#સુરત #સુરત સમાચાર #📰 5 ડિસેમ્બર ના સમાચાર #અમે સુરતી #💥 સુરત અપડેટ્સ સુરત શહેરના કાપડ ઉદ્યોગના કેન્દ્ર સમાન સહારા દરવાજા વિસ્તારમાં આવેલી જય શ્રી રામ ટેક્સટાઇલ માર્કેટમાં અચાનક આગ લાગવાની ઘટના સામે આવતા વેપારીઓમાં ચિંતા ફેલાઈ ગઈ છે. માર્કેટના ટેરેસ પર આવેલા ગોડાઉનમાં લાગેલી આગે થોડા જ સમયમાં વિકરાળ સ્વરૂપ ધારણ કર્યું હતું, જેના કારણે ધુમાડાના ગોટેગોટા દૂર સુધી નજરે પડ્યા હતા. ગોડાઉનમાં રાખેલો લાખો રૂપિયાનો કાપડનો જથ્થો આ/ગમાં બળી ખાખ થઈ ગયો હતો.
આ/ગની જાણ થતાં જ સુરત ફાયર વિભાગનો મોટો કાફલો ઘટનાસ્થળે દોડી આવ્યો હતો. માનદરવાજા, ડુંભાલ, ઘાંચી શેરી, કતારગામ અને પુણા સહિત 10થી વધુ ફાયર સ્ટેશનની ટીમો સાથે 18 જેટલી ફાયર ગાડીઓ કામગીરીમાં જોડાઈ હતી. ટેરેસ પર પતરાં મારી બ્લોક કરવામાં આવતા ધુમાડો બહાર નીકળી શકતો ન હોવાથી ફાયર ફાઇટરોને ભારે મુશ્કેલીનો સામનો કરવો પડ્યો હતો. જહેમત બાદ પતરાં કાપીને ધુમાડો બહાર કાઢવામાં આવ્યો અને ચારેબાજુથી પાણીનો મારો ચલાવી આ/ગને અન્ય દુકાનોમાં ફેલાતી અટકાવવામાં આવી હતી.
લગભગ દોઢ કલાકની ભારે મહેનત બાદ ફાયર વિભાગે આ/ગ પર કાબૂ મેળવી લીધો હતો. ત્રણ લોકો લિફ્ટમાં ફસાઈ ગયા હતા, જેમને સુરક્ષિત રીતે બહાર કાઢવામાં આવ્યા હતા. સદનસીબે કોઈ જાનહાનિ થઈ નથી. હાલ કુલિંગની કામગીરી ચાલુ છે અને આગ ફરી ન ભભૂકે તે માટે સ્ટેન્ડબાય પર ફાયર ગાડીઓ રાખવામાં આવી છે. પ્રાથમિક તપાસમાં શોર્ટ સર્કિટના કારણે આ/ગ લાગી હોવાની આશંકા વ્યક્ત કરવામાં આવી રહી છે, જોકે ચોક્કસ કારણ અંગે તપાસ ચાલુ છે.
મેયર દક્ષેશ માવાણીના જણાવ્યા મુજબ ફાયર વિભાગે સમયસર કામગીરી કરી મોટી દુર્ઘટના ટાળી છે. સાથે જ માર્કેટ આસપાસના એન્ક્રોચમેન્ટ અને ફાયર સેફ્ટી નિયમોની તપાસના આદેશ આપવામાં આવ્યા છે, જેથી ભવિષ્યમાં આવી ઘટનાઓ અટકાવી શકાય.
#SuratFire #TextileMarketFire #SaharaDarwaja #SuratNews #FireSafety
Surat textile market fire, Jai Shree Ram textile market incident, Sahara Darwaja fire news, Surat fire brigade action, textile godown fire Surat
Massive Fire at Surat Textile Market | Jai Shree Ram Market Blaze Brought Under Control
