ അങ്ങനെ ചോദിച്ചത് എന്ന് മനസ്സിലായി എങ്കിലും എന്ത് കൊണ്ടോ അതാണ് നല്ലതെന്ന് തോന്നിയതും അദ്ദേഹം മെല്ലെ ഇരുന്നിടത്ത് നിന്ന് എണീറ്റു. അത് കണ്ടതും ഒരിക്കൽ കൂടി അടുക്കളയിലേക്കും അദ്ദേഹത്തെയും നോക്കി കൊണ്ട് അവൻ പുറത്തേക്ക് ഇറങ്ങി. " ഇനി പറ എന്താ നിന്റെ ഉദ്ദേശം....? എന്തിനാ നിനക്ക് ഗൗരിയെ പോലെ ഒരു പാവം പെണ്ണിനെ....? നീ എന്താണെന്നും ആരാണെന്നും ഒക്കെ ഈ നാട്ടിലുള്ള ഗൗരി ഉൾപ്പെടുന്ന എല്ലാവർക്കും അറിയാം. പിന്നെയും എന്തിനാ നീ ഇങ്ങനെ അഭിനയിക്കുന്നെ...? " : ഉള്ളിൽ നിറഞ്ഞ സംശയം ഒക്കെ ഒരു രോഷത്തോടെ അദ്ദേഹം അവനോട് ചോദിച്ചു. " ജീവിതമേ ഒരു അഭിനയം അല്ലെ മാഷേ. " : അത്രയും മാത്രം പറഞ്ഞ് കൊണ്ട് അവൻ അദ്ദേഹത്തെ നോക്കി. കണ്ണൻ തന്നെ കളിയാക്കുവാണോ എന്ന ഭാവത്തിൽ മാഷ് അവനെ ചെറഞ്ഞ് നോക്കി. " ഞാൻ മാഷിനെ കളിയാക്കിയതല്ല ഒരു സത്യം പറഞ്ഞെന്നേ ഉള്ളു. പിന്നെ ഞാൻ എന്താണെന്നും ആരാണെന്നും എല്ലാം അറിഞ്ഞിട്ട് തന്നെയല്ലേ അവളുടെ തന്ത എന്ന് പറയുന്ന വെക്തി അവളെ എന്റെ കയ്യിലേക്ക് ഏൽപ്പിച്ചത്. അപ്പൊ എന്റെ സ്വഭാവ ശുദ്ധിയോ മറ്റോ അളക്കാനോ എന്നെ കുറിച്ച് അന്വേഷിച്ചക്കനോ ഒന്നും ആരും നിന്നില്ലല്ലോ. അപ്പൊ അയാൾക്ക് സ്വന്തം മകളെക്കാൾ വലുത് എന്റെ കയ്യിലെ പണം ആയിരുന്നു. അതും ഞാൻ അയാളോട് അങ്ങോട്ട് പറഞ്ഞതല്ല, ഗൗരിയെ കെട്ടാൻ താല്പര്യം ഉണ്ടെന്ന് പറഞ്ഞപ്പോൾ ഇങ്ങോട്ട് പണം ചോദിച്ചതാ. അയാൾക്ക് പണം നൽകിയാൽ മാത്രമേ അവളെ എനിക്ക് തരൂ അത്രേ അല്ലെങ്കിൽ അവളെ കൊടുക്കാൻ വേറെ കൂട്ടരുണ്ട് അവർക്ക് കൊടുക്കും അത്രേ. " : ഗൗരിയുടെ കാര്യം സതീശനോട് പറഞ്ഞപ്പോൾ അയാൾ നൽകിയ മറുപടി ഓർത്ത് പല്ല് കടിച്ച് കൊണ്ട് കണ്ണൻ പറഞ്ഞു. അത് കേട്ടതും മാഷിന്റെ മുഖവും വല്ലാതെ ആയി. ഒരു കണക്കിന് നോക്കിയാൽ ഇവിടെ കണ്ണനെക്കാളും തെറ്റ് ചെയ്തത് സതീശൻ തന്നെയാണ്. 'സ്വന്തം മകളെ പണത്തിന് വിട്ടിരിക്കുന്നു' അയാളെ കുറിച്ച് ഓർത്തതെ അദ്ദേഹത്തിന്റെ ഉള്ളിൽ വെറുപ്പ് നിറഞ്ഞു. " പിന്നെ അഭിനയിക്കുന്ന കാര്യം, ഞാൻ പറഞ്ഞില്ലേ മാഷേ ജീവിതമേ ഒരു അഭിനയം ആണ്. ചില നേരങ്ങളിൽ ആഗ്രഹിക്കുന്നത് നേടാൻ വേണ്ടി നമ്മൾ നല്ലൊരു അഭിനേതാവിന്റെ കുപ്പായം അണിയേണ്ടി വന്നെന്ന് വരും " : കൈ രണ്ടും മാറിൽ പിണച്ച് കെട്ടി കൊണ്ട് അവൻ മറ്റെങ്ങോ നോക്കി കൊണ്ട് പറഞ്ഞു. അത് കേട്ടതും അവൻ പറഞ്ഞതിന്റെ പൊരുൾ മനസ്സിലാകാതെ മാഷ് അവനെ ഉറ്റ് നോക്കി. ഇതേ സമയം അടുക്കള ജനാലയിലൂടെ ഗൗരിയും നോക്കി കാണുവായിരുന്നു പുറത്ത് നിന്ന് സംസാരിക്കുവരെ. അവരുടെ മുഖഭാവത്തിൽ നിന്ന് മനസ്സിലായി കാര്യ ഗൗരവം ഉള്ള കാര്യം ആണ് രണ്ട് പേർക്കും ഇടയിലുള്ള ചർച്ച എന്ന്. തനിക്ക് ഇന്ന് ഈ ലോകത്ത് അത്രയും വേണ്ടപ്പെട്ട രണ്ട് വ്യക്തികൾ അത് ഓർത്തതെ ഒരു ചിരിയോടെ ഒരിക്കൽ കൂടി അവരെ നോക്കി കൊണ്ട് അവളുടെ പണിയിലേക്ക് തിരിഞ്ഞു. " പിന്നെ മാഷിന് വേണ്ട ഉത്തരം, ഒരിക്കലും അവളെ വേദനിപ്പിക്കാനോ, ഉപദ്രവിക്കാനോ, പാതി വഴിയിൽ ഉപേക്ഷിക്കാനോ, ഇനി മറ്റ് വല്ല ഉദ്ദേശത്തിനോ അല്ല അവളെ കൂടെ കൂട്ടിയത്, ആഗ്രഹിച്ചിട്ട് തന്നെയാ. അത് ആദ്യത്തെ ഒരു ആവേശം കഴിയുമ്പോൾ ഇല്ലാതെ ആകുന്നതും അല്ല എന്റെ അവസാന ശ്വാസം വരെ അത് അങ്ങനെ തന്നെ ഉണ്ടാകും. " : അത് പറയുമ്പോൾ അവന്റെ കണ്ണ് അടുക്കള വശത്ത് ആയിരുന്നു. മാഷും ഒരു നിമിഷം അവൻ പറഞ്ഞത് കണ്ണ് എടുക്കാതെ നോക്കി നിന്നു. പറഞ്ഞത് മുഴുവനും തള്ളാനും കൊള്ളാനും കഴിയാത്ത അവസ്ഥ. എങ്കിലും അത്രയും നേരം വീർപ്പ് മുട്ടി നിന്ന മനസ്സിന് അല്പം ആശ്വാസം കിട്ടിയത് പോലെ തോന്നി അദ്ദേഹത്തിന്. " പക്ഷെ അവിടെയും നീ മറന്ന അല്ലെങ്കിൽ ശ്രദ്ധ കൊടുക്കാഞ്ഞ മറ്റൊന്ന് ഉണ്ടല്ലോ.... ഗൗരി... നീ ആഗ്രഹിച്ച് നേടിയത് ആണെങ്കിലും അവളുടെ സമ്മതമോ അഭിപ്രായമോ തിരക്കിയോ...? " : അവനെ തന്നെ ഉറ്റ് നോക്കി കൊണ്ട് മാഷ് ചോദിച്ചു. " അവളുടെ അഭിപ്രായം ചോദിച്ചായിരുന്നു എങ്കിൽ അവൾ സമ്മതിക്കുമായിരുന്നോ...? " : അതിന് അദ്ദേഹത്തെ നോക്കി ചുണ്ട് കൊട്ടി കൊണ്ട് മറു ചോദ്യം ചോദിച്ചു. " അപ്പൊ നിനക്ക് അറിയാം അവൾ ഒരിക്കലും ഇങ്ങനെ ഒരു ബന്ധത്തിന് സമ്മതം പറയില്ല എന്ന്... എന്നിട്ടും എന്തിന് വേണ്ടിയ..... " : അദ്ദേഹം പാതിക്ക് നിർത്തി കൊണ്ട് അവനെ നോക്കി. " ഞങ്ങൾക്ക് വേണ്ടി തന്നെയാ..... അവളോട് സംസാരിക്കാൻ വേണ്ടി കല്യാണം ഉറപ്പിച്ച സമയത്ത് ഞാൻ അവളോട് സംസാരിക്കാൻ പോയതായിരുന്നു പക്ഷെ അവിടെ കണ്ട കാഴ്ച മരിക്കാൻ ആയി കത്രികയും പിടിച്ച് നിൽക്കുന്നവളെ ആണ്. അതിൽ പിന്നെ ഇനി സംസാരിച്ചിട്ടും വലിയ കാര്യം ഉണ്ടെന്ന് തോന്നിയില്ല. അല്ലെങ്കിൽ എന്തിന് അവൾ ആത്മഹത്യക്ക് ശ്രമിച്ചു അവളുടെ വീട്ടുകാർ അല്ലെ അവൾക്കും പറയാമല്ലോ കല്യാണത്തിന് താല്പര്യം ഇല്ല എന്ന്... എന്ത് കൊണ്ട് അവൾ അത് പറഞ്ഞില്ല...? കാരണം അവൾക്ക് അത് പറയാനുള്ള വില അവിടെ ഇല്ല. അത് തന്നെയാണ് അവളെ തന്നെ ഒപ്പം കൂട്ടാൻ ഉള്ള കാരണവും നാളെ എന്റെ സ്ഥാനത്ത് മറ്റൊരാൾ ആയിരുന്നു എങ്കിലും അയാൾ അവളെ പണത്തിനെ കെട്ടിച്ച് കൊടുക്കുമായിരുന്നുള്ളു അല്ല വിളിക്കുമായിരുന്നുള്ളു. ഞാൻ അവളോടൊപ്പം ഒരു ജീവിതം ആഗ്രഹിച്ച് തന്നെയാണ് അവളെ കൂടെ കൂട്ടിയത്. ഇനി നാളെ വരാൻ പോകുന്ന ആൾ എന്ത് ഉദ്ദേശത്തിലായിരിക്കും അവളെ വേണം എന്ന് പറയുന്നത്....? അങ്ങനെ ഒരുത്തനും വിട്ട് കൊടുക്കാൻ തോന്നിയില്ല എനിക്ക് അവളെ. അത് എന്നാൽ പണം കൊടുത്ത് ഒരു വസ്തു വാങ്ങുന്ന പോലെ ആയിപ്പോയി എന്ന് എനിക്ക് അറിയാം പക്ഷെ എനിക്ക് മുന്നിൽ വേറെ വഴി ഇല്ലായിരുന്നു. മാന്യമായി ചോദിച്ചപ്പോൾ അവളുടെ തന്ത തന്നെ അല്ലെ മകളെ പണം നൽകിയാലേ കെട്ടിച്ച് തരൂ എന്ന് പറഞ്ഞത്. അതുകൊണ്ട് തന്നെയാ നാല് ആൾ കാണുന്ന വിധം അവളുടെ കഴുത്തിൽ താലി കെട്ടി, എന്നിൽ അവൾക്കും അവളിൽ എനിക്കും ഉള്ള അവകാശം ഉറപ്പിച്ചത്. " : കടുപ്പം നിറഞ്ഞ അവന്റെ സ്വരം അവസാനം ആയപ്പോഴേക്കും നല്ല ദൃഡത ഉണ്ടായിരുന്നു. ഒക്കെ കേട്ട് കഴിഞ്ഞതും മനസ്സിൽ മഞ്ഞ് വീണ സുഖം തോന്നി മാഷിന്. എവിടെ ഒക്കെയോ കണ്ണൻ പറഞ്ഞതിലെ ആത്മാർത്ഥത അദ്ദേഹത്തിനും മനസ്സിലായിരുന്നു. വീണ്ടും അവർക്ക് ഇടയിൽ മൗനം മാത്രം തളം കെട്ടി നിന്നു. " ഞാൻ ഇങ്ങനെ ഒക്കെ ചോദിച്ചത് നിനക്ക് ഇഷ്ടമായി കാണില്ല എന്ന് എനിക്ക് അറിയാം പക്ഷെ എന്റെ ഉള്ളിലെ ആവലാതി കൊണ്ട് ചോദിച്ചതാണ്. മക്കളോ കുടുംബവോ ഇല്ലാത്ത എനിക്ക് ഗൗരി എന്റെ സ്വന്തം മകളെ പോലെ ആണ് അല്ല സ്വന്തം മകൾ തന്നെയാണ്. അവളുടെ മൂന്നത്തെ വയസ്സ് മുതൽ കണ്ട് തുടങ്ങിയതാണ് അവളെ ഞാൻ അന്ന് മുതൽ ഒരു വിദ്യാർത്ഥിനി എന്നതിൽ ഉപരി ഒരു മകളോട് എന്ന വാത്സല്യം ആണ് എന്നിൽ മുന്നിട്ട് നിന്നത്. അത് കൊണ്ട് ഇന്ന് വരെ അവൾക്ക് എന്തും നല്ലത് വരണം എന്ന് മാത്രമേ ഞാൻ ആഗ്രഹിച്ചിട്ടുമുള്ളു. അതും ഒരു പാവം ആണ് ആരെയും ദ്രോഹിക്കാനോ, വെറുക്കനോ, എതിർത്ത് പറയാനോ ഒന്നും അറിയാത്ത ഒരു പാവം പെണ്ണ്. വീട്ടിലെ എന്തെങ്കിലും സങ്കടം ഉണ്ടെങ്കിൽ എന്നോടോ ഭാവഗാവാനോടോ പരാതി പോലെ വന്ന് പറയും. പുറം ലോകം ഒന്നും അറിയാത്ത പാവം പെണ്ണ്. നിങ്ങളുടെ കാര്യം പോലും ഇന്നലെ ഞാൻ തിരിച്ച് എത്തിയപ്പോഴാണ് ഞാൻ അറിയുന്നത്, ഞാൻ ഇവിടെ ഉണ്ടായിരുന്നു എങ്കിൽ ഒരിക്കലും ഇത് നടക്കാൻ ഞാൻ സമ്മതിക്കിലായിരുന്നു, ഞാൻ എന്ന് അല്ല മക്കളെ സ്നേഹിക്കുന്ന ഒരു അച്ഛനും ഇതിന് സമ്മതം പറയില്ല. " : അവസാനം പറഞ്ഞ് നിർത്തുമ്പോൾ അദ്ദേഹത്തിന്റെ ഉള്ളിൽ സതീശനോടുള്ള വെറുപ്പ് ആയിരുന്നു നിറഞ്ഞ് നിന്നത്. " അറിയാം മാഷേ... എനിക്ക് മനസ്സിലാകും മാഷിനെ... മാഷിന് ഗൗരിയോട് ഉള്ള വാത്സല്യവും സ്നേഹവുമാണ് എന്നോട് ഇങ്ങനെ ചോദിക്കാൻ ഉള്ള കാരണവും എന്നൊക്കെ എനിക്ക് അറിയാം. ഇതിലും വലിയ പൊട്ടി തെറി പ്രദീക്ഷിച്ച് കൊണ്ട് തന്നെയാണ് അന്ന് ഞാൻ അവളുടെ തന്ത എന്ന വ്യക്തിയെ കാണാൻ പോയതും. എതിർത്ത് നിന്നാലും എന്റെ ആവിശ്യം പറയണം എന്ന ഉദ്ദേശത്തിൽ തന്നെയാണ് പോയത് പക്ഷെ അവിടുന്ന് വന്ന പ്രതികാരം ആണ് എന്നെ അത്ഭുതപ്പെടുത്തിയത്. ഒരു സമാധാനം എന്തെന്നാൽ അങ്ങനെ വല്ലവർക്കും കൊടുക്കുന്നതിന് മുന്നേ തന്നെ എന്റെ കയ്യിൽ എത്തിയില്ലേ എന്ന. അല്ലെങ്കിലും ഗൗരി നന്ദ എന്ന പെൺ കുട്ടി എനിക്ക് ഉള്ളത് തന്നെയാ മാഷേ. " : എന്തോ ഓർമയിൽ കണ്ണൻ പറഞ്ഞ് നിർത്തി. അത്രയും നേരം കേട്ട് നിന്നെങ്കിലും അവസാനം പറഞ്ഞത് കേട്ടതും ഒരു സംശയത്തോടെ അദ്ദേഹം അവനെ നോക്കി എങ്കിലും അവന്റെ ശ്രദ്ധ മറ്റെവിടെയോ ആണെന്ന് കണ്ടതും പിന്നെ അത് വിട്ടു. " നാട്ടുകാർ പക്ഷെ നിങ്ങളെ കുറിച്ച് ഇങ്ങനെ ഒന്നും അല്ല പറഞ്ഞ് നടക്കുന്നത്. ഇന്ന് ഞാൻ രാവിലെ കവലയിൽ കഴിക്കാൻ കയറിയപ്പോഴും പലരും പലതും പറയുന്നുണ്ടായിരുന്നു... " : മാഷ് ഒരു വല്ലായിമയോടെ പറഞ്ഞ് കൊണ്ട് അവനെ നോക്കി. " അറിയാം... അത് ആരാണ് പറഞ്ഞ് ഉണ്ടാക്കിയതെന്നും അറിയാം. പക്ഷെ സത്യം അധിക നാൾ മറച്ച് വെക്കാൻ കഴിയില്ലല്ലോ. എന്തായാലും മാഷ് ഇതൊന്നും അവളോട് പറയാൻ നിൽക്കണ്ട, അറിയുമ്പോൾ അറിയട്ടെ " : അത് മാത്രമായിരുന്നു അവന്റെ മറുപടി. " നീ വേറെ നല്ലൊരു ജോലി നോക്കിക്കൂടെ, ഇനിയും തല്ലും പിടിയും ആയിട്ട് നടക്കാൻ ആണോ ഉദ്ദേശം, ഇപ്പോൾ നീ ഒറ്റക്കല്ല എന്ന് ഓർമ്മ വേണം നീ ചെയ്യുന്നതിന് അനുഭവിക്കുന്നത് ഗൗരിയും കൂടി ആണെന്ന് ഓർമ വേണം. നല്ലൊരു ജീവിതം വേണം എന്ന് പറഞ്ഞിട്ട് ഇങ്ങനെ തന്നെ മുന്നോട്ട് പോകാൻ ആണോ തീരുമാനം. " : അവന്റെ തല്ല് കൊള്ളിത്തരത്തെ കുറിച്ച് ഒക്കെ സംസാരിക്കാൻ മാഷിന് അല്പം ബുദ്ധിമുട്ട് ഉണ്ടായിരുന്നു എങ്കിലും ഗൗരിയെ ഓർത്തും പിന്നെ ഇത്രയും നേരം ഉള്ള അവന്റെ ശാന്തതയും ഓർത്താണ് അദ്ദേഹം അത് പറഞ്ഞത്. തുടരും........ #💞 പ്രണയകഥകൾ #love #പ്രണയം #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ

Part 72 " സത്യം പറയാലോ മാഷേ എന്റെ സ്വന്തം വീട്ടിലേക്കാളും സമാധാനം എനിക്ക് ഇവിടെ നിന്ന് കിട്ടുന്നുണ്ട് " : ചുണ്ടിലെ ചിരി മായാതെ തന്നെ അവൾ പറഞ്ഞു. അവളുടെ പ്രസന്നമായ മുഖവും, ഒപ്പം ഉള്ള മറുപടിയും കേട്ടതും അത് വരെ കത്തി കൊണ്ട് നിന്ന അദ്ദേഹത്തിന്റെ മനസ്സിന് അല്പം സമാധാനം കിട്ടി എങ്കിലും പൂർണമായി വിശ്വസിക്കാൻ കഴിയാതെ ഒരു സംശയത്തോടെ അവളെ നോക്കി. " മാഷിന് വിശ്വാസം വരുന്നുണ്ടാവില്ല അല്ലെ പക്ഷെ അതാണ് സത്യം. അമ്മ പോയതിൽ പിന്നെ സമാധാനമായി, കണ്ണീർ ഇല്ലാതെ ഞാൻ ഒന്ന് ഉറങ്ങുന്നത് ഇവിടെ വന്നതിന് ശേഷമാണ്. നടുറോട്ടിൽ ഇട്ട് മറ്റുള്ളവരെ തല്ലുന്നത് നേരിട്ട് കണ്ടത് മുതൽ പേടി തന്നെ ആയിരുന്നു എനിക്ക് ആ മനുഷ്യനെ. ഒപ്പം കേൾക്കുന്നതും അത് പോലെ ഉള്ള കാര്യങ്ങൾ ആണല്ലോ. അട, ഇടി, പുകവലി, വെള്ളമടി, പോലീസ് കേസ് എന്നിങ്ങനെ പേടി തന്നെ ആയിരുന്നു ആ മനുഷ്യനെ എനിക്ക് പക്ഷെ ആ ഭയത്തിനൊക്കെ കുറച്ച് ദിവസങ്ങൾ മുൻപ് വരെ ആയുസ് ഉണ്ടായിരുന്നുള്ളു എന്ന് മാത്രം. " : എന്ന് തുടങ്ങി കല്യാണം കഴിഞ്ഞ അന്ന് മുതൽ ഇന്നലെ താൻ നൃത്തത്തെ കുറിച്ച് പറഞ്ഞപ്പോൾ ഉണ്ടായ അവന്റെ മറുപടിയും അങ്ങനെ ഇന്ന് രാവിലെ അവൻ പോയത് വരെ ഉള്ള് കാര്യങ്ങൾ അവൾ പറഞ്ഞു. ഒക്കെ കേട്ടിട്ടും മാഷിന്റെ സംശയം അങ്ങനെ പൂർണമായിട്ട് മാറുന്നുണ്ടായിരിന്നില്ല. അതിന് കാരണം പലപ്പോഴും കണ്ണനെ തല്ല് പിടിയിലും പോലീസ് കൊണ്ട് പോകുന്നതും ഒക്കെ അദ്ദേഹവും കണ്ടിട്ടുള്ളത് തന്നെയാണ്. അങ്ങനെ ഒരു വെക്തി ഇത്ര പെട്ടന്ന് മാറുക എന്ന് പറയുന്നത് മാഷിന് തീരെ വിശ്വാസയോജ്യം അല്ലായിരുന്നു. ഗൗരിയെ പോലെ പുറം ലോകം കാണാതെ ഈ ചുറ്റുവട്ടം മാത്രം കണ്ട് ജീവിച്ചവൾക്ക് പുറം ലോകത്തെ കാപട്യം ഒന്നും അറിയണം എന്ന് ഇല്ല. ചിരിച്ച് കാണിക്കുന്ന മുഖത്തിന് പിന്നിലെ ചതി തിരിച്ചറിയണം എന്നുമില്ല. ഒരു പക്ഷെ കണ്ണൻ ഗൗരിക്ക് മുന്നിൽ നല്ലവന്റെ മുഖം മൂടി അണിഞ്ഞ് നിറഞ്ഞാടുക ആണെങ്കിലോ. അത് ഓർത്തതെ മാഷിന്റെ ഉള്ള സമാധാനം കൂടി നഷ്ടമായി. കാരണം മനസ്സിൽ ഒന്നും വെക്കാതെ പ്രവർത്തിക്കുവരേക്കാളും അപകടകാരി ആണ് ഉള്ളിൽ ഒന്ന് വെച്ച് പുറമേക്ക് മറ്റൊരു രീതിയിൽ പെരുമാറുന്നത് പലതും ഓർത്തിരുന്നതും ഗൗരിയുടെ ശബ്ദം ആണ് മാഷിനെ വീണ്ടും സ്വാബോധത്തിൽ കൊണ്ട് വന്നത്. " അറിയില്ല മാഷേ എന്താ ഇങ്ങനെ എന്ന്. ഒരിക്കൽ തല ഉയർത്തി നോക്കാൻ പോലും ഭയപ്പെട്ടിരുന്ന വ്യക്തിയുടെ ധൈര്യത്തിലാണ് ഇന്ന് ഞാൻ ഈ വീട്ടിൽ കഴിയുന്നത്. ഞാൻ ഇവിടെ വന്നതിൽ പിന്നെ ഒരു ദുശീലങ്ങൾ പോലും ഈ പാടി കടന്ന് ഇങ്ങോട്ട് കൊണ്ട് വന്നിട്ടില്ല, മാത്രമോ അങ്ങനെ അതൊന്നും ഉപയോഗിച്ചിട്ട് ഇങ്ങോട്ട് വന്നിട്ടില്ല. ആദ്യം ഒക്കെ എനിക്കും ഭയങ്കര സംശയമായിരുന്നു ഇനി കേട്ടതൊക്കെ സത്യം തന്നെ ആണോ എന്ന് അത് അല്ലെന്ന് തെളിയിക്കും വിധം റോഡിൽ കിടന്ന് തല്ല് ഉണ്ടാകുന്നത് ഞാൻ കണ്ടത് ഓർമ വരും. പിന്നെ കരുതും ഇനി ഞാൻ ഈ കാണുന്നത് സ്വപ്നം വല്ലതും ആണോ എന്ന്. പക്ഷെ ഉണ്ടല്ലോ മാഷ് പറയാറില്ലേ ഒരാളുടെ വ്യക്തിത്വം നമ്മുക്ക് അയാളുടെ പ്രവർത്തിയിൽ നിന്ന് മനസ്സിലാക്കാൻ കഴിയും എന്നൊക്കെ മാഷിന് അറിയോ എനിക്ക് സത്യത്തിൽ കണ്ണേട്ടൻ ഭക്ഷണം ഉണ്ടാക്കി കൊടുക്കുക എന്നല്ലാതെ എനിക്ക് യാതൊരു ജോലിയും ഇല്ല. ഇടുന്ന തുണി ഉൾപ്പടെ കഴിക്കുന്ന പാത്രം വരെ കണ്ണേട്ടൻ തന്നെയാ കഴുകുന്നത്. ഇന്ന് വരെ അതൊക്കെ കഴുകന്നായി എന്നെ കൊണ്ട് തൊടിയിച്ചിട്ട് കൂടി ഇല്ല എന്തിന് കിടന്നിട്ട് എന്നീക്കുന്ന കട്ടിൽ പോലും വിരിച്ച് ഇട്ടിട്ടാണ് പുറത്തേക്ക് വരുന്നത്. എല്ലാത്തിനും ഒരു അടുക്കും ചിട്ടയും ഉള്ളത് പോലെ. എന്തായാലും പഴയ പോലെ പേടിയോ ഭയമോ ഒന്നും എനിക്ക് ഇപ്പൊ ഇല്ല. ഒരിക്കൽ കണ്ണേട്ടനോട് ഉള്ള ഭയം പുറത്ത് കാട്ടിയപ്പോൾ എന്നോട് പറയുവാ ' ഞാൻ എന്തെങ്കിലും തെറ്റ് ചെയ്തിട്ടുണ്ട് എങ്കിൽ മാത്രം കണ്ണേട്ടനെ പേടിച്ചാൽ മതി എന്ന് ' അതിൽ പിന്നെ പതിയെ പതിയെ എന്റെ പേടിയും കുറഞ്ഞ് വന്നു. സത്യത്തിൽ പുറത്ത് കാണുന്നതോ കേൾക്കുന്നതോ ഒന്നും അല്ല കണ്ണേട്ടൻ വീട്ടിൽ തികച്ചും മറ്റൊരാൾ ആണ്. സംസാരത്തിലും അതെ എന്തോരം കാര്യങ്ങൾ ആണെന്നോ മാഷേ എനിക്ക് പറഞ്ഞ് തരുന്നത്. എന്തോ അതൊക്കെ കാണുമ്പോഴും കേൾക്കുമ്പോഴും എനിക്ക് കണ്ണേട്ടനോട് ബഹുമാനം ആണ് തോന്നുന്നേ. കല്യാണം കഴിഞ്ഞ അന്ന് സാബു ഇക്ക എന്നോട് പറഞ്ഞിരുന്നു കണ്ണേട്ടൻ പറഞ്ഞ് കൊടുത്ത് നേരെ ആകാൻ ഒന്നും ആരും ഇല്ലല്ലോ അതായിരിക്കും കണ്ണേട്ടൻ ഇങ്ങനെ ആയെ എന്ന് ഞാൻ പറഞ്ഞ് കൊടുത്താൽ ചിലപ്പോൾ കണ്ണേട്ടൻ മാറും എന്നും, കൂട്ടിന് ഒരാൾ ഉണ്ടെന്ന തോന്നൽ ഉണ്ടെങ്കിൽ അല്ലെ ജീവിക്കാൻ തോന്നു എന്നൊക്കെ. ഇതൊക്കെ ആലോചിക്കുമ്പോ എന്തോ എനിക്ക് വേണ്ടി ആണ് കണ്ണേട്ടൻ മാറാൻ ശ്രമിക്കുന്നത് എന്ന് തോന്നും. ഇനി കാരണം എന്ത് തന്നെ ആയാലും എനിക്ക് ഇവിടെ ഇത്രയും വർഷങ്ങൾ അന്യമായി നിന്ന സമാധാനവും സുരക്ഷിതത്വവും ഒക്കെ കിട്ടുന്നുണ്ട് അല്ല കണ്ണേട്ടൻ നൽകുന്നുണ്ട്. ഇനി നന്നാവാൻ ശ്രെമിക്കുകയാണെങ്കിൽ എനിക്ക് ഉറപ്പ് ഉണ്ട് മാഷേ ഇന്ന് കണ്ണേട്ടനെ കുറ്റം പറയുന്ന നാട്ടുകാരെ കൊണ്ട് നാളെ നല്ലത് പറയിക്കാൻ കഴിയിക്കും എന്ന് അല്ലെങ്കിൽ എന്നെ കൊണ്ട് അതിന് കഴിയും എന്ന്. " : കേൾക്കാൻ ഒരാളെ കിട്ടിയത് പോലെ ഗൗരി അത്രയും പറഞ്ഞു. എന്ത് കൊണ്ട് താൻ അങ്ങനെ പറഞ്ഞു എന്ന് അവൾക്ക് അറിയില്ല എങ്കിലും അവസാനം പറഞ്ഞതിന് അത്രയും ദൃഡത ഉണ്ടായിരുന്നു അത് പറഞ്ഞ് നിർത്തുമ്പോൾ അവളുടെ കണ്ണ് മതിൽ കടന്ന് വരുന്നവനിൽ ആയിരുന്നു. മാഷും നോക്കി കാണുവായിരുന്നു തന്റെ ചോദ്യത്തിന് വാചാലം ആയവളെ. പൊതുവെ ഇഷ്ടം ഇല്ലാത്ത കാര്യം ആണെങ്കിലും മുക്കിയും മൂളിയും അല്ലെങ്കിൽ ഒന്നോ രണ്ടോ വാക്കിൽ മറുപടി തരുന്നവൾ ഇപ്പോൾ ഇത്രയും വാചാലം