🔱 സനാതന ധർമ്മം 🕉️

ആർഷവിദ്യാസമാജത്തിന്റെ സേവന-ശാക്തീകരണ- സംരക്ഷണ പ്രവർത്തനങ്ങൾ സമൂഹത്തിൻ്റെ അടിത്തട്ടിലേക്ക് എത്തിക്കുക എന്ന ദൗത്യത്തിൽ കാര്യക്ഷമമായി പ്രവർത്തിക്കുവാൻ താത്പര്യമുള്ള സജ്ജനങ്ങളെ ക്ഷണിക്കുന്നു!!! രണ്ട് തരം പ്രവർത്തകരെയാണ് തേടുന്നത് 1:FULL TIME WORKERS 2)PART TIME WORKERS *A) FULL TIME WORKERS* *ഫുൾ ടൈം പ്രവർത്തകർക്കായിരിക്കും മുൻഗണന.* എന്നാൽ പാർട്ട് ടൈം പ്രവർത്തിക്കാൻ താത്പര്യപ്പെട്ട് വരുന്നവരുടെ അപേക്ഷകളും സ്വീകരിക്കുന്നതാണ്. അത് മെസേജിലോ ഗൂഗിൾഫോമിലോ പ്രത്യേകം രേഖപ്പെടുത്തണം. *18-നും 65-നും ഇടയിൽ പ്രായമുള്ള ആർക്കും സ്ത്രീ-പുരുഷ ഭേദമെന്യേ അപേക്ഷിക്കാവുന്നതാണ്!!* താത്പര്യം, യോഗ്യത, അറിവ്, ഗുണങ്ങൾ,കഴിവ് എന്നിവ പരിഗണിച്ച് സന്നദ്ധസേവകർ,എജ്യൂക്കേഷൻ ആൻഡ് സർവീസ് കോഡിനേറ്റർമാരെ (ESC), സംയോജകർ, ധർമ്മ പ്രചാരകർ എന്നീ നിലകളിലായിരിക്കും നിയമനം. *അപേക്ഷകരെ വീഡിയോ കോൺഫറൻസ് / നേരിട്ട് ഇൻറർവ്യൂ നടത്തും.* *പരിശീലനം:* തെരഞ്ഞെടുക്കപ്പെടുന്നർവർക്ക് ഒരു മാസം വിദഗ്ദ്ധ പരിശീലനം നൽകും. ഹിന്ദി / ഇംഗ്ലീഷ് / കന്നട മലയാളം ഭാഷകളിലായിരിക്കും തൽക്കാലം ക്ലാസ്സുകൾ. ട്രെയ്നിംഗ് കാലയളവിൽ ലീവ് അനുവദിക്കുന്നതല്ല. ഭക്ഷണം, താമസം, ജോലിസംബന്ധമായ യാത്ര എന്നിവ സൗജന്യമായിരിക്കും. *നിയമനം:* പരിശീലനത്തോടൊപ്പമുള്ള വിവിധ പരിശോധനാരീതികളിലും പരീക്ഷകളിലും മികച്ച അച്ചടക്കവും പെർഫോർമൻസും പ്രകടിപ്പിക്കുന്നവർക്ക് മാത്രമായിരിക്കും നിയമനം!! അവർക്ക് സജ്ജനങ്ങളുടെ സഹായ- സഹകരണങ്ങളോടെ മാന്യമായ സേവന വേതന വ്യവസ്ഥകൾ (ദക്ഷിണ or ഓണറേറിയം ) സജ്ജീകരിക്കും. *Full time പ്രവർത്തകരായി അപേക്ഷിക്കുന്നവർക്ക് വേണ്ട അടിസ്ഥാന യോഗ്യതകൾ* 1. സനാതനധർമത്തോടും ഭാരതീയസംസ്കൃതിയോടുമുള്ള കൂറും പ്രതിബദ്ധതയും 2. സംഘടനാസംവിധാനത്തിൽ ആത്മാർത്ഥമായി അച്ചടക്കത്തോടെ പ്രവർത്തിക്കാനുള്ള സന്നദ്ധത. 3. വ്യക്തിപരവും സാമാജികവുമായ ഗുണങ്ങൾ 4. ലോകത്തിലെവിടെയും പ്രവർത്തിക്കുവാൻ കഴിയുന്ന വിധത്തിൽ സാമാന്യമായ ശാരീരിക-മാനസിക ആരോഗ്യം 5. അടിസ്ഥാന വിദ്യാഭ്യാസം 6. കംപ്യൂട്ടർ,Facebook, Whatsapp, instagram തുടങ്ങിയ social media ഉപയോഗിക്കാനുള്ള അറിവ്, ഭാഷാനൈപുണ്യം അഭികാമ്യം. *B) PART TIME WORKERS* വീട്ടിലിരുന്നും സനാതനധർമ്മസേവനം നിർവ്വഹിക്കുവാൻ താല്പര്യമുള്ള പാർട്ട് ടൈം പ്രവർത്തകർക്കും സ്വാഗതം! അനുയോജ്യമായ സമയം, സൗകര്യം എന്നിവയനുസരിച്ച് ആർഷവിദ്യാസമാജത്തിൻ്റെ പ്രവർത്തനങ്ങൾ ചെയ്യുവാനാഗ്രഹിക്കുന്നവരേയും (ഉദ്യോഗസ്ഥർ, റിട്ടയേഡ് ആയ വ്യക്തികൾ,വിദ്യാർത്ഥികൾ, വീട്ടമ്മമാർ ) ക്ഷണിക്കുന്നു. ഇതിന് പ്രായപരിധിയില്ല. ഒഴിവുസമയം പോലെ വീട്ടിലോ പ്രവർത്തനസ്ഥലത്തോ നിർവ്വഹിക്കാവുന്ന ചുമതലകളായിരിക്കും അവർക്ക് നൽകുക. *ആർഷവിദ്യാസമാജം നിശ്ചയിക്കുന്ന വ്യവസ്ഥകൾക്കനുസരിച്ചായിരിക്കും നിയമനം!!* *Google registration form link:* https://forms.gle/kgGrCXHLireZcFv86 *അപേക്ഷിക്കുന്നതിനായി മുകളിൽ കാണുന്ന ഗൂഗിൾ ഫോം പൂരിപ്പിക്കുകയോ വിശദമായ ബയോഡാറ്റ 7558926603/ 8943006350 എന്ന നമ്പറിലേയ്ക്ക് അയയ്ക്കുകയോ ചെയ്യുക!* ധർമ്മസേവനയജ്ഞത്തിൽ പങ്കാളികളാകുവാൻ ഏവർക്കും സുസ്വാഗതം...!!! സ്നേഹാദരങ്ങളോടെ, ആർഷവിദ്യാസമാജം🚩 #Dpp #🔱 സനാതന ധർമ്മം 🕉️ #Aacharya Sri Manoj ji #aarshavidyasamajam

ഫെബ്രുവരി 10 : പതഞ്ജലി മഹർഷി അനുസ്മരണദിനം. പതഞ്ജലി മഹർഷി: യോഗദർശനത്തിന്റെ ദിവ്യപ്രകാശം! ഭാരതീയദർശനപരമ്പരയിൽ അനശ്വരനായ മഹർഷിയാണ് ശ്രീപതഞ്ജലി. യോഗശാസ്ത്രത്തിൻ്റെ സ്ഥാപകൻ ശ്രീ പരമേശ്വരൻ്റെ പ്രത്യക്ഷ രൂപമായ ശ്രീ ആദിനാഥൻ (ദക്ഷിണാമൂർത്തി) ആണ്. എന്നാൽ യോഗവിദ്യയുടെ അടിസ്ഥാനത്തിലുള്ള ദർശനം ശാസ്ത്രീയമായി ക്രമീകരിച്ച് ലോകത്തിന് സമർപ്പിച്ച ഋഷിവര്യൻ എന്ന നിലയിലാണ് പതഞ്ജലി പ്രശസ്തനായത്. ആത്മോന്നതിയിലേക്കുള്ള മനുഷ്യയാത്രക്ക് മാർഗദർശിയായ അദ്ദേഹത്തിന്റെ യോഗസൂത്രങ്ങൾ ഇന്നും ആഗോളമായി പഠിക്കപ്പെടുകയും അനുഷ്ഠിക്കപ്പെടുകയും ചെയ്യുന്നു. ഭാരതീയ തത്ത്വചിന്തയുടെ അടിസ്ഥാനമായി കരുതുന്ന ഷഡ്ദർശനങ്ങളിൽ ഒന്നായ യോഗദർശനത്തിന്റെ അടിസ്ഥാനമായ യോഗസൂത്രത്തിൻ്റെ കർത്താവാണ് പതഞ്ജലി മഹർഷി. വേദങ്ങളിലെ മനഃശാസ്ത്ര വിഷയം വിപുലമായി തന്നെ അദ്ദേഹം 'യോഗസൂത്ര'ത്തിൽ വിവരിച്ചിരിക്കുന്നു. ഇന്ന് ഏറെ പ്രചാരം നേടിയിട്ടുള്ള യോഗവിദ്യയുടെ അടിസ്ഥാന ഗ്രന്ഥങ്ങളിൽ ശ്രേഷ്ഠമായ ഒന്നാണ് പതഞ്ജലയോഗസൂത്രം. പാണിനി മഹർഷി എഴുതിയ വിഖ്യാത സംസ്കൃത വ്യാകരണ ഗ്രന്ഥമായ അഷ്ടാധ്യായിക്ക് പതഞ്ജലി മഹർഷി രചിച്ച മഹാഭാഷ്യവും പ്രസിദ്ധമാണ്.ഇത് യോഗസൂത്ര കർത്താവായ പതഞ്ജലി ആണോ എന്ന് വ്യക്തമല്ല. പതഞ്ജലി മഹർഷി ജീവിച്ചിരുന്ന കാലത്തെക്കുറിച്ച് പണ്ഡിതന്മാർക്കിടയിൽ വ്യത്യസ്ത അഭിപ്രായങ്ങളുണ്ട്. ചിലർ അദ്ദേഹത്തിൻ്റെ ജീവിതഘട്ടം BCE 2-ാം നൂറ്റാണ്ടിലും ചിലർ CE 4-ാം നൂറ്റാണ്ടിലുമായാണ് കണക്കാക്കുന്നത്. എന്നാൽ വേദവ്യാസ മഹർഷിക്ക് മുമ്പെയുള്ള ആചാര്യനാണ് പതഞ്ജലി. കാരണം പതഞ്ജലി മഹർഷിയുടെ യോഗസൂത്രങ്ങൾക്ക് വ്യാസമഹർഷി ഭാഷ്യം രചിച്ചിട്ടുണ്ട്. അപ്പോൾ, നിക്ഷിപ്ത താത്പര്യത്തോടു കൂടിയ പശ്ചാത്യ ചരിത്രകാരന്മാർ പറയുന്ന കാലഘട്ടങ്ങൾക്കും വളരെ മുന്നേയുള്ള കാലത്തായിരിക്കണം പതഞ്ജലി മഹർഷി ജീവിച്ചിരുന്നത്! മാനവരെ യോഗമാർഗത്തിലൂടെ മോക്ഷത്തിലേക്ക് നയിക്കാൻ അവതരിച്ച ദിവ്യപുരുഷനായിരുന്നു പതഞ്ജലി മഹർഷി. ചിലർ അദ്ദേഹം, ആദിശേഷൻ്റെ അവതാരം ആണെന്നും വിശ്വസിക്കുന്നു. യോഗസൂത്രം ആത്മവിദ്യയുടെ മഹാശാസ്ത്രഗ്രന്ഥമാണ്. പതഞ്ജലിയുടെ മഹത്തായ സംഭാവനയായ യോഗസൂത്രങ്ങൾ 196 സൂത്രങ്ങളടങ്ങിയതാണ്. ഇത് നാല് പാദങ്ങളായി വിഭജിച്ചിരിക്കുന്നു. 1.സമാധിപാദം: ധ്യാനത്തിന്റെയും ചിത്തവൃത്തിനിരോധനത്തിന്റെയും സിദ്ധാന്തം 2.സാധനാപാദം: യോഗപരിശീലനത്തിന്റെ മാർഗങ്ങൾ 3.വിഭൂതിപാദം: ആദ്ധ്യാത്മിക ശക്തികളും അന്തർബോധവും 4.കൈവല്യപാദം: മോക്ഷത്തിന്റെ അവസ്ഥ യോഗവിദ്യയെ പതഞ്ജലി മഹർഷി ഇങ്ങനെ നിർവചിക്കുന്നു: “യോഗശ്ചിത്തവൃത്തിനിരോധഃ” - മനസ്സിന്റെ ചഞ്ചലതകളുടെയും വികല്പങ്ങളുടെയും നിരോധനമാണ് യോഗം. ചിത്തം സമുദ്രത്തെ (ജലാശയത്തെ) പോലെയാണ്. അലകൾ (ഓളങ്ങൾ) അടങ്ങി, ഒടുങ്ങി ജലാശയസമാനമായ ചിത്തം പ്രശാന്തമാകുമ്പോൾ ഈശ്വരീയമായ അനുഭൂതികൾ സാധകന് ഉണ്ടാകും. അത് മോക്ഷത്തിലേക്ക് നയിക്കും. അഷ്ടാംഗയോഗം ആത്മശുദ്ധിയുടെ എട്ട് പടികൾ. പതഞ്ജലി മഹർഷി നിർദ്ദേശിച്ച യോഗമാർഗം അഷ്ടാംഗയോഗം എന്നറിയപ്പെടുന്നു. യമം,നിയമം, ആസനം (യോഗാസനം), പ്രാണായാമം, പ്രത്യാഹാരം (ഇന്ദ്രിയ സംയമനം), ധാരണ (ഏകാഗ്രത) ധ്യാനം, സമാധി (പരമാനന്ദാനുഭവം) എന്നീ എട്ട് പടികൾ ആത്മശുദ്ധിയിലേക്കുള്ള ക്രമബദ്ധമായ യാത്രയാണ്. ആധുനിക ലോകത്ത് യോഗയുടെ പ്രസക്തി. യോഗവിദ്യ ശാരീരിക ആരോഗ്യത്തിനായി മാത്രമുള്ളല്ല, ശാരീരികവും പ്രാണികവും (പ്രാണപരവും) മാനസികവും ബൗദ്ധികവും ആത്മീയവും സാമാജികവുമായ സ്വാസ്ഥ്യം (സുസ്ഥിതി, ദീർഘായുസ്, പൂർണാരോഗ്യം,സദ്ബുദ്ധി, ശാന്തി, സമാധാനം, സന്തോഷം etc) ഉറപ്പുവരുത്തുന്നതും, ജീവിതശൈലി രോഗങ്ങളെയും മനോജന്യ - ശാരീരിക രോഗങ്ങളെയും പൂർണമായി