inspirational people

తల్లి కోరిక కోసం 'నీట్' రాసిన 71 ఏళ్ల వృద్ధుడు. కలలు కనడానికి, వాటిని నిజం చేసుకోవడానికి వయసు అడ్డంకి కాదని నిరూపించారు లక్నోకు చెందిన అశోక్ బహార్. తనను డాక్టరుగా చూడాలన్న తల్లి ఆఖరి కోరికను నెరవేర్చడానికి ఆయన 71 ఏళ్ల వయసులో #NEET కు హాజరయ్యారు. కుర్రాళ్ల మధ్య కూర్చొని పరీక్ష రాసిన ఆయన పట్టుదల అందరికీ స్ఫూర్తిదాయకం. ఓడిపోయామని ఆగిపోయే వారికి, వయసు అయిపోయిందని ఆశలు వదులుకునే వారికి ఈ పెద్దాయన కథ ఓ పెద్ద ఇన్స్పిరేషన్. Super Sir 👏🏻👏🏻🥰 #తెలుసుకుందాం #💪Never Give Up #inspirational people #inspirational people around the globe

వయసు అరవై దాటిందంటే చాలు.. ఇక విశ్రాంతి తీసుకోవాలి, పిల్లలపై ఆధారపడాలి, ఇంటికే పరిమితం కావాలి అనేవి మన సమాజంలో వినపడే సాధారణ మాటలు. కానీ, మహారాష్ట్రలోని కరాడ్-ఉండలే రహదారులపై ఆటో నడుపుతున్న 65 ఏళ్ల మంగళ అవలే (అందరూ ప్రేమగా పిలుచుకునే మంగళ ఆజీ) ఈ మూస పద్ధతులను తుడిచిపెట్టేస్తున్నారు. ఆమె చేతిలో ఉన్న ఆటో స్టీరింగ్ కేవలం వాహనాన్ని మాత్రమే కాదు, వృద్ధాప్యంలో తన ఆత్మగౌరవాన్ని కూడా నడిపిస్తోంది. బాధ్యతల బాటలో ఒంటరి పోరాటం మంగళ గారి జీవితం ఎప్పుడూ పూలబాట కాదు. చిన్న వయసులోనే భర్తను కోల్పోయిన ఆమె, నలుగురు పిల్లలను పెంచి పోషించే బాధ్యతను భుజాన వేసుకున్నారు. ఓ సామాన్య కూలీగా కష్టపడి, చెమటోడ్చి తన పిల్లలను ప్రయోజకులను చేశారు. నేడు ఆమె కుమారుడు రాష్ట్ర రోడ్డు రవాణా సంస్థ (MSRTC)లో డ్రైవర్‌గా పనిచేస్తుండగా, కుమార్తెలకు వివాహాలు జరిగాయి. బాధ్యతలన్నీ తీరిపోయి, విశ్రాంతి తీసుకోవాల్సిన సమయంలో ఆమె మరో వినూత్న నిర్ణయం తీసుకున్నారు. ఖాళీగా కూర్చోవడం నా వల్ల కాలేదు.." చాలామంది ఈ వయసులో తమ ఆర్థిక అవసరాల కోసం పిల్లలపై ఆధారపడతారు. కానీ మంగళ గారు అలా అనుకోలేదు. ఆమెకు డయాబెటిస్ వంటి ఆరోగ్య సమస్యలు ఉన్నా, తన మందుల ఖర్చులకు, తన కొడుకు ఇంటి అవసరాలకు తన వంతు సాయం అందించాలని నిశ్చయించుకున్నారు. > **"నేను ఇంట్లోనే ఉండేదాన్ని, కానీ ఖాళీగా కూర్చోవడం ఎవరికీ ఉపయోగపడదని నాకు అర్థమైంది. అందుకే నా కొడుకు మార్గదర్శకత్వంలో ఆటో నడపడం నేర్చుకున్నాను. నా నిర్ణయం చాలా గొప్ప మార్పును ఇచ్చింది."