*అధికమాసం లో పారాయణ చేయాల్సిన
శ్రీ దామోదరాష్టకమ్*
*పద్మ పురాణే*
1 ఓం
నమామీశ్వరం సచ్చిదానంద రూపం
లసత్కుండలం గోకులే భ్రాజమానమ్ |
యశోదాభియా లూఖలాద్ధావమానం
పరామృష్టమత్యంతతో ద్రుత్య గోప్యా ||
సచ్చిదానంద రూపుడు, చెవులకు అలంకరించిన కుండలాలు ప్రకాశిస్తుండగా గోకులంలో విరాజిల్లేవాడు, తల్లి యశోదకు భయపడి రోటి మీది నుండి దూకి పరిగెత్తినవాడు, ఆపై ఆమె చేతికి చిక్కినవాడైన ఆ పరమేశ్వరుడైన దామోదరునికి నేను నమస్కరిస్తున్నాను.
2
రుదంతం ముహుర్నేత్రయుగ్మం మృజంతం
కరాంభోజయుగ్మేన సాతంకనేత్రమ్ |
ముహుః శ్వాసకంపత్రిరేఖాంకకంఠ-
స్థితగ్రైవదామోదరం భక్తిబద్ధమ్ ||
యశోదమ్మ చేతిలోని బెత్తం చూసి భయపడిన కళ్ళతో, ఏడుస్తూ, తన రెండు పద్మాల్లాంటి చేతులతో కళ్ళను నలుపుకుంటున్నవాడు... భయం వల్ల వేగంగా శ్వాస తీసుకోవడం చేత మూడు రేఖలు గల శంఖం లాంటి కంఠంలోని హారాలు కదులుతుండగా, పొట్టపై తాడుతో యశోదమ్మ యొక్క భక్తికి బంధీ అయిన దామోదరునికి వందనం.
3
ఇతీదృక్ స్వలీలాభిరానందకుండే
స్వఘోషం నిమజ్జంతమాఖ్యాపయంతమ్ |
తదీయేషితజ్ఞేషు భక్తైర్జితత్వమ్
పునః ప్రేమతస్తం శతావృత్తి వందే ||
ఇటువంటి మధురమైన బాల్య లీలల ద్వారా గోకులవాసులందరినీ ఆనంద సాగరంలో ముంచెత్తినవాడు, తన ఐశ్వర్య జ్ఞానం (భగవత్ తత్త్వం) తెలిసిన జ్ఞానుల కంటే భక్తులకే తాను లోబడతానని నిరూపించిన ఆ దామోదరునికి ప్రేమాపూర్వకంగా వందల సార్లు నమస్కరిస్తున్నాను.
4
వరం దేవ మోక్షం న మోక్షావధిం వా
న చాన్యం వృణే ఽహం వరేషాదపీహ |
ఇదం తే వపుర్నాథ గోపాలబాలం
సదా మే మనస్యవిరాస్తాం కిమన్యైః ||
ఓ దేవా! నువ్వు సమస్త వరాలను ఇచ్చేవాడివైనప్పటికీ... నేను నీ నుండి మోక్షాన్ని గానీ, మోక్షం కంటే గొప్పదైన మరే ఇతర వరాన్ని గానీ కోరుకోవడం లేదు. ఓ నాథా! గోపాల బాలుడివైన నీ ఈ సుందర రూపం ఎల్లప్పుడూ నా మనస్సులో నిలిచి ఉంటే చాలు, నాకు వేరే వరాలతో పనేముంది?
