ഇംഗ്ലീഷ് അറിയില്ല; അമേരിക്കയില് 7248 ട്രക്ക് ഡ്രൈവര്മാരുടെ പണി പോയി: ഭൂരിഭാഗവും ഇന്ത്യക്കാര്
⭕💢⭕💢⭕💢⭕💢⭕💢
വിജയിക്കാത്തതിനെ തുടർന്ന് അമേരിക്കയില് 7248 ട്രക്ക് ഡ്രൈവർമാരെ ജോലിയില് നിന്നും പുറത്താക്കി.
‘2025 ഒക്ടോബർ വരെ 7248 കമേഴ്സ്യല് ട്രക്ക് ഡ്രൈവർമാരെ ഇംഗ്ലീഷ് പ്രാവീണ്യ പരീക്ഷകളില് പരാജയപ്പെട്ടതിന് ‘ഔട്ട് ഓഫ് സർവീസ്’ (പുറത്താക്കല്) നടപടിയിലൂടെ ഡ്രൈവിംങ് ലൈസന്സ് റദ്ദാക്കി’ ദേശീയ മാധ്യമങ്ങള് റിപ്പോർട്ട് ചെയ്യുന്നു. ഇതില് ഭൂരിഭാഗവും പഞ്ചാബിലും ഹരിയാനയിലുമുള്ള ഇന്ത്യൻ ഉത്ഭവമുള്ള സിഖ് ഡ്രൈവർമാരാണ്.
അമേരിക്കൻ ട്രക്ക് വ്യവസായ മേഖലയില് 130000 മുതല് 150000 വരെ സിഖ് തൊഴിലാളികള് ഉണ്ടെന്നാണ് നോർത്ത് അമേരിക്കൻ പഞ്ചാബി ട്രക്കേഴ്സ് അസോസിയേഷൻ (NAPTA) വ്യക്തമാക്കുന്നത്. പുതുതായി സ്വീകരിച്ച റോഡ് സുരക്ഷ ഉറപ്പാക്കാനുള്ള ട്രംപ് ഭരണകൂടത്തിന്റെ നയത്തിന്റെ ഭാഗമാണെന്നാണ് അധികൃതർ വ്യക്തമാക്കുന്നത്. എന്നാല് ഇത് ഇന്ത്യയില് നിന്നുള്ള കുടിയേറ്റ തൊഴിലാളികളെ അന്യായമായി ലക്ഷ്യമിടുന്നുവെന്ന വിമർശനവും ശക്തമാകുന്നു.
അമേരിക്കൻ ഗതാഗത വകുപ്പിന്റെ (DOT) 49 CFR 391.11(b)(2) നിയമപ്രകാരം, 1988 മുതല് കമേഴ്സ്യല് ഡ്രൈവേഴ്സ് ലൈസൻസ് (CDL) ഉടമകള്ക്ക് റോഡ് സൈനുകള് വായിക്കാനും പൊതുജനങ്ങളുമായി സംസാരിക്കാനും അധികൃതരുമായി ആശയവിനിമയം നടത്താനും ഇംഗ്ലീഷ് അറിയണം. 2016-ല് ഒബാമ ഭരണകൂടത്തിന്റെ മെമ്മോയിലൂടെ ഈ നിയമം അനൗപചാരികമായി ലളിതമാക്കിയിരുന്നു. പക്ഷേ 2025 ജൂണില് ട്രംപിന്റെ എക്സിക്യൂട്ടീവ് ഓർഡറിലൂടെ നിയമം വീണ്ടും ശക്തമായി തന്നെ കൊണ്ടുവന്നു.
ജൂണ് 25 മുതല് ഫെഡറല് മോട്ടോർ കാരിയർ സേഫ്റ്റി അഡ്മിനിസ്ട്രേഷൻ (FMCSA) റോഡ് സൈഡ് പരിശോധനകളില് ഇംഗ്ലീഷ് ടെസ്റ്റുകള് നടത്തി, പരാജയപ്പെട്ടവരെ ഉടൻ തന്നെ പുറത്താക്കുകയായിരുന്നു. ഒക്ടോബർ വരെ FMCSA ഡാറ്റയനുസരിച്ച് 5006-ലധികം ലംഘനങ്ങള് രേഖപ്പെടുത്തി. ജൂലൈയില് 1,500 ആയിരുന്നത് സെപ്റ്റംബറോടെ ഇരട്ടിയായി വർധിച്ചു. ടെക്സാസും അരിസോണയും പോലുള്ള സംസ്ഥാനങ്ങളില് ഏറ്റവും കൂടുതല് ലംഘനങ്ങള് റിപ്പോർട്ട് ചെയ്തു.
അമേരിക്കൻ ട്രക്ക് വ്യവസായത്തില് പഞ്ചാബില് നിന്നും ഹരിയാനയില് നിന്നുമുള്ള ഒന്നര ലക്ഷത്തില് അധികം പേരാണുള്ളത്. “194000 അന്റി-ഡൊമിസൈല്ഡ് (ഇനിഷ്യല്) ഡ്രൈവർമാരെ തൊഴിലില് നിന്ന് നീക്കം ചെയ്യാനുള്ള ശ്രമമാണ്, ഇത് ഇമിഗ്രന്റുകളെ അന്യായമായി ലക്ഷ്യമിടുന്നു.” സിഖ് സംഘടന അധികൃതർ പറയുന്നു. ഈ പുറത്താക്കലുകള് ആളുകളെ വലിയ രീതിയില് ബാധിക്കുന്നുവെന്നും അവർ കൂട്ടിച്ചേർക്കുന്നു.
⭕💢⭕💢⭕💢⭕💢⭕💢
#ഇന്നത്തെ പ്രധാന വാർത്തകൾ #ഫ്ലാഷ് ന്യൂസ് 📯📯📯 #അമേരിക്ക #ഇന്ത്യക്കാർ😪😪
