തുടർകഥ

മൊഞ്ചത്തിപെണ്ണിന്റെ സുൽത്താൻ..1 ❤️ നേരം പുലർന്നത് മുതൽ കദീസുമ്മ വെപ്രാളപെട്ട് ഓടിനടക്കുകയാ..അകത്തും, മുറ്റത്തും,അടുക്കളയിലും. വീട്ടിലെ ഓരോ മുക്കിലും, മൂലയിലും വരെ കദീസുമ്മയുടെ കണ്ണുകൾ ഓടിനടക്കുന്നുണ്ട്.. എന്തൊക്കെയോ സ്വയം പറഞ്ഞുകൊണ്ട് പരിതപിക്കുന്നുമുണ്ട്. എല്ലാകാര്യങ്ങളും രണ്ട് ദിവസം മുന്നേ ഞാൻ ആ..പെണ്ണിനോട് പറഞ്ഞതാ...അതൊക്കെ റെഡിയാക്കാം എന്ന് പറഞ്ഞു എന്നല്ലാതെ...സംഗതികൾ ഒന്നും നടന്നിട്ടില്ല... ആയിശു....... " ആയിശു....... " "ഈ.......പെണ്ണ്... ഇതെവിടെയാ...?" "എത്ര നേരായിട്ട് തൊണ്ട കീറി വിളിക്കുന്നു." ആയിശു....... " എത്ര വിളിച്ചിട്ടും ഇവൾ വിളികേൾക്കുന്നില്ലല്ലോ റബ്ബേ,.. "എന്തോ'.... ഞാനിതാ...വരുന്നു." തലയിൽ നിന്നും ഊർന്ന് വീഴാറായ തട്ടം ഒന്നുടെ തലയിലേക്ക് വലിച്ചിട്ട് ആയിശു ഉമ്മറത്തേയ്ക്ക് ഓടി വന്നു. "എന്താ....ഉമ്മാമ.." "ഇയ്യെവിടെയായിരുന്നു. എത്ര നേരായിട്ട് വിളിക്കുന്നു. നിന്റെ ചെവിയിൽ എന്തെങ്കിലും തിരികി വെച്ചിട്ടുണ്ടോ...? ഒന്ന് വിളി കേട്ടുകൂടെ നിനക്ക്. " അത്‌..പിന്നെ.. ഉമ്മാമ..ഞാൻ.. അവരുടെ.. റൂം...ക്ലീൻ ആക്കുന്ന തിരക്കിലായിരുന്നു..." "ഏത് തിരക്കിലാണെലും ഒന്ന് വിളികേട്ടുകൂടെ നിനക്ക്. ഇതിപ്പോ...എന്ത് പറ്റി എന്നറിയാതെ ഞാനാകെ ബേജാറായി പോയ്‌.." "എന്റെ....ഉമ്മാമ ഇങ്ങനെ ദേഷ്യപെടാതെ ഞാൻ അവിടെയെല്ലാം ക്‌ളീൻ ആക്കുന്ന തിരക്കിൽ അല്ലായിരുന്നോ..അവർ ഇവിടെ വന്ന് കയറും മുൻപ് അതെല്ലാം തീർക്കണ്ടേ..." "കഴിഞ്ഞോ...?..എന്നിട്ട്..." "കഴിഞ്ഞു...."അവൾ പുഞ്ചിരിച്ചുകൊണ്ട് പറഞ്ഞു "ഉപ്പാപ്പ ഇപ്പോൾ വിളിച്ചിരുന്നു . അവർ ഏർപ്പോർട്ടിൽ നിന്നും പുറപ്പെട്ടന്ന്. കോഴിക്കോട് നിന്നും ഈ...മാളികപുരയിലേക്ക് എത്താൻ അധികം ദൂരം ഒന്നുമില്ലാ...." "വേഗം പോയി... മുറ്റം തൂത്തു വാരണം. എന്റെ മകൾ ലൈലക്ക് വൃത്തിയും വെടിപ്പൊക്കെ കുറച്ച് കൂടുതലാ... അതുകൊണ്ട് തന്നെ എവിടെയും കച്ചറയായി കിടക്കുന്നതൊന്നും അവൾക്കിഷ്ടമല്ല..." "മുറ്റമൊക്കെ ഇങ്ങനെകിടക്കുന്നത് കണ്ടാൽ...ഒരു മാസം നിക്കാൻ വന്നവൾ ഒരാഴ്ച നിന്ന് അങ്ങോട്ട് തന്നെ തിരിച്ചു..പോകും.." "ഇതിനാണോ ഈ..വെപ്രാളം ബേജാറാവാതെ...എന്റെ ഉമ്മൂമ്മ കുട്ടി... ഞാൻ വേഗം തൂത്തുവാരാം" ഉമ്മാമയുടെ കവിളിൽ പിടിച്ച് നുള്ളിക്കൊണ്ട് ആയിശു പറഞ്ഞു... "നിന്റെ ഉമ്മ എന്തെടുക്കുവാ...പെണ്ണെ..?" "അടുക്കളയിൽ അവർക്ക് കഴിക്കാനുള്ളത് റെഡിയാക്കി കൊണ്ടിരിക്കാ...." ആയിശു വേഗം ചൂലും മുറവുമായി മുറ്റത്തേക്കിറങ്ങി.. മാളികപുര തറവാട്ടിലെ കോയഹാജിക്കും, ഭാര്യ കദീസുവിനും രണ്ട് മക്കളാണ്.അൻവറും, ലൈലയും..മൂത്തതാണ് മകൾ ലൈല...ഭർത്താവ് ഫൈസൽ കമ്പനിമേനേജറാണ് അവർക്ക് രണ്ട് മക്കൾ. അമീറും.. അമാനയും... അവർ കുടുംബത്തോടെ അങ്ങ് അബൂദാബിയിലാ.. പോയിട്ടിപ്പോ അഞ്ചു വർഷം കഴിഞ്ഞു.. മകൾ അമാനയെ...നാട്ടിലെ കോളേജിൽ ചേർക്കാൻ വരുന്ന വരവാണ് മകൻ അമീർ...ഹോമിയോ ഡോക്ടർ ആണ് ഷാർജയിൽ... മകൻ അൻവർ.. എറണാകുളത്ത് ഒരു കമ്പനിയിൽ കമ്പ്യൂട്ടർ എഞ്ചിനിയറാണ് ഭാര്യ ജസീല..അവർക്ക് രണ്ട് മക്കൾ... ഒരു മോനും ഒരു മോളും... ജസ്മലും, ജസ്‌നിയും...മോൾ lkg, മോൻ രണ്ടാം ക്ലാസ്സിൽ. ആയിശുവിന്റെ ഉപ്പ മൂസക്ക ഈ..വീട്ടിലെ കാര്യങ്ങളൊക്കെ നോക്കിനടത്താൻ കോയഹാജിയെ സഹായിച്ചിരുന്ന ആളായിരുന്നു...