ആയെങ്കിൽ കണ്ണൻ അവൾക്ക് ഉള്ളിൽ ചെലുത്തിയ സ്വാധീനം ചെറുതല്ല എന്ന് അദ്ദേഹം മനസ്സിലാക്കി. ഒപ്പം ഗൗരി അവനെ അഭിസംബോധന ചെയ്ത വിളിയും അവനെ കുറിച്ച് പറഞ്ഞപ്പോൾ അവളുടെ കണ്ണുകളിലെ ഭാവം, അത് പക്ഷെ പ്രണയത്തിന്റെയോ സ്നേഹത്തിന്റെയോ ഭാവം ആയിരുന്നില്ല മറിച്ച് ആരിൽ നിന്നോ പരിഗണിക്കപ്പെട്ട സന്തോഷവും, സമാധാനവും അതെന്ന് അദ്ദേഹം തിരിച്ചറിഞ്ഞു. എല്ലാം കൊണ്ടും അദ്ദേഹത്തിന് ഉള്ള ആകെ പുകയുന്നത് പോലെ തോന്നി. വീണ്ടും അവളോട് എന്തോ പറയാൻ വന്നതും അകത്തേക്ക് കയറി വന്ന കണ്ണനെയും അത് കണ്ട് എണീറ്റ് മാറി നിൽക്കുന്ന ഗൗരിയെയും ആണ് കാണുന്നത്. പതിവിന് വിപരീതമായി മുൻ വാതിൽ തുറന്ന് കിടക്കുന്നതും പരിചയം ഇല്ലാത്ത ചെരുപ്പും കണ്ടതും ഒരു സംശയത്തോടെ ആണ് കണ്ണൻ അകത്തേക്ക് കയറിയത്. അകത്ത് ഇരിക്കുന്ന മധ്യവയസകൻ ആയ വ്യക്തിയെ കണ്ടതും അവന്റെ നെറ്റി ഒന്നും കൂടി ചുളിഞ്ഞു. എങ്കിലും ഗൗരിയുടെ മുഖത്തെ ഭാവം ഒക്കെ കണ്ടപ്പോൾ അവൾക്ക് അറിയുന്ന വെക്തി ആണെന്ന് അവൻ ഊഹിച്ചു. " കണ്ണേട്ടാ ഇതാ രാഘവൻ മാഷ്.... ഞാൻ പറഞ്ഞിട്ടില്ലേ എന്നെ നൃത്തം പഠിപ്പിച്ച മാഷിനെ കുറിച്ച് അദ്ദേഹം ആണിത്. ചെന്നൈയിൽ ഒരു പ്രോഗ്രാമിന് പോയതായിരുന്നു ഇന്നലെയാ വന്നേ അപ്പോഴാ എന്റെ കല്യാണം കഴിഞ്ഞ വിവരം മാഷറിഞ്ഞേ, ഇന്ന് എന്നെ കാണാൻ വന്നതാ, വന്നിട്ട് കുറച്ച് നേരമായി " : മാഷ് കാണാൻ വന്ന സന്തോഷത്തിൽ ഗൗരി തിടുക്കത്തോടെ പറഞ്ഞു. അവളുടെ വാക്കുകളിൽ മറഞ്ഞ് ഇരുന്ന സന്തോഷം കണ്ണനും മാഷിനും ഒരു പോലെ മനസ്സിലായി. മാഷിന് അവളോട് അലിവ് തോന്നിയെങ്കിൽ കണ്ണന്റെ ഭാവം എന്തെന്ന് തിരിച്ചറിയാൻ കഴിഞ്ഞില്ല. കണ്ണൻ അദ്ദേഹത്തെ ഒന്ന് നോക്കി കൊണ്ട് മാഷിന് എതിരെ ഉള്ള കസേരയിൽ ഇരുന്നു.   വെള്ള മുണ്ടും ഷർട്ടുമാണ് അദ്ദേഹത്തിന്റെ വേഷം ഒറ്റ നോട്ടത്തിൽ കണ്ടാൽ ഒരു നർത്തകൻ ആണെന്ന് പറയില്ല കണ്ണൻ ഓർത്തു. മാഷും മുന്നിൽ ഇരിക്കുന്നവനെ അളക്കുന്ന തിരക്കിലായിരുന്നു. കാവി മുണ്ടും ഒരു അയഞ്ഞ ഷർട്ടും ആണ് അവന്റെ വേഷം, മുടി കുറച്ച് നീട്ടി വളർത്തിയിട്ടുണ്ട് എങ്കിലും താടി മുൻപത്തെ അത്രയും ഇല്ല. മുൻപ് കണ്ണനെ കണ്ടിട്ടുണ്ട് എങ്കിലും ഇത്രയും അടുത്ത് ആദ്യമായിട്ടാണ് അവനെ അദ്ദേഹം കാണുന്നത്. കണ്ണൻ കസേരയിൽ ഇരുന്നത് കണ്ടതും ഗൗരി മാഷ് കുടിച്ച വെച്ച ഗ്ലാസും എടുത്ത് അടുക്കളയിലേക്ക് പോയി തിരിച്ച് വരുമ്പോൾ മറ്റൊരു ഗ്ലാസ്സ് മോരും അവളുടെ കയ്യിൽ ഉണ്ടായിരുന്നു അത് കണ്ണൻ കൊടുത്ത് കൊണ്ട് മതിലിൽ ചാരി നിന്നു. " എന്തെങ്കിലും കഴിച്ചിരുന്നോ...? " : ഏറെ നേരത്തെ മൗനം വെടിഞ്ഞ് കൊണ്ട് കണ്ണൻ തിരക്കി. സത്യത്തിൽ അവർക്ക് രണ്ട് പേർക്കും എന്ത് പറഞ്ഞ് സംസാരിച്ച് തുടങ്ങണം എന്ന് അറിയുന്നുണ്ടായിരുന്നില്ല. " ഹ്മ്മ് ഞാൻ പ്രാതൽ കഴിച്ചിട്ടാണ് ഇറങ്ങിയത് " : അദ്ദേഹം പറഞ്ഞു. " അത് രാവിലെ അല്ലെ ഇപ്പൊ ഊണ് കഴിക്കാൻ ഉള്ള സമയം ആയില്ലേ, ഊണ് ഒക്കെ കഴിച്ചിട്ട് പോകാം " : അദ്ദേഹത്തിന്റെ മറുപടി കേട്ടതും അവൻ പറഞ്ഞത് അതാണ്. അത് കേട്ടതും ഗൗരിയുടെ മുഖം ഒന്ന് വിടർന്ന് പോയി. " അതൊന്നും വേണ്ട ഞാൻ കുറച്ച് കഴിയുമ്പോൾ ഇറങ്ങും ഇവളെ ഒന്ന് കാണാൻ വന്നതാ " : അവന്റെ മറുപടിക്ക് ഒരു വല്ലായിമയോടെ എടുത്ത് അടിച്ചത് പോലെ അദ്ദേഹം പറഞ്ഞു. " അത് ഒന്നും പറഞ്ഞാൽ പറ്റത്തില്ല.... കുറച്ച് മുന്നേ മാഷ് തന്നെ അല്ലെ പറഞ്ഞെ എന്നെ മോളെ പോലെ ആണ് കാണുന്നത് എന്ന് എന്നിട്ട് മോൾടെ വീട്ടിൽ വന്നിട്ട് ഒന്നും കഴിക്കാതെ പോകുവാണോ... നേരം ഇത്രയും ആയില്ലേ ഇനി കഴിച്ചിട്ട് പോകാം മാഷേ.... ഞാൻ പോയി എല്ലാം തയ്യാറാക്കട്ടെ.. " : മാഷിനുള്ള മറുപടി നൽകിയത് ഗൗരി ആണ്. അതും പറഞ്ഞ് കണ്ണൻ കുടിച്ച് വെച്ച ഗ്ലാസും എടുത്ത് അദ്ദേഹത്തിന്റെ മറുപടിക്ക് കാക്കാതെ അവൾ അടുക്കളയിലേക്ക് പോയി. അവൾക്ക് അങ്ങനെ ഒരു ആഗ്രഹം ഉണ്ടായിരുന്നു പിന്നെ കണ്ണൻ എന്ത് പറയും