shan Nml
135K views • 7 days ago
2527 likes
101 comments • 1401 shares
More like this
അമ്പിളി 🌝#💞 പ്രണയകഥകൾ #📔 കഥ #📙 നോവൽ നീയെൻ നീലാംബരി 🦋11 മുണ്ട് മടക്കി കുത്തി അഭി അടുത്ത് വന്നതും മധു പുരികം ചുളിച്ചു സംശയത്തോടെ നിന്നു. ഒറ്റ നിമിഷം, മധു വായുവിൽ ഉയർന്നു പൊങ്ങി. മധുവിന്റെ ഒതുങ്ങിയ അരക്കെട്ടിൽ മുറുകെ പിടിച്ചു അഭി അവളെ ഉയർത്തി കഴിഞ്ഞിരുന്നു. സെന്റർ സ്റ്റാൻഡിട്ട ബൈക്കിന്റെ പുറകിലെ സീറ്റിലേക്കവളെ ശ്രദ്ധയോടവൻ ഇരുത്തി. നല്ല ദേഷ്യത്തോടെയും ഭയത്തോടെയും അവനെ നോക്കി പേടിപ്പിച്ചു ഒരു വശത്തേക്ക് രണ്ടു കാലുകളുമിട്ടവൾ ഇരുന്നു. " താനെന്താടോ ഈ കാണിക്കുന്നേ? " മധുവിന്റെ നീണ്ടമിഴികൾ കോപം കൊണ്ട് വിറച്ചു. " താനല്ലേ കയറാൻ വയ്യെന്ന് പറഞ്ഞത്. കാറെല്ലാം പോയ സ്ഥിതിക്ക് ക്ഷേത്രത്തിൽ എത്തണമെങ്കിൽ ഇതിൽ കേറാതെ വഴിയില്ലല്ലോ.... " നിസ്സാരമായി പറഞ്ഞു അഭി മുൻ സീറ്റിലേക്ക് കയറി ഇരുന്നു. മധു എന്തൊക്കെയോ പിറുപിറുക്കുന്നത്ത് അവനു അവ്യക്തമായി കേൾക്കുന്നുണ്ടായിരുന്നു. അഭിയുടെ ബൈക്ക് സ്റ്റാർട്ട് ആയി. പെട്ടന്നവൻ ബൈക്ക് മുന്നോട്ടെടുത്തതും എവിടെയും പിടിക്കാതിരുന്ന മധു മുന്നിലേക്കാഞ്ഞു പോയി. അവളുടെ മാറിടങ്ങൾ അഭിയുടെ പുറകിൽ ശക്തമായി ഇടിച്ചു. അഭിയുടെ നട്ടെല്ലിലൂടെ വിറയൽ പടർത്തി. മധു അത് ശ്രദ്ധിക്കുക പോലും ചെയ്തില്ലെന്ന് കണ്ണാടിയിലൂടെ അവളെ നോക്കിയ അഭിക്ക് മനസിലായി. മധു വലതു കയ്യെടുത്തവന്റെ തോളിൽ വച്ചു. തല ഒന്ന് കുടഞ്ഞു അഭി റോഡിലേക്കിറങ്ങി ബൈക്ക് വേഗത്തിൽ ഓടിച്ചു. മധുവിന്റെ ദേഷ്യമെല്ലാം പോയി അവൾ ചുറ്റും ആസ്വദിച്ചു തുടങ്ങി. വയലുകളും തെങ്ങിൻ തൊപ്പുകളും കടന്ന് ബൈക്ക് കുതിക്കുമ്പോൾ ആ പെണ്ണൊരുത്തി ഒരു സ്വപ്നം പോലെയതെല്ലാം നോക്കി കാണുകയായിരുന്നു.. നഷ്ടപ്പെട്ടതെന്തോ തിരിച്ചു കിട്ടിയ ഭാവമായിരുന്നവൾക്ക്. കുറച്ചു പോയതും വലിയൊരു കവലയെത്തി. റോഡിനോരം ചേർന്ന് ബൈക്ക് നിർത്തിയതും മധു ചുറ്റും നോക്കി. ഒരുപാടാളുകൾ തങ്ങളെ നോക്കുന്നതും തമ്മിൽ കുശുകുശിക്കുന്നതും അവൾ കണ്ടു. മിക്കവരുടെയും കണ്ണുകളിൽ കാണുന്നത് വെറും സഹതാപമാണെന്നത് അവളെ അസ്വസ്ഥതപെടുത്തി. " എത്ര മുഴം വേണം? " അഭി ചോദിച്ചതും മധു ചുറ്റും ശ്രദ്ധിക്കുന്നത് നിർത്തി അവനെ നോക്കി. " എന്ത്? " " മുല്ല.... " കണ്ണുകൊണ്ടു, ഒരു കോട്ട മുല്ലപ്പൂക്കളുമായി റോഡരിക്കിലിരിക്കുന്ന തമിഴത്തിയെ കാണിച്ചു അഭി പറഞ്ഞു. മധു മിഴിച്ചു നിന്നു. സത്യത്തിൽ അങ്ങനെ ഒരു സാധനത്തിനെ കുറിച്ചവൾ ചിന്തിച്ചിട്ടേ ഉണ്ടായിരുന്നില്ല. " പറയെടോ..... " " ഒരു 4 മുഴം എടുത്തോ.... " " അക്ക... ഒരു 6 മുഴം മുല്ല തായോ... " അഭി പോക്കറ്റിൽ നിന്ന് പണമെടുത്തു അവരോടു വിളിച്ചു പറഞ്ഞു. വെറ്റിലക്കറ പിടിച്ച പല്ല് കാട്ടി ചിരിച്ചു മുല്ല അളന്നെടുത്തു മുറിച്ചു കൊണ്ടവർ ബൈക്കിനടുത്തേക്ക് വന്നു. സാരിയുടെ അരയിൽ തിരുകിയ ഒരു കവറിൽ നിന്നും ഒരു പാക്കറ്റ് സ്ലൈഡ് എടുത്തു. രണ്ടും കൂടെ മധുവിനു നേരെ നീട്ടി. മധു പുഞ്ചിരിയോടത് വാങ്ങി. അഭി കൊടുത്ത കാശ് അവർ ബ്ലൗസ്സിനുള്ളിലേക്ക് തിരുക്കി. " എന്ന പസംഗള... തിരുട്ട് കല്യാണമാ?, " കണ്ണുകൾ ചുരുക്കി കള്ള ചിരിയോടവർ ചോദിച്ചു. മധു വാ പൊത്തി പതുക്കെ ചിരിച്ചു. " എന്ത്? " അഭി അവർ പറഞ്ഞത് മനസ്സിലാവാതെ മിഴിച്ചു നോക്കി. " തമിഴ് അറിയില്ലേ? " " ഇല്ല.... " " ഒളിച്ചോടി കല്യാണം കഴിക്കുകയാണോന്നാണ് അവർ ചോദിക്കുന്നത്..... "" മധു വീണ്ടും ചിരിച്ചു. " അയ്യേ.... അല്ലന്ന് പറ " അഭി വല്ലായ്മയോടെ പറഞ്ഞു. " ഇല്ലമ്മ.... Arranged മാര്യേജ് താ.... സിന്നതാ ഒരു കല്യാണം. മല്ലിപ്പൂ വന്ദ് മുന്നാടി വാങ്കെ മറന്തു പോച്. ( അല്ലമ്മ, അറേഞ്ച് മാരേജ് ആണ്. ചെറിയ കല്യാണം ആണ്. മുല്ലപ്പൂ മുന്നേ വാങ്ങി വക്കാൻ മറന്നു പോയി. ) അവൾ പറയുന്നത് കേട്ട് അഭി അത്ഭുതത്തോടെ മിഴിച്ചവളെ നോക്കി. " അപ്പടിയാ..... എന്നാ ആനാലും ഉങ്കളെ പാക്കുമ്പോത് രാമൻ സീത മാതിരിയെ തെരിയിത്...... നല്ലാ വാങ്കെ.... ദീർഘ സുമംഗലിയാ ഇര്...."( അങ്ങനെയാണോ...... എന്തായാലും നിങ്ങളെ കണ്ടാൽ രാമനും സീതയും പോലെയുണ്ട്...... നന്നായി വരൂ.... ദീർഘ സുമംഗലിയായിരിക്ക്...) മധുവിന്റെ നെറുകിൽ കൈ വച്ചു വാത്സല്യത്തോടവർ പറഞ്ഞു. മധു വെറുതെ ഒന്ന് പുഞ്ചിരിച്ചു. ആയുസ്സില്ലാത്ത മംഗല്യത്തിന് കിട്ടാവുന്ന ഏറ്റവും ദയനീയമായ അനുഗ്രഹമായി അവൾക്കതിനെ തോന്നി. അഭിയുടെ അവസ്ഥയും മറിച്ചായിരുന്നില്ല. അവർ പഴയ സ്ഥലത്തു പോയിരുന്നു. അഭി ബൈക്ക് എടുത്തു മുന്നോട്ടു കുതിച്ചു . കുറച്ചു ദൂരം ചെന്നതും വലിയൊരു ദേവി ക്ഷേത്രത്തിനു മുന്നിൽ വണ്ടി നിന്നു. കാർമേഘത്തേക്കാൾ ഇരുണ്ട മുഖത്തോടെ തങ്ങളെ നോക്കി നിൽക്കുന്നവരെ കണ്ടു മധുവിനു ഭ്രാന്തു പിടിച്ചു. " ഇവരൊക്കെ ഫുൾ ടൈം ഇങ്ങനെയാണോ? " മധു അഭിയുടെ കാതിനടുത്തായി ചെന്ന് പതുക്കെ ചോദിച്ചു. " മിക്കപ്പോഴും " കാതിൽ അവളുടെ നിശ്വാസചൂടിൽ ഒന്ന് വിറച്ചെങ്കിലും അഭി വേഗത്തിൽ പറഞ്ഞു. മധു മൂളി..... സാരി ഉടുത്തു മധുവിന് ബൈക്കിൽ നിന്ന് ഇറങ്ങാൻ കഴിയില്ലായിരുന്നു. അഭി അവളുടെ ശരീരത്തിൽ കാൽ തട്ടിക്കാതെ ശ്രദ്ധയിൽ ബൈക്കിൽ നിന്നിറങ്ങി. " ഞാനോ? " മുഖം ചുളിച്ചവൾ ചോദിച്ചു. അഭി കയറ്റി വച്ചത് പോലെ തന്നെ അവളുടെ ഇടുപ്പിൽ പിടിച്ചു താഴെയിറക്കി. മധു ജാള്യതയോടെ എല്ലാവരെയും നോക്കി. നേരത്തെ കണ്ടതിനേക്കാൾ കുറച്ചു കൂടെ ആ മുഖങ്ങൾ ഇരുണ്ടത് പോലവൾക്ക് തോന്നി. ഏറ്റവും കൂടുതൽ താരയുടെ മുഖത്തായിരുന്നു ദേഷ്യം എന്നതും മധു ശ്രദ്ധിച്ചു. മധു മുല്ലപ്പൂവും കയ്യിൽ പിടിച്ചു ഇനിയെന്ത് എന്നപോലെ നിന്നു. അഭി ബൈക്ക് സെന്റർ സ്റ്റാൻഡിൽ ഇട്ട് അവൾക്കു നേരെ തിരിഞ്ഞു. ആ മുഖത്തെ ആശങ്ക എന്തിനാണെന്നവൻ ഊഹിച്ചു. മധുവിന്റെ കയ്യിൽ നിന്നും മുല്ലപ്പൂ വാങ്ങി അവൻ അവൾക്കു പുറകിലേക്ക് നിന്നു. എല്ലാവരും അവരെ ഉറ്റു നോക്കി നിൽക്കുകയായിരുന്നു. കിങ്ങിയുടെ മുഖം നല്ലൊരു മൊമെന്റ് നടക്കാൻ പോകുന്നെന്ന സന്തോഷത്തിൽ വിടർന്നു നിന്നു. അഭി അവളുടെ കുളിപ്പിനലിട്ട ഇടുപ്പ് വരെ നീളമുള്ള മുടിക്കുള്ളിലൂടെ മുല്ലപ്പൂമാല കടത്തി. കഴുത്തിനു മുകളിലൂടെടുത്തു മുടിക്ക് മുകളിൽ കൊണ്ട് വന്നു. മധു സ്ലൈഡ് പുറകിലേക്ക് നീട്ടി. ഒന്ന് കടിച്ചു കൊണ്ട് സ്ലൈഡ്ഡ് അകത്തി അഭി മുടിയും മുല്ലപ്പൂമാലയും ചേർത്ത് കുത്തി. പിന്നെയും അവൾ ഓരോന്നായി സ്ലൈടുകൾ കൊടുത്തു. മുല്ലപ്പൂമാല മുടിയിൽ അനങ്ങാത്ത വിധം അഭി സെറ്റ് ചെയ്തു. " താങ്ക്സ്..... " മധു പതുക്കെ പറഞ്ഞു. " എന്റെ അമ്മയുടെ ഏറ്റവും വലിയ ആഗ്രഹമായിരുന്നു ഞാൻ കല്യാണം കഴിക്കുന്ന പെൺകുട്ടി സെറ്റ് സാരിയുടുത്തു മുല്ലപ്പൂ ചൂടി വേണം എന്റെ താലി ഏറ്റുവാങ്ങാനെന്നത്....താൻ ആണെങ്കിൽ സെറ്റ് സാരി ഉടുത്തിട്ടുണ്ട്. മുല്ലപ്പൂവിന്റെ ഒരു കുറവുണ്ടായിരുന്നുള്ളു അതാ.. ഞാൻ. നേരിട്ട് അമ്മ കാണാൻ ഇല്ലെങ്കിലും എവിടെയെങ്കിലും നിന്ന് കാണുന്നുണ്ടാവുമെന്നൊരു തോന്നൽ " അഭി ഒന്ന് കൂടി അവളുടെ മുടി നേരെയാക്കി കൊണ്ട് പറഞ്ഞു. അവൻ പറഞ്ഞത് കേട്ടപ്പോൾ മധുവിനവനോട് സഹതാപം തോന്നി. " മുഹൂർത്തം ആയി തുടങ്ങി. വേഗം വാ..... " മാധവൻ ക്ഷത്രത്തിലേക്ക് നടന്നു കൊണ്ട് പറഞ്ഞു. താരാ പിറുപിറുത് പോകുന്നത് കണ്ടപ്പോൾ എന്ത് കൊണ്ടോ മധുവിന് വല്ലാത്ത സംതൃപ്തി തോന്നി. എല്ലാവരും ക്ഷേത്രത്തിനകത്തേക്ക് നടന്നു. അഭിക്കൊപ്പം മധുവും. " എന്തൊരു ചേർച്ചയാണല്ലേ ഏട്ടത്തി അവർ രണ്ടു പേരും., " മീനാക്ഷി രേവതിയുടെ കാതിൽ പിറുപിറുത്തു. " അതെ.... കണ്ടിട്ടെനിക്കങ്ങു സഹിക്കുന്നില്ലെടി... " രേവതി ചുളിഞ്ഞ മുഖത്തോടെ പറഞ്ഞു. മീനാക്ഷി എന്തെങ്കിലും തിരിച്ചു പറയുന്നതിന് മുന്നേ മഹാദേവൻ അവളുടെ കൈ തുടയിൽ പിടിച്ചു അയാൾക്കടുത്തേക്ക് വലിച്ചു. " മതി കുറ്റവും കുന്നായ്മയും പറഞ്ഞത്. എന്റെ അടുത്തിന്ന് ഇനി അനങ്ങി പോവരുത്.. " ഒരു താകീത് പോലെ മഹാദേവൻ പറഞ്ഞതും മീനാക്ഷി ഒന്നും മിണ്ടാതെ അയാളോട് ചേർന്ന് നടന്നു. വർഷയുടെ കണ്ണുകൾ മുഴുവൻ മറ്റൊരാളിൽ തങ്ങി നിൽക്കുകയായിരുന്നു. ഇത്രയും ഒരുങ്ങി കെട്ടി വന്നിട്ടും ഒരു നോട്ടം പോലും കിട്ടിയില്ലല്ലോ എന്നത് അവളെ വല്ലാതെ വിഷമിപ്പിച്ചു. " രാത്രി റൂമിലോട്ട് വിളിക്ക് അപ്പൊ കാണിച്ചു തരാം.... " ദേഷ്യത്തോടവൾ പതുക്കെ പിറുപിറുത്തു. എല്ലാവരും ശ്രീകോവിലിനു മുന്നിലെത്തി തൊഴുതു തുടങ്ങി. അഭി പോക്കറ്റിൽ നിന്നും താലിയെടുത്തു കർമ്മിക്ക് നേരെ നീട്ടി. താലി പൂജിക്കും വരെ എല്ലാവരും അക്ഷമയോടെ ശ്രീക്കോവിന് ഒരു വശത്തേക്കൊതുങ്ങി നിന്നു. അത്ര നേരമില്ലാത്തൊരു വെപ്രാളം മധുവിനു തോന്നി തുടങ്ങി. തോളിലിട്ടിരിക്കുന്ന ബാഗിന്റെ സ്ട്രാപ്പിലവൾ നീട്ടി വളർത്തിയ നഖം കൊണ്ട് ചുരണ്ടികൊണ്ടിരുന്നു. അവളുടെ വലതു വശം ചേർന്ന് അഭി നീറുന്ന മനസ്സോടെ നിൽക്കുകയായിരുന്നു. ഇങ്ങനൊരു ദിവസം സ്വപ്നം കണ്ടിരുന്നൊരു അഭിമന്യു ഉണ്ടായിരുന്നു. പക്ഷെ മുല്ലപ്പൂ ചൂടി സെറ്റ് സാരിയുടുത്തു തന്റെ താലിക്കു കാത്തു നിൽക്കുന്നവൾക്ക് മറ്റൊരു മുഖമായിരുന്നു. അഞ്ചു വർഷത്തോളം ഈ ഹൃദയത്തിൽ സൂക്ഷിച്ച മുഖം..... അവനൊന്നു നെടുവീർപ്പിട്ട് നോക്കിയത് മാധവന്റെയും മഹാദേവന്റെയും അടുത്തായി നിൽക്കുന്ന സഞ്ജുവിന്റെയും വരുണിന്റെയും നേർക്കായിരുന്നു. ഇറച്ചി കൊതിയോടെ നിൽക്കുന്ന കഴുകന്റെ കണ്ണുകളായിരുന്നു അവർക്കപ്പോൾ. അവരുടെ നോട്ടം ചെന്നു നിൽക്കുന്നിടത്തേക്ക് അഭിയുടെ കണ്ണുകളും ചെന്ന് നിന്നു. ചെറുതായി വീശുന്ന കാറ്റിൽ തെന്നി മാറി കൊണ്ടിരിക്കുന്ന സെറ്റ് സാരിക്കിടയിലൂടെ കാണുന്ന ഒതുങ്ങിയ മനോഹരമായ വയറിലേക്കും അതിനു മുകളിലുള്ള ഉയർന്ന മാറിടത്തിലേക്കുമായിരുന്നു ആ നോട്ടം ചെന്നു നിന്നത്. അഭിക്ക് അവരോട് വല്ലാത്ത വെറുപ്പ് തോന്നി. ഇവളെയെന്നല്ല ലോകത്തൊരു പെണ്ണിനേയും ആരും അങ്ങനെ നോക്കുന്നതവന് ഉൾകൊള്ളാൻ ആവുമായിരുന്നില്ല. മധുവിന്റെ വലതു വശത്തു നിന്നും അഭി പതുക്കെ ഇടതു വശത്തേക്ക് നടന്നു. അവരുടെ കാഴ്ചയെ മറയ്ക്കും വിധം അവളോട് ചേർന്നവൻ നിന്നു. എന്നാൽ ഇതൊന്നും ശ്രദ്ധിക്കാതെ ശ്രീക്കോവിലിലേക്ക് ഉറ്റു നോക്കി ബാഗിൽ ചുരണ്ടി നിൽക്കുന്ന മധുവിനെ അഭി ആശ്വാസത്തിൽ നോക്കി. " പൂജ കഴിഞ്ഞു, ചെക്കനും പെണ്ണും ഇങ്ങോട്ട് നിന്നോളൂ...... മുഹൂർത്തം കഴിയാറായി തുടങ്ങി. " ശ്രീകോവിലിൽ നിന്നും തല പുറത്തേക്കിട്ട് നമ്പൂതിരി പറഞ്ഞതും എല്ലാവരും ഒന്ന് തയ്യാറായി നിന്നു. മധു വെട്ടി വിയർത്തു തുടങ്ങി. അവൾക്ക് ശ്വാസം മുട്ടും പോലെ തോന്നി. ഒരു താങ്ങിനായവൾ കൊതിച്ചു. അഭിയുടെ കൈവന്നു അവളുടെ കൈപ്പതിയിലേക്ക് ചേർന്നതും മധു അന്ധളിച്ചു പോയി. അവൻ ഇരു കണ്ണുകളുമടച്ചു ഒന്നുമില്ലെന്ന് കാണിച്ചു. അവനെങ്ങനെ തന്റെ ചിന്തകൾ മനസിലാക്കിയെന്നതിൽ അവൾക്ക് അത്ഭുതം തോന്നി...... ആ കൈകളുടെ ധൈര്യത്തിൽ മധു ഒരുക്കി വച്ചിരിക്കുന്ന മണ്ഡപത്തിലേക്ക് കയറി. അവിടുള്ള വെള്ള തുണിയിലേക്കിരുന്നു. അപ്പോഴേക്കും പൂജിച്ച താലി ഒരു ഒറ്റുപാത്രത്തിൽ വെറ്റിലക്കും സിന്ദൂരചെപ്പിനും നടുവിലായി വച്ചു നമ്പൂതിരി മണ്ഡപത്തിൽ അവർക്ക് മുന്നിലായി വന്നിരുന്നു...... എന്തൊക്കെയോ മന്ത്രങ്ങൾ വീണ്ടും ഉരുവിട്ടയാൾ ചന്ദനം അവർക്ക് നേരെ നീട്ടി. രണ്ടു പേരും പരസ്പരം ചന്ദനം തോട്ടു കൊടുത്തു. അപ്പോഴും മധുവിന്റെ മിഴികൾ ടെൻഷനിൽ പിടച്ചു കൊണ്ടിരുന്നു. അഭിയിൽ വെറും നിർവികരത മാത്രം കാണാനാവുന്നുണ്ടായിരുന്നുള്ളു. " ഇനി വധുവിന്റെ കഴുത്തിൽ താലി ചാർത്തിക്കോളൂ..... " അഭിക്ക് നേരെ ചെറിയ ചെയിനിൽ കോർത്ത കുഞ്ഞു താലി നീട്ടിക്കൊണ്ട് നമ്പൂതിരി പറഞ്ഞു..... തുടരും......
1244
Ashwin ☺️✨#❤ സ്നേഹം മാത്രം 🤗 #💖 സ്നേഹാശംസകൾ #🖋 എൻ്റെ കവിതകൾ🧾 #📖 കുട്ടി കഥകൾ #📔 കഥ
1724- അമ്പിളി 🌝#📙 നോവൽ #📔 കഥ #💞 പ്രണയകഥകൾ MY DOCTOR ❤️42 പ്രിൻസിപ്പളിന്റെ റൂമിനു മുന്നിലുള്ള വരാന്തയിൽ നിൽക്കുമ്പോൾ അഞ്ജുവിന്റെ ഉള്ളിലുള്ള വികാരം എന്താണെന്ന് അവൾക്കു തന്നെ മനസിലാവുന്നുണ്ടായിരുന്നില്ല. ശ്രാവൺ അക്ഷയ് വിഷ്ണു ഇവർ മൂവരുടെ അമ്മമാർ അവർക്കൊപ്പം കുറച്ചപ്പുറത്തായി മാറി നിൽക്കുന്നുണ്ട്. അവരുടെ അമ്മമാർ എന്തോ പകയുള്ള പോലെയാണ് അവളെ ഉറ്റു നോക്കികൊണ്ടിരിക്കുന്നത്. അജു അഞ്ജുവിന്റെ അടുത്ത് നിന്ന് ഫോണിൽ നോക്കുകയായിരുന്നു. സിദ്ധുവും അവന്റെ അച്ഛനും മറ്റൊരറ്റത്തയി നിൽപ്പുണ്ട്. വൈശാഖിന്റെയും ആരോണിന്റെയും അച്ഛന്മാരും അവർക്കൊപ്പം സിദ്ധുവിന്റെ അടുത്തുണ്ട്. വല്ലാത്ത നിശബ്ദതയായിരുന്നു ചുറ്റും. സ്റ്റുഡന്റസ് ഒന്നും എത്തി തുടങ്ങിയിട്ടില്ല. അഞ്ജുവിന്റെ കണ്ണുകൾ കോളേജ് ഗേറ്റിലേക്ക് പാറി വീണുകൊണ്ടിരുന്നു. ആ നിശബ്ദതയെ ബേദിച്ചു കൊണ്ട് സിറിയുടെ ബുള്ളറ്റ് ഗേറ്റ് കടന്നകത്തേക്ക് വന്നു. അതിന് പുറകിലായി തന്നെ ഏഥന്റെ ബ്ലാക്ക് ഡിഫെൻഡർ ഉണ്ടായിരുന്നു. എല്ലാവരുടെയും നോട്ടം അങ്ങോട്ടായി. കാത്തിരിപ്പിനു അവസാനം വന്നെന്നപോലെ എല്ലാവരും തയ്യാറായി. അഞ്ജുവിന്റെ മുഖത്ത് വന്ന സന്തോഷം അജു ശ്രദ്ധിച്ചു. സിറിക്കൊപ്പം ബ്രിക്ക് റെഡ് നിറത്തിലുള്ള ഷർട്ടും ബ്ലാക്ക് ലിനെൻ പാന്റും ധരിച്ചു നടന്നു വരുന്ന ഏഥനെ കണ്ടവൾ സ്നേഹത്തോടെ നോക്കി പോയി. എന്നാൽ നടന്നു വരാന്തയിൽ കയറിയിടട്ടും ഒരു നോട്ടം പോലും ഏഥന്റെ അടുത്ത് നിന്നും അവളെ തേടി വന്നില്ല. അഞ്ജുവിന്റെ മുഖം പരിഭവം കൊണ്ട് മൂടി. " സോറി ഞങ്ങൾ കുറച്ചു ലേറ്റ് ആയി..... നമുക്ക് അകത്തേക്ക് കയറിയാലോ?" ഏഥൻ എല്ലാവരോടുമായി ബഹുമാനത്തിൽ പറഞ്ഞു. ആ നേരം സിറി അമ്മമാർക്കൊപ്പം നിൽക്കുന്ന മൂവരെയും പുച്ഛത്തോടെ നോക്കുകയായിരുന്നു. " അവന്മാരെക്കാളും മുറ്റാണല്ലോ അവന്മാരുടെ അമ്മമാർ... " സിറിയുടെ അടുത്തേക്ക് വന്നു വൈശാഖ് പതുക്കെ പറഞ്ഞൂ. സിറി അതിനൊന്ന് മൂളി. " വന്നപ്പോ മുതൽ മൂന്നുപേരും യക്ഷിയെ കണക്ക് അഞ്ജുചേച്ചിടെ ചോര ഊറ്റി കുടിക്കുന്നുണ്ട്... " ആരോൺ പറഞ്ഞു. " യെസ് ഏഥൻ... നമുക്കിനി അകത്തിരുന്ന് സംസാരിക്കാം... " ആരോണിന്റെ അച്ഛനും കൂടെ പറഞ്ഞതും എല്ലാവരും നടന്നു.അഞ്ജുവിനടുത്തേക്ക് ഏഥൻ എത്താനായതും അവൾ മുഖം കൂർപ്പിച്ചു. "ഇന്നലെ നട്ടപാതിരാ വരെ ഇരുന്നു സംസാരിച്ച ആൾക്ക് ഇന്ന് നേരിട്ട് കണ്ടപ്പോ ഒരു മൈൻഡ് പോലും ഇല്ലല്ലോ.... കാണിച്ചു തരാം ഞാൻ...." കുറുമ്പോടെ അഞ്ചു മനസ്സിൽ ഓർത്തു. അഞ്ചുവിനടുത്തിയതും അവളെ ഒന്ന് നോക്കുക പോലും ചെയ്യാതെ ഏഥൻ അവളുടെ ഇടുപ്പിൽ പിച്ചി ഒന്നും സംഭവിക്കാത്ത പോലെ നടന്നു പോയി. " ആ...." അഞ്ജു പതുക്കെ ഒച്ചവച്ചു. " എന്തെ... " അജു സംശയത്തോടെ ഏഥന്റെ പുറകെ പോയ സിറിയെ നോക്കി ചോദിച്ചതും അഞ്ജു ഒന്നുമില്ലെന്ന് തലയാട്ടി. അവൻ കാണാതെ അഞ്ജു ഏഥൻ പിച്ചിയിടത് ഉഴിഞ്ഞു. " കള്ള ഡോക്ടർ..... " അഞ്ജു പിറുപിറുത്തു. എല്ലാവരും അകത്തെത്തിയെന്ന് കണ്ടതും അഞ്ജുവും അവർക്ക് പുറകെ ചെന്നു. പ്രിൻസിപ്പാലിനെ വിഷ് ചെയ്തു. അവിടെ നിന്നും ഇത്ര ആളുകളുമായി സംസാരിക്കാൻ ബുദ്ധിമുട്ടായത് കൊണ്ട് അവരെയും കൂട്ടി പ്രിൻസിപ്പൽ ഒരു ഒഴിഞ ക്ലാസ്സ് റൂമിലേക്ക് ഇരുന്നു. നീട്ടിയിട്ട ഡെസ്കിൽ എട്ടു പേരെന്റെസും ഇരുന്നു. അവർക്ക് പുറകിലായി എട്ടു പേരും നിരന്നു നിന്നു. " ഗുഡ് മോർണിംഗ് ഗയ്സ്.... നിങ്ങളെ ഒക്കെ ഞാൻ വിളിപ്പിച്ചതെന്തിനാണെന്ന് പ്രേത്യേകം പറഞ്ഞു തരേണ്ടതില്ലല്ലോ...... ഞാനായിട്ട് ഒന്നും പറയുന്നില്ല. ഇതിന്റെ ബാക്കി എന്ത് വേണമെന്ന് നിങ്ങൾ തീരുമാനിക്ക്!" കയ്യിലും തലയിലും ഒക്കെ കേട്ടുമായി നിൽക്കുന്ന നാലുപേരെയും നോക്കി പ്രിൻസിപ്പൽ ഗൗരവത്തോടെ പറഞ്ഞു. " ദേ ഞങ്ങളുടെ മക്കളുടെ അവസ്ഥ കണ്ടില്ലേ സർ..... ഇങ്ങനെ അടികൊള്ളാനാണോ ഇവരെ ഞങ്ങൾ കോളേജിലേക്ക് വിടുന്നത്... " വിഷ്ണുവിന്റെ അമ്മ ദേഷ്യത്തിൽ പറയുന്നത് കേട്ട് സിറി പല്ലുഞ്ഞെരിച്ചു. " ആൺകുട്ടികളായാൽ എന്തെങ്കിലും ഒക്കെ പറഞ്ഞെന്നിരിക്കും. എന്നുവെച്ചു ഇങ്ങനെ മനസാക്ഷിയില്ലാതെ അടിക്കുകയാണോ വേണ്ടത്.... എനിക്കിതിനൊരു തീരുമാനം വേണം...." അക്ഷയ്യുടെ അമ്മയായിരുന്നു ആ ഡയലോഗ് അടിച്ചത്. " ഇവരെ ഇങ്ങനെ ആക്കിയവന്മാർ സോറി പറയട്ടെ. എന്നിട്ട് വേറെ എന്തും സംസാരിക്കാം.... " ശ്രാവണിന്റെ അമ്മ പറഞ്ഞു. അഞ്ജു അവക്ഞ്ഞതയോടെ അവരെ നോക്കിപ്പോയി. വെറുതെയല്ല അവരിങ്ങനെ ആയിപോയതെന്ന് ചിന്തിക്കുകയും ചെയ്തു. " ആര് എന്തൊക്കെ പറഞ്ഞാലും ഇവർ ചെയ്തത് തെറ്റാണ്. പെൺകുട്ടികളോട് ബിഹേവ് ചെയ്യേണ്ടത് എങ്ങനെയാണെന്നുള്ള commensense പോലും ഇവർക്കില്ലല്ലോ. " സിദ്ധുവിന്റെ അച്ഛൻ അവരെ എതിർത്തു. ചർച്ച ചൂട് പിടിച്ചു. ആ മൂന്നു സ്ത്രീകളും അവരുടെ മക്കൾ നിഷ്ക്കളങ്കരാണെന്ന് വാദിച്ചു കൊണ്ടിരുന്നു. ബാക്കിയുള്ളവർ അതിനെ എതിർത്തു. എന്നാൽ ഇതിലൊന്നും ഇടപെടാതെ ഏഥൻ ഇരുന്നു. ഏഥൻ ഒരു വാക്കുപോലും അവൾക്കു വേണ്ടി സംസാരിക്കാത്തത് അഞ്ജുവിനെ വല്ലാതെ നൊമ്പരപ്പടുത്തി. അനുസരണയില്ലാതെ ഇടക്കാ കണ്ണുകൾ നിറഞ്ഞു വന്നു. സിറിക്കാണെങ്കിൽ എല്ലാം കൂടെ കേട്ടിട്ട് ദേഷ്യം കണ്ട്രോൾ ചെയ്യാനേ പറ്റുന്നുണ്ടായിരുന്നില്ല. " എന്റെ അനിയത്തിയുടെ ഭാഗത്തു തെറ്റുണ്ടാകുമെന്ന് എനിക്ക് ഉറപ്പാണ്. അവളുടെ മിസ്റ്റേകിന് അവൾ ഇവരോട് മാപ്പ് ചോദിക്കും. " അജു അവന്റെ ഭാഗം വ്യക്തമാക്കി. അഞ്ജു ഞെട്ടി തരിച്ചു പോയി. ഇത്രയും പേരുടെ മുന്നിൽ തന്നെ അവൻ ഇത്രയും നീചമായി ഇട്ടുകൊടുക്കുമെന്നവൾ പ്രതീക്ഷിച്ചിരുന്നില്ല. ആ സ്ത്രീകളുടെ ചുണ്ടിൽ വിജയച്ചിരി വിരിഞ്ഞു. " റിയലി.... നിങ്ങൾ അവളുടെ സഹോദരൻ തന്നെയാണോ? " കലിയടങ്ങാതെ സിറി അജുവിന് നേരെ ആക്രോശിച്ചു. അവൻ തന്നെ തല്ലിയേക്കുമോ എന്ന് അജു ഭയന്നു അത്രയും ഭീകരമായിരുന്നു സിറിയുടെ നോട്ടം. " അത് നിന്നെയെനിക് ബോധിപ്പിക്കേണ്ട കാര്യമില്ല.... നിസ്സാരമായ ഒരു പ്രശ്നം നീ ഒരുത്തൻ ആണ് ഇത്രയും വഷളാക്കിയത്. ഇനി