🌾మన సప్రదాయాలు🌾

#తెలుసుకుందాం #పల్లెటూరి సాంప్రదాయాలు #హిందూసాంప్రదాయాలు #🌾మన సప్రదాయాలు🌾 #మనసాంస్కృతిసంప్రదాయాలు

*గృహంలో పూజా ఆవశ్యకత* (పూజ ఎందుకు చేయాలి?) గృహస్తులు ప్రతిరోజూ పూజ చేయడం వల్ల కలిగే ప్రయోజనాలను తెలుసుకుందాము. గృహేషు దేవతార్చా చ సర్వమంగళ కారికా | శాంతికృత్ పౌష్టికంచైవ సర్వపాప ప్రణాశినీ || ఇంటిలో దేవతార్చన చేయడం వల్ల సర్వ మంగళాలు కలుగుతాయి. ఇది మనశ్శాంతిని, పుష్టిని (వృద్ధిని) ఇస్తుంది మరియు సమస్త పాపాలను తొలగిస్తుంది. *గృహ శాంతి మరియు రక్షణ (Home Protection)* ఇంట్లో పూజ జరగకపోతే ఆ ఇల్లు శ్మశానంతో సమానమని, పూజ జరిగే చోట లక్ష్మీదేవి నివసిస్తుందని శాస్త్రం. యద్గృహే నార్చ్యతే దేవో నమస్కారో న విద్యతే | తద్గృహం శ్మశానతుల్యం స్యాత్ సర్వసౌఖ్య వివర్జితమ్ || ఏ ఇంట్లోనైతే దైవ పూజ జరగదో, ఎక్కడైతే దేవుడికి నమస్కారం ఉండదో, ఆ ఇల్లు శ్మశానంతో సమానం. అక్కడ సుఖసంతోషాలు ఉండవు. *పంచ సూతక నివారణ (Purification)* మనం రోజూ చేసే పనుల వల్ల (వంట చేయడం, ఊడవడం, నీళ్లు తోడటం మొదలైనవి) తెలియకుండానే కొన్ని జీవహింసలు జరుగుతాయి. వీటిని "పంచశూన" అంటారు. ఈ దోషాల నుండి ముక్తి పొందడానికి దేవతా పూజ ముఖ్యం. పంచశూనాకృతం పాపం ప్రక్షాళయతి నిత్యశః | దేవపూజాం ప్రకర్వీత గృహస్థో ధర్మసిద్ధయే || గృహస్థుడు తన ధర్మ నిర్వహణలో భాగంగా రోజూ చేసే పాపాలను పోగొట్టుకోవడానికి, పుణ్యాన్ని పొందడానికి ప్రతిరోజూ దేవతా పూజను తప్పనిసరిగా చేయాలి. *సర్వ మంగళకారిణి (Source of Prosperity)* దేవతార్చన వల్ల కేవలం పుణ్యమే కాకుండా ఐశ్వర్యం కూడా సిద్ధిస్తుంది గృహేషు దేవతార్చా చ సర్వమంగళ కారికా | ధన ధాన్య ప్రదా చైవ సర్వరోగ నివారిణీ || ఇంటిలోని దేవతార్చన సర్వ మంగళాలను కలిగిస్తుంది. ఇది ధన ధాన్యాలను ప్రసాదించడమే కాకుండా, ఇంట్లోని వారికి అనారోగ్య సమస్యలు లేకుండా చూస్తుంది. *వాస్తు దోష నివారణ (Rectifying Vastu Defects)* కొన్నిసార్లు ఇంట్లో వాస్తు దోషాలు ఉండవచ్చు. పూజ చేయడం వల్ల ఆ దోషాల తీవ్రత తగ్గుతుంది. పూజితే పరమేశే తు సర్వే దేవాః సుపూజితాః | గృహదోషాః ప్రశామ్యంతి దేవతా సన్నిధౌ సదా || పరమేశ్వరుడిని (లేదా ఇష్ట దైవాన్ని) పూజించడం వల్ల సకల దేవతలను పూజించిన ఫలితం దక్కుతుంది. దైవ సన్నిధి నిరంతరం ఉండే ఇంట్లో ఎటువంటి వాస్తు దోషాలైనా శాంతిస్తాయి. ఇక్కడ మన ఇంటి/ సమీప వాతావరణం శుద్ధి. *సంతాన మరియు వంశ వృద్ధి (Lineage Growth)* వంశ పరంపరగా వచ్చే సంప్రదాయాలను, దేవతా పూజను కొనసాగించడం వల్ల వంశం వృద్ధి. దేవపూజారతో యస్తు కులకృద్ధర్మవత్సలః | తస్య వంశో భవేత్ నిత్యం వర్ధతే నాత్ర సంశయః || ఎవరైతే దైవ పూజలో నిమగ్నమై ఉంటారో, ధర్మాన్ని ప్రేమిస్తారో వారి వంశం నిరంతరం వర్ధిల్లుతుంది (వృద్ధి చెందుతుంది). ఇందులో ఎటువంటి సందేహం లేదు. ఆగమ శాస్త్రాల ప్రకారం, గృహ పూజ అనేది కేవలం ఒక కర్మకాండ కాదు. *శుద్ధి*: ఇంటి వాతావరణాన్ని పవిత్రం చేస్తుంది. *రక్షణ*: దుష్ట శక్తుల నుండి, అనారోగ్యాల నుండి కాపాడుతుంది. *శాంతి*: మనసుకి, కుటుంబ సభ్యుల మధ్య సఖ్యతను పెంచుతుంది. *దైవానుగ్రహం మరియు పాప విముక్తి (Divine Grace)* నిత్యం భగవంతుని అర్చించడం వల్ల పూర్వ పాపాలు నశించి, దైవానుగ్రహం ఎలా లభిస్తుంది అర్చితః పూజితః పుష్పైః ధూపదీపైశ్చ భక్తితః | దేవతా ప్రసన్నతాం యాతి సర్వకామప్రదాయినీ || భక్తితో, పుష్పాలతో, ధూపదీపాలతో ఎవరైతే నిత్యం పూజిస్తారో, వారిపై దేవతలు ప్రసన్నులవుతారు. ఆ దైవానుగ్రహం వల్ల కోరుకున్న కోరికలన్నీ నెరవేరుతాయి. *మంత్ర సిద్ధి మరియు పుణ్య వృద్ధి (Mantra Potency)* నిత్యం జపం మరియు పూజ చేయడం వల్ల మంత్రానికి శక్తి చేకూరుతుందని, అది పుణ్యాన్ని వృద్ధి చేస్తుంది. జపాత్ సిద్ధిః జపాత్ సిద్ధిః జపాత్ సిద్ధిర్న సంశయః నిత్యార్చనరతో మంత్రీ సర్వపాపైః ప్రముచ్యతే || *నిరంతరం జపం* (మంత్రం) చేయడం వల్ల, నిత్యం అర్చన చేయడం వల్ల తప్పక సిద్ధి లభిస్తుంది. ఇందులో ఎటువంటి సందేహం లేదు. నిత్య పూజ చేసే మంత్రవేత్త సమస్త పాపాల నుండి విముక్తుడవుతాడు. *పుణ్య ఫలం - ఏడు జన్మల సుకృతం* నిత్యం పూజాపరో యస్తు సర్వభూతహితే రతః | సప్తజన్మకృతం పాపం తత్క్షణాదేవ నశ్యతి || నిత్యం పూజలో నిమగ్నమై, అందరికీ మేలు కోరే వ్యక్తి యొక్క ఏడు జన్మల పాపాలు కూడా ఆ దైవారాధన పుణ్యం వల్ల తక్షణమే నశిస్తాయి. #సనాతన హిందూ ధర్మం #తెలుసుకుందాం #మనసాంస్కృతిసంప్రదాయాలు #హిందూసాంప్రదాయాలు #🌾మన సప్రదాయాలు🌾