എന്ന് ഓർത്താണ് അവൾ അതെ കുറിച്ച് പറയാഞ്ഞത്, കാരണം പണ്ടൊരിക്കൽ മാഷ് വീട്ടിൽ വന്നപ്പോൾ ചായക്ക് ഒപ്പം പലഹാരം കൂടി എടുത്ത് വെച്ചപ്പോൾ സരസ്വതി കയ്യിൽ പിച്ചിയ വേദന ഇന്നും അവൾക്ക് ഓർമയുണ്ട്. ഇപ്പോൾ ഇതാ അവളുടെ മനസ്സ് അറിഞ്ഞത് പോലെ കണ്ണൻ അങ്ങനെ പറഞ്ഞതും അവൾ അത്രയേറെ സന്തോഷത്തോടെ അവളുടെ പണിയിലേക്ക് തിരിഞ്ഞു. " എന്താ നിന്റെ ഉദ്ദേശം...? ഗൗരി ഒരു പാവം പെൺകുട്ടിയാണ് നിന്റെ അഭിനയം ഒന്നും അവൾക്ക് മനസ്സിലാക്കണം എന്ന് ഇല്ല " : ഗൗരി കണ്ണിൽ നിന്ന് മറഞ്ഞതും തികഞ്ഞ രോഷത്തോടെ മാഷ് അവന്റെ നേരെ തിരിഞ്ഞു. ഒരു നിമിഷം അദ്ദേഹം എന്താണ് ചോദിച്ചത് എന്ന് മനസ്സിലാകാതെ അവനെ ഒന്ന് സംശയിച്ചു എങ്കിലും അടുത്ത നിമിഷം അദ്ദേഹത്തിന്റെ ചിന്തകൾ ഏത് ഒക്കെ വഴി സഞ്ചരിച്ച് കാണും എന്ന് ഓർത്ത് കൊണ്ട് അവന്റെ അധരത്തിൽ ചെറു ചിരി വിരിഞ്ഞു. പല അർത്ഥങ്ങളും നിറച്ചൊരു ചിരി..........!!!!!!! തുടരും...... ഈ രാഘവൻ മാഷ് നമ്മുടെ ഗൗരിയുടെയും കണ്ണന്റെയും ജീവിതത്തിൽ ഒരു ചോദ്യ ചിഹ്നം ആകുമോ 🧐🧐🧐 ഇന്നലെ ഇട്ട part ന്റെ കമന്റ്സ് ഒക്കെ ഇപ്പോഴാണോ വായിച്ചേ. And എന്താ പറയാ കഥ വായിച്ചിട്ട് നിങ്ങളുടെ ഓരോരുത്തരുടെയും അഭിപ്രായം കേൾക്കുമ്പോൾ നല്ല സന്തോഷം തോന്നുന്നുണ്ട്. ഹാ പിന്നെ കഥ എനിക്ക് daily തരാൻ പറ്റൂല്ല കേട്ടോ. എന്നിട്ടും ഞാൻ മാക്സിമം ഒന്നിടവിട്ട് തരാൻ ശ്രമിക്കുന്നുണ്ട്. സൊ നിങ്ങൾ എല്ലാം support ചെയ്ത് കൂടെ നിക്കുക 🫂❤️ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #പ്രണയം #love #💞 പ്രണയകഥകൾ

Part 71 " അതൊക്കെ വിട് മാഷേ എങ്ങനെ ഉണ്ടായിരുന്നു പ്രോഗ്രാം അത് പറ....? " : വിഷയം മാറ്റുന്നതോടൊപ്പം കാര്യം അറിയാനുള്ള തൊരയോടെ അവൾ തിരക്കി. വർഷത്തിൽ ഒരിക്കൽ ക്ലാസ്സിക്കൽ ഡാൻസ്, കർണാട്ടിക് ഡാൻസ്, ശാസ്ത്രീയ സംഗീതം, ഇതുപോലെ ഉള്ള കലകളെ അടിസ്ഥാനമാക്കി നടത്തുന്ന പരിപാടിയാണ്  ' അഗ്നിയോദയ '. ഇത് തുടങ്ങാൻ ഉള്ള പ്രധാന ഉദ്ദേശം തന്നെ ഇതുപോലെ ഉള്ള കലകൾ ഒന്നും മണ്മറഞ്ഞ് പോകാതെ ഇരിക്കാൻ ആണ്. ആദ്യം ഒന്നും അത്ര വലിയ പരുപാടി ആയിരുന്നില്ല ഇത്, ഒപ്പം പങ്കെടുക്കാൻ അധികം ആളുകളും ഉണ്ടായിരുന്നില്ല. പക്ഷെ കാല ക്രമേണ ഇന്ത്യയിലെ ടോപ്പ് 10 മത്സരങ്ങളിൽ ഒന്നായി മാറി അഗ്നിയോദയ. ആദ്യം സംസ്ഥാങ്ങളിലെ ഓരോ ഡിസ്ട്രിക്റ്റിൽ നിന്ന് ബെസ്റ്റ് ആയിട്ടുള്ള ടോപ്പ് ത്രീ ടീമിനെ അല്ലെങ്കിൽ സിംഗിൾ ഐറ്റം ആണെങ്കിൽ അവരെ സെലക്ട്‌ ചെയ്യും. അങ്ങനെ എത്ര ഐറ്റം ഉണ്ടോ അത്രയും ഐറ്റത്തിൽ നിന്ന് ടോപ്പ് ത്രീ പൊസിഷനിൽ നിൽക്കുന്നവരെ സെലക്ട്‌ ചെയ്ത് സംസ്ഥാന പരമായ സെലക്ഷൻ നടത്തും. അതിൽ നിന്ന് എല്ലാ ഐറ്റത്തിലും ടോപ്പ് ഫൈവ് വരെ വരുന്ന ടീമിനെ സെലക്ട്‌ ചെയ്ത് സബ് ഇന്റർ സ്റ്റേറ്റ്ന് വിടും. അതായത് തൊട്ട് അടുത്ത് ഉള്ള മൂന്ന് സംസ്ഥാനങ്ങൾ തമ്മിൽ ആയിരിക്കും അടുത്ത ഘട്ടം മത്സരം. അതിൽ നിന്ന് എല്ലാ ഐറ്റത്തിൽ നിന്നും തിരഞ്ഞെടുക്കുന്ന ടോപ്പ് ഫൈവ് വരെ വരുന്ന ടീം ആണ് പിന്നീട് അവസാന ഘട്ടം മത്സരത്തിനായി ഡൽഹിയിലേക്ക് പോകുന്നത്. ഇപ്രാവിശ്യത്തെ സബ് ഇന്റർ സ്റ്റേറ്റ് ചെന്നൈയിൽ വെച്ചായിരുന്നു നടന്നത്, അതിന് വേണ്ടിയാണ് മാഷ് ചെന്നൈയിൽ പോയത്. " അത് പറയാനുണ്ടോ ഗംഭീരം. ഓരോ വർഷം കഴിയുംതോറും അവർ അതിനെ വിപുലീകരിച്ച് കൊണ്ട് ഇരിക്കുവല്ലേ, ഇപ്രാവിശ്യത്തെ സ്റ്റേജ് കാണണം ആയിരുന്നു. നമ്മുടെ ആ മഹാദേവ ക്ഷേത്രം ഇല്ലേ അത് മുഴുവൻ എത്ര സ്‌ഥലം വരുമോ അത്രയും തന്നെ ഉണ്ട് സ്റ്റേജ്. പിന്നെ പത്ത് അയ്യായിരം കാണികൾക്ക് ഇരിക്കത്തക്ക സൗകര്യം വേറെ. ഇപ്രാവിശ്യം പിന്നെ വലിയ വലിയ ആളുകളും പങ്കെടുത്തിരുന്നു. ഇനിയും ഇത് പോലെ ഒക്കെ തന്നെ ആയിരിക്കും എന്ന അറിയാൻ കഴിഞ്ഞത്. ഇങ്ങനെ ആണെങ്കിൽ ഡൽഹിയിൽ എത്രത്തോളം വലുതായിരിക്കും എന്ന ചിന്തിച്ചത്. പിന്നെ പ്രോഗ്രാം എല്ലാം