#📙 നോവൽ #📔 കഥ #💞 പ്രണയകഥകൾ MY DOCTOR❤️ 17   ഏഥൻ പതർച്ചയോടെ മുഖമുയർത്തി അഞ്ജുവിന്റെ മുഖത്തിന് നേരെ കൊണ്ടുവന്നു. രണ്ടു മുഖങ്ങളും വെറും നൂലിഴ വ്യതാസത്തിൽ നിന്നു. " അറിയില്ല............ " ഏഥൻ പതിഞ്ഞ സ്വരത്തിൽ പറഞ്ഞു. " നിങ്ങളുടെ കണ്ണുകൾ കാണുമ്പോൾ , പറയുന്ന വാക്കുകൾ കേൾക്കുമ്പോൾ എനിക്കങ്ങനെ തോന്നുന്നു." അവന്റെ പതർച്ച നിറഞ്ഞ ഇരു മിഴികളിലേക്കും മാറി മാറി നോക്കി അഞ്ചു പറഞ്ഞു. " നീ കുട്ടിയാണ് അഞ്ചു...." " എനിക്ക് 22 വയസ്സുണ്ട് " " എനിക്ക് 36 വയസ്സായി ...." അഞ്ജുവിന്റെ കണ്ണുകളിൽ അതിശയം തെളിഞ്ഞു വന്നു. " നിനക്കെന്നെ കുറിച്ചൊന്നുമറിയില്ലല്ലോ ?" " നിങ്ങൾക്കെന്നെ കുറിച്ചും ഒന്നുമറിയില്ലല്ലോ.?" " ഞാൻ നിന്നെ അർഹിക്കുന്നില്ല...." " നിങ്ങളെ ഞാനും അർഹിക്കുന്നില്ല...."  അവളുടെ വാക്കുകളിൽ ഏഥൻ നിസ്സഹായതയോടെ അവളെ നോക്കി .  ഒരു നിശ്വാസത്തോടെ അവളിൽ നിന്നും ഉയർന്നു നേരെ നിന്നു. വയറിൽ നിന്നും കയ്യെടുത്തു ഉയർത്തി വച്ചിരിക്കുന്ന ടോപ് നേരെയിട്ടു... കണ്ണുകൾ ഇറുക്കിയടച്ചു തുറന്ന് ഒരു നെടുവീർപ്പോടെ ബെഡിൽ നിന്നും എണീറ്റ് കാലുകൾ ബെഡിന് പുറത്തേക്കു തൂക്കിയിട്ട് അഞ്ചു ഇരുന്നു . ഏഥൻ ഒരാലോചനക്കു ശേഷം  അവൾക്ക് നേരെ നിന്ന് അവളുടെ കാലുകളെ രണ്ടു വശത്തേക്കും അകത്തി വച്ചതിനകത്തേക്കു കയറി നിന്നു....  അഞ്ജുവിന്റെ ഹൃദയം അതി ശക്തമായി ഇടിച്ചു. ഏഥൻ അഞ്ജുവിനടുത്തേക്കു ചേർന്ന് നിന്നവളുടെ മുഖത്തേക്ക് നോക്കി. അഞ്ചു തല അവനു നേരെ ഉയർത്തി.  " ഞാൻ ഒരു കാര്യം പറയട്ടെ?"  "മ്മ്...." അഞ്ചു മൂളി.  " അഞ്ജു............. മുത്തശ്ശി കഥകളിലെ യക്ഷിയെ കുറിച്ച് കേട്ടിട്ടില്ലേ...... ആദ്യം കണ്ടത് മുതൽ നിന്നെ എനിക്കൊരു യക്ഷിയെ പോലെ തോന്നുന്നു."  " എന്ത്?......." അഞ്ചു മുഖം ചുളിച്ചു കൊണ്ട് ചോദിച്ചു. " നിന്റെ നീണ്ട ഇടതൂർന്ന മുടിയും........... ആരെയും വശം കെടുത്തുന്ന ഈ കണ്ണുകളും , സർപ്പ സൗന്ദര്യം എന്നൊക്കെ പറഞാൻ കുറഞ്ഞു പോകുന്ന    ഈ ഉടലഴകും പിന്നെ..........................  