హిందూ గృహాలలో తులసి మొక్కను ఎక్కడ ఉంచాలి...........!! తులసి మొక్కను ఉంచాల్సిన దిశ ​మీరు హిందూ సాంప్రదాయాన్ని అనుసరించేవారైతే, ఇంట్లో తులసి మొక్కను తప్పకుండా ఉంచుకోండి. ఇది ఎంతో శుభప్రదమైనది, శారీరక మరియు మానసిక ఆరోగ్యానికి ఎంతో మంచిది, అలాగే గొప్ప ఔషధ గుణాలు కలది. మరి హిందూ గృహాలలో తులసి మొక్కను ఎక్కడ ఉంచాలి? ఇంట్లో తులసి మొక్కను ఉంచే దిశ లేదా స్థానానికి సంబంధించి నాలుగు ఉత్తమమైన మార్గాలు ఉన్నాయి. ​హిందూ గృహాలలో తులసి మొక్కను ఎక్కడ ఉంచాలి? ​తులసి మొక్కను ఇంటి ముందర ఉంచుకోవచ్చు. ​ఇంటికి తూర్పు వైపున ఉంచవచ్చు. ​ఇంటికి ఉత్తరం వైపున ఉంచవచ్చు. ​ఇంటికి ఈశాన్యం (ఉత్తర-తూర్పు) వైపున ఉంచవచ్చు. ​సాధ్యమైతే, ఈశాన్య మూలలో తులసి మొక్కతో పాటు ఒక అరటి మొక్కను కూడా పెంచండి. ఇది ఆర్థిక మరియు ఆస్తికి సంబంధించిన అన్ని రకాల సమస్యలను పరిష్కరించడంలో సహాయపడుతుంది. #తెలుసుకుందాం #🌾మన సప్రదాయాలు🌾 #మనసాంస్కృతిసంప్రదాయాలు #హిందూసాంప్రదాయాలు #పల్లెటూరి సాంప్రదాయాలు

#తెలుసుకుందాం #హిందూసాంప్రదాయాలు #🌾మన సప్రదాయాలు🌾 #మనసాంస్కృతిసంప్రదాయాలు #ఆచారాలు - సాంప్రదాయాలు

#తెలుసుకుందాం #హిందూసాంప్రదాయాలు #🌾మన సప్రదాయాలు🌾 #మనసాంస్కృతిసంప్రదాయాలు #ఆచారాలు - సాంప్రదాయాలు మంగళసూత్రంలో పగడం, ముత్యం ప్రాముఖ్యత మంగళసూత్రంలో ముత్యం,పగడం ధరింపజేసే సాంప్రదాయం మనది, ఎందుకు? ముత్యం చంద్రగ్రహానికి ప్రతీక, దేహ సౌఖ్యం, సౌందర్యం, మనస్సు, శాంతి, ఆనందములకు అన్యోన్యదాంపత్యములకు కారకుడు, శారీరకంగా నేత్రములు, క్రొవ్వు, గ్రంధులు, సిరలు, ధమనులు, స్తనములు,స్త్రీల గుహ్యావయములు, నరములు, ఇంద్రియములు, గర్భదారణ, ప్రసవములకు కారకుడు. కుజగ్రహ కారకత్వము: అతికోపం,కలహాలు,మూర్ఖత్వం,సామర్ధ్యము, రోగము, ఋణపీడలు, అగ్ని,విద్యుత్భయములు, పరదూషణ, కామవాంఛలు, ధీర్ఘసౌమాంగల్యము, దృష్టి దోషము యిత్యాదులు మరియు శారీకంగా ఉదరము,రక్తస్రావము, గర్భస్రావము,ఋతుదోషములు మొ!! ఇహ స్త్రీ జీవితంలో వీరిద్దరు ఎంత పాత్రపోషిస్తారో పరిశీలిద్దాము. ఖగోళంలో ముఖ్యమైన నక్షత్రాలు 27, ఆ 27 నక్షత్రాలలో చంద్రుడు 27 రోజులు సంచారంగావించి 28వ రోజున కుజునితో కలిసే రోజే స్త్రీకి ఋతుసమయం, అర్ధం ఆరోగ్యమైన స్త్రీకి 28వ రోజులకు ఋతుదర్శనమవాలి. భారతీయ సాంప్రదాయ స్త్రీలకు మంగళసూత్రములో ముత్యం మించిన విలువైనది లేనేలేదు, దానికి తోడు జాతిపగడం ధరించడం మన మహర్షులు చెప్పటంలో విశేష గూడార్ధమున్నది, అదేమిటంటే ముత్యం పగడం ధరించిన పాతతరరం స్త్రీలలో ఆపరేషన్ అనేది అప్పట్లో చాలా అరుదైన విషయం, కాని నేటితరం స్త్రీలలో కానుపు ఆపరేషన్ లేనిదే జరగటం సర్వసాధారణమైపోయినది. ముత్యం, పగడం సూర్యుని నుండి వచ్చే కిరణాలలోనుండే ఎరుపు(కుజుడు)తెలుపు (చంద్రుడు) స్వీకరించి స్త్రీ భాగంలోని అన్ని నాడీకేంద్రములను ఉత్తేజపరచి శరీరకంగా, భౌతికంగా ఆ జంటగ్రహాలు స్త్రీలలో వచ్చే నష్టాలను,దోషాలను తొలగిస్తాయనటం ఎటువంటి సందేహం వలదు. కనుక చంద్ర కుజుల కలయిక ప్రతి స్త్రీ జీవితంలో ఎంత ప్రాముఖ్యం వహిస్తాయో అలాగే ముత్యం,పగడం రెండూకూడా కలిపిన మంగళసూత్రం స్త్రీకి అత్యంతశుభపలితాలు సమకూర్చగలవు. మరొక విషయమేమిటంటే శుక్రుడు వివాహకారకుడు మాత్రమే, కాని సంసారిక జీవితాన్ని నడిపేవాడు కుజుడేనన్న మాట మరువకూడదు, అందుకే తొలుతగా కుజదోషం ఉన్నదా లేదా అని చూస్తారు. ప్రతి స్త్రీ జీవితంలో ఈ పై చెప్పబడిన మూడు గ్రహాలు వాటి స్థితిగతులు బాగుంటే యిక జీవితం ఆనందమయమే🙏

గృహస్థులు - విధి విధానాలు........!! ఇందులో ఏదైనా పొరపాటు గా ఉంటే క్షమించండి పెద్దలు నాకు ఇది వేరే వాళ్ళు send చేస్తే బాగుందని fb లో పెడుతున్న 🙏 1. పూజ గది విడిగా లేని వారు పంచముఖ హనుమంతుడి ని పెట్టకూడదు,హనుమంతుడి ఫోటో కానీ విగ్రహం గాని ఏది పూజ గది విడిగా లేని వారు ఉంచకూడదు. 2. సూర్యుడి విగ్రహం ఇంట్లో పెట్టకూడదు,ఆయనే ప్రత్యక్షంగా కనిపిస్తారు కాబట్టి నేరుగా నమస్కరించాలి. 3.ఉగ్ర రూపంలో ఉన్న నరసింహ స్వామి ఫోటో గాని విగ్రహం కానీ ఉంచకూడదు, లక్ష్మీ నరసింహ, యోగ నరసింహ, లేదా ప్రహ్లాద అనుగ్రహ నరసింహ స్వామి ఫోటో పెట్టికొని పూజ చేయవచ్చు.. 4.చేతిలో ఫ్లూట్ ఉన్న కృష్ణుడు విగ్రహం ఇంట్లో ఉండకూడదు, కృష్ణుడి విగ్రహం అవుతో ఉన్న ఫొటో గాని చిన్న పరిమాణంలో విగ్రహం కానీ ఉండవచ్చు... 5. లక్ష్మీ దేవి విగ్రహం ముందు కానీ ఫోటో ముందు కానీ ఒక చిన్న గిన్నెలో(వెండి అయితే మంచిది) బియ్యం, అందులో కొన్ని గవ్వలు వేసి ఉంచాలి. 