CPIM Kerala
529 views • 2 days ago
ദീർഘകാല പരിഹാരം കണ്ടെത്താൻ കഴിയാത്തതിനാൽ വീണ്ടും വൈദ്യുതി നിയന്ത്രണത്തിനാരുങ്ങി കെഎസ്ഇബി. ഉപഭോഗം വർധിച്ചില്ലെങ്കിൽ പവർകട്ട് ഒഴിവാക്കാമെന്ന് മാത്രമാണ് അധികൃതർക്ക് നൽകിയ നിർദേശം. മുൻ ദിവസങ്ങളെ അപേക്ഷിച്ച് ഉപഭോഗം കുതിക്കുകയും പവർ എക്സ്ചേഞ്ച് വഴി ആവശ്യമായ അളവിൽ വൈദ്യുതി ലഭ്യമാകാതിരിക്കുകയും ചെയ്താൽ പവർകട്ട് തുടരുമെന്നാണ് കെഎസ്ഇബി അറിയിപ്പ്.
കൂടുതൽ വൈദ്യുതി വാങ്ങാൻ പുതിയ ടെൻഡർ നടപടികൾ തുടരുകയാണ്. സെപ്തംബറിൽ വൈദ്യുതി ലഭ്യമാക്കാനുള്ള ഒരു കരാറും ഇതുവരെ ധാരണയായിട്ടില്ല. ഇതിനാൽ സെപ്തംബറിൽ പ്രതിസന്ധി അതിരൂക്ഷമായേക്കും. സോളാർ എനർജി കോർപ്പറേഷൻ ഓഫ് ഇന്ത്യയിൽ(സെക്കി)നിന്ന് 200 മെഗാവാട്ട് വൈദ്യുതി വാങ്ങുന്നതിനുള്ള കരാറിന് കമ്മിഷൻ അനുമതി നൽകിയിട്ടുണ്ട്.
എന്നാൽ, ഇതുപ്രകാരമുള്ള വൈദ്യുതി വിതരണം 2028 ഏപ്രിൽ ഒന്നുമുതൽ മാത്രമാണ് ലഭ്യമാകുക. മഴ കുറഞ്ഞതും വൈദ്യുതി കിട്ടാനില്ലാത്തതുമാണ് പ്രശ്നമെന്നുമാണ് വൈദ്യുതി മന്ത്രി സണ്ണി ജോസഫ് മുൻപ് പറഞ്ഞ മറുപടി. മഴപെയ്യാൻ പ്രാർഥിക്കാൻ പറയുന്ന മന്ത്രിക്ക് ആസൂത്രണത്തിലെ പാളിച്ച പരിഹരിക്കാൻ കാര്യക്ഷമമായ ഇടപെടലിന് ഇതുവരെ സാധിച്ചില്ല. #🆕 ലേറ്റസ്റ്റ് അപ്ഡേറ്റ്
11 shares
