#خلاصۃ دین کورس #अल्लाहु अकबर #Deen ki Baten #💖💖islamic post💖💖 #🥀پردہ بہت ضروری ہے یاد رکھو⁦❣️⁩☝️⁩ ......."" پردہ کیوں ضروری ہے؟"" ....... سلسلہ پوسٹ 19. """حفاظت ناموس اور انعام خداوندی""" قیامت کے دن اللہ تعالی آپ سے پوچھیں گے کہ آپ نے اپنی عزت کی حفاظت کیوں نہیں کی؟... اس لیے جوان بچیوں کو چاہیے کہ وہ محسوس کریں ہمارے لیے زندگی میں ایک جہاد کا وقت ہوتا ہے اور وہ ہے اپنی عزت و ناموس کی حفاظت کرنا۔۔۔ اسی لیے جو عورت اپنی عزت و ناموس کی حفاظت کرے گی اور اس کی حفاظت کرتے ہوئے اگر اس کو موت بھی آئی تو شریعت نے کہا کہ جو لڑکی اپنی عزت بچاتے ہوئے فوت ہو جائے گی۔۔۔ اس کو اللہ تعالی قیامت کے دن شہیدوں کی قطار میں کھڑا فرمائیں گے۔۔۔ سبحان اللہ عظیم🫀 اللہ اکبر کبیرہ۔۔۔ """اللہ رب العزت کی قدردانی""" اللہ رب العزت بڑے ہی قدردان ہیں۔۔۔ ایک حدیث میں یہ فرمایا: کہ اگر کسی نے کسی کو گناہ کی دعوت دی اور اس نے جواب میں کہا کہ میں اللہ سے ڈرتی ہوں اور گناہ کی طرف قدم نہ اٹھایا تو اللہ تعالی رب العزت کریم قیامت کے دن اس کو اپنے عرش کا سایہ عطا فرمائیں گے۔۔۔ اب یہ نعمتیں کیوں مل رہی ہیں؟۔۔۔ اس لیے کہ اس نے اپنے آپ کو گناہوں سے بچایا۔۔۔ جاری۔۔۔ 👆🏻برائے مہربانی ہر انے والی پوسٹ کو اپنے عزیز و اقارب تک ضرور پہنچائیں شکریہ🫀 جزاک اللہ خیرا 🌹

*{مسلم لڑکیاں آخر غیر مسلم لڑکوں سے شادی کیوں کرتی ہیں؟}* *﴿دخترانِ ملت بنیں قوم کی ذلت اسباب، وجوہات، تجزیہ و حل﴾* *قسط نمبر: ۲ — اسلام میں عورت کا مقام* *﴿✍🏻ندیم اشرف﴾* *جب آفتابِ رسالت ﷺ کی کرنیں حجاز کے تیرہ و تاریک افق پر نمودار ہوئیں تو گویا صدیوں کی جمی ہوئی سنگدلی، خون آشامی، سفاکی اور عورت دشمنی کے بت ریزہ ریزہ ہونے لگے۔ وہی عرب جو بیٹی کی ولادت پر نوحہ کرتے، چہرے سیاہ کر لیتے، دلوں میں غیظ و غضب کے طوفان برپا کر دیتے تھے اچانک رحمتِ عالم ﷺ کے دستِ شفقت سے انسانیت کی معراج پر فائز ہونے لگے۔ نبوت کی مقدس نسیم نے ان کے مردہ دلوں میں محبت کے چشمے جاری کیے، اور ان کی سنگلاخ فطرت میں نرمی، ملائمت، کرم اور حسنِ سلوک کے انوار بھر دیے۔* *اسلام نے انہیں بتایا کہ عورت زحمت نہیں، رحمت ہے؛ وہ محض وجودِ انسانی کا ایک کمزور جز نہیں بلکہ سببِ وجود ہے۔* *یہ اسلام ہی تھا جس نے مرد کو یاد دلایا کہ اگر کوئی عورت نہ ہوتی تو نہ تیری حیات ہوتی نہ نسل چلتی؛ تجھے گود میں ماں نے پالا، تیری پیٹھ پر بہن نے سایہ کیا، تیرے قلب میں بیٹی نے محبت جگائی اور تیرے گھر کو زوجہ نے سکون بخشا۔* *اسلام نے عورت کو محض احترام نہیں دیا بلکہ اس کی حیثیت کو چار واضح دائروں میں تقسیم کر کے اس کے حقوق کو آسمانی سند عطا کی بحیثیت بیٹی اس کے لیے رحمت لکھی، بحیثیت بہن اس کے ساتھ عفت و غیرت لازم کی، بحیثیت زوجہ اس کی نان و نفقہ، عزت و محبت اور حقوق کا اہتمام فرمایا، اور بحیثیت ماں اس کے قدموں کے نیچے جنت رکھ دی۔* *رسولِ کریم ﷺ نے بیٹیوں کی عظمت یوں بیان فرمائی کہ ان کے وجود کو محض گھریلو ذمہ داری نہیں بلکہ جنت کے حصول کا ذریعہ قرار دے دیا۔* *حضرت ابو سعید خدری رضی اللہ عنہ روایت کرتے ہیں کہ حضور ﷺ نے فرمایا:* "*مَنْ كانَتْ لَهٗ ثَلاثُ بَناتٍ، أَوْ ثَلاثُ أَخَوَاتٍ، أَوِ ابْنَتانِ، أَوْ أُخْتَانِ، فَأَحْسَنَ صُحْبَتَهُنَّ، وَاتَّقَى اللّٰهَ فِيهِنَّ، دَخَلَ الْجَنَّةَ"* *“جس شخص کی تین بیٹیاں یا تین بہنیں، یا دو بیٹیاں یا دو بہنیں ہوں، اور وہ ان کے ساتھ حسنِ سلوک کرے اور اللہ سے ڈرتا رہے، تو اللہ تعالیٰ اس کے ذریعے اسے جنت میں داخل فرمائیں گے۔’’* *(ترمذی: باب ما جاء فی النفقۃ علی البنات)* *اور حضرت عائشہ رضی اللہ عنہا کا بیان ہے کہ رسول اللہ ﷺ نے فرمایا:* *"مَنْ ابْتُلِیَ مِنْ هٰذِهِ الْبَنَاتِ بِشَيْءٍ فَأَحْسَنَ إِلَيْهِنَّ، كُنَّ لَهٗ سِتْرًا مِنَ النَّارِ"* *“جس شخص کو بیٹیوں کی پرورش کی آزمائش دی گئی اور اس نے صبر و محبت سے ان کی پرورش کی، وہ بیٹیاں اس کے لیے دوزخ سے آڑ بن جائیں گی۔’’* *(ترمذی)* *یہ صرف الفاظ نہیں، یہ عورت کی عظمت کا آسمانی اعلان تھا،ایسا اعلان جس نے دنیا کے ہر غلام معاشرے، ہر جاہل قبیلے، ہر شقی القلب مرد کو آئینہ دکھایا کہ عورت کو پاؤں کی ٹھوکر نہیں، آنکھ کی ٹھنڈک ہونا چاہیے۔* *اسلام نے عورت کو عزت کا وہ مقام دیا جس کی نظیر نہ کسی قدیم تہذیب میں ملتی ہے نہ کسی جدید تمدّن میں۔* *دنیا کی ہر قوم عورت کے حق میں یا تو افراط کی انتہا پر جا پہنچی یا تفریط کے گڑھے میں گر گئی:* *کہیں عورت کو دیوی بنا کر پوجا گیا مگر اس کے حقوق پامال کیے گئے؛* *کہیں اسے حیوان سمجھ کر گھر کی غلام بنا دیا گیا؛* *کہیں اسے بازار کی زینت اور تماشائیوں کا دل بہلانے کا کھلونا بنا دیا گیا؛* *کہیں اسے آزادی کی آڑ میں اس کی عصمت نوچ لی گئی۔* *لیکن اسلام نے اس کے وجود کو وہ توازن اور وقار عطا کیا کہ نہ وہ بت بنی نہ کھلونا، نہ وہ کارخانے کی مزدور مشین بنی، نہ بازار کی اشتہاری گڑیا؛* *بلکہ وہ خاندان کی بنیاد، نسل کی معمار، ایمان کی امین اور غیرتِ ملّت کی نگہبان بنی۔* *حاصلِ کلام یہی ہے کہ بیٹیاں اللہ کی رحمت ہیں اور یہ رحمت اس وقت رحمت بنتی ہے جب اسلامی حدود، پردہ، حیاء اور عصمت کے دائرے میں پرورش پائے۔