ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6aaDm4V0?d=n&ui=v64j8rk&e1=cPart 10പോലീസ് വാഹനം മുന്നോട്ടു കുതിച്ചു അവർ അവിടെയെത്തിയപ്പോൾ ആ വീടും പരിസരവും ഇരുട്ടിൽ കുളിച്ചു നിൽക്കുകയായിരുന്നു. അവർ വാഹനത്തിൽ നിന്നിറങ്ങി. വാതിൽ പൂട്ടിയിട്ടിരിക്കുകയാണ്. ചിലപ്പോൾ നന്ദന അകത്തുണ്ടാകും നിതാര പ്രതീക്ഷയോടെ പറഞ്ഞു. പോലീസുകാർ വാതിൽ ചവിട്ടി തുറന്നകത്തുകയറി, അകത്ത് ആരും ഉണ്ടായിരുന്നില്ല അവർ ഓരോ മുറിയിലും കയറിയിറങ്ങി നോക്കി.ഇല്ല അവിടെയെങ്ങും ആരുമില്ല. അവർ രക്ഷപ്പെട്ടെന്ന് തോന്നുന്നു. നിതാരക്ക് സങ്കടം വന്നു. നന്ദനയെ ഇനി എങ്ങോട്ടായിരിക്കും കൊണ്ടുപോയിട്ടുണ്ടാവുക?? ഇനിയവളെ രക്ഷിക്കാൻ ആവില്ലേ.. പോലീസുകാർ എല്ലായിടവും അരിച്ചു പെറുക്കി നോക്കി. ഇനിഇവിടെ നോക്കിയിട്ട് കാര്യമില്ല.നമുക്ക് പോകാം ഒരു പോലീസുകാരൻ പറഞ്ഞു. എല്ലാവരും വാഹനത്തിൽ കയറി. അവർ തിരികെ യാത്ര തുടർന്നു.. നിതാര തീർത്തും മൗനമായിരുന്നു. വീട്ടിൽ എത്തിയപ്പോഴേക്കും അവൾക്ക് സങ്കടം സഹിക്കാനായില്ല. എന്നാലും അവളെ രക്ഷിക്കാൻ കഴിഞ്ഞില്ലല്ലോ അച്ഛാ... നിതാര അച്ഛനെ കെട്ടിപ്പിടിച്ചു കരഞ്ഞു. അവളെ രക്ഷിക്കാൻ കഴിയും, വിഷമിക്കാതിരിക്ക്. വിശ്വനാഥൻ അവളെ ആശ്വസിപ്പിച്ചു. 🍀🍀🍀🍀🍀 ഭയന്നിരിക്കുന്ന നന്ദനയുടെ അരികിലേക്ക് ഡാനി പതിയെ നടന്നു ചെന്നു. അവൾ പേടിയോടെ അയാളെ നോക്കി. മോള് പേടിക്കേണ്ട കേട്ടോ. മോളെ രക്ഷപ്പെടുത്താൻ പറ്റുമോ എന്നാണ് ഞാൻ ശ്രമിച്ചുകൊണ്ടിരിക്കുന്നത് സത്യമായിട്ടും എന്നെ ഇവിടെ നിന്നും രക്ഷിക്കുമോ?? അവൾ അയാളോട് ചോദിച്ചു ശ്രമിച്ചുകൊണ്ടിരിക്കുകയാണ് മോളെ, ഉറപ്പ് ഒന്നും പറയാൻ പറ്റില്ല. പിടിക്കപ്പെട്ടാൽ നമ്മൾ രണ്ടുപേരും പിന്നെ ഈ ഭൂമിയിൽ ജീവനോടെ ഉണ്ടാകില്ല. അയാളുടെ കൂട്ടാളികൾ പുറത്തിരുന്ന് മദ്യപിക്കുന്നുണ്ട്. എന്തിനാ ചേട്ടാ എന്നെ പിടിച്ചു കൊണ്ടു വന്നിരിക്കുന്നത്?? അവൾ ചോദിച്ചു. എനിക്ക് അറിയില്ല മോളെ.. ഡാനിയുടെ ഒടിഞ്ഞ കൈ പ്ലാസ്റ്റർ ഇട്ട് കെട്ടിത്തൂക്കി വെച്ചിരിക്കുകയാണ്. നിതാര ചേച്ചിയെ ത.