താലി കെട്ടിക്കോളൂ " പൂജാരിയുടെ ശബ്ദമാണ് അവളെ ചിന്തകളിൽ നിന്നും ഉണർത്തിയത്. മുന്നിൽ നിൽക്കുന്ന ആളിന്റെ മുഖത്തേക്ക് നോക്കാനുള്ള ധൈര്യം അവളിൽ ഉണ്ടായിരുന്നില്ല. സ്വർണ്ണ ചെയിനിൽ കോർത്ത താലി പൂജാരി നീട്ടിയപ്പോൾ "വേണ്ട " എന്നൊരു മറുപടി കേട്ടു. അവിടെ നിൽക്കുന്നവർ പോലും ഒന്ന് ഞെട്ടി കാണും ആ ശബ്ദത്തിന്റെ കാഠിന്യത്തിൽ. പക്ഷെ അവൾക്ക് അറിയാമായിരുന്നു മനസ്സിൽ ഉറപ്പിച്ചെടുത്ത എന്തോ തീരുമാനത്തിന്റെ ഉറപ്പാണ് ആ ശബ്ദത്തിനെന്ന്. ഷർട്ട്‌ന്റെ പോക്കറ്റിൽ നിന്ന് മഞ്ഞചരടിൽ കോർത്ത താലി എടുത്ത് അവളുടെ കഴുത്തിൽ കെട്ടുമ്പോൾ പോലും അവൾ മുഖമുയർത്തി അവനെ ഒന്ന് നോക്കിയില്ല. എന്താണ് ആ കണ്ണിലെ ഭാവം സ്നേഹത്തോടെയും പ്രണയത്തോടെയും നോക്കിയ കണ്ണുകളിൽ തന്നോടുള്ള വെറുപ്പും ദേഷ്യവും കാണാനുള്ള ശക്തി അവൾക്കുണ്ടായിരുന്നില്ല. പക്ഷെ അവന്റെ പേര് കൊത്തിയ ആലിലതാലി മനസ്സാലും ശരീരത്താലും സ്വകരിച്ചപ്പോൾ അവൾ അനുഭവിക്കുന്ന സന്തോഷം മിഴിനീർതുള്ളികൾ ആയി കൺകോണിൽ പ്രെത്യക്ഷപെട്ടു.ആ വിരലുകൾ കൊണ്ട് സീമന്തരേഖ ചുവന്നപ്പോൾ അത്രയധികം ആനന്ദം തോന്നിയവൾക്ക് സന്തോഷത്തിന്റെ മിഴിനീരുമായി മുഖമുയർത്തി നോക്കിയപ്പോൾ കണ്ടത് തന്റെ നിറഞ്ഞ കണ്ണിലേക്ക് നോക്കി ദേഷ്യം കൊണ്ട് വലിഞ്ഞു മുറുകിയ മുഖവുമായി നിൽക്കുന്ന തന്റെ പാതിയെ തന്റെ താലിയുടെ അവകാശിയെ. ആ നിമിഷം സങ്കടമാണോ ഭയമാണോ തന്നെ പൊതിഞ്ഞ വികാരം എന്നറിയില്ല.ഇനി അങ്ങോട്ട്‌ ഉള്ള ജീവിതത്തിൽ എന്തൊക്കെ അനുഭവിച്ചാലും അതൊക്കെ നീ അർഹിക്കുന്നു എന്നാരോ മനസ്സിൽ നിന്ന് പറയും പോലെ അവൾക്ക് തോന്നി. കന്യാദാനം നടത്തുവനായി പൂജാരി അച്ഛനെ വിളിച്ചപ്പോൾ അച്ഛൻ മണ്ഡപത്തിലേക്ക് വന്നു. അവൾ അച്ഛനെ ഒന്ന് നോക്കി മുഖത്തെ ഭാവം എന്താണ്? സന്തോഷം അല്ല അത് ഉറപ്പ്. നിരാശ ആണ്. കണക്കുകൂട്ടലുകൾ പിഴച്ച ആളിന്റെ മുഖത്തു ഇതിൽ കൂടുതൽ എന്ത് ഭാവമാണ് ഉണ്ടാവുക. ക്ഷണിച്ചു വരുത്തിയ നാട്ടുകാരുടെ മുന്നിൽ നാണം കെടാതിരിക്കാൻ ആണ് കന്യാധാനത്തിനു വന്നത്. ചിരി വരുത്താൻ ശ്രമിക്കുന്ന അച്ഛന്റെ മുഖം കണ്ടു അവൾക്ക് പുച്ഛം തോന്നി. പക്ഷെ ചേർത്ത് വച്ച കൈ കൂട്ടി പിടിച്ചപ്പോൾ അവൾ ആ കൈകളിലേക്ക് നോക്കി. എന്താണ് ഈ മുറുക്കത്തിന്റെ അർത്ഥം കൂടെ ഉണ്ടാവുമെന്നോ അതോ നേടി എടുത്തു എന്ന അഹങ്കാരമോ മുറുകെ പിടിച്ച കൈയിലേക്ക് അവൾ ഒന്ന് നോക്കി. എന്താണ് ഈ മുറുക്കത്തിന്റെ അർത്ഥം കൂടെ ഉണ്ടാവുമെന്നോ അതോ നേടി എടുത്തു എന്ന അഹങ്കാരമോ? അറിയില്ല . പക്ഷെ എന്ത്‌ തന്നെ ആയാലും അതിനെ അംഗീകരിക്കാൻ മനസ്സ് തയ്യാറെടുക്കും പോലെ വിവാഹശേഷം അവളിൽ നിന്ന് അവൻ അകലം പാലിക്കുന്നത് കണ്ടപ്പോഴും പ്രേത്യേകിച്ചു ഒന്നും തോന്നിയില്ല.