മൂന്ന് വർഷങ്ങൾക്ക് മുന്നേ പെട്ടന്നൊരു നെഞ്ച് വേദന വന്ന് മൂപ്പർ പോയി.. അതിന് ശേഷം മൂസക്കയുടെ ഭാര്യ മുംതാസിനെയും മകൾ ആയിശു വിനെയും... മാളികപുരയിൽ താമസിപ്പിക്കാൻ തുടങ്ങിയത് ... സ്വന്തം പേരക്കുട്ടിയെ പോലെത്തന്നെയാണ് അവർക്ക് ആയിഷയും മരുമകൾ ജസീലക്ക് അടുക്കളയിൽ സഹായിക്കാൻ ഒരു കൂട്ടുമായി... ആയിശു അടിക്കലും തുടക്കലും എല്ലാം കഴിഞ്ഞ് അടുക്കളയിൽ അവരോടൊപ്പം കൂടി... "എഡി.... ജസീ..."അവർ എത്തി... കുടിക്കാൻ വെള്ളം എടുക്ക്... യാത്ര ചെയ്ത് ക്ഷീണിച്ചു വരികയല്ലേ..." ഉമ്മറത്ത് നിന്നും കദീസുമ്മ വിളിച്ച് പറഞ്ഞു... "ദാ.....ഇപ്പൊ.. കൊണ്ട് വരാം ഉമ്മാ.." ജസി അടുക്കളയിലെ കബോർഡിൽ നിന്നും ഗ്ലാസ് എടുത്ത് ആയിഷുവിന്റെ കയ്യിൽ കൊടുത്തു.. "ആയിശു... അവർ എത്തിയെന്ന്...ഇത് വേഗം കഴുകിയെടുത്തു നേരത്തെ അടിച്ചു വെച്ച ഇളനീർ ജ്യൂസ് ഇതിലേക്ക് എടുത്തോ... അവൾ ഗ്ലാസുകൾ തൃധിയിൽ കഴുകിഎടുത്ത് ഓരോ ഗ്ലാസിലും ജ്യൂസ് പകർന്ന് കൊണ്ട് ട്രെയിലേക്ക് വെച്ചു. ജാസിത്ത ഞാനൊന്ന് ഉമ്മറ പടിവരെ ചെന്ന് നോക്കട്ടെ... എന്നും പറഞ്ഞുകൊണ്ട് കാർ നിർത്തുന്ന ശബ്ദം കേട്ട് ആയിശു.... ഉമ്മറത്തേയ്ക്ക് ഓടി.. പിന്നെ ഉമ്മുമയെ പേടിച്ച് ഉമ്മറത്തേക്കുള്ള വാതിൽ പടിയിലിനരികെ മറഞ്ഞു നിന്നു നോക്കി.... ന്റെ......അള്ളോഹ്... ലൈലാത്ത ഞാൻ മനസ്സിൽ കണ്ട ആളെ...അല്ല... എന്റെ മനസ്സിൽ നല്ല നീളവും അതിനൊത്ത വണ്ണവും കുറച്ചു പ്രായമൊക്കെ തോന്നിപ്പിക്കുന്ന രൂപമായിരുന്നു...ഇതിപ്പോ മെലിഞ്ഞു വെളുത്ത് നാല്പത് വയസ്സ് തോന്നിക്കുന്ന രൂപം. "ആയിശു....... ആയിശു........" കദീസുമ്മ ഉമ്മറത്ത് നിന്നും അവളെ നീട്ടിവിളിച്ചു... ശൊ....ഉമ്മൂമ്മ വിളിക്കുന്നുണ്ടല്ലോ. അവരുടെ മുന്നിലേക്ക് പോകാൻ ഒരു പേടിയും ഒരു നാണവുമൊക്കെ.... അതുകൊണ്ടാണോ എന്തോ...ഹൃദയം വല്ലാതെ മിടിക്കുന്നു...വായിൽവിരൽ വെച്ച് കടിച്ചുകൊണ്ടവൾ സ്വയം പറഞ്ഞു... വീണ്ടും കദീസുമ്മയുടെ വിളിയെത്തിയതോടെ.. ആയിശു വിളി കേട്ടു. "ഉമ്മാമ...ദാ... വരുന്നു.." ആരുടേയും മുഖത്തേക്ക് നോക്കാതെ അവൾ ഉമ്മറത്തേയ്ക്ക് ഇറങ്ങി ഉമ്മൂമയുടെ മുഖത്തേക്ക് നോക്കി... "ആയിശു... കാറിൽ നിന്നും ഇറക്കിവെച്ച അവരുടെ സാധനങ്ങളൊക്കെ എടുത്ത് അകത്ത് കൊണ്ടുപോയി വെക്ക് മോളെ..." അവൾ....തെല്ല് പേടിയോടെ സാധനങ്ങൾ ഓരോന്നായി കയ്യിൽ എടുത്ത് അകത്തേക്ക് കൊണ്ട് പോയ്‌...ഹാളിലെ സോഫാക്കടുത്തായ് വെച്ചു.....അടുത്തത് എടുക്കാനായി അവൾ വീണ്ടും വന്നതും അമീർ അവളെ തടഞ്ഞു... "കുട്ടി......കുട്ടി... എന്റെ ബാഗ് അവിടെ വെച്ചോളൂ അത്‌ ഞാൻ എടുത്ത് വെച്ചോളാം. ആയിശു അമീറിനെ നോക്കിയതും...രണ്ട് പേരുടെയും കണ്ണുകൾ ഒന്ന് കോർത്തു... അവൾ അവനെ നോക്കി തലയാട്ടികൊണ്ട്....അവന്റെ ബാഗ് അവിടെ വെച്ചു... ചെറുപ്പത്തിൽ മൂസക്കയുടെ കൂടെ ഇടക്ക് മാളിക പുരയിലേക്ക് അവൾ വരാറുണ്ടായിരുന്നു... അന്ന്..കണ്ട ചെറിയ ഒരു ഓർമയുണ്ട് അമീറിന്. "ഉമ്മാമ.......ഇത് നമ്മുടെ മൂസാക്കയുടെ മോൾ അല്ലെ ആയിശു..." "അതേടാ....നിനക്കവളെ ഓർമ്മയുണ്ടോ..? "നേരിയ ഒരു ഓർമയുണ്ട്. എന്റെ കയ്യിലെ മിട്ടായി പൊതി മുഴുവനും കിട്ടണമെന്ന് പറഞ്ഞ് വാശിപിടിച്ച് കരഞ്ഞതിന് മൂസാക്ക ഒരു അടി വെച്ച് കൊടുത്തതും... പിന്നീട് എന്നെ കാണുമ്പോഴെല്ലാം ഈ.....ഉണ്ടകണ്ണുകൾ കൊണ്ട് എന്നെ നോക്കി പേടിപ്പിച്ചതും..എല്ലാം..." ശൊ..... ആയിശു നഖം കടിച്ചു. അതെല്ലാം ഓർത്തിരിക്കാണോ... ഇപ്പോഴും...അവൾ മനസ്സിൽ പറഞ്ഞു.... പക്ഷെ...ഇങ്ങനെ ഒരാളെ കണ്ടതായി ഞാൻ ഓർക്കുന്നില്ലല്ലോ...