My frist archivement in prathilpi പ്രതിലിപിയില്‍ എന്നെ ഫോളോ ചെയ്യൂ, https://pratilipi.app.link/dzqadI7S6Zb ഒട്ടേറെ രചനകള്‍ വായിക്കുകയും എഴുതുകയും കേള്‍ക്കുകയും ചെയ്യൂ, സൗജന്യമായി! #📝 ഞാൻ എഴുതിയ വരികൾ #💑 Couple Goals 🥰 #😍 ആദ്യ പ്രണയം #📔 കഥ #💔 നീയില്ലാതെ

അവിടെ ആരോ..... വീടിന്റെ ഉമ്മറത്ത് ഇരിക്കുമ്പോൾ എപ്പോഴും തോന്നും ആരോ എന്നെ നോക്കി നിൽക്കുന്നുണ്ടെന്ന്.... എന്നാൽ തിരിഞ്ഞു നോക്കിയാൽ ഒന്നുമുണ്ടാകില്ല.... പക്ഷേ കഴിഞ്ഞ കുറച്ചു ദിവസങ്ങളായി ആ തോന്നൽ വെറുമൊരു ഭ്രമമല്ലെന്ന് ഞാൻ തിരിച്ചറിയുന്നു.... രാത്രിയുടെ നിശബ്ദതയിൽ എല്ലാവരും ഉറങ്ങിക്കഴിയുമ്പോൾ ജനാലയുടെ പുറത്ത് നിന്ന് അല്ലെങ്കിൽ റൂമിന്റെ വെളിയിൽ ചില ശബ്ദങ്ങൾ കേട്ടു തുടങ്ങും.... ആരെങ്കിലും പതുക്കെ നടന്നു പോകുന്നതുപോലെയുള്ള ശബ്ദം... ചിലപ്പോൾ ഒരു ഇലകൾ നേരിയുന്ന ശബ്ദം അല്ലെങ്കിൽ അടക്കിപ്പിടിച്ച ഒരു ദീർഘനിശ്വാസം.... അന്ന് രാത്രി പന്ത്രണ്ട് മണി കഴിഞ്ഞിട്ടുണ്ടാകും....ഹാളിലെ ലൈറ്റ് അണച്ച് ഞാൻ റൂമിലേക്ക് നടക്കുകയായിരുന്നു... പെട്ടെന്ന് അടുക്കള ഭാഗത്ത് നിന്ന് ഒരു തണുത്ത കാറ്റ് എന്നെ കടന്നുപോയി... പുറത്തെ ജനലുകളെല്ലാം അടച്ചിട്ടതായിരുന്നു... എന്റെ ദേഹമാസകലം ഒരു വിറയൽ പാഞ്ഞു... അപ്പോഴാണ് ആ ശബ്ദം കേട്ടത്...  ഡൈനിങ്ങ് ടേബിളിലിരുന്ന ഒരു ഗ്ലാസ് തനിയെ നിലത്തു വീണ് പൊട്ടിയിരിക്കുന്നു.... വെളിച്ചമടിച്ചപ്പോൾ അവിടെ ആരുമില്ല... പക്ഷേ,ആ തകർന്ന ചില്ലുകൾക്കിടയിൽ ഞാൻ കണ്ടു ഒരാൾ അവിടെ നിന്നിട്ടുണ്ടെന്ന് തോന്നിപ്പിക്കുന്ന വിധത്തിൽ തറയിലെ പൊടിയിൽ പടർന്ന ഒരു നിഴൽ രൂപം... ചില നിശബ്ദതകൾക്ക് വലിയ ശബ്ദമുണ്ടെന്നും ആ ശബ്ദങ്ങൾ ചിലപ്പോൾ നമ്മോട് സംവദിക്കാൻ ശ്രമിക്കുന്നുണ്ടെന്നും അന്ന് ഞാൻ മനസ്സിലാക്കി. നെഗറ്റീവ് എനർജി എന്ന് നമ്മൾ വിളിക്കുന്നത് ചിലപ്പോൾ ആ വീടിന്റെ ഭിത്തിക്കുള്ളിൽ തങ്ങിനിൽക്കുന്ന ഏതൊക്കെയോ ഓർമ്മകളാവാം... ഇപ്പോഴും രാത്രികളിൽ തനിയെ ഇരിക്കുമ്പോൾ ആ ശബ്ദങ്ങൾ എന്നെ ഓർമ്മിപ്പിക്കാറുണ്ട്... അവിടെ ആരോ ഉണ്ട്........ 🙃 ✍️പ്രണയം_തൂലിക........❣️ #📔 കഥ #📝 ഞാൻ എഴുതിയ വരികൾ #📖 കുട്ടി കഥകൾ

ആമിയും അഭിയും പണ്ട് മുതലേ ബെസ്റ്റ് ഫ്രണ്ട്‌സാണ്....പക്ഷേ ഈ അടുത്തായി അവരുടെ വാട്സാപ്പ് ചാറ്റുകൾക്ക് ഒരു പ്രത്യേക കളർ വരാൻ തുടങ്ങിയിട്ടുണ്ട്... രണ്ടുപേരും വിവാഹിതരായിരുന്നു... എന്നാൽ അവർ നല്ല കുട്ടുകാരെ പോലെ ആണ് എങ്കിലും ഈ ബന്ധത്തിന് ഒരു പേരിടാൻ അവർക്ക് പേടിയാണ്... ഒരു ദിവസം രാത്രി 12 മണിക്ക് അഭിയുടെ മെസ്സേജ് വന്നു "ഡീ ഉറങ്ങിയോ? അതോ കെട്ടിയോനെ സ്വപ്നം കണ്ട് ഇരിക്കുവാണോ?" ആമി ചിരിച്ചുകൊണ്ട് മറുപടി അയച്ചു "പിന്നെ എനിക്ക് വേറെ പണിയില്ലല്ലോ. നിന്റെ വിചാരം നീ മാത്രം മതി എന്റെ സ്വപ്നത്തിൽ വരാൻ എന്നാണോ?" അഭി: "അല്ലെങ്കിലും ഈ അവിഹിത ഫ്രണ്ട്ഷിപ്പിന് ഒരു പ്രത്യേക സുഖമുണ്ട്. ആരും അറിയാതെ ആരോടും പറയാതെ..." ആമി: "എടാ... അവിഹിതം എന്ന് പറയല്ലേ ഇതിനെ ഒരു പ്രീമിയം സൗഹൃദം എന്ന് വിളിക്കാം. ആർക്കും സബ്സ്ക്രിപ്ഷൻ കൊടുക്കാത്ത നമ്മുടെ മാത്രം സ്വന്തം വേൾഡ്." 