📝मराठवाडा अपडेट्स

धिरज देशमुख यांचा वाढदिवस चाकुर शहरात विविध सामाजिक उपक्रमांने साजरा युवक कॉग्रेस व शहर कॉग्रेच्या वतीने चाकुरः-लातूर ग्रामीणचे माजी आमदार तथा लातूर जिल्हा मध्यवर्ती बँकेचे अध्यक्ष धिरज विलासराव देशमुख यांच्या वाढदिवसानिमित्त दि. ६ एप्रिल रोजी विविध ठिकाणी समाजोपयोगी उपक्रमांचे आयोजन करुन वाढदिवस उत्साहात साजरा करण्यात आला. लातुर जिल्हा मध्यवर्ती बँकेचे अध्यक्ष मा.आ.धिरज देशमुख यांच्या वाढदिवस निमित्त चाकुर काँग्रेस व युवक काँग्रेसच्या विविध सामाजिक उपक्रम घेऊन साजरा करण्यात आला.ग्रामीण रूग्णालयातील रूग्णांना फळ वाटप,पंचक्रोशीतील नवसाला पावणारे हाकानीबाबा दर्गावर चादर अर्पण,जयभवानी मंदिर येथे अभिषेक अशा विविध उपक्रम घेऊन साजरा करण्यात आला. चाकुर येथील सरकारी दवाखान्यात रुग्णांना फळवाटप करण्यात आले.उन्हाळ्यात ग्रामीण रूग्णालयात रूग्ण उपचार घेण्यासाठी आले असता.रूग्णांना केळी,सफरचंद,बिस्कीट पुडा,पिण्याच्या पाण्याची बाटली देण्यात आली.चाकुर शहरापासुन जवळ असलेल्या हाकानी बाबा बेटावरील जवळपास २५० पायऱ्यां भर उन्हात चढून चांदर व नारळ फोडून दिर्घआयुष्यासाठी प्रार्थना [दुवा] करण्यात आली.संध्याकाळी चाकुर शहरातील जयभवानी मंदिर येथे अभिषेक करून दिर्घआयुष्यासाठी प्रार्थना करण्यात आली.दिवसभर सामाजिक उपक्रम घेऊन धिरज देशमुख यांचा वाढदिवस साजरा करण्यात आला. याप्रसंगी युवक काँग्रेसचे जिल्हाध्यक्ष निलेश देशमुख, काँग्रेसचे शहराध्यक्ष पप्पुभाई शेख,सोशल मिडिया प्रमुख सलीमभाई तांबोळी,माजी सरपंच गंगाधर केराळे, शदर जाधव, भरत बजगीरे रेड्डी, वैभव धोंडगे,समीर शेख, गजानन सावंत, यांच्यासह काँग्रेसचे पदाधिकारी व कार्यकर्ते उपस्थित होते.रूग्णांना फळ वाटप करताना वैद्यकिय अधिक्षक जितेन जैस्वाल व वैद्यकिय अधिकारी डॉ.कदम व कर्मचारी उपस्थित होते. #📝मराठवाडा अपडेट्स

सभापती – उपसभापती व गटविकास अधिकारी यांच्या मध्यस्थीने सोडले नागरिकांनी उपोषण चाकूर – तालुक्यातील तीवघाळ येथील नागरिकांनी चाकुर पंचायत समिती येथे घरकुल आवास योजनेचे बिल इंजिनिअर टाकत नसल्या कारणाने आज तीवघाळ येथील नागरिकांनी उपोषण सुरू केले होते.. आज त्या उपोषण स्थळी चाकूर पंचायत सभापती प्रतिनिधी मच्छिंद्र नागरगोजे, उपसभापती भुजंग शिंदे ,पंचायत समितीचे गटविकास अधिकारी संतोष वांगवाड यांनी मध्यस्थी करत नागरिकांच्या समस्या जाणून घेतल्या व तात्काळ घरकुलाचे आवास योजनेचे बिल टाकण्याची कारवाई केली जाईल व लवकरच लाभार्थ्यांना घरकुल योजनेचे बिल पडतील असे आश्वासन उपोषण कर्त्याना दिले. त्यानंतरच त्यांनी उपोषण सोडले. यावेळी पंचायत समिती सदस्या प्रतिनिधी .डॉ.नरेंद्र हाके, पंचायत समिती सदस्य,गजानन होनराव, संतोष कलवले, पंचायत समिती सदस्य प्रतिनिधी प्रतीक केदार, बाळासाहेब शिंदे सह विविध प्रशासकीय अधिकारी व कर्मचारी उपस्थित होते. #📝मराठवाडा अपडेट्स