ആഹാരം കഴിക്കാൻ പറഞ്ഞപ്പോഴും നിഷേധിച്ചു. വരന്റെ വീട്ടിലേക്ക് പുറപ്പെടാൻ സമയം ആയി എന്ന് ആരോ പറഞ്ഞപ്പോൾ ഉള്ളിൽ എവിടെയോ ഒരു നീറ്റൽ. എന്തിനായിരിക്കും അത്. സന്തോഷം അല്ലെ തനിക്ക് തോന്നേണ്ടത്.ഇന്നൊരു ദിവസം കൊണ്ട് നഷ്ടമാകും എന്ന് തോന്നിയതെല്ലാം തിരികെ കിട്ടി.ഈ ജീവിതം മുഴുവൻ കൂടെ വേണം എന്ന് ആഗ്രഹിച്ച ആളിന്റെ താലി. പക്ഷെ സ്വപ്നം കണ്ട ജീവിതമായിരിക്കുമോ. അമ്മയുടെ അടുത്തേക്ക് നടന്നു. സന്തോഷം ആണോ ആ മുഖത്തു. അതെ പക്ഷെ ഭയവും ഉണ്ട് എന്ന് തോന്നി അമ്മ :സന്തോഷമായിരിക്കണo എന്റെ കുട്ടി. നീ ആഗ്രഹിച്ച ജീവിതം കിട്ടിയല്ലോ. തോറ്റു പോയില്ലല്ലോ എന്റെ മോള്. അത് മാത്രം ചിന്തിച്ചാൽ മതി അമ്മ നെറ്റിയിൽ ആയി ചുംബിച്ചു.ഏടത്തിയുടെ അടുത്ത് ചെന്നപ്പോൾ കണ്ണ് നിറഞ്ഞിട്ടുണ്ടെങ്കിലും നിറഞ്ഞ ഒരു പുഞ്ചിരി തന്നു എനിക്ക്. ഏടത്തി :സന്തോഷമാണ് ശ്രീമോളെ ഏടത്തിക്ക്. ഏടത്തിയുടെ പ്രാർത്ഥന എന്നും എന്റെ മോളുടെ കൂടെ ഉണ്ടാവും കെട്ടിപിടിച്ചപ്പോൾ തന്റെ ചെവിയിൽ ആയി ഏടത്തി പറഞ്ഞു.മറുപടി ആയി ആ കവിളിൽ ചുണ്ടമർത്തി. ഒന്നിലും പെടാതെ അന്യരെ പോലെ മാറി നിൽക്കുന്ന അച്ഛനെയും ഏട്ടനെയും കണ്ടപ്പോൾ തോന്നിയ വികാരം എന്താണ് . ഒന്ന് ചേർത്ത് പിടിച്ചു കൂടിയില്ല രണ്ടുപേരും. അമ്മയുടെയും ഏടത്തിയുടെയും കൈ വിട്ട് മുന്നോട്ട് നടന്നപ്പോൾ ആ കൈ ഒന്ന് തടഞ്ഞു. "എന്റെ കൂടെ വരുന്നുണ്ടെങ്കിൽ ഞാൻ കെട്ടിയ താലി ഒഴികെ ഇവർ തന്ന ഒരു ആഭരണവും നിന്റെ കയ്യിൽ ഉണ്ടാവരുത്." ഉറച്ച ശബ്ദത്തിൽ അവൻ അത് പറഞ്ഞപ്പോൾ അഭിമാനം തോന്നി അവൾക്ക് ആ നിമിഷം. വിവാഹകമ്പോളത്തിൽ വില്പന വസ്തുവിനെ പോലെ ഇന്ന് ഈ വീടിന്റ പടി ഇറങ്ങേണ്ടിയിരുന്ന താൻ അഭിമാനത്തോടെ ഈ പടി ഇറങ്ങുന്നു. https://share.aksharathalukal.in/s/57050/view സ്റ്റോറി ഇവിടെ ഉണ്ടേ 🥰 ഇതുപോലെയുള്ള നിരവധി കഥകൾ പരസ്യങ്ങൾ ഒന്നുമില്ലാതെ വായിക്കുവാനും നിങ്ങളുടെ മനസ്സിലുള്ള കഥകൾ എഴുതി പണം സമ്പാദിക്കുവാനും അക്ഷരത്താളുകൾ ഇന്ന് തന്നെ ഡൗൺലോഡ് ചെയ്യാൻ മറക്കല്ലേ... #💞 പ്രണയകഥകൾ #📙 നോവൽ #💖 മഴയും പ്രണയവും #😍 ആദ്യ പ്രണയം #📔 കഥ