6. కాళికా , ప్రత్యంగిరా దేవి ఫోటోలు పెట్టకూడదు. 7. విగ్రహం పరిమితి చాలా చిన్నదిగా ఉంటే మంచిది , పండో పాలో పెట్టి కూడా హారతి ఇస్తే సరిపోతుంది, విగ్రహాల పరిమితి పెద్దదిగా ఉంటే రోజు మహా నివేదన, వారంలో ఒక్కసారి అయినా అభిషేకం, ఉండాలి... పూజ లేకుండా ఉండకూడదు... 8. ఇంట్లో నటరాజ స్వామి విగ్రహం పెట్టుకోకూడదు, నాట్యం నేర్పే ప్రదేశంలో నిత్యం నాట్య నివేదన జరుగుతుంది కాబట్టి అక్కడ ఉండవచ్చు.. 9.ఇంటి గుమ్మానికి దిష్టి కోసం అని రాక్షసుల ఫోటోలు పెట్టకూడదు, ఇంటి యజమానికి తరచూ అనారోగ్యం పాలు అవుతుంటారు,వినాయకుడి ఫొటో, కానీ,దిష్టి యంత్రం గాని, కాళీ పాదం ఫోటో కానీ పెట్టడం మంచిది.. 10. నిత్యం పూజ లో ఉన్న విగ్రహాలు పూజ గది నుండి తీసి వేయాల్సి వస్తే గుడిలో పెట్టండి.. 11. ఇంటిలో పూజించే వినాయకుడి విగ్రములో తొండం ఎడమ వైపు ఉండాలి, విద్యాలయాలు, ఎడ్యుకేషన్ ఇనిస్టిట్యూట్ లో ఉండే విగ్రహం కి తొండం కుడి వైపు ఉండాలి..వ్యాపారం చేసే ప్రాంతంలో లో నిల్చున్న వినాయకుడు ఉండాలి. 12. ఇంట్లో ఎక్కడా లక్ష్మీ దేవి నిల్చుని ఉన్నట్టుగా ఉండకూడదు, లక్ష్మీ దేవి పచ్చరంగు చీరతొ అటూఇటూ ఏనుగులు ఉన్న ఫొటో కి గృహస్థులు పూజించడం చాలా మంచిది.. 13. పూజ తర్వాత దేవుడి దగ్గర పెట్టిన నైవేద్యం పూజ ఐయ్యాక వెంటనే తీసేసి ప్రసాదంగా స్వీకరించాలి. మీరు చేసిన పూజకు దేవుని అనుగ్రహం ప్రసాదం రూపంలో మీరు స్వీకరించాలి. 14.పూజ గదిలో ఎంత ఖరీదు అయిన విగ్రహాలు ఉంచినా, పూజ గదిలో గోడకు పసుపు రాసి, వైష్ణవుల అయితే నాంకొమ్ముతో తిరు నామాలు, శైవులు అయితే త్రిపురాండ్రులు(అడ్డనామాలు), శక్తేయులు అయితే పసుపు మధ్యలో గౌరీ తిలకం బొట్టులుగా పెట్టాలి, వైష్ణవుల అయితే తులసి ఆకుతో గాని తమల పాకును గాని గోడకు రద్దీ నామాలు పెడతారు, మీరు ఎంత ఖరీదైన పూజ వస్తువులు ఉంచినా పూజ గది గోడకు ఇలా పెట్టి పూజించడం సాంప్రదాయం , ఇది ఇంకా చాలా కుటుంబాలు ఆచరిస్తున్నారు. 15. అప్పుల బాధలు తీరాలి అంటే కొబ్బరి నూనెతో దీపారాధన చేయాలి..