5
ఇదం తే ముఖాంభోజమత్యంతనీలైః
వృతం కుంతలైః స్నిగ్ధరక్తైశ్చ గోప్యా |
ముహుశ్చుంబితం బింబరక్తాధరం మే
మనస్యవిరాస్తాం అల లక్షలాభైః ||
నల్లటి, మృదువైన, ఎర్రటి కాంతులు గల ముంగురుల చేత ఆవరించబడినది, దొండపండు లాంటి పెదవులు కలది, యశోదమ్మ చేత పదే పదే ముద్దాడబడినది అయిన నీ ముఖ పద్మం ఎల్లప్పుడూ నా హృదయంలో ప్రకాశించుగాక! ఇది లభిస్తే నాకు లక్షల కొద్దీ ఇతర లాభాలతో పనిలేదు.
6
నమో దేవ దామోదరానంత విష్ణో
ప్రసీద ప్రభో దుఃఖజాలాబ్ధిమగ్నమ్ |
కృపాదృష్టివృష్ట్యాతిదీనం బతాను-
గృహాణేశ మామజ్ఞమేధ్యక్షిదృశ్యః ||
ఓ దేవా! దామోదరా! అనంతా! విష్ణో! ఓ ప్రభో! నాపై ప్రసన్నుడవు కా వయ్యా. సంసారమనే దుఃఖ సాగరంలో మునిగిపోయి, జ్ఞానం లేక దీనుడిగా ఉన్న నన్ను నీ కరుణా కటాక్ష వీక్షణాలతో అనుగ్రహించు. నా కళ్ళకు సాక్షాత్కరించు స్వామీ!
7
కుబేరాత్మజౌ బద్ధమూర్త్యైవ యద్వత్
త్వయా మోచితౌ భక్తిభాజౌ కృతౌ చ |
తథా ప్రేమభక్తిం స్వకాం మే ప్రయచ్ఛ
న మోక్షే గ్రహో మే ఽస్తి దామోదరేహ ||
రోటికి బంధించబడిన రూపంలోనే ఉంటూ... మద్ది చెట్లుగా పడి ఉన్న కుబేరుని కుమారులైన నలకుబర, మణిగ్రీవులను శాపవిముక్తులను చేసి, వారికి నీ భక్తిని ఎలా ప్రసాదించావో, అలాగే నాకు కూడా నీపై అనన్యమైన ప్రేమ భక్తిని ప్రసాదించు. ఓ దామోదరా! నాకు కేవలం మోక్షం పొందాలనే కోరిక ఏమాత్రం లేదు, నీ భక్తే చాలు.
8
నమస్తే ఽస్తు దామ్నే స్ఫురద్దీప్తిధామ్నే
త్వదీయోదరాయాథ విశ్వస్య ధామ్నే |
నమో రాధికాయై త్వదీయప్రియాయై
నమో ఽనంతలీలాయ దేవాయ తుభ్యమ్ ||
ప్రకాశవంతమైన తేజస్సు గల, నీ పొట్టకు కట్టబడిన ఆ తాడుకు నమస్కారం. బ్రహ్మాండాలన్నింటికీ నిలయమైన నీ ఉదరానికి (పొట్టకు) నమస్కారం. నీకు అత్యంత ప్రియమైన శ్రీ రాధారాణికి నమస్కారం. అనంతమైన లీలలు ప్రదర్శించే ఓ దివ్య పురుషుడా, నీకు ఇవే మా నమస్కారాలు.
*ఫల శృతి:*
కార్తికే నరకస్యాపి నాశనం పఠతాం నృణామ్ |
దామోదరాష్టకం పుణ్యం సర్వపాపహరం పరమ్ || 1 ||
ఏతత్ స్తోత్రం పఠేన్నిత్యం కార్తికే దామోదరాగ్రతః |
ప్రదీపం ప్రజ్వల్య ముదా తస్య ముక్తిర్న సంశయః || 2 ||
ప్రేమభక్తిం హరౌ లబ్ధ్వా జీవన్ముక్తో భవేన్నరః |
విష్ణులోకమవాప్నోతి పునరావృత్తివర్జితమ్ || 3 ||
****************************************
శ్రీ గోవింద నారాయణ మహాదేవ 🙏
#హరే కృష్ణ #🦚 హరే కృష్ణ 🦚