പരിഹരിക്കാവുന്നതുമായ ദിവ്യശാസ്ത്രമാണ്. കൂടാതെ, സമഗ്ര വ്യക്തിത്വവികസനം, ശ്രേഷ്ഠ സമാജ നിർമ്മാണം, സംപൂർണ്ണ ജീവിതവിജയം (പ്രേയസ്, ശ്രേയസ്), സമൂല പ്രശ്നപരിഹാരം എന്നിവയും യഥാർത്ഥ യോഗവിദ്യയിലൂടെ മാനവർക്ക് ലഭിക്കുന്നു. മഹർഷി പതഞ്ജലിയുടെ ദർശനം കിഴക്കിന്റെ ബ്രഹ്മവിദ്യയെ പാശ്ചാത്യലോകങ്ങളിലേക്കും എത്തിച്ചു. ജൂൺ 21: അന്താരാഷ്ട്രയോഗദിനമായി ആചരിച്ചു തുടങ്ങിയതോടുകൂടി എല്ലാ രാഷ്ട്രങ്ങളിലും യോഗസന്ദേശവും യോഗപരിശീലനവും വ്യാപകമായി പ്രചരിച്ചു തുടങ്ങിയിട്ടുണ്ട്. "യോഗേന ചിത്തസ്യ പദേന വാചാം മലം ശരീരസ്യ ച വൈദ്യകേന യോഽപാകരോത്തം പ്രവരം മുനീനാം പതഞ്ജലിം പ്രാഞ്ജലിരാനതോഽസ്മി" ഈ ശ്ലോകത്തിലൂടെ യോഗസാധകർ, പതഞ്ജലിമഹർഷിയെ വന്ദിക്കുന്നു. വന്ദേ പതഞ്ജലിം യോഗീശ്വരം 🙏🪷🌹🕉️🌹🪷🙏 #yoga #🕉️🕊️ യോഗ 🕊️🕉️ #🔱 സനാതന ധർമ്മം 🕉️ #സനാതന സംസ്കാരം

ഇന്ന് (12/01/2026) ശ്രീമദ് വിവേകാനന്ദജയന്തി (ദേശീയയുവജനദിനം)! (12/01/1863 - 04/07/1902) ആ മഹാത്മാവിന്റെ ജന്മദിനം രാഷ്ട്രം, ദേശീയ യുവജനദിനമായി ആചരിക്കുന്നു! “അമേരിക്കയിലെ എന്റെ സഹോദരീസഹോദരന്മാരേ” എന്ന വിഖ്യാതമായ അഭിസംബോധനയിലൂടെ ആരംഭിച്ച മാസ്മരികമായ പ്രസംഗത്തിലൂടെ മാനവഹൃദയത്തെ ആഴത്തിൽ സ്വാധീനിച്ച മഹാത്മാവായിരുന്നു സ്വാമി വിവേകാനന്ദൻ. പാശ്ചാത്യചിന്തയിൽ അപൂർവ്വമായ, വിശ്വസാഹോദര്യത്തിന്റെ പാഞ്ചജന്യമായിരുന്നു അന്നവിടെ മുഴങ്ങിയത്! കൊളംബസ് അമേരിക്കയിലെത്തിയതിന്റെ നാനൂറാം വാർഷികത്തോടനുബന്ധിച്ച് ലോക കൊളംബസ് എക്സ്പോസിയേഷന്റെ ഭാഗമായ ലോകമത മഹാസമ്മേളനത്തിലായിരുന്നു 1893-ൽ ചിക്കാഗോയിൽ സ്വാമിജി പ്രസംഗിച്ചത്. പത്രങ്ങളും മറ്റും വിവേകാനന്ദജിക്ക് നല്ല പ്രാധാന്യം കൊടുത്തായിരുന്നു വാർത്തകൾ പ്രസിദ്ധീകരിച്ചത്. അതായിരുന്നു അദ്ദേഹത്തിൻ്റെ പാശ്ചാത്യ ദിഗ്വിജയത്തിൻ്റെ തുടക്കം! തുടർന്ന് വിവേകാനന്ദജി മേളയിൽ പന്ത്രണ്ടോളം പ്രസംഗങ്ങൾ നടത്തി. 1894-ൽ സ്വാമിജി ന്യൂയോർക്കിൽ വേദാന്ത സൊസൈറ്റി സ്ഥാപിച്ചു. പിന്നീട്‌ ഇംഗ്ലണ്ടിലും അമേരിക്കയിലും ആയി അനേകം പ്രസംഗങ്ങളും പര്യടനങ്ങളും നടത്തി സനാതനധർമ്മത്തിന്റെ മഹത്ത്വം ലോകജനതയെ ബോധ്യപ്പെടുത്തി. “ഈശ്വരൻ ഉണ്ടോ? ഈശ്വരനെ കാണാൻ സാധിക്കുമോ? എങ്ങനെയാണത്‌ സാധിക്കുക? ജീവിതത്തിന്റെ ശരിയായ അർത്ഥമെന്ത്?”; മുതലായ പ്രപഞ്ചത്തിനേയും ഈശ്വരനെയും കുറിച്ചുള്ള നിരവധി ചോദ്യങ്ങൾ നിറഞ്ഞതായിരുന്നു കുട്ടിക്കാലം മുതലേയുള്ള സ്വാമിജിയുടെ മനസ്‌. വളരെയധികം സന്യാസിമാരെയും പണ്ഡിതന്മാരെയുമെല്ലാം കണ്ടെങ്കിലും ആർക്കും അദ്ദേഹത്തെ തൃപ്തിപ്പെടുത്താൻ സാധിച്ചില്ല. സന്യാസം സ്വീകരിക്കുന്നതിനുമുമ്പ് സ്വാമിജി നരേന്ദ്രൻ എന്നായിരുന്നു അറിയപ്പെട്ടിരുന്നത്. അക്കാലത്ത്‌ തന്റെ ഇംഗ്ലീഷ്‌ അദ്ധ്യാപകനായിരുന്ന പ്രൊ.ഹേസ്റ്റിയിൽ നിന്നായിരുന്നു വിദ്യാർത്ഥിയായ ശ്രീ നരേന്ദ്രൻ ദക്ഷിണേശ്വരത്ത്‌ താമസിച്ചിരുന്ന മഹായോഗി ശ്രീരാമകൃഷ്ണ പരമഹംസരെ കുറിച്ച്‌ അറിയുന്നത്‌. 1881-ൽ ഏതാനും ചില സുഹൃത്തുക്കളുമായി ശ്രീരാമകൃഷ്ണസന്നിധിയിലെത്തിയ നരേന്ദ്രനെ, ഏറെക്കാലമായി പ്രതീക്ഷിച്ചിരുന്ന ആളെ പോലെ, ശ്രീരാമകൃഷ്ണ പരമഹംസർ സ്വീകരിച്ചു. അദ്ദേഹത്തിന്റെ ഭാവി നിർണ്ണയിച്ചതായിരുന്നു ഈ ദിവ്യസമാഗമം. വെറുമൊരു കൂടിക്കാഴ്ചയായിരുന്നില്ല അതെന്നു ശ്രീരാമകൃഷ്ണ ദേവന്റെ വാക്കുകൾ തെളിയിക്കുന്നുണ്ട്. ‘നീ വരാൻ ഇത്ര താമസിച്ചതെന്തേ? എന്റെ ആത്മാനുഭവങ്ങളെ പങ്കുവെക്കാനും, എന്റെ മനസ്സിനെ തുറന്നു കാണിക്കാനും ഞാനെത്ര കാലമായി വെമ്പൽ കൊള്ളുന്നു.....!’ നരേന്ദ്രനെ ഏറെക്കാലമായി അലട്ടിയിരുന്ന ‘ഈശ്വരനെ കാണാൻ കഴിയുമോ?’ എന്ന ചോദ്യത്തിന്‌ ‘ആത്മാർത്ഥമായി ഈശ്വരദർശനത്തിന്‌ ആഗ്രഹിക്കുന്നവന്‌ മുമ്പിൽ ഈശ്വരൻ പ്രത്യക്ഷപ്പെടും’ എന്നായിരുന്നു ശ്രീരാമകൃഷ്ണപരമഹംസരുടെ മറുപടി. നരേന്ദ്രന്റെ ജീവിതത്തിലെ വഴിത്തിരിവായിരുന്നു ആ കണ്ടുമുട്ടൽ. തന്റെ ആത്മീയഗുരുവിനെയാണ്‌ ശ്രീരാമകൃഷ്ണദേവനിൽ അദ്ദേഹം കണ്ടത്‌. പരമഹംസരാകട്ടെ നരേന്ദ്രനിൽ തന്റെ പിൻഗാമിയെയും കണ്ടെത്തി. കൊൽക്കത്തയിലെ ഉത്തരഭാഗത്തെ സിംല എന്ന പട്ടണത്തിലെ ഒരു സമ്പന്നകുടുംബത്തിൽ നിയമപണ്ഡിതനും അഭിഭാഷകനുമായിരുന്ന വിശ്വനാഥ്‌ ദത്തയുടെയും വിദ്യാസമ്പന്നയും ഇതിഹാസ പണ്ഡിതയുമായിരുന്ന ഭുവനേശ്വരിദേവിയുടെയും പത്ത് മക്കളിൽ ആറാമത്തെ സന്താനമായി 1863 ജനുവരി 12 തിങ്കളാഴ്ച മകരസംക്രാന്തിദിവസം രാവിലെ, പൗഷമാസത്തിലെ കൃഷ്ണസപ്തമിയും അത്തം നക്ഷത്രവും കൂടിയ സമയത്താണ്, പിന്നീട് സ്വാമി വിവേകാനന്ദനായി മാറിയ ശ്രീ നരേന്ദ്രനാഥ് ദത്ത ജനിച്ചത്. സനാതനധർമ്മത്തിലെ ഏറ്റവും ഉയർന്ന ദർശനമായ വേദാന്തതത്ത്വശാസ്ത്രത്തിന്റെ ആധുനികകാലത്തെ പ്രമുഖനായ വക്താവും ലോകത്തിലെമ്പാടും സ്വാധീനമുണ്ടാക്കിയ ആദ്ധ്യാത്മികഗുരുവുമായിരുന്നു ശ്രീമദ് വിവേകാനന്ദ സ്വാമികൾ. ശ്രീരാമകൃഷ്ണ പരമഹംസരുടെ പ്രധാന ശിഷ്യനും രാമകൃഷ്ണമഠം, രാമകൃഷ്ണമിഷൻ എന്നിവയുടെ സ്ഥാപകനുമാണ് സ്വാമിജി. ഭാരതത്തിൻ്റെ യുവത്വത്തെ തൊട്ടുണർത്താൻ ശ്രീമദ് വിവേകാനന്ദസ്വാമികളുടെ പ്രബോധനങ്ങൾ ഏറെ സഹായകമായിട്ടുണ്ട്. ആശയസമ്പുഷ്ടമായ പ്രസംഗങ്ങൾകൊണ്ടും ഭയരഹിതമായ പ്രബോധനങ്ങൾകൊണ്ടും ലോകത്തിലെമ്പാടും അനുയായികളെയും സനാതനധർമ്മ സന്ദേശവാഹകരെയും സൃഷ്ടിച്ചെടുക്കാൻ സ്വാമിജിക്ക് സാധിച്ചു. വിവേകാനന്ദസ്വാമികളുടെ നിസ്വാർത്ഥവും കർമ്മയോഗ രീതിയിലുള്ളതുമായ മഹനീയ പ്രവർത്തനങ്ങൾ ഭാരതീയ സംസ്കാരത്തിന്റെയും ഹിന്ദുധർമ്മത്തിന്റെയും നവോത്ഥാനചരിത്രത്തിൽ പുതിയ അധ്യായങ്ങൾ വിളക്കിച്ചേർത്തു. സ്വാമിജി ഒരിക്കൽ പറയുകയുണ്ടായി: “എല്ലാവരുടെയും ജീവിതത്തിൽ സനാതനധർമ്മം കൊണ്ടുവരിക എന്നതാണ് നമ്മുടെ ജീവിതലക്ഷ്യം. പണ്ട് സാധാരണമായിരുന്നതുപോലെ നാട്ടിലുള്ള രാജാക്കന്മാരുടെ കൊട്ടാരങ്ങളിലും ഏറ്റവും ദരിദ്രരായ കൃഷിക്കാരുടെ കുടിലുകളിലും ഹിന്ദുധർമ്മം കടന്നുചെല്ലണം. നമ്മുടെ വംശത്തിന്റെ പൊതുവായുള്ള പൈതൃകസമ്പത്തായ, ജന്മാവകാശമായ ആർഷധർമ്മത്തെ ഓരോരുത്തരുടെയും പടിവാതിൽക്കൽ സൗജന്യമായി എത്തിക്കണം. ഈശ്വരദത്തമായ വായുവെപ്പോലെ ഭാരതത്തിൽ വൈദികധർമ്മത്തെ സുലഭവും സ്വതന്ത്രവുമാക്കണം. ഇതാണ് ഭാരതത്തിൽ നമുക്ക് ചെയ്യാനുള്ള യഥാർത്ഥ ജോലി. ഓരോ ഹൃദയത്തിലും ആര്യധർമ്മം എത്തുന്നതോടെ സർവ്വദുരിതങ്ങളും വെളിച്ചത്തെ കണ്ട ഇരുട്ടെന്നപോലെ അപ്രത്യക്ഷമാകുമന്നെനിക്കുറപ്പുണ്ട്.” ആ മഹാത്മാവിന്റെ ജയന്തി ദിനത്തിൽ, അദ്ദേഹം നൽകിയ ഈ ആഹ്വാനം അന്വർത്ഥമാക്കുവാൻ ആർഷവിദ്യാസമാജം അക്ഷീണം പ്രയത്നിച്ചു കൊണ്ടിരിക്കും എന്ന് പ്രതിജ്ഞ ചെയ്തുകൊള്ളുന്നു. ‘ധർമ്മോ രക്ഷതി രക്ഷിത:’ സ്നേഹാദരങ്ങളോടെ, ആർഷവിദ്യാസമാജം #സ്വാമി വിവേകാനന്ദൻ🙏 #aarshavidyasamajam #സ്വാമി വിവേകാനന്ദൻ #🔱 സനാതന ധർമ്മം 🕉️ #സനാതന സംസ്കാരം