ട്ടിക്കൊണ്ടുവന്നതും നിങ്ങളാണോ?? നന്ദന ചോദിച്ചു. മിണ്ടാതിരിക്ക് മോളെ...അവരെങ്ങാനും കേട്ടോണ്ട് വന്നാൽ പിന്നെ മോൾക്ക് ഇവിടെ നിന്ന് രക്ഷപ്പെടാൻ ആവില്ല. അതുകേട്ടതും അവൾ മിണ്ടാതിരുന്നു അല്പനേരം മിണ്ടാതിരുന്നിട്ട് അവൾ വീണ്ടും അവന്റെ അരികിലേക്ക് ചേർന്നിരുന്നു. നിതാര ചേച്ചി എവിടെയാണ്?? എനിക്കറിയില്ല. അയാളെ എഴുന്നേറ്റ് അപ്പുറത്തേക്ക് പോയി. നിതാര വീട്ടിലെത്തി കാണുമോ?? അതോ ആരെങ്കിലും ആ വാഹനം കണ്ട് തിരിച്ചറിഞ്ഞ് അവളെ പിടികൂടിയിരിക്കുമോ?? ആ ഓർമ്മയിൽ പോലും അയാൾ നടുങ്ങി. അവൾ രക്ഷപ്പെട്ടാൽ മതിയായിരുന്നു. എവിടെയായിരുന്നാലും സന്തോഷമായി ഇരുന്നാൽ മതിയായിരുന്നു. സത്യം പറഞ്ഞാൽ അവൾ കൂടെ ഉണ്ടായിരുന്നപ്പോൾ, ആരൊക്കെയോ ഉള്ള പോലെ ഒരു തോന്നൽ ആയിരുന്നു. അമ്മ അടുത്തിരിക്കും പോലുള്ള ആ ഒരു ഫീലിങ്ങ് ആയിരുന്നു. അവൾ അടുത്തിരിക്കുമ്പോഴും ഉണ്ടായിരുന്നത്. ഇപ്പോഴും എന്തെങ്കിലുമൊക്കെ പറഞ്ഞുകൊണ്ടിരിക്കുന്ന ആ പെണ്ണിനെ തനിക്കൊരുപാടിഷ്ടമാണ്. പ്രേമം ഒന്നുമല്ല. അല്ലെങ്കിൽ തന്നെ ആരെയെങ്കിലും പ്രേമിക്കാൻ ഒന്നുമുള്ള മനസ്സ് തനിക്കില്ല. ആ പെൺകുട്ടി രക്ഷപ്പെടണം. അത്രമാത്രം പുറത്തിരുന്ന് മദ്യപിക്കുകയായിരുന്ന അയാളുടെ കൂട്ടാളികൾ അകത്തേക്ക് വന്നു. നന്ദന അവരെ കണ്ടതും പേടിച്ചു വിറച്ചു. മദ്യ ലഹരിയിൽ അവർ എന്തൊക്കെയോ പറഞ്ഞ് ഡാനിയോട് വഴക്കുണ്ടാക്കുന്നുണ്ടായിരുന്നു. നിതാര രക്ഷപ്പെട്ടതിന്റെ കലിപ്പാണ്.. കുറച്ചുനേരം എന്തൊക്കെയോ പറഞ്ഞിട്ട് അവർ മുറിക്ക് പുറത്തേക്കിറങ്ങി. കിടന്നുറങ്ങാനായി പോയി. നന്ദന ആശ്വാസത്തോടെ ഡാനിയേ നോക്കി. മോള് പേടിക്കേണ്ട,കിടന്നുറങ്ങാൻ നോക്ക്. ഞാൻ കാവൽ ഉണ്ട്. അവൾ കണ്ണുകൾ അടച്ചു. എങ്കിലും അവൾ ഉറങ്ങിയൊന്നുമില്ല. നാളെ ഇവിടെ നിന്നും രക്ഷപ്പെടാൻ ആകുമോയെന്ന ചിന്ത അവളുടെ മനസ്സിനെ മഥിച്ചുകൊണ്ടിരുന്നു. ഡാനി ഒരേ ആലോചനയിലായിരുന്നു. എങ്ങനെയാണ് നന്ദനയെ രക്ഷിക്കുക?? ഒരു കൈ ഒടിഞ്ഞിരിക്കുന്നത് കൊണ്ട് അവന്മാരെ ആക്രമിച്ചപ്പെടുത്താൻ ആവില്ല. മാത്രമല്ല തന്റെ രക്ഷ കൂടി താൻ നോക്കേണ്ടതുണ്ട് നേരം പതിയെ വെളുത്തു തുടങ്ങി അവന്മാർ നല്ല ഉറക്കത്തിലാണ്. എടാ എഴുന്നേൽക്കട.ഡാനി ഓരോരുത്തരെയായി തട്ടിവിളിച്ചെഴുന്നേൽപ്പിച്ചു. ഈ നാശം പിടിച്ചവൻ ഉറങ്ങാനും സമ്മതിക്കില്ല എന്താടാ %₹%&% മൂക്കറ്റം വെള്ളം കുടിച്ചിട്ട് എന്തൊരു കിടപ്പാണ് കിടക്കുന്നത് നേരം വെളുത്തു. ഡാനി പറഞ്ഞു. ഓരോരുത്തരായി എഴുന്നേറ്റു. ആ പെണ്ണ് എന്തിയെ?? അപ്പുറത്ത് കിടന്നുറങ്ങുന്നുണ്ട്. അവർ പല്ല് തേച്ചു മുഖം കഴുകിയിട്ട് വാതിൽ തുറന്നു പുറത്തേക്കിറങ്ങി ഞങ്ങൾ പോയി ഭക്ഷണം എന്തെങ്കിലും വാങ്ങിച്ചു കൊണ്ട് വരാം. ഡാനി തലകുലുക്കി. ആ പെണ്ണിനെ നിന്നെ ഏൽപ്പിച്ചിട്ട് പോയാൽ ശരിയാവില്ല. ഒന്നാമത് കൈ പാടില്ലല്ലോ, ആ പെണ്ണ് വല്ല തള്ളും വെച്ച് തന്നിട്ട് ഓടി രക്ഷപ്പെടാൻ ശ്രമിച്ചാൽ നിനക്ക് പുറകെ ഓടാൻ പോലും പറ്റില്ല. അതുകൊണ്ട് ഇവനും കൂടി ഇവിടെ നിൽക്കട്ടെ. കൂട്ടത്തിൽ ഏറ്റവും തണ്ടും തടിയും ഉള്ള ദിലീപിനെ അവർ അവിടെ നിർത്തി. ഞങ്ങൾ പോയി എന്തെങ്കിലും കഴിക്കാൻ വാങ്ങിക്കൊണ്ടു വരാം അവർ പുറത്തേക്ക് പോയി. ഡാനി ദിലീപിന്റെ അടുത്തേക്ക് ചെന്നു. അല്ല...അളിയാ കഴിഞ്ഞദിവസം ആ പെണ്ണ് നിന്നെ അടിച്ചിട്ട് രക്ഷപ്പെടാൻ ശ്രമിച്ചപ്പോൾ നീ അവളെ ഒന്നും ചെയ്തില്ലേ ??ദിലീപ് ഡാനിയോട് തിരക്കി. അങ്ങനെ നമ്മൾ ചുമ്മാ ത..ല്ലും മേടിച്ചു കൊണ്ടിരിക്കുവോടാ. നല്ലത് ഞാൻ തിരിച്ചു കൊടുത്തു, പക്ഷേ അവൾ എന്റെ തലക്കിട്ട് അടിച്ചിട്ട് ഓടി. അന്നേരം കണ്ണിലാകെ ഇരുട്ടു കയറുന്നതുപോലെ ആയിരുന്നു. അതുകൊണ്ട് മാത്രമാണ് അവൾ രക്ഷപ്പെട്ടത് എന്തൊരു തണുപ്പാണ്...നമുക്ക് ഓരോന്ന് വീശിയാലോ??