ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6a8W68e6?d=n&ui=v64j8rk&e1=cPart 8അയാളോടൊപ്പം ഒരു സുന്ദര ജീവിതം കെട്ടിപ്പടുക്കാനും, അയാളുടെ കുഞ്ഞുങ്ങളെ പെറ്റുപോറ്റാനും കൊതിച്ചു കൊണ്ടാണ് താൻ അയാളോടൊപ്പം പോയത്. കർണ്ണാടകയിലേക്കായിരുന്നു അയാൾ തന്നെയും കൊണ്ടുപോയത് അവിടെ ഒരു വീട് വാടകയ്ക്ക് എടുത്തു. അത്യാവശ്യം സൗകര്യങ്ങൾ ഒക്കെയുള്ള ഒരു ഇടത്തരം വീടായിരുന്നത്. തന്റെ കഴുത്തിൽ ഒരു താലികെട്ടി സ്വന്തമാക്കിയിട്ട് മാത്രമേ തന്റെ വിരൽത്തുമ്പിൽ പോലും സ്പർശിക്കുവെന്ന് അദ്ദേഹം പറഞ്ഞപ്പോൾ തനിക്ക് അദ്ദേഹത്തിനോട് അതിരറ്റ സ്നേഹവും ബഹുമാനവും ഒക്കെ തോന്നി. രാവിലെ ഉണർന്ന് അദ്ദേഹത്തിനായി എന്തെങ്കിലും ഒക്കെ ഉണ്ടാക്കിവെച്ച്, വീട് അടിച്ചു തുടച്ച്‌, നല്ലൊരു ഭാര്യ അവൻ താൻ ശ്രമിച്ചുകൊണ്ടിരുന്നു അദ്ദേഹം അവിടെത്തന്നെ ചെറിയ ജോലി തരപ്പെടുത്തി. അദ്ദേഹം ജോലിക്ക് പോയാൽ പിന്നെ വരുന്നതുവരെ താൻ കാത്തിരിക്കും. ജോലി കഴിഞ്ഞു വരുമ്പോൾ തനിക്ക് എന്തെങ്കിലും ഒക്കെ കൊണ്ടുവരും. ഭക്ഷണം കഴിച്ചില്ലെങ്കിൽ വല്ലാതെ മെലിഞ്ഞുപോകും എന്ന് പറയും ഈ ലോകത്തിലെ ഏറ്റവും സുന്ദരി നീയാണെന്ന് പറയും തനിക്ക് പുതുവസ്ത്രങ്ങളും മുല്ലപ്പൂക്കളും ഒക്കെ കൊണ്ടുവന്നു തരും. കിട്ടുന്ന സാലറി ഒക്കെ ഞങ്ങൾ രണ്ടുപേരും കൂടി അടിച്ചുപൊളിച്ചു തീർക്കും. എങ്കിലും ഒരിക്കൽ പോലും തന്നെ സ്പർശിച്ചിട്ടില്ല. അദ്ദേഹത്തിന്റെ ജാതകപ്രകാരം ഏതോ ഒരു ദിവസം വിവാഹം കഴിച്ചാൽ നല്ലതാണെന്നും പറഞ്ഞ് അദ്ദേഹം ഞങ്ങളുടെ വിവാഹം നീട്ടി കൊണ്ടുപോയി. പൂർണ്ണമായും അദ്ദേഹത്തിന്റെതാകാൻ താൻ കൊതിക്കുകയായിരുന്നു. ഒന്ന് രണ്ട് മാസങ്ങൾ അങ്ങനെ കടന്നുപോയി. ഒരു ദിവസം തനിക്ക്‌ ജോലിക്ക് പോയാൽ കൊള്ളാമെന്നു താൻ പറഞ്ഞു. വല്ലവരുടെയും കീഴിൽ ജോലി ചെയ്ത്. അവരുടെ ആട്ടും തുപ്പും കേൾക്കണ്ട. നിന്നെ ഞാൻ പൊന്നുപോലെയല്ലേ നോക്കുന്നതെന്ന് അദ്ദേഹം പറഞ്ഞു. ശരിയാണ് താൻ ആഗ്രഹിക്കുന്നത് എന്തും അദ്ദേഹം തനിക്ക് വാങ്ങി നൽകുന്നുണ്ട്. അദ്ദേഹത്തിനോടൊപ്പം പോന്നതിൽ പിന്നെ താൻ ഒന്നുകൂടി സുന്ദരി ആയിട്ടും ഉണ്ട് അതുകൊണ്ട് ജോലി എന്ന മോഹം താൻ ഉപേക്ഷിച്ചു. അങ്ങനെയിരിക്കെ ഒരു ദിവസം പട്ടിയുടെ നിർത്താതെയുള്ള കുരകേട്ട് താൻ വാതിൽ തുറന്നു. മുൻപിൽ തന്റെ അച്ഛൻ, അച്ഛന്റെ കൂടെ പുതിയ ഭാര്യയും കുഞ്ഞുവാവയും ഉണ്ട് സങ്കടമാണോ സന്തോഷമാണോ തനിക്ക് തോന്നിയതെന്ന് ഇന്നും അറിയില്ല. താൻ ഇറങ്ങിച്ചെന്നു. അച്ഛന്റെ കണ്ണുകളിലെ നീർത്തിളക്കം കണ്ടപ്പോൾ ഉള്ളിൽ വല്ലാത്ത കുറ്റബോധം തോന്നി എന്തിനാ മോളെ നീ ഓടി പോയത് എന്ന് ചോദിച്ചച്ഛൻ കരഞ്ഞു നിന്നെ നല്ലൊരുത്തന്റെ കയ്യിൽ പിടിച്ചേൽപ്പിക്കാൻ, നിനക്കായി എന്തെങ്കിലും ഒക്കെ സമ്പാദിക്കുന്ന തിരക്കിലായിരുന്നു അച്ഛൻ. അച്ഛന് ഇഷ്ടക്കുറവുള്ളതായിട്ട് മോൾക്ക് തോന്നിയോ ??എന്ന് ചോദിച്ച്‌ അച്ഛൻ പൊട്ടിക്കരഞ്ഞു നിന്റെ അനിയനാണ്... അമ്മ കുഞ്ഞുവാവയെ തന്റെ നേരെ നീട്ടി. മോണ കാട്ടി ചിരിക്കുന്ന അവനെ താൻ കോരിയെടുക്കുകയായിരുന്നു. അവനെ മുത്തങ്ങൾക്കൊണ്ട്മൂടുകയായിരുന്നു. വൈകിട്ട് അദ്ദേഹം വന്നപ്പോൾ അവരോട് വളരെ നന്നായിയാണ് പെരുമാറിയത്. അവർക്കായി ഞാനും അദ്ദേഹവും ചേർന്ന് വിരുന്നുണ്ടാക്കി, അവരെ വയറു നിറയെ ഊട്ടി. പിറ്റേന്ന് രാവിലേ പോകാൻ നേരം അച്ഛൻ പറഞ്ഞു,നീ ഭാഗ്യവതിയാണ് മോളെ, ഇത്രയേറെ നിന്നെ സ്നേഹിക്കുന്ന ഒരുവനെ തന്നെയാണല്ലോ നിനക്ക് ഭർത്താവായി കിട്ടിയത് എന്ന് പറഞ്ഞ് തന്നെ അനുഗ്രഹിച്ചു. തനിക്കായി കരുതിയതൊക്കെ തന്നെ ഏൽപ്പിച്ചു. അന്ന് താനേറെ സന്തോഷിച്ച ദിവസമായിരുന്നു. അച്ഛന്റെ അനുഗ്രഹം കൂടി കിട്ടിയതോടെ അദ്ദേഹത്തെ താൻ കൂടുതൽ സ്നേഹിച്ചു. അങ്ങനെ അദ്ദേഹം പറഞ്ഞത് പോലെ ഒരു ദിവസം ഒരു ക്ഷേത്രത്തിൽ വച്ച് തന്റെ കഴുത്തിൽ താലി ചാർത്തി. അന്ന് താൻ വീടാകെ അലങ്കരിച്ചു