സനാതനധർമ്മത്തെയും, ഹിന്ദു സമൂഹത്തെയും നിരന്തരം സോഷ്യൽ മീഡിയയിലൂടെ അപമാനിക്കുന്ന ചില മതമൗലികവാദികൾക്കുള്ള ചെറിയ താക്കീതാണ് ഈ പോസ്റ്റുകൾ. ഇതരമതബഹുമാനത്തോടെ സമാധാനാന്തരീക്ഷം നിലനിർത്തി ജീവിക്കുന്ന ക്രിസ്ത്യൻ സഹോദരങ്ങൾ ദയവായി ക്ഷമിക്കുക. "ചെറുത് കൊടുത്ത് വലുത് വാങ്ങാതിരിക്കാൻ" ഇക്കൂട്ടരെ ഉപദേശിക്കുക! https://www.facebook.com/share/p/1GEuweT6Qb/ 1. "ഹിന്ദുക്കൾ ഭാരതത്തിൽ കുടിയേറിപ്പാർത്തവരോ"?! Post by Anagha, Aarsha Vidya Samajam https://www.facebook.com/share/p/1GPTVPrxoH/ 2. നിയോഗി കമ്മീഷൻ റിപ്പോർട്ട് Post by Anagha, Aarsha Vidya Samajam https://www.facebook.com/share/p/1DnDoJteMv/ 3. ബൈബിൾ അസഹിഷ്ണുതാവചനങ്ങൾ - Part 1 Post by Athira, Aarsha Vidya Samajam https://www.facebook.com/share/p/17cd2Ymi1L/ 4. ബൈബിൾ അസഹിഷ്ണുതാവചനങ്ങൾ പഴയ നിയമത്തിൽ അല്ലേ എന്ന് വാദിക്കുന്നവരോട് - Part 2 Post by Athira, Aarsha Vidya Samajam https://www.facebook.com/share/p/1Dw8GZTGp2/ 5. സ്വാമി വിവേകാനന്ദനും ക്രിസ്ത്യൻ മിഷണറികളും Post by Gayathri, Aarsha Vidya Samajam https://www.facebook.com/share/p/1EpdR4q1NV/ 6. ഗാന്ധിജിയും ക്രിസ്ത്യൻ മിഷണറികളും Post by Anusha, Aarsha Vidya Samajam https://www.facebook.com/share/p/1ApESb9SAk/ 7. ഗോവൻ ഇൻക്വിസിഷൻ്റെ തുടക്കം Post by Amritha, Aarsha Vidya Samajam https://www.facebook.com/share/p/1XBjhvRFGu/ 8. ജാതി vs അടിമത്തം Post by Sreedevi Sankar, Aarsha Vidya Samajam https://www.facebook.com/share/p/17pQPhsUXp/ 9. പള്ളികൾ നടത്തിയ അടിമ വ്യാപാരം Post by Sreelakshmi P, Aarsha Vidya Samajam https://www.facebook.com/share/p/1DWrv3xK52/ 10. "തോമാശ്ലീഹ കേരളത്തിൽ വന്നിട്ടുണ്ടോ"?! Post by Krishnapriya, Aarsha Vidya Samajam https://www.facebook.com/share/p/1CGdrzsi7u/ 11. ഭാരതത്തിൽ സുവിശേഷപ്രചരണമെന്ന പേരിൽ നടക്കുന്ന മതമാറ്റത്തട്ടിപ്പുകൾ Post by Anusha, Aarsha Vidya Samajam https://www.facebook.com/share/v/17uCeNkwGM/ 12. ഹിന്ദി ഭാഷ ക്രിസ്ത്യൻ പാതിരി ചിട്ടപ്പെടുത്തി എന്ന വാദത്തിന് എതിരെ Post by Anusha, Aarsha Vidya Samajam https://www.facebook.com/share/p/14NppjkCEMx/ #🔱 സനാതന ധർമ്മം 🕉️ #aarshavidyasamajam

*PART 4 അംബേദ്കർ അംഗീകരിച്ച സനാതനധർമ്മത്തിലെ ബ്രഹ്മസിദ്ധാന്തം* https://youtu.be/uzCuWpkjxNo?si=WyM03gnd7O9H41mv *സനാതനധർമ്മത്തെ ആക്ഷേപിക്കുന്നവർക്ക് ആർഷവിദ്യാസമാജം സ്ഥാപകനും ഡയറക്ടറുമായ ആചാര്യശ്രീ കെ ആർ മനോജ് ജിയുടെ മറുപടി: നാലാം ഭാഗം (15 min 09 sec)* "അംബേദ്കറിസ്റ്റുകൾ" എന്ന് സ്വയം വിശേഷിപ്പിക്കുന്ന ചിലർ അദ്ദേഹത്തിൻ്റെ പേരിൽ ഹിന്ദുധർമ്മത്തെ നിർദ്ദയം വിമർശിക്കുന്നത് പതിവാണ്. എന്നാൽ "ജനാധിപത്യത്തിന് ഏറ്റവും ശക്തമായ അടിത്തറ നൽകുന്നത് സനാതനധർമ്മത്തിലെ ബ്രഹ്മസിദ്ധാന്തമാണെന്ന്" അംബേദ്കർ നിരീക്ഷിച്ചിരുന്നു. ആത്യന്തികമായി, പൗരന്മാരെല്ലാവരും ഒരേ പ്രപഞ്ചസത്യത്തിന്റെ ഭാഗമാണെന്ന ബോധമാണ് യഥാർത്ഥ ജനാധിപത്യത്തിന്റെ കാതൽ എന്ന അംബേദ്കറുടെ വാക്യങ്ങൾ ആചാര്യശ്രീ മനോജ് ജി തെളിവുകളായി നൽകുന്നു. ഹൈന്ദവസമൂഹത്തിൽ നിലനിന്നിരുന്ന അനാചാരങ്ങൾ, ജാതിചിന്ത, അയിത്തം തുടങ്ങിയവയെ അംബേദ്ക്കർ എതിർത്തിരുന്നു. നവോത്ഥാനത്തിന് നേതൃത്വം നൽകിയ ആധ്യാത്മികാചാര്യന്മാരും സനാതനധർമ്മവിരുദ്ധമായ ഈ മാമൂൽവാദങ്ങൾക്കെതിരെ പൊരുതി. "ഇസ്ലാമിക തീവ്രവാദത്തെക്കുറിച്ചും അതിന്റെ രാഷ്ട്രീയ സ്വഭാവത്തെക്കുറിച്ചും അംബേദ്കർ നൽകിയ മുന്നറിയിപ്പുകൾ അദ്ദേഹത്തിൻ്റെ ഇന്നത്തെ ചില "അനുയായികൾ" (?) ചെവിക്കൊള്ളാൻ തയ്യാറാകുന്നില്ലെന്നും ആചാര്യ ജി വിശദമാക്കി. ആർഷവിദ്യാസമാജം എല്ലാ ചൊവ്വാഴ്ചയും വൈകിട്ട് ഏഴ് മുതൽ എട്ട് വരെ മലയാളത്തിൽ സംഘടിപ്പിക്കുന്ന അദ്ധ്യാത്മികശാസ്ത്രം കോഴ്സിൻ്റെ 30/12/2025-ൽ നടന്ന ക്ലാസ്സിൽ നിന്നെടുത്ത പ്രസക്തമായ ഭാഗങ്ങളിൽ നിന്ന്!! #🔱 സനാതന ധർമ്മം 🕉️ #ambedkar #ഡോ ബി ആർ അംബേദ്കർ #Aacharya Sri Manoj ji #aarshavidyasamajam

