ప్రతీ సంవత్సరం రిపబ్లిక్ డే కి ముందు అనౌన్స్ చేసే పద్మ అవార్డుల్లో బాగా ఇంట్రెస్టింగ్ గా స్ఫూర్తిదాయకంగా అనిపించిన అవార్డ్ గ్వాలియర్ కి చెందిన "మంగళ కపూర్" కి ఇచ్చిన పద్మశ్రీ. న్యూస్ లో, వెబ్సైట్ల లో మంగళ మేడమ్ గురించి రాసిన ఆర్టికల్స్ చూసి చాలా సంతోషం గా అనిపించింది . మనదేశం లో తొలిసారిగా ఆసిడ్ దాడి 12 ఏళ్ల వయసున్న మంగళ కపూర్ మీద జరిగింది.ఆరేళ్ల పాటు హాస్పిటల్స్ చుట్టూ తిరిగి 37 సర్జరీలు చేయించుకుంది ఈవిడ బ్రతకడం కోసం. అంటే ఒక ఆడపిల్ల తన టీనేజ్ మొత్తం చదువు ,స్నేహితులు,సరదాలు,కుటుంబం తో కలిసి సంతోషపడే క్షణాలు ..ఇవేమీ లేకుండా కేవలం హాస్పిటల్స్ చుట్టూ తిరుగుతూ బ్రతకడానికి కష్టపడింది. ఎంత దారుణం కదా ఇది. అయినా సరే పట్టుదలగా తను పోగొట్టుకున్నది అస్తమానం తలుచుకోకుండా, సంగీత సాధన చేస్తూ, అందులో సంతోషం వెతుక్కుంటూ శాస్త్రీయ సంగీతం లో డాక్టరేట్ తీసుకుని పాఠాలు కూడా చెప్తున్న ఈవిడ జీవితం నిజం గా పిల్లల పుస్తకాల్లో ఉండాలి. ఎందుకంటే లిటరేచర్ అండ్ ఎడ్యుకేషన్ కేటగిరి లో అవార్డ్ ఇచ్చారు . పుట్టడం,పోవడం మనచేతుల్లో లేదు అనుకుని మధ్య లో ఉండే సమయాన్ని ఎక్కువ భాగం ఊహించనంత నష్టాన్ని కళ్ళతో చూస్తూ ఆ బాధని అనుభవిస్తూ కూడా ఇంత సెలెక్టివ్ గా,పదిమంది మెచ్చుకునేలా తీర్చిదిద్దుకోవడం ఎంత కష్టం. శాస్త్రీయసంగీతం నేర్చుకోవడం మామూలు విషయం కాదే.కరెక్ట్ టీచర్ చేతిలో పడితే,వాళ్ళు చెప్పినట్టు ప్రాక్టీస్ చేయకపోతే గమకాలు ఒక స్ట్రీమ్ లైన్ లో పడతాయి లేదంటే మొత్తం సంగీతమే గందరగోళం అయిపోతుంది. బెనారస్ హిందూ విశ్వవిద్యాలయం లో హిందుస్తానీ శాస్త్రీయ సంగీత ప్రొఫెసర్ గా పనిచేస్తూ అనేకమందికి ఉచితం గా కూడా సంగీతం నేర్పారు ఈవిడ. ఒక్కోసారి జీవితం సంకెళ్ళు ,ముళ్ళ మధ్యలో ఉండిపోతే అవి దాటి మళ్ళీ బ్రతకడం కోసం పోరాటం చెయ్యాల్సి వస్తే ఇదిగో ఇలాంటివారి ప్రయాణం ఒకసారి గుర్తు చేసుకోవాలి అంతే. సర్వైవర్ నుండి స్కాలర్ దాకా వెళ్ళిన మంగళ కపూర్ రోజూ అద్దం లో తన మొహం చూసుకుని నిజం గా బాధపడుతూ కూర్చుంటే ఇవన్నీ సాధించేవారా....