Part 19 A അന്തമില്ലാത്ത വരികൾ - സഖിയുടെ സഖാവ് - മഞ്ഞണിഞ്ഞ വഴിയിലൂടെ വീണുകിടന്ന ഇലകൾ അവളുടെ കാലടികൾക്കിടയിൽ മെല്ലെ ശബ്ദിച്ചു. മരച്ചില്ലകളിൽ തങ്ങിനിന്നിരുന്ന മഴത്തുള്ളികൾ ഇളംകാറ്റിന്റെ താളത്തിൽ താഴേക്ക് പതിച്ചു. ചിലത് അവളുടെ മുടിയിഴകളിലും… ചിലത് അവളുടെ കവിളുകളിലും… മറ്റുചിലത് അവളുടെ മുഖത്തും ചെറുമുത്തുകൾ പോലെ തങ്ങി നിന്നു. ആ പ്രഭാതത്തിന്റെ നനവും നിശ്ശബ്ദതയും അവളെ ചുറ്റിപ്പറ്റിയിരുന്നു. പക്ഷേ അവൾ ഏതോ മറ്റൊരു ലോകത്താണെന്നപോലെ മുന്നോട്ട് നടന്നു. അക്ഷരങ്ങളിലൂടെ മാത്രം പരിചയപ്പെട്ട തന്റെ സഖാവിന്റെ ഓർമ്മകളിൽ… എന്നാൽ, അവളുടെ കണ്ണുകൾ അപ്പോഴും ചുറ്റും പരതിക്കൊണ്ടിരുന്നു. ആൾക്കൂട്ടത്തിനിടയിലും… മുത്തശ്ശിമാവിന്റെ ചുവട്ടിലും… ഇടനാഴികളിലൂടെ കടന്നുപോകുന്ന ഓരോ മുഖങ്ങളിലും… തന്റെ പ്രിയ സഖാവിനെ ഒരു നോക്ക് കാണാനായി അവൾക്കറിയില്ലായിരുന്നു…അവൾ ഒരു മായാലോകത്തിലെന്നപോലെ ക്യാമ്പസിന്റെ ഓരോ കോണുകളിലൂടെയും നടന്നു. മുത്തശ്ശിമാവിന്റെ ചുവട്ടിലും… ന്യൂ ബ്ലോക്കിന്റെ ഇടനാഴികളിലും… ഓപ്പൺ എയറിന്റെ നിശ്ശബ്ദമായ വേദിക്കരികിലും… അങ്ങനെ ക്യാമ്പസിലെ ഓരോ പരിചിത ഇടങ്ങളിലും അവളുടെ കാലടികൾ പതിഞ്ഞു. അവൾ തേടിയത് എന്താണെന്ന് അവൾക്കുതന്നെ അറിയില്ലായിരുന്നു. പക്ഷേ… അവളുടെ കണ്ണുകൾ തിരഞ്ഞത് ഒരേയൊരു മുഖമായിരുന്നു. തന്റെ പ്രിയ സഖാവിന്റെ മുഖം…അവളുടെ മനസ്സ് പോലും അറിയാതെ, അവളുടെ ചുവടുകൾ അവനെ തേടി സഞ്ചരിക്കുകയായിരുന്നു. അവൾ അറിയില്ലായിരുന്നു… താൻ തേടിനടക്കുന്ന ആ സഖാവ്, ഓരോ നിമിഷവും അവളെ തന്നെ നോക്കി നിൽക്കുന്നുണ്ടെന്ന്. നടന്നുനടന്ന് അവളുടെ കാലുകൾക്ക് ചെറിയൊരു ക്ഷീണം തോന്നിയെങ്കിലും… അവളുടെ ഹൃദയം തളർന്നിരുന്നില്ല. കാരണം… അവളുടെ കണ്ണുകൾ അപ്പോഴും ഒരേയൊരു മുഖത്തെ തേടിക്കൊണ്ടിരുന്നു. തന്റെ പ്രിയ സഖാവിനെ… കാണാതെ തന്നെ മനസ്സിൽ ചേർത്തുപിടിച്ച ആ സഖാവിനെ. അങ്ങനെ ക്യാമ്പസിന്റെ ഉള്ളിലെ പ്രണയത്തീരത്തിന്റെ ഒരു കോണിലേക്ക് അവളുടെ ചുവടുകൾ എത്തിച്ചേർന്നു.തുടരും part 19 B കാത്തിരിക്ക് അവർ അവിടെ വെച്ച് കാണുമോ ആകാംഷ നിറഞ്ഞ ഭാഗം part B #📙 നോവൽ #💞 പ്രണയകഥകൾ #📔 കഥ #📝 ഞാൻ എഴുതിയ വരികൾ #തുടർകഥ