चाकुर ईदसाठी सज्ज ; नगरपंचायत प्रशासनाच्या नियोजनाला वेग नगराध्यक्षा करीम गुळवे यांच्या मार्गदर्शनाखाली ईदगाह परिसरात मूलभूत सुविधा चाकुरः-पवित्र रमजान ईद (ईद उल फित्र) सणाच्या पार्श्वभूमीवर चाकुर शहरात उत्साहाचे वातावरण निर्माण झाले असून, ईदगाह मैदानावर नमाज अदा करण्यासाठी येणाऱ्या मुस्लिम बांधवांसाठी नगरपंचायतीकडून सर्वंकष तयारी पूर्णत्वाकडे जात आहे. नगराध्यक्ष करीम गुळवे यांच्या मार्गदर्शनाखाली ईदगाह परिसरात मूलभूत सुविधा उभारण्याचे काम युद्धपातळीवर सुरु आहे. गुरुवार, दि. 19 मार्च रोजी नगराध्यक्षांनी ईदगाह कमिटी, पोलीस प्रशासन, नगरपंचायत अधिकारी तसेच वीज वितरण विभागाच्या अधिकाऱ्यांसह प्रत्यक्ष स्थळाची पाहणी करत तयारीचा सविस्तर आढावा घेतला. यावेळी स्वच्छता, पिण्याचे शुद्ध पाणी, अखंडित वीजपुरवठा, तसेच भाविकांच्या सुरक्षिततेसाठी पोलीस बंदोबस्त व वाहतूक नियोजन यावर विशेष भर देण्यात आला. ईदच्या दिवशी परिसरात विशेष साफसफाई मोहीम राबविण्यात येणार असून, उन्हाचा त्रास होऊ नये म्हणून मंडप टाकले जात असून, पार्किंग व्यवस्था, रुग्णवाहिका व वैद्यकीय पथकाचीही सज्जता ठेवण्यात आली आहे. तसेच शहरात सुरळीत पाणीपुरवठा व वीज सेवा कायम ठेवण्यासाठी संबंधित विभागांना स्पष्ट सूचना देण्यात आल्या आहेत."ईद हा बंधुभाव, शांतता आणि सामाजिक ऐक्याचा संदेश देणारा सण आहे. सर्वांनी परस्पर सहकार्याने व सलोखा राखत हा सण आनंदात साजरा करावा," असे आवाहन नगराध्यक्षांनी केले. प्रशासनाच्या काटेकोर नियोजनामुळे यंदाची ईद अधिक सुरक्षित आणि सुरळीत होण्याची अपेक्षा व्यक्त होत आहे.यावेळी सभापती मुज्जमिल सय्यद,माजी उपनगराध्यक्ष तथा नगरसेवक नितीन रेड्डी,महंमद सय्यद,बिलाल पठाण,मतीन गुळवे,अझहर शेख विनोद गवई,जाकीर गुळवे,सह आदि जण उपस्थित होते. #📝मराठवाडा अपडेट्स

पोलीस पोहचले शेतकऱ्यांच्या बांधावर;तंटा मिटला रस्ता मिळाला शेतकऱ्यांच्या समस्या प्रत्यक्ष जाणून घेऊन पोलीस निरीक्षक बालाजी भंडे यांच्या पुढाकाराने वाद मिटला चाकुरः-तालुक्यातील मौजे अंबुलगा या गावात गेल्या अनेक वर्षापासून शेतकऱ्यांचा शेत रस्त्यासाठी वाद होता.चाकुर पोलीस स्टेशनचे पोलीस निरीक्षक बालाजी भंडे बिट अंमलदार स्वामी व सबंधित सज्जाचे ललाठी व महसुल विभागाचे मंडळ अधिकारी यांच्यासह अंबुलगा येथील गट नंबर ४४४ मध्ये सुरेश जनार्धन सोनटक्के व गंगाधर व्यंकटराव जाधव यांच्या मध्ये रस्तासाठी बऱ्यांच वर्षापासून तंटा सुरू होते.दोघांनी एकमेकांच्या विरोधात पोलीसांत रस्त्यासाठी तक्रार दिली होती.त्या तक्रारीची तात्काळ दखल घेऊन शेतकऱ्यांच्या बांधावर जाऊन वाद मिटविण्यासाठी बांधावर पोलीस पोहचले. रस्त्यावरून किरकोळ वाद व भांडण होत होते.सदरील रस्त्यावरून होणारे वाद व भांडणे कायमच मिटावे म्हणून शेतकऱ्यांच्या बांधावर जऊन गावातील पंच व महसुल विभागातील कर्मचारी यांच्या उपस्थितीत अर्जदार व गैरअर्जदार यांचे म्हणे ऐकून घेण्यात आले.दोघांनी समजावून सांगून रस्ता मोकळा करण्यात आला. एकमेकांच्या संमतीने व पंचासमोर रस्ताचा वाद मिटवून रस्ता मोकळा करण्यात आला.शेतकऱ्यांसाठी त्यांची जमीन ही केवळ मालमत्ता नसून ती त्यांच्या आयुष्याचा आधार, कष्टाचे प्रतीक आणि कुटुंबाच्या उदरनिर्वाहाचे मुख्य साधन आहे. 'शेतीच्या छोट्या-छोट्या कारणांवरून निर्माण होणारे वाद वर्षानुवर्षे प्रलंबित राहतात, त्यातून शेजारी शेजाऱ्यांचे संबंध बिघडतात, आणि काही वेळा किरकोळ वाद मोठ्या गुन्ह्यांत परिवर्तित होतात. ही बाब लक्षात घेऊन त्यांनी केवळ कायदेशीर कारवाई करण्याऐवजी मानवी दृष्टीकोनातून, संवादातून व सामोपचारातून प्रश्न सोडवण्यावर भर दिला आहे.'पोलीस हे केवळ गुन्हे दाखल करणारे यंत्र नसून समाजातील तणाव कमी करणारे, विश्वास निर्माण करणारे आणि गरजूंना आधार देणारे माध्यम असावे', या विचारातूनच या पोलीस अधिकारी व अंमलदार हे थेट गावामध्ये जाऊन वादग्रस्त शेतजमिनीवर भेट देऊन वाद मिटवला.वर्षनुवर्ष प्रलंबित असलेला रस्त्याचा वाद सामोपचाराने मिटविण्यात आला.ग्रामीण भागामध्ये शेतरस्त्यांवरून अनेकदा वाद होतात असतात. *चौकट* *वर्षानुवर्षे प्रलंबित असणारे शेती शिवारातील रस्त्याचा वाद संमतीने मिटवावा-पोलीस निरीक्षक बालाजी भंडे* *चाकुर तालुक्यात शेतकऱ्यांनी शेत शिवारातील रस्तेचा वाद सामोचचाराने व परस्परांच्या संमतीने मिटवू रस्ता शेतकऱ्यांना खूला करून देण्यासाठी पोलीस यंञणा मदत करणार आहे.पोलीस प्रशासन थेट बांधावर जाऊन तंटे मिटविणार आहे.शेतकऱ्यांनी त्यांच्या जमिनी संदर्भात वाद व भांडणे वाढण्यापूर्वीच पोलीस प्रशासनाकडे संबंधित वादाचे कारण सांगावे.परस्पर सहमतीने व कायदेशीर मार्गाने वाद मिटविण्यासाठी तालुक्याचे पोलीस प्रशासन आपल्या सेवेत तत्पर आहे* #📝मराठवाडा अपडेट्स

चाकूर परिसरात वादळी वारा आणि जोरदार पावसाची हजेरी यामुळे रब्बी हंगामातील पिकांचे मोठे नुकसान ! चाकूरः-चाकूर परिसरात वादळी वारा आणि जोरदार पावसाने हजेरी लावली यामुळे रब्बी हंगामातील पिके धोक्यात आली आहेत तसेच या अवकाळी पावसामुळे शहरातील तसेच ग्रामीण भागातील वीजही गुल झाली होती.रविवारी दिनांक २२ फेब्रुवारी रोजी ही संध्याकाळी उशिरा अकरा वाजण्याच्या सुमारास वादळी वाऱ्यासह पावसाने हजेरी लावली होती.