അവൾക്ക് അവന്റെ മുഖത്ത് നോക്കാൻ മടിയായി അധികനേരം അവിടെ നിൽക്കാതെ അവൾ സാധങ്ങൾ ഓരോന്ന് അകത്തു കൊണ്ട് പോയി വെച്ചുകൊണ്ട്.. അടുക്കളയിലേക്കവൾ തിരിഞ്ഞു നടന്നു.. ചെറിയ ഒരു പുഞ്ചിരിയും ചമ്മലും...അവളുടെ മുഖത്തുണ്ടായി... പഴയ പോലെ അല്ലല്ലോ ഇവളങ്ങ് വളർന്ന് സുന്ദരിയായല്ലോ... പീലികൾ തിങ്ങി നിറഞ്ഞ വിടർന്നകണ്ണുകളും തുടുത്ത കവിളുകളും ചുവന്ന അധരങ്ങളും ചെമ്പകപൂവിന്റെ കളറും. ന്റമ്മോ......ഇവളാണ് മൊഞ്ചത്തി... "എന്താടാ....ഒറ്റക്ക് നിന്ന് ചിരിക്കുന്നത്.." "ഹേയ്..... ഒന്നുല്ല ഉമ്മാമ്മ ചമ്മിയ ചിരിയോടെ അമീർ പറഞ്ഞൊപ്പിച്ചു... "എന്നാ... നടക്ക് അകത്തോട്ട്..." "മ്മ്ഹ്... വന്ന് കയറിയില്ല അതിന് മുന്നേ..എന്ത് സ്വപ്നം കാണുകയാടാ.. ഡോക്ടറേ.... ജാസി അവനെ ഒന്ന് തോണ്ടി കൊണ്ട് ചോദിച്ചു." "സ്വപ്നമോ.....ഞാനോ.. ഹേയ്......ഞാൻ പഴയ കാര്യങ്ങൾ ഓരോന്ന് ഓർത്തപ്പോ അറിയാതെ ചുണ്ടിൽ പുഞ്ചിരി വിടർന്നു പോയതാ...." "ഓഹോ....മ്മ്... ഞാൻ വിശ്വാസിച്ചു..." ലൈലത്തയും ഉമ്മയും പേരക്കുട്ടികളും ഹാളിലെ സോഫയിൽ ഇരുന്ന് അങ്ങോട്ടും ഇങ്ങോട്ടും വിശേഷങ്ങൾ പങ്കുവെച്ചു. "ഫൈസൽ..ഇനി എന്നാനാട്ടിലേക്ക്. അവൻക്കും നിങ്ങളെ കൂടെ ഇങ്ങ് വന്നുകൂടായിരുന്നോ.." വിശേഷങ്ങൾ തിരക്കുന്നതിനിടെ ഉമ്മൂമ്മ ലൈലയോടായ് പറഞ്ഞു. "ഇക്കാക്ക് ലീവ് കിട്ടിയില്ല. ഞങ്ങൾ അങ്ങോട്ട് തിരിച്ചു പോകും മുന്നേ വരുമായിരിക്കും.." "ആമി..ഒന്നും കഴിക്കാറില്ലെ നീ....തടിയൊക്കെ പോയല്ലോ" "ഉമ്മൂമ്മ....ഇതൊക്കെ അല്ലേ..ഇപ്പോഴത്തെ ഫാഷൻ. തിന്നാതെനടക്ക..."അമീർ അമാനയെ നോക്കികൊണ്ട് പറഞ്ഞു... "പിന്നേ...നല്ല പാഷനാ.. ഉമ്മാമ അമീറിനോടായ് പറഞ്ഞു... നീയിനി എന്റെ കൂടെ അല്ലേ താമസിക്കാൻ പോകുന്നത്.തടി ഉഷാറാക്കുന്ന കാര്യം ഞാൻ ഏറ്റു..." ജാസി അമാനയെ നോക്കികൊണ്ട് പറഞ്ഞു. "അമ്മായി... അത് വേണോ.." "വേണം. വേണം.." ആയിഷുവും ഉമ്മയും ഉച്ചക്കത്തെ ഊണിനുള്ള ഒരുക്കത്തിലാണ്... "ഉമ്മാ...ബീഫ് കറി റെഡിയായി... ഇനിയെന്താ ഉണ്ടാക്കാൻ ഉള്ളത്..? "ചിക്കൻ വറുത്ത് കോരാൻ ഉണ്ട്... ആ..പിന്നേ കുറച്ച് തേങ്ങ ചിരവ്...കുംമ്പളങ്ങ കറിയിലേക്ക് അരച്ചുഒഴിക്കണം." ആയിശു...തൊരനുള്ള പയർ അരിഞ്ഞു വെച്ചിട്ടുണ്ട്...മുഴുവൻ ആയില്ല കുറച്ചൂടെ ഉണ്ട് അതൊന്ന് തീർത്തേക്ക് ഞാൻ അവരുടെ അടുത്തേക്ക് ചെല്ലെട്ടെ ട്ടോ... " ജാസി ആയിഷുവിനോടായ് പറഞ്ഞു.. ആയിശു പയർ എടുത്ത് ബാക്കിയുള്ളത് അരിയാൻ തുടങ്ങി.. തുടരും കണ്ണൂർകാരൻ ❤️❤️❤️❤️ #📔 കഥ #📙 നോവൽ #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ

ഒന്നാം ഭാഗം ലിങ്കിൽ ഉണ്ട് https://sharechat.com/post/mKOr3Ma?d=n&ui=v64j8rk&e1=cഅലമാരിയുടെ കണ്ണാടിയിൽ അച്ഛന്റെ രൂപം കണ്ട് പെട്ടെന്നവൾ ഞെട്ടിത്തിരിഞ്ഞു. എന്താ അച്ഛാ?? മോൾക്ക് പോകാൻ സമയമായോ?? ചെറുപുഞ്ചിരിയോടെ അയാൾ ചോദിച്ചു ഉവ്വ്... അവൾ വേഗം മുറിയിൽ നിന്നും പുറത്തിറങ്ങി. മോൾക്ക് വണ്ടിക്കൂലിക്ക് കാശുണ്ടോ?? അയാൾ ഷർട്ടിന്റെ പോക്കറ്റിൽ കയ്യിട്ടു. വേണ്ട. കാശ് ഉണ്ട്, ഞാൻ പോകുവാ അവൾ വേഗം മുറ്റത്തേക്ക് ഇറങ്ങി. അയാൾ ഉമ്മറത്തേക്ക് വന്ന് അവൾ നടന്നു പോകുന്നത് നോക്കി നിന്നു. ആഹാ.. വളർന്നു വളർന്ന് ഇവളൊരു അതീവ സുന്ദരിയായ പെണ്ണായിരിക്കുന്നു. അയാൾ അവൾ നടന്നു പോകുന്നത് നോക്കി നിന്നു. വഴിയുടെ അങ്ങേയറ്റത്തെത്തിയിട്ട് അവൾ ഒന്ന് തിരിഞ്ഞുനോക്കി. അച്ഛൻ തന്നെ നോക്കി നിൽക്കുന്നത് കണ്ടപ്പോൾ അവൾക്ക് എന്തോ വല്ലാത്ത വെറുപ്പ് തോന്നി. അവൾ അതിവേഗം മുന്നോട്ടുതന്നെ നടന്നു. അച്ഛനെന്നാൽ തനിക്ക് വല്ലപ്പോഴും വരുന്ന ഒരാൾ മാത്രമാണ്, തന്റെ ഓർമ്മയിലെങ്ങും അച്ഛൻ തന്നെ കൊഞ്ചിക്കുകയോ, ലാളിക്കുകയോ ഒന്നും ചെയ്തിട്ടില്ല. സ്വന്തം മകളല്ലേ എന്ന് കരുതി തനിക്കായി എന്തെങ്കിലും വാങ്ങി തന്നിട്ടു കൂടിയില്ല.... മറ്റു കുട്ടികളൊക്കെ അച്ഛനെ കുറിച്ച് പറയുമ്പോഴും അവരുടെ അച്ഛൻ അവരെ സ്നേഹത്തോടെ കൊണ്ടുനടക്കുന്നത് കാണുമ്പോഴുമൊക്കെ തനിക്ക് വല്ലാത്ത വിഷമം തോന്നിയിട്ടുണ്ട്. ഉള്ളത് പറഞ്ഞാൽ ആ മനുഷ്യൻ വരുന്നത് തനിക്ക് തീരെ ഇഷ്ടമല്ല. നോട്ടവും ഭാവവും ഒക്കെ കണ്ടാൽ വെറുപ്പ് കൂടുകയേയുള്ളൂ... വഴി പണി നടക്കുന്നതുകൊണ്ട് വല്ലാത്ത പൊടിയാണ്.... ഇതിപ്പോ ഒന്ന് രണ്ട് ദിവസമായിട്ട് പണിയൊന്നും നടക്കുന്നില്ല റോഡ് ആകെ കുത്തിപ്പൊളിച്ച് ഇട്ടിരിക്കുകയാണ് . ഇത് പ്രൈവറ്റ് വഴി ആയതു കൊണ്ടായിരിക്കും...ഇങ്ങനെ താമസിക്കുന്നത്. ഇനിയിപ്പോൾ അച്ഛൻ പോയാലേ തനിക്കൊരു സമാധാനം തോന്നു. മൂന്നാല് ദിവസം നിന്ന് കഴിഞ്ഞാൽ അച്ഛൻ മടങ്ങി പോവുകയാണ് പതിവ്, പിന്നെ രണ്ടോ മൂന്നോ മാസം കഴിയുമ്പോൾ വീണ്ടും ഇതുപോലെ വരും. അച്ഛൻ വീട്ടിൽ ഉള്ള ദിവസങ്ങളിൽ എന്തോ വല്ലാത്തൊരു ശ്വാസംമുട്ട് പോലെയാണ്.. അവൾ മെയിൻ റോഡിലേക്ക് കയറി. ബസ് വരുന്ന സമയമായിട്ടുണ്ട്. അവൾ വഴിയരികിൽ കാത്തു നിന്നു. ബസ് കണ്ടതും അവൾ കൈയ് നീട്ടി. ഇരുപത് മിനിട്ട് യാത്രയുണ്ട് കോളേജിലെത്താൻ. 🍀🍀🍀🍀🍀🍀 എടി മീരേ... നിന്റെ കെട്ടിയോൻ വന്നു എന്നറിഞ്ഞല്ലോ. കൂടെ പണിയുന്ന ജാനകി ചേച്ചി ചോദിച്ചു. അതിയാൻ അങ്ങനെ ഇടയ്ക്കൊക്കെ വരും, തോന്നുമ്പോൾ പോകും. ചിലവിന് വല്ലതും തരുമോടീ.. എവിടുന്ന്! ഒരു നൂറുരൂപ പോലും തരില്ല. അങ്ങേര് വന്നു കഴിഞ്ഞാൽ അങ്ങേർക്ക് തിന്നാൻ ഉള്ളതും കൂടി ഞാൻ ഉണ്ടാക്കി കൊടുക്കണം അത്രതന്നെ. എങ്ങനെ ഉത്തരവാദിത്തമില്ലാത്ത ഒരുത്തന്റെ കൂടെയാണല്ലോടി മീരേ നീ ഇറങ്ങി പോന്നത്. എന്ത് ചെയ്യാനാ ചേച്ചി അന്നത്തെ പ്രായം അറിവില്ലായ്മ. ഇന്നാണെങ്കിൽ ഞാൻ ഇങ്ങനെ പോരുമോ. ഞാൻ ചെയ്ത തെറ്റിന്റെ ശിക്ഷയാ ഇപ്പോൾഅനുഭവിച്ചുകൊണ്ടിരിക്കുന്നത്. സാരമില്ലടി...ഞാൻ വെറുതെ പറഞ്ഞതാ. നീ ഇനി അതോർത്ത് വിഷമിക്കുകയൊന്നും വേണ്ട. വിഷമം ഒന്നുമില്ല ചേച്ചി. എന്നെക്കുറിച്ച് ഓർക്കണ്ട, കല്യാണപ്രായമെത്തിയ മകൾ ഉണ്ടെന്നുള്ള തോന്നലെങ്കിലും ഉണ്ടായാൽ മതിയായിരുന്നു. അതിനായി ഒരുതരിപ്പൊന്നു പോലും വാങ്ങി വെച്ചിട്ടില്ല. എടീ ഇന്നത്തെ കാലത്ത് പൊന്നും പണവും ഒന്നും പെൺകുട്ടികൾക്ക് വേണ്ടി കരുതി വയ്ക്കരുത്.അതുങ്ങളെ പഠിപ്പിച്ചു സ്വന്തം കാലിൽ നിർത്താറാക്കണം. അതെന്തായാലും അത്രയേ ഉള്ളൂ ചേച്ചി...ഒരു ജോലി ആയിട്ടേ എന്റെ മോളെ ഞാൻ വിവാഹം കഴിപ്പിച്ചയക്കൂ.. ഇല്ലെങ്കിൽ എന്നെപ്പോലെ വല്ലവന്റെയും പറമ്പിൽ പണിയെടുക്കേണ്ടി വരും 🍀🍀🍀🍀🍀🍀 മേരി പെണ്ണേ...എന്നാ ഉണ്ട് കഴിക്കാൻ?? എൽദോസ് ഡൈനിങ് റൂമിലേക്ക് വന്ന് ഉറക്കെ ചോദിച്ചു. ചോറ് എടുക്കാം ചെറുക്കാ. എന്നതാ കൂട്ടാൻ..?? ദേ നമ്മുടെ സിന്ധു നല്ല ഒന്നാന്തരം വറുത്തരച്ച ചിക്കൻ കറിയും, രസവും, കരിമീൻ പൊള്ളിച്ചതും ഉണ്ടാക്കിയിട്ടുണ്ട്. എന്നാൽ ഇങ്ങോട്ട് എടുക്ക്,വിശന്നിട്ട് വയ്യ. അവൻ പറഞ്ഞു അല്ല ! നിന്നോട് പെണ്ണുകാണാൻ പോകണമെന്ന് പറഞ്ഞിട്ട് നീ പോയില്ലേ?? മേരി ചോദിച്ചു. അത് വൈകുന്നേരം പോകാം. അതുകൊള്ളാം പെണ്ണുകാണാൻ ആരെങ്കിലും വൈകുന്നേരം പോകുവോടാ, അതൊക്കെ രാവിലെ വേണ്ടേ പോകാൻ. അങ്ങനെയൊന്നുമില്ലന്നേ അതൊക്കെ പണ്ടുള്ള നാട്ടുനടപ്പല്ലേ, നമുക്ക് വൈകുന്നേരം പോയാൽ മതി. അതാവുമ്പോൾ അവിടെ ഒരു റബ്ബർതോട്ടം വിൽക്കാനുണ്ടെന്ന് അറിഞ്ഞിരുന്നു,അതും കാണാം, കൂട്ടത്തിൽ പെണ്ണിനെയും ഒന്നു കണ്ടേക്കാം.