*Part 3 സമത്വം, സാഹോദര്യം, സ്വാതന്ത്ര്യം, ജനാധിപത്യം എന്നീ ചിന്തകൾ ആദ്യം പ്രഖ്യാപിച്ചത് സനാതനധർമ്മം ! - ആചാര്യശ്രീ കെ.ആർ മനോജ് ജി* https://youtu.be/7CDUHTZsxww?si=6NOaethvAXwt3Rvt *സനാതനധർമ്മത്തെ ആക്ഷേപിക്കുന്നവർക്ക് ആർഷവിദ്യാസമാജം സ്ഥാപകനും ഡയറക്ടറുമായ ആചാര്യശ്രീ കെ ആർ മനോജ് ജി യുടെ മറുപടി: മൂന്നാം ഭാഗം (20 min)* സമത്വം, സ്വാതന്ത്ര്യം, സാഹോദര്യം, ജനാധിപത്യം തുടങ്ങിയ ആധുനിക മാനവികമൂല്യങ്ങൾ പാശ്ചാത്യലോകത്ത് രൂപപ്പെടുന്നതിനും നൂറ്റാണ്ടുകൾക്ക് മുൻപേ ഭാരതീയദർശനങ്ങൾ ഇവ പ്രഖ്യാപിച്ചിരുന്നുവെന്ന് ആചാര്യശ്രീ കെ.ആർ മനോജ് ജി വിശദമാക്കുന്നു. തെറ്റായ പ്രചാരണങ്ങളിൽ വീണുപോകാതെ നമ്മുടെ പൈതൃകത്തിന്റെ മഹത്വവും, പ്രായോഗികനിലപാടും വരും തലമുറയ്ക്ക് പകർന്നുനൽകേണ്ടത് അത്യാവശ്യമാണെന്ന് അദ്ദേഹം വ്യക്തമാക്കുന്നു. ആർഷവിദ്യാസമാജം എല്ലാ ചൊവ്വാഴ്ചയും വൈകിട്ട് ഏഴ് മുതൽ എട്ട് വരെ മലയാളത്തിൽ സംഘടിപ്പിക്കുന്ന അദ്ധ്യാത്മികശാസ്ത്രം കോഴ്സിൻ്റെ 30/12/2025-ൽ നടന്ന ക്ലാസ്സിൽ നിന്നെടുത്ത പ്രസക്തമായ ഭാഗങ്ങളിൽ നിന്ന്!! #Aacharya Sri Manoj ji #aarshavidyasamajam #🔱 സനാതന ധർമ്മം 🕉️

*PART 2 സനാതനധർമ്മത്തെ "പകർച്ചവ്യാധി"യായി അധിക്ഷേപിക്കുന്നവരോട്!! - ആചാര്യശ്രീ കെ.ആർ മനോജ് ജി* https://youtu.be/_aYtF5OdDDM?si=_PAjAyli6FtkZ2yO *സനാതനധർമ്മത്തെ ആക്ഷേപിക്കുന്നവർക്ക് ആർഷവിദ്യാസമാജം സ്ഥാപകനും ഡയറക്ടറുമായ ആചാര്യ ശ്രീ കെ. ആർ. മനോജ് ജിയുടെ മറുപടി: രണ്ടാം ഭാഗം (5 min 27 sec)* സനാതനധർമ്മത്തിൻ്റെ അടിസ്ഥാന സിദ്ധാന്തങ്ങൾക്ക് വിരുദ്ധമായ പിൽക്കാലത്തുണ്ടായ ആശയങ്ങൾ പ്രചരിപ്പിച്ചുകൊണ്ടാണ് ചില പ്രമുഖ നേതാക്കളും മതപുരോഹിതരും ഹിന്ദുധർമ്മത്തിനെതിരെ ദുഷ്പ്രചരണങ്ങൾ നടത്തുന്നത്. അതേസമയം സെമിറ്റിക് മതഗ്രന്ഥങ്ങളിലെ മാനവവിരുദ്ധവും, സമാജവിരുദ്ധവുമായ ആശയങ്ങളെ വെള്ളപൂശാനും മതശക്തികളെ പ്രീണിപ്പിക്കാനും ആണ് ഇക്കൂട്ടർ ശ്രമിക്കുന്നത്! ആർഷവിദ്യാസമാജം എല്ലാ ചൊവ്വാഴ്ചയും വൈകിട്ട് ഏഴ് മുതൽ എട്ട് വരെ മലയാളത്തിൽ സംഘടിപ്പിക്കുന്ന അദ്ധ്യാത്മികശാസ്ത്രം കോഴ്സിൻ്റെ 30/12/2025-ൽ നടന്ന ക്ലാസ്സിൽ നിന്നെടുത്ത പ്രസക്തമായ ഭാഗങ്ങളിൽ നിന്ന്!! #class #🔱 സനാതന ധർമ്മം 🕉️ #Aacharya Sri Manoj ji #aarshavidyasamajam

*PART 1 സനാതനധർമ്മത്തിനെതിരെയുള്ള ദുഷ്പ്രചരണങ്ങളെ കരുതിയിരിക്കുക!! - ആചാര്യശ്രീ കെ.ആർ മനോജ് ജി* https://youtu.be/x94KiROry84?si=QO6YWIXQEvnbhK3v *സനാതനധർമ്മത്തെ ആക്ഷേപിക്കുന്നവർക്ക് ആർഷവിദ്യാസമാജം സ്ഥാപകനും ഡയറക്ടറുമായ ആചാര്യ ശ്രീ കെ. ആർ. മനോജ് ജിയുടെ മറുപടി: ഒന്നാം ഭാഗം (20 min 02 sec)* കേരളത്തിൽ സനാതനധർമ്മത്തിനെതിരെ ആസൂത്രിതമായി നറേറ്റിവുകൾ സൃഷ്ടിക്കുകയാണ് ചില നിക്ഷിപ്തകക്ഷികൾ. ഈ വിമർശനങ്ങളെയും അവഹേളനങ്ങളെയും പ്രതിരോധിക്കേണ്ടതിന്റെ ആവശ്യകതയെക്കുറിച്ച് ആചാര്യശ്രീ കെ.ആർ മനോജ് ജി സംസാരിക്കുന്നു. ലോട്ടറി ടിക്കറ്റിൽ ആർത്തവരക്തം വീഴുന്ന രീതിയിൽ ശിവലിംഗത്തെ ചിത്രീകരിച്ചത് ഇതിൽ ഒന്നു മാത്രമാണ്. മാധ്യമപ്രവർത്തകരും രാഷ്ട്രീയക്കാരും ഹൈന്ദവ വിശ്വാസങ്ങളെയും ചിഹ്നങ്ങളെയും ക്രൂരമായി പരിഹസിക്കുമ്പോൾ മറ്റ് മതങ്ങളെ ഭയഭക്തിബഹുമാനങ്ങളോടെയാണ് സമീപിക്കുന്നത്. ഈ ഇരട്ടത്താപ്പും അദ്ദേഹം തുറന്നു കാട്ടുന്നു. ആർഷവിദ്യാസമാജം എല്ലാ ചൊവ്വാഴ്ചയും വൈകിട്ട് ഏഴ് മുതൽ എട്ട് വരെ മലയാളത്തിൽ സംഘടിപ്പിക്കുന്ന അദ്ധ്യാത്മികശാസ്ത്രം കോഴ്സിൻ്റെ 30/12/2025-ൽ നടന്ന ക്ലാസ്സിൽ നിന്നെടുത്ത പ്രസക്തമായ ഭാഗങ്ങളിൽ നിന്ന്!! #hindu #🔱 സനാതന ധർമ്മം 🕉️ #മറുപടി #Aacharya Sri Manoj ji #aarshavidyasamajam

സ്വാമി ശ്രദ്ധാനന്ദൻ്റെ ജീവത്യാഗത്തിന് ഇന്ന് 99 വർഷം പൂർത്തിയാകുന്നു! ഡിസംബർ 23 - സ്വാമി ശ്രദ്ധാനന്ദ വീരബലിദാനദിനം!! (ജനനം: 22-02-1856) മഹർഷി ദയാനന്ദ സരസ്വതിക്ക് ശേഷം വൈദിക ധർമ്മത്തിന്റെ സന്ദേശങ്ങളെയും ആഹ്വാനങ്ങളെയും ഭാരതത്തിൽ ഉടനീളം പ്രചരിപ്പിക്കുന്നതിൽ ശ്രദ്ധാലുവായിരുന്നു സ്വാമി ശ്രദ്ധാനന്ദൻ. ദയാനന്ദസരസ്വതി സ്വാമികളുടെ പ്രിയശിഷ്യനായിരുന്ന അദ്ദേഹത്തിൻ്റെ പൂർവാശ്രമത്തിലെ പേര് മുൻഷി റാം എന്നാണ്. സ്വാമി ശ്രദ്ധാനന്ദൻ്റെ മഹത്തായ ധർമ്മ പ്രചരണപ്രവർത്തനങ്ങളെ തിരിച്ചറിഞ്ഞ് മഹാത്മാഗാന്ധി അദ്ദേഹത്തെ "മഹാത്മാ മുൻഷിറാം" എന്ന് വിശേഷിപ്പിച്ചിരുന്നു! ഇന്ത്യൻ നാഷണൽ കോൺഗ്രസിൽ പ്രവർത്തിച്ചുകൊണ്ട് സ്വാതന്ത്ര്യസമരപോരാട്ടം സുധീരം നിർവഹിച്ച മഹാത്മാവായിരുന്നു സ്വാമിജി. 1917-ൽ അദ്ദേഹം സ്വാമി ശ്രദ്ധാനന്ദ സരസ്വതി എന്ന പേരിൽ സന്യാസം സ്വീകരിച്ചു. 1920-ൽ ഖിലാഫത്ത് പ്രക്ഷോഭവുമായി ബന്ധപ്പെട്ട് ദില്ലി ജുമാമസ്ജിദിൽ മത സാഹോദര്യത്തെക്കുറിച്ചും മാനവൈക്യത്തെക്കുറിച്ചും വലിയ ജനക്കൂട്ടത്തെ അഭിസംബോധന ചെയ്തുകൊണ്ട് പ്രസംഗിച്ച അമുസ്ലീമായ ഏക (ഹിന്ദു) നേതാവുമായിരുന്നു സ്വാമി ശ്രദ്ധാനന്ദൻ! വൈദിക മന്ത്രങ്ങൾ ഉരുവിട്ട് കൊണ്ടായിരുന്നു അന്നവിടെ അദ്ദേഹം പ്രസംഗിച്ചത്. ദരിദ്രരെ സഹായിക്കുന്നതിനും സ്ത്രീകളുടെ വിദ്യാഭ്യാസത്തിനും ഊന്നൽ കൊടുത്തു കൊണ്ടു അദ്ദേഹം വിശ്രമമില്ലാതെ പ്രവർത്തിച്ചു. ഗാന്ധിജിയുടെ ആഹ്വാനപ്രകാരം നടന്ന ഖിലാഫത്ത് പ്രക്ഷോഭത്തിലും നിസ്സഹകരണ പ്രസ്ഥാനങ്ങളിലും സ്വാമിജി സജീവമായി പങ്കെടുത്തിരുന്നു. രാഷ്ട്രീയ- സ്വാതന്ത്ര്യ പ്രവർത്തനത്തിൽ മതം കൂട്ടി കലർത്തിയാൽ കടുത്ത വിപത്ത് ഉണ്ടാകുമെന്ന് സ്വാമികൾ അഭിപ്രായപ്പെട്ടത് സത്യമായിത്തീർന്നു. ഖിലാഫത്ത് പ്രക്ഷോഭം ആദ്യം ബ്രിട്ടീഷുകാർക്കെതിരെയായിരുന്നുവെങ്കിലും പിന്നീടത് ഹിന്ദുക്കളുടെ നേർക്കായിമാറി!! ആയിരക്കണക്കിന് ഹിന്ദുക്കൾ ഇസ്ലാംമതം സ്വീകരിക്കാൻ നിർബന്ധിതരായി! അല്ലാത്തവർ കൊല്ലപ്പെട്ടു!! അമ്മ പെങ്ങന്മാർ ക്രൂരമായ മാനഭംഗത്തിന് ഇരയായി!!!അനേകമനേകം ക്ഷേത്രങ്ങൾ തകർക്കപ്പെട്ടു!!മലബാറിലെ തൂവൂർ കിണർ അടക്കമുള്ള കിണറുകളിൽ ഹിന്ദുക്കളുടെ ശവങ്ങൾ നിറഞ്ഞു!! കിണറുകളിൽ നിന്ന് പകുതി മരിച്ചവരുടെ ദീനരോദനങ്ങൾ നിലയ്ക്കാതെ മുഴങ്ങിക്കൊണ്ടിരുന്നു!!! മാപ്പിള ലഹളയിലൂടെ നിർബന്ധിത മതപരിവർത്തനത്തിന് വിധേയരായ ആയിരങ്ങളെ വൈദിക ധർമ്മത്തിന്റെ പാഞ്ചജന്യനാദം മുഴക്കിക്കൊണ്ട് സ്വാമി ശ്രദ്ധാനന്ദജി സ്വധർമ്മത്തിലേക്ക് തിരികെ കൊണ്ടുവന്നു!! വൈക്കം ക്ഷേത്രത്തിന് ചുറ്റുമുള്ള പൊതുവഴിയിലൂടെ എല്ലാ ഹിന്ദുക്കൾക്കും നടക്കാനുള്ള സ്വാതന്ത്ര്യത്തിനു വേണ്ടിയായിരുന്നു 1924-ൽ വൈക്കം സത്യാഗ്രഹം ആരംഭിച്ചത്. അവിടെ സഞ്ചാര സ്വാതന്ത്ര്യം നിഷേധിക്കപ്പെട്ടിരുന്ന അവശ ജനങ്ങൾ, ക്രിസ്തുമതത്തിലേക്കോ ഇസ്ലാം മതത്തിലേക്കോ പരിവർത്തനം ചെയ്തുവന്നാൽ അവർക്ക് പൊതുവഴിയിലൂടെയുള്ള സഞ്ചാര സ്വാതന്ത്ര്യം ലഭ്യമായിരുന്നു! മാത്രമല്ല, അന്നത്തെ സവർണരുടെ കോലായിൽ വരെ കയറി ചെല്ലാനും കസേരകളിൽ അവർക്കൊപ്പം ഇരിക്കാനുമുള്ള അവകാശം പോലും അഹിന്ദുക്കൾക്കും ഹിന്ദുമതം ഉപേക്ഷിച്ച പുതുമതപരിവർത്തിതർക്കും ഒരുപോലെ ലഭിക്കുമായിരുന്നു!! ഇക്കാരണങ്ങൾ കൊണ്ടാണ് കേരളത്തെ ഭ്രാന്താലയമെന്ന് വിവേകാനന്ദ സ്വാമികൾ വിളിച്ചത്!!! ഹിന്ദുക്കൾക്ക് ന്യായമായി കിട്ടേണ്ട അവകാശങ്ങൾക്കും അധികാരങ്ങൾക്കും വേണ്ടി പ്രക്ഷോഭം നയിച്ചതും ഹിന്ദുവിൽ നിന്നുതന്നെയുള്ള അദ്ധ്യാത്മിക വ്യക്തിത്വങ്ങളും മഹാത്മാക്കളും ആയിരുന്നു. അത്തരത്തിൽ വൈക്കം സത്യാഗ്രഹത്തിന് നേതൃത്വം കൊടുത്ത സന്യാസിവര്യനായ ഒരു മഹാത്മാവ് കൂടിയായിരുന്നു സ്വാമി ശ്രദ്ധാനന്ദൻ. "തൊട്ടുകൂടാത്തവരുടെ (അവശജനതയുടെ) ഏറ്റവും മഹാനായ യോദ്ധാവ്"-എന്ന് ശ്രദ്ധാനന്ദനെ വിശേഷിപ്പിച്ചത് ഡോ. ബി. ആർ അംബേദ്കർ ആയിരുന്നു! "ഹിന്ദുസമൂഹം ആത്മസംരക്ഷണം നടത്തണം" എന്ന് സ്വാമിജി ആഹ്വാനം ചെയ്തു. ആര്യ സമാജത്തിന്റെ ശുദ്ധി പ്രസ്ഥാനത്തെ (ധർമ്മ ഭ്രഷ്ടരായവരെ വൈദിക- സനാതന ധർമ്മത്തിലേക്ക് തിരിച്ചുകൊണ്ടുവരുന്ന പരാവർത്തന പ്രവർത്തനം) ശക്തിപ്പെടുത്താനായി സ്വാമിജി അനവരതം പ്രവർത്തിച്ചു. 1,63,000 (ഒരു ലക്ഷത്തി അറുപത്തിമൂവായിരം) മൽക്കാന രജപുത്രരെ അടക്കം ലക്ഷക്കണക്കിന് പേരെ സ്വാമിജി സ്വധർമ്മത്തിലേക്ക് തിരികെ എത്തിച്ചു. സ്വാമികളുടെ ഈ ധർമ്മരക്ഷാനടപടികൾ മുസ്ലീം ഭ്രാന്തന്മാർക്കിടയിൽ കടുത്ത അമർഷമുണ്ടാക്കി, അവർ അദ്ദേഹത്തെ വധിക്കുവാൻ നിഗൂഢ പദ്ധതി തയ്യാറാക്കി കാത്തിരുന്നു! ഹൈന്ദവസമാജസേവനവും സ്വാതന്ത്ര്യസമരപോരാട്ടവും ഒരുപോലെ മുന്നോട്ടു കൊണ്ടുപോയ സ്വാമി ശ്രദ്ധാനന്ദൻ, 1926-ൽ ഇസ്ലാമിക തീവ്രവാദിയായ അബ്ദുൾ റഷീദ് എന്ന മതഭ്രാന്തൻ്റെ വെടിയേറ്റ് വീരചരമം പ്രാപിക്കുകയായിരുന്നു! സ്വാമി ശ്രദ്ധാനന്ദൻ്റെ കൊലപാതകത്തിൽ "ദേശീയ ജീവിതത്തിലെ വലിയ നഷ്ടം", "അന്ധ മതവൈരത്തിന്റെ ഫലം" എന്നൊക്കെ രേഖപ്പെടുത്തിയെങ്കിലും ഏറ്റവും വിചിത്രമായ ഒരു നടപടി ഇക്കാര്യത്തിൽ ഗാന്ധിജിയുടെ ഭാഗത്തുനിന്നും ഉണ്ടായി! സ്വാമിജിയുടെ കൊലപാതകിയായ റഷീദിന് ഭരണകൂടം വധശിക്ഷ നൽകുന്നതിനെ ഗാന്ധിജി എതിർത്തിരുന്നു. എങ്കിലും 1927- ൽ അബ്ദുൾ റഷീദിനെ ബ്രിട്ടീഷ് ഭരണകൂടം തൂക്കിലേറ്റി! കഴുവിലേറ്റപ്പെട്ട കൊലയാളിയായ ജിഹാദി റഷീദിന് "ഷഹീദ്" എന്ന രക്തസാക്ഷിത്വമുദ്ര ചാർത്തിക്കൊടുക്കാനായിരുന്നു ഗാന്ധിജി പിന്നീട് ശ്രമിച്ചത്!! ഏഴാം സ്വർഗ്ഗത്തിൽ റഷീദിന് സ്ഥാനം കിട്ടാൻ വേണ്ടിയുള്ള ജിഹാദികളുടെ പ്രാർത്ഥനായോഗങ്ങളിൽ പങ്കെടുത്ത ഗാന്ധിജി "ഷഹീദ്" എന്നും "ഭായ് റഷീദ് " എന്നും അബ്ദുൾ റഷീദിനെ വിശേഷിപ്പിച്ചു!!! അഹിംസാസിദ്ധാന്തം പോലും മറന്നുകൊണ്ട് കൊലപാതകിയെ ന്യായീകരിച്ച ഗാന്ധിജിയുടെ മുസ്ലീം പ്രീണനനയം വിമർശനവിധേയമായിട്ടുണ്ട്. എന്നാൽ അഹിംസാസിദ്ധാന്തം ചൂണ്ടിക്കാട്ടി ഭഗത് സിംഗ് തുടങ്ങിയ വിപ്ലവകാരികളെ എതിർക്കാൻ ഗാന്ധിജി മടിച്ചിരുന്നില്ല! ഈ വൈരുധ്യം നിരവധി ചരിത്രകാരന്മാർ ചൂണ്ടിക്കാട്ടിയിട്ടുമുണ്ട്. ഏതായാലും സ്വാമി ശ്രദ്ധാനന്ദയുടെ ബലിദാനം, ശക്തമായ ഹൈന്ദവ സംഘടനാപ്രവർത്തനങ്ങൾക്ക് പ്രചോദനമേകിയെന്നത് ചരിത്രം! വൈദിക-സനാതനധർമ്മ ആശയാദർശങ്ങൾക്ക് വേണ്ടി സ്വജീവൻ നൽകിയ ഈ ശ്രേഷ്ഠസന്യാസിവര്യനെ സനാതനികൾ നിത്യവും സ്മരിക്കേണ്ടതാണ്. സ്വാമിജിയുടെ ആ പാവന ചരണങ്ങളിൽ നൂറു നൂറു പ്രണാമങ്ങൾ..! ആദരപൂർവം, ആർഷവിദ്യാസമാജം #🔱 സനാതന ധർമ്മം 🕉️ #aarshavidyasamajam

"ശാശ്വത് ഹിന്ദു ജാഗൃതി" ഏർപ്പെടുത്തിയ “സ്വാമി വിവേകാനന്ദ് രാഷ്ട്രീയ ധർമ്മബോധ് സമ്മാൻ-2025 ദേശീയപുരസ്കാരം" ആർഷവിദ്യാസമാജം വനിതാപ്രചാരിക ശാന്തികൃഷ്ണ ജി ക്ക്!! Janam news link: https://youtu.be/eOj8EVQQlH4?si=3aiEg0j-Tx-zdqn- #award #🔱 സനാതന ധർമ്മം 🕉️ #aarshavidyasamajam