तसेच सोमवारी दिंनाक २३ फेब्रुवारीला शहरात आणि परिसरात सांयकाळी साडे चार-पाचच्या सुमारास झालेल्या पावसामुळे व प्रचंड वाऱ्यामुळे शेतातील रब्बी हंगामातील पिकांचे मोठ्या प्रमाणात नुकसान झाले आहे.तसेच वैरणीचेही नुकसान झाले आहे.या अवकाळी पावसामुळे रब्बी हंगामातील शेतातील ज्वारी,गहू ,हरभरा सह आंबा,द्राक्षे फळपिकांचे मोठे नुकसान झाले आहे.कांही शेतकऱ्यांनी गव्हाचे पीक काढून ठेवले होते मात्र अवकाळी पावसामुळे गहू भिजला असून मोठ्या प्रमाणात नुकसान झाले आहे.चाकूर शहरातील विठ्ठल डाके,पंडित मोरे सह इतर शेतकरी यांचे रब्बी हंगामातील पीक पावसामुळे खराब झाले आहे.तसेच डोंगरज ,शेळगाव शेत शिवारात ही वादळी पाऊस झाल्याने मोठ्या प्रमाणात नुकसान झाले आहे.घरणी,गांजुर शेत शिवारातही अवकाळी पावसामुळे शेतकऱ्यांची मोठी धावपळ उडाली होती.घरणी येथील रब्बीची ज्वारी जमीनदोस्त झाली आहे तसेच शिरीष आणि आकाश शिंदे यांच्या सह इतर शेतकऱ्यांचे कापुन ठेवलेल्या गव्हाचे मोठ्या प्रमाणात नुकसान झाले आहे.गांजुर गावात तसेच शेतशिवारात वादळी वाऱ्यासह गारांचा पाऊस पडल्याने शेतातील रब्बी हंगामातील पिंकाचे मोठे नुकसान झाले आहे.एकंदरीत तालुक्यातील अनेक गावातील शेतशिवारात रब्बी हंगामातील पिके अवकाळी पावसामुळे बाधित झाली आहेत.या अवकाळी पावसामुळे शेतातील पिकांच्या नुकसानीमुळे शेतकरी हवालदिल झाला आहे. #📝मराठवाडा अपडेट्स

चाकुरच्या यशवंतराव चव्हाण प्राथमिक शाळेत रंगला कलाविष्कार सांस्कृतिक कार्यक्रम विद्यार्थ्यांच्या बहारदार नृत्यांने प्रेक्षक व पालकांची मने जिकंली चाकुरः-शैक्षणिक गुणवत्तेसह विविध क्षेत्रात विद्यार्थ्यांचा सर्वांगीण विकास व्हावा यासाठी अविरत अग्रेसर असणारी यशवंतराव चव्हाण प्राथमिक चाकुर या प्रशाळेत प्रजासत्ताकदिनाचे औचित्य साधून १७ फेब्रुवारी रोजी कलाविष्कार या सांस्कृतिक कार्यक्रमाचे भव्य आयोजन करण्यात आले होते. सदर सांस्कृतिक कार्यक्रमात विद्यार्थ्यांनी आपल्या अंगीकृत असलेल्या विविध कलागुणांतून एकापेक्षा एक सरस व बहारदार नृत्यांचे सादरीकरण करुन प्रेक्षक, पालक व उपस्थितांची मने जिंकली.. या नेत्रदिपक सांस्कृतिक कार्यक्रमाने चाकुरकर मंत्रमुग्ध झाले असून कार्यक्रमास पालक व प्रेक्षकांचा उंदड प्रतिसाद मिळाला. विद्यार्थ्यांचे जबरदस्त नृत्य पाहुन प्रेक्षक भारावून चिमुकल्यांचे जोरदार टाळ्यांच्या गजरात कौतुक करत होते. तर प्रेक्षकांनी चिमुकल्यावर बक्षीस देऊन प्रतिसाद दिला. या कार्यक्रमाचे उद्घाटक संस्थेचे संस्थापक अध्यक्ष तथा चाकुर नगरपंचायतीचे नगराध्यक्ष करीम गुळवे यांच्या शुभ हस्ते पार पडले. प्रमुख पाहुणे संस्थेचे सचिव शेख साहेबअली,डॉ.एन.जी.मिर्झा,अजमआली सय्यद,बाबा गुळवे,जाकीर गुळवे,आखिल गुळवे,सह आदि उपस्थित होते.