ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6gg3kVb?d=n&ui=v64j8rk&e1=cPart 6 നിതാര വല്ലാതെ ഭയന്നുപോയി അവർ അകത്തേക്ക് കയറി വന്നു. എന്താ....?? അവൾ ചോദിച്ചു. നിനക്ക് നന്ദലാലിനെ അറിയുമോ?? ഒരുവൻ ചോദിച്ചു. അറിയാം.എന്താ ?? അവന് ഒരു അനിയത്തി ഇല്ലേ?? ഉണ്ടെങ്കിൽ..... അവൾക്കിപ്പോൾ എത്ര വയസ്സുണ്ട് ?? എനിക്കറിയില്ല. അതെന്താ നിനക്ക് അറിയാത്തത്?? അറിയാമെങ്കിൽ തന്നെ പറയാൻ സൗകര്യമില്ല.നിതാര പറഞ്ഞു. ഓഹോ... നിനക്ക് ഇത്രയും തന്റേടം ഉണ്ടായിരുന്നോ?? ഉണ്ട്. മര്യാദയ്ക്ക് എന്നെ തുറന്നുവിട്ടോ. എന്റെ അച്ഛൻ ഇപ്പോൾ എന്നെ കാണാതായ വിവരം പോലീസിൽ അറിയിച്ചിട്ടുണ്ടാവും. പോലീസും കേസും ജയിലും ഒന്നും ഞങ്ങൾക്ക് പുത്തരിയല്ലടി നിങ്ങൾ എന്തിനാണ് എന്നെ പിടിച്ചുകൊണ്ടുവന്നത്?? അതൊന്നും നിന്നോട് പറയേണ്ട കാര്യമില്ല. മര്യാദയ്ക്ക് അടങ്ങിയൊതുങ്ങി ഇവിടെ ഇരുന്നോളാണം.ഞങ്ങൾ ഇപ്പോൾ പോവുകയാണ്. എങ്കിലും ഒരാൾ ഇവിടെ ഉണ്ടാകും രക്ഷപ്പെടാൻ ശ്രമിച്ചാൽ നിന്റെ അവസാനമായിരിക്കും. അവരിൽ നാലുപേർ മുറിവിട്ട് ഇറങ്ങി. ഒരാൾ അവിടെ തന്നെ നിന്നു പുറത്ത് വണ്ടി സ്റ്റാർട്ട് ആയതും, അവിടെ നിന്നവൻ അവളെ തള്ളി ഒരു മുറിയിൽ ആക്കി. മുറി പുറത്തു നിന്നും പൂട്ടി. അവൾക്ക് ദേഷ്യം വരുന്നുണ്ടായിരുന്നു. ഇങ്ങനെ പേടിച്ച് പേടിച്ച്...വയ്യ. എന്തായാലും നാളെ നേരം വെളുക്കട്ടെ. ഇവിടെ നിന്നും രക്ഷപ്പെടാൻ താൻ ശ്രമിക്കും. ഇനി അതിന് കഴിഞ്ഞില്ലെങ്കിൽ, തന്റെ വിധി ഇതാണെന്ന് വിചാരിക്കും അത്രതന്നെ. പെട്ടെന്ന് അവളുടെ മനസ്സിലേക്ക് നന്ദനയെക്കുറിച്ച് അവർ പറഞ്ഞത് ഓർമ്മ വന്നു. ഇനി തന്നെ ഇങ്ങോട്ട് കൊണ്ടുവന്നത് പോലെ, ആ കുട്ടിയെയും ഇങ്ങോട്ട് കൊണ്ടുവരുമോ?? അതൊരു കൊച്ചു കുട്ടിയാണ് മ ഒമ്പതാം ക്ലാസിൽ പഠിക്കുന്നതേയുള്ളൂ നന്ദന അപകടത്തിലാണെന്ന്, എങ്ങനെയാണ് അവരെ അറിയിക്കുക?? ആരായിരിക്കും കാണാമറയത്തുള്ള ആ ശത്രു?? തന്റെ കാവലിനിവിടെ നിർത്തിയിട്ടുള്ളവനെ പാട്ടിലാക്കാൻ പറ്റിയാൽ, തനിക്ക് ഇവിടെ നിന്നും രക്ഷപ്പെടാം. ഒരു പെണ്ണ് വിചാരിച്ചാൽ ഒരു പുരുഷന്റെ ന്റെ മനസ്സ് ഇളക്കാൻ സാധിക്കില്ലേ?? . നേരം വെളുക്കാനായി അവൾ കാത്തിരുന്നു. 