ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6d4zW56?d=n&ui=v64j8rk&e1=cമന്ത്രകോടി :പാർട്ട്‌ -23💚🌺 അവൾ മുഖമൊന്ന് അമർത്തി തുടച്ചു ശേഷം മുന്നിലേക്ക്‌ നോക്കുമ്പോഴായിരുന്നു ചെമ്പരത്തി വേലികൾ കഴിഞ്ഞ് അപ്പയുടെ കാർ വരുന്നത് കാണുന്നത്. ഭാമ ഇരുന്നിടത്ത് നിന്നും പെട്ടന്ന് എഴുന്നേറ്റു. കാർ മുറ്റത്തേക്ക് കയറ്റി നിർത്തി ഡ്രൈവിങ് സീറ്റിൽ നിന്നും അപ്പ ഇറങ്ങിയതും അവളുടെ മുഖം സന്തോഷം കൊണ്ട് വിടർന്നു. പിന്നാലെ തന്നെ ചെറിയമ്മയും ഇറങ്ങി . ഭാമ പെട്ടന്ന് നിന്നിടത്ത് നിന്നും ഇറങ്ങി അവർക്കടുത്തേക്ക് ചെന്നു...... അതേ സമയം തന്നെ പുറകിലെ ഇരു ഡോറുകൾ തുറന്ന് കാവ്യയും നവ്യയും പുറത്തേക്കിറങ്ങി...... എല്ലാവരെയും കണ്ടതും ഭാമയുടെ മുഖം സന്തോഷം കൊണ്ട് വിടർന്നു..... അവൾ തനിക്ക് മുന്നിലേക്ക്‌ വന്ന അപ്പയ്ക്ക രികിലേക്ക് ദൃതിയിൽ വന്ന് ആ കൈൾ കവർന്നു.... അപ്പാ...... കാത്തിരുന്ന് മുഷിഞ്ഞോ മോളെ...... ഇല്ലപ്പാ ...... ഞാൻ കുറച്ച് സമയമായേ ഉള്ളൂ ഇവിടെ വന്നിരിക്കാൻ തുടങ്ങിയിട്ട് ...... ആഹ്ഹ്.... ആണോ...... ഞങ്ങൾ ഇറങ്ങാൻ ഇച്ചിരി വൈകി..... വേണു പറഞ്ഞു.... ചേച്ചീയ്....... സുഖാണോ? കാവ്യ അവൾക്കരികിലേക്ക് വന്ന് ചേർന്ന് നിന്നുകൊണ്ട് ചോദിച്ചു...... സുഖാണെടാ...... അകത്തേക്ക് വാ എല്ലാരും...... അപ്പയുടേയും കാവ്യയുടേയും കൈ പിടിച്ചു കൊണ്ട് ചെറിയമ്മയേയും നവ്യയേയും നോക്കി പറഞ്ഞു കൊണ്ടവൾ തിരിഞ്ഞു..... ചെറിയമ്മയും നവ്യയും വീടിന്റെയും പറമ്പിന്റെയും നീളവും വീതിയും അളക്കുന്ന തിരക്കിലായിരുന്നു . ഭാമ വിളിക്കുന്നത് കേട്ടതും ശ്രദ്ധ മാറ്റി ഇരുവരും അവർക്കൊപ്പം അകത്തേക്ക് കയറി. ഹാളിലേക്ക് എത്തി എല്ലാവരെയും ഇരിക്കാൻ പറഞ്ഞുകൊണ്ട് അവൾ അടുക്കളയിലേക്ക് നടന്നു... സോഫയിൽ ഇരുന്നിട്ടും ശാരദ വീടുമുഴുവൻ അളക്കുന്ന തിരക്കിലായിരുന്നു. വലിയ സെറ്റപ്പിലൊക്കെയാണെന്ന് തോന്നുന്നു അല്ലേ അമ്മേ....... ഹ്മ്മ്മ്..... അടുത്തിരുന്ന നവ്യ പറയുന്നത് കേട്ട് വലിയ തെളിച്ചമില്ലാതെ അവരൊന്നു മൂളി.... ആ സമയമാണ് മുറ്റത്ത്‌ വന്നുനിന്ന കാർ ബാൽക്കാണിയിൽ നിന്ന് കണ്ടുകൊണ്ട് പല്ലവി ഇറങ്ങി വരുന്നത്. കോണിപ്പടികൾ ഇറങ്ങിവരുന്ന അവൾ ആരാണെന്ന് നവ്യക്കും ശാരദയ്ക്കും മനസ്സിലായില്ലെങ്കിലും കാവ്യക്കും അപ്പയ്ക്കും എന്നും വിളിക്കുമ്പോഴുള്ള വിശേഷം പറച്ചിലിൽ നിന്നും പല്ലവി ആരാണെന്ന് മനസ്സിലായിരുന്നു..... ആഹാ...... എല്ലാരും എത്തിയോ..... ഇറങ്ങി വന്നുകൊണ്ടവൾ ചോദിച്ചു.... കാവ്യയും അപ്പയും അവളെ നോക്കി ചിരിച്ചു. പല്ലവി മോള് അല്ലേ...... അപ്പ മെല്ലെ ചോദിച്ചു.... അതേ പല്ലവി മോളാണ്..... ഭാമ വിളിക്കുമ്പോ പറയാറുണ്ട്..... വേണു പുഞ്ചിരി യോടെ പറഞ്ഞു ചേച്ചിക്കിന്ന് പോണ്ടാരുന്നോ? അവളെ നോക്കി കൊണ്ട് കാവ്യ ചോദിച്ചു... ഇല്ലെടാ ഇന്ന് പോണ്ടാരുന്നു.... ആളെ മനസ്സിലായില്ലെങ്കിലും നവ്യയും ശാരദയും പല്ലവി നോക്കുന്നത് കണ്ട് ഒന്ന് ചിരിച്ചെന്ന് വരുത്തി. അപ്പോഴേക്കും അടുക്കളയിലേക്ക് പോയ ഭാമ എല്ലാവർക്കുമായുള്ള ജ്യൂസുമായി തിരിച്ചെത്തി....... ഭാമയത് ഓരോരുത്തർക്കായി നീട്ടി...... എല്ലാവരും അത് കുടിക്കാൻ തുടങ്ങുന്ന സമയമായിരുന്നു മെറിൻ മുകളിൽ നിന്നും ഇറങ്ങി വരുന്നത് അവളുടെ ചപ്പലിന്റെ ശബ്ദം കേട്ട് ഭാമയും പല്ലവിയുമാണ് ആദ്യം അവിടേക്ക് നോക്കിയത് . ആ നിമിഷം തന്നെ വരുടെ നെറ്റിയൊന്ന് ചുളിഞ്ഞു.... ചെറിയൊരു ഷോട്സും നെക്ക് കുറച്ച് താഴ്ച യുള്ള സ്ലീവ് ലെസ്സ് ബനിയനും അത് അവളുടെ ശരീരത്തോട് ഒട്ടി കിടക്കുന്നു...... ഇതുവരെ ഇങ്ങനെയുള്ള വസ്ത്രങ്ങളിൽ ആരെയും കാണാത്തത് കൊണ്ടാകാം ഭാമയിൽ പെട്ടന്നൊരു വല്ലായ്മ നിറഞ്ഞു.... പല്ലവി ഇത്തരം കാഴ്ചകൾ കണ്ടിട്ടുള്ളതാണെങ്കിലും നാട്ടിൽ പൊതുവേ ആരും ഇങ്ങനെ വേഷം ധരിക്കുന്നത് അധികം