कार्यक्रमांचे शिवाजी पवार यांनी केले. शाळेतील विद्यार्थ्यांना पिण्यासाठी पाणी,स्वच्छता,लाईटची सोय करावी व शाळेतील शिकत असलेल्या विद्यार्थ्यांना शासनाच्या विविध योजनांचा लाभ मिळवून देण्यात येत आहे. पालकांनी आपल्या पाल्याच्या सर्वांगिण प्रगती कडे लक्ष द्यावे .नगराध्यक्ष करीम गुळवे म्हणाले शाळेतील प्रत्येक विद्यार्थ्यांना दरवर्षी गणवेश वाटप केला जातो.विद्यार्थ्यांकडे वैयक्तिक लक्ष दिले जाते.कार्यक्रम यशस्वी करण्यासाठी शाळेचे मुख्यापक शेख एम.बी, शिक्षक शेख टी.व्हि,शेख के, बी,कानडे एस.सी,शेटे जी.वी,पवार एस.एम,पठाण जे.एम,केंद्रे पि,यु,शेख आय.एम,शाळेतील शिक्षक व शिक्षकेत्तर कर्मचारी उपस्थित होते.सांस्कृतिक विभाग प्रमुख ताहेर शेख यांनी विद्यार्थ्यांकडून तयारी करुन घेतली. सुञसंचलन काशीम शेख यांनी केले.तर आभार जावेद पठाण यांनी मानले. *चौकट* *विद्यार्थ्यांनी सादर केले नृत्याविष्कार* *सांस्कृतिक कार्यक्रमाची सुरुवात श्री गणेश वंदना गिताने करण्यात आली. त्यानंतर विद्याथ्र्यांनी रंगीलो मारो ढोल, शेतकरी गीत, सामी-सामी, लावणीसह जलवा हे देशभक्तीपर गित, नारीशक्ती, शिवाजी महाराज, मल्हार मल्हार, देवीचा गोंधळ, गवळण, चंद्रा लावणी,कोळीगीत, फनी साँग, जन्म बाईचा, झुमकावाली अशा एकाहून एक सरस देशभक्तीपर गिते, लावणी, हिंदी व मराठी गीतांवर विद्यार्थ्यांनी बहारदार नृत्य सादर करीत उपस्थित नागरिक व पालकांची मने जिंकली. कार्यक्रमाचा समारोप 'वंदे मातरम्' गीताने करण्यात आला* *चौकट* *विद्यार्थ्यांच्या शैक्षणिक प्रगती कडे वैयक्तिक लक्ष-करीम गुळवे नगराध्यक्ष न.पं.चाकुर* *गोर-गरीब मध्यम वर्गीय विद्यार्थी शिक्षण घेत असल्यामुळे विद्यार्थीच्या अध्ययन करण्यावर शाळेतील शिक्षकांकडे लक्ष देऊन राहतात.* *गुणवत्ता वाढीसाठी विद्यार्थ्यांना विविध स्पर्धा परीक्षेत सहभाग घेण्यासाठी प्रोत्साहन दिले जाते.शाळेत विविध सामाजिक उपक्रम घेण्यास सुरुवात केली.विविध महापुरुषांच्या जयंती पुण्यतिथी साजरी केली.विद्यार्थ्यांना स्पर्धा परीक्षेची तैयारी करण्यासाठी शिक्षकांच्या माध्यमातून अतरिक्त क्लास घेण्यात येतात.घरोघरी शिक्षक विद्यार्थ्यांच्या सुप्त गुणांना वाव मिळावे म्हणून शाळेत दर वर्षी सांस्कृतिक कार्यक्रम आयोजित करण्यात येतात.शाळेच्या गुणवत्ता वाढी सोबतच स्पर्धा परीक्षा,सांस्कृतिक कार्यक्रम,असे माध्यमातून विद्यार्थ्यांच्या सर्वागिण विकास करण्यावर लक्ष दिले आहे.येणाऱ्या काळात विविध कार्यक्रम आयोजित करण्यांचा मनोदय नगराध्यक्ष करीम गुळवे यांनी व्यक्त केला* #📝मराठवाडा अपडेट्स