ഡാനി ദിലീപിനോട് ചോദിച്ചു. വെറും വയറ്റിൽ എന്നെക്കൊണ്ട് പറ്റില്ല. ദിലീപ് പറഞ്ഞു. ഇന്നലത്തെ കുറച്ച് ചിക്കൻ അവിടെ ബാക്കി ഇരിപ്പുണ്ട്,നമുക്ക് ഓരോന്ന് തട്ടിയാലോ ഡാനി വീണ്ടും ചോദിച്ചു. എന്നാൽ നോക്കാം നീ ഗ്ലാസ്സ് എടുത്തോണ്ട് വാ അയാൾ പറഞ്ഞു . ഡാനി പോയി രണ്ടു ഗ്ലാസ് എടുത്തു കൊണ്ടുവന്നു അതിലേക്ക് മദ്യം ഒഴിച്ചു. ഡാനി ഗ്ലാസ് പതിയെ ചുണ്ടത്ത് വച്ചുകൊണ്ടിരുന്നതേയുള്ളൂ. ആ നേരം കൊണ്ട് ദിലീപ് അഞ്ചാറ് പെഗ്ഗ് കഴിച്ചു കഴിഞ്ഞിരുന്നു. മദ്യപിച്ച് കഴിഞ്ഞാൽ പിന്നെ അവൻ ധാരാളം സംസാരിക്കും. ദിലീപിന് മദ്യം നന്നായി തലയ്ക്കു പിടിച്ചു എന്ന് മനസ്സിലായപ്പോൾ ഡാനി എഴുന്നേറ്റു. അയാൾ മുറിയിൽ പോയി നന്ദനയുടെ കൈപിടിച്ചവളെയും കൊണ്ട് വാതിലിനടുത്തേക്ക് എത്തിയതും ദിലീപ് പിന്നിൽ നിന്നും അവനെ പിടിച്ചു നിർത്തി. ചതിയാ...നീ എന്നെ കുടിപ്പിച്ചു കിടത്തിയിട്ട്, ഇവളെയും കൊണ്ട് രക്ഷപ്പെടാം എന്ന് വിചാരിച്ചു അല്ലേ.. ദിലീപ് ഡാനിയേ പിറകിൽ നിന്നും വട്ടം പിടിച്ചു. വിടെടാ... ഡാനി അയാളുടെ കൈ വിടീക്കാൻ ശ്രമിച്ചു. എടാ... മറ്റേ പെണ്ണിനെയും രക്ഷപ്പെടാൻ സഹായിച്ചത് നീയല്ലേ . നിന്നെ ഞാൻ വെറുതെ വിടില്ല, അവന്മാര്‍ ഇപ്പോഴിങ്ങോട്ട് എത്തും. നിന്റെ അവസാനമാണ് നോക്കിക്കോ അയാൾ ഡാനിയുടെ ഒടിഞ്ഞ കയ്യിൽ പിടിച്ചു വലിച്ചു. വേദന സഹിക്കാനാവാതെ ഡാനി അലറി കരഞ്ഞു. ഡാനി തല കൊണ്ട് പിന്നിലേക്ക് അയാളുടെ മുഖത്തേക്ക് ഇടിച്ചു. ദിലീപ് അവന്റെ കയ്യിൽ നിന്നും പിടുത്തം വിട്ടു. ഡാനി തിരിഞ്ഞ് അവനെ കാലുയർത്തി തൊഴിച്ചു. ദിലീപ് പിന്നിലേക്ക് തെറിച്ച് വീണ് നേരം കൊണ്ട്. ഡാനി നന്ദനയുടെ കൈപിടിച്ച് അതിവേഗം പുറത്തേക്ക് ഓടി. മുറ്റത്ത് കിടന്ന കാറിലേക്ക് കയറി, നന്ദന വേഗം സീറ്റിൽ കയറിയിരുന്നു എടാ..