Part 66 എന്നാൽ കണ്ണൻ പറഞ്ഞതെല്ലാം കേട്ട് അവനെ തന്നെ അത്ഭുതത്തോടെ നോക്കി നിൽക്കുവാണ് ഗൗരി. എന്ത് ക്ഷമയോടെയും കാര്യമായിട്ടും ആണ് എനിക്ക് എല്ലാം പറഞ്ഞ് മനസ്സിലാക്കി തരുന്നേ എന്ന് അവൾ ഓർക്കാതെ ഇരുന്നില്ല. " അപ്പൊ... അപ്പൊ എന്നെ ഇനിയും നൃത്തം ചെയ്യാൻ അനുവദിക്കുമോ....? " : ഉള്ളിൽ കുതിച്ച് ഉയരുന്ന സന്തോഷത്തോടെ അവൾ തിരക്കി. ഇത്രെയും നേരം അവൻ പറഞ്ഞതൊക്കെ അവൾ കേട്ട് പലതും ഉള്ളിലേക്ക് എടുക്കുകയും ചെയ്തെങ്കിലും അവൾക്ക് അറിയേണ്ടത് അതാണ്. കണ്ണനും നോക്കി കാണുക ആയിരുന്നു മുന്നിൽ നിൽക്കുന്നവളുടെ മുഖത്തെ പ്രദീക്ഷയും സന്തോഷവും ഒക്കെ. ഈ ദിവസങ്ങളിൽ എല്ലാം ആ മുഖത്ത് ആകെ സങ്കടവും, പേടിയും, ഭയവും, വെപ്രാളംവും മാത്രമേ കാണാൻ കഴിഞ്ഞിട്ടുള്ളു. എന്നാൽ ഇപ്പോൾ അവൻ ആഗ്രഹിച്ചത് പോലെ ആ മുഖം സന്തോഷം കൊണ്ട് വിടർന്ന് ഇരിക്കുന്നു. അത് കണ്ണെടുക്കാതെ അവൻ നോക്കി ഇരുന്നു ഏറെ നേരം. സന്തോഷത്തിന്റെ ആണോ പ്രദീക്ഷയുടെ ആണോ എന്ന് അറിയില്ല ആ കണ്ണുകൾക്ക് ഒരു തിളക്കം ഉണ്ടായിരുന്നു. ചുണ്ടിൽ ശ്രദ്ധിച്ചാൽ മാത്രം കാണുന്നൊരു ഇളം ചിരിയും. " ക.... കണ്ണേട്ടാ " : താൻ ചോദിച്ചിട്ടും മറുപടി ഒന്നും തരാതെ ആലോചിക്കുന്നവനെ കണ്ടതും അവളുടെ ചിരിക്ക് പതിയെ മങ്ങൽ ഏൽക്കാൻ തുടങ്ങി. " ഏഹ്ഹ് ഹാ ഞാൻ എന്തോ ഓർത്ത്.... ഹാ എന്താ ചോദിച്ചേ ഇനിയും നൃത്തം ചെയ്യുന്ന കാര്യം അല്ലെ. ഗൗരി നന്ദക്ക് ആഗ്രഹം ഉണ്ടോ ഇനിയും നൃത്തം ചെയ്യാൻ...? " : അവൻ സ്വാബോധം വീണ്ടെടുത്ത് കൊണ്ട് തിരക്കി. " ആഗ്രഹം ഉണ്ടോന്നോ എന്റെ ഏറ്റവും വലിയ ആഗ്രഹം തന്നെ അറിയപ്പെടുന്നൊരു നർത്തകി ആകണം എന്നാണ് " : നഷ്ടപ്പെട്ട ഉത്സാഹം വീണ്ടും തിരിച്ചെടുത്ത് കൊണ്ട് അവൾ പറഞ്ഞു. " പിന്നെ എന്തിനാ എന്നോട് അനുവാദം ചോദിക്കുന്നെ...? " : കണ്ണൻ അവളുടെ കണ്ണുകളിൽ തന്നെ നോട്ടം പതിപ്പിച്ച് കൊണ്ട് തിരക്കി. എന്നാൽ അവന്റെ ചോദ്യം മനസ്സിലാകാതെ ഗൗരി അവനെ സംശയത്തോടെ തിരക്കി. " നമ്മൾക്ക് ശെരി എന്ന് തോന്നുന്നത്, അത് ആർക്കും ഒരു ദോഷം വരില്ല