ఇంట్లో గొడవలు తగ్గాలి అంటే ఆముదంతో దీపారాధన చేయాలి... నిత్యం లక్ష్మీ కటాక్షం కోసం అవునేతి దీపం పెట్టాలి, శత్రు పీడల, గండాలు ఆస్తి వివాదాలు ఇంట్లో వారి అనారోగ్యం తొలుగుటకు తెలుపు నువ్వుల నూనె తో నిత్యా దీపారాధన చేయాలి. 16. దేవుడి గుడికి వెళ్ళినప్పుడు గుడి వెనుకభాగం (బలిపీఠం దగ్గర తాకడం కానీ తల అనించడం కానీ చేయకూడదు. 17. బలిపీటాల దగ్గర అర్చకులు తప్ప ఎవరూ ఏది అక్కడ పెట్ట కూడదు.. గుడిలో దేవుడికి, అర్చకులకు తప్ప ఎవరికీ నమస్కారాలు చేయకూడదు. 18. నవగ్రహాలు తాకి మొక్క కూడదు... 19. షష్ఠి, అష్టమి, త్రయోదశి నాడు తలకు నూనె అంటుకోకూడదు, రాత్రి పూట తల చిక్కు తీయకూడదు, పెరుగు చేతితో చిలక కూడదు, 20. నీరు,పాలు, పెరుగు, నైయి కి అంటు ఉండదు.అవి ఎక్కడ నుండి అయినా ఎవరి నుండి అయినా తీసుకోవచ్చు.. 21. లక్ష్మీ దేవి అనుగ్రహానికి పూజలు ఉన్నాయి, లక్ష్మీ దేవి నివాసం పాలు, లక్ష్మీ స్థానాలు అనేకం ఉన్నాయి.. అలాగే జేష్ఠ దేవి అనుగ్రహం ఎలా పొందాలి జేష్ఠ దేవి నివాసం పులిహోర ,జేష్ఠ దేవి స్థానాలు కూడా అనేకం ఉంటాయి.. పులిహోర చేసి దేవుడికి నివేదన చేస్తే జేష దేవి పెట్టె కష్టాలనుండి ఉపశమనం లభిస్తుంది, పులిహోర చేసి పంచి పెడితే జేష్ఠా దేవి శాంతిస్తుంది. అందుకే పెద్దవాళ్ళు వారానికి ఒక్కసారి అయినా ఇంట్లో పులిహోర వండుకునే వాళ్ళు...పంచి పెడితే ఇంకా మంచిది. 22. రాత్రి పూట ఆహారం తీసుకోకుండా నిద్రపోకూడదు, ఆహారం రుచిగా లేకపోయినా బాగలేదు అంటూ తినకూడదు. తిట్టుకుంటారు వంట చేయకూడదు. తినే వారు కూడా తిట్టుకుంటూ తింటారు.. సంతోషం గా వంట చేస్తే సంతోషం గా తింటారు... 23.ఎప్పుడూ నిద్రపోతూ ఉండే వాడు, అసలు నిద్రపోకుండా ఉండే వాళ్ళు, ఎప్పుడూ తింటూనే ఉండే వారు, అసలు ఆహారం పైన శ్రద్ద లేకుండా పస్థులు ఉపవాసాలు ఉండే వారు, ఏ కష్టం చేయకుండా ఇతరులపై ఆధార పడి బతికే వాళ్ళు, పంచమహా పాతకం చేసిన వారి కన్నా పెద్ద పాపాత్ములు.. 24.పచ్చి పాలు నైవేద్యం పెట్టకూడదు, కాచి చల్లారిన పాలు అభిషేకం కి వాడకూడదు.. 25.ధ్యానం చేసుకునే ఆసనం అడ్డంగా వేసుకుని కూర్చోకూడదు, నిలువుగా ఉండాలి. జపమాల చూపుడు వెలుపైన తిప్ప కూడదు మధ్య వేలు తోనే చేయాలి.. 26. జపానికి వాడే జప మాల మెడలో వేసుకోకూడదు, మెడలో వేసుకున్న మాల జపానికి వాడ కూడదు.. 27. ఒకరు మెడలో వేసుకున్న రుద్రాక్షలు ఇంకొకరు ధరించ కూడదు.... 