* *ایسی بیٹی نہ صرف والدین کے لیے جنت کا وسیلہ بنتی ہے بلکہ دنیا میں بھی ان کا نام روشن کرتی ہے، خاندان کو وقار دیتی ہے اور ملت کے اخلاقی وجود کو مضبوط کرتی ہے۔* *یہ دوسری قسط صرف عورت کی عزتِ اسلامی کا اجمالی تعارف ہے۔* *اگلی قسط ان شاء اللہ اس طرف متوجہ کرے گی کہ جب اسلام نے عورت کو اتنی بلندی عطا کی تو پھر آج وہ کن مراحل سے گزر کر اپنی عصمت غیر مسلم معاشروں اور افراد کے ہاتھوں میں سونپ دیتی ہے اور اس زوال کے اصل اسباب کیا ہیں۔* #🥀پردہ بہت ضروری ہے یاد رکھو⁦❣️⁩☝️⁩ #💖💖islamic post💖💖 #अल्लाहु अकबर #Deen ki Baten #خلاصۃ دین کورس

#Deen ki Baten #خلاصۃ دین کورس #अल्लाहु अकबर #mere baba ka Deen itna mushkil tha ki tum prda na kr ski😞😞 #🥀پردہ بہت ضروری ہے یاد رکھو⁦❣️⁩☝️⁩ ۔۔۔۔۔۔۔""پردہ کیوں ضروری ہے؟""....... سلسلہ پوسٹ 18. """گناہ سے بچیے""" ایک بچی نے خط لکھ کر کسی ملک میں سے فتویٰ پوچھا کہ میں کسی کے ساتھ گناہ میں ملوث ہوتی تھی اور میری والدہ کو پتہ چل گیا اور اس نے مجھے ایک مرتبہ سخت ڈانٹا اور کہا تو نے ایسی حرکت کیوں کی؟ میں نے اس کو یقین دہانی کروانے کے لیے قسم کھائی۔۔۔ اس نے کہا تمہاری قسم پر بھی اعتبار نہیں کرتی۔۔۔ بالآخر اس بچی نے یہاں تک کہہ دیا کہ اگر میرے اس کے ساتھ تعلقات ہوں تو مجھے مرتے وقت کلمہ نصیب نہ ہو۔۔۔ اب ماں کے سامنے تو شرمندگی سے وقتی طور پر اپنے کو بچا لیا۔۔۔ بعد میں اسکو احساس ہوا کہ میرا حشر کیا ہوگا۔۔۔ اس بچی نے خط لکھا حضرت مجھے مسئلہ سمجھائیں۔۔۔ میں نہ دین کی رہی نہ دنیا کی رہی۔۔۔ اب میرا انجام کیا ہو گا؟۔۔۔ یہ سب کس لیے کہ اس نے ایک غلط راستے پر قدم اٹھایا۔۔۔ انجام ایمان کی تباہی نکلی۔۔۔ جب ایک راستہ ہی خطر ناک تو کیوں انسان اس میں قدم اٹھائے۔۔۔ اگر آپ کے سامنے 100 ٹافیاں رکھ دی جائیں اور یہ کہہ دیا جائے کہ جی اس میں سے ایک میں زہر ہے باقی 99 ٹھیک ہیں۔ آپ کھا لیجیے۔۔۔ آپ ایک کو بھی ہاتھ نہیں لگا ئیں گی۔۔۔کیوں؟ آپ کہیں گی میری جان کو خطرہ ہے۔۔۔ اے بیٹی! تجھے جان کا خطرہ ہے تو ایک فیصد بھی رسک نہیں لینا چاہتی۔۔ ان سو ٹافیوں میں سے ایک بھی نہیں لینا چاہتی۔۔۔ جہاں تیری عزت کا خطرہ ہو، وہاں تو کیوں رسک لیتی ہے؟۔۔۔ کیوں اور قدم آگے بڑھاتی ہے؟۔۔۔ وہاں بھی تو ہمیں سو فیصد محتاط رہنا چاہیے تا کہ میری عزت کی حفاظت رہے۔۔۔ جاری۔۔۔ 👆🏻 برائے مہربانی ہر انے والی پوسٹ کو اپنے عزیز و اقارب تک ضرور پہنچائیں۔۔۔ شکریہ🫀جزاک اللہ خیرا 🌹