നിന്നിൽ നിന്നുയരുന്ന പാലപ്പൂവിന്റെ മത്തു പിടിപ്പിക്കുന്ന ഗന്ധവും ...... എല്ലാം ചേർന്നൊരു യക്ഷി...." വല്ലാത്തൊരു ഭാവത്തോടെ ഏഥൻ പറഞ്ഞു. " This is the most beautiful compliment i have ever received " ( ഇതാണ് എനിക്ക് ലഭിച്ച ഏറ്റവും മനോഹരമായ പ്രശംസ ) . അഞ്ചു തന്റെ മിഴികളെ അവന്റെ മിഴികളുമായി കൊരുത്തു. "ആ റെസ്റ്റോറന്റിൽ വച്ചുള്ള ആദ്യ കാഴ്ചയിൽ തന്നെ ഈ യക്ഷി എന്നെ മോഹിപ്പിച്ചിരുന്നു. ഒരുപാടു കാലമായിട്ടാരോടും ഇല്ലാത്തൊരു മോഹം ...."  " i think i have feelings for you  ....."  അഞ്ചു ആ കണ്ണുകളുടെ മായാവലയത്തിൽ പെട്ട് അവൾ പോലുമറിയാതെ പറഞ്ഞു. ആ തുറന്നു പറച്ചിലിൽ ഏഥൻറെ ശ്വാസം നിലച്ചത് പോലെ തോന്നിയവന്. അവളതു പറഞ്ഞില്ലെങ്കിൽ പോലും ആ കണ്ണുകൾ കണ്ടു അവനതു മനസ്സിലായിരുന്നു. പക്ഷെ  ഇങ്ങനൊരു openeness അവൻ പ്രതീക്ഷിച്ചിരുന്നില്ല. " we need to talk ...." ഏഥൻ പറഞ്ഞു. "എന്ന് ?" "സൺ‌ഡേ ... ഞാൻ ഹോസ്റ്റലിൽ വന്നു പിക്ക് ചെയ്യാം...." " ഹ്മ്മ്......." അഞ്ചു സമ്മതം മൂളി. ഏഥൻറെ കണ്ണുകൾ അഞ്ജുവിന്റെ ചുണ്ടിലേക്കു നീങ്ങി. ഇത്തിരി തുറന്നു പിടിച്ചിരിക്കുന്ന , ഇട്ടിരുന്ന ലിപ്സ്റ്റിക്കിന്റെ മാഞ്ഞു തുടങ്ങിയ ചുവപ്പു അവിടിവിടായി പടർന്നു നിൽക്കുന്ന ചുണ്ടുകൾ അവന്റെ വികാരങ്ങളെ ചൂടുപിടിപ്പിച്ചു തുടങ്ങി.  അവന്റെ നോട്ടത്തിലെ മാറ്റം കണ്ട് അഞ്ജുവിന് വെപ്രാളം തോന്നി. ഇറങ്ങി ഓടിക്കോ എന്ന് ബുദ്ധി പറയുന്നുണ്ടെങ്കിലും.. ഈ മൊമന്റ് നഷ്ട്ടപെടുത്തരുതെന്ന് മനസ്സ് അലമുറയിട്ടു കൊണ്ടിരുന്നു. " ഞാൻ നിന്നെ ഉമ്മ വച്ചോട്ടെ............." അവളുടെ ചുണ്ടുകളിൽ നിന്നും കണ്ണ് മാറ്റാതെ ഏഥൻ ചോദിച്ചു. അഞ്ചു എന്ത് പറയണമെന്നറിയാതെ കുഴങ്ങി. വേണ്ടെന്നു പറയാൻ ഹൃദയം സമ്മതിക്കാത്ത പോലെ..... അവൾ ഒന്നും പറയുന്നില്ലെന്ന് കണ്ടതും ഏഥൻറെ വലതു കൈ അവളുടെ ഇടുപ്പിൽ അമർന്നു. ഇടതു കൈ കൊണ്ടവളുടെ ചെവിക്കു പിറകിൽ പിൻകഴുത്തിലായി പിടിച്ചു. അഞ്ചു ഒന്ന് എങ്ങി ഉയർന്നു.  ആ ഏങ്ങലിൽ ഏഥൻറെ സകല നിയന്ത്രണങ്ങളും നഷ്ട്ടപെട്ടു . ആ അധരങ്ങളുടെ രുചി അറിഞ്ഞില്ലെങ്കിൽ അവൻ മരിച്ചു പോവുമെന്ന് തോന്നിയവന്. ഏഥൻ അഞ്ജുവിന്റെ കഴുത്തിൽ അമർത്തി മുഖം അവനിലേക്കടുപ്പിച്ചു. അഞ്ജുവിന്റെ കണ്ണുകൾ അറിയാതെ അടഞ്ഞു പോയി. ഏഥൻ മുഖം ചെരിച്ചവളുടെ അധരങ്ങളെ അവന്റേതുമായി കൂട്ടി ചേർത്തു. അഞ്ജുവിൽ നിന്നും ഏങ്ങൽ ഉയർന്നു.  