അവൻ പറഞ്ഞു. നീ എന്തേലും ചെയ്യ്.. അല്ല! അമ്മച്ചി വരുന്നില്ലേ പെണ്ണുകാണാൻ ?? അവൻ ചോദിച്ചു. എന്റെ പൊന്നെടാ ഞാൻ വരുന്നില്ല.... എന്നാപ്പിന്നെ ഞാൻ തന്നെ പൊയ്ക്കോളാം. അവൻ പറഞ്ഞു. ആരെയെങ്കിലും കൂട്ടുകാരെയും കൂട്ടിക്കൊണ്ടുപോടാ... ഉള്ളത് പറയാമല്ലോ അമ്മച്ചി പെണ്ണ് കാണാൻ എന്റെ കൂടെ ഒറ്റ കൂട്ടുകാരും വരില്ല. അവന്മാര് പറയുന്നത് നാണംകെട്ട് മടുത്തു എന്നാണ്. ഏതു പെണ്ണിനെ കണ്ടാലും ഞാൻ കുറ്റം പറയുമത്രേ....അയാൾ ഉറക്കെ പൊട്ടിച്ചിരിച്ചു. ഈ ചെറുക്കന്റെ ഒരു കാര്യം. മോനേ പെണ്ണിന്റെ സൗന്ദര്യത്തിൽ ഒന്നും ഒരു കാര്യവുമില്ല. എത്ര സുന്ദരിയായിരുന്നാലും മനസ്സ് നന്നല്ലെങ്കിൽ എല്ലാം പോയില്ലേ.. അതല്ലേ അമ്മച്ചി ഞാനും പറയുന്നത്. എനിക്ക് തോന്നണം ഇവളെന്റെ പെണ്ണാണ് ഇനിയങ്ങോട്ട് ഇവൾ എന്റെ കൂടെ വേണം എന്നൊക്കെ. ആ ഒരു ഫീലിംഗ്സ് ഒരു പെണ്ണിനെ കണ്ടിട്ടും എനിക്ക് ഇതുവരെയും തോന്നിയില്ല. പിന്നെ എങ്ങനെയാ അമ്മച്ചി, ഞാൻ അവരെ എന്റെ ജീവിതത്തിലേക്ക് കൂട്ടുന്നത്?? അതൊക്കെ പോട്ടെ, അമ്മച്ചി കഴിച്ചായിരുന്നോ ?? അവൻ ചോദിച്ചു ഞാൻ കുറച്ചു മുമ്പ് ചോറുണ്ടു. അത് സാരമില്ല, ഇങ്ങോട്ട് ഇരിക്ക്. ഇത്തിരി കൂടി കഴിക്കാം. അവൻ അമ്മച്ചിയുടെ കൈപിടിച്ച് തന്റെ അടുത്ത് ഇരുത്തി. ഒന്ന് പോ ചെറുക്കാ...ഞാൻ വേണമെങ്കിൽ കൂട്ടിരിക്കാം. ഇനി ഭക്ഷണം കഴിക്കാൻ എന്റെ വയറ്റിൽ ഇടമില്ല, അല്ലെങ്കിൽ തന്നെ ഇപ്പോൾ ഭയങ്കര തടിയാ . ഇത്തിരി നടക്കുമ്പോഴേക്കും കിതക്കും. എന്നാൽ കഴിക്കേണ്ട. കൂട്ടിരുന്നാൽ മതി. അതെ, നിനക്ക് കൂട്ടിരിക്കണമെങ്കിൽ പോയി ഒരു പെണ്ണ് കൊണ്ടുവാ. അല്ലാതെ എന്നും എനിക്ക് കൂട്ടിരിക്കാൻ പറ്റില്ല. അവർ കെറുവിച്ചു. ഈ മേരി പെണ്ണിന്റെ ഒരു കാര്യം, എന്തിനും ഏതിനും കെറുവിക്കാൻ തുടങ്ങും നീ പ്രസംഗിച്ചുകൊണ്ടിരിക്കാതെ കഴിക്കാൻ നോക്ക്. മേരി വാത്സല്യത്തോടെ അവന്റെ മുഖത്തേക്ക് നോക്കി. അമ്മച്ചി പറഞ്ഞ പെണ്ണിനെ കാണാനായി വൈകുന്നേരം മൂന്നുമണിയോടെ അയാൾ വീട്ടിൽ നിന്ന് ഇറങ്ങി. കാണാൻ പോകുന്ന പെണ്ണിന്റെ വീടിന്റെ ആ ഭാഗത്ത് എവിടെയോ ആണ് വിൽക്കാൻ ഉണ്ടെന്ന് പറഞ്ഞ റബ്ബർ തോട്ടമുള്ളത്. പോകും വഴി അതും ഒന്ന് നോക്കിയിട്ട് പോരാം. സ്ഥലം വാങ്ങിക്കൂട്ടുന്നത് അയാളുടെ ഒരു ശീലമാണ്. സ്വന്തമായി സമ്പാദിക്കാൻ തുടങ്ങിയതോടെ അയാൾ നല്ല സ്ഥലങ്ങൾ കണ്ടാൽ വാങ്ങിച്ച് ഇടാറുണ്ട്. അയാൾ മെയിൻ റോഡിൽ നിന്നും വണ്ടി മറ്റൊരു പ്രൈവറ്റ് വഴിയിലേക്ക് ഇറക്കി. പെട്ടെന്നാണ് ദേവിക അയാളുടെ വണ്ടിക്ക് അരികിലേക്ക് വന്നത്, അയ്യോ...ചേട്ടാ, ഈ വഴി വണ്ടി പോകില്ല കേട്ടോ, റോഡ് പണി നടക്കുകയാണ്. ആണോ...?? അതെ ര, ണ്ടുമൂന്നു ദിവസമായി തുടങ്ങിയിട്ട് ഇനിയിപ്പോൾ എന്ത് ചെയ്യും?? നടന്നു പോകണം. അയാൾ വണ്ടി സൈഡിലേക്ക് ഒതുക്കി ഇട്ടു. അവൾ മുന്നോട്ടു നടന്നു. അതേ കുട്ടി.... അവിടെയൊന്നു നിന്നെ... അയാൾ ഉറക്കെ വിളിച്ചു. എന്താ...?? ഈ ആൻസിയുടെ വീട് എവിടെയാണ്?? ഏത് ആൻസി. ഈ ഓസ്ട്രേലിയയിൽ ജോലിയുള്ള ആൻസിയുടെ.ഈയിടെ നാട്ടിൽ വന്നിട്ടുണ്ടെന്ന് പറഞ്ഞു. ചേട്ടൻ പെണ്ണ് കാണാനായി വന്നതാണ് അല്ലേ?? അതെ ... എന്നാൽ എന്റെ കൂടെ പോരെ, ഇവിടെ നിന്നും കുറച്ച് നടക്കണം ആൻസി ചേച്ചിയുടെ വീട്ടിലേക്ക്. എന്തായാലും വന്നു പോയില്ലേ നടക്കാം. അയാൾ അവൾക്കൊപ്പം നടന്നു. 💚💚💚💚 തുടരണോ 😍😍😍😍 #📔 കഥ #📙 നോവൽ #✍ തുടർക്കഥ #💞 പ്രണയകഥകൾ #📚 ട്വിസ്റ്റ് കഥകൾ കണ്ണൂർകാരൻ 🥰🥰🥰🥰🥰