चाकूरमध्ये पंचायत समिती लिपिकांचे असहकार आंदोलनाचा प्रारंभ,२१ कर्मचारी आंदोलनात सहभागी; २३ फेब्रुवारीपासून बेमुदत कामबंदचा इशारा! चाकूरः-महाराष्ट्र शासनाच्या विविध विभागांतील लिपिक संवर्गाच्या प्रलंबित मागण्यांकडे शासनाचे लक्ष वेधण्यासाठी चाकूर येथील पंचायत समिती लिपिकांनी आजपासून असहकार आंदोलनास सुरुवात केली आहे. चाकूर तालुक्यातील एकूण २१ लिपिक कर्मचारी या आंदोलनात सहभागी झाले आहेत. लिपिक संवर्ग हा प्रशासनाचा कणा मानला जातो. चौथ्या वेतन आयोगापासून वेतनश्रेणीत असलेली तफावत दूर करून सुधारीत वेतनश्रेणी लागू करावी, पदोन्नती स्तर कमी करून पदनामात बदल करावा, जुनी पेन्शन योजना जशीच्या तशी लागू करावी, तसेच १ नोव्हेंबर २००५ पूर्वी अनुकंपा नियुक्तीसाठी प्रतीक्षायादीत असलेल्या सर्वांना न्याय द्यावा, या प्रमुख मागण्यांसाठी हे आंदोलन करण्यात येत आहे. या आंदोलनात दि. १६ ते १७ फेब्रुवारी २०२६ कार्यालयात उपस्थित राहून स्वाक्षरी करणे व काळी फीत लावून निषेध नोंदवणे, १८ फेब्रुवारी २०२६ कार्यालयात उपस्थिती लावून कार्यालयासमोर शांततापूर्ण मार्गाने घोषणाबाजी करणे, २० फेब्रुवारी २०२६ शासनाला दिलेल्या निवेदनाचा पाठपुरावा करणे, दि. २३ फेब्रुवारी २०२६ पासून मागण्यांची दखल न घेतल्यास बेमुदत संपूर्ण कामबंद आंदोलन करण्यात येणार असल्याचे निवेदनात म्हटले आहे. लिपिक बांधवांनी हे आंदोलन सनदशीर मार्गाने करण्यात येत असल्याचे स्पष्ट केले असून, शासनाने तातडीने सकारात्मक निर्णय घ्यावा, अन्यथा आंदोलन अधिक तीव्र करण्याचा इशाराही देण्यात आला आहे. या असहकार आंदोलनात मुख्य मार्गदर्शक माधवराव वागलगावे,व्यंकटराव घोडके,अध्यक्ष संग्राम भुरे,उपाध्यक्ष संतोष मुदमे,सचिव अतुल गायकवाड,सहसचिव सदाशिव भिसे,गिरीधर तिकटे, मंगेश बिराजदार,राजेंद्र नरवाडे,भागवत गडदे,अमोल कराड,ए.एच.कल्याणे,ए.एस.भणगे आदी कर्मचारी सहभागी होते. #📝मराठवाडा अपडेट्स

जगत् जागृती विद्यामंदिर चाकूर येथे ... *वार्षिक बक्षीस वितरण आणि इयत्ता दहावी च्या विद्यार्थ्यांचा निरोप समारंभ संपन्न* चाकूर:-जगत् जागृती शिक्षण प्रसारक मंडळ चाकूर द्वारा संचलित जगत् जागृती विद्यामंदिर चाकूर येथे वार्षिक बक्षीस वितरण समारंभ आणि इयत्ता दहावीच्या विद्यार्थ्यांचा निरोप समारंभ नुकताच संपन्न झाला. या कार्यक्रमाच्या अध्यक्षस्थानी संस्थेचे उपाध्यक्ष अर्जुन मद्रेवार हे होते तर प्रमुख पाहुणे म्हणून संस्थेचे कोषाध्यक्ष धोंडीराम तोंडारे संस्थेचे सन्माननीय संचालक विठ्ठलराव सोनटक्के शिवप्रसाद शेटे, विद्यालयाचे मुख्याध्यापक संजय नारागुडे, पर्यवेक्षक प्रदीप ऊस्तुर्गे हे उपस्थित होते. या बक्षीस वितरण समारंभामध्ये परीक्षा विभागाच्या वतीने प्रत्येक इयत्तेतील प्रथम व द्वितीय विद्यार्थ्यांना बक्षीस वितरित करण्यात आले. त्याचप्रमाणे क्रीडा विभागाच्या माध्यमातून विद्यार्थ्यांना पारितोषिके प्रदान करण्यात आली.