💚💚💚💚💚 പുലർ വെളിച്ചം ജനലഴികളിലൂടെ അരിച്ചിറങ്ങുന്നത് അവൾ നോക്കി നിന്നു. ഇന്നലെ തെല്ലും ഉറങ്ങിയിട്ടില്ല. അറിയാത്ത ഒരു നാട്ടിൽ, അറിയാത്ത ഒരു വീട്ടിൽ എങ്ങനെ ഉറങ്ങാനാണ്?? വാതിൽ തുറക്കുന്ന ശബ്ദം കേട്ടവൾ എഴുന്നേറ്റു നിന്നു. അയാൾ അവളുടെ അടുത്തേക്ക് വന്നു അതേ...വല്ലതും തിന്നുകയും കുടിക്കുകയും ഒക്കെ ചെയ്യണമെങ്കിൽ അടുക്കളയിലേക്ക് വരണം. അല്ലാതെ ഇവിടെ ആരും ഒന്നും വെച്ചുണ്ടാക്കി തരികയൊന്നുമില്ല. അടുക്കളയിലേക്ക് ചെല്ല്... അയാൾ ആജ്ഞാപിച്ചു. അവൾ അനുസരണയോടെ അയാൾക്കൊപ്പം അടുക്കളയിലേക്ക് നടന്നു. വേണ്ടുന്ന സാധനങ്ങൾ എല്ലാം കബോർഡിൽ ഇരിപ്പുണ്ട് അയാൾ പറഞ്ഞു. ഫ്രിഡ്ജിൽ പാലുണ്ട്അത് എടുത്ത് ആദ്യം ചായ ഉണ്ടാക്ക്അയാൾ പറഞ്ഞു. അവൾ അയാൾ പറഞ്ഞതുപോലെ തന്നെ ചെയ്തു. ഓരോന്നും ചെയ്യുമ്പോഴും അവൾ മനസ്സിൽ പലതും കണക്ക് കൂട്ടിക്കൊണ്ടിരുന്നു. ഇവിടെ നിന്നും ഇയാളുടെ കണ്ണ് വെട്ടിച്ച് പുറത്ത് കടക്കാൻ തനിക്ക് സാധിക്കുമോ?? തൽക്കാലം അയാൾ പറയുന്നതുപോലെ അനുസരിക്കണം. ഇയാളിലൂടെ മാത്രമേ തനിക്ക് ഇവിടെ നിന്നും രക്ഷപെടാൻ കഴിയൂ.. മറ്റുള്ളവരിൽ നിന്നും,തന്നെ രക്ഷിക്കാൻ ഇയാൾ ഉണ്ടാകണം. ഇയാളെ അതിനുപയോഗിച്ചേ പറ്റൂ. എത്ര വലിയ ഗുണ്ടയായാലും ഒരാണല്ലേ. അവൾ ചായ ഉണ്ടാക്കി. രണ്ട് ഗ്ലാസുകളിലായി പകർത്തി. ഒന്ന് അയാൾക്ക് കൊടുത്തു. കടുപ്പവും മധുരവും പാകമാണോ എന്ന് നോക്കിക്കേ. അതൊക്കെ ഞാൻ നോക്കിക്കോളാം. നീ കൂടുതൽ കുടിപ്പിക്കാൻ നിൽക്കണ്ട. അയാൾ പറഞ്ഞു. ഹും.. അവൾ ചിറികോട്ടി. എന്താ ഇപ്പോൾ കഴിക്കാൻ ഉണ്ടാക്കുക അവൾ ചോദിച്ചു ? വായിൽ വച്ച് തിന്നാൻ കൊള്ളുന്ന എന്തെങ്കിലുമുണ്ടാക്ക്. എല്ലാവരും വായിൽ വച്ച് തന്നെയാ തിന്നുന്നത്.പ്രത്യേകിച്ച് എടുത്തു പറയേണ്ട. അയാളുടെ മുഖത്ത് ദേഷ്യം ഇരച്ചു കയറുന്നത് അവൾ ശ്രദ്ധിച്ചു. പെട്ടെന്ന് അവൾ അയാളെ നോക്കി മനോഹരമായി ഒന്ന് പുഞ്ചിരിച്ചു ചേട്ടന് എന്ത് ഭക്ഷണമാണ് കൂടുതൽ ഇഷ്ടം ?? അവൾ ചോദിച്ചു. അവളുടെ ചോദ്യം കേട്ട് കഴിഞ്ഞാൽ തോന്നും ഏതാണ്ട് ഹണിമൂണിന് വന്നിരിക്കുകയാണെന്ന്. എന്തെങ്കിലും ഉണ്ടാക്കടീ %@%#&# അയ്യേ....ഇങ്ങനെ തെ. റി പറയല്ലേ ചേട്ടാ.. അവൾ കബോർഡുകൾ ഓരോന്നായി തുറന്നു നോക്കി. അരിപ്പൊടിയും ഗോതമ്പുപൊടിയും ഇരിപ്പുണ്ട്. എനിക്ക് ഇത് വച്ച് ഒന്നും ഉണ്ടാക്കാൻ അറിയില്ല. അവൽ വല്ലതുമുണ്ടെങ്കിൽ നനച്ചെടുക്കാമായിരുന്നു. ഒന്നുമല്ലെങ്കിലും ഒരു പെണ്ണിനെ ഇങ്ങോട്ട് ത.ട്ടി.ക്കൊണ്ടു വന്നതല്ലേ, രണ്ട് പാക്കറ്റ് ചപ്പാത്തിയെങ്കിലും വാങ്ങി ഫ്രിഡ്ജിൽ സൂക്ഷിക്കാമായിരുന്നില്ലേ?? അവൾ ചോദിച്ചു.. അയാൾ അവളെ കണ്ണുമിഴിച്ചു നോക്കി. ഇനി എന്താ തിന്നാൻ ഉണ്ടാക്കുക?? എനിക്കാണെങ്കിൽ വിശന്നിട്ട് കണ്ണ് കാണാൻ വയ്യ. ഒരു കാര്യം ചെയ്യാം ഗോതമ്പുപൊടി എടുത്ത്, അതിൽ കുറച്ച് ശർക്കരയും തേങ്ങയും ഒക്കെ ചേർത്ത് ദോശക്കല്ലിൽ ചുട്ടെടുത്താലോ?? അങ്ങനെ എന്റെ മുത്തശ്ശി എനിക്ക് ഉണ്ടാക്കിത്തന്നത് ഇപ്പോഴും ഞാൻ ഓർക്കുന്നുണ്ട്. നല്ലതാണ് നമുക്ക് ഉണ്ടാക്കിയാലോ?? നീ തന്നെയങ്ങ് ഉണ്ടാക്കിയാൽ മതി. അയാൾ പറഞ്ഞു. ഹോ...ഇതെന്തൊരു മനുഷ്യനാ. ഗുണ്ടയാണത്രേ ഗുണ്ട. എടീ.. അയാൾ കൈവീശി, അവൾ ഒഴിഞ്ഞുമാറി ചേട്ടൻ ഒരു കാര്യം ചെയ്യ് ഒരു തേങ്ങ ഇങ്ങോട്ട് പൊട്ടിച്ച്‌ താ.. അയാൾ തേങ്ങ എടുത്ത് ഉടച്ചതും അയ്യോ തേങ്ങ വെള്ളം എനിക്ക് വേണം.. അവൾ ഓടി വന്നയാളുടെ കയ്യിൽ നിന്നും തേങ്ങാമുറി എടുത്തു, തേങ്ങാ വെള്ളം വായിലേക്ക് കമിഴ്ത്തി. അയ്യോ ചേട്ടന് വേണമായിരുന്നോ?? വേണ്ട. എന്നാൽ ചേട്ടൻ ഒരു കാര്യം ചെയ്യാമോ ഇതൊന്നും ചുരണ്ടി തരാമോ ?? എനിക്ക് ഇതൊന്നും അത്ര വശമില്ല. നീ എന്റെ കയ്യിൽ നിന്നും മേടിക്കും... അയാൾ ദേഷ്യപ്പെട്ടു. പോ, ഞാൻ കൂട്ടില്ല... അവൾ തേങ്ങ ചിരകിയെടുക്കാൻ ശ്രമിച്ചു. ചുരണ്ടി എടുക്കുമ്പോൾ അവളുടെ കൈ മുറിഞ്ഞു. യ്യോ... ഇത് കണ്ടോ ,കൈ മുറിഞ്ഞത്?? ഞാൻ പറഞ്ഞതല്ലേ ഇതൊന്നു ചുരണ്ടിത്തരാൻ. ഒന്നുവല്ലെങ്കിലും എന്നെ ത.ട്ടി.ക്കൊണ്ടു വന്നതല്ലേ. എനിക്ക് ആവശ്യത്തിനുള്ള ഭക്ഷണമെങ്കിലും തരണ്ടേ, ആ മര്യാദ പോലും നിങ്ങൾക്കില്ലേ?? ഹൊ...