നിൽക്കെടാ ഇന്ന് നിന്റെ അവസാനമാണ് ദിലീപ് പുറത്തേക്കു കുതിച്ചു വരുന്നുണ്ടായിരുന്നു. അവൻ അടുത്തെത്തും മുമ്പ് ഡാനി കാർ സ്റ്റാർട്ട് ചെയ്തു. കാർ പുറത്തേക്ക് കുതിച്ചു ഒറ്റക്കൈയ്യ് കൊണ്ട് അയാൾ എങ്ങനെ ഡ്രൈവ് ചെയ്യുമെന്ന് നന്ദന പേടിയോടെ നോക്കിക്കൊണ്ടിരുന്നു അയാൾ അമിത സ്പീഡിലാണ് വാഹനം ഓടിക്കുന്നത് മെയിൻ വഴിയിൽ നിന്നും മാറി മറ്റ് പല വഴികളിലൂടെയുമാണ് വാഹനം ഓടിക്കുന്നത് നമുക്ക് രക്ഷപ്പെടാൻ കഴിയുമോ ചേട്ടാ?? നന്ദന ഡാനിയോട് ചോദിച്ചു. രക്ഷപ്പെടാനാണ് ശ്രമിച്ചുകൊണ്ടിരിക്കുന്നത് അതിനുവേണ്ടിയാണ് മെയിൻ വഴിയിലൂടെ പോകാതെ ഷോർട്ട്കട്ടിലൂടെ പോകുന്നത് എങ്ങാനും അവർ പിടിച്ചാൽ നമ്മുടെ അവസ്ഥ എന്താകും??നമ്മളെ അവർ കൊ.ല്ലു. മോ കുട്ടിയെ കൊ.ല്ലി.ല്ല. പക്ഷേ എന്നെ കൊ.ന്നു.കളഞ്ഞേക്കും അയ്യോ എന്നാൽ കുറച്ചു കൂടി സ്പീഡ് എടുത്തോ. എന്നിട്ട് വേണം വണ്ടി എവിടെയെങ്കിലും കുത്തി കേറ്റി ഉടനെ തന്നെ അങ്ങ് മുകളിലേക്ക് പോകാൻ അയ്യോ അങ്ങനെ ഒന്നും പറയല്ലേ ചേട്ടാ. എന്റെ ഏട്ടൻ പോയിട്ട് അധികമായിട്ടില്ല. ഞാനും കൂടെ ഇല്ലാതായാൽ പിന്നെ എന്റെ അച്ഛനും അമ്മയ്ക്കും ആരുമില്ലാതാകും. അതൊന്നും ഞാൻ അറിഞ്ഞിരുന്നില്ല കുട്ടി.. ഡാനിപറഞ്ഞു. എന്റെ ഏട്ടൻ എന്ത് പാവമായിരുന്നെന്നറിയാമോ. നിതാര ചേച്ചിയുമായി ഇഷ്ട്ടത്തിലായിരുന്നു. ഒരുപാട് സ്നേഹിച്ചിരുന്നു രണ്ടാളും,നല്ല ചേർച്ചയുമായിരുന്നു. പക്ഷേ കൊതി തീരെ സ്നേഹിച്ച് ജീവിക്കാൻ അവർക്കായില്ല. അവളുടെ കണ്ണുകൾ നിറഞ്ഞു. നിതായെ കുറിച്ചാണ് പറഞ്ഞത്. അവൾ ഒരാളെ സ്നേഹിച്ചിരുന്നുവെന്ന്.. അയാൾ മരണപ്പെട്ടു പോയത്രേ... പാവം അവൾ എന്തുമാത്രം വിഷമിച്ചു കാണും. ഡാനിക്ക് വിഷമം തോന്നി. ഏതൊക്കെയോ വഴികളിലൂടെ വണ്ടി മുന്നോട്ട് ഓടിക്കൊണ്ടിരുന്നു. ഒടുവിൽ അവർ നന്ദനയുടെ വീടിനു സമീപം എത്തി. അയാൾ നന്ദനയെ കാറിൽ നിന്ന് ഇറക്കി. ഇനി മോള് പൊയ്ക്കോ. അവൾ നിറ കണ്ണുകൾ അയാളെ നോക്കി കൈകൂപ്പി. അവളെ നോക്കി ഒന്ന് ചിരിച്ചിട്ട് ഡാനി വാഹനം മുന്നോട്ട് എടുത്തു ഇനി ഈ വാഹനവുമായി പോകുന്നത് അപകടമാണ്. ഇത് അവരുടെ വാഹനമാണ്. അതുകൊണ്ടുതന്നെ ഇത് ഉപേക്ഷിച്ചേ മതിയാവൂ അയാൾ കുറേ ദൂരം വണ്ടിയോടിച്ചു എന്നിട്ട് അധികം വാഹനം വരാത്ത ഒരുവഴിയിലേക്ക് വണ്ടി കയറ്റി സൈഡിൽ ഒതുക്കിയിട്ടു. എന്നിട്ട് അയാൾ ഇറങ്ങി മെയിൻ വഴിയിലേക്ക് നടന്നു. തന്റെ വീട്ടിലേക്ക് പോകുന്നത് അപകടമാണ്. അവർ തന്നെ അന്വേഷിച്ച്‌ തീർച്ചയായും അവിടെ എത്തും ഇനി എങ്ങോട്ട് പോകും?? അയാൾ ആലോചിച്ചു. നന്ദന വീട്ടിലുണ്ടോ എന്ന് ഏതു വിധേനയും അവർ അറിയും. ഉണ്ടെന്നറിയുമ്പോൾ തീർച്ചയായും അവർ, തന്നെ ഈ പരിസരങ്ങളിൽ അന്വേഷിക്കും. അതുകൊണ്ട് എത്രയും വേഗം ഇവിടെ നിന്ന് രക്ഷപ്പെടണം. പക്ഷേ എങ്ങോട്ട് ??അയാൾക്ക് ആലോചിച്ചിട്ട് ഒരുത്തരം കിട്ടിയില്ല. ഡാനിയുടെ കൂടെയുണ്ടായിരുന്ന ഗു.ണ്ട.കൾ സിറ്റിയിലൂടെയെല്ലാം അയാളെ അന്വേഷിക്കുകയാണ്. അവനെ കയ്യിൽ കിട്ടിയാൽ ആ നിമിഷം തീർത്തു കളയാനാണ് മുതലാളി പറഞ്ഞിരിക്കുന്നത്. ആദ്യം നിതാരയെ രക്ഷപ്പെടുത്തിയത് അവനാണെന്ന് തങ്ങൾക്ക് മനസ്സിലാക്കാൻ കഴിഞ്ഞില്ല. കൂടെ നിന്ന് ചതിച്ചവനാണ്. അവന് ജീവിച്ചിരിക്കാനുള്ള യോഗ്യതയില്ല. അവർ അവന്റെ വീട്ടിലേക്ക് അവനെ അന്വേഷിച്ചുചെന്നു. അവൻ അവിടെ ചെന്നിട്ടില്ല എന്നറിഞ്ഞവർ അവന്റെ വീട് അടിച്ചു തകർത്തു കളഞ്ഞു. 🍀🍀🍀🍀🍀🍀 നിതാര രക്ഷപ്പെട്ടു വന്നതിനു ശേഷം വിശ്വനാഥൻ വീട്ടിൽ,അവളുടെ സുരക്ഷയ്ക്കായി രണ്ട് ആളുകളെ നിയോഗിച്ചു. സിസിടിവി ക്യാമറകൾ വച്ചു. നിതാര രക്ഷപ്പെട്ടു വന്നതറിഞ്ഞു യമുനയും അമ്പാടിയും അവളെ കാണാനായി വന്നു പക്ഷെ ഗേറ്റ് തുറക്കാൻ പോലും വിശ്വനാഥൻ നിയോഗിച്ച ആളുകൾ സമ്മതിച്ചില്ല. അമ്പാടിയാണെങ്കിൽ അവളെ കാണണമെന്ന് പറഞ്ഞു കരയാൻ തുടങ്ങി.. ബഹളം കേട്ട് നിതാര ഇറങ്ങി വന്നു. അവൾ ഗേറ്റിനരുകിലേക്ക് ചെന്നു. ഗേറ്റ് തുറന്ന് അമ്പാടിയെ എടുത്തു. അമ്പാടി അവളുടെ കഴുത്തിൽ ചുറ്റിപ്പിടിച്ചു തോളിൽ പതിഞ്ഞു കിടന്നു നിതാര അവനെയും കൊണ്ട് അകത്തു പോയി ചോക്ലേറ്റ് എടുത്തികൊണ്ടുവന്ന് കൊടുത്തു. ആ... മതി പോകാൻ നോക്ക്. കാവൽ നിന്നവരിൽ ഒരുവൻ പറഞ്ഞു മോൻ പൊയ്ക്കോ, ചേച്ചി പിന്നെ അവിടേക്കു വരാം കേട്ടോ, നിതാര അവനെ യമുനയുടെ കൈയിൽ കൊടുത്തു. അവർ വീട്ടിലേക്ക് നടന്നു. 