याप्रसंगी स्काऊट गाईडच्या राज्यस्तरीय पुरस्कार प्राप्त विद्यार्थ्यांचा यथोचित सत्कार करण्यात आला. गुरुतेग बहादुर सिंग साहेब जी यांच्या 350 व्या जयंतीनिमित्त घेण्यात आलेल्या जिल्हास्तरीय निबंध स्पर्धेमध्ये प्रथम पारितोषिक प्राप्त केल्याबद्दल सिंधीकुमटे सायली या विद्यार्थिनीचा विद्यालयाच्या वतीने सत्कार करण्यात आला.एनसीसी विभागाच्या वतीने बेस्ट सी.एच. एम. म्हणून बन आर्यन गोविंद यास पारितोषिक प्रदान करण्यात आले. विद्यालयातील आदर्श विद्यार्थिनी म्हणून मधुरा बिडवे हिचा रोख रक्कम व सन्मानचिन्ह देऊन गौरव करण्यात आला. शंभर टक्के उपस्थिती असलेल्या इयत्ता सहावी क या वर्गाचा अर्जुन मद्रेवार यांच्यावतीने भागवत मद्रेवार यांच्या स्मरणार्थ 1000 रुपये रोख रक्कम देऊन गौरव करण्यात आला. आणि विद्यालयातील इयत्ता नववी ब वर्गाचा आदर्श वर्ग म्हणून वर्गातील सर्व विद्यार्थ्यांचा मान्यवरांच्या हस्ते यथोचित गौरव करण्यात आला.या कार्यक्रमाचे प्रास्ताविक मुख्याध्यापक संजय नारागुडे यांनी केले. तर विद्यार्थ्यांमधून सुमित सूर्यवंशी , अबुजर शेख, जाधव प्रतीक ,गौरवी शेटे, कार्तिकी नरवटे या विद्यार्थ्यांनी आपले मनोगत व्यक्त केले. कार्यक्रमाचे सूत्रसंचलन राजकुमार कदम यांनी केले तर आभार बिपिन जिरगे आणि शंकर कदम यांनी व्यक्त केले. या कार्यक्रमासाठी इयत्ता नववीच्या विद्यार्थ्यांनी इयत्ता दहावीच्या विद्यार्थ्यांसाठी भोजनाची व्यवस्था केली होती. सहभोजनानंतर कार्यक्रमाची सांगता झाली. या कार्यक्रमाला यशस्वी करण्यासाठी विद्यालयातील सर्व शिक्षक व शिक्षकेतर कर्मचाऱ्यांनी परिश्रम घेतले. #📝मराठवाडा अपडेट्स

शेतीविषयक योजना थेट शेतकऱ्यांच्या पर्यंत पोहोचती करणार-एन.आर पाटील यांचा निर्धार! चाकूरः- ग्रामीण भागातील समस्या सोडवण्यासाठी प्रयत्न करणार,तसेच ग्रामविकास यासाठी प्रयत्नशील राहणार,शेती विकास,आरोग्य,रस्ते आणि रोजगारासाठीचा अजेंडा तसेच थेट आश्वासन ,गाव बदलण्यासाठी नियोजन करणार आणि तक्रारी नव्हे तर तोडगा काढणार असे प्रतिपादन नागनाथ रामराव पाटील (एन.आर.) हे कॉर्नर बैठकातुन करीत आहेत. जानवळ गट नागरिकांचा मागास प्रवर्गासाठी आरक्षित असून, काँग्रेस आघाडीकडून लातूर जिल्हा मध्यवर्ती सहकारी बँकेचे संचालक नागनाथ रामराव पाटील (एन.आर.) हे निवडणूक रिंगणात आहेत. य गटात काँग्रेस आघाडीकडून मतदारसंघात जोरदार संपर्क मोहीम सुरू केली आहे. शेती,जलसिंचन, आरोग्य, शिक्षण, रस्ते ,पाणी, महिला बालकल्याण व गावाच्या सर्वांगीण विकासा संबंधित अशा अनेक जनहिताच्या योजना जनते पर्यंत पोहोचती करणार.