നിന്റെ സഹായം അവൾക്ക് വേണ്ട. അവളെ ഇനിയിവിടെ ഞാൻ പഠിപ്പിക്കുന്നില്ല ....... " കുറച്ചു ഭയത്തോടെയാണെങ്കിലും അവന്റെ കണ്ണിലേക്കു നോക്കി അജു വെല്ലുവിളിച്ചു. " താൻ ഒലത്തും..... " സിറി അവനു നേരെ ചെന്നതും വൈശാകും ആരോണും അവനെ പുറകിൽ നിന്ന് പിടിച്ചു. " കണ്ടോ.... സർ ഇവനൊക്കെ എന്ത് വയലന്റ് ആണ്. ഇങ്ങനെയുള്ളവന്മാർ പഠിക്കുന്ന കോളേജിൽ ആണോ ഞാൻ എന്റെ പെങ്ങളെ പഠിപ്പിക്കേണ്ടത്. " അജു അഞ്ജുവിനെ പിടിച്ചു മുന്നോട്ട് നിർത്തി. " ഇവരോട് സോറി പറയ്യ്..... " അജു ആക്ഞ്ജപിച്ചു. അഞ്ജു ഇല്ലെന്ന് തലയാട്ടി. " പറയെടി.... " അജുവിന്റെ ശബ്ദം ഉയർന്നു. അവൾ തലകുനിച്ചിരിക്കുന്ന ഏഥനെ ഒന്ന് നോക്കി. പിന്നെ രണ്ടും കലിപ്പിച്ചവരോട് സോറി പറയാൻ തയ്യാറായി. എന്തിനോ ആ കണ്ണുകൾ നിറഞ്ഞു. " just stop this nonsense..... " എല്ലാവരെയും ഞെട്ടിച്ചുകൊണ്ട് ഏഥന്റെ മുഴക്കമുള്ള ശബ്ദം ഉയർന്നു. " ഹിറ്റ്ലർ ഇടപ്പെട്ട് മോനേ.... ഇനി നീ ഒന്ന് അടങ്ങിക്കോ... " ആരോൺ സിറിയുടെ ചെവിയിൽ പറഞു. സിറിയുടെ ചുണ്ടിൽ ഒരു ചിരി വിരിഞ്ഞു. " എന്ത് നോൺസെൻസ്, ആദ്യം താൻ തന്റെ അനിയനെ നിലക്ക് നിർത്തു. എന്നിട്ട് ബാക്കി ഉള്ളവരെ നിർത്താം.... " അജു ഏഥനോട് കയർത്തു. " first of all, ഇത് എന്റെ അനിയനല്ല മകനാണ്..... " അജു അന്തംവിട്ടിരുവരെയും നോക്കി. " നിങ്ങൾ എന്താ പറഞ്ഞത്.... ആൺകുട്ടികൾ ആയാൽ എന്തെങ്കിലും പറഞ്ഞെന്നിരിക്കും അതിന് ഇങ്ങനെ അടിക്കാൻ പാടുണ്ടോന്നോ? എന്റെ മോനായത് കൊണ്ടാണ് ഇവനൊക്കെ എണീറ്റ് നടക്കുന്നത്. ഞാനായിരുന്നെങ്കിൽ ഈ സേം എക്സാം എഴുതാൻ ഇവനൊക്കെ വീൽചെയർ ഉരുട്ടി വന്നേനെ... ഇവന്മാരെ പോലുള്ളവർ കാരണം ദിവസം എത്ര പെൺകുട്ടികൾ നോവിക്കപെടുന്നുണ്ടെന്ന് നിങ്ങൾക്കറിയാമോ.അറിയില്ലെങ്കിൽ ഒരു ഡോക്ടർ ആയ എനിക്കറിയാം. അങ്ങനെയുള്ളവരോട് ഒക്കെ ക്ഷമിക്കാൻ ഞങ്ങളാരും ദൈവങ്ങളല്ല എല്ലാ വികാരങ്ങളുമുള്ള പച്ച മനുഷ്യരാണ്...... " ആരും ഒന്നും മിണ്ടാതെ അവൻ പറയുന്നത് കേട്ടുനിന്നു. " പിന്നെ ഈ കൊചെന്നല്ല ഇവരാരും ഈ നിൽക്കുന്ന പുന്നാര മക്കളോട് സോറി പറയാൻ പോകുന്നില്ല.....മര്യാദക്ക് ഇവരെ വളർത്തിയാൽ നിങ്ങൾക് കൊള്ളാം ഇല്ലെങ്കിൽ ഇവന്മാർ കൊറച് കൊള്ളും......" ഏഥൻ മുറുകിയ മുഖത്തോടെ പറഞ്ഞു. അത്രനേരം ഉണ്ടായിരുന്ന എല്ലാ ബഹളങ്ങളും ഒതുങ്ങി. " പിന്നെ.... അളിയാ.... തൽക്കാലത്തിന് അഞ്ജന ഇവിടെ തന്നെ പഠിക്കും. നിന്നെ പോലൊരു കഴുതയുടെ കൂടെ എന്ത് വിശ്വസിച്ചു ഞങ്ങളിവളെ അയക്കും. പിന്നേയ് ഇപ്പൊ കണ്ണൂരിലേക്ക് ഒരു ട്രെയിൻ ഉണ്ട്..... അധികം വൈകിക്കണ്ട " അവന്റെ ആജ്ഞ ശക്തിയുള്ള ശബ്ദത്തിൽ അജു എന്ത് പറയണമെന്നറിയാതെ വിയർത്തു. മകനേക്കാൾ വലിയൊരു aura അപ്പനുണ്ടെന്ന് എല്ലാവരും തിരിച്ചറിഞ്ഞു കഴിഞ്ഞിരുന്നു. സിദ്ധുവിന്റെ നിരപരാദിത്തം തെളിഞ്ഞത് കൊണ്ട് തന്നെ അവനൊഴികെ മറ്റുള്ളവർക്ക് ഒരാഴ്ച സസ്പെൻഷൻ കൊടുത്തു പ്രിൻസിപ്പൽ. എല്ലാവരും ഇറങ്ങി പോയി. സിദ്ധു അഞ്ജുവിനെ നോക്കി ഒന്ന് കണ്ണുചിമ്മി ചിരിച്ചു ക്ലാസ്സിലേക്ക് നടന്നു. " എടാ....എന്റെ അപ്പനിത്ര ലോക്കൽ ആയിരുന്നോ...... " സിറി വൈശാഖിന്റെ ചെവിയിൽ പറഞ്ഞു. " ഇത് ലോക്കൽ അല്ല മോനെ... ഒരു കാമുകന്റെ frustruation ആണ്. " വൈശാഖിന്റെ മറുപടികേട്ടവൻ ചിരിച്ചു പോയി. അച്ഛന്മാരോട് ബൈ പറഞ്ഞവർ ക്ലാസ്സിലേക്ക് നടന്നു. അഞ്ജു അജുവിനൊപ്പം പുറത്തിറങ്ങി. അജു അവളോടെന്ത് പറയണമെന്ന് അറിയാതെ കുഴങ്ങി.എന്തോ ഒരു പേടി അവനിൽ വന്നു നിൽക്കും പോലെ. " ഞാൻ തിരിച്ചു പോവാണ്.... " അഞ്ജു മൂളി. " ഇവിടെ വരും വരെ സംശയം മാത്രം ഉണ്ടായിരുന്നുള്ളു. ഇപ്പോളെനിക്ക് ഉറപ്പായി. നിന്നിൽ ഉള്ള അവസാന പ്രതീക്ഷയും അവസാനിച്ചു.... " അതും പറഞ്ഞവൻ വേഗത്തിൽ ഗേറ്റ് കടന്നു പുറത്ത് പോയി. അഞ്ജു അത് നോക്കി നിറക്കണ്ണുകളോടെ നിന്നു. " ബേബി ഗേൾ.... " പുറകിൽ ശ്വാസം പോലെയൊരു ശബ്ദം കേട്ടതും അഞ്ജു തിരിഞ്ഞു നോക്കാതെ അവളിരിക്കാറുള്ള വക മരച്ചുവട്ടിലേക്ക് പതുക്കെ നടന്നു. സ്റ്റുഡന്റസ് മിക്കവാറും എത്തീതുടങ്ങിയിട്ടുണ്ട്. ആകെയൊന്ന് നോക്കി അഞ്ജു വകപ്പൂക്കൾ വീണു കിടക്കുന്ന സിമന്റ് ബെഞ്ചിലേക്കിരുന്നു. അവൾക്കടുത്തായി എഥനും. " പിണക്കമാണോ? " ഏഥൻ കുസൃതിയോടെ ചോദിച്ചു. " എന്തിന്... " " പിന്നെന്തിനാ ഈ ബ്യൂട്ടിഫുൾ ഫേസ് ഇങ്ങനെ തക്കാളി പോലെയാക്കി വച്ചിരിക്കുന്നത്..... " " ഒന്നുല്ല.... " അഞ്ജു കുറുമ്പോടെ മുഖം വെട്ടിച്ചു. എല്ലാവരും തങ്ങളെ നോക്കി തുടങ്ങിയത് ഏഥൻ ശ്രദ്ധിച്ചു. " ഈ പിണക്കം മാറ്റാൻ ഉള്ള സാഹചര്യം അല്ല ബേബി..... The whole campus staring us. " ഏഥൻ പറഞ്ഞത് കേട്ടവൾ ചുറ്റും നോക്കി. " ഞാൻ പോട്ടെ.... നൈറ്റ് കാണാം.... " ഏഥൻ ഷർട്ടിന്റെ സ്ലീവ് ഒന്ന് കയറ്റി എണീറ്റു. " night? " അഞ്ജു പുരികം ചുളിച്ചു. അവൻ ഒറ്റകണ്ണിറുക്കി കാണിച്ചു കാറിനടുത്തേക്ക് നടന്നു. ഇടക്കൊന്നു തിരിഞ്ഞു നോക്കി കാർ എടുത്തു വേഗത്തിൽ ഓടിച്ചു പോയി.. അഞ്ജു ഒരു നെടുവീർപ്പോടെ അവിടെ തന്നെയിരുന്നു..അപ്പോഴേക്കും അവളുടെ ചുണ്ടിൽ ഒരു കുഞ്ഞ് ചിരി വിരിഞ്ഞു നിന്നിരുന്നു. ഈ ലോകം മുഴുവൻ തന്നെ ഒറ്റപ്പെടുത്തിയാലും ആ മനുഷ്യൻ തന്നെ നെഞ്ചോട് ചേർത്തു പിടിക്കുമെന്നവൾ വീണ്ടും ഉറപ്പിക്കുകയായിരുന്നു.... "അഞ്ജു..... എമ്മതിരി ഗ്ലാമർ ആണെടി ഏഥൻ ഡോക്ടർ. നിനക്ക് ഇതിലും പെർഫെക്ട് ആയൊരാൾ ഭൂമിയിൽ വേറെ കാണില്ലെടി.... Made for each other....കോളേജിലെ girls മൊത്തം അങ്ങേരെ വായി നോക്കി നിൽക്കുന്ന നിൽപ്പ് നീയൊന്ന് കാണണമായിരുന്നു.." ഐഷുവിന്റെ ഈ ചിലപ്പാണ് അഞ്ജുവിനെ സ്വപ്നലോകത്തു നിന്നും തിരികെ കൊണ്ടു വന്നത്. " എന്റെ പൊന്ന് ഐഷുമ്മ ആ വായോന്നടക്ക് .... അവിടെ നടന്നതൊന്നും നിനക്കറിയേണ്ടേ.... " അവൾ അത്ഭുധത്തോടെ ചോദിച്ചു. " അതൊക്ക ഞാൻ അറിഞ്ഞു. ക്യാമ്പസ് മൊത്തം ഇപ്പൊ അറിഞ്ഞു കാണും. ആരോന്നും വൈശാകും അല്ലെ ആൾക്കാര്.... " അത് പറഞ്ഞു ഐഷു ചിരിക്കുന്നത് കണ്ട് അഞ്ജുവും ചിരിച്ചു പോയി. തുടരും...... കുറച്ചു ധൃതിയിൽ എഴുതിയ പാർട്ട് ആണ്. കുഴപ്പമൊന്നുമില്ലല്ലോ......