💚💚💚💚💚 വീട്ടിൽ തന്നെയിരുന്ന് നിതാര ആകെ മടുത്തു. പുറത്തേക്കിറങ്ങാൻ പോലും അച്ഛൻ സമ്മതിക്കില്ല. കൂടാതെ കാവലിന് ആളും. എത്ര ദിവസമെന്നു വെച്ചാണ് ഇങ്ങനെ പേടിച്ച്പേടിച്ചു ജീവിക്കുന്നത്. ഒന്ന് പുറത്തേക്കു പോലും പോകുവാനാകാത്ത ഈ ജീവിതം എത്ര മടുപ്പ് നിറഞ്ഞതാണ്. പിറ്റേന്ന് രാവിലെ നിതാര അമ്പലത്തിലേക്ക് പോകാൻ ഒരുങ്ങി. വാഹനത്തിൽ ഡ്രൈവറെ കൂടാതെ കാവൽ നിൽക്കുന്ന രണ്ടു പേർ കൂടി കയറി. പരാതി പറഞ്ഞിട്ട് കാര്യമില്ല. മകളുടെ സുരക്ഷയെ കരുതി അച്ഛൻ ഏർപ്പാട് ചെയ്തിരിക്കുന്നതാണ്. സാരമില്ല. അമ്പലത്തിൽ പോയി മനസ്സ് നിറഞ്ഞു പ്രാർത്ഥിക്കണം, ഇല്ലെങ്കിൽ തനിക്ക് ഭ്രാന്ത് പിടിക്കും. അവൾ അമ്പലത്തിൽ എത്തി. കൂടെ വന്നവർ കരുതലോടെ പുറത്തു നിന്നു. അവൾ സമാധാനത്തോടെ അകത്തു കയറി തൊഴുതു. ശ്രീക്കോവിലിനരുകിൽ നിൽക്കുമ്പോഴാണ് നിതാര എന്നാ വിളിയോച്ച കേട്ടവൾ നോക്കിയത്. ഡാനി... നിങ്ങളെന്താ ഇവിടെ ?? അവൾ ചോദിച്ചു. ഞാൻ പെരുവഴിയിലായി. എന്നെ കൈയിൽ കിട്ടിയാൽ അവർ ത.ട്ടിക്കളയും. ഞാൻ ആരുടേയും കണ്ണിൽ പെടാതെ ഒളിച്ചു നടക്കുകയാണ്. ഒളിച്ചിരിക്കാൻ പറ്റിയ സ്ഥലം ആണല്ലോ അമ്പലം ?? അവൾ ചിരിച്ചു ഒളിച്ചിരിക്കാൻ വേണ്ടി അമ്പലത്തിൽ വന്നതല്ല.താൻ ഇങ്ങോട്ട് വരുന്നത് കണ്ടിട്ട് കയറിയതാണ് അവന്മാരുടെ കണ്ണിൽ പെട്ടാൽ എന്ത് ചെയ്യും ??അവൾ ചോദിച്ചു ഒന്നും ചെയ്യണ്ട. ചെയ്യേണ്ടതൊക്കെ അവന്മാർ ചെയ്തോളും. എന്റെ വീട് അവർ നശിപ്പിച്ചു എന്നാണ് അറിയാൻ കഴിഞ്ഞത്. അല്ലെങ്കിലും അവിടേക്ക് പോകാൻ പറ്റില്ല. ഇനി എന്ത് ചെയ്യും?? എന്ത് ചെയ്യാൻ ഒളിച്ചു നടക്കും. അത് കഴിയുമ്പോൾ അവന്മാർ പിടിക്കും, പിന്നെ തട്ടി കളയും അത്രതന്നെ. ഒരു കാര്യം ചെയ്യ്. എന്റെ വീട്ടിലേക്കു വാ.. നിതാര പറഞ്ഞു. അതുകൊള്ളാം അവിടെയാകുമ്പോൾ കാവൽ നിർത്തിയിരിക്കുന്ന ഗു.