എന്ന് ഉറപ്പുള്ള കാര്യം ആണെങ്കിൽ അത് ചെയ്യാൻ മറ്റൊരാളുടെ അനുവാദത്തിനായി കാത്ത് നിൽക്കേണ്ട കാര്യം ഇല്ല. ഇനി ഇത് ശെരിയാണോ തെറ്റാണോ എന്ന് വല്ല സംശയവും ഉണ്ടെങ്കിൽ പോലും മറ്റൊരാളുടെ അഭിപ്രായം ചോദിക്കാം എന്ന് അല്ലാതെ അനുവാദം വാങ്ങേണ്ട. അതിനി എന്നോട് ആണെങ്കിലും അങ്ങനെ തന്നെ. പിന്നെ എന്ത് കാര്യം ആണെങ്കിലും എന്നോട് കൂടി പറഞ്ഞിട്ട് ആണ് ചെയ്യുന്നതെങ്കിൽ എനിക്ക് സന്തോഷം ആകും എന്ന് വെച്ച് അനുവാദം ചോദിക്കണം എന്ന് അല്ല ഞാൻ പറഞ്ഞെ എന്ത് കാര്യം ആണെങ്കിലും ഒന്ന് പറയാം അത്ര തന്നെ. നാളെ മറ്റൊരാൾ പറഞ്ഞിട്ട് സ്വന്തം ഭാര്യയുടെ കാര്യം അറിയുന്നതിലും നല്ലതല്ലേ മറ്റാരേക്കാളും ആദ്യം ഞാൻ അറിയുന്നത്. പിന്നെ നൃതത്തിന്റെ കാര്യം ഗൗരി നന്ദക്ക് ഇഷ്ടമുള്ളത് ചെയ്തോ എന്തിനും ഒപ്പം ഞാനും ഉണ്ടാകും. എന്ത് ആവിശ്യം ഉണ്ടെങ്കിലും പറഞ്ഞ മതി ഞാൻ കാണും കൂടെ എന്നും എപ്പോഴും." : ചിരിച്ച് കൊണ്ട് കണ്ണ് നിറച്ച് നിൽക്കുന്നവളെ കണ്ട് അവൻ ഉള്ളിൽ തൊട്ട് കൊണ്ട് പറഞ്ഞു ഗൗരിക്ക് ഉള്ളിൽ നിർവചിക്കാൻ കഴിയാത്ത ഭാവം നിറഞ്ഞു. അവൻ നൃത്തം ചെയ്യാൻ സമ്മതിച്ചത് കൊണ്ട് ആണോ അതോ തന്റെ ഇഷ്ടങ്ങൾക്ക് പ്രാധാന്യം കൊടുക്കുന്നത് കൊണ്ട് ആണോ അതും അല്ലെങ്കിൽ അവന്റെ വാക്കുകൾ അവളിലെ ഭാര്യക്ക് നൽകിയ ഉറപ്പാണോ എന്നൊന്നും വേർതിരിച്ച് എടുക്കാൻ അവൾക്ക് കഴിഞ്ഞില്ല. വീട്ടിൽ ആണെങ്കിൽ തന്റെ നൃത്തം കണ്ട് ' സതീശന്റെ മകൾ, സതീശന്റെ മകൾ ' എന്നെല്ലാം ഉള്ള നാട്ടുകാരുടെ പുകഴ്ത്തൽ നിറഞ്ഞ വാക്കുകൾ ഓർത്ത് മാത്രം ആണ് അച്ഛൻ താല്പര്യം ഇല്ലാഞ്ഞിട്ടും തന്നെ ഇതിന് വിടുന്നത്. താൻ പ്രോഗ്രാം ചെയ്ത് കിട്ടുന്ന അല്ലെങ്കിൽ കുട്ടികളെ പഠിപ്പിച്ച് കിട്ടുന്ന കാശോ ഓർത്ത് മാത്രം ആണ് ലെച്ചു ചേച്ചി എതിർത്തിട്ടും ചെറിയമ്മ സമ്മതിച്ചത്. എന്നാൽ ഇന്ന് ഇതാ ഒരുവൻ ഒന്നും പ്രദീക്ഷിക്കാതെ എന്റെ ആഗ്രഹം മാത്രം മുന്നിൽ കണ്ട് കൂടെ നിൽക്കാൻ മനസ്സ് കാണിക്കുന്നു. കാലങ്ങൾ ആയി ആഗ്രഹിച്ചിരുന്നു പരിഗണന ഈ ഒരുവനിൽ നിന്ന് അനുഭവിച്ച് അറിഞ്ഞത് പോലെ തോന്നി അവൾക്ക്. അവൾക്ക് എന്ത് പറയണം എന്നോ എങ്ങനെ പ്രതികരിക്കണം എന്നോ അറിയുന്നുണ്ടായിരുന്നില്ല. മുന്നിൽ ഇരിക്കുന്നവനെ ആദ്യമായി കാണുന്നത് പോലെ നോക്കി നിന്നു അവൾ. " എന്തിനാ കരയുന്നെ ഞാൻ തന്റെ ഇഷ്ടത്തിന് ചെയ്തോ എന്ന് പറഞ്ഞത് കൊണ്ട് ആണോ എങ്കിൽ വേണ്ട " : അവളുടെ ആ നിൽപ്പ് ഇപ്പോഴൊന്നും മാറില്ല എന്ന് തോന്നിയതും അവൻ വിഷയം മാറ്റാൻ എന്ന വിധം പറഞ്ഞു. " ഇല്ലില്ല ഞാൻ പെട്ടെന്ന് എന്തോ ഓർത്ത് പോയി. ഇനി കരയൂല " : അവൾ അതും പറഞ്ഞ് പെട്ടെന്ന് തന്നെ മുഖം ഒക്കെ അമർത്തി തുടച്ചു. " ഹ്മ്മ് പിന്നെ എനിക്ക് ഈ നൃത്തതെ കുറിച്ചോ.. ഗൗരി നന്ദ എന്തൊക്കെ പരുപാടി ആണ് ചെയ്യുന്നതെന്നോ ഒന്നും അറിയില്ല... അതൊക്കെ ഒന്ന് പറഞ്ഞ് തന്ന കൊള്ളരുന്നു. അല്ലെങ്കിൽ താൻ നാളെ അറിയപ്പെടുന്ന ഒരു നർത്തകി ആകുമ്പോൾ തന്റെ ഭർത്താവിന് ഇതിനെ കുറിച്ച് വലിയ അറിവ് ഒന്നും ഇല്ലെന്ന് പറയുന്നത് മോശം അല്ലെ " : അവളിൽ ഇനിയും എന്തെങ്കിലും സങ്കടം ഉണ്ടെങ്കിൽ അത് പാടെ മാറാനായി അവൻ കളിയോടെ പറഞ്ഞു. അത് കേട്ടതും അവളും ഒന്ന് ചിരിച്ച് പോയി. മനസ്സ് തുറന്ന് ഒരു ചിരി. ഇടക്ക് എപ്പോഴോ നഷ്ടമായ ആത്മവിശ്വാസവും ധൈര്യവും പൂർവ്വ അധികം ശക്തിയോടെ തിരിച്ച് വന്നത് പോലെ തോന്നി അവൾക്ക്. ഒപ്പം ഏതൊരു അവസ്ഥയിലും തനിക്ക് താങ്ങായി കൂട്ടിന് ഒരുവനും ഉണ്ട് എന്നൊരു വിശ്വാസവും അവളിൽ ഉണർന്നു. " ഞാൻ പറഞ്ഞില്ലേ എന്നെ നൃതത്തിലേക്ക് ചുവട് വെപ്പിച്ചത് അമ്മേയാണെന്ന് പക്ഷെ എന്റെ ബാക്കി പഠനം ഒക്കെ രാഘവൻ മാഷ് എന്ന എന്റെ ഉണ്ണി മാഷിന്റെ കീഴിൽ ആയിരുന്നു. മാഷാണ് എന്റെ അരങ്ങേറ്റം ഒക്കെ ചെയ്യിപ്പിച്ചത്. പിന്നെ അമ്പലത്തിൽ ഒക്കെ ഓരോ പരുപാടി വരുമ്പോൾ മാഷ് പ്രോഗ്രാം ചെയ്യാൻ ഓരോ അവസരങ്ങൾ വാങ്ങി തരും. അത് കണ്ട് ഇവിടെ ഒക്കെ ഉള്ള പല ചേച്ചിമാരും അമ്മമാരും പിന്നെ അമ്മയെ അറിയുന്ന പലരും അവരുടെ മക്കളെ നൃത്തം പഠിക്കാൻ എന്റെ കീഴിൽ പറഞ്ഞ് വിട്ടിട്ടുണ്ട്. അങ്ങനെ ഒരു പന്ത്രണ്ട് കുട്ടികൾ ഉണ്ട് എനിക്ക്. ഇവരെ ഒക്കെ മുൻപ് അമ്മ പഠിപ്പിച്ചത് പോലെ അമ്പലത്തിന്റെ സ്റ്റേജിൽ തന്നെയാണ് ഞാനും പഠിപ്പിക്കുന്നത്. ആഴ്ചയിൽ അഞ്ചു ദിവസവും വൈകിട്ട് ക്ലാസ്സ്‌ കാണും പിന്നെ ശനിയാഴ്ച രാവിലെയും ഞായറാഴ്ച പിന്നെ അവധി ആണ്. ഇതിനൊക്കെ പുറമെ അമ്പലത്തിലെ പരുപാടി കാണാൻ വരുന്ന മറ്റ് കരക്കാരും എന്തെങ്കിലും പ്രോഗ്രാം ഒക്കെ തനിക്ക് തരും. ഇങ്ങനെ ഒക്കെയാണ് ഞാൻ എന്റെ കലയെ മറ്റുള്ളവർക്ക് മുന്നിൽ എത്തിക്കുന്നത്. ഇതിന്റെ ഡിഗ്രി ഒക്കെ ഉണ്ട് പക്ഷെ അതിന്റെ കോളേജ് ഒന്നും ഇവിടെ ഉണ്ടായിരുന്നില്ല, പിന്നെ വീട്ടിലും ചെറിയമ്മയും ചേച്ചിയും ഒക്കെ അത് എടുക്കുന്നതിനോട് എതിർപ്പ് ആയിരുന്നു അതാ ആ ശ്രമം ഉപേക്ഷിച്ച് മലയാളം എടുത്തേ. " : അവനോട് പറയാനുള്ള ആവേശത്തിൽ ചെയ്ത പണി ഒക്കെ പാതിക്ക് ഉപേക്ഷിച്ച് അവൾ തിടുക്കത്തിൽ പറഞ്ഞു. " ആഹാ അപ്പൊ ഡിഗ്രി ഒക്കെ ഉണ്ടോ...? " : എല്ലാം കേട്ട് കഴിഞ്ഞ് അവന് ചോദിക്കാൻ ഉള്ളത് അതായിരുന്നു. അവന്റെ ചോദ്യം കേട്ടപ്പോഴാണ് പറഞ്ഞ് പോയത് അവൾ ഓർക്കുന്നത്. അവൾ ഒരു വല്ലയിമയോടെ അവനെ നോക്കി. അവളെ തന്നെ നോക്കി ഇരുന്നവൻ പെട്ടന്ന് മാറിയ അവളുടെ ഭാവം കാണുകയും ചെയ്തു. " എന്തേ...? " : ഗൗരി ഒന്നും മിണ്ടാതെ ഇരിക്കുന്നത് കണ്ട് അവന് കണ്ണോന്ന് ചുരുക്കി കൊണ്ട് തിരക്കി. വീണ്ടും ചോദ്യം വന്നതും ഇനി ഒന്നും മറച്ച് വെക്കാൻ ഇല്ലാത്ത പോലെ താൻ കോളേജിൽ ചേർന്നതും പ്രശ്നങ്ങൾ ഉണ്ടായതും അല്ല ഉണ്ടാക്കിയതും പഠിപ്പ് നിർത്തിച്ചതും ഒക്കെ അവനോട് പറഞ്ഞു. എല്ലാം കേട്ട് കഴിഞ്ഞതും അവൻ അറിയാതെ തന്നെ പല്ല് കടിച്ച് പോയി. എല്ലാം കൂടി കേട്ടിട്ട് അവന് ക്ഷമ നശിക്കുന്നത് പോലെ തോന്നി. ഒക്കെ ഓർത്ത് കണ്ണ് ഇറുക്കി അടച്ച് ഇരുന്നു അവൻ. സമയം മുന്നോട്ട് പോകുന്നത് അനുസരിച്ച് ഉള്ളിലെ ദേഷ്യത്തെ ഷമിപ്പിച്ച് കൊണ്ട് ഇരുന്നു അവൻ ഒപ്പം എന്തൊക്കെയോ തീരുമാനങ്ങളും എടുത്തു. " സ... സത്യം ആയിട്ടും എനിക്ക്... എനിക്ക് അങ്ങനെ ഒരു ഇഷ്ടം ഒന്നും ഉണ്ടായിരുന്നില്ല. എല്ലാം കള്ള കഥയ " : എല്ലാം കേട്ട് തന്നെ അവനും അവിശ്വസിച്ചോ അത് കൊണ്ട് ആണോ ഒന്നും പറയാതെ എന്ന തോന്നലിൽ ഗൗരി ചെറിയ ഇടർച്ചയോടെ പറഞ്ഞു. അല്പം മുൻപ് വരെ അവളിൽ നിറഞ്ഞ നിന്ന സന്തോഷവും ആവേശവും ഒക്കെ എങ്ങോ പോയി മറഞ്ഞത് പോലെ തോന്നി അവൾക്ക്. കണ്ണേട്ടനും എല്ലാരേയും പോലെ തന്നെ അവിശ്വസിക്കുമോ എന്ന് പേടിയിൽ അവളുടെ കണ്ണുകൾ നിറഞ്ഞ് വരാൻ തുടങ്ങി. അവളുടെ സ്വരത്തിലെ മാറ്റം അറിഞ്ഞതും അവൻ കണ്ണ് വലിച്ച് തുറന്ന് കൊണ്ട് അവളെ നോക്കി. അവിടെ കണ്ണീരോടെ തന്നെ നോക്കി നിൽക്കുന്നവളെ കണ്ടതും അവൻ നെറ്റി ഒന്ന് തടവി. പിന്നെ ഒരു ദീർക്കശ്വാസം വിട്ട് കൊണ്ട് അവിടെ നിന്ന് എണീറ്റ് മുറം സ്ലാബിൻ മുകളിൽ വെച്ച് അവളുടെ കയ്യിൽ പിടിച്ച് അവൻ ഇരുന്ന കസേരയിൽ കൊണ്ട് ഇരുത്തി. ഒപ്പം അവൾക്ക് ചുവട്ടിൽ മുട്ട് കുത്തി അവനും നിന്നു. " എന്തിനാ ഇപ്പൊ കരയുന്നെ...? ഹ്മ്മ്....? ഞാൻ എന്തെങ്കിലും പറഞ്ഞോ...? അതോ എന്തെങ്കിലും പറയും എന്ന് പേടിച്ചിട്ട് ആണോ....? " : അവൾ ഇടർച്ചയോടെ പറഞ്ഞത് ഓർത്ത് എടുത്ത് കൊണ്ട് അവൻ സൗമ്യമായി തിരക്കി. എന്തിനും ഏതിനും ഉള്ള അവളുടെ കരച്ചിൽ അവൻ ദേഷ്യം വരുന്നുണ്ട് എങ്കിലും അവൾ വളർന്ന് വന്ന സാഹചര്യവും ചുറ്റുപാടും ഒക്കെ ഓർമ വന്നതും അവൻ ദേഷ്യം ഒക്കെ ഉള്ളിൽ ഒതുക്കി. എന്നാൽ അവന്റെ ചോദ്യത്തിന് അല്ല എന്ന പോലെ അവൾ തലയാട്ടി. " പിന്നെ....? " : കണ്ണൻ നെറ്റി ചുളിച്ച് കൊണ്ട് തിരക്കി. " അത്... അത് പിന്നെ ഞാൻ പറഞ്ഞതൊക്കെ കെ... കേട്ടിട്ട് ഒന്നും മിണ്ടാഞ്ഞപ്പോ ഞാൻ.... ഞാൻ കരുതി കണ്ണേട്ടനും എന്നെ സംശയിച്ചു എന്ന്.. " : നന്നേ നേർത്ത സ്വരത്തിൽ അവൾ പറഞ്ഞു. അതും കൂടി കേട്ടതും വീണ്ടും കണ്ണന്റെ ദേഷ്യം അങ്ങ് ഉച്ചിയിൽ എത്തി. അതിന്റെ അന്തര ഫലം എന്ന വണ്ണം അവൻ ഗൗരിയുടെ കയ്യിൽ അമർത്തി പിടിച്ച് കൊണ്ട് കണ്ണ് ഇറുക്കി അടച്ചു. തുടരും........ എന്താല്ലേ പെണ്ണിന് ഏത് നേരവും അങ്ങ് കരച്ചിലാ. കണ്ണന്റെ കലിപ്പ് mode ഓൺ ആക്കിയാലോ 🫣😁 #കഥ #തുടർകഥ #mallu stories #പ്രണയം #പ്രണയ കഥ #നോവൽ #തുടർകഥ #പ്രണയം #love #പ്രണയം 🥰 #കഥ #lovestory