1441 
🌹Geetha Jose🌹ജുവിയേലിന്റെ കഥ part-1 #🙂 ശുഭദിനം #💝 ആശംസകള് #🌞 ഗുഡ് മോണിംഗ് #😇 ശുഭചിന്ത #📔 കഥ
279606- അമ്പിളി 🌝#📙 നോവൽ #📔 കഥ #💞 പ്രണയകഥകൾ MY DOCTOR ❤️41 ഫോൺ വന്നു പുറത്തിറങ്ങി സംസാരിച്ചു കൊണ്ടിരുന്ന മാർട്ടിൻ വളരെ വ്യത്യസ്തമായ ഭാവത്തോടെ കയറി വരുന്നത് കണ്ടു ക്ലാര സംശയത്തോടെ മുഖം മുഖം ചുളിച്ചു. ക്ലാര കയ്യിലുള്ള ചായ കപ്പ് മാർട്ടിനു നേരെ നീട്ടി. " എന്നാ പറ്റി ഇച്ചായ..... " മാർട്ടിന്റെ ടെൻഷൻ നിറഞ്ഞ മുഖത്തേക്ക് നോക്ക് ക്ലാര ചോദിച്ചു. " എടി കുഞ്ഞാവ എണീറ്റു കാണുവോ ? " " സമയം ദാണ്ടേ 8 മണി കഴിഞ്ഞില്ലേ, അവള് കുളിച്ചു റെഡി ആയി കാണും. എന്നാ കാര്യം... " " തോമസ് ആടി വിളിച്ചത്.... ഞാൻ ആ ചെറുക്കനെ പറ്റിയൊന്ന് കാര്യമായി അന്വേഷിക്കാൻ പറഞ്ഞായിരുന്നു. അവൻ അന്വേഷിച്ചറിഞ്ഞ കാര്യം പറയാൻ വിളിച്ചതാണ്.... " മാർട്ടിൻ സംസാരിക്കുന്നതിനിടക്ക് ഫോണിൽ പെട്ടന്നൊരു നോട്ടിഫിക്കേഷൻ വന്നു. മാർട്ടിൻ അത് എടുത്തു നോക്കി. എന്നിട്ട് ക്ലാരക്ക് നേരെ തിരിച്ചു. " നോക്ക്.... ഇതവനും അവന്റെ തന്തയും... " വാട്സാപ്പിൽ മാർട്ടിൻ കാണിച്ച ഫോട്ടോ കണ്ട് ക്ലാര ഒന്ന് അതിശയിച്ചു. " ഇതവന്റെ അപ്പനാണോ... കണ്ടാൽ ചേട്ടനാണെന്നെ പറയു.... " ആ അതിശയത്തോടെ തന്നെയവർ പറഞ്ഞു. " അതേ.... അവന്റെ അപ്പനെ കണ്ടാൽ ചേട്ടനാണെന്നേ പറയു... അവന്റെ അപ്പന്റെ പേര് എന്താന്നറിയോ നിനക്ക്... " ക്ലാര പുരികം ചുളിച്ചു. " ഡോക്ടർ ഏഥൻ മില്ലെർ..... " ക്ലാര ഞെട്ടി അവളുടെ മിഴികൾ വിടർന്നു. " കുഞ്ഞാവേടെ......???" വിക്കുന്ന ശബ്ദത്തിൽ ക്ലാര ചോദിച്ചു. മാർട്ടിൻ നിസ്സഹായതയോടെ തലകുലുക്കി. " അവൾക്കറിയോ? " " സാധ്യതയില്ല.... നമുക്ക് അവളെ ഒന്ന് പോയി കാണാം , വാ..... " ക്ലാര ടെൻഷനോടെ മാർട്ടിനു പുറകെ മെർലിന്റെ റൂമിലേക്ക് പോയി. മാർട്ടിൻ കതക് മുട്ടി.... ഒരുപാട് മുട്ടിയിട്ടും കതക് തുറന്നില്ല... മാർട്ടിൻ ഡോർഹാൻഡിലിൽ പിടിച്ചു തള്ളിയതും കതക് തുറന്നു. മെർലിൻ കട്ടിലിൽ കമഴ്ന്നു കിടപ്പുണ്ട്. അവളുടെ ഫോൺ നിലത്തു ചിന്നി ചിതറി കിടക്കുന്നു. " കുഞ്ഞാവേ..... " മാർട്ടിൻ വേവലാതിയോടെ ഓടി അവളെ പിടിച്ചെഴുന്നേൽപ്പിച്ചു. മെർലിൻ മാർട്ടിനെ കെട്ടിപിടിച്ചു തേങ്ങി കരഞ്ഞു. " ഏഥൻ...... അവനെന്നെ മനസ്സിലാക്കുന്നില്ല ചേട്ടായി.....അവനിപ്പോഴും ആ മറ്റവളുടെ കൂടെ....... " വാക്കുകൾ മുഴുമിക്കാതെ മെർലിൻ പൊട്ടി കരഞ്ഞു. " ചേട്ടായിക്ക് പോലും എന്നോടിത്തിരി സ്നേഹമുണ്ടെന്ന് ഞാൻ കരുതി.... അതും ഇല്ലല്ലോ.... ഉണ്ടായിരുന്നെങ്കിൽ അവളിന്നീ ഭൂമിയിൽ ഉണ്ടാവില്ലായിരുന്നു...." ക്ലാരയും വന്നവളെ ചേർത്തു പിടിച്ചു. മകളെ പോലെ കരുതുന്നവളുടെ കണ്ണീർ അവരെ ദുഃഖത്തിലാഴ്ത്തി. " മോളെ.... നീ വിചാരിക്കുന്ന പോലെയല്ല കാര്യങ്ങളൊന്നും. അവൻ.... അവൻ നിനക്ക് ഒരിക്കലും യോജിക്കുന്നവനല്ല. " മാർട്ടിൻ പറഞ്ഞു. മെർലിൻ സംശയത്തോടെ മുഖമുയർത്തി. " അവനൊരു മകനുണ്ട്..... ഭാര്യ മരിച്ചതാണ്. " മെർലിന്റെ ശ്വാസം നിലച്ചത് പോലെ കണ്ണുകൾ മിഴ്ഞ്ഞു. " തോമസ് രണ്ടു ദിവസമായി ഞങ്ങളെ തല്ലിയ ചെക്കന്റെ പുറകെയായിരുന്നു. അന്വേഷിച്ചറിഞ്ഞത് കേട്ട് ഞാൻ പോലും ഞെട്ടി പോയി. ആ ചെക്കന്റെ അപ്പനാണ് നീ പ്രാണനായി കരുതുന്ന ആ ഡോക്ടർ. ദാ നോക്ക്...... " മാർട്ടിൻ ഫോൺ അവൾക്ക് നേരെ നീട്ടി. സിറിയുടെ തോളിൽ കയ്യിട്ട് അവനെ ചേർത്തു പിടിച്ചു നിൽക്കുന്ന ഏഥൻ.. " ഇല്ല.... ഞാൻ വിശ്വസിക്കില്ല...." മെർലിൻ ദേഷ്യത്തിൽ അലറി. " സത്യമാണ് കുഞ്ഞാവേ..... എന്റെ കുഞ്ഞിനി അവനു വേണ്ടി കരയരുത്.." ക്ലാരയും കൂടി പറഞ്ഞതും മെർലിൻ തളർന്നു കിടക്കയിലേക്കിരുന്നു. അല്ലെങ്കിലും അവൾക്കറിയാം അവര് ഒരിക്കലും അവളോട് ഇങ്ങനെയൊരു കള്ളം വന്നു പറയില്ലെന്ന്.... മെർലിൻ ആ ഫോട്ടോയിലേക്ക് തന്നെ ഉറ്റു നോക്കി നിശബ്ദമായി കുറച്ചു നിമിഷങ്ങൾ കടന്നു പോയി. " ചേട്ടായി ഈ പറഞ്ഞത് സത്യമാണെങ്കിൽ....... രണ്ടു ദിവസം ഞാൻ സമയം തരാം.. ഏഥന്റെ മകനും, ആ മറ്റവളും ജീവനോടെ ഉണ്ടാവൻ പാടില്ല......... എനിക്ക് കാണണം അവനു പ്രിയപെട്ടവരുടെ ജീവൻ പോകുന്നത് എന്റെ കണ്ണ്കൊണ്ട് കാണണം....... അവന്റെ ആ സുന്ദരമായ fucking ഫേസ് കണ്ണീരുകൊണ്ട് നീറുന്നതെനിക്ക് കാണണം.... " മെർലിൻ ഒരു ഭ്രാന്തിയെപ്പോലെ അലറി പറഞ്ഞു. " കൊല്ലും ഞാൻ എല്ലാത്തിനേം.... എന്റെ കുഞ്ഞിന്റെ കണ്ണ് നിറയാൻ കാരണക്കാരായ ഒറ്റ ഒന്നിനെയും ഞാൻ വെറുതെ വിടില്ല..... " അവളുടെ തലയിൽ തലോടി പകയോടെ മാർട്ടിൻ പറഞ്ഞു. നല്ലതല്ലാത്ത പലതും നടക്കാൻ പോകുന്നെന്ന തോന്നലിൽ ക്ലാര ഭയത്തോടെയത് കണ്ടു നിന്നു. ***************** " സോറി..... " എല്ലാം പറഞ്ഞു തീർത്തു അഞ്ജുവിനെ മുറുകെ പുണർന്നു ഐഷു പതുക്കെ പറഞ്ഞു. " ആദ്യം ഒരു വിഷമം ഉണ്ടായി എന്നത് നേരാണ്. പക്ഷെ ഇപ്പൊ എനിക്ക് ഒരു പിണക്കോം ഇല്ല.... നീ എന്റേതല്ലേ... നീ മനഃപൂർവം എന്നോടൊന്നും മറച്ചു വെക്കില്ലെന്ന് എനിക്ക് അറിയാന്നെ..... " അവളെ സമാധാനിപ്പിച്ചുക്കൊണ്ട് അഞ്ജു പറഞ്ഞു. ഐഷു അവളെ വലിച്ചു കിടക്കയിലേക്കിട്ട് അടുത്ത് കയറി കിടന്നു. അഞ്ജുവിനെ കെട്ടിപിടിച്ചു കിടന്നു. ബ്രേക്ഫാസ്റ് ഒക്കെ കഴിച്ചു കഴിഞ്ഞു സിറിയാണ് അഞ്ജുവിനെ ഹോസ്റ്റലിൽ കൊണ്ടുവിട്ടത്. അവളെ കണ്ടതും ഐഷു ഓടിവന്നു കെട്ടിപിടിച്ചു. അപ്പോൾ തുടങ്ങിയതാണീ സോറി പറച്ചിൽ..... കുറച്ചു നേരം രണ്ടുപേരും അങ്ങനെ കിടന്നു. അതവരുടെ ഇടയിലുള്ള അവസാന പിണക്കവും ഇല്ലാതാക്കി. " അല്ല..... ഇവിടുന്ന് പോവുമ്പോ ഫുൾ ശോകമായിട്ട് പോയാളാണ് വന്നപ്പോ മുഖത്ത് പൂനിലാവിന്റെ തെളിച്ചമാണലോ... " അവളെ തുറിച്ചുനോക്കി ഐഷു സംശയത്തോടെ പറഞ്ഞു. അഞ്ജു അതിനൊരു നീട്ടിയ ചിരി പാസാക്കി. " അല്ല, ഇനി ആപത്തിൽ കൈത്താങ്ങായാ സിറിമോനുമായി വല്ല ഡിങ്കോൽഫിയും..... അതിന്റെതാണോ ഈ തെളിച്ചം. " ഐഷു പറഞ്ഞത് കേട്ട് അഞ്ജു അവളെ മിഴിച്ചു നോക്കി. " അപ്പൊ ഡോക്ടർ സാറിനെ നീ തേച്ചോ? " " പോടീ..... ഈ തിളക്കത്തിന്റെ കാരണം തന്നെ നീ ഈ പറഞ്ഞ ഡോക്ടർ സാർ ആണ്..... അല്ലാതെ സിറിയല്ല... " ഐഷു ഒന്നും മനസ്സിലാവാതെ നിന്നു. അഞ്ജു കാര്യങ്ങളെല്ലാം വിശദമായി ഐഷുവിനോട് പറഞ്ഞു കൊടുത്തു. ഐഷു ഞെട്ടി എന്ത് പറയണമെന്നറിയാതെ നിന്ന് പോയി. " അഞ്ജു അപ്പൊ നീ അങ്ങേരെ കെട്ടിയാൽ സിറിയുടെ അമ്മയാവൂലെ? " ഐഷുവിന്റെ ചോദ്യത്തിന് അഞ്ജുവിന്റെ കയ്യിൽ മറുപടി ഉണ്ടായിരുന്നില്ല. " എനിക്കതൊന്നും അറിയില്ല.... പക്ഷെ ഏഥൻ ഇല്ലാതെ എനിക്ക് ഇനി പറ്റില്ലെടി... " അഞ്ജു പറഞ്ഞു തീർന്നതും വാതിലിൽ ഒരു മുട്ട് കേട്ടു. ഐഷു വാതിൽ തുറന്നു. " അഞ്ജുവിനെ വാർഡൻ വിളിക്കുന്നുണ്ട്....." ഹോസ്റ്റലിൽ ഉള്ള ഒരു പെൺകുട്ടി വന്നു പറഞ്ഞു. " ഓ ഇനി ആ തള്ളക്ക് എന്താണാവോ.... " അഞ്ജു പിറുപിറുത്തു. " നീ വന്നിട്ട് അവരെ വന്നു കാണണമെന്ന് എന്നെ പറഞ്ഞേൽപ്പിച്ചിരുന്നു. ആ പൂതന നിന്നെ ഇന്ന് വറുക്കും മോളെ... " ഐഷു കൂടി പറഞ്ഞതും അഞ്ചു നെടുവീർപ്പിട്ടു. " നീയും വാ പോയി നോക്കാം.... " അഞ്ജു അവളുടെ കയ്യിൽ പിടിച്ചു. " എന്റെ പൊന്ന് മോളെ... ആദ്യം നീയൊരു ദുപ്പട്ടയെടുത്തിട്.... ആ കഴുത്ത് അങ്ങോട്ട് മറയട്ടെ.... ഇല്ലെങ്കിൽ നിന്റെ പ്രാണനായകൻ തന്ന പ്രണയമുദ്രകൾ നാട്ടുകാര് മൊത്തം കാണും...... " ഐഷു പറഞ്ഞത് കേട്ട് അഞ്ജു ചൂളി പോയി. അത് മറക്കാൻ അവൾക്ക് ചുണ്ട് കൂർപ്പിച്ചൊരു ഉമ്മകൊടുത്തു അഞ്ജു അലമാരയിൽ നിന്ന് ഇട്ടിരിക്കുന്ന കുർത്തിക്ക് മാച്ച് ആയ ദുപ്പട്ടയെടുത്തിട്ടു. രണ്ടുപേരും താഴേക്ക് നടന്നു വാർഡന്റെ റൂമിനു മുന്നിലെത്തി.... " may i coming mam... " " yes.... " അവർ അകത്തേക്ക് കടന്നതും വാർഡന്റെ ടേബിളിന് മുന്നിലുള്ള ചെയറിൽ അവർക്കഭിമുഖമായി ഇരിക്കുന്ന ചെറുപ്പക്കാരനെ കണ്ട് ഒന്ന് നിന്നു. അയാളുടെ പുറം കണ്ടപ്പോൾ തന്നെ അതാരാണെന്ന് അഞ്ജു തിരിച്ചറിഞ്ഞു. അഞ്ജു ആ വരവ് ഒട്ടും പ്രതീക്ഷിച്ചിരുന്നില്ല. " ഏട്ടൻ...... " അവൾ പതുക്കെ പറഞ്ഞു. " ദാ.... വന്നല്ലോ അർജുന്റെ പുന്നാര പെങ്ങൾ. രണ്ടു ദിവസമായിട്ടിവൾ ഹോസ്റ്റലിൽ കയറിയിട്ടില്ല. എവിടെ തെണ്ടി നടക്കുകയായിരുന്നെന്ന് ദൈവത്തിനറിയാം. പിന്നെ കോളേജിലെ പ്രോബ്ലെംസ് ഞാൻ പറഞ്ഞല്ലോ..... " വാഡൻ പുച്ഛത്തോടെ പറഞ്ഞു തീർത്തതും അജു അവളെ ദഹിപ്പിക്കും വിധം ഒന്ന് തിരിഞ്ഞു നോക്കി. അവന്റെ നോട്ടത്തിൽ അവളൊന്ന് വിറച്ചു പോയി. " ഏട്ടൻ എപ്പോ വന്നു,? " " ഞാൻ വന്നിട്ട് കുറച്ചു നേരമായി. നിന്റെ കാട്ടിക്കൂട്ടലൊക്കെ കേട്ട് ഇരുന്നുപോയതാണ്.." അജു വന്നവളുടെ കയ്യിൽ പിടിച്ചു. അത് കണ്ടതും ഐഷു മെല്ലെ അവളുടെ കൈവിട്ടു. " ഇനി കാവിലെ പാട്ടുമത്സരത്തിന് കാണാം.... " അഞ്ജുവിന്റെ ചെവിയിൽ പതുക്കെ പറഞ്ഞു ഐഷു അവിടുന്ന് വലിഞ്ഞു. " കുരിപ്പ്....." അഞ്ജു പിറുപിറുത്തു. അജു വാർഡനോട് സമ്മതം വാങ്ങി അവളുമായി മുറ്റത്തേക്കിറങ്ങി. " ഏട്ടൻ വരുന്നത് പറഞ്ഞില്ലല്ലോ? " " പറയാതെ വന്നത് കൊണ്ട് പലതും അറിയാൻ പറ്റി.. " " ഏട്ടനെന്താ ഉദ്ദേശിച്ചത്? " " അത് ഞാൻ പറഞ്ഞു തരണോ? " " മനസിലായില്ല.... " " തോന്നിയ പോലെ നടന്നിട്ട് ഏതേലും ഒരുത്തൻ എന്തേലും പറഞ്ഞാൽ മിണ്ടാതിരുന്നൂടെ. അല്ലാതെ നിന്റെ കാമുകനെന്ന് പറഞ്ഞു നടക്കുന്നവനെ കൊണ്ട് തല്ലിച്ച് വലിയൊരു സീൻ ക്രീയേറ്റ് ചെയ്യേണ്ട വല്ല കാര്യവുമുണ്ടായിരുന്നോ. പിന്നെ , ഈ രണ്ടു ദിവസം നീ ഏതവന്റെ കൂടെയായിരുന്നു പൊറുതി.... പഠിത്തതിനെന്ന് പറഞ്ഞു നീ പണം വാങ്ങാതെ ആയപ്പോഴേ ഞാൻ ഇതൊക്കെ ചിന്തിക്കണമായിരുന്നു...... " അഞ്ജുവിന് അജുവിനോട് പുച്ഛം തോന്നി. അവനെ കണ്ടപ്പോൾ തന്നെ തിരക്കി വന്നല്ലോ എന്നോർത്തൊരു സന്തോഷം തോന്നിയിരുന്നു. പക്ഷെ അവന്റെ കേട്ടാൽ അറയ്ക്കുന്ന വാക്കുകളിൽ അതെല്ലാം കരിഞ്ഞു പോയി. പക്ഷെ അവൻ പറയുന്നതൊന്നും അവളുടെ നഖതുമ്പിനെ പോലും ബാധിക്കുന്നുണ്ടായിരുന്നില്ല..... " പറഞ്ഞു തീർന്നെങ്കിൽ പൊക്കോ..... " വെറുപ്പോടവൾ പറഞ്ഞു. " എവിടെ പോവാൻ. നാളെ നിന്റെ കോളേജിലേക്ക് ഞാൻ വരുന്നുണ്ട്. അവിടെയും കൂടെ വന്നിട്ട് വേണം എനിക്ക് നിന്റെ പഠിപ്പിനി തുടരണോ വേണ്ടയോ എന്നൊന്ന് ചിന്തിക്കാൻ. " അഞ്ജുവിന്റെ നെഞ്ചിൽ ഒരു വെള്ളിടി വെട്ടി.... പക്ഷെ മനസിലേക്കാ നേരം ഏഥന്റെ ചിന്തകൾ കടന്നു വന്നു. " താൻ ഒരു കോപ്പും ചെയ്യില്ല.... " അഞ്ചു ആത്മവിശ്വാസത്തോടെ മനസിലോർത്തു.. തുടരും......