ണ്ടകൾ എന്നേ പഞ്ഞിക്കിട്ടോളുമല്ലോ അല്ലേ?? അവർ കാണാതെ വരണം. അതിന് മുഴുവൻ സിസിടിവി അല്ലേ?? അത് മുൻവശത്ത് മാത്രേ ഉള്ളൂ അല്ല. ഇക്കാര്യമൊക്കെ ഡാനി എങ്ങനെ അറിഞ്ഞു ?? അതൊക്കെ ഞാൻ അറിയും. കാവൽ നിൽക്കുന്നവരുടെ ശ്രദ്ധ ഞാൻ മാറ്റിത്തരാo, ഡാനി അങ്ങോട്ട് പോരേ, ഉച്ചക്ക് കൃത്യം ഒരു മണി ആകുമ്പോൾ വരണം.പിൻവശത്ത് കൂടെ അടുക്കളയിൽ കയറി. ഡ്രോയിങ് റൂമിലേക്ക് വന്നിട്ട് , മുകൾ നിലയിലേക്ക് കയറണം. അത്രയും പറഞ്ഞിട്ട് അവൾ അമ്പലത്തിൽ നിന്നിറങ്ങി.. നിതാര വീട്ടിൽ എത്തുമ്പോൾ അച്ഛൻ അക്ഷമയോടെ കാത്തു നിൽപ്പുണ്ടായിരുന്നു. മോളെ നീ പുറത്തേക്ക് പോയാൽ,അച്ഛന് ഒരുതരം ഭയമാണ് മനസ്സിൽ. നീ തിരിച്ചു വരുന്നത് വരെ പിന്നെ ഒരു സമാധാനവുമില്ല.അച്ഛൻ പറഞ്ഞു. ഇങ്ങനെ പേടിച്ച് പേടിച്ച് എത്രനാൾ ജീവിക്കുമച്ഛമ, ഇനിയിപ്പോൾ മറ്റാരുടെയെങ്കിലും കൈ കൊണ്ട് തീരണമെന്നാണെങ്കിൽ,അങ്ങനെയങ്ങു നടക്കട്ടെ. അങ്ങനെ പറയല്ലേ മോളെ എനിക്ക് നീ മാത്രേ ഉള്ളൂ.. എങ്കിൽ ഞാൻ അമ്മയുടെ അടുത്തേക്ക് മടങ്ങി പൊക്കോട്ടെ അച്ഛാ.. അതാ നല്ലത്.. അതാകുമ്പോൾ ഇങ്ങനെ പേടിക്കണ്ടല്ലോ.അച്ഛൻ പറഞ്ഞു. അവൾ മുറിയിലേക്ക് പോയി അമ്മ വിളിച്ചിട്ട് കുറേ ദിവസമായി. അങ്ങോട്ട് വിളിച്ചിട്ട് ബെൽ പോലുമില്ല. അമ്മയുടെ ഒരു കൂട്ടുകാരിയെ വിളിച്ചു നോക്കിയാപ്പഴാണ്,അമ്മ നാട്ടിലേക്ക് പുറപ്പെട്ടിട്ടുണ്ടെന്നറിഞ്ഞത്. വന്നാലും അമ്മ അമ്മയുടെ വീട്ടിലേക്കേ പോകൂ... എന്തായാലും അമ്മയുടെ വീട്ടിൽ കുറച്ച് ദിവസം പോയി നിൽക്കണം അവൾ മനസ്സിൽ വിചാരിച്ചു. 🍀🍀🍀🍀🍀 ഉച്ചയോടു കൂടി ഡാനി നിതാരയുടെ വീടിനടുത്ത് എത്തി. ഒരുമണിയാകുമ്പോൾ മറ്റുള്ളവരുടെ ശ്രദ്ധ തിരിക്കാമെന്നാണ് നിതാര പറഞ്ഞിരിക്കുന്നത്. ആ സമയത്ത് വീടിന്റെ പിൻവാതിലിൽ കൂടെ അകത്ത് കടക്കണമെന്നാണ് നിർദേശം അയാൾ പതിയെ പതിയെ പിറകുവശത്തേക്കു ചെന്നു. 💛💛💛💛💛 തുടരും. കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #📙 നോവൽ #📔 കഥ #💞 പ്രണയകഥകൾ #✍ തുടർക്കഥ