ഈ സാധനത്തിനെ തട്ടിക്കൊണ്ടു വരാൻ കണ്ട സമയം. അയാൾ പിറുപിറുത്തു കൊണ്ട് തേങ്ങ ചുരണ്ടാൻ തുടങ്ങി എങ്കിലും അയാൾ അവളെ നോക്കുന്നുണ്ടായിരുന്നു. അവൾ രക്ഷപ്പെട്ടു പോകാൻ ശ്രമിക്കുമോ എന്നുള്ള ഭയം അയാൾക്ക് ഉണ്ടായിരുന്നു അവൾ കൈ കെട്ടിനിന്ന് അയാൾ തേങ്ങ ചുരണ്ടുന്നത് നോക്കിക്കൊണ്ടിരുന്നു പിന്നെ അവൾ അടുക്കള സ്ലാബിൽ കയറിയിരുന്നു അയാൾ തേങ്ങ ചുരണ്ടി അവളുടെ നേർക്ക് നീട്ടി. ഇന്നാ ഇനി ഉണ്ടാക്ക്. ചേട്ടന് എത്ര എണ്ണം വേണം?? ആദ്യം നീ ഉണ്ടാക്ക് എന്നിട്ട് പറയാം എനിക്ക് എന്തായാലും രണ്ടെണ്ണം വേണം. ചേട്ടന് മൂന്നെണ്ണം ഉണ്ടാക്കാം. ചേട്ടന്റെ ഈ ബോഡി ഒക്കെ വച്ച് നോക്കുമ്പോൾ നാലഞ്ചെണ്ണം വേണ്ടിവരും. പിന്നെ എനിക്ക് അത്രയും ഉണ്ടാക്കാൻ പറ്റില്ല. അതുകൊണ്ട് തൽക്കാലം മൂന്നെണ്ണം വെച്ച് അഡ്ജസ്റ്റ് ചെയ്യണം കേട്ടോ ഉം....അയാൾ അമർത്തി ഒന്ന് മൂളി. അവൾ ശർക്കര ക. ത്തി.കൊണ്ട് ചുരണ്ടി ഒരു പാത്രത്തിലേക്ക് ഇട്ടു കൊണ്ടിരുന്നു ചുരുണ്ടുന്നതിൽ പാതിയും അവളുടെ വായിലേക്കായിരുന്നു പോയികൊണ്ടിരുന്നത്. ഇന്നെങ്ങാനും ചുരണ്ടി തീരുമോ?? അയാൾ ചോദിച്ചു. വായ നിറച്ചുംശർക്കരയുമായി അവൾ അയാളെ നോക്കി ചിരിച്ചു. അല്ല പെണ്ണേ നിനക്ക് വല്ല ഭ്രാന്തമുള്ളതാണോ ?? അത് വിശന്നിട്ടാ...വിശക്കുമ്പോൾ ഞാൻ ഇങ്ങനെയാ. അവൾ ഗോതമ്പ് പൊടിയിലേക്ക് ശർക്കരയും തേങ്ങയും ചേർത്ത് നന്നായി കുഴച്ചു അല്ല, ഇതിലേക്ക് ഉപ്പ് ചേർക്കേണ്ടതുണ്ടോ ??അവൾ ചോദിച്ചു.. അത് എനിക്ക് എങ്ങനെ അറിയാം.. ശകലം ചേർത്തേക്കാം അല്ലേ?? വേണമെങ്കിൽ ചേർക്ക്. അല്ലെങ്കിൽ വേണ്ട, ശർക്കര ചേർക്കുമ്പോൾ പിന്നെ അതിൽ ഉപ്പ് ചേർക്കേണ്ട കാര്യമില്ല എന്ന് തോന്നുന്നു. അവൾ ദോശക്കല്ല് ചൂടാക്കി അതിലേക്ക് അല്പാൽപ്പം വച്ച് പരത്തി ഓരോന്നായി ചുട്ടെടുത്തു. അവൾ അത് ഒരു പാത്രത്തിലേക്ക് വിളമ്പി. ഇന്നാ..എന്റെ കൈപ്പുണ്യം ഒന്ന് നോക്കിക്കേ..അവൾ പാത്രം അയാൾക്ക് നേരെ നീട്ടി. അയാൾ അല്പം മുറിച്ചെടുത്ത് വായിലേക്ക് വച്ചു. ഹൊ...