ഭർത്താവിനായി സ്വാദുള്ള ഭക്ഷണം ഉണ്ടാക്കി, പുറത്തേക്ക് എവിടെയാ പോയ ഭർത്താവ് വരാനായി താൻ കാത്തിരുന്നു. അദ്ദേഹം വരുന്നതിനു മുൻപ് കുളിച്ച് പനങ്കുല പോലുള്ള മുടി കോതി ഉണക്കി, ശരീരമാകെ വാസന തൈലം പുരട്ടി അതി സുന്ദരിയായി താൻ അണിഞ്ഞൊരുങ്ങിയിരുന്നു. തന്റെ ഉടലിലെ ഓരോ രോമകൂപങ്ങളും എന്തിനോ വേണ്ടി മോഹിക്കുകയായിരുന്നു. അദ്ദേഹം ഒന്നു തൊട്ടാൽ പോലും ഉതിർന്നു വീഴാൻ പോകുന്ന ഒരു മനസ്സ് തന്റെയുള്ളിൽ തുടിക്കുകയായിരുന്നു. പക്ഷേ അദ്ദേഹത്തെ കാത്തിരുന്ന തന്നെ മുൻപിലേക്ക് കയറിവന്നത് മറ്റൊരാളായിരുന്നു. അദ്ദേഹം വന്നിട്ടില്ല എന്ന് താൻ പറഞ്ഞപ്പോൾ, അയാൾ ചിരിയോടെ അകത്തേക്ക് കയറി അപരിചിതനായ ഒരാൾ അകത്തു കയറി വന്നിരുന്നപ്പോൾ തനിക്ക് വല്ലാത്ത ഭയം തോന്നി കുടിക്കാൻ ഒരു ഗ്ലാസ് വെള്ളം തരുമോ എന്ന് അയാൾ ചോദിച്ചു പേടിയോടെയാണെങ്കിലും താൻ ഒരു ഗ്ലാസ് വെള്ളം കൊണ്ട് കൊടുത്ത നിമിഷത്തിലാണ് തന്റെ ഭർത്താവ് കയറി വന്നത്. അപ്പോൾ വലിയ ആശ്വാസം തോന്നി അദ്ദേഹം അയാളെ തനിക്ക് പരിചയപ്പെടുത്തി, തന്നെ ഒരുപാട് സഹായിച്ചിട്ടുള്ള ആളാണ്. നമ്മളിപ്പോൾ സന്തോഷത്തോടെ ജീവിക്കാൻ കാരണം അയാളാണ് എന്ന് പറഞ്ഞു. താൻ രണ്ടാൾക്കും ഭക്ഷണം വിളമ്പി. അതിഥിക്കായി വീട്ടിലെ മറ്റൊരു മുറി ഒരുക്കി. തങ്ങളുടെ മുറിയിൽ ഭർത്താവിനെയും കാത്തിരുന്ന എന്റെ അരികിലേക്ക് കടന്നു വന്നത് ഭർത്താവായിരുന്നില്ല ആ മനുഷ്യനായിരുന്നു താൻ ഞെട്ടിപ്പോയി. അയാൾ അരികിലേക്ക് വന്ന് തന്റെ തോളിൽ പിടിച്ചു. താനന്ന് ഉറക്കെ നിലവിളിച്ചു തന്റെ കരച്ചിൽ കേട്ട് ഭർത്താവ് ഓടി വന്നു.പക്ഷെ അയാൾ പറഞ്ഞത് ഇന്നൊരു ദിവസം നീ സഹകരിക്ക്. നമുക്ക് കിട്ടാൻ പോകുന്നത് ലക്ഷങ്ങൾ ആണെന്നാണ്. താലികെട്ടിയ പുരുഷന്റെ വായിൽ നിന്നും വീണ വാക്കുകൾ കേട്ടപ്പോൾ ഭൂമി വളർന്ന താഴേക്ക് പോയിരുന്നെങ്കിൽ എന്ന് താൻ ആശിച്ചു. ഓടി രക്ഷപ്പെടാൻ പലതവണ ശ്രമിച്ചു