കണ്ടിട്ടില്ല. ഇരുവരുടെയും നോട്ടവും മെറിൻ ഇറങ്ങി വരുന്ന ശബ്ദവും കേട്ടതുകൊണ്ടാകാം ഹാളിൽ ഇരുന്ന എല്ലാവരും തിരിഞ്ഞു നോക്കി...... എല്ലാവരുടെയും മുഖം ഒരുപോലെ ചുളുങ്ങി..... ഭാമേ..... ഒരു വണ്ടിയുടെ ശബ്ദം കേട്ടല്ലോ മഹിയാണോ വന്നേ..... ഭാമയെ നോക്കി സ്റ്റെപ്പിൽ നിന്ന് തന്നെ അവൾ ചോദിച്ചു. അല്ല..... എന്റെ വീട്ടിൽ നിന്നും റിലേറ്റീവ്സ്‌ വന്നതാണ്..... ഓഹ് ഒക്കെ..... ഹാളിൽ ഇരിക്കുന്നവരെ ഒന്ന് കണ്ണോടിച്ചു കൊണ്ട് മൂളി ക്കേട്ട് അവൾ തിരിഞ്ഞ് വേഗത്തിൽ സ്റ്റെപ് കയറി മുകളിലേക്ക് നടന്നു..... ആരാ അത്...... ശാരദ ഭാമയെ നോക്കി ചോദിച്ചു...... അത്...... മഹിയേട്ടന്റെ വൈഫ് ആണ്...... മഹിയുടെയോ? കണ്ണുകൾ വിടർത്തി അവർ ചോദിച്ചു..... അപ്പോ അവൻ തിരിച്ചു വന്നോ? ഹ്മ്മ്മ്....... ഹാളിൽ അപ്പയൊഴികെ ബാക്കി എല്ലാവരുടെയും മുഖം അമ്പരപ്പിലാണ്..... നിങ്ങളിത് കേട്ടോ?? മഹി വന്നെന്ന്...... ശാരദ ഭർത്താവിന്റെ മുഖത്തേക്ക് നോക്കി.... കേട്ടു.... അവളെന്നെ വിളിച്ചപ്പോ പറഞ്ഞിരുന്നു.... ഓഹ്...... അത് കേട്ടതും അവരിലൊരു പുച്ഛം നിറഞ്ഞു...... ഏതായാലും മൂത്ത മരുമകൾ കൊള്ളാം.... നല്ല പരിഷ്കാരി തന്നെ...... അടക്കോം ഒതുക്കോം കൂടുതൽ ആണെന്ന് എഴുതി വച്ചിട്ടുണ്ട്..... അവർ അതേ പുച്ഛത്തോടെ തന്നെ പറഞ്ഞു. ശാരദേ....... ഭാര്യയുടെ നാവിന് വിലങ്ങു പോലെ അയാൾ വിളിച്ചു...... ഏതായാലും ഇതുവരെ വല്ലാത്തൊരു വീർപ്പുമുട്ടലായിരുന്നു ഭാമ നന്നായി ജീവിക്കുന്നല്ലോ എന്നോർത്ത് ഇപ്പോ ഒരാശ്വാസം പോലെ..... മഹിയുമായുള്ള വിവാഹം മുടങ്ങിയതല്ലേ..... നന്ദനുമായി അധികം അടുത്തിട്ടും ഉണ്ടാകില്ല. എന്തൊക്കെ പറഞ്ഞാലും ആ സങ്കടം ഭാമയ്ക്ക് കാണാതൊരിക്കില്ല. ഒരു രഹസ്യമായ ഒരാനന്ദത്തിൽ അവരുടെ മനസ്സ് നിറഞ്ഞു. മെറിൻ പോയതിനു പുറകെ എല്ലാവരും നിശബ്ദമായ ആ സമയം തന്നെയാണ് ദേവകിയമ്മ കയറി വരുന്നത്. ആഹാ എല്ലാരും നേരത്തേ എത്തിയോ? ഹാളിലേക്ക് വന്നുകയറിയതും മുന്നിലിരിക്കുന്നവരോടായി അവർ ചോദിച്ചു. ഹേയ് ഇല്ലന്നേ..... വന്ന് കയറിയതേ യുള്ളൂ..... വേണു പറഞ്ഞു. ആണോ.......... നിങ്ങളൊക്കെ വരുന്നത് കൊണ്ട് ഞാൻ നേരത്തേ അങ്ങ് ഇറങ്ങി..... അഹ്..... മോള് പറഞ്ഞാരുന്നു ടീച്ചർ ഉച്ചക്ക് എത്തുമെന്ന്..... അപ്പയൊരു ചിരിയോടെ പറഞ്ഞു. ഞാനൊന്നു ഫ്രഷ് ആയി വരാം...... മക്കള് ഇവർക്ക് കഴിക്കാൻ വിളമ്പ് കേട്ടോ .... പല്ലവിയേയും ഭാമയെയും നോക്കിയവർ പറഞ്ഞു...... ഭാമ എല്ലാവരും കുടിച്ചു കഴിഞ്ഞ ഗ്ലാസുകൾ വാങ്ങി ശേഷം എല്ലാവരെയും ഊണ് മേശക്കരികിലേക്ക് ക്ഷെണിച്ചു...... 💖💖💖💖💖💖 വേഗം തന്നെ ഫ്രഷ് ആയി വന്ന് ദേവകിയമ്മയും ഊണ് വിളമ്പാനും എല്ലാവർക്കും ആവശ്യമുള്ളത് എടുത്ത് നൽകാനും സഹായിച്ചു..... നന്ദൻ എപ്പോഴാ മോളെ വരുന്നേ...... ഊണ് കഴിഞ്ഞ് ഹാളിൽ വിശ്രമിക്കുന്ന നേരം അപ്പ ചോദിച്ചു..... അത് കേൾക്കാനിരുന്നപോലെ നവ്യ ആ ഭാഗത്തേക്ക്‌ ചെവിയോർത്തു..... നന്ദേട്ടൻ വരാൻ വൈകിട്ടാകും അപ്പാ...... ആണോ..... അപ്പോ ഞങ്ങൾ പോകുന്നതിനു മുൻപ് ഇങ്ങ് എത്തില്ലല്ലേ...... ഇല്ലപ്പാ..... ലേറ്റ് ആകും....... തിരക്കില്ലേൽ വൈകിട്ട് ഏട്ടനെ കൂടി കണ്ടിട്ട് പോയാൽ പോരേ..... ഭാമ അപ്പയെ നോക്കി..... ഹേയ്..... നിൽക്കാനൊന്നും പറ്റില്ല..... ഇന്ന് തെക്കേടത്തേ ജാനകിടെ മോളുടെ കല്യാണം ഉള്ളതാ വൈകിട്ട് അങ്ങോട്ടിറങ്ങണം. ഭാമ പറയുന്നത് കേട്ട് പെട്ടന്ന് തന്നെ ശാരദ പറഞ്ഞു..... അത് കേട്ടതും അടുത്തിരുന്ന നവ്യ യുടെ മുഖം മങ്ങി..... ഒരിക്കൽ കണ്ടതാണ് ആ മുഖം അറിയാതെ ഉള്ളിൽ കൊത്തി വച്ചുപോയി..... ഇതുവരെ ആരോടും തോന്നാത്തൊരു വികാരം..... അതിപ്പോൾ എങ്ങനെ വിവരിക്കുമെന്ന് പോലും അറിയില്ല..... ഒന്നുകൂടി കാണാൻ കഴിഞ്ഞെങ്കിൽ..... അവളുടെ മനസ്സ് പറഞ്ഞു. ശെരിയാമോളെ ഇന്ന് ആ കൊച്ചിന്റ കല്യാണം ഉണ്ട് പിന്നൊരിക്കൽ ആകട്ടെ.... ശാരദ പറഞ്ഞത് കേട്ട് വേണു ഭാമയെ നോക്കി പറഞ്ഞു..... അപ്പ പറയുന്നത് കേട്ടതും ഭാമയൊന്ന് മൂളി...... അപ്പോഴേക്കും അകത്തു നിന്ന് ദേവകി ടീച്ചർ ഇറങ്ങി വന്നു...... ചായക്ക് ഉണ്ടാകുമല്ലോ എല്ലാവരും...... അയ്യോ..... ദേവകി ടീച്ചറെ ചായക്കുള്ള സമയം വരെ നിൽക്കുന്നില്ല........ ഇച്ചിരി കൂടി കഴിയുമ്പോ ഞങ്ങളിറങ്ങും. പിന്നെ........ ഞങ്ങളിന്ന് വന്നത് ഭാമയെ കാണാൻ മാത്രമല്ല. മറ്റൊരു സന്തോഷമുള്ള കാര്യം പറയാൻ കൂടിയാ..... എല്ലാവരും ഒരുമിച്ചിരിക്കുമ്പോ പറയാംന്ന് കരുതി. എല്ലാവരും ഒരുപോലെ വേണുവിനെ നോക്കി. കാവ്യക്കൊരു വിവാഹാലോചന വന്നിട്ടുണ്ട്. കാവ്യക്കോ ... ഭാമയുടെ മുഖം സന്തോഷം കൊണ്ട് വിടർന്നു അത് നല്ല കാര്യമാണല്ലോ...... ദേവകി അമ്മയുടെ മുഖവുമൊന്ന് വിടർന്നു..... അധികം സംസാരിച്ചിട്ടില്ലെങ്കിലും ഭാമയെ പോലെ തന്നെ നല്ലൊരു കുട്ടിയാണ് കാവ്യയും എന്നവർക്കറിയാം. ഭാമമോൾക്ക് സർപ്രൈസ് കൊടുക്കണം എന്ന് പറഞ്ഞത് കൊണ്ടാ ഫോൺ വിളിച്ചപ്പോഴൊന്നും പറയാത്തത്..... ഭാമയേ നോക്കി അപ്പ പറഞ്ഞതും ഭാമ നേരെ കാവ്യയേ നോക്കി.... അവൾ പുഞ്ചിരിക്കുകയാണ്..... ചെക്കൻ എന്ത് ചെയ്യുന്നു.... ദേവകിയമ്മ ചോദിച്ചു. കുവൈറ്റിൽ ആണ് അവിടെ ഒരു കമ്പിനിയിൽ അസിസ്റ്റന്റ് മാനേജർ ആയി വർക്ക്‌ ചെയ്യുന്നു. ശാരദ യുടെ അമ്മയുടെ ബന്ധത്തിൽ നിന്ന് വന്ന ആലോചനയാ.... ആഹാ..... പെണ്ണുകാണൽ ഒക്കെ കഴിഞ്ഞോ ഹേയ് ഇല്ല ടീച്ചറെ..... ഒരാഴ്ചക്കുള്ളിൽ പെണ്ണുകാണൽ ഒക്കെ ഉണ്ടാകും. ഡേറ്റ് ഞാൻ വിളിച്ചു പറയാം ....... ആയിക്കോട്ടെ...... ടീച്ചർ അത് പറഞ്ഞു കൊണ്ട് നിവർന്നതും കോണിപ്പടികൾ ഇറങ്ങി വരുന്ന മെറിനെ ആണ്‌ കണ്ടത്..... നേരത്തേ ഇട്ടിരുന്ന അതേ വേഷം തന്നെയാണ്...... ടീച്ചർ ആ ഭാഗത്തേക്ക്‌ നോക്കുന്നത്കണ്ടതും മുന്നിലിരുന്നവരും അവിടേക്ക് നോക്കി..... നേരത്തേ തന്നെ എല്ലാവരും മെറിനെ കണ്ടതുകൊണ്ട് ആദ്യത്തെ അത്ര ഞെട്ടലില്ല. ഭാമേ ഫുഡ്‌ ഡയിനിങ് ടേബിളിൽ ഉണ്ടോ... മുന്നോട്ട് ഇറങ്ങി വന്നതും അവൾ ചോദിച്ചു.. ഹ്മ്മ്.... ഉണ്ട്..... ഭാമ ഉത്തരം പറഞ്ഞതും അവിടിരിക്കുന്ന ആരെയും ശ്രദ്ധിക്കാതെ അവൾ ഡയിനിങ് ഹാളിലേക്ക് നടന്നു...... ദേവകിയമ്മയുടെ മുഖം വല്ലായ്മ നിറഞ്ഞു..... മൂത്ത മരുമോൾ ആണല്ലേ ടീച്ചറെ....... ഏതായാലും കൊള്ളാം..... മെറിൻ പോയ വഴിയേ നോക്കിക്കൊണ്ട് ശാരദ പറഞ്ഞു..... ദേവകിയമ്മ ഒന്നും മിണ്ടിയില്ല. എന്നാ ഞങ്ങൾ ഇറങ്ങട്ടെ...... ശാരദ ഒരു സംസാരത്തിന് തുടക്കം കുറിക്കുകയാണെന്നു കണ്ടതും വേണു തിടുക്കം കൂട്ടി ...... നന്ദനും കൂടി വന്നിട്ട് പോകാമായിരുന്നു..... ടീച്ചർ പോകാൻ എഴുന്നേൽക്കുന്ന അയാളെ കണ്ടതും പറഞ്ഞു.... അത് പിന്നൊരിക്കലാകാം ടീച്ചറെ...... അത് കേട്ടതും... എല്ലാവരും പോകാനെഴുന്നേറ്റു ..... ഇറങ്ങട്ടെ മോളെ....... മുന്നിലേക്ക്‌ വന്ന് അപ്പ ചോദിച്ചതും അവളിൽ ഇതുവരെ ഇല്ലാത്ത സങ്കടം നിറഞ്ഞു. ഹ്മ്മ്മ്...... അവളൊന്നു മൂളി..... കാവ്യ മെല്ലെ അവളെ ഒന്ന് ചുറ്റിപിടിച്ചു കൊണ്ട് യാത്ര പറഞ്ഞു...... എല്ലാവരും മുറ്റത്ത്‌ എത്തി കാറിൽ കയറുന്നത് വരെ അമ്മയും ഭാമയും കൂടെ വന്നു..... കാവ്യക്കും അപ്പക്കും ചെറിയ വിഷമമുണ്ടെങ്കിലും നവ്യക്കും ശാരദയ്ക്കും അതില്ലായിരുന്നു. ശാരദക്ക് മെറിനെ കണ്ടിട്ട് എന്തൊക്കെയോ പറയാൻ വെമ്പി നിന്നിട്ടും അതൊന്നും പറയാൻ കഴിയാത്ത വല്ലായ്മ ആ മുഖത്തു നിറഞ്ഞു നിന്നു. പക്ഷെ വേണുവിനെ പേടിച്ച് അവരൊന്നും മിണ്ടിയില്ല. എല്ലാവരും കയറി വണ്ടി ചെമ്പരത്തി വേലികഴിഞ്ഞ് മറയുന്നത് വരെ അവർ പുറത്ത് നിന്നു. 