28.దేవుడి దగ్గరకు, పెద్దవాళ్ళు దగ్గరకు ,పిల్లలు ఉన్న ఇంటికి ఒట్టి చేతితో వెళ్లకూడదు... 29. ఇంట్లో అతిధి ఉన్నప్పుడు వారికి పెట్టకుండా ముందు మీరు తినకూడదు... మొదటి సారి ఎవరైనా ఇంటికి భోజనం కి వచ్చినప్పుడు వారు ఒక్కసారి వడ్డించిన ఆహారంతో లెవకూడదు రెండవ సారి కాస్త అయినా పెట్టుకోవాలి..అలా ఓక్కసారి లేస్తే ఆదిత్యం ఇచ్చిన ఫలితం దక్కదు.. 30.ఇంట్లో పిల్లలు ఇంట్లో వారు తరచూ తిరిగే చోట ఇంటి దైవాన్ని ఫోటో పెట్టాలి, అప్పుడు వస్తూ పోతూ చూసినప్పుడు ఒకసారి ఆ నామం మనసులో తలచుకోవడం అలవాటు అవుతుంది. 31.అద్దె ఇల్లు వాస్తు మీ జాతకనికి సరిపడక పోవచ్చు అలాంటి వాస్తు దోషాలు పరిహారం గా ఏడు రంగులు కలిసిన wallmat గోడకు డెకరేషన్ గా పెట్టాలి.... 32. ఇంట్లో తరచుగా సాంబ్రాణి వేస్తూ ఉండాలి నెగటివ్ ఎనర్జీ దూరంగా ఉంటుంది.. ఇంట్లో గాలి శుభ్రం అవుతుంది... #తెలుసుకుందాం #హిందూసాంప్రదాయాలు #🌾మన సప్రదాయాలు🌾 #మనసాంస్కృతిసంప్రదాయాలు #😃మంచి మాటలు

ఎవరెవరికి యేవిధంగా నమస్కరించాలి..............!! విష్ణుమూర్తి యెక్క సర్వ అవతారాల విగ్రహాలకు మరియు శివునికి 12 అంగుళాల ఎత్తులొ చేతులు జోడించి శిరస్సు వంచి భక్తి , శ్రద్దలతో వినయంగా నమస్కరించాలి. ఇతర దేవుళ్ళకు శిరస్సు పై రెండు చేతులు జోడించి నమస్కరించాలి. గురువుకి నోటితో " నమస్కారం " అని చెప్పకుండా రెండు చేతులు జోడించి వినయవిధేయలతో నమస్కరించాలి. మహానుభావులకు , యోగులకు రెండు చేతులు వక్షస్థలం పై జోడించి నమస్కరించాలి. తండ్రికి , పరిపాలకుడికి రెండు చేతులు నోటి మీదగా జోడించి నమస్కరించాలి. తల్లికి ఉదరం పై రెండు చేతులు జోడించి నమస్కరించాలి.. !! #తెలుసుకుందాం #హిందూసాంప్రదాయాలు #🌾మన సప్రదాయాలు🌾 #మనసాంస్కృతిసంప్రదాయాలు

#తెలుసుకుందాం #హిందూసాంప్రదాయాలు #🌾మన సప్రదాయాలు🌾 #మనసాంస్కృతిసంప్రదాయాలు #సనాతన ధర్మం.. దేవుళ్ళు