** అని ఆమె గర్వంగా చెబుతారు. 15 రోజుల్లోనే ఆటో డ్రైవర్‌గా.. కుమారుడి ప్రోత్సాహంతో కేవలం 15 రోజుల్లోనే ఆటో నడపడంలో మెళకువలు నేర్చుకున్నారామె. ఉదయం 9 గంటల నుండి సాయంత్రం 6 గంటల వరకు కరాడ్–ఉండలే మార్గంలో ప్రయాణికులను గమ్యస్థానాలకు చేరుస్తున్నారు. రోజుకు 500 నుండి 700 రూపాయల వరకు సంపాదిస్తున్నారు. ఈ సంపాదన ఆర్థికంగా చిన్నదే కావొచ్చు, కానీ అది ఆమెకు ఇచ్చే ఆత్మతృప్తి వెలకట్టలేనిది. సమాజపు అడ్డంకులను అధిగమించి.. గ్రామీణ ప్రాంతాల్లో ఒక వృద్ధురాలు ఆటో నడపడం అనేది సామాన్య విషయం కాదు. మొదట్లో లైసెన్స్ విషయంలో కొన్ని ఇబ్బందులు ఎదురైనా, నిబంధనలకు గౌరవిస్తూ చట్టబద్ధంగా లైసెన్స్ పొంది డ్రైవింగ్ కొనసాగిస్తున్నారు. తోటి డ్రైవర్లు కూడా ఆమె పట్ల ఎంతో గౌరవంతో ఉంటారు. "ఆజీని (అమ్మమ్మను) వెళ్లనివ్వండి" అంటూ దారి ఇస్తూ ఆమెకు మద్దతుగా నిలుస్తారు. ప్రయాణికులు కూడా ఆమె పట్టుదలను చూసి అబ్బురపోతుంటారు. మంగళ ఆజీ కథ కేవలం ఒక మహిళా డ్రైవర్ కథ మాత్రమే కాదు. అది వయసుతో సంబంధం లేకుండా 'నిరంతరం కదలాలి' అనే జీవన సత్యాన్ని చాటిచెబుతోంది. ధైర్యం చూపిస్తే ఏ వయసులోనైనా కొత్త జీవితాన్ని ప్రారంభించవచ్చని ఆమె నిరూపిస్తున్నారు. ఆమె జీవితం నేటి తరానికి ఇచ్చే సందేశం ఒక్కటే: స్వయంకృషికి వయసుతో పనిలేదు, సంకల్పం ఉంటే ఏదైనా సాధ్యమే!" #inspirational people #hard work #dream big and work hard #motivational #మోటివేషన్ స్టోరీస్

ప్రతీ సంవత్సరం రిపబ్లిక్ డే కి ముందు అనౌన్స్ చేసే పద్మ అవార్డుల్లో బాగా ఇంట్రెస్టింగ్ గా స్ఫూర్తిదాయకంగా అనిపించిన అవార్డ్ గ్వాలియర్ కి చెందిన "మంగళ కపూర్" కి ఇచ్చిన పద్మశ్రీ. న్యూస్ లో, వెబ్సైట్ల లో మంగళ మేడమ్ గురించి రాసిన ఆర్టికల్స్ చూసి చాలా సంతోషం గా అనిపించింది . మనదేశం లో తొలిసారిగా ఆసిడ్ దాడి 12 ఏళ్ల వయసున్న మంగళ కపూర్ మీద జరిగింది.ఆరేళ్ల పాటు హాస్పిటల్స్ చుట్టూ తిరిగి 37 సర్జరీలు చేయించుకుంది ఈవిడ బ్రతకడం కోసం. అంటే ఒక ఆడపిల్ల తన టీనేజ్ మొత్తం చదువు ,స్నేహితులు,సరదాలు,కుటుంబం తో కలిసి సంతోషపడే క్షణాలు ..