ഇതിലും ഭേദം കല്ലെടുത്ത് ചവയ്ക്കുന്നത്. കട്ടിയുള്ളത് കടിച്ചു മുറിക്കാൻ അയാൾ നന്നായി ബുദ്ധിമുട്ടി അവൾ ഒരെണ്ണം എടുത്തു തിന്ന് നോക്കി. ഇത് ഇങ്ങനെയൊന്നുമല്ലായിരുന്നല്ലോ മുത്തശ്ശി ഉണ്ടാക്കി തരുമ്പോൾ എന്തൊരു രുചിയായിരുന്നു.അവൾ പറഞ്ഞു. അതിന് നിനക്ക് വല്ലതും ഉണ്ടാക്കാൻ അറിയാമോ?? എനിക്ക് ഉണ്ടാക്കാൻ ഒക്കെ അറിയാം. ഇത് ഗോതമ്പ് പൊടിയുടെ കുഴപ്പമാണ്. അവൾ പറഞ്ഞു. അയാൾ തലയ്ക്ക് കൈ കൊടുത്തു. ഇങ്ങനെ ഒരു ജന്മം. അവൾ വെളുക്കെ ചിരിച്ചു. നമുക്കൊരു കാര്യം ചെയ്താലോ നമുക്ക് ചോറ് ഉണ്ടാക്കിയാലോ?? നീയൊരു കോ.പ്പും ഉണ്ടാക്കണ്ട. അയ്യോ അപ്പോൾ എനിക്ക് വിശക്കില്ലേ?? രണ്ടുദിവസം പട്ടിണി കിടക്കുമ്പോൾ ഉണ്ടാക്കാൻ പഠിച്ചോളും അപ്പോൾ ചേട്ടൻ എന്ത് കഴിക്കും, എന്റെ കൂടെ പട്ടിണി കിടക്കുമോ? അവൾ ചോദിച്ചു. അത് ഞാൻ എന്തെങ്കിലും ചെയ്തോളാം ചേട്ടാ... അയാൾ മിണ്ടിയില്ല ചേട്ടാ...അവൾ അയാളെ തോണ്ടി വിളിച്ചു. എന്താടി മൈ..#%@%@& അതെ, നിങ്ങൾ എന്നെ കൊ.ല്ലാ.ൻ വേണ്ടിയാണ് ഇങ്ങോട്ട് കൊണ്ടുവന്നതെങ്കിൽ കൊ.ല്ലു.ന്നതിനു മുൻപ് നാല് ഇടിയപ്പവും, താറാവ് കറിയും ഉണ്ടാക്കി തരണം കേട്ടോ. ഓഹ്...ഇങ്ങനെ ഒരു ആർത്തി പണ്ടാരം. നമ്മളൊക്കെ ജീവിക്കുന്നത് തന്നെ വല്ലതും തിന്നാൻ വേണ്ടിയല്ലേ ചേട്ടാ?? കുറച്ചുനേരം അവിടെ എവിടെയെങ്കിലും മിണ്ടാതിരിക്കാമെങ്കിൽ. ഞാൻ ചപ്പാത്തി ഉണ്ടാക്കി തരാം. എന്നാൽ ഞാൻ എത്ര നേരം വേണമെങ്കിലും മിണ്ടാതിരിക്കാം. അവൾ കസേരയിൽ കയറി ചമ്രം പടിഞ്ഞിരുന്നു. അയ്യാടീ...ചുമ്മാ ഇരിക്കാതെ. ആ ഫ്രിഡ്ജിൽ ചിക്കൻ ഇരിപ്പുണ്ടാകും അത് എടുത്ത് വെള്ളത്തിൽ ഇട്. എന്നിട്ട് കുറച്ചു ഉള്ളിയും ഇഞ്ചിയും ഒക്കെ തൊലി കളഞ്ഞു വയ്ക്ക്.അയാൾ പറഞ്ഞു ദാ.. ക.ത്തി അവിടെ ഇരിപ്പുണ്ട്. അയാൾ വിരൽ ചൂണ്ടികാണിച്ചു അവൾ ക.ത്തി കയ്യിൽ എടുത്തു. നല്ല മൂ.ർ.ച്ച.യുണ്ട്. ഇയാളെ ഒറ്റ കു.ത്തിന് വീഴ്ത്തിയിട്ട് രക്ഷപ്പെടാൻ ശ്രമിച്ചാലോ?? അവൾ ക.ത്തി.യുമായി തിരിഞ്ഞു. 💚💚💚💚💚 തുടരും. കണ്ണൂർകാരൻ ❤️❤️❤️ #✍ തുടർക്കഥ #💞 പ്രണയകഥകൾ #📔 കഥ #📙 നോവൽ #📚 ട്വിസ്റ്റ് കഥകൾ