గాజులు అందానికే కాదు...సౌభాగ్యానికి చిహ్నం..........!! గాజులు తమ రంగును బట్టి రకరకాల అర్థాలని తెలియజేస్తాయి.. ఎరుపురంగు గాజులు శక్తిని.. నీలం రంగు గాజులు విజ్ఞానాన్ని.. ఉదారంగు గాజులు స్వేచ్ఛ ని.. ఆకుపచ్చ రంగు గాజులు అదృష్టాన్ని.. పసుపు రంగు గాజులు సంతోషాన్ని.. నారింజ రంగు గాజులు విజయాన్ని.. తెల్లరంగు గాజులు ప్రశాంతతని.. నలుపురంగు గాజులు అధికారాన్ని.. ఇలా మట్టిగాజులు ఎంతో ప్రత్యేకత,విశిష్టత ఉంది మన సాంప్రదాయం లో స్త్రీ వేసుకునేమట్టిగాజులకి.. అందుకే సుమంగళి స్త్రీ లు తప్పనిసరిగా ధరిస్తారు. ధనవంతులు రెండు చేతుల నిండా బంగారు గాజులు వేసుకున్నా... ఒక్కొక్క చేతికి కనీసం రెండేసి మట్టిగాజులు ధరించాలని శాస్రం చెబుతుంది. శక్తి స్వరూపిణి అయిన అమ్మవారి పూజలో కూడా పసుపు, కుంకుమ తో పాటు గాజులు పెట్టి పూజించడం మన సాంప్రదాయం, ఆచారం. ముతైదువులకి గాజులు ఇచ్చి గౌరవించే సాంప్రదాయం మనది. స్త్రీ వేసుకునే గాజులకి ఇంత విశిష్టత వుంది. #తెలుసుకుందాం #మనసాంస్కృతిసంప్రదాయాలు #🌾మన సప్రదాయాలు🌾 #హిందూసాంప్రదాయాలు #పల్లెటూరి సాంప్రదాయాలు

ధూపం..లేదా సాంబ్రాణి పొగ...............!! సాంబ్రాణి ధూపం వేయడం ద్వారా ఇంట్లో నెగటివ్ ఎనర్జీ ఇంటి నుంచి తొలగిపోతుందని జ్యోతిష్య నిపుణులు అంటున్నారు. గుగ్గిలంతో సాంబ్రాణి వేయటం ద్వారా ఏడు రోజుల్లో ఒక్కో రోజు ఒక్కో ఫలితం పొందవచ్చునని వారు చెప్తున్నారు. ఆదివారం : ఆదివారం పూట గుగ్గిలంతో సాంబ్రాణి ధూపాన్ని వేస్తే... ఆత్మబలం, సిరిసంపదలు, కీర్తి ప్రతిష్టలు, ఈశ్వర అనుగ్రహం లభిస్తుంది. సోమవారం: దేహ, మానసిక ఆరోగ్య వృద్ధి. మానసిక ప్రశాంతత.. అమ్మవారి అనుగ్రహం లభిస్తుంది. మంగళవారం: శత్రుభయం, ఈర్ష్య, అసూయ, తొలగిపోతాయి. కంటి దృష్టిలోపాలుండవు. అప్పుల బాధ తొలగిపోతుంది. కుమారస్వామి అనుగ్రహం లభిస్తుంది. బుధవారం : నమ్మక ద్రోహం, ఇతరుల కుట్ర నుంచి తప్పించుకోవడం, పెద్దల, మహానుభావుల ఆశీస్సులు లభిస్తాయి. ఆర్థికాభివృద్ధి వుంటుంది. గురువారం: గుగ్గిలంతో సాంబ్రాణి ధూపం వేయడం ద్వారా గురువారం సకల సత్ఫలితాలు చేకూరుతాయి. చేపట్టిన పనులు దిగ్విజయంగా పూర్తవుతాయి. శుక్రవారం: లక్ష్మీ కటాక్షం చేకూరుతుంది. శుభకార్యాలు చేకూరుతాయి. అన్నింటా విజయాలుంటాయి. శనివారం : సోమరితనం తొలగిపోతుంది. ఈతిబాధలుండవు. శనీశ్వరుడు, భైరవుని అనుగ్రహం పొందవచ్చు. #తెలుసుకుందాం #పల్లెటూరి సాంప్రదాయాలు #హిందూసాంప్రదాయాలు #🌾మన సప్రదాయాలు🌾 #మనసాంస్కృతిసంప్రదాయాలు