. #Government_of_UP

ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/mOKze6D?d=n&ui=v64j8rk&e1=cകാത്തിരുന്ന നിക്കാഹ് ഭാഗം..15 ========= 'നീ ശെരിക്കൊന്ന് ആലോചിക്ക് എന്നിട്ട് എടുത്താൽ മതി തീരുമാനം..' മ്മ്.. " റസിയ നസിയയെയും കൂട്ടി വീട്ടിലേക്ക് നടന്നു. എടി.. നീയിത് ആരോടും പറയില്ലന്ന് എനിക്ക് വാക്ക് തരണം... അവളെ കയ്യിൽ പിടിച്ച് സത്യം ചെയ്യിച്ചിട്ടാണ്..അവൾ അകത്തേക്ക് കയറിപോയത്. നസീറയോട് എല്ലാം തുറന്ന് പറഞ്ഞപ്പോൾ മനസ്സിന് ഒരല്പം ആശ്വാസം കിട്ടിയത് പോലെ തോന്നിയവൾക്ക്. ആരും അറിയരുത് എന്ന് നസീറയോട് നിർബന്ധപൂർവ്വം പറഞ്ഞിട്ടാണ് അവർ പിരിഞ്ഞത്..റസിയ അകത്തേക്ക് കടന്നതും ആമിനുമ്മയെ ചേർത്തു പിടിച്ച് ആശ്വാസിപ്പിച്ചു. നസീറ... ഉമ്മ... വിചാരിച്ചത് പോലെ ഒന്നും ഇല്ല ഉമ്മാ.." ആണോ മോളെ..? പിന്നെന്താ.. ഇവളിങ്ങനെ..? " "അതേയ്.. അവൾക്ക് അവൻ പെട്ടന്ന് ഗൾഫിലേക്ക് പോയ വിഷമം ആണ്.." ഉമ്മയോട് അങ്ങിനെ പറഞ്ഞെങ്കിലും നെസിയുടെ ഹൃദയം തേങ്ങി.. അവൾക്ക് വാക്ക് കൊടുത്ത് പോയില്ലേ.. ഉമ്മ വിഷമിക്കണ്ടാട്ടോ എല്ലാ. ശെരിയാവും..എന്നാ ഞാനിറങ്ങി റസിയയോട് പറഞ്ഞോളൂട്ടാ... "ഹാവു.. എപ്പോഴാ മനോസ്സൊന്ന് തണുത്തത്." ദിവസങ്ങൾ വീണ്ടും കടന്നുപോയി കൊണ്ടിരുന്നു.. സൈനുത്ത ഇന്ന് അവളെ അങ്ങോട്ട് കൂട്ടീട്ട് പോകാൻ വരുന്നുണ്ടെന്ന് പറഞ്ഞ് വിളിച്ചിരുന്നു..ആ സമയം മുതൽ അവൾ അസ്വസ്ഥയാണ്.. 'പോകാൻ മനസ്സുണ്ടായിട്ടല്ല. പോകാതിരുന്നാൽ.. എല്ലാവരുടെ ചോദ്യത്തിനും ഉത്തരം പറഞ്ഞു മടക്കും...' എല്ലാമെന്റെ വിധിയെന്ന് കരുതി പോകുകതന്നെ. ഓരോകാരണങ്ങൾ പറഞ്ഞുകൊണ്ട്. രണ്ട് മാസം പിടിച്ചു നിന്നു...ഇനി എന്ത് പറയും... റസിയ സ്വയം പറഞ്ഞു... ഹംസക്ക മുറ്റത്ത്‌. ബാക്കിലോട്ട് കൈയും കെട്ടി അങ്ങോട്ടും ഇങ്ങോട്ടും നടക്കുന്നു.. ഇടയ്ക്കു നെഞ്ച് തടവുന്നുമുണ്ട്. "നിങ്ങൾക്കെന്താ.. പറ്റിയത്...?" സുഖമില്ലായ്മ വല്ലതും ഉണ്ടോ..?! ഹേയ്.. " ഞാനിത്തിരി കാറ്റ് കൊള്ളൂകയാ..' "വല്ലാത്തൊരു ചൂട് നെഞ്ചിനകത്ത്... നീ.. നമ്മുടെ മോളെ ശ്രദ്ധിച്ചോ...?" അവളുടെ മുഖത്തിനൊരു പ്രസന്നത ഇല്ലാ... എനിക്കെന്തൊക്കെയോ.. സംശയങ്ങൾ തോന്നുന്നു. അവൾ നമ്മൾ വിഷമിക്കും എന്ന് കരുതി മറച്ചുപിടിക്കുകയാണോ എന്ന്... "ഹേയ്... അങ്ങിനെയൊന്നും. ഇല്ലാ.... എന്തേലും ഉണ്ടെങ്കിൽ മോൾ അങ്ങോട്ട് പോവോ..?" ആമിനാത്ത.. ഹംസക്കയേ സമാധാനിപ്പിച്ചു... നമുക്ക് നമ്മുടെ മോളുടെ സന്തോഷമാണ് വലുത് അങ്ങിനെ ഒന്ന് അവൾക്ക് അവിടെ കിട്ടുന്നില്ലേൽ.. പിന്നേ... പിന്നെ.. എന്തിനാ. വീണ്ടും...അങ്ങോട്ടേക്ക്.! "വെറുതേ..ഓരോന്ന് ചിന്തിച്ച് കൂട്ടി.. അസുഖം വരുത്തി വെക്കണ്ട. അവൾക്ക് അവൻ അടുത്തില്ലാത്ത വിഷമമാണ്..അല്ലാത്ത കൊഴപ്പങ്ങൾ ഒന്നും ഇല്ലന്നെ... കുറച്ച് കഴിയുമ്പോ.. അതങ്ങ് ശെരിയായിക്കോളും.." "എന്റെ കുട്ടി ഒരിക്കലും കണ്ണീർകുടിക്കാനി- ടവരരുത്.എനിക്കത്രയെ ഒള്ളു... "തോളിൽനിന്ന് തോർത്തെടുത്ത് നിറഞ്ഞു വന്ന മിഴിനീർ തുടച്ചുകൊണ്ട് ഹംസക്ക പറഞ്ഞു... ഇതെല്ലാം അകത്തിരുന്ന്‌ റസിയ കേൾക്കുന്നുണ്ടായിരുന്നു.. നിറഞ്ഞു വന്ന മിഴികൾ തുടച്ചുകൊണ്ട് അവൾ ഡ്രെസ്സുകൾ ഓരോന്നായി മടക്കി വെച്ചു. അരമണിക്കൂറിനു ശേഷം സൈനുമ്മ...