അഞ്ജുവിന്റെ കൈകൾ അവനെ മുറുകെ പുണർന്നു. ഏഥൻ ആർത്തിയോടവളെ ചുംബിച്ചു. അഞ്ജുവിന്റെ അടി വയറ്റിൽ നിന്നും ഒരായിരം ചിത്രശലഭങ്ങൾ പറന്നുയരുന്നതു പോലെ അവൾക്കു തോന്നി. കീഴ് ചുണ്ടിനെയും മേൽ ചുണ്ടിനെയും ഏഥൻ മാറി മാറി നുണഞ്ഞു കൊണ്ടിരുന്നു. അവളുടെ ഇടുപ്പിലുള്ള ഏഥൻറെ പിടിത്തം മുറുകി കൊണ്ടിരുന്നു. അവന്റെ ചുംബനത്തിന്റെ തീയിൽ അവൾ വിയർത്തു തുടങ്ങി. അഞ്ജുവിന്റെ സകല ഊർജവും അവൻ വലിച്ചെടുക്കുന്ന പോലെ അവൾക്ക് അനുഭവപെട്ടു .ഇത്രയും wild ആയ ഒരു ചുംബനം അവൾക്ക് ആദ്യമായിരുന്നു.  എസിയുടെ തണുപ്പിലും ഇരുവരും വിയർത്തൊഴുകി. ഏഥൻ ഭ്രാന്തമായി അവളിൽ എല്ലാം മറന്നു അലിഞ്ഞു കൊണ്ടിരുന്നു. " what the fuck are you doing here "   ദേഷ്യത്തോടെയുള്ള പെൺ ശബ്‌ദം കേട്ടതും ഏഥൻ ഞെട്ടലോടെ അഞ്ജുവിൽ നിന്നും അവന്റെ അധരങ്ങളെ മോചിപ്പിച്ചു. ഇരുവരും ഡോറിനടുത്തേക്കു നോക്കി.  ദേഷ്യം കൊണ്ട് ചുവന്ന കണ്ണുകളോടെ................. കത്തുന്ന മുഖത്തോടെ മെർലിൻ ....... *********************** " അയ്യോ............ എന്റെ മോന് എന്താ പറ്റിയത് ...." കയ്യിൽ കെട്ടുമായി കയറി വന്നവനെ ഓടി ചെന്നു പിടിച്ചു ലയ വലിയ വായിൽ നിലവിളിച്ചു.  " എന്റെ പൊന്നു അമ്മേ ............ എനിക്കൊന്നും ഇല്ല. ഞാൻ കാലു തെറ്റി ഒന്ന് വീണതാ.... കയ്യിന് ചെറിയൊരു ചതവുണ്ട്."  വിശ്വനും ലയയും മഹിമയും ഹാളിൽ ഇരുന്ന് ചായ കുടിക്കുമ്പോഴാണ് മഹേഷ് കയറി വരുന്നത്. അഭിലാഷ് അവനെ വീട്ടിൽ ആക്കി കാറുമായി പോയിരുന്നു. സിറി പിടിച്ചു തിരിച്ച കയ്യിന് വേദന സഹിക്കാൻ വയ്യാത്തത് കൊണ്ട് അവർ വരുന്ന വഴി ഡോക്ടറെ കാണിച്ചിരുന്നു. ചെറിയൊരു ചതവ് ഉണ്ടെന്നു പറഞ്ഞു കൈ കെട്ടി. കയ്യിന്റെ വേദനയെക്കാളും വേദന മഹേഷിന്റെ മനസിനുണ്ടായിരുന്നു. അതൊന്നും പുറത്തു കാണിക്കാതവൻ പുഞ്ചിരിയോടെ അവർക്കു മുന്നിൽ നിന്നു. മഹിമ അവന്റെ അടുത്തേക്കോടി വന്നു. അവനെ ചേർന്ന് നിന്നു. അവളെ വാത്സല്യത്തോടവൻ ചേർത്ത് പിടിച്ചു. " എങ്ങനെയാടാ നീ വീണത്...." വിശ്വൻ ഗൗരവത്തോടെ ചോദിച്ചു. " അത് അച്ഛാ.... ഞാൻ ബാംഗ്ലൂരിലേക്കായിരുന്നു പോയത്. അവിടെ ഫ്ലാറ്റിൽ ... ബാത്‌റൂമിൽ തെന്നി വീണതാണ്. " മനസ്സിൽ ആദ്യമേ കണക്കാക്കി വച്ച നുണ പറഞ്ഞവൻ . "ശ്രദിക്കണ്ടേ....." വിശ്വൻ അവനെ ഇരുത്തി നോക്കി പറഞ്ഞു കൊണ്ട് അകത്തേക്ക് നടന്നു. ലയ പിന്നെയും എന്തൊക്കെയോ ചോദിച്ചു അവന്റെ കയ്യിൽ പിടിച്ചു നോക്കികൊണ്ടിരുന്നു.  " അമ്മ കരയാതെ ഈ ബാഗ് കൊണ്ടുപോയി വച്ചേ.... അലക്കാനുള്ള തുണികളാണ് ." അവൻ നീട്ടിയ ബാഗുമായി അവർ മൂക്കു വലിച്ചു കൊണ്ട് അടുക്കള പുറത്തേക്കു നടന്നു. " ഇനി നിനക്കെന്താ ? " മഹിമയെ വാത്സല്യത്തോടെ നോക്കിയവൻ ചോദിച്ചു. " ഒന്നൂല്ല ....." അവന്റെ കയ്യിലേക്ക് തന്നെ നോക്കിയവൾ പറഞ്ഞു. " ഞാൻ പോയി ഫ്രഷ് ആവട്ടെ .... നമുക്ക് നിർമ്മല അമ്മായിടെ പുതിയ വീട്ടിൽ ഒന്ന് പോയി വരാം ....."  "ആ ............" മഹിമയുടെ മുഖം തെളിഞ്ഞു. അജു ജോലി കഴിഞ്ഞു വന്നിട്ടുണ്ടാവുമെന്നവൾക്ക് അറിയാം. മഹേഷ് സ്റ്റെപ് കയറി അവന്റെ റൂമിലേക്ക് ചെന്നു. ഒരുപാടു നാളുകൾക്കു ശേഷം റൂമിലേക്ക് വന്നതും അവനു വല്ലാത്ത സമാധാനം തോന്നി. ബെഡിലേക്കു നീണ്ടു നിവർന്നു കുറച്ചു നേരം കിടന്നു . പിന്നീടെണീറ്റു പോയി ഫ്രഷ് ആയി.ഷർട്ടും ഒരു കാവി മുണ്ടും ഉടുത്തു താഴേക്കിറങ്ങി വന്നപ്പോൾ മഹിമ റെഡി ആയി നിൽക്കുന്നുണ്ടായിരുന്നു. ''അമ്മെ ... ഞങ്ങൾ അമ്മായിടവിടം പോയി വരാം ..." മഹേഷ് അടുക്കളയിലേക്കു നോക്കി വിളിച്ചു പറഞ്ഞു.  "ഒന്നും കഴിച്ചില്ലല്ലോ നീ...." ലയ അടുക്കളയിൽ നിന്നും ഓടി വന്നു . "വന്നിട്ട് കഴിക്കാം ...."  ഇറങ്ങുന്ന വഴി അവരുടെ പഴയ വീട്ടിലേക്ക് മഹേഷ് നോക്കി. വീട് പൊളിച്ചു ഏകദേശം മുഴുവനായി തുടങ്ങിയിട്ടുണ്ട്.  " പണിക്കാരൊക്കെ പോയെന്ന് തോന്നുന്നു ." അവന്റെ നോട്ടം കണ്ട് മഹിമ പറഞ്ഞു. "ഹ്മ്മ്..... " മൂളി കൊണ്ട് മഹേഷ് ബൈക്കിൽ കയറി. '' ഏട്ടന് ഓടിക്കാൻ പറ്റോ ? വേദനിക്കില്ല കൈ ?" മഹിമ വേവലാതിയോടെ ചോദിച്ചു. " അതൊന്നും ഇല്ല , നീ കയറ് "  അവന്റെ വാക്കുകളിൽ തൃപ്തി ആയില്ലെങ്കിലും മഹിമ കയറി.  ആ പഴയ തറവാട് വീടിനു മുന്നിലായി മഹേഷിന്റെ ബൈക്ക് ചെന്ന് നിന്നു. രണ്ടു പേരും ചുറ്റും നോക്കി. " വെറുതെയല്ല എല്ലാം ഞായറഴ്ചയും എന്നോടിങ്ങോട്ടു വന്നോളാൻ പറഞ്ഞത്. ചുറ്റും ഒരു പൂച്ച കുഞ്ഞു പോലും ഇല്ല... കള്ളൻ " മഹിമ കള്ള ചിരിയോടെ മനസ്സിൽ ഓർത്തു. ആ സ്ഥലവും അവിടുത്തെ നിശബ്ദതയും കണ്ടതും മഹേഷിന്റെ ചുണ്ടിൽ ക്രൂരമായൊരു പുഞ്ചിരി വിരിഞ്ഞു.  " കാത്തിരിക്കുവാടി ഇന്ന് മുതൽ ഞാൻ , നിന്റെ വരവിനായി .." അഞ്ജന എന്ന പേര് കൊത്തിയ മോതിരത്തിലേക്കവൻ വികൃതമായി നോക്കി ചിരിച്ചു. " അമ്മായി............." മഹിമ നീട്ടി വിളിച്ചു കൊണ്ടകത്തേക്കു കയറി. മഹേഷും അകത്തേക്ക് കയറി .  മഹിമയുടെ ശബ്ദം കേട്ട് റൂമിൽ ഫോണിൽ നോക്കി ഇരിക്കുകയായിരുന്ന അജു വേഗം പുറത്തേക്കു വന്നു. " മഹി..........." സ്നേഹത്തോടെയും ആശ്ചര്യത്തോടെയും അജു വിളിച്ചു. മഹിമ ചിരിയോടെ അവനെ നോക്കി. "ഒറ്റക്കാണോ വന്നത് ?" " അല്ല ഏട്ടനുണ്ട് ..." മഹിമ വേഗത്തിൽ പറഞ്ഞു. അല്ലെങ്കിൽ അവൻ എന്താണ് ചെയ്യാൻ പോകുന്നതെന്ന് ആ മുഖത്തു വ്യക്തമായി ഉണ്ടായിരുന്നു. അജു ഉമ്മറ വാതിൽക്കലേക്കു നോക്കി. മഹേഷ് ചിരിയോടെ അകത്തേക്ക് കയറി വരുന്നുണ്ടായിരുന്നു. "എന്നാ വന്നത് മഹേഷേട്ട ....കയ്യിനെന്തു എന്ത് പറ്റി ....." അവന്റെ കയ്യിലേക്ക് നോക്കി അജു ചോദിച്ചു. "അതൊന്നു വീണതാടാ , കുഴപ്പമൊന്നുമില്ല.... അമ്മായി എവിടെ." " അമ്മ അടുക്കളയിൽ കാണും.... അമ്മാ........ ഇങ്ങോട്ടൊന്നു വന്നേ...." അജു അകത്തേക്ക് നോക്കി വിളിച്ചു. "എന്താടാ...." നനഞ്ഞ കൈ സാരിയിൽ തുടച്ചു നിർമ്മല പുറത്തേക്കിറങ്ങി വന്നു. അവരെ കണ്ടതും നിർമ്മലയിൽ സന്തോഷം നിറഞ്ഞു. അവന്റെ കയ്യിനെ പറ്റി ചോദിച്ചും. അവന്റെ ഒളിച്ചോട്ടത്തെ കുറിച്ച് ചോദിച്ചും പരാതിയും പരിഭവവും പറഞ്ഞു നാലു പേരും സംസാരിച്ചിരുന്നു. നിർമല 3 പേർക്കും ചായ കൊടുത്തു. ചായ കുടിച്ചു നാലു പേരും കൂടി ഉമ്മറത്തേക്ക് വന്നിരുന്നു.  ഉമ്മറ പടിയിലായി മുണ്ട് ഒതുക്കി പിടിച്ചു മഹേഷ് ഇരുന്നു. അവനടുത്തായി അജുവും ചെന്നിരുന്നു ... ഉമ്മറത്തിണ്ണയിൽ നിർമ്മലയുടെ മടിയിൽ തലവച്ചു മഹിമ കിടന്നു. നിർമല വാത്സല്യത്തോടെ അവളുടെ തലയിൽ തലോടി. " അമ്മായി..... അഞ്ചു എന്നോട് ഒരടുപ്പവും കാണിക്കുന്നില്ലല്ലോ. ഞാൻ വിളിച്ചാൽ അവൾ ഫോൺ എടുക്കില്ല, എന്നെ ഇങ്ങോട്ടും വിളിക്കില്ല." സങ്കടം നിറച്ച സ്വരത്തിൽ മഹേഷ് പറഞ്ഞു. അവന്റെ വാക്കുകൾ കേട്ടതും നിർമലക്ക് വിഷമം തോന്നി.  " അവൾ കാരണമാണോ മോൻ ഇവിടുന്ന് പോയത്? " മഹേഷ് വിഷമത്തോടെ തല കുനിച്ചു. " അവളെന്നെ സ്നേഹിക്കാൻ ഞാൻ എന്താ ചെയ്യേണ്ടത് അമ്മായി...." ഇടറുന്ന വാക്കുകളോടെ മഹേഷ് ചോദിച്ചു. തുടരും......................