జరిగిన నష్టం తలుచుకుంటూ కూర్చుంటే అసలు బ్రతికేవారా...భవిష్యత్ మీద నమ్మకంతో ,ఆశతో లేకపోతే ఇవాళ పద్మశ్రీ దాకా వెళ్ళేవారా..లేదు. మంచి మనసు,సాధించాలనే తపన ఉన్న హృదయం ,మంచి వ్యక్తిత్వం బాహ్య సౌందర్యాన్ని మించిన ఎవరెస్ట్ లాంటిది . వ్యక్తి శక్తి గా మారాలంటే సంకల్పం తో పాటు గట్టి పట్టుదల కావాలి అందుకు మంగళకపూర్ నిదర్శనం.. వీలైతే తెలుగు న్యూస్ చానల్స్,వెబ్సైట్లు, ఇన్స్టాగ్రామ్ లో రీల్స్ చేస్తూ లేటెస్ట్ న్యూస్ అందించేవారు ఇలాంటి వార్తలు అందించండి. ప్రపంచానికి ఒక విజేత నీ మళ్ళీ మళ్ళీ పరిచయం చేస్తే మంచిదే .. #తెలుసుకుందాం #worrior #inspirational people #inspirational people around the globe

#తెలుసుకుందాం #Inspiration #inspirational people #inspirational people around the globe #good job ఈ పిల్లల పేర్లు ఇందు, మౌనిక ఇద్దరి వయసు 8 ఏళ్ల లోపే..☺️🤗 ఇద్దరు ఒకే ఊరిలో ప్రభుత్వ పాఠశాలలో విద్యార్థులు. మా గ్రామంలో పెట్టిన సంక్రాంతి ముగ్గుల పోటీల్లో పాల్గొని మమ్మల్ని ఆశ్చర్యానికి గురిచేశారు. పెద్దలు పాల్గొనే పోటీల్లో తాము కూడా పోటీ పడగలమని ముందుకు రావడం వారిలోని ఆత్మవిశ్వాసానికి నిదర్శనం. గెలుపు ఓటముల కంటే, కళ మీద వారిమీద వారికీ ఉన్న విశ్వాసం చాలా గొప్పది. నేటి ఆధునిక కాలంలో పిల్లలు ఫోన్లు, వీడియో గేమ్స్ కే పరిమితమవుతున్నారు. కానీ ఊరిలోని ఈ చిచ్చరపిడుగులు నేల మీద రంగులతో అద్భుతాలు చేస్తూ పోటీ తత్త్వాన్ని కలిగి ఉండాలని, మన సంస్కృతి సాంప్రదాయలను, తెలుగువారి వారసత్వాన్ని కాపాడాలని తెలిజేసారు. వీళ్ళ ముగ్గుల్లో కేవలం చుక్కలు, గీతలే కాకుండా.. గాలిపటాలు, పువ్వులు, భారత జెండా వంటి చిత్రాలను వారు వేసిన తీరు వారి సృజనాత్మకతను (Creativity) బట్టి వారికున్న సామాజిక, దేశభక్తి తెలియజేస్తోంది. ముగ్గు వేయడం అంటే అంత సులభం కాదు. వంగి కూర్చుని, రంగులను పొదుపుగా వాడుతూ, ఆకృతులను తీర్చిదిద్దడం కోసం ఎంతో ఏకాగ్రత, ఓర్పు కావాలి. ఇంత చిన్న వయసులోనే వారు ఆ పట్టుదలని ప్రదర్శించారు. ఇంత చిన్న వయసులోనే మన సంప్రదాయ కళ అయిన ముగ్గుల పట్ల ఆ పిల్లలు చూపిస్తున్న ఆసక్తి నిజంగా అభినందనీయం. ఆ చిన్నారుల చిరునవ్వులు, వారి చేతి ముగ్గులు ఈసారి మా పోటీలకు మాత్రమే కాదు ఊరికే ఒక కొత్త స్పూర్తి, వెలుగును ఇచ్చాయి. ఇలాంటి పిల్లలని మనం ప్రోత్సహిస్తే, రేపటి తరం కూడా మన కళలను మరచిపోకుండా ముందుకు తీసుకెళ్తుంది. మన దేశ సంస్కృతి సాంప్రదాయాలు ఎల్లప్పుడూ ఇలాగే ఉండాలంటే మనం అందరం మన పిల్లలకు ఆచార వ్యవహారాలను బాగా అలవాటు చేయాల్సిన బాధ్యత పూర్తిగా మనపై ఉందనే విషయాన్ని బాగా గుర్తుపెట్టుకోండి. ఆ చిన్నారులకు మా ఆశీస్సులు అందజేస్తూ.. మీ అందరికీ.. మకర సంక్రాంతి పండుగ శుభాకాంక్షలు..💐☀️💐 జై శ్రీ కృష్ణ 🙏 #MakaraSankranti #sankrantifestival #Muggulu

AD #bjpindia

🔥🔥🔥 🧿 Repost 🧿🔥🔥🔥 ప్రదీప్‌ మెహ్రా ఇతని గురించి మీ అందరికి తెలిసే ఉంటుంది. కానీ ఈ ప్రదీప్ మెహ్రా నుండి మన పిల్లలు నేర్చుకోవాల్సింది ఏమిటి? స్కూల్‌కు ఏసి బస్‌. అడిగిన వెంటనే షూస్‌. కోరిన సీట్‌ రాకపోయినా డొనేషన్‌ సీట్‌. ఉద్యోగానికి తెలిసిన మిత్రుడి కంపెనీలో రికమండేషన్‌. పిల్లలు వారి శక్తి వారు ఎప్పుడు తెలుసుకోవాలి?* కుటుంబానికి సమాజానికి శక్తిగా ఎప్పుడు నిలబడాలి ? కష్టాలను ఎదుర్కొనడమూ, ప్రతికూలతను జయించడమూ జీవితమే" అని ఎప్పుడు తెలుసుకోవాలి. పిల్లల్ని గారం చేసి బొత్తిగా బలహీనులను చేస్తున్నామా? నోయిడాలో అర్ధరాత్రి 10 కిలోమీటర్లు పరిగెడుతూ యువతకు సందేశం ఇచ్చిన ప్రదీప్‌ మెహ్రా నుంచి.. మన పిల్లలు నేర్చుకోవాల్సింది ఏమిటి? ముందు ప్రదీప్‌ మెహ్రా గురించి తెలుసుకొని మళ్లీ మన పిల్లల దగ్గరకు వద్దాం. మొన్నటి శనివారం రోజు. అర్ధరాత్రి.. ఢిల్లీ సమీపంలో ఉండే నోయిడా. సినిమా దర్శకుడు వినోద్‌ కాప్రి తన కారులో వెళుతుంటే ఒక యువకుడు బ్యాక్‌ప్యాక్‌తో పరిగెడుతూ వెళుతున్నాడు.* *అయితే అతడు అర్జెంటు పని మీద పరిగెడుతున్నట్టుగా లేడు. ఒక వ్యాయామంగా పరిగెడుతున్నట్టున్నాడు. వినోద్‌ కాప్రికి ఆశ్చర్యం వేసింది... ఈ టైమ్‌లో ఈ కుర్రాడు ఎందుకు పరిగెడుతున్నాడు అని. కారులో అతణ్ణే ఫాలో అవుతూ అద్దం దించి మాట్లాడుతూ అదంతా వీడియో రికార్డ్‌ చేశాడు. 👉 *'ఎందుకు పరిగెడుతున్నావ్‌?'* *🏃‍♂️'వ్యాయామం కోసం'* 🌹 *'ఈ టైమ్‌లోనే ఎందుకు?'* 🏃‍♂️ *'నేను మెక్‌డోనాల్డ్స్‌లో పని చేస్తాను. వ్యాయామానికి టైం ఉండదు. అందుకని ఇలా రాత్రి డ్యూటీ అయ్యాక పరిగెడుతూ నా రూమ్‌కు చేరుకుంటాను'* 🌹 *'నీ రూమ్‌ ఎంతదూరం?'* 🏃‍♂️ *'10 కిలోమీటర్లు ఉంటుంది'* 🌹 *'అంత దూరమా? కారెక్కు. దింపుతాను'* 🏃‍♂️ *'వద్దు. నా ప్రాక్టీసు పోతుంది'* 🌹 *ఇంతకీ ఎందుకు వ్యాయామం?'* 🕴️ *'ఆర్మీలో చేరడానికి'* ఆ సమాధానంతో వినోద్‌ కాప్రి ఎంతో ఇంప్రెస్‌ అయ్యాడు. ఇంతకీ ఆ అబ్బాయి పేరు ప్రదీప్‌ మెహ్రా. వయసు 19. ఊరు ఉత్తరాఖండ్‌ అల్మోరా. నోయిడాలోని బరోలాలో తన అన్న పంకజ్‌తో కలిసి రూమ్‌లో ఉంటున్నాడు. తల్లి సొంత ఊరిలో జబ్బు పడి ఆస్పత్రిలో ఉంది. తండ్రి ఆమెకు తోడుగా ఉన్నారు. అన్నదమ్ములు నగరానికి వచ్చి కష్టపడుతున్నారు. ప్రదీప్‌కు ఆర్మీలో చేరాలని కోరిక. ఆ లోపు బతకడానికి నోయిడా సెక్టార్‌ 16లో ఉండే మెక్‌డొనాల్డ్స్‌లో చేరాడు. ఉదయం నుంచి రాత్రి వరకూ డ్యూటీ. మళ్లీ వంట పని. వీటి వల్ల వ్యాయామానికి టైమ్‌ ఉండదు. అందువల్ల ప్రతిరోజూ డ్యూటీ అయ్యాక (రాత్రి 10.40కి) బ్యాక్‌ప్యాక్‌ తగిలించుకుని బరోలా వరకు పరుగు మొదలెడతాడు. 'కనీసం కలిసి భోం చేద్దాం రా' అని వినోద్‌ కాప్రి అడిగితే ప్రదీప్‌ మెహ్రా చెప్పిన జవాబు 'వద్దు. రూమ్‌లో అన్నయ్య ఎదురు చూస్తుంటాడు. నేను వెళ్లి వండకపోతే పస్తు ఉండాల్సి వస్తుంది. వాడికి నైట్‌ డ్యూటీ' అన్నాడు. వినోద్‌ కాప్రి ఈ వీడియోను ఆదివారం ట్విట్టర్‌లో పోస్ట్‌ చేస్తే గంటల వ్యవధి లో 40 లక్షల మంది చూశారు. ప్రదీప్‌ను ప్రశంసలతో దీవెనలతో ముంచెత్తారు. ఆర్మీ నుంచి రైటర్‌ అయిన ఒక ఉన్నతాధికారి ప్రదీప్‌ ఆర్మీలో చేరడానికి తాను ట్రైనింగ్‌ ఇప్పిస్తానన్నాడు. ఒక సినిమా నిర్మాత వెంటనే ప్యూమా నుంచి బూట్లు, బ్యాక్‌ప్యాక్‌ బ్యాగ్‌ పంపించాడు. ఆనంద్‌ మహీంద్ర అయితే 'ఇలాంటి వాళ్లే నా సోమవారం రోజును ఉత్సాహంగా మొదలెట్టిస్తారు' అని ట్వీట్‌ చేశాడు. 'ఈ కాలపు పిల్లలు ఇతణ్ణి చూసి నేర్చుకోవాల్సింది చాలా ఉంది' అన్నారు ఎందరో. నిజం. తప్పక నేర్చుకోవాల్సింది ఉంది. 