കാറുമായി എത്തി... അവരുടെ ഉപ്പയോടും ഉമ്മയോടും യാത്ര പറഞവൾ... സൈനുമ്മയുടെ കൂടെ സുബൈറിന്റെ വീട്ടിലേക്ക് യാത്രയായി... നേരം ഇരുട്ട് മൂടാൻ തുടങ്ങിയിരുന്നു. സൈനുമ്മയും റസിയയും വീട്ടിൽ എത്തി. രണ്ട് മാസം നിന്നപ്പോഴേക്കും റൂമിൽ പലരും താമസം തുടങ്ങിയിരുന്നു.. ചൂലെടുത്ത് മാറാലയും പൊടിയും എല്ലാം അടിച്ചു വൃത്തിയാക്കി... തറ മോപ്പ് എടുത്ത് തുടച്ച് കട്ടിലിനടിയിലെ സാധനങ്ങൾ ഓരോന്നും എടുത്ത് അവപൊടി തട്ടി അങ്ങോട്ട് തന്നെ വെച്ചു. പാതിപൊട്ടിപൊളിഞ്ഞ ഒരു പഴയ ഒരു സൂട്ട്കേഴ്സ് പെട്ടി കട്ടിലിനടിയിൽ കണ്ടതും പ്രയാസപ്പെട്ടത്..നീക്കി.. നീക്കി എടുത്തു.. പഴയ ബുക്കുകളും പേപ്പേഴ്സും അതിൽനിന്നും താഴേക്ക് വീണു..കൊണ്ടിരുന്നു. എന്തിനാ ഇത്രയും പഴയ പെട്ടി സൂക്ഷിച്ചു വെച്ചിരിക്കുന്നത് . ആഹ്... പഴയ ഓർമ്മക്ക് വല്ലതും എടുത്ത് വെച്ചതാവും... എന്തായാലും തുറന്ന് നോക്കാം പുരാതനവസ്തു വല്ലതും ഇരിപ്പുണ്ടോ. ആവോ.. വല്ല പാറ്റയോ.. കൂറയോ.. ചിലപ്പോ പാമ്പും ഉണ്ടാവും കണ്ടിട്ട് അങ്ങിനെയാ തോന്നുന്നത്.. ആകെക്കൂടി ഒരു ഒതുക്കം ഇല്ലാതെ വാരിവലിച്ചു വെച്ചിരിക്കുന്നു.. ഒരു കാര്യത്തിലും ഒരു അടക്കവും ചിട്ടയും ഇല്ലാ.. പെട്ടി തുറന്നതും അവൾ തുമ്മാൻ തുടങ്ങി.. ആച്ചിം... ആച്ചിം.. അപ്പടി പൊടിയാണല്ലോ. എല്ലാം ഒന്ന് തട്ടികൊട്ടി വെക്കാം.. ഓരോന്നും എടുത്ത് പൊടി തട്ടി അടക്കിവെച്ചു. അതിനിടയിൽ നിന്നും സുബൈറിന്റെ ഒരു പഴയഡയറി കിട്ടി..അവൾക്ക്. കുറച്ച് പഴയ ഡയറി ആണേലും ഇതിൽ പൊടിയൊന്നും ഇല്ലല്ലോ. ഇക്ക..ഇടക്ക് എടുത്ത് നോക്കിയിട്ടുണ്ടാകും. എന്നാലും ഇതെങ്ങിനെ ഈ പഴയ പെട്ടിക്കുള്ളിൽ വന്നു.. എന്ന് സ്വയം പറഞ്ഞ്. അവൾ അതിലെ ഓരോ താളുകളും മറിച്ചുനോക്കി... ~~~~~~~~~~~~~~~~~~~~~~~~~ 1/2... ഒരുപാട് ദിവസത്തെ കാത്തിരിപ്പിനു ശേഷം അവളെന്നോട് തിരിച്ചും ഇഷ്ടം അറിയിച്ചു.. മനസ്സ് ഒരുപാട് സന്തോഷിച്ച നിമിഷങ്ങൾ... --------- അവൾ വീണ്ടും അടുത്ത ഏട് മറിച്ചു.... 2/2.... കോളേജിന്റെ വരാന്തകളിൽ ചിരിച്ചും കളിച്ചും പരസ്പരം പ്രണയം പങ്കുവെച്ചു.. ----------- 3/2... ഇന്നവൾ എന്നോട് ഒരു പാട് നേരം സംസാരിച്ചു. അവളുടെ വീട്ടുകാരെ കുറിച്ചും അവളുടെ ഇഷ്ടങ്ങളെ കുറിച്ചും. --------- 4/2... ഓരോ ദിവസവും അവളെന്നിൽ നിറഞ്ഞുനിന്നു.. എന്റെ ഹൃദയം കവർന്നുകൊണ്ട്. എന്റെ എല്ലാം എല്ലാമായി അവളിന്ന് മാറി കഴിഞ്ഞു എന്റെ.. മുംതു... --------- 3/3 അവളുടെ ഭർത്താവില്ലാത്ത സമയം നോക്കി ഞാനവളുടെ അടുത്ത് ചെന്നു..അവളാകെ മാറിയിരിക്കുന്നു..എന്റെ ജീവനായിരുന്ന ആ..പഴയ മുംതാസെഅല്ല..അവൾ പൂർണ്ണമായും നാസറിക്കക്ക് സ്വന്തമായിരിക്കുന്നു.. അവളെ ഇനി കാണാൻ വരരുത് എന്നും അവളുടെ ജീവിതം തകർക്കരുത് എന്നും പറഞ് പൊട്ടി കരഞ്ഞു..പിന്നേ ഞാൻ അങ്ങോട്ട് പോയിട്ടില്ല. അവൾ എന്നെ മറന്നെന്നു കരുതി എനിക്കവളെ മറക്കാൻ പറ്റില്ല.. ഇന്നും എന്റെ നെഞ്ചിൽ അവളുണ്ട് അവളുടെ ഓർമകളുണ്ട് എനിക്കതുമതി.. --------- ഓരോ ഏഡിലും അവന്റെ പ്രണയത്തുള്ളിക്കളെ അവൻ വരച്ചുവെച്ചത് കണ്ടവളുടെ ഹൃദയം പിടഞ്ഞുകൊണ്ടിരുന്നു.. ഓരോ ഏടുകളും അവൾ മിഴിനീരോടെ വായിച്ചു തീർത്തു... അവരുടെ പ്രണയം വളർന്നതും ഏതോ സാഹചര്യത്തിൽ അവർ ഒന്നയതും.. അവൾ ഗർഭിണിയായതും അവസാനം അവന്റെ കുഞ്ഞിനെ ഒരു മരുന്നിന്റെ ബലത്തിൽ ഇല്ലാതാക്കി അവളുടെ അമ്മായിയുടെ മോനെ വിവാഹം കഴിച്ചവൾ അവനുമൊത്ത് ഗൾഫിലേക്ക് ചേക്കേറിയതടക്കം അവന്റെ ഹൃദയമായിരുന്ന ഡയറിതാളുകളിൽ അവൻ കുതിക്കുറിച്ചു വെച്ചിട്ടുണ്ട്...