പക്ഷേ കഴിഞ്ഞില്ല ചതിക്കപ്പെടുകയായിരുന്നു എന്ന് തിരിച്ചറിഞ്ഞപ്പോൾ മനസ്സാകെ തകർന്നു പോയി മരിക്കാനുള്ള ധൈര്യം തനിക്കന്നൊന്നും ഉണ്ടായിരുന്നില്ല. പിന്നെയും പലയാളുകൾ വന്നു എല്ലാം വലിയ പണക്കാർ താൻ മുഖേന അയാൾ പണം സമ്പാദിച്ചുകൊണ്ടിരുന്നു. കേവലം തന്നെ വിൽക്കുന്നതിലൂടെ അല്ലായിരുന്നു അയാൾ പണം ഉണ്ടാക്കുന്നത്. അയാൾ എന്തൊക്കെയോ ബിസിനസ് ചെയ്യുകയാണ്. മറ്റുള്ളവരെ പ്രീതിപ്പെടുത്താൻ മാത്രം തന്നെ ഉപയോഗിക്കുന്നു എന്ന് മാത്രം തന്റെ കഴുത്തിൽ താലികെട്ടിയ ആ മനുഷ്യനെ താൻ വല്ലാതെ വെറുത്തു പോയിരുന്നു. ഇടയ്ക്ക് അവിടെ നിന്നും ഓടി രക്ഷപ്പെടാൻ തോന്നിയതാണ് പക്ഷേ എങ്ങോട്ട്?? വീട്ടിലേക്ക് കയറി ചെല്ലാനാകില്ല. മകൾ വലിയ സന്തോഷത്തിൽ ജീവിക്കുകയാണ് എന്നാണ് തന്റെ പാവം അച്ഛൻ വിചാരിച്ചിരിക്കുന്നത്. അവരെ വിഷമിപ്പിച്ചു കൊണ്ട് എങ്ങനെയാണ് അങ്ങോട്ട് കയറി ചെല്ലുക രണ്ടുമൂന്നു വർഷങ്ങൾ കഴിഞ്ഞപ്പോഴാണ് അയാൾക്ക് ഭാര്യയും കുട്ടിയും ഉണ്ടെന്ന് താൻ മനസ്സിലാക്കിയത്. അറിഞ്ഞപ്പോൾ വിഷമം ഒന്നും തോന്നിയില്ല. എല്ലാം താൻ വരുത്തി വച്ചതല്ലേ. പത്തു വർഷങ്ങൾ അങ്ങനെ കടന്നു പോയി. അപ്പോഴാണ് അയാളിൽ നിന്നും താൻ ഗർഭിണി ആയത്.. അയാളുടെ കുഞ്ഞാണെന്ന് അയാൾക്ക് ഉറപ്പുള്ളതുകൊണ്ടാവാം തനിക്ക് ആവശ്യമുള്ളതെല്ലാം അയാൾ വാങ്ങി നൽകി. ഒൻപതാം മാസത്തിൽ,താൻ തന്റെ കുഞ്ഞിന് ജന്മം നൽകി. മകന് രണ്ടര വയസായപ്പോൾ ആ നഗരമുപേക്ഷിച്ച്‌ ഈ നാട്ടിലേക്കു വന്നു. ഇവിടെയും അയാളുടെ ആളുകൾ തന്നെ തിരഞ്ഞു വന്നു. ഈ നാട്ടുകാർക്ക് തന്നെയും അമ്പാടിയേയും വെറുപ്പാണ്. എങ്ങനെ വെറുക്കാതിരിക്കും...അന്തസുള്ള ഏതെങ്കിലും സ്ത്രീകൾ ചെയ്യുന്ന പണിയാണോ താൻ ചെയ്യുന്നത്. പക്ഷെ അമ്പാടി വളരുകയാണ്.അവനിപ്പോൾ മൂന്ന് വയസ്സായി. അവന് അഭിമാനത്തോടെ ജീവിക്കണമെങ്കിൽ എങ്ങോട്ടെങ്കിലും പോയെ പറ്റൂ... അമ്പാടിയുടെ കരച്ചിൽ യമുനയെ ചിന്തയിൽ നിന്നുണർത്തി. 