🚩🙏🏻 नानासाहेब पेशवे स्मृतिदिन 🙏🏻 अठराव्या शतकाच्या पूर्वार्धात वादळवारा सुटून पालापाचोळा उडून जावा तद्वत विद्युतवेगाने येऊन हिंदुस्थानात मराठ्यांनी पाय रोवले आणि मोंगल सत्ता खिळखिळी होऊन केवळ नामशेष बनली. शाहूछत्रपती महाराजांचा पेशवा बाजीराव या सगळ्यांचा पुढारी होता; निजामासारख्या शत्रूच्या शब्दात सांगायचं तर तो मराठ्यांचं 'रब्बूलनी' म्हणजे दैवत झाला होता. बाजीराव गेल्यावर जरा कुठे शत्रूंना हायसं वाटावं, पण ते त्यांच्या नशिबात नव्हतं. ज्येष्ठ बाजीरावपुत्राने आपल्या पित्याचा वारसा आणखी पुढे चालवत, मराठी सत्ता बंगालपासून पंजाबपर्यंत, आणि कर्नाटकपासून दिल्लीपर्यंत विस्तारली. जणू काही सवाई बाजीराव, अशाहमतपनाह म्हणून नावाजल्या गेलेल्या, शत्रूला "आम्ही गनीम लोक शिवाजीराजांचे शिष्य आहो" असं ठणकावून सांगणाऱ्या या पेशव्याचं नाव होतं बाळाजी बाजीराव उर्फ नानासाहेब ! एकंदर दहा मोठ्या मोहिमा आणि वीस वर्षांची प्रचंड कारकीर्द, त्यातले महाप्रचंड मनसुबे कागदावर मांडायचे तर किमान दीड दोन हजार पानं खर्ची पडतील. बाळाजी बाजीराव ऊर्फ नानासाहेब पेशवे हे बाजीराव पेशवे यांचे पुत्र होते. थोरले बाजीराव यांच्या नंतर शाहू महाराजांनी त्यांना मराठा साम्राज्याचे पेशवे बनवले. त्यांच्याच काळात मराठ्यांनी अटकेपार झेंडे लावले. नानासाहेबांनी पुणे शहराच्या उन्नतीसाठी मोठे योगदान दिले. मराठ्यांच्या इतिहासात सर्वाधिक काळ पेशवेपदावर राहण्याची कामगिरी नानासाहेब पेशव्यांच्या नावावर आहे. २५ जुन १७४० रोजी छत्रपती शाहू महाराजांनी सातारा दरबारी नानासाहेबांना पेशवाईची वस्त्रे प्रदान केली. त्यांच्या पेशवाईच्या काळात मराठा साम्राज्याने उत्तर भारतात जरब बसवली. १७६० च्या आसपास मराठा साम्राज्य ही भारतीय उपखंडातील एक बलाढ्य ताकत बनली. परंतु १७६१ च्या तिसऱ्या पानिपत युद्धात मराठ्यांचा झालेला पराभव हा नानासाहेब पेशवे यांच्या सोनेरी कारकिर्दीला डागाळून टाकणारा ठरला. हा पराभव त्यांच्या जिव्हारी लागला आणि त्याच्या धक्काने त्यांचा मृत्यू झाला. शिवाजी महाराजांची जन्मभूमी असलेला शिवनेरी किल्ला १६३६ ते १७५७ दरम्यान स्वराज्यात नव्हता. नानासाहेब पेशव्यांनी मुत्सद्दीपणाने कोणत्याही लढाई शिवाय शिवनेरी स्वराज्यात घेतला. तसेच, लष्करी कारवाई करून निजामाच्या ताब्यातील खानदेश, जुन्नर, अहमदनगर, नाशिक, सोलापूर हे जिल्हे देखील स्वराज्यात आणले. भारतातील सर्व समाज समावेशक धोरण अनुसरून स्वराज्य सार्वभौम केले. नानासाहेब पेशवे यांचे २३ जून १७६१ रोजी निधन झाले. विनम्र अभिवादन 🙏🏻🚩 दैवत :- छत्रपती शिवाजी महाराज 🚩 #🙏शिवदिनविशेष📜 #📜इतिहास शिवरायांचा #😇आमचे प्रेरणास्थान: छत्रपती🙏 #🚩शिवरायांचे भक्त #🚩मी शिवबा भक्त