😉 അഭി ഉടനെ ഒരു വോയിസ് നോട്ട് അയച്ചു "എങ്കിൽ ആ പ്രീമിയം മെമ്പർഷിപ്പിന്റെ ഭാഗമായി നാളെ വൈകുന്നേരം ആരും കാണാതെ ഒരു കോഫി കുടിക്കാൻ പോയാലോ? ഒരു ഡേറ്റ് പോലെ... പക്ഷേ ഡേറ്റ് അല്ല താനും" ആമി കണ്ണാടിയിൽ നോക്കി ഒന്ന് ചിരിച്ചു. പ്രണയമാണോ എന്ന് ചോദിച്ചാൽ അല്ല എന്ന് പറയും പക്ഷേ പ്രണയത്തേക്കാൾ വലിയ എന്തോ ഒന്ന് അവിടെ പൂക്കുന്നുണ്ടായിരുന്നു.... അവൾ റിപ്ലൈ കൊടുത്തു "ഓക്കേ മിസ്റ്റർ പക്ഷേ കണ്ടുപിടിക്കപ്പെട്ടാൽ നമ്മൾ വെറും ഫ്രണ്ട്‌സ് ഓക്കേ?" അഭി: "ഡീൽ അപ്പോ നാളെ വൈകിട്ട് 5 മണിക്ക്. ഡ്രസ്സ് കോഡ് നിന്റെ ആ കള്ളച്ചിരി!" ❤️✨ അടുത്ത ദിവസം വൈകുന്നേരം 5 മണിയാകാൻ ആമി കാത്തിരുന്നത് വലിയൊരു യുദ്ധത്തിന് തയാറെടുക്കുന്ന പോലെയുളള ആകാംക്ഷയോടെയായിരുന്നു... കണ്ണാടിക്ക് മുന്നിൽ നിന്ന് പത്താം തവണയും മുടി ഒതുക്കി വെക്കുമ്പോൾ അവൾ സ്വയം ചോദിച്ചു "ഇതെന്തിനാ ഇത്ര വെപ്രാളം? അവൻ എന്റെ വെറും ഫ്രണ്ട് അല്ലേ?" പക്ഷേ മനസ്സിന്റെ ഒരു കോണിൽ ഒരു കള്ളൻ മറുപടി നൽകി "ഫ്രണ്ട്‌സിനെ കാണാൻ ആരും ഇത്രയും നേരം ലിപ്സ്റ്റിക് സെലക്ട് ചെയ്യാറില്ല മോൾട്ടീ..." അപ്പോഴാണ് അഭിയുടെ മെസ്സേജ് വന്നത് "ഞാൻ താഴെയുണ്ട്. വേഗം ഇറങ്ങി വാ. ആരെങ്കിലും കണ്ടാൽ നമുക്ക് പറയാം വഴിയിൽ  വെച്ച് കണ്ടുമുട്ടിയതാണെന്ന്" ആമി ചിരിച്ചുകൊണ്ട് താഴേക്ക് ഓടി. അഭിയുടെ ബൈക്കിന് പിന്നിൽ കയറുമ്പോൾ അവൾക്ക് എന്തോ ഒരു ചെറിയ പേടിയും അതിലേറെ ആവേശവും തോന്നി. ഈ ഒളിച്ചുകളിക്ക് ഒരു പ്രത്യേക സുഖമുണ്ട്... അവർ അധികം തിരക്കില്ലാത്ത ഒരു കടൽത്തീരത്ത് എത്തി. ആകാശം മെല്ലെ ചുവന്നു തുടങ്ങിയിരുന്നു. അഭി അവളെ നോക്കി ഒന്ന് കണ്ണിറുക്കി ചോദിച്ചു "എന്താ ആമി ടീച്ചറേ... ഇത്ര വലിയ ഒരുക്കം? ആരെ കാണിക്കാനാ?" ആമി അവനെ ഒന്ന് തള്ളിക്കൊണ്ട് പറഞ്ഞു.. "പോടാ... ഞാൻ എപ്പോഴും ഇങ്ങനെയാ. നിനക്കാണല്ലോ ഇപ്പൊ കുറച്ചു കുസൃതി കൂടുന്നത്. ആരെങ്കിലും കണ്ടാൽ എന്ത് വിചാരിക്കും?" അഭി അവളുടെ കണ്ണുകളിലേക്ക് നോക്കി പതിയെ പറഞ്ഞു "ആര് കണ്ടാലും നമുക്കെന്താ? നമ്മൾ ആരെയും ചതിക്കുന്നില്ലല്ലോ. ഇത് നമ്മുടെ മാത്രം ലോകമല്ലേ. ഈ ലോകത്ത് നമുക്ക് പ്രണയിക്കാം വഴക്കിടാം... പക്ഷേ ആർക്കും നമ്മളെ ലേബൽ ചെയ്യാൻ പറ്റില്ല. അതാണല്ലോ ഈ സീക്രട്ട് റിലേഷൻഷിപ്പിന്റെ ഗുമ്മും" ആമി മണലിൽ ഒരു ചെറിയ വട്ടം വരച്ചുകൊണ്ട് ചോദിച്ചു "നമ്മുടെ ഈ ബന്ധത്തിന് എന്തെങ്കിലും പേര് ഉണ്ടോ അഭി? ഫ്രണ്ട്ഷിപ്പ് എന്ന് പറഞ്ഞാൽ അതിൽ കൂടുതൽ ഉണ്ടെന്ന് എനിക്കും നിനക്കും അറിയാം. പ്രണയം എന്ന് പറഞ്ഞാൽ നമുക്ക് രണ്ടുപേർക്കും ഒരു പേടിയും..." അഭി അവളുടെ കയ്യിൽ പതുക്കെ പിടിച്ചു. ആ സ്പർശനം ആമിയിൽ ഒരു മിന്നൽ പോലെ പടർന്നു... "നമുക്ക് ഇതിന് പേരിടണ്ട ആമി. പേരിട്ടു കഴിഞ്ഞാൽ പിന്നെ അതിൽ ഉത്തരവാദിത്തങ്ങൾ വരും നിബന്ധനകൾ വരും. ഇതാകുമ്പോൾ നമുക്ക് എപ്പോഴും ആ കുസൃതി നിലനിർത്താം. നമുക്കിടയിൽ ഒരു അവിഹിതമില്ല പക്ഷേ ഒരു സുന്ദരമായ നിഗൂഢതയുണ്ട്." തിരികെ പോകുന്ന വഴിയിൽ മഴ നൂൽ പോലെ പെയ്യാൻ തുടങ്ങിയിരുന്നു. ആമി അഭിയുടെ തോളിൽ പതുക്കെ തല ചായ്ച്ചു... അഭി: "ഡീ... വണ്ടിയിൽ ഇരുന്നു ഉറങ്ങല്ലേ ആരെങ്കിലും കണ്ടാൽ നമ്മൾ പ്രേമിക്കുകയാണെന്ന് ഉറപ്പിക്കും" ആമി കുസൃതിയോടെ അവന്റെ കാതിൽ മന്ത്രിച്ചു... "എങ്കിൽ അങ്ങനെ ഉറപ്പിക്കട്ടെ. പക്ഷേ നമ്മൾ ആരോടും പറയണ്ട. ഈ മഴയും ഈ ബൈക്ക് യാത്രയും നമ്മുടെ ഒരു കുഞ്ഞു രഹസ്യമായി ഇരിക്കട്ടെ." വീടിന്റെ മുന്നിൽ അവളെ വിടുമ്പോൾ അഭി ചോദിച്ചു "നാളെയും ഈ അവിഹിത സൗഹൃദം തുടരുമല്ലോ അല്ലേ?" ആമി ഒരു കള്ളച്ചിരിയോടെ മറുപടി നൽകി "നാളെ നമുക്ക് ഇതിനേക്കാൾ വലിയ ഒരു പ്ലാൻ ഇടാം. പക്ഷേ ഇപ്പോ വേഗം വിട്ടോ " അഭി ബൈക്ക് സ്റ്റാർട്ട് ചെയ്ത് പോകുമ്പോൾ ആമി ആലോചിക്കുകയായിരുന്നുചില ബന്ധങ്ങൾ ഇങ്ങനെയാണ് അതിന് പേരും നാളും വേണ്ട. ആരും കാണാതെ കാത്തുസൂക്ഷിക്കുന്ന ഒരു സ്വർണ്ണം പോലെ അത് മനസ്സിൽ തിളങ്ങിക്കൊണ്ടിരിക്കും....                         ❤️🫂      ​ലോകത്തിന്റെ കണ്ണിൽ നമ്മൾ വെറും അപരിചിതരാകാം... പക്ഷേ നിന്റെ നിശബ്ദതയിലെ ഓരോ തുടിപ്പും എന്റെ ഹൃദയമിടിപ്പുമായി ചേർത്തുവെച്ച ഒരു രഹസ്യമുണ്ട് അത് നമ്മൾ മാത്രം വായിക്കുന്ന ഒരു പുസ്തകം പോലെയാണ്.📖❤️       ********ΞИD*********** ✍️പ്രണയം_തൂലിക..........✨ #📔 കഥ #📝 ഞാൻ എഴുതിയ വരികൾ #❤ സ്നേഹം മാത്രം 🤗 #💔 നീയില്ലാതെ #💘 Love Forever

പ്രതിലിപിയിൽ വായിക്കു പ്രണയം _തൂലിക #📝 ഞാൻ എഴുതിയ വരികൾ #📔 കഥ

വർഷങ്ങൾ അതിവേഗം കടന്നുപോയി. കാലം മാണിക്യമംഗലം തറവാടിന്റെ ചുവരുകളിൽ പുതിയ കഥകൾ എഴുതിക്കൊണ്ടിരുന്നു. ഋഷി ഇപ്പോൾ പഠനം കഴിഞ്ഞ് അച്ഛന്റെ ബിസിനസ്സിൽ സഹായിയായി ചേർന്നു. ബദ്രിയുടെ അതേ ഗൗരവവും എന്നാൽ മാളവികയുടെ കരുണയും അവനിലുണ്ട്. മീനാക്ഷി കോളേജിലെ മിടുക്കിയായ വിദ്യാർത്ഥിനിയായി വളർന്നു. തറവാട്ടിലെ ഓരോ സന്തോഷത്തിനും പിന്നിൽ അവളുടെ ചിരിയുണ്ട്. പ്രായത്തിന്റെ അവശതകൾക്കിടയിലും വിശ്വനാഥൻ സന്തുഷ്ടനായിരുന്നു. തന്റെ മക്കൾക്കിടയിൽ ഒരു പിളർപ്പും ഉണ്ടാകാതെ, സ്നേഹത്തോടെ അവർ കഴിയുന്നത് കാണുക എന്നതായിരുന്നു അദ്ദേഹത്തിന്റെ അവസാന ആഗ്രഹം. ബദ്രിയും അജയ്യും അത് നിറവേറ്റി. മാളവികയുടെയും ബദ്രിയുടെയും 25ആം വിവാഹ വാർഷികമായിരുന്നു അന്ന്. തറവാട് മുഴുവൻ ദീപാലംകൃതമായിരിക്കുന്നു. ബന്ധുക്കളും സുഹൃത്തുക്കളും നാട്ടുകാരും ഒക്കെ ഒത്തുചേർന്ന വലിയൊരു ചടങ്ങ്. വേദിയിൽ വെച്ച് ബദ്രി മാളവികയെ നോക്കി സംസാരിച്ചു "25 വർഷങ്ങൾക്ക് മുൻപ്, ഒരു കരാറിന്റെ പുറത്താണ് ഈ പെൺകുട്ടി എന്റെ ജീവിതത്തിലേക്ക് വന്നത്. അന്ന് എനിക്ക് അവളോടുള്ളത് വെറും ബിസിനസ്സ് ബന്ധം മാത്രമായിരുന്നു. പക്ഷേ, തന്റെ നിശബ്ദമായ സ്നേഹം കൊണ്ട് അവൾ ഈ വീടിന്റെയും എന്റെ ഹൃദയത്തിന്റെയും അടിത്തറ മാറ്റിമറിച്ചു. ഇന്ന് ഞാൻ എന്തെങ്കിലും ആണെങ്കിൽ, അതിന് കാരണം മാളവികയാണ്." സദസ്സിലിരുന്ന എല്ലാവരും എഴുന്നേറ്റ് നിന്ന് കൈയടിച്ചു. മാളവികയുടെ കണ്ണുകൾ ഈറനണിഞ്ഞു. അവൾ മൈക്കിന് മുന്നിലെത്തി പതുക്കെ പറഞ്ഞു "പട്ടിണിയിൽ നിന്നും ഒറ്റപ്പെടലിൽ നിന്നും എന്നെ കൈപിടിച്ചു കയറ്റിയ ഈ കുടുംബമാണ് എന്റെ സ്വർഗ്ഗം. ഈ തറവാട്ടിലെ ഓരോ മണ്ണുതരിക്കും എന്നോട് സ്നേഹമേ ഉണ്ടായിട്ടുള്ളൂ. കരാറുകൾ അവസാനിക്കാം, പക്ഷേ ഹൃദയങ്ങൾ തമ്മിലുള്ള ബന്ധത്തിന് അവസാനമില്ല." രാത്രിയിൽ ചടങ്ങുകൾ കഴിഞ്ഞ് എല്ലാവരും ഉറങ്ങാൻ പോയി. ബദ്രിയും മാളവികയും തറവാടിന്റെ ഉമ്മറത്തെi ആ പഴയ ചാരുകസേരയിൽ ഇരുന്നു. നിലാവ് മുറ്റത്തെ മാവിൻകൊമ്പുകൾക്കിടയിലൂടെ അരിച്ചിറങ്ങുന്നുണ്ട്. ബദ്രി മാളവികയുടെ കൈകൾ ചേർത്തുപിടിച്ചു. "മാളൂ... ഇനിയും ഒരു നൂറു ജന്മം ഉണ്ടെങ്കിൽ, അന്നെല്ലാം എനിക്ക് നീ മതി." മാളവിക ബദ്രിയുടെ തോളിലേക്ക് തല ചായ്ച്ചു. "ആ കരാറിന് ഞാൻ എന്നേ ഒപ്പിട്ടു കഴിഞ്ഞു ബദ്രിയേട്ടാ..." ദൂരെ ക്ഷേത്രത്തിലെ മണിനാദം കേട്ടു. മാണിക്യമംഗലം തറവാടിന് മുകളിൽ നക്ഷത്രങ്ങൾ കൂടുതൽ തിളക്കത്തോടെ മിന്നിത്തിളങ്ങി. സങ്കടങ്ങളിൽ നിന്ന് തുടങ്ങിയ ആ പെൺകുട്ടിയുടെ കഥ, ലോകം കണ്ട ഏറ്റവും വലിയ സ്നേഹഗാഥയായി അവിടെ പൂർണ്ണമായി. ❣️❣️❣️❣️❣️❣️END❣️❣️❣️❣️❣️❣️ മാളവികയുടെയും ബദ്രിയുടെയും ഈ കഥ ഇവിടെ അവസാനിക്കുന്നു. കഥ വായിച്ച എല്ലാവർക്കും ഒരുപാട് നന്ദി ഈ കഥ ഇഷ്ടമായോ എന്ന് അറിയില്ല എന്നാലും ലാസ്റ്റ് പാർട്ട്‌ ആയതുകൊണ്ട് ഒരു റിവ്യൂ തരാമോ plz 🙏 സ്നേഹത്തോടെ തൂലിക ✍️RafseenaNamaf...... ❣️ #😍 ആദ്യ പ്രണയം #📝 ഞാൻ എഴുതിയ വരികൾ #💔 നീയില്ലാതെ #❤ സ്നേഹം മാത്രം 🤗 #💘 Love Forever

സ്കൂളിൽ പോയി തുടങ്ങിയതോടെ ഋഷി വലിയ 'ബുദ്ധിമാനായി' മാറി. എന്നും വൈകുന്നേരം വരുമ്പോൾ സ്കൂളിലെ വിശേഷങ്ങൾ പറയാൻ അവന് നൂറു നാവാണ്. "അമ്മേ, ഇന്ന് മിസ്സ് എന്നോട് ഒരു ചോദ്യം ചോദിച്ചു, ഞാൻ കറക്റ്റ് ആയിട്ട് ഉത്തരം പറഞ്ഞു!" ഋഷി ബാഗ് വലിച്ച് എറിഞ്ഞ് മാളവികയുടെ അടുത്തേക്ക് ഓടിവന്നു. ബദ്രി അരികിലിരുന്ന് അത് കേട്ട് ചിരിച്ചു. "എന്റെ മോൻ മിടുക്കനാണല്ലോ, എന്തായിരുന്നു ചോദ്യം?" ഋഷി ഗൗരവത്തിൽ പറഞ്ഞു, "അച്ഛന്റെ പേരെന്താണെന്ന്!" അത് കേട്ടതും ബദ്രിയും മാളവികയും പൊട്ടിച്ചിരിച്ചു പോയി. മീനാക്ഷി അപ്പുറത്തിരുന്ന് ഋഷിയെ കളിയാക്കാൻ തുടങ്ങി. മീനാക്ഷിക്ക് ഇപ്പോൾ നാല് വയസ്സായി. അവൾക്ക് ഋഷിയോട് ചെറിയ പിണക്കങ്ങൾ പതിവാണ്. ഋഷി തന്റെ കളിപ്പാട്ടം തരുന്നില്ല എന്ന് പറഞ്ഞ് അവൾ കരഞ്ഞു കൊണ്ട് ബദ്രിയുടെ അടുത്തെത്തും. "അച്ഛാ... ഋഷി ഏട്ടൻ കാർ തരുന്നില്ല!" ബദ്രി ഉടനെ ഋഷിയെ വിളിക്കും. "ഋഷി, അനിയത്തിക്ക് കൊടുത്തേ." ഋഷി പതുക്കെ അത് കൊടുക്കും, പക്ഷേ മീനാക്ഷി അത് വാങ്ങി കഴിഞ്ഞാൽ ഉടനെ ഋഷിയെ നോക്കി ഒരു 'വെല്ലുവിളി' ചിരി ചിരിക്കും. ഈ കുഞ്ഞു കുഞ്ഞു പിണക്കങ്ങളും ഇണക്കങ്ങളുമാണ് മാണിക്യമംഗലത്തെ ഇത്ര മനോഹരമാക്കുന്നത്. അജയ്യുടെ മകൾ നിലയ്ക്ക് ഇപ്പോൾ രണ്ട് വയസ്സായി. അവൾ നടക്കാൻ പഠിച്ചതോടെ തറവാട് മുഴുവൻ ഓടി നടക്കുകയാണ്. അജയ് ഇപ്പോൾ ഓഫീസിൽ പോകാതെ നിലാവാവയുടെ കൂടെ കളിക്കാനാണ് കൂടുതൽ ഇഷ്ടപ്പെടുന്നത്. രശ്മി ഇടയ്ക്ക് ദേഷ്യപ്പെടും. "അജയ്, ഇങ്ങനെ പോയാൽ ഓഫീസിലെ കാര്യങ്ങൾ ആര് നോക്കും?" അജയ് ചിരിച്ചുകൊണ്ട് പറയും, "ഓഫീസ് ഒക്കെ ബദ്രിയേട്ടൻ നോക്കിക്കോളും, എനിക്ക് എന്റെ മോളെ നോക്കാനാണ് സമയം." അജയ്യുടെ ഈ മാറ്റം കണ്ട് വിശ്വനാഥനും ദേവയാനി അമ്മയും അത്ഭുതപ്പെടാറുണ്ട്. പഴയ ആ ദേഷ്യക്കാരനായ അജയ് ഇപ്പോൾ വെറുമൊരു പാവം അച്ഛനായി മാറി. ✨✨✨✨✨✨ മാളവികയുടെ തയ്യൽ വിദ്യാലയം ഇപ്പോൾ ഒരു വലിയ വുമൺസ് എംപവർമെന്റ് സെന്ററായി വളർന്നു. രശ്മി അതിലെ നിയമപരമായ കാര്യങ്ങളും മാർക്കറ്റിംഗും നോക്കി തുടങ്ങി. "രശ്മി, നമ്മൾ ഒരുമിച്ച് നിന്നാൽ ഒരുപാട് സ്ത്രീകൾക്ക് തൊഴിൽ നൽകാൻ കഴിയും," മാളവിക ആവേശത്തോടെ പറഞ്ഞു. അവർ രണ്ടുപേരും ചേർന്ന് നാട്ടിലെ പാവപ്പെട്ട സ്ത്രീകൾ നിർമ്മിക്കുന്ന വസ്ത്രങ്ങൾ ഓൺലൈനായി വിൽക്കാൻ തുടങ്ങി. ബദ്രി ഇതിനായി എല്ലാ പിന്തുണയും നൽകി. തന്റെ ഭാര്യയും അനിയത്തിയും ചേർന്ന് ഒരു നല്ല കാര്യം ചെയ്യുന്നത് കാണുമ്പോൾ ബദ്രിക്ക് വലിയ അഭിമാനം തോന്നി. അന്ന് മാണിക്യമംഗലം തറവാട്ടിൽ ഒരു വലിയ വിരുന്ന് ഒരുക്കി. മാളവികയുടെ അച്ഛനും അമ്മയും അജയ്യുടെ വീട്ടുകാരും ഒക്കെ എത്തിച്ചേർന്നു. എല്ലാവരും ഒരേ നിറത്തിലുള്ള വസ്ത്രങ്ങൾ ധരിച്ചാണ് വന്നത്. രാത്രിയിൽ മുറ്റത്ത് വലിയൊരു മേശയിട്ട് എല്ലാവരും ഒന്നിച്ചിരുന്നു ഭക്ഷണം കഴിച്ചു. ഋഷിയും മീനാക്ഷിയും നിലാവാവയും മുറ്റത്ത് മിന്നാമിനുങ്ങുകളെ പിടിക്കാൻ ഓടി നടന്നു. ബദ്രി മാളവികയുടെ കൈ ചേർത്തുപിടിച്ചു കൊണ്ട് മുത്തശ്ശനോട് പറഞ്ഞു, "മുത്തശ്ശൻ കണ്ടോ, ഇതാണ് ഞങ്ങളുടെ ഏറ്റവും വലിയ വിജയം." മുത്തശ്ശൻ നിറഞ്ഞ പുഞ്ചിരിയോടെ എല്ലാവരെയും അനുഗ്രഹിച്ചു. ആ രാത്രിയിൽ ആ തറവാട്ടിൽ സ്നേഹം മാത്രം നിറഞ്ഞു നിന്നു. തുടരും... #❤ സ്നേഹം മാത്രം 🤗 #📝 ഞാൻ എഴുതിയ വരികൾ #📔 കഥ #💑 Couple Goals 🥰 #😍 ആദ്യ പ്രണയം

ഋഷിക്ക് ഇപ്പോൾ പ്രായം അഞ്ചായി. തറവാട് മുഴുവൻ അവന്റെ കുസൃതികൾ കൊണ്ട് നിറഞ്ഞിരിക്കുകയാണ്. ബദ്രി ഓഫീസിൽ നിന്ന് വരുമ്പോൾ ഋഷിക്ക് വേണ്ടി എന്തെങ്കിലും വാങ്ങാതെ വരാറില്ല. "അച്ഛാ, എനിക്ക് ആ വലിയ കാർ വേണം!" ഋഷി ബദ്രിയുടെ കഴുത്തിൽ കെട്ടിപ്പിടിച്ചു കൊഞ്ചും. മാളവിക വഴക്ക് പറയാൻ വരുമ്പോഴേക്കും ബദ്രി അവനെ എടുത്ത് തോളിൽ വെക്കും. "എന്റെ മോൻ ചോദിച്ചതല്ലേ മാളൂ, ഒരെണ്ണം വാങ്ങിക്കൊടുക്കാം." മീനാക്ഷിയും നിലാവാവയും ഋഷിയുടെ കൂടെ മുറ്റത്ത് ഓടി കളിക്കുന്നത് കാണുമ്പോൾ തറവാടിന് പഴയതിലും ഐശ്വര്യം തോന്നിച്ചു. മീനാക്ഷിയുടെ വിദ്യാരംഭമായിരുന്നു അന്ന്. ഋഷി തന്റെ കുഞ്ഞനിയത്തിയെ കൈപിടിച്ച് മണലിൽ 'ഹരിശ്രീ' കുറിക്കുന്നത് നോക്കി നിന്നു. മാളവികയും ബദ്രിയും ആ നിമിഷം ക്യാമറയിൽ പകർത്തി. "ഋഷി, ഇനി നീ വേണം അനിയത്തിയെ സ്കൂളിൽ കൊണ്ടുപോകാൻ," വിശ്വനാഥൻ ചിരിച്ചുകൊണ്ട് പറഞ്ഞു. ഋഷി ഗമയിൽ തലയാട്ടി. "അതൊക്കെ ഞാൻ നോക്കിക്കോളാം അപ്പൂപ്പാ." അജയ്യും രശ്മിയും അവർക്കായി പ്രത്യേക മധുരപലഹാരങ്ങൾ തയ്യാറാക്കിയിരുന്നു. ആ ദിവസം തറവാട്ടിൽ വലിയൊരു സദ്യ തന്നെ ഒരുക്കി. ഒരു ശനിയാഴ്ച വൈകുന്നേരം ബദ്രി വീട്ടിൽ ഒരു ഹോം തിയേറ്റർ സെറ്റ് ചെയ്തു. എല്ലാവരും കൂടി ഒരു പഴയ സിനിമ കാണാൻ ഇരുന്നു. ഋഷിയും മീനാക്ഷിയും പോപ്‌കോണുമായി മുൻപിൽ തന്നെയുണ്ട്. സിനിമയ്ക്കിടയിൽ ഋഷി ഉറങ്ങിപ്പോയി. ബദ്രി അവനെ എടുത്ത് മുറിയിൽ കൊണ്ടുപോയി കിടത്തുമ്പോൾ മാളവിക അരികിലെത്തി. "ബദ്രിയേട്ടാ, നമ്മുടെ ഈ ലോകം എത്ര സുന്ദരമാണ് അല്ലേ?" ബദ്രി മാളവികയുടെ നെറ്റിയിൽ ചുംബിച്ചു. "അതെ മാളൂ, ഈ കുട്ടികളാണ് നമ്മുടെ ശരിക്കുള്ള സമ്പാദ്യം." ✨✨✨✨✨✨ ബദ്രിയും മാളവികയും കൂടി അവർ പണ്ട് പോയ അതേ കടൽതീരത്തേക്ക് ഒരു യാത്ര പോകാൻ തീരുമാനിച്ചു. ഇത്തവണ ഋഷിയും മീനാക്ഷിയും കൂടെയുണ്ട്. മണലിൽ വീട് ഉണ്ടാക്കുന്ന ഋഷിയെ നോക്കി ബദ്രി മാളവികയോട് പറഞ്ഞു. "നീ ഓർക്കുന്നുണ്ടോ, നമ്മൾ ഇവിടെ വന്നപ്പോൾ നീ എത്രയോ പേടിച്ചിരുന്നു?" മാളവിക ചിരിച്ചു. "അന്ന് ആ കരാറിന്റെ പേടിയായിരുന്നു ബദ്രിയേട്ടാ. പക്ഷേ ഇന്ന് എനിക്ക് സന്തോഷം മാത്രമേയുള്ളൂ." കടൽത്തിരമാലകൾ അവരുടെ പാദങ്ങളിൽ തഴുകി കടന്നുപോയി. ഋഷി ഒരു വലിയ ചിപ്പി കണ്ടെത്തി ഓടിവന്ന് അവർക്ക് കാണിച്ചു കൊടുത്തു. തറവാടിനടുത്തുള്ള ക്ഷേത്രത്തിൽ ഉത്സവം തുടങ്ങാറായി. ബദ്രിയും അജയ്യും ചേർന്നാണ് ഇത്തവണത്തെ വെടിക്കെട്ടിനും മറ്റും നേതൃത്വം നൽകുന്നത്. ഋഷിക്ക് ഒരു ചെറിയ ചെണ്ട വാങ്ങിക്കൊടുത്തു. ഉത്സവദിവസം ഋഷി ചെണ്ട കൊട്ടി എല്ലാവരെയും രസിപ്പിച്ചു. മാളവികയും രശ്മിയും ചേർന്ന് വിളക്ക് തെളിച്ചു. ആ ഉത്സവപ്പറമ്പിൽ മാണിക്യമംഗലം കുടുംബം എത്തിയപ്പോൾ നാട്ടുകാർക്കെല്ലാം വലിയ ബഹുമാനമായിരുന്നു. തറവാടിന്റെ പ്രതാപം അതിന്റെ ഉച്ചസ്ഥായിയിൽ എത്തി നിൽക്കുന്ന നിമിഷമായിരുന്നു അത്. തുടരും... #😍 ആദ്യ പ്രണയം #💑 Couple Goals 🥰 #📔 കഥ #📝 ഞാൻ എഴുതിയ വരികൾ #❤ സ്നേഹം മാത്രം 🤗

മാസങ്ങൾ കടന്നുപോയി. മാണിക്യമംഗലം തറവാട് വീണ്ടും ഒരു കുഞ്ഞിക്കരച്ചിലിനായി കാത്തിരുന്നു. രശ്മിയെ പ്രസവത്തിനായി ഹോസ്പിറ്റലിൽ പ്രവേശിപ്പിച്ചപ്പോൾ അജയ്യേക്കാൾ പരിഭ്രമം ബദ്രിക്കായിരുന്നു. ഓപ്പറേഷൻ തിയേറ്ററിന് പുറത്ത് അങ്ങോട്ടും ഇങ്ങോട്ടും നടക്കുകയായിരുന്നു അജയ്. ഒടുവിൽ ഡോക്ടർ പുഞ്ചിരിച്ചുകൊണ്ട് പുറത്തെത്തി. "അജയ് ഒരു സുന്ദരി പെൺകുഞ്ഞ്" അജയ്യുടെ കണ്ണുകൾ സന്തോഷം കൊണ്ട് തിളങ്ങി. ആ കുഞ്ഞിനെ ആദ്യം കയ്യിലെടുത്തത് മാളവികയായിരുന്നു. "അജയ്... ഇവൾക്ക് നമ്മുടെ രശ്മിയുടെ അതേ മുഖമാണ്." മാളവിക ആ കുഞ്ഞിനെ നെഞ്ചോട് ചേർത്തു. തറവാട്ടിലെ മൂന്നാമത്തെ കണ്ണിക്ക് അവർ 'നിലാ' എന്ന് പേരിട്ടു. ഋഷിക്ക് അഞ്ച് വയസ്സായി. അവന്റെ ഒന്നാം ക്ലാസ്സിലെ ആദ്യ ദിനമായിരുന്നു അത്. പുതിയ ബാഗും കുടയുമായി നിൽക്കുന്ന ഋഷിയെ കണ്ടപ്പോൾ മാളവികയ്ക്ക് കരച്ചിൽ വന്നു. "ബദ്രിയേട്ടാ, നമ്മുടെ മോൻ ഇത്ര പെട്ടെന്ന് വളർന്നോ?" ബദ്രി ഋഷിയെ എടുത്തുയർത്തി. "നന്നായി പഠിക്കണം കേട്ടോ മോനേ." സ്കൂളിൽ പോകാൻ മടിച്ച ഋഷിയെ മീനാക്ഷിയാണ് സമാധാനിപ്പിച്ചത്. "ചേട്ടൻ പോയി വാ ഞാൻ ഇവിടെ നിലാവാവയെ നോക്കിക്കോളാം." അവളുടെ ആ കൊച്ചു വർത്തമാനം കേട്ട് എല്ലാവരും ചിരിച്ചുപോയി. അന്ന് വൈകുന്നേരം  ഋഷി തിരികെ വന്നപ്പോൾ അവന് ഇഷ്ടപ്പെട്ട ഐസ്ക്രീമുമായി ബദ്രി കാത്തുനിന്നിരുന്നു. ✨✨✨✨✨✨✨✨ ആ വർഷത്തെ ഓണം മാണിക്യമംഗലത്ത് ഗംഭീരമായിരുന്നു. അറ്റത്തുള്ള മുറ്റത്ത് വലിയ പൂക്കളം ഇട്ടു. മാളവികയും രശ്മിയും ചേർന്ന് കസവ് സാരിയൊക്കെ ഉടുത്ത് മുറ്റത്ത് തിരുവാതിര കളിച്ചു. ബദ്രിയും അജയ്യും ചേർന്ന് ഊഞ്ഞാൽ കെട്ടി. സദ്യ വട്ടങ്ങൾ ഒരുക്കാൻ മാളവികയ്ക്കൊപ്പം ദേവയാനി അമ്മയും കൂടി. ഇലയിട്ട് എല്ലാവരും ഒന്നിച്ചിരുന്ന് സദ്യ കഴിക്കുമ്പോൾ വിശ്വനാഥൻ പറഞ്ഞു "എന്റെ ജീവിതത്തിലെ ഏറ്റവും വലിയ സമ്പാദ്യം ഈ ഇരിക്കുന്ന നിങ്ങളാണ്." എല്ലാവരും ഒരേ മനസ്സോടെ ആ സന്തോഷത്തിൽ പങ്കുചേർന്നു. ബദ്രി മാളവികയ്ക്ക് ഒരു സ്പെഷ്യൽ ഓണക്കോടി കൂടി കരുതിയിരുന്നു അവൾക്ക് ഏറ്റവും ഇഷ്ടപ്പെട്ട നീല നിറത്തിലുള്ള പട്ടുസാരി. ✨✨✨✨✨ ഒരു ദിവസം തറവാട്ടിലേക്ക് അപ്രതീക്ഷിതമായി ഒരാൾ എത്തി. അത് മറ്റാരുമായിരുന്നില്ല മാളവികയെ പണ്ട് തയ്യൽ പഠിപ്പിച്ച മാഷ് ആയിരുന്നു. മാളവിക ഇന്ന് വലിയൊരു സംരംഭകയാണെന്ന് അറിഞ്ഞ് അദ്ദേഹം കാണാൻ വന്നതാണ്. "മോളേ നിന്റെ വളർച്ചയിൽ എനിക്ക് വലിയ അഭിമാനമുണ്ട്." മാളവിക അദ്ദേഹത്തിന്റെ പാദങ്ങളിൽ തൊട്ട് വന്ദിച്ചു. ബദ്രി അദ്ദേഹത്തിന് വലിയൊരു തുക സഹായമായി നൽകാൻ നോക്കിയപ്പോൾ മാളവിക തടഞ്ഞു. "അദ്ദേഹത്തിന് പണമല്ല വേണ്ടത് ബദ്രിയേട്ടാ ആദരവാണ്." ബദ്രി അദ്ദേഹത്തെ തന്റെ കമ്പനിയുടെ വുമൺസ് സെന്ററിൽ ഒരു പ്രധാന ഉപദേശകനായി നിയമിച്ചു. അത് മാളവികയ്ക്ക് നൽകിയ ഏറ്റവും വലിയ സമ്മാനമായിരുന്നു. രാത്രിയിൽ തറവാടിന്റെ മട്ടുപ്പാവിലിരുന്ന് ബദ്രിയും മാളവികയും ആകാശത്തെ നക്ഷത്രങ്ങളെ നോക്കുകയായിരുന്നു. താഴെ അജയ്യും രശ്മിയും കുട്ടികളോടൊപ്പം കളിക്കുന്നു. "മാളൂ അന്ന് ആ പടി കടന്നു വരുമ്പോൾ നീ പേടിച്ചിരുന്നല്ലേ?" ബദ്രി പതുക്കെ ചോദിച്ചു. മാളവിക അവന്റെ തോളിലേക്ക് തല ചായ്ച്ചു. അന്ന് ആ കരാർ ഒപ്പിടുമ്പോൾ എനിക്ക് പേടിയായിരുന്നു. പക്ഷേ ഇന്ന് എനിക്ക് തോന്നുന്നു, ദൈവം ആ കരാർ വഴിയാണ് എന്നെ എന്റെ സ്വർഗ്ഗത്തിലേക്ക് എത്തിച്ചതെന്ന്. ബദ്രി അവളുടെ കൈ വിരലുകൾ കോർത്തുപിടിച്ചു. "നമ്മുടെ ഈ യാത്ര ഇനിയും നീളും മാളൂ... ഈ സന്തോഷത്തിന് ഒരിക്കലും അന്ത്യമുണ്ടാകില്ല." നിലാവിന്റെ വെളിച്ചത്തിൽ മാണിക്യമംഗലം തറവാട് ഒരു സ്വപ്നം പോലെ മനോഹരമായി തോന്നി. തുടരും... 😊✨ #❤ സ്നേഹം മാത്രം 🤗 #💑 Couple Goals 🥰 #📔 കഥ #😍 ആദ്യ പ്രണയം #📝 ഞാൻ എഴുതിയ വരികൾ