👉 ప్రదీప్‌ మెహ్రా నుంచి మన పిల్లలు నేర్చుకోవాల్సింది ఏమిటి? 🎁 1. లక్ష్యం కలిగి ఉండటం: ప్రదీప్‌ మెహ్రాకు ఒక లక్ష్యం ఉంది. తనకేం కావాలో అతడు నిశ్చయించుకున్నాడు. కాని అందుకు ఎన్నో ఆటంకాలు, బాధ్యతలు అడ్డుగా నిలిచి ఉన్నాయి. వాటిని తృణీకరించకుండా, నిర్లక్ష్యం చేయకుండా ఆ లక్ష్యాన్ని చేరుకోవాలని అతడు నిశ్చయించుకున్నాడు. 🎁 2. చిత్తశుద్ధి: లక్ష్యం కలిగి ఉండటమే కాదు. దానిని చేరుకునే చిత్తశుద్ధి కూడా ఉండాలి. ప్రదీప్‌ తన రొటీన్‌ను ఏ మాత్రం మార్చుకోవడం లేదు. ఉదయాన్నే లేచి వంట, మళ్లీ రాత్రి రూమ్‌కు వెళ్లి వంట, మధ్యలో డ్యూటీ... ఇవన్నీ చేస్తూ పరుగు. రోజూ రాత్రిళ్లు అతడు పరిగెడుతుంటే ఎందరో లిఫ్ట్‌ ఇస్తామని అడుగుతారు. ఈ ఒక్కరోజు బండెక్కుదాం అని అనుకోకుండా పరుగెడుతున్నాడు. దర్శకుడు వినోద్‌ కాప్రి అడిగినా అతడు కారు ఎక్కలేదు. 🎁 3. కుటుంబం ముఖ్యం: ప్రదీప్‌కు కుటుంబం ముఖ్యం అనే బాధ్యత ఉంది. కుటుంబం పట్ల ఎంతో ప్రేమ ఉంది. అన్న పట్ల అనురాగం ఉంది. అన్న పస్తు ఉండకుండా త్వరగా వెళ్లి వంట చేయాలని ఉంది. ఆర్మిలో చేరి కుటుంబాన్ని ఆదుకోవాలని ఉంది. ఈ దృష్టి ముఖ్యం. 🎁 4. ఆకర్షణలకు లొంగకపోవడం: గత 24 గంటల్లో ప్రదీప్‌ స్టార్‌ అయిపోయాడు. ఎన్నో ఫోన్లు వస్తున్నాయి. మీడియా వెంటపడుతోంది. ప్రదీప్‌ వయసున్న కుర్రాళ్లు తబ్బిబ్బయ్యి ఆ ఊపులో కొట్టుకుని పోవచ్చు. కాని 'నన్ను డిస్ట్రబ్‌ చేయకండి. పని చేసుకోనివ్వండి' అన్నాడు ప్రదీప్‌. 🎁 5. కష్టేఫలీ: 'మిడ్‌నైట్‌ రన్నర్‌'గా కొత్త హోదా పొందాక 'నువ్వు ఇచ్చే సందేశం' అని అడిగితే 'కష్టపడాలి. కష్టపడితే లోకం తల వొంచుతుంది' అని జవాబు చెప్పాడు. 👉 పిల్లలను పూర్తి కంఫర్ట్‌ జోన్‌లో పెట్టాలని తల్లిదండ్రులు ఆరాటపడటంలో తప్పు లేదు. కాని సవాళ్లను ఎదుర్కొని, ఎదురుదెబ్బలకు తట్టుకుని, ప్రతికూలతలను అనుకూలంగా మార్చుకుని, విలువలు కోల్పోకుండా కష్టపడి పైకి రావాలని పిల్లలకు చెప్పడానికి ప్రదీప్‌ మెహ్రాకు మించిన సజీవ ఉదాహరణ లేదు. #😃మంచి మాటలు #తెలుసుకుందాం #motivation #inspirational people #inspirational