1857 
shan Nmlമണ്ണാങ്കട്ടയും കരിയിലയും 😔 #കഥ #📔 കഥ #കഥകൾ #എന്റെ കഥകൾ #🙋♀️ എൻ്റെ സ്റ്റാറ്റസുകൾ
70122- അമ്പിളി 🌝#📙 നോവൽ #📔 കഥ #💞 പ്രണയകഥകൾ നീയെൻ നീലാംബരി🦋 10 രാത്രി ഉറക്കം കിട്ടാത്തത് കൊണ്ട് തന്നെ മധു പുലർച്ചക്കെപ്പോഴോ ആണുറങ്ങിയിരുന്നത് . ഇവിടെ വന്നിട്ടിട്ടിപ്പോൾ മൂന്നു ദിവസമായിട്ടും ബാംഗ്ലൂരിലെ ജീവിതചര്യയിൽ നിന്നും പുറത്തു വരാൻ അവൾക്കായിട്ടുണ്ടായിരുന്നു. അവിടെ രാത്രി ആരുടെയൊക്കെയോ കാമശമനത്തിന് കിടന്ന് കൊടുക്കുകയാണെങ്കിൽ ഇവിടെ രാത്രി ഫോണിൽ കളിച്ചു കിടക്കുകയായിരിക്കും . രാവിലെ നന്നായി കിടന്നുറങ്ങും. ഉച്ചക്ക് ശേഷം ഞായറാഴ്ചത്തെ പോലെ വരാൻ കിങ്ങിണി ഉണ്ടായിരുന്നില്ല. അവൾ സ്കൂളിൽ പോകും.എന്നിട്ട് വൈകീട്ടൊന്നു വന്നു കുറച്ചു സംസാരിച്ചു പോവും. കിങ്ങിണി പറഞ്ഞു അവിടുള്ള ആളുകളുടെ ഏകദേശ സ്വഭാവം മധു മനസിലാക്കിയെടുത്തിട്ടുണ്ട് . ഈ മൂന്നു ദിവസം കൊണ്ട് തന്നെ അവളോടൊരു അനിയത്തിയെ പോലുള്ള അടുപ്പം മധുവിനുണ്ടായിട്ടുണ്ട്. കഴിഞ്ഞ ദിവസങ്ങളെ പോലെ ഇന്നിപ്പോൾ കിടന്നുറങ്ങാൻ വയ്യ. ഇന്ന് കല്യാണമാണ്. ഒരു മടുപ്പോടെയവൾ മൊബൈൽ എടുത്തു സമയം നോക്കി . ഏകദേശം എട്ടു മണിയായി തുടങ്ങിയിട്ടുണ്ട്. 9 അരക്ക് എന്തോ ആണ് മുഹൂർത്തം എന്ന് സജീവേട്ടൻ ഇന്നലെ വന്നു പറഞ്ഞിരുന്നു. അന്ന് കണ്ടതിനു ശേഷം അഭിമന്യുവിനെയും അവൾ പിന്നെ കണ്ടിട്ടില്ല. ഇന്ന് മുതൽ ഇനി ഒരു വർഷത്തേക്ക് താൻ ഒരു ഭാര്യയാണെന്നോർക്കേ അവൾക്ക് എന്തോ ഒരു വീർപ്പുമുട്ടൽ തോന്നി . പക്ഷെ ഒന്നോർക്കുമ്പോൾ സന്തോഷം തോന്നുന്നുണ്ട്. നാലുവർഷം പല ആണുങ്ങൾക്ക് വിധേയപ്പെടേണ്ടി വന്നിട്ടുണ്ടെങ്കിൽ ഇനി ഒരു വര്ഷം ഒരാണിനെ സഹിച്ചാൽ മതി. അതിനു ശേഷം ഒരു മനുഷ്യകുഞ്ഞിനെ തന്റെ ശരീരത്തിൽ തൊടാൻ അനുവദിക്കില്ലെന്നവൾ ഉറപ്പിച്ചതാണ്. അത്രത്തോളം അവൾ ആണുങ്ങളെ വെറുത്തു കഴിഞ്ഞിരുന്നു. എല്ലാ ആണുങ്ങളിലും അവൾക്ക് കാമം തേടുന്ന മൃഗങ്ങളെ മാത്രമേ കാണാൻ ആവുന്നുള്ളൂ. എല്ലാവരും ഓരോ വേട്ടക്കാരാണ്. ഇരയെ തേടി പിടിച്ചു പൈശാചികമായി വേട്ടയാടുന്ന വേട്ടക്കാർ...... ഓരോന്നോർത് മധു എണീറ്റ് ബാത്രൂമിൽ കയറി. കരിം പച്ച കളർ ബ്ലൗസും വെള്ള അടിപാവാടയും മാത്രം ധരിച്ചവൾ പുറത്തിറങ്ങി. ഈറൻ മുടി നന്നായി തുടച്ചു ഉണ്ടാക്കിയെടുക്കാൻ തുടങ്ങി. അപ്പോഴാണ് കാളിങ് ബെൽ അടിക്കുന്നത്. അത് പോലെ തന്നെ പോയവൾ വാതിൽ തുറന്നു. മുന്നിൽ നിൽക്കുന്നവരെ കണ്ടു മധു മുഖം ചുളിച്ചു. അതിനേക്കാളുപരി അവളെ കണ്ടവരുടെ കണ്ണ് മിഴിഞ്ഞിരുന്നു . അത്രത്തോളം പെർഫെക്റ്റ് ആയ അംഗാലാവണ്യം ഇതുവരെ കാണാത്ത പോലെ മധുവിനെ അവർ അടിമുടി നോക്കി. " എന്തേ..........? " മധു സംശയത്തോടെ ചോദിച്ചു. അവളുടെ ചോദ്യം കേട്ടതും അവർ പരസ്പരം നോക്കി. താരക്ക് ദേഷ്യവും അസൂയയും സഹിക്കുന്നുണ്ടായിരുന്നില്ല. അവളെക്കാൾ ഒരുപടി മുന്നിൽ നിൽക്കാനും അഭിമന്യുവിൽ ഒരു നഷ്ട്ടബോധം തോന്നിപ്പിക്കാനും രാവിലെ എണീറ്റ് ഒരുങ്ങി തുടങ്ങിയതാണവൾ. 'അമ്മ തന്ന ആഭരങ്ങളും സാരിയും എല്ലാം ധരിച്ചു മേക്കപ്പും കഴിഞ്ഞപ്പോൾ അത്രത്തോളം അഹങ്കാരമായിരുന്നു ഉള്ളിൽ. പക്ഷെ യാതൊരു ചമയങ്ങളുമില്ലാതെ തന്റെ മുന്നിൽ നിൽക്കുന്നവളുടെ ശോഭയിൽ എല്ലാം നിഷ്പ്രഭമായെന്നു കണ്ടു താരക്ക് നിയന്ത്രിക്കാൻ ആവുന്നുണ്ടായിരുന്നില്ല. " ചോദിച്ചത് കേട്ടില്ലേ? " മധു വീണ്ടും ചോദിച്ചു. " ഞങ്ങൾ നിന്നെ ഒരുക്കാൻ വന്നതാണ്... എല്ലാവരും ഒരുങ്ങി. അമ്പലത്തിലേക്ക് പോകാനുള്ള വണ്ടികൾ റെഡിയാണ്.........." വർഷ പറഞ്ഞു. വര്ഷക്കും അവളുടെ സൗന്ദര്യത്തിൽ തെല്ലൊരു അസൂയ തോന്നാതിരുന്നില്ല. അതിനേക്കാൾ ഉപരി താരക്ക് തോന്നുന്നുണ്ടാവുമെന്നവൾ ഊഹിച്ചു. മധു മാളിക്കലിന്റെ മുറ്റത്തേക്ക് നോക്കി. മാധവനും മഹാദേവനും സഞ്ജയും വരുണും എല്ലാം ഇസ്തിരിയിട്ട് നിവർത്തിയ ഷർട്ടും മുണ്ടും ഉടുത്തു മുറ്റത്തു നിൽപ്പുണ്ട്. എല്ലാവരും റെഡി ആയെന്നവൾക്ക് മനസിലായി. " ഞാൻ ഒരുങ്ങിക്കോളാം..... നിങ്ങൾ അകത്തേക്ക് വാ....." മധു പറഞ്ഞു കൊണ്ട് അകത്തേക്ക് കയറി. പുറകിലായവരും. താരയുടെയും വർഷയുടെയും വസ്ത്രങ്ങൾ അവരുടെ പ്രൗഢി എടുത്തു കാണിക്കുന്നുണ്ടായിരുന്നു. സത്യം പറഞ്ഞാൽ അത്യാവശ്യം ആഭരങ്ങളും മേക്കപ്പും ഒക്കെ ഇട്ട അവരെ കണ്ടാൽ അവരുടെ കല്യാണമാണെന്ന് തോന്നി പോവും. മധു അവർക്ക് നേരെ മടുപ്പോടെ ഒന്ന് ചിരിച്ചു റൂമിലേക്ക് കയറി. " ഇതാണോ നിന്റെ കല്യാണസാരി " ഒരു കവർ തുറന്നതിൽ നിന്നും പുതിയൊരു സെറ്റ് സാരി എടുക്കുന്നത് കണ്ട് താര പുച്ഛത്തോടെ ചോദിച്ചു.വർഷയുടെ മുഖത്തും ഒരു ലോഡ് പുച്ഛം കാണാമായിരുന്നു. മധുവിന്റെ മുഖം ചുളിഞ്ഞു. " ആണെങ്കിൽ? " " ആണെങ്കിൽ എന്താ....... നിന്നെപ്പോലെ അനാഥാലയത്തിൽ വളർന്നവരിൽ നിന്നും ഇതൊക്കെ പ്രതീക്ഷിച്ചാൽ മതിയല്ലോ. ഞങ്ങളെ പോലെ വിലകൂടിയതൊന്നും ഇടാനുള്ള യോഗമില്ലല്ലോ.... " താര വീണ്ടും പുച്ഛിച്ചു. മധു സാരി നിവർത്തി ഒരു തുമ്പ് ഇടുപ്പിൽ കുത്തി ഉടുത്തു തുടങ്ങി. " ഞാൻ എന്ത് വേണമെങ്കിലും ഇട്ടോട്ടെ , അതിനെ കുറിച്ചാലോചിച്ചു നിങ്ങളെന്തിനാ ടെൻഷൻ ആകുന്നത്....." സാരി വൃത്തിയിൽ ഞൊറിഞ്ഞുടുത്തു കൊണ്ട് മധു പുഞ്ചിരിയോടെ പറഞ്ഞു. " ഓ അഹങ്കാരമാണോ? " " എന്തിന്? " മധു ചോദിച്ചു. " നീ വല്ലാതങ്ങു അഹങ്കരിക്കല്ലേ.... നിന്നെ കെട്ടാൻ പോകുന്നവൻ പോലും അവിടൊരു പട്ടിയെപോലെയാണ്. അപ്പൊ അവനെ കെട്ടി അങ്ങോട്ട് വരുന്ന നിന്റെ സ്ഥാനം എന്താണെന്ന് ഊഹിച്ചോ....." അത്രയും അഹങ്കാരത്തിൽ ഡയലോഗ് അടിക്കുന്ന താരയെ നല്ലത് പറയാൻ മധുവിന് തോന്നുന്നുണ്ടെങ്കിലും അവളത് കണ്ട്രോൾ ചെയ്തു. ഒന്നും മിണ്ടാതെ സാരി ഉടുത്തു മുഴുവനാക്കി. മുഖത്ത് മിനിമൽ മേക്കപ്പ് ചെയ്തു. ബാംഗ്ലൂരിൽ നിന്നും കൊണ്ട് വന്ന ബാഗ് എടുത്തു . അതിൽ നിന്നൊരു ചുവന്ന ബോക്സ് എടുത്തു തുറന്നു . അതിമനോഹരമായ ഒരു നെക്ലേസ് എടുത്തു ധരിച്ചു. എല്ലാ ഒരുക്കങ്ങളും കഴിഞ്ഞു കണ്ണാടിയിൽ നോക്കിയ മധു അതിശയിച്ചു പോയി. " അമ്മ............." വർഷങ്ങൾക്കു ശേഷം തന്നെ കാണാൻ തന്റെ അമ്മയെ പോലെയുണ്ടെന്ന തിരിച്ചറിവിൽ അവൾ അറിയാതെ പറഞ്ഞു. ഒരുങ്ങികഴിഞ്ഞൊരു ദേവിയെ പോലെ തോന്നിക്കുന്നവളെ കണ്ടു താരക്ക് സഹിക്കുന്നുണ്ടായിരുന്നില്ല . ദേഷ്യത്തോടവൾ ഇറങ്ങി പോയി. വർഷ അവൾക്ക് പുറകെ ഓടി പോയി. മധു ചുണ്ടു കൊട്ടി ചിരിച്ചു. ബാഗിലേക്ക് മൊബൈലും എടുത്തിട്ട് അത് തോളിലിട്ട് വാതിലും പൂട്ടിയവൾ ഇറങ്ങി. മുറ്റത്തു കിടക്കുന്ന കാറിനടുത്തു നിന്നും കിങ്ങിണിയവളെ കൈവീശി കാണിച്ചു. അമ്മ വിട്ടില്ലെന്ന പോലെ രേവതിക്ക് നേരെ മുഖം ചുളിച്ചവൾ ചൂണ്ടി കാണിച്ചു.