जिल्हा परिषद म्हणजे जनतेच्या विकासाचे केंद्र आहे. अशा महत्त्वपूर्ण जागी आपला विश्वासू ,कर्तबगार, नि:स्वार्थी, सतत काम करणारा, प्रशासनावर पकड असणारा आणि अनुभवी माणूस पदस्थ करणे महत्वाचे असते.या सर्व बाबतीत उत्कृष्टपणे काम करण्याची शंभर टक्के खात्री फक्त नागनाथ रामराव पाटील (एन आर पाटील) यांचीच आहे. कारण एन आर पाटील यांच्या आजपर्यंतच्या कामाचा आढावा घेतला तर खात्री पटते .अनेकांना त्यांनी लग्नकार्यासाठी ,मुलाच्या शिक्षणासाठी, दवाखान्यासाठी, शेतकऱ्यांना शेती सिंचनासाठी तात्काळ लातूर जिल्हा मध्यवर्ती बँकेकडून आर्थिक सहकार्य मिळवून दिले आहे. शेतकऱ्यांना ऊस कारखान्यावर नेण्यासाठी कितीतरी वणवण फिरावे लागते पण एन आर पाटील यांच्याकडे गेलेला कोणीही शेतकरी आनंदी होऊनच परतला आहे. एवढेच नाही तर कारखाना शेतकऱ्यांकडून देयक कर्ज वजा करून उसाचे बिल देत असेल आणि कोणास हे अडचणीचे होत असेल तर अशा प्रसंगी संबंधीत शेतकऱ्यांना दिलासा देण्याचे परोपकारी काम केले आहे. एन आर पाटील यांचे वैशिष्ट्ये हे कसल्याही प्रकारे भेदभाव करण्याचा त्यांचा स्वभाव नाही. ते एक निर्मळ भावनेने केवळ समाजसेवा म्हणून आपले कार्य निरंतर चालू ठेवतात.त्यांची सामान्य लोकांत " कामाचा माणूस" म्हणून ओळख आहे. एन आर पाटील यांना मत म्हणजेच विकासाला व अडचणीत धावून येणारांस मत आहे. अशा विविध लोकहितार्थ पैलूंचा निकष इतर उमेदवारास लावून बघितला तर शेवटी एकमेव एन.आर.पाटील हेच योग्य असल्याचे दिसून #📝मराठवाडा अपडेट्स

चाकुर अर्बनच्या वतीने हळदीकुंकू कार्यक्रम संपन्न चाकुरः-चाकुर शहरातील चाकुर अर्बन बँकेच्या वतीने महिलासाठी हळदी कुंकूवाचा कार्यक्रम आयोजित करण्यात आला होता. चाकूर अर्बन परिवारा तर्फे शाखा चाकूर येथे दिनांक १८ जानेवारी वार रविवार या दिवशी प्रति वर्षाप्रमाणे याही वर्षी मकर संक्रांति निमित्त हळदी कुंकू चा कार्यक्रम संस्थेचे अध्यक्ष युनूस मासुलदार यांच्या अध्यक्षतेखाली आयोजित करण्यात आला .या कार्यक्रमाला उपस्थित डॉक्टर हाक्के मॅडम, शिक्षिका केंद्रे मॅडम, व शिक्षिका स्वामी मॅडम, शिक्षिका साधना कुलकर्णी मॅडम, नगरसेविका गंगुबाई गोलावर, नगरसेविका स्वामी ज्योती , प्राचार्य वैशाली शिंदे मॅडम, प्राध्यापिका संगीता घोगरे, शिक्षिका अंबिका कोरे ,श्रीदेवी हाळे, शिवानी कोरे, शितल जाधव, प्रणिता फुलारी, सुनिता हराळे, संगीता हाळे ,आदि जण उपस्थित राहून एकमेकांशी हळदीकुंकवाच्या माध्यमातून संवाद साधला व त्या संवादातून नात्यातील गोडवा जपण्यात आला. हा कार्यक्रम यशस्वीरित्या पार पाडण्यासाठी संस्थेचे अध्यक्ष व शाखाधिकारी रेश्मा सय्यद, अकाउंटंट करले प्रियंका क्लार्क लाड नसरीन, तमन्ना मॅडम ,समीना शेख, सानिया शेख आदी कर्मचाऱ्यांनी परिश्रम घेतले... #📝मराठवाडा अपडेट्स