ఇవేమీ లేకుండా కేవలం హాస్పిటల్స్ చుట్టూ తిరుగుతూ బ్రతకడానికి కష్టపడింది. ఎంత దారుణం కదా ఇది. అయినా సరే పట్టుదలగా తను పోగొట్టుకున్నది అస్తమానం తలుచుకోకుండా, సంగీత సాధన చేస్తూ, అందులో సంతోషం వెతుక్కుంటూ శాస్త్రీయ సంగీతం లో డాక్టరేట్ తీసుకుని పాఠాలు కూడా చెప్తున్న ఈవిడ జీవితం నిజం గా పిల్లల పుస్తకాల్లో ఉండాలి. ఎందుకంటే లిటరేచర్ అండ్ ఎడ్యుకేషన్ కేటగిరి లో అవార్డ్ ఇచ్చారు . పుట్టడం,పోవడం మనచేతుల్లో లేదు అనుకుని మధ్య లో ఉండే సమయాన్ని ఎక్కువ భాగం ఊహించనంత నష్టాన్ని కళ్ళతో చూస్తూ ఆ బాధని అనుభవిస్తూ కూడా ఇంత సెలెక్టివ్ గా,పదిమంది మెచ్చుకునేలా తీర్చిదిద్దుకోవడం ఎంత కష్టం. శాస్త్రీయసంగీతం నేర్చుకోవడం మామూలు విషయం కాదే.కరెక్ట్ టీచర్ చేతిలో పడితే,వాళ్ళు చెప్పినట్టు ప్రాక్టీస్ చేయకపోతే గమకాలు ఒక స్ట్రీమ్ లైన్ లో పడతాయి లేదంటే మొత్తం సంగీతమే గందరగోళం అయిపోతుంది. బెనారస్ హిందూ విశ్వవిద్యాలయం లో హిందుస్తానీ శాస్త్రీయ సంగీత ప్రొఫెసర్ గా పనిచేస్తూ అనేకమందికి ఉచితం గా కూడా సంగీతం నేర్పారు ఈవిడ. ఒక్కోసారి జీవితం సంకెళ్ళు ,ముళ్ళ మధ్యలో ఉండిపోతే అవి దాటి మళ్ళీ బ్రతకడం కోసం పోరాటం చెయ్యాల్సి వస్తే ఇదిగో ఇలాంటివారి ప్రయాణం ఒకసారి గుర్తు చేసుకోవాలి అంతే. సర్వైవర్ నుండి స్కాలర్ దాకా వెళ్ళిన మంగళ కపూర్ రోజూ అద్దం లో తన మొహం చూసుకుని నిజం గా బాధపడుతూ కూర్చుంటే ఇవన్నీ సాధించేవారా....జరిగిన నష్టం తలుచుకుంటూ కూర్చుంటే అసలు బ్రతికేవారా...భవిష్యత్ మీద నమ్మకంతో ,ఆశతో లేకపోతే ఇవాళ పద్మశ్రీ దాకా వెళ్ళేవారా..లేదు. మంచి మనసు,సాధించాలనే తపన ఉన్న హృదయం ,మంచి వ్యక్తిత్వం బాహ్య సౌందర్యాన్ని మించిన ఎవరెస్ట్ లాంటిది . వ్యక్తి శక్తి గా మారాలంటే సంకల్పం తో పాటు గట్టి పట్టుదల కావాలి అందుకు మంగళకపూర్ నిదర్శనం.. వీలైతే తెలుగు న్యూస్ చానల్స్,వెబ్సైట్లు, ఇన్స్టాగ్రామ్ లో రీల్స్ చేస్తూ లేటెస్ట్ న్యూస్ అందించేవారు ఇలాంటి వార్తలు అందించండి. ప్రపంచానికి ఒక విజేత నీ మళ్ళీ మళ్ళీ పరిచయం చేస్తే మంచిదే .. #తెలుసుకుందాం #worrior #inspirational people #inspirational people around the globe