മധു ചിരിയോടെ തലയാട്ടി . അവളെ കാത്തു മുറ്റത്തു തന്നെ സജീവൻ ഉണ്ടായിരുന്നു. " സജീവേട്ടാ..... എങ്ങനുണ്ട്? " ഒരു സഹോദരനോടെന്ന പോലെ മധു ആകാംഷയോടെ ചോദിച്ചു. " സുന്ദരി ആയിട്ടുണ്ട്....." വളരെ ആത്മാർത്ഥമായയാൾ പറഞ്ഞു. മധു സന്തോഷത്തോടെ ചിരിച്ചു. സജീവനവളോട് വല്ലാത്ത വാത്സല്യം തോന്നി പൊയി . എന്തോ ഒരു തോന്നലിൽ കുളിപ്പിന്നലിട്ട മുടിയിൽ അയാളൊന്ന് തഴുകി. പെട്ടന്ന് മധുവിന്റെ കണ്ണുകൾ നിറഞ്ഞു. വെറും നാടകകല്യാണം ആണെങ്കിലും മരിച്ചു പോയ അച്ഛനെയും അമ്മയെയും അവളാ നിമിഷം ഓർത്തു പോയി. അവരുണ്ടായിരുന്നെങ്കിൽ ഇന്നിങ്ങനെ താൻ വന്നു നിൽക്കില്ലായിരുന്നല്ലോ . അവളുടെ നിറകണ്ണുകൾ കണ്ടതും സജീവന് വല്ലാതായി. ഒരു കല്യാണം കഴിച്ചിട്ടില്ലെങ്കിലും കുട്ടികളില്ലെങ്കിലും അയാളുടെ ഹൃദയവും ഒരു അച്ഛന്റേത് പോലെ വേദനിച്ചു. അവൾ തന്റെ സ്വന്തം മകളാണെന്നും അവളുടെ കല്യാണമാണെന്നും ഒരു നിമിഷം അയാൾക്ക് തോന്നി. സജീവൻ അവളുടെ നെറുകയിൽ കൈവച്ചു. " നന്നായി വരും ...." നിറഞ്ഞു വന്ന മിഴികൾ ഷോൾഡറിൽ തുടച്ചു സജീവൻ പറഞ്ഞു. മധു വേദനയോടെ ഒന്ന് പുഞ്ചിരിച്ചു. ******************** പുതിയ സ്വർണ കരയുള്ള കസവു മുണ്ടും ചന്ദനകളർ കുർത്തിയും ധരിച്ചു അഭി കണ്ണാടിക്കു മുന്നിൽനിന്നു. മുടി ചീകി ഒതുക്കി. കുറച്ചു ഫേസ് പൌഡർ എടുത്തു മുഖത്തിട്ടു. ഓരോന്നും ചെയ്യുമ്പോഴും മനസങ്ങനെ നീറുകയാണ്. ടേബിളിലുള്ള ചെറിയ ബോക്സ് തുറന്നു അതിൽ പിങ്ക് കളർ പൊതിയിൽ നിന്നും ചെറിയ ചെയിനിൽ കോർത്ത താലി എടുത്തു കൈവെള്ളയിൽ വച്ചു. ഈ താലി ചാർത്താൻ താൻ ആഗ്രഹിച്ചിരുന്നൊരു പെൺകഴുത്തുണ്ടായിരുന്നല്ലോ എന്ന് ചിന്തിച്ചതും അഭി അതിൽ മുറുകെ പിടിച്ചു. ഇന്നിതാ... ആരെന്നോ എന്തെന്നോ അറിയാത്തൊരുതിക്ക് താൻ ഇത് അണിയിക്കാൻ പോകുന്നു.ആരൊക്കെയോ കളിപ്പിക്കുന്ന പാവക്കൂത്തിലെ പാവയെ പോലെ ആടുന്ന ജീവിതത്തെ ഓർക്കും തോറും അവൻ തലവേദനിച്ചു തുടങ്ങി. താലി അതിൽ തന്നെ തിരിച്ചു വച്ച് ആ ബോക്സ് പോക്കറ്റിലേക്കിട്ട് അഭി ഹാളിലേക്ക് നടന്നു. മുത്തശ്ശന്റെയും അമ്മയുടെയും ഫോട്ടോക്ക് മുന്നിൽ നിന്നും കണ്ണുകളടച്ചു കൈകൾ കൂപ്പി പ്രാർത്ഥിച്ചു അനുഗ്രഹം വാങ്ങി.പുഞ്ചിരിക്കുന്ന ആ മുഖങ്ങളെ ഒന്ന് കൂടി നോക്കിയവൻ മുറ്റത്തേക്കിറങ്ങി. എല്ലാവരും മുറ്റത്തു റെഡി ആയി നിൽക്കുന്നുണ്ടായിരുന്നു. അവന്റെ മിഴികൾ വെറുതെ ഒന്ന് ചുറ്റും പരതി . സജീവനോട് സംസാരിച്ചു നിൽക്കുന്ന പെണ്ണിൽ ചെന്നാണത് നിന്നത്. അവളെ കണ്ടതും അവന്റെ കണ്ണുകൾ ഒന്ന് വിടർന്നു. അത്രയും സുന്ദരിയായൊരു പെണ്ണിനെ താൻ മുന്നേ കണ്ടിട്ടുണ്ടോ എന്നവൻ ചിന്തിച്ചു പോയി. ഒരു കല്യാണപ്പെണ്ണിന്റെ ഒരുക്കങ്ങളൊന്നും ഇല്ലെങ്കിലും ആരും കണ്ണെടുക്കാതെ നോക്കിപ്പോകും വിധം അവൾ സുന്ദരിയായിരുന്നു. നിറച്ചെഴുതിയ കണ്ണുകളും ചായം തേച്ച ചുണ്ടുകളും അവളുടെ സൗന്ദര്യത്തെ ഇരട്ടിയാക്കിയിരുന്നു. മാസികകളിൽ കാണും വിധം ഉടലഴകുള്ളൊരു സുന്ദരശിൽപ്പം പോലെ അവളെ തോന്നിച്ചു . പക്ഷെ എടുത്തറിയുന്ന ഒരു കുറവവൻ അവളിൽ കണ്ടു പിടിച്ചിരുന്നു. അവളിൽ നിന്നും കണ്ണെടുത്തു മുന്നിലേക്ക് നോക്കിയാ അഭി കാണുന്നത് അവളെ തന്നെ നോക്കി വല്ലാത്തൊരു ചിരിയോടെ നിൽക്കുന്ന സഞ്ജയും വരുണിനെയുമാണ്..... എന്തൊക്കെയോ പരസ്പരം പറഞ്ഞവർ ചിരിക്കുന്നുണ്ട്. അഭിക്ക് വല്ലാത്ത അസ്വസ്ഥത തോന്നി. " പോവാം? " കൂടുതൽ നേരം അവിടെ നിൽക്കാൻ തോന്നാതെ അഭി മഹാദേവനടുത്തേക്ക് ചെന്ന് പറഞ്ഞു. അവരുടെ നോട്ടം കണ്ടു മറ്റൊരാളും അസ്വസ്ഥമാവുന്നുണ്ടായിരുന്നു. വർഷ അവരെ നോക്കി പല്ലിറുമ്മി. ഒരിക്കലും കാണാൻ ഇഷ്ട്ടപ്പെടാത്ത കാഴ്ച പോലെയവൾക്ക് വിറഞ്ഞു കയറി. ഇതൊന്നുമറിയാതെ മധു സജീവനോട് സംസാരിച്ചു കൊണ്ടിരുന്നു. " സജീവാ............. പോവാം..." മാധവൻ ആജ്ഞ പോലെ പറഞ്ഞതും വാ എന്നും പറഞ്ഞു കൊണ്ടയാൾ നടന്നു. മാധവൻ പറഞ്ഞത് കേട്ടെല്ലാവരും ഓരോ കാറിലേക്കായി കയറി. സഞ്ജയ് ഓടിക്കുന്ന കാറിലായി വർഷയും താരയും കിങ്ങിണിയും കയറിയിരുന്നു. . വരുൺ എടുക്കുന്ന കാറിൽ മീനാക്ഷിയും രേവതിയും കയറി. സജീവൻ എടുക്കുന്ന കാറിൽ മാധവനും മഹാദേവനും കയറി . അവസാനം വെളിയിലായി മധുവും അഭിയും ആശയകുഴപ്പത്തോടെ നിന്നു. ഏത് കാറിൽ കേറണമെന്ന് രണ്ടു പേർക്കും മനസിലാവുന്നുണ്ടായിരുന്നില്ല. " കയറുന്നില്ലേ? .............." മഹാദേവൻ ചോദിച്ചു. " ഞങ്ങൾ ബൈക്കിനു വരട്ടെ? " മനസ്സിൽ ഉദിച്ച ലക്ഷ്യത്തോടെ അഭി ചോദിച്ചു. എന്തിന് എന്ന പോലെ മധു അവനു നേരെ പുരികം ചുളിച്ചു . അഭി ശാന്തമായൊന്ന് പുഞ്ചിരിച്ചു. " അത് വേണോ? " മാധവന്റെ ശബ്ദം മുഴങ്ങി. " അവർ എങ്ങനേലും വരട്ടെ നമുക്ക് പോവാം? " അപ്പുറത്തെ കാറിൽ നിന്നും രേവതി വിളിച്ചു പറഞ്ഞു. " എന്തേലും കാണിക്ക്.... വണ്ടിയെടുക്ക് സജീവാ.........." മാധവൻ ദേഷ്യത്തോടെ പറഞ്ഞതും സജീവൻ വണ്ടിയെടുത്തു. മൂന്നു കാറുകളും ഗേറ്റ് കടന്നു പുറത്തേക്ക് പോയി. അത് നോക്കി നിൽക്കുന്ന മധുവിന്റെ മുന്നിലായി KTMDUKE 390 വന്നു നിന്നു. " കയറ് ............" അഭി ശാന്തമായി പറഞ്ഞു. മധു ബൈക്ക് അടിമുടി നോക്കി ഒരു നെടുവീർപ്പോടെ അതിൽ കയറാൻ ശ്രമിച്ചു. ഇതുവരെ അങ്ങനെ ഒന്നിൽ കയറാത്തത് കൊണ്ടും അതിലേക്ക് കയറാൻ മാത്രം പൊക്കമില്ലാത്തത് കൊണ്ടും മധു നിസ്സഹായതയോടെ ഇടുപ്പിനു കൈകുത്തി അവനെ തുറിച്ചു നോക്കി നിന്നു. " കാറിലെങ്ങാനും പോയാൽ പോരായിരുന്നോ? " അൽപ്പം ദേഷ്യത്തിലവൾ പറഞ്ഞു. " എന്തെ കയറാൻ വയ്യേ......" " വയ്യെങ്കിൽ....." മധുവിന് അങ്ങ് ദേഷ്യം കയറി വരുന്നുണ്ടായിരുന്നു. സാരിയും വച്ച് ഈ കുന്നിനു മുകളിൽ എങ്ങനെ കേറിയിരിക്കാനാണെന്നവൾ ചിന്തിച്ചു കൊണ്ടിരുന്നത്. അഭി ബൈക്കിൽ നിന്നിറങ്ങി ബൈക്ക് സെന്റർസ്റ്റാൻഡിൽ ഇട്ടു. എന്തൊക്കെയോ പിറുപിറുത്തുകൊണ്ടിരിക്കുന്നവളുടെ നേരെ തിരിഞ്ഞു അഭി മുണ്ടു മടക്കി കുത്തി . തുടരും........................
2372 - 🌹Geetha Jose🌹ജുവിലേയിന്റെ കഥ Part-1 #🙂 ശുഭദിനം #🌞 ഗുഡ് മോണിംഗ് #💝 ആശംസകള് #😇 ശുഭചിന്ത #📔 കഥ
246473 
💫𝓢𝓱𝓪𝓷𝓾شانو💫#💞 നിനക്കായ് #📖 കുട്ടി കഥകൾ #✍️പൊതുവിജ്ഞാനം #💭 എന്റെ ചിന്തകള് #🙋♀️ എൻ്റെ സ്റ്റാറ്റസുകൾ
12K3K