💐💐💐💐💐💐 നിതാര ആകെ ക്ഷീണിച്ചിരുന്നു ഇവിടെ വന്നിട്ട് ഇത്രയും ദിവസമായില്ലേ കുളിയും നനയും ഒന്നുമില്ലേ?? അടുത്തേക്ക് അടുക്കാൻ പാടില്ലല്ലോ.ഒന്ന് പോയി കുളിക്ക് ഡാനി നിതാരയോട് പറഞ്ഞു. ഞാൻ കുളിക്കാൻ കയറിയിട്ട് വേണം അവിടെ വന്ന് തനിക്ക് ഒളിഞ്ഞുനോക്കാൻ അല്ലേ... അയ്യടാ ഒളിച്ചു നോക്കാൻ പറ്റിയ ഒരു സാധനം. ഉണക്ക കമ്പിൽ തുണി ചുറ്റിയ കോലമാ, എന്നിട്ടും അഹങ്കാരത്തിന് ഒരു കുറവുമില്ല.അയാൾ പറഞ്ഞു. ഹും... പോടാ... ഞാനിനി ഒളിഞ്ഞുനോക്കുമെന്ന് കരുതി കുളിക്കാതെയൊന്നും ഇരിക്കേണ്ട. ഞാൻ പുറത്തേക്ക് പോവുകയാണ്.അതുകൊണ്ട് ധൈര്യമായിട്ട് കുളിച്ചോ എനിക്ക് ധൈര്യം കുറവാണ്. ഇവിടെയൊക്കെ ഒളിക്യാമറ വല്ലോം വെച്ചിട്ടുണ്ടോ എന്ന് എങ്ങനെ അറിയും?? അതെ. ഇവിടെ എല്ലാം ഒളിക്യാമറ വച്ചിരിക്കുവാ. വേണെങ്കിൽ കുളിച്ചാൽ മതി. ഞാൻ എന്തായാലും പുറത്തേക്ക് പോവുകയാണ്.അയാൾ പറഞ്ഞു വണ്ടിയുടെ കീയുമെടുത്ത് അയാൾ പുറത്തേക്ക് നടന്നു. അയാൾ മുൻവശത്തെ വാതിൽ പുറത്തുനിന്ന് പൂട്ടി. അയാളുടെ വാഹനം വഴിയിലേക്ക് ഇറങ്ങുന്നത് അവൾ ജനലിലൂടെ നോക്കി നിന്നു പെട്ടെന്നാണ് അയാളുടെ ഫോൺ ടേബിളിൽ ഇരിക്കുന്നത് അവൾ കണ്ടത്. ഒറ്റക്കുതിപ്പിന് അവളാ ഫോൺ എടുത്തു ഫോൺ ലോക്ക് ചെയ്തിട്ടില്ല. അവൾക്ക് വലിയ സന്തോഷം തോന്നി. പക്ഷേ ഫോണിൽ റേഞ്ച് തീരെ കാണിക്കുന്നില്ല. പിന്നെ ഈ ഫോൺ കൊണ്ട് എന്ത് പ്രയോജനം. അവൾ ഫോൺ ടേബിളിലേക്ക് തന്നെ തിരികെ വച്ചു. പിന്നെ, എന്തോ ഓർത്തിട്ട് ആ ഫോണുമായി ഓരോ മുറിയിലൂടെയും കയറിയിറങ്ങി. എവിടെയെങ്കിലും അൽപ്പം റേഞ്ച് കിട്ടുമോ എന്ന് നോക്കാനായി അവൾ പതിയെ നടന്നു. അടുക്കളയിൽ നിൽക്കുമ്പോൾ ചെറുതായിട്ട് റേഞ്ച് കാണിക്കുന്നുണ്ട്. അവൾ പെട്ടന്ന് അച്ഛൻ ചെയ്തു നമ്പർ ഡയൽ ചെയ്തു. 💚💚💚💚💚 തുടരും. കണ്ണൂർകാരൻ ❤️❤️❤️❤️ #📙 നോവൽ #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ #📔 കഥ