ഒന്നിനൊന്ന് മെച്ചം. ചെന്നൈയിലെ ഓരോ ടീമും അതി ഗംഭീരം ആയിരുന്നു. പക്ഷെ ഫസ്റ്റ് കിട്ടിയത് നമ്മുടെ കേരളത്തിന് ആയിരുന്നു എന്ന് മാത്രം അത് ആരുടെ ടീം ആയിരിക്കും എന്ന് ഞാൻ പ്രേത്യേകം പറയേണ്ട കാര്യം ഇല്ലല്ലോ " : ഗൗരി വിഷയം മാറ്റിയത് ആണെന്ന് അറിയാമെങ്കിലും അവളുടെ മനസ്സ് ഒന്ന് തണുക്കട്ടെ എന്ന് കരുതി മാഷ് ഒരു ചിരിയോടെ അവൾക്കുള്ള മറുപടി കൊടുത്ത് കൊണ്ട് അവളെ നോക്കി. " തെജസ്വിനി മാം " : കണ്ണിൽ ആരാധന നിറച്ച് കൊണ്ട് ഗൗരി പറഞ്ഞു. " ഹ്മ്മ് മാമിന്റെ ടീം തന്നെ ആയിരുന്നു ഇത്തവണയും മുന്നിൽ, ചെന്നൈയിലെയും കർണാടകയിലെയും ടീം ഒക്കെ ഒന്നിന് ഒന്ന് മെച്ചം ആയിരുന്നു എങ്കിലും അവർ ഒന്നും മാമിന്റെ ടീമിന്റെ കൊറിയോഗ്രാഫിയുടെ അടുത്തു പോലും വന്നില്ല എന്നുള്ളതാണ് സത്യം. ഒന്ന് കാണേണ്ടത് തന്നെ ആയിരുന്നു അത് കാണികളെ ഹരം കൊള്ളിക്കുന്ന വിധമൊരു നൃതരൂപം. കാണികളുടെ കണ്ണും മനസ്സും ഒരു പോലെ കുളിർമ്മയേകുന്ന നൃത്ത ചുവടുകൾ. വർണ്ണിക്കാൻ വാക്കുകൾ ഇല്ല അതി മനോഹരം. ഈ ഒരു പ്രായത്തിലും മാമിന്റെ ഇത് പോലെ ഉള്ള കൊറിയൊഗ്രാഫി കാണുമ്പോൾ അത്ഭുതം ആണ് തോന്നുന്നത് " : അദ്ദേഹം പറഞ്ഞു. " എന്തായിരുന്നു ഇപ്രാവിശ്യം മാമിന്റെ തീം " : ഗൗരി ഒരു ആകാംഷയോടെ തിരക്കി. " മകളെ നഷ്ടപ്പെട്ട ഒരു അമ്മയുടെ വേദന. വർഷങ്ങൾക്ക് മുൻപ് മാം ഇതേ വിഷയത്തെ അടിസ്ഥാനമാക്കി ചുവട് വെച്ചിട്ടുണ്ട്. അന്നും അതിന് കിട്ടിയ ആശംസകളും അംഗീകാരവും ഒന്ന് ചെറുത് ആയിരുന്നില്ല. ഇന്ന് ഇതാ വീണ്ടും. " : അദ്ദേഹം ഒരു ആദരവോടെ പറഞ്ഞു. " എന്നിട്ട് ബാക്കി ടീം ഒക്കെ ഏതൊക്കെയാ മാഷേ...? ആകെ മാമിന്റെ ടീം മാത്രമേ കേരളത്തിൽ നിന്ന് ഉള്ളു. " : ഗൗരി തിടുക്കത്തോടെ തിരക്കി. " ഹ്മ്മ് കേരളത്തിൽ നിന്ന് ആ ഒരു ടീമേ ഉള്ളു അതാണ് ഒന്നാം സ്ഥാനം. രണ്ടും അഞ്ചും ചെന്നൈയും മൂന്നും നാളും കർണാടകയും. ഞാൻ നേതൃത്വം നൽകിയ കുട്ടികൾ എല്ലാം പുതിയ കുട്ടികൾ ആയിരുന്നു. ഡിസ്ട്രിക്റ്റ് ലെവൽ പോലെ അല്ലല്ലോ മറ്റ് പെർഫോമൻസ് ഒക്കെ കണ്ടിട്ടോ അതോ ഇത്രയും കാണികളെ കണ്ടിട്ടോ എന്ന് അറിയില്ല കുട്ടികൾ ചെറുതായി ഒന്ന് പതറി പോയി. " : ഒരു നെടുവീർപ്പോടെ മാഷ് പറഞ്ഞു. " ശോ അത് കഷ്ടമായി പോയി. " : ഗൗരി കഷ്ടതയോടെ പറഞ്ഞു. " നീ വേണമായിരുന്നു ഞങ്ങൾക്ക് ഒപ്പം എങ്കിൽ രണ്ടാം സ്ഥാനം എങ്കിലും കരസ്ഥമാക്കാൻ കഴിഞ്ഞേനെ " : മാഷ് പൂർണ്ണ വിശ്വാസത്തോടെ പറഞ്ഞു. " ഞാനോ...? ഞാൻ ഉണ്ടായിരുന്നു എങ്കിൽ രണ്ടാം സ്ഥാനം കിട്ടിയെഞ്ഞേ എന്ന് നല്ല കഥ. എങ്കിൽ മാഷ് നേരത്തെ പറഞ്ഞ കുട്ടികളെ പോലെ പതറി നിൽക്കത്തെ ഉള്ള് ഞാനും. ചിലപ്പോൾ ആ കുട്ടികളെക്കാളും കഷ്ടം ആയിരുന്നേനെ എന്റെ അവസ്ഥ. " : ഗൗരി ഒരു തമാശ പോലെ പറഞ്ഞു. " എന്തേ വലിയ നർത്തകി ആകണം എന്നും അമ്മയുടെ സ്വപ്‍നം സാക്ഷത്കരിക്കണം എന്നും ഒക്കെ ഉള്ള ആഗ്രഹം ഗൗരി നന്ദ പാടി ഇറക്കി വെച്ചോ....? " : ഗൗരി പറഞ്ഞത് ഇഷ്ടമാകാതെ അദ്ദേഹം കുറച്ച് ഗൗരവത്തിൽ പറഞ്ഞു. കേൾക്കാൻ പാടില്ലാത്ത എന്തോ കേട്ടത് പോലെ ഗൗരി ഒരു പകപ്പോടെ അദ്ദേഹത്തെ നോക്കി. " മാഷേ അത്... ഞാൻ... ഞാൻ അങ്ങനെ ഒന്നും " : താൻ ഒരു നിമിഷം തന്റെ അമ്മയുടെയും തന്റെയും സ്വപ്നം മറന്നോ എന്ന പകപ്പിൽ ഗൗരി വിക്കി. " മോളെ അവസരങ്ങൾ ഒരിക്കലും നമ്മുക്ക് വേണ്ടി കാത്തിരിക്കില്ല, അതെ പോലെ അത് ഒരിക്കലും നമ്മളെയും തേടി വരില്ല. നമ്മളായിട്ട് വേണം ഓരോ അവസരങ്ങൾ കണ്ടെത്താൻ, അതിനായി പ്രവർത്തിക്കാൻ. നിനക്ക് ഒരു പക്ഷെ നിന്റെ കഴിവിൽ സംശയം ഉണ്ടായിരിക്കാം പക്ഷെ ഒരു അദ്ധ്യാപകൻ എന്ന നിലയിൽ എന്റെ സ്വകാര്യ അഹങ്കാരം തന്നെയാണ് നീ. ഈ മത്സരത്തിൽ നീ ഉണ്ടായിരുന്നു എങ്കിൽ നമ്മൾ ഡൽഹിയിൽ പോകും എന്ന കാര്യത്തിൽ എനിക്ക് യാതൊരു സംശയവും ഇല്ല. നിന്നെ ഇതിൽ പങ്കെടുപ്പിക്കുന്ന കാര്യം ഞാൻ സതീശനോട് സംസാരിച്ചതും ആണ്. " : ആദ്യം ആത്മവിശ്വാസത്തോടെ പറഞ്ഞ് വന്ന അദ്ദേഹം അവസാനം ആയപ്പോഴേക്കും ഒരു നിശ്വാസം മാത്രമായി. " അച്ഛനോട്... അച്ഛനോട് സംസാരിച്ചു എന്നോ....? എന്നിട്ട് ഞാൻ.... ഒന്നും..... " : കേട്ട കാര്യം വിശ്വസിക്കാൻ കഴിയാതെ ഗൗരി പറഞ്ഞു. ഇങ്ങനെ ഒരു ആവിശ്യം പറഞ്ഞ് മാഷ് അച്ഛനരികിൽ ചെന്ന് കാണും എന്ന് ഗൗരി ഒരിക്കലും കരുതിയിരുന്നില്ല. അല്ലെങ്കിൽ തന്നെ ഇങ്ങനെ ഒരു കാര്യത്തിന് എന്തായാലും വീട്ടിൽ നിന്ന് വിടില്ല എന്ന കാര്യം അവൾക്ക് പൂർണ ബോധ്യം ഉള്ളതാണ്. ഇനി അച്ഛൻ സമ്മതിച്ചാലും ചെറിയമ്മയും ലെച്ചു ചേച്ചിയും സമ്മതിക്കില്ല എന്ന് അവൾക്ക് നന്നായി അറിയാം. അത് കൊണ്ട് തന്നെ അങ്ങനെ ഒന്നും ആഗ്രഹിച്ച് നിരാശപ്പെട്ടിട്ടും ഇല്ല. സാധാരണ തന്നെ കുറിച്ച് എന്തെങ്കിലും കാര്യം ആണെങ്കിൽ അത് ഹാളിൽ ഇരുന്ന് എല്ലാരും കൂടി വലിയ ചർച്ച നടത്തിയാണ് തീരുമാനം ഒക്കെ എടുക്കുന്നത് പക്ഷെ ഇങ്ങനെ ഒരു കാര്യം മാഷ് പറഞ്ഞപ്പോഴാണ് താൻ അറിയുന്നത് പോലും അതിന്റെ ഒരു പകപ്പിലാണ് ഗൗരി. " അറിയാം സതീശൻ ഇത് നിന്നോട് പറഞ്ഞ് കാണില്ല എന്ന്, ഞാൻ തന്നെയാ പറഞ്ഞെ നിന്നോട് പറയണ്ട എന്ന്. കാരണം ഞാൻ ആ ആവിശ്യം കൊണ്ട് ചെന്നപ്പോഴേ സതീശൻ എതിർപ്പ് കാട്ടിയിരുന്നു അപ്പൊ പിന്നെ ഇത് വെറുതെ നിന്നെ അറിയിച്ച് നിനക്ക് നിരാശ ഉണ്ടാക്കേണ്ട എന്ന് കരുതി. പക്ഷെ എന്ത് കൊണ്ടോ ചെന്നൈയിലെ ആ സ്റ്റേജിൽ നിന്നപ്പോൾ അടുത്ത വർഷം ആ വേദിയിൽ നീയും ഉണ്ടാകും എന്ന് എന്റെ മനസ്സിൽ ഇരുന്ന് ആരോ പറഞ്ഞത് പോലെ തോന്നി എനിക്ക്. അറിയില്ല മോളെ പക്ഷെ അതെ വിശ്വാസവും പ്രതീക്ഷയും ഇപ്പൊ എനിക്കും ഉണ്ട്. " : അദ്ദേഹം ആത്മാധൈര്യത്തോടെ പറഞ്ഞ് നിർത്തി. ആദ്യം ഒക്കെ പറയുന്നത് കേട്ടിരുന്നവൾ അവസാനം പറഞ്ഞത് കേട്ടപ്പോൾ അവളുടെ മനസ്സിലേക്ക് കണ്ണന്റെ മുഖം ഓടി എത്തി. ഒപ്പം തലേന്ന് താൻ നൃത്തം ചെയ്യുന്നതിനെ കുറിച്ച് പറഞ്ഞപ്പോൾ അവൻ പറഞ്ഞ വാക്കുകളും. " മോളെ... ഇനി ഞാൻ ചോദിക്കുന്നതിന് സത്യം പറയണം. " : അദ്ദേഹം ഒരു മുഖവര പോലെ പറഞ്ഞു. " എന്താ മാഷേ....? " : പെട്ടെന്ന് ഉള്ള മാഷിന്റെ ഭാവം കണ്ടതും ഒരു സംശയത്തോടെ ഗൗരി തിരക്കി. " അത്... ആ കണ്ണൻ മോളെ ഉപദ്രവിക്കാറുണ്ടോ...? സത്യം പറഞ്ഞ മതി ആരെയും പേടിക്കേണ്ട. ഞാൻ ഉണ്ട് കൂടെ... എന്റെ കുഞ്ഞാണ് നീ.... നിന്നെ നോക്കാനുള്ള കഴിവും ആരോഗ്യവും ഒക്കെ എനിക്ക് ഉണ്ട്. അത് കൊണ്ട് മോള് ഒന്നും പേടിക്കണ്ട മാഷിനോട് പറ അവൻ എന്തെങ്കിലും ചെയ്യുവോ മോളെ. " : അദ്ദേഹം ഉള്ളിൽ നിറഞ്ഞ വേവലാതി അതെ പാടി ചോദിച്ചു. മാഷ് അങ്ങനെ പറഞ്ഞതും ഗൗരി ഒരു നിമിഷം കണ്ണെടുക്കാതെ അദ്ദേഹത്തെ നോക്കി ഇരുന്ന് പോയി. ' എന്ത് ബന്ധം ആണ് തനിക്ക് ഈ വ്യക്തിയുമായി. ഒരു അദ്ധ്യാപകൻ വിദ്യാർത്ഥി എന്നതിൽ കവിഞ്ഞ് യാതൊരു ബന്ധവും ഇല്ല എന്നിട്ടും ഒരു അച്ഛന്റെ വാത്സല്യത്തോടെ ഒരു മകളുടെ ഭാവിയെ കുറിച്ച് വേവലാതി പെടുന്ന പോലെ അദ്ദേഹം തന്നെ ഓർത്ത് വേവലാതി പെടുന്നു ' " മോളെ... " : മറുപടി ഒന്നും പറയാതെ തന്നെ നോക്കി ഇരിക്കുന്നവളെ കണ്ടതും അദ്ദേഹം ഒരു ടെൻഷനോടെ വിളിച്ചു. ഇനി തന്നോട് പറയാൻ ബുദ്ധിമുട്ട് ഉള്ളത് കൊണ്ട് ആണോ ഗൗരി മിണ്ടാതെ ഇരിക്കുന്നത് എന്ന് അദ്ദേഹം ചിന്തിച്ചു. അദ്ദേഹത്തിന്റെ വിളിയാണ് അവളെ ആലോചനയിൽ നിന്ന് ഉണർത്തിയത്. " എന്താ... മാഷേന്ത പറഞ്ഞെ... ഞാൻ എന്തോ ആലോജിച്ച് " : അവൾ മാഷിനോട് തിരക്കി. " അത് മോളെ ആ കണ്ണൻ മോളെ ഉപദ്രവിക്കുകയോ മറ്റോ ചെയ്യാറുണ്ടോ....? " : അദ്ദേഹം വിട്ട് മാറാത്ത ടെൻഷനോടെ ചോദിച്ചു. അത് കേട്ടപ്പോഴാണ് മാഷ് അങ്ങനെ ഒരു കാര്യം ചോദിച്ചത് അവൾക്ക് ഓർമ വന്നത്. അതോടൊപ്പം ആ ഒരുവന്റെ മുഖവും അവൾക്ക് ഉള്ളിൽ തെളിഞ്ഞ് വന്നു, അതിന്റെ ഫലമായി അവളുടെ അദരം ചെറുതായി ഒന്ന് വിടർന്നു. തുടരും...... #💞 പ്രണയകഥകൾ #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #love #പ്രണയം