മീനാക്ഷിയുടെ വരവോടെ തറവാട്ടിലെ ഓരോ ദിവസവും ഉത്സവമായി മാറി. രാവിലെ തന്നെ ഋഷിയുടെയും മീനാക്ഷിയുടെയും ശബ്ദം കേട്ടാണ് വീട് ഉണരുന്നത്.  ഋഷി ഇപ്പോൾ മീനാക്ഷിയുടെ വലിയേട്ടനായി ചമഞ്ഞു നടക്കുകയാണ്. അവൾ കരഞ്ഞാൽ ഉടനെ ഓടിപ്പോയി പാട്ടു പാടി കൊടുക്കാൻ ഋഷി  ശ്രമിക്കും. ബദ്രി ഇപ്പോൾ ഓഫീസ് ജോലികൾ കുറച്ച് നേരത്തെ തീർത്ത് വീട്ടിലെത്തും. "മാളൂ, ഈ കുട്ടികളുടെ കൂടെ ഇരിക്കുമ്പോഴാണ് എനിക്ക് ശരിക്കും സമാധാനം തോന്നുന്നത്," ബദ്രി മാളവികയെ ചേർത്തുപിടിച്ചു പറഞ്ഞു. പഴയ ആ ഗൗരവക്കാരനായ ബിസിനസ്സുകാരനെ ഇന്ന് കാണാനേയില്ല. ✨✨✨✨✨✨✨✨ ബദ്രി എല്ലാവരെയും കൂട്ടി ഒരു യാത്ര പോകാൻ തീരുമാനിച്ചു. അജയ്യും രശ്മിയും, മാളവികയുടെ അച്ഛനും അമ്മയും ഒക്കെ കൂടെയുണ്ട്. അവർ പോയത് അവരുടെ പ്രിയപ്പെട്ട ആലപ്പുഴയിലെ കായൽപരപ്പിലേക്കാണ്. ഹൗസ് ബോട്ടിൽ ഇരിക്കുമ്പോൾ അജയ്യും ബദ്രിയും പഴയ കാര്യങ്ങൾ ഓർത്തു ചിരിച്ചു. രശ്മിയും മാളവികയും പുതിയ പാചക പരീക്ഷണങ്ങളെക്കുറിച്ച് സംസാരിച്ചു. "അജയ്, നീ ഓർക്കുന്നുണ്ടോ നമ്മൾ രശ്മിയെ കാണാൻ പണ്ട് ഒളിച്ചു പോയിരുന്നത്?" ബദ്രി കളിയാക്കിയപ്പോൾ അജയ് നാണിച്ചു. യാത്രയ്ക്കിടയിൽ രശ്മി എല്ലാവർക്കും ഒരു മധുരപലഹാരം നൽകി. "എല്ലാവർക്കും ഒരു സന്തോഷവാർത്തയുണ്ട്. ഞങ്ങളുടെ ജീവിതത്തിലേക്കും ഒരു കുഞ്ഞതിഥി വരാൻ പോകുന്നു," രശ്മി പറഞ്ഞു. അജയ് ആകെ അത്ഭുതപ്പെട്ടുപോയി. മാളവിക ഓടിവന്ന് രശ്മിയെ കെട്ടിപ്പിടിച്ചു. തറവാട്ടിലെ അടുത്ത ആഘോഷത്തിന് സമയമായെന്ന് വിശ്വനാഥൻ പ്രഖ്യാപിച്ചു. സന്തോഷം കൊണ്ട് എല്ലാവരുടെയും കണ്ണുകൾ നിറഞ്ഞു. മാളവികയ്ക്ക് ഒരു ആഗ്രഹമുണ്ടായിരുന്നു. നാട്ടിലെ പാവപ്പെട്ട സ്ത്രീകൾക്ക് സ്വയം തൊഴിൽ കണ്ടെത്താൻ സഹായിക്കണം. ബദ്രി അവൾക്കായി തറവാടിനടുത്ത് ഒരു ചെറിയ കെട്ടിടം ഒരുക്കിക്കൊടുത്തു. അവിടെ മാളവിക 'മാളവിക ഡിസൈൻസ്' എന്ന പേരിൽ ഒരു തയ്യൽ വിദ്യാലയം തുടങ്ങി. താൻ പഠിച്ച വിദ്യ മറ്റുള്ളവർക്ക് പകർന്നു കൊടുക്കുമ്പോൾ മാളവികയുടെ മുഖത്ത് ഒരു പ്രത്യേക തിളക്കമുണ്ടായിരുന്നു. ബദ്രി അഭിമാനത്തോടെ ഭാര്യയെ നോക്കി നിന്നു. പണ്ട് തന്റെ ഷർട്ടിന്റെ ബട്ടൺ തുന്നിക്കൊടുത്ത ആ പെൺകുട്ടി ഇന്ന് ഒരുപാട് പേർക്ക് തണലായി മാറിയിരിക്കുന്നു. ✨✨❣️✨❣️✨✨✨❣️ ഒരു സായാഹ്നത്തിൽ തറവാടിന്റെ മുറ്റത്ത് നല്ല മഴ പെയ്തു. ഋഷിയും മീനാക്ഷിയും മുറ്റത്ത് ഇറങ്ങി കളിക്കാൻ നോക്കിയപ്പോൾ മാളവിക തടഞ്ഞു. പക്ഷേ ബദ്രി പറഞ്ഞു, "പോട്ടെ മാളൂ, കുട്ടിക്കാലത്ത് മഴ നനയാത്തവർക്ക് എന്ത് ഓർമ്മകളാണുള്ളത്?" ബദ്രി കുട്ടികളുടെ കൂടെ മഴയിൽ ഇറങ്ങി കളിച്ചു. അത് കണ്ട് നിൽക്കാൻ വയ്യാതെ അജയ്യും രശ്മിയും മാളവികയും മുറ്റത്തേക്കിറങ്ങി. അവർ എല്ലാവരും ഒരുമിച്ച് മഴ നനഞ്ഞു ചിരിച്ചും കളിച്ചും ആ നിമിഷം ആഘോഷിച്ചു. ശത്രുക്കളില്ലാത്ത, ആകുലതകളില്ലാത്ത ആ നിമിഷം മാണിക്യമംഗലം തറവാടിന്റെ ചരിത്രത്തിലെ ഏറ്റവും സുന്ദരമായ ഒന്നായിരുന്നു. തുടരും.... #📝 ഞാൻ എഴുതിയ വരികൾ #💑 Couple Goals 🥰 #😍 ആദ്യ പ്രണയം #📔 കഥ #❤ സ്നേഹം മാത്രം 🤗