thudarkadha

part 18 അന്നത്തെ രാത്രി അർജുന് ഉറങ്ങാനായില്ല. കണ്ണടച്ചാൽ വീണ്ടും വീണ്ടും അവന്റെ മുന്നിൽ തെളിഞ്ഞത് മാളവികയുടെ നിറഞ്ഞ കണ്ണുകളായിരുന്നു. തന്റെ കൈ അവളുടെ കവിളിൽ പതിച്ച നിമിഷം ഓർമ്മ വരുമ്പോഴൊക്കെ അവന്റെ നെഞ്ചിൽ എന്തോ മുറുകി. അവൻ ബെഡിൽ നിന്ന് എഴുന്നേറ്റ് മേശപ്പുറത്തിരുന്ന ബോട്ടിൽ എടുത്തു. “ചേട്ടാ വേണ്ട.” അഭി അവന്റെ കൈയിൽ നിന്ന് അത് വാങ്ങാൻ ശ്രമിച്ചു. “ഒന്ന് മാറിനിൽക്ക്.” “ഇത് കുടിച്ചാൽ പ്രശ്നം തീരില്ല.” അർജുൻ അവനെ നോക്കി ചിരിച്ചു. ആ ചിരിയിൽ ക്ഷീണം മാത്രമായിരുന്നു. “പ്രശ്നം തീർക്കാനല്ല. കുറച്ച് നേരത്തേക്ക് മറക്കാനാണ്.” “പക്ഷേ നാളെ” “അഭി!” അവന്റെ ശബ്ദം കേട്ട് അഭി മിണ്ടാതായി. അർജുൻ വീണ്ടും ഗ്ലാസ് നിറച്ചു. പക്ഷേ ഓരോ തവണയും കണ്ണുകൾ അടയുമ്പോൾ അവളുടെ കണ്ണുനീർ മാത്രം. ഒന്നും മിണ്ടാതെ പോയത് എന്തിനായിരുന്നു? അവന്റെ മനസ്സ് വീണ്ടും വീണ്ടും അതേ ചോദ്യത്തിലേക്ക് മടങ്ങി. അടുത്ത ദിവസം മാളവിക ഡ്യൂട്ടിയിൽ എത്തിയപ്പോൾ അർജുന്റെ ഭാഗത്തേക്ക് പോലും നോക്കിയില്ല. അവൻ കോറിഡോറിൽ നിന്നപ്പോൾ അവൾ മറ്റൊരു വഴിയിലൂടെ മാറിപ്പോയി. ഡ്രസിങ് സമയമായപ്പോൾ മറ്റൊരു നേഴ്സ് നെ അയച്ചു. അർജുൻ അത് ശ്രദ്ധിച്ചു. “മാളവിക എവിടെ?” “ബിസി ആണ്,” അവൾ മറുപടി പറഞ്ഞു. അവൻ ഒന്നും പറഞ്ഞില്ല. പക്ഷേ അവളുടെ ഒഴിവാക്കൽ ഓരോ തവണയും ശ്രദ്ധയിൽപ്പെട്ടു. അവളെ കാണാൻ ആഗ്രഹിച്ചിരുന്നോ… അതോ അവൾ തന്നെ ഒഴിവാക്കുന്നത് എന്തിനാണെന്ന് അറിയാനായിരുന്നോ… അർജുന് പോലും മനസ്സിലായില്ല. അവന് അറിയാവുന്നത് ഒന്ന് മാത്രം— കണ്ണടയ്ക്കുമ്പോൾ ഇപ്പോഴും അവളുടെ നിറഞ്ഞ കണ്ണുകളാണ് മുന്നിൽ. #📙 നോവൽ #തുടർകഥ #thudarkadha #നോവൽ #തുടർകഥ

Comment

Salora

ഭാഗം 4 ആശുപത്രിയുടെ എമർജൻസി വാർഡിന് മുന്നിൽ പതിവ് തിരക്കായിരുന്നു. സ്ട്രെച്ചറുകൾ അങ്ങോട്ടും ഇങ്ങോട്ടും നീങ്ങുന്നു. ഡോക്ടർമാരുടെ നിർദേശങ്ങൾ. നഴ്സുമാരുടെ ഓട്ടം. മരുന്നിന്റെ മണം. എല്ലാം പതിവുപോലെ… പക്ഷേ മാളവികയുടെ മനസ്സ് മാത്രം ശാന്തമായിരുന്നില്ല. രാത്രി ഡ്യൂട്ടിക്ക് എത്തിയിട്ട് പത്ത് മിനിറ്റ് പോലും ആയിരുന്നില്ല. “മാളവിക… പുതിയ ആക്‌സിഡന്റ് കേസ്. റൂം നമ്പർ 106.” സീനിയർ നഴ്സ് ഫയൽ അവളുടെ കയ്യിൽ കൊടുത്തു. “ഒക്കെ ചേച്ചി.” ഫയൽ വാങ്ങി അവൾ റൂമിലേക്ക് നടന്നു. വാതിൽ തുറന്ന് അകത്ത് കയറിയ നിമിഷം… ബെഡിൽ കിടക്കുന്ന ആളെ കണ്ടപ്പോൾ അവൾ ഒരു നിമിഷം നിന്നുപോയി. “ഇവനോ…” സൂപ്പർമാർക്കറ്റിന് മുന്നിൽ തന്റെ സ്കൂട്ടി ഇടിച്ച ആ മനുഷ്യൻ. അവന്റെ മുഖത്ത് ഇപ്പോഴും ചെറിയ മുറിവുകളുടെ പാടുകൾ. നെറ്റിയിൽ ബാൻഡേജ്. കൈയിൽ ഡ്രിപ്പ്. അവൻ ഇപ്പോഴും ബോധം വന്നിരുന്നില്ല. മാളവികയ്ക്ക് വീണ്ടും ദേഷ്യം വന്നു. “അഹങ്കാരത്തിന് ദൈവം തന്ന ശിക്ഷ…” അവൾ മനസ്സിൽ പറഞ്ഞു. ഫയൽ നോക്കി. പേര് : അർജുൻ വർമ്മ വയസ്സ് : 29 അഡ്രസ്… അവൾ വായിക്കാൻ തുടങ്ങിയപ്പോഴേക്കും… “മ്മ്…” അർജുൻ പതിയെ കണ്ണുതുറന്നു. ആദ്യമൊന്ന് മേൽക്കൂരയിലേക്ക് നോക്കി. പിന്നെ പതിയെ ചുറ്റും. ആശുപത്രിയാണെന്ന് മനസ്സിലായപ്പോൾ ഒരു ദീർഘനിശ്വാസം വിട്ടു. ഭയമോ പരിഭ്രമമോ ഇല്ല. അപകടം പതിവായ ആളെപ്പോലെ. മാളവിക അടുത്തേക്ക് വന്നു. “ഇപ്പോൾ എങ്ങനെയുണ്ട്?” അവൻ ശാന്തമായി അവളെ നോക്കി. ഒരു നിമിഷം… പിന്നെ കണ്ണുകൾ ചെറുതായി ചുരുക്കി. “നീയോ…”#thudarkadha #📙 നോവൽ

thudarkadha

#{{n}}