part 4 b അന്തമില്ലാത്ത വരികൾ - സഖിയുടെ സഖാവ് - അതോടെ ഇന്നത്തെ സ്വാഗതയോഗം ഇവിടെ അവസാനിപ്പിക്കുന്നു. എല്ലാവർക്കും ഒരിക്കൽക്കൂടി സ്വാഗതം… ലാൽ സലാം!” ലാൽ സലാം…” ഒരേ സ്വരത്തിൽ എല്ലാവരും മറുപടി പറഞ്ഞു. നിറഞ്ഞ കരഘോഷങ്ങൾ ആ ചെറിയ മുറിയിൽ അലയടിച്ചു. യോഗം കഴിഞ്ഞതോടെ വിദ്യാർത്ഥികൾ വീണ്ടും ചെറിയ കൂട്ടങ്ങളായി പിരിഞ്ഞു. ചിലർ പരസ്പരം പരിചയപ്പെടാൻ തുടങ്ങി. മറ്റുചിലർ ഓഫീസിനുള്ളിലെ പുസ്തകങ്ങളും ചുമരിലെ ചിത്രങ്ങളും കൗതുകത്തോടെ നോക്കിനിന്നു. ദേവും അലിയും മുർഷിദും വരുണും ദീപക്കും മറ്റ് സഖാക്കളുമായി സംസാരിക്കുന്ന തിരക്കിലായിരുന്നു. ലക്ഷ്മിയുടെ ശ്രദ്ധയാകട്ടെ ഇപ്പോഴും ആ ചെറിയ മേശപ്പുറത്തിരുന്ന വലിയ പുസ്തകത്തിലായിരുന്നു. അവൾ പതിയെ ആ മേശയ്ക്കരികിലേക്ക് നടന്നു. മേശപ്പുറത്തിരുന്ന വലിയ പുസ്തകത്തിന്റെ ചുവന്ന പുറംചട്ടയിൽ സ്വർണനിറത്തിലുള്ള അക്ഷരങ്ങളിൽ അന്തമില്ലാത്ത വരികൾ എന്ന് എഴുതിയിരുന്നു. .. ആ പുസ്തകത്തിൽ അവൾ മെല്ലെ വിരലുകൾ ഓടിച്ചു. അപ്പോഴാണ് പിന്നിൽ നിന്ന് ഒരു ശബ്ദം കേട്ടത്. ഇത് ഈ ഓഫീസിലെ ‘അന്തമില്ലാത്ത വരികളുടെ’ പുസ്തകമാണ്.” ലക്ഷ്മി തിരിഞ്ഞുനോക്കി. ദേവ് പുഞ്ചിരിച്ചുകൊണ്ട് തുടർന്നു. ഈ താളുകളിൽ പതിയുന്ന ഓരോ വരിയും ഒരു ജീവിതത്തിന്റെ സ്പന്ദനമാണ്… ഓരോ വാക്കും ഒരു ഹൃദയത്തിന്റെ വികാരമാണ്. ഇവിടെ എഴുതപ്പെടുന്നത് വെറും അക്ഷരങ്ങളല്ല; ചിലപ്പോൾ ഒരാളുടെ മനസ്സിൽ എന്നും നിലനിൽക്കുന്ന ഒരു അടയാളമാകാൻ കഴിയുന്ന ഓർമ്മകളാണ്.” ഇവിടെ ആരാണ് എഴുതിയതെന്നതിനെക്കാൾ, എന്താണ് എഴുതിയതെന്നതിനാണ് വില. ദേവിന്റെ വാക്കുകൾ ശ്രദ്ധയോടെ കേട്ടുനിന്ന ലക്ഷ്മിയുടെ കൗതുകം ആ പുസ്തകത്തോട് ഒന്നുകൂടി വർധിച്ചു. ആ താളുകൾക്കിടയിൽ എന്തെല്ലാം കഥകളാണ് ഒളിഞ്ഞുകിടക്കുന്നതെന്ന് അറിയാൻ അവളുടെ മനസ്സ് കൊതിച്ചു. ... എന്തുകൊണ്ടോ, അതിലെ ഓരോ താളും അവളെ തന്നിലേക്ക് വിളിക്കുന്നതുപോലെ തോന്നി...., തുടരും. ... ആ പുസ്തകത്തിലെ ‘അന്തമില്ലാത്ത വരികൾക്കപ്പുറം ഒരുനാൾ തന്റെ ജീവിതത്തിന്റെ ഗതി തന്നെ മാറ്റുമെന്ന്, ഈ പുസ്തകത്തിന്റെ താളുകൾ തന്റെ ജീവിതത്തിന്റെ വഴിത്തിരിവാകുമെന്ന്, ആ നിമിഷം അവൾ അറിഞ്ഞിരുന്നില്ല… അഭിപ്രായം പറയണേ #📙 നോവൽ #💞 പ്രണയകഥകൾ #📔 കഥ #തുടർകഥ #prathilipi