🌼🌼🌼🌼🌼🌼 ഒരു കുഞ്ഞ് ഉടുപ്പും..... ഇത്തിരി പോന്നൊരു നിക്കറും...... എനിക്ക് കണ്ടിട്ട് വല്ലാണ്ടായി...... ഇതുവരെ ഇങ്ങനെ ഇട്ടൊന്നും കണ്ടിട്ടില്ലാത്തതുകൊണ്ടായിരിക്കും എനിക്ക് ഇഷ്ടായില്ല..... അല്ലെങ്കിൽ തന്നെ ഇത്രയും പേരുള്ള ഒരു വീട്ടിൽ ഇടാൻ പറ്റുന്നതൊക്കെ ആണോ അത്.... രാത്രി നന്ദനരികിലായി കിടന്നു കൊണ്ട് അപ്പയും അമ്മായിയും വന്നതിനെ ക്കുറിച്ചുള്ള വിശേഷങ്ങൾ പറയുകയായിരുന്നു...... അതിനിടയിൽ ഓർമ്മ വന്നതാണ് മെറിന്റെ കാര്യം...... ഭാമയാ പറയുന്നത് കേട്ടതും നന്ദനൊന്ന് ശബ്ദമില്ലാതെ ചിരിച്ചുപോയി....... റൂമിലെ ലൈറ്റ് എല്ലാം ഓഫ്‌ ചെയ്ത് ടേബിൾ ലൈറ്റ് ന്റെ വെളിച്ചം മാത്രമേ ഉള്ളൂ ആ മുറിയിൽ..... നന്ദന്റെ പതിഞ്ഞ ചിരിയുടെ ശബ്ദവും ചിരിക്കുമ്പോൾ വിടരുന്ന കവിളികളും അവളാ മഞ്ഞ വെളിച്ചത്തിൽ കൃത്യമായി കണ്ടു ദേ..... ചിരിക്കല്ലേട്ടോ നന്ദേട്ടാ..... ഞാൻ ശെരിക്കും കണ്ട കാര്യമാ പറഞ്ഞേ...... ആയിക്കോട്ടെ...... കാണാത്ത കാര്യാണെന്ന് ഞാൻ പറഞ്ഞില്ലല്ലോ..... പിന്നെന്തിനാ ചിരിച്ചേ....... വെറുതെ....... തനിക്ക് അങ്ങനത്തെ ഡ്രെസ്സ് ഇടാനൊന്നും ആഗ്രഹമില്ലേ..... നന്ദൻ ചോദിച്ചു അയ്യേ...... എനിക്ക് ഇഷ്ടല്ല...... മുഖം ചുളിച്ചവൾ പെട്ടന്ന് മറുപടി പറഞ്ഞു. അവിടെ വീണ്ടും ചിരി...... എന്തിനാ നന്ദേട്ടാ ഈ ചിരി..... എനിക്ക് ദേഷ്യം വരുന്നുണ്ടേ...... അഥവാ ഭാമക്കുട്ടി അങ്ങനുള്ള ഡ്രെസ്സ് ഇട്ടാലും എനിക്ക് കുഴപ്പം ഒന്നും ഇല്ലാട്ടോ..... പുറത്ത് വേണ്ട..... ഈ റൂമിന് അകത്തു മാത്രം മതി നല്ല ഭംഗി ഉണ്ടാകും..... എപ്പോഴാണേലും കാണാൻ ഞാൻ റെഡിയാ..... പതിഞ്ഞ ശബ്ദത്തിൽ തന്റെ കാതിനരികിൽ വന്നവൻ പറഞ്ഞതും അവളുടെ കണ്ണുകൾ മിഴിഞ്ഞുപോയി...... നിമിഷ നേരം കൊണ്ട് അവന്റെ യാ കൈത്തണ്ടയിൽ നല്ലൊരു ശബ്ദത്തോടെ ഒരു അടിവീണിരുന്നു.... തുടരും 💚🌺 ലേറ്റ് ആക്കിയതിൽ സോറി....... പനിയാണ്..... ഇന്നും ഒരു ഡ്രിപ്പും കേറ്റി വന്നേ ഉള്ളൂ.... 🤕 അടുത്ത പാർട്ട്‌ പെട്ടന്ന് തരാം.. 💚 പ്രാർത്ഥിക്കുക തീരെ സുഖമില്ല കണ്ണൂർകാരൻ ❤️❤️❤️❤️ #📚 ട്വിസ്റ്റ് കഥകൾ #📔 കഥ #✍ തുടർക്കഥ #💞 പ്രണയകഥകൾ #📙 നോവൽ