മൂന്നാലു താളുകൾ കൂടി വായിക്കാനുണ്ട് പക്ഷെ അതുകൂടി വായിക്കാനുള്ള ശേഷി അവൾക്കുണ്ടായിരുന്നില്ല. അവൾ ബെഡിൽ തളർന്നിരുന്നു... 'റസിയാ... മോളെ....' "ഓഹ്... ഉമ്മ... വിളിക്കുന്നു...' അവളാകെ തളർന്നു പോയത് പോലെ തോന്നി. ശെരീരാമാകെ ബലം കുറഞ്ഞത് പോലെ... ഉമ്മ താഴെ നിന്നും വിളിക്കുന്നത് കെട്ടവൾ എണീക്കാൻ ശ്രമിച്ചു.. എണീക്കാൻ കഴിയുന്നില്ല...ബെഡിലേക്ക് തന്നെ വീണ് പോകുന്നു..പതുക്കേ എണീറ്റ്.. ബാത്‌റൂമിൽ കയറി മുഖമൊക്കെ കഴുകി... എങ്ങിനെയൊക്കെയോ. അവൾ സ്റ്റെപ്പുകൾ ഇറങ്ങി താഴെ എത്തി.. "നീ.. എന്തെടുക്കുവായിരുന്നു ഞാൻ എത്ര വിളിച്ചു.." അത്.. ഉമ്മാ.. ഞാൻ അവൾക്ക് പറയാൻ വാക്കുകൾ കിട്ടുന്നുണ്ടായിരുന്നില്ല. 'വാ....ചോറ് കഴിക്കാം.' അവൾ മേശകരികിൽ വന്നിരുന്നു... കൈകാലുകൾ വിറക്കുന്നുണ്ടായിരുന്നു. ഭക്ഷണം കഴിക്കാൻ കഴിയുന്നില്ല.... കഴിക്കുന്ന ഓരോ വറ്റും തൊണ്ടകുഴിയിൽ അടഞ്ഞു നിൽക്കുന്നത് പോലെ തോന്നി അവൾക്ക്.. മനസ്സ് മുഴുവനും ഡയറിയിലെ വരികളായിരുന്നു.. കഴിയുന്ന പോലെ പാത്രങ്ങളല്ലാം എടുത്ത് വെച്ച് ആർക്കും സംശയം തോന്നാത്ത രൂപത്തിൽ അവൾ മുകളിലേക്ക് സ്റ്റെപ്പുകൾ കയറിപ്പോയി.. "എഡി...സൈനോ. ഇയ്യ്..മോളെ ശ്രദ്ധിച്ചോ. വന്നത് മുതൽ അവൾക്കൊരു ഉഷാറില്ല...' "അതെ.. എനിക്കും തോന്നി... എന്താണാവോ.. നമ്മുടെ മോൻ..' അവൻ അവൾക്ക് വിളിക്കലുണ്ടോ..?" ' ചോദിച്ചോ... ഇയ്യ്‌...അവളോട്.' "അവൻ വിളിക്കാതിരിക്കൊ..?" ഞാൻ ചോദിച്ചില്ല. പക്ഷെ.. അവൾക്ക് എന്തൊക്കെയോ വിഷമങ്ങൾ ഉണ്ട്.. " "നിന്റെ മോനല്ലേ അപ്പൊ..അതും അതിനപ്പുറവും ചെയ്യും.." റസിയ വീണ്ടും.. ഉള്ളം നീറികൊണ്ട് തന്നെ ഡയറിയിലെ താളുകൾ മറിക്കാൻ തുടങ്ങി.. ഗൾഫിലേക്ക് പോകാൻ താല്പര്യം ഇല്ലാത്തവൻ അവളെ കാണാൻ വേണ്ടി ഗൾഫിലേക്ക് പോകാൻ തീരുമാനിച്ചതും.. അവളെ കാണാൻ ചെന്നതും അവനെ അവൾ ഇറക്കിവിട്ടതും.. അവന്റെ ജീവിതത്തിലേക്ക് കയറിവരുന്ന റസിയ‌െ കുറിച്ചും, അവളെ ഭാര്യയായി കാണാൻ കഴിയില്ലെന്നും, അവനുമായുള്ള ബന്ധം വേർപിരിഞ് അവൾ മറ്റൊരു വിവാഹം കഴിക്കാതെ ഇനി നാട്ടിലേക്കില്ലെന്നും ആ...താളുകളിൽ എഴുതിച്ചേർത്തിട്ടാണവൻ ഗൾഫിലേക്ക് തിരിച്ചിട്ടുള്ളത്... എല്ലാം വായിച്ചുകഴിഞ്ഞപ്പോൾ എന്ത് ചെയ്യണം എന്നറിയാതെ.. മനസ്സും ശരീരവും ഒരു പോലെ പിടഞ്ഞു...ഡയറിയിലെ ഓരോ വാക്കും അവളുടെ ഉള്ളം പൊള്ളിച്ചു കൊണ്ടിരുന്നു... "ന്റെ... റബ്ബേ..." ഇക്കയുടെ ജീവത്തിൽ ഇങ്ങനെയൊരു കഥയുള്ളതായി അറിഞ്ഞില്ല..എല്ലാം മറച്ചു വെച്ചുകൊണ്ട് ഞങ്ങളെ വഞ്ചിക്കുകയായിരുന്നു. എല്ലാവരുംകൂടി.. ഇക്കയെ ശെരിയാക്കി എടുക്കാനുള്ള ഒരു പരീക്ഷണ വസ്തുവായിട്ടാണ്. എല്ലാവരും കൂടി അവരുടെ ഭാര്യയായി എന്നെകൊണ്ട് ഈ..വേഷം കെട്ടിച്ചത്.. അല്ലേ...വേണ്ടായിരുന്നു ഞങ്ങളെ എല്ലാവരും കൂടി പറ്റിക്കണ്ടായിരുന്നു.. ഇക്കാനെ മറന്നുപോയവളെ എന്തിനാണ് വീണ്ടും ഹൃദയത്തിൽ താലോലിച്ചു നടക്കുന്നത്. ഇക്കാക്ക് എന്നെ സ്നേഹിച്ചുകൂടെ. ഞാൻ തരുമല്ലോ... ഇക്ക ആഗ്രഹിക്കുന്ന രൂപത്തിലുള്ള പ്രണയവും, കരുതലും.. എല്ലാം... ' അഹ്..' അത് എനിക്ക് മാത്രം തോന്നിയിട്ട് കാര്യം ഇല്ലല്ലോ അങ്ങേർക്ക് കൂടി തോന്നണ്ടേ... ഡയറി ഭദ്രമായി കാബോർഡിലേക്ക് എടുത്ത് വെച്ചു...അവൾ ബെഡിൽ വന്ന് കിടന്നു.. ഓരോന്ന് ഓർത്തുകൊണ്ട് (തുടരും.... കണ്ണൂർകാരൻ 🌹🌹🌹🌹🌹 #📙 നോവൽ #✍ തുടർക്കഥ #📔 കഥ #📚 ട്വിസ്റ്റ് കഥകൾ #💞 പ്രണയകഥകൾ