*•••مسلم لڑکیاں آخر غیر مسلم لڑکوں سے شادی کیوں کرتی ہیں؟•••* *﴿دخترانِ ملت بنیں قوم کی ذلت اسباب، وجوہات، تجزیہ و حل﴾* *قسط نمبر: اوّل — تمہید* *﴿🖊️ندیم اشرف﴾* *آپ حضرات بخوبی واقف ہیں کہ کسی بھی قوم کی تعمیر ہو یا تباہی اس کی بنیاد ہمیشہ اس قوم کی ماؤں کے دامن سے بندھی ہوتی ہے۔ تاریخ کے اوراق گواہ ہیں کہ قوموں کی قسمتیں میدانِ جنگ میں کم اور گہواروں میں زیادہ لکھی جاتی ہیں۔ مگر افسوس کہ آج ہمارے مادرِ وطن میں دشمنانِ اسلام نے اسی بنیاد کو ہلا دینے کا منصوبہ بہت منظم طور پر تیار کر لیا ہے۔ وہ جان چکے ہیں کہ اگر قوم کی بیٹیوں کو عقیدے سے جدا کر دو تو آنے والی نسل خود بخود بے دین اور بے سمت ہو جائے گی۔* *چنانچہ فرقہ پرست طاقتیں :"آر ایس ایس، بجرنگ دل، ہندو یوا واہنی، وشوہندو پریشد" وغیرہ ناموں کے اختلاف کے باوجود ایک ہی زہر ناک مقصد کے لیے سرگرم عمل ہیں:* *مسلم لڑکیوں کو مرتد کرکے پوری قوم کی نسل کو کمزور، منتشر اور باطل کے تابع بنا دینا۔* *یہ تنظیمیں نہایت منظم، مدبرانہ اور عیارانہ طریقوں سے مسلم لڑکیوں کو جال میں پھنساتی ہیں، چند روز کے لیے انہیں دکھاوے کی بہو بنا کر پیش کرتی ہیں، پھر جو روح فرسا انجام ان کا ہوتا ہے وہ نہ زبان بیان کر سکتی ہے نہ قلم برداشت کر سکتا ہے۔ دل خون کے آنسو روتا ہے کہ حکومت کے متعدد ادارے بھی اس مہم میں براہِ راست یا بالواسطہ معاون بنے بیٹھے ہیں۔* *قاریِ محترم! اگر اس شیطانی منصوبے کو بروقت نہ روکا گیا تو بعید نہیں کہ ایک مدت بعد امتِ مسلمہ کی ایک بڑی تعداد فکر و عقیدے کے اعتبار سے بیگانہ ہو چکی ہو گی۔ یہی سبب ہے کہ اس فتنے کے تدارک کو علمائے کرام، دانشورانِ ملت، سماجی قائدین اور ہر باشعور مسلمان کی سب سے پہلی ذمہ داری سمجھا جائے۔ اگرنعوذ باللہ اس باب میں غفلت کا شائبہ بھی ہوا تو بارگاہِ الٰہی میں مواخذے سے بچنا مشکل ہوگا۔* *زیرِ نظر سلسلۂ مضامین اسی عظیم اور مہیب فتنے کی حقیقت کو روشن کرنے، اس کے محرکات، پس منظر اور عوامل کا تجزیہ پیش کرنے کے لیے رقم کیا جا رہا ہے۔ ان شاء اللہ ہر قسط میں اس فتنۂ ارتداد کے مختلف پہلوؤں کو علمی، سماجی اور نفسیاتی زاویوں سے واضح کیا جائے گا اور آخر میں ان اسباب کا عملی و قابلِ عمل حل پیش کرنے کی کوشش بھی کی جائے گی۔* *اس سلسلے میں نمایاں استفادہ ’’دخترانِ ملت بنیں قوم کی ذلت‘‘ (مصنف: جمیل عبداللہ ہاشمی، مدیر دوماہی مجلہ ندائے اسلاف) سے کیا گیا ہے، تاکہ بات معتمد، مستند اور محققانہ انداز میں پیش ہو سکے۔* *ان شاء اللہ اگلی قسط سے اصل مضمون کا آغاز ہوگا۔* #muslim #अल्लाहु अकबर #Deen ki Baten #auraton ka prda karna sunnat hai😘😘💞💞 #mere baba ka Deen itna mushkil tha ki tum prda na kr ski😞😞