ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6BmVONd?d=n&ui=v64j8rk&e1=cമന്ത്രകോടി :പാർട്ട്‌ -10💚🌺 നന്ദന് ഉറക്കം വരുന്നുണ്ടായിരുന്നില്ല..... ഭാമയോട് വീണ്ടുമെന്തിനെക്കുറിച്ചോ സംസാരിക്കാൻ വരുമ്പോഴായിരുന്നു...... അവൾ ഉറങ്ങിയത് കണ്ടത്....... നന്ദൻ അവളുടെ മുഖത്തേക്ക് തന്നെ കുറച്ച് നേരം നോക്കിക്കിടന്നു...... മുറിയിലെ മഞ്ഞവെട്ടത്തിൽ മിഴികളടച്ച് കിടക്കുന്നവൾക്ക് വല്ലാത്തൊരു ഭംഗിയുണ്ടെന്നവന് തോന്നി. എന്തുകൊണ്ടോ സ്വയമറിയാതെ ആ ഭംഗി അവന്റെ മനസ്സിലേക്കും കൊത്തി വച്ചുതുടങ്ങിയിരുന്നു അപ്പോൾ. ✨✨✨✨✨✨✨✨✨✨✨ അതിരാവിലെ ഭാമ തന്നെയാണ് ആദ്യം ഉണർന്നത്....... ഇന്നലെ രാത്രി നന്നായി ഉറങ്ങിപ്പോയിരുന്നു. സ്വന്തം മുറിയിൽ..... സ്വന്തം കട്ടിലിൽ ആയതു കൊണ്ടാകാം ഒന്നുമറിഞ്ഞില്ല......... നന്ദനിപ്പോഴും നല്ല ഉറക്കത്തിലാണ്..... ഒരുവശം ചരിഞ്ഞ് തനിക്ക് നേരെയാണ് കിടപ്പ്.......... മുന്നിലെ മുടി മുഴുവനും നെറ്റിയിലേക്ക് വീണുകിടപ്പുണ്ട്..... വളരെ ശാന്തമായ രീതിയിലാണ് ഉറക്കം..... കുറച്ച് നേരം ആ മുഖത്തേക്ക് നോക്കി അങ്ങനെ കിടന്നുപോയി....... നിമിഷങ്ങൾ കഴിഞ്ഞ് ക്ലോക്കിലേക്കു നോക്കിയപ്പോൾ ഏഴുമണി ആകാൻ തുടങ്ങുന്നു....... പതിയെ എഴുന്നേറ്റു. നന്ദന്റെ ദേഹത്തു നിന്നും മാറിക്കിടന്ന ഷീറ്റ് അവനുണരാതെ നേരെ മൂടികൊടുത്തു...... ശേഷം എഴുന്നേറ്റ് മുടിവാരിക്കെട്ടി കുളിക്കാനുള്ള വസ്ത്രങ്ങളുമെടുത്തു പുറത്തേകുളിമുറിയിലേക്ക് നടന്നു..... അരമണിക്കൂറിനുള്ളിൽ ഫ്രഷ് ആയിവന്നു..... അപ്പോഴേക്കും നന്ദനും എഴുന്നേറ്റിരുന്നു...... ഫ്രഷ് ആകാനുള്ള സാധനങ്ങൾ ബാഗിൽ നിന്ന് എടുക്കുകയായിരുന്നു അവൻ.... നേരെ അടുക്കളയിലേക്ക് ചെന്നപ്പോൾ അവിടെയാരും വന്നിട്ടില്ല.... അമ്മായി എഴുന്നേറ്റ് കാണില്ല..... ഞാനായിട്ട് രാവിലത്തെ കാര്യങ്ങളെല്ലാം ചെയ്തു വയ്ക്കാൻ മനഃപൂർവ്വം ചെയ്യുന്നതാണ്. എല്ലാം മനസ്സിലാകുന്നുണ്ട്....... എന്നാലും അത് പുറമെ കാട്ടാതെ അവരെന്തെങ്കിലും കാണിക്കട്ടെ എന്ന ചിന്തയോടെ ഫ്രിഡ്ജിൽ നിന്നും പാലെടുത്ത് ചയായിട്ടു..... നടക്കാൻ പോയതിനു ശേഷം ഉമ്മറത്ത് വന്നിരുന്ന് റസ്റ്റ്‌ എടുക്കുന്ന അപ്പയ്ക്കായി ഒരു ഗ്ലാസ്‌ ചായ കൊണ്ടുകൊടുത്തു. ശേഷം അടുക്കളയിലേക്ക് തിരികെ വന്നപ്പോഴാണ് നന്ദേട്ടൻ ഫ്രഷ് ആയി അടുക്കളയിൽ വന്ന് നിൽക്കുന്നത് കണ്ടത്. നന്ദേട്ടന് ചായ എടുക്കട്ടെ.... അവനെ കണ്ടതും അവളൊരു ചോദ്യത്തോടെ നോക്കി ഹ്മ്മ്.... എടുത്തേക്ക്.... നമുക്കിന്ന് എപ്പോ ഇറങ്ങാംന്നാ...? അവനൊരു ചോദ്യത്തോടെ അവളെ നോക്കി ബ്രേക്ഫാസ്റ് കഴിച്ചുടനെ ഇറങ്ങാം നന്ദേട്ടാ..... ഹ്മ്മ്...... ആരും എഴുന്നേറ്റില്ലേ ഇവിടെ...... അടുക്കളയിൽ ആരെയും കാണാത്തതു കൊണ്ടവൻ ചോദിച്ചു. അപ്പ എഴുന്നേറ്റു നടക്കാൻ പോയിട്ട് ഫ്രണ്ടിൽ ഇരിപ്പുണ്ട് ഒരുകപ്പ് ചായ അവന് പകർന്ന് നൽകികൊണ്ട് അവൾ പറഞ്ഞു. അമ്മായി ഞാൻ ഉള്ളത് കൊണ്ട് ഇപ്പോഴൊന്നും അടുക്കളയിലേക്ക് വരില്ല. പിന്നെ കാവ്യയ്ക്ക് എക്സാം അടുത്തത് കൊണ്ട് പന്ത്രണ്ട് മണിവരെയെങ്കിലും അവളിരിന്ന് പഠിക്കും. അപ്പോ താമസിച്ചേ എഴുന്നേൽക്കൂ പിന്നെ നവ്യ അവളെ രാവിലെ പ്രധീക്ഷിക്കയേവേണ്ടാ...... അവനോട് പറഞ്ഞു കൊണ്ട് ദോശ ചുടാനുള്ള മാവെടുത്ത് വച്ച് അതിലേക്ക് സ്പൂൺ വച്ച് നന്നായി ഇളക്കി പൊലിച്ചു വന്ന മാവിനെ യോജിപ്പിച്ചു. ശേഷം സാമ്പാർ ഉണ്ടാക്കാൻ നുറുക്കി വച്ച കഷ്ണങ്ങൾ കഴുകാനായി എടുത്ത് വച്ചു..... അവൾ ഓരോ ജോലികളും ഒരു മെയ് വഴക്കത്തോടെ പെട്ടന്നു പെട്ടന്നു ചെയ്യുന്നത് കണ്ടതും അവൻ ചായക്കപ്പ് സ്ലാബിലേക്ക് വച്ച് അവൾക്കരികിലേക്ക് വന്നു..... ഞാനും കൂടി സാഹായിക്കാ ടോ.... കഴുകാനെടുത്തു വച്ച പച്ചക്കറിപാത്രം എടുത്തുകൊണ്ട് അവൻ പറഞ്ഞു....... അതുകേട്ടതും അവൾ കണ്ണുമിഴിച്ച് അവനെ നോക്കി...... ഇത് കഴുകി തന്നാൽ മതിയോ..... കണ്ണുമിഴിച്ചു നോക്കിനിൽക്കുന്നവളോടവൻ വീണ്ടും ചോദിച്ചു... വേണ്ടാ വേണ്ടാ.... നന്ദേട്ടൻ ഒന്നും ചെയ്യണ്ട...... പെട്ടന്ന് ആ പാത്രത്തിൽ പിടിച്ചു കൊണ്ടവൾ പറഞ്ഞു...... ഹേ..... അതെന്താ ചെയ്താല്...... അത്....... അവൾ വിക്കി.... ആണുങ്ങൾ അടുക്കളയിൽ കേറാൻ പാടില്ലെന്ന ചിന്താഗതിയാണോ മനസ്സിൽ..... ഇവിടെ അപ്പയൊന്നും അങ്ങനെ...... അത് തന്റെ കണ്ണുമിഴിക്കൽ കണ്ടപ്പോഴെ മനസ്സിലായി......ഭാമ കുട്ടികൾക്ക് തുല്യത പഠിപ്പിക്കേണ്ട ടീച്ചറാണ് അത് മറക്കരുത്. ഇപ്പോ താൻ ഒറ്റക്ക് ഇതെല്ലാം ചെയ്യുകയല്ലേ എന്ന് വിചാരിച്ചിട്ടാ ഞാൻ സഹായിക്കാന്ന് കരുതിയെ..... പിന്നെ നമ്മുടെ വീട്ടിൽ ഇങ്ങനെയൊന്നും ഇല്ല കേട്ടോ...... ഞാൻ തന്നെയാ അമ്മയെ സഹായിക്കുന്നെ ചിലപ്പോ അമ്മയ്ക്ക് വയ്യെങ്കിൽ പാചകം മുഴുവൻ ഞാൻതന്നെയായിരിക്കും..... അവളുടെ കൈയിൽ നിന്നും പാത്രം വിടുവിച്ചു കൊണ്ട് പൈപ്പ് തുറന്ന് പച്ചക്കറികൾ കഴുകിക്കൊണ്ട് അവൻ പറഞ്ഞു....... ഹ്മ്മ്മ്...... അവളൊന്നു പുഞ്ചിരിയോടെ മൂളുക മാത്രം ചെയ്തു.... ഇത് കഴിഞ്ഞു കേട്ടോ...... കുറച്ച് നിമിഷങ്ങൾക്കുള്ളിൽ കഴുകിയവ തനിക്കുനേരെ കാണിച്ചുകൊണ്ടവൻ പറഞ്ഞു. അപ്പോഴാണ് അമ്മായി അങ്ങോട്ടേക്ക് വന്നത്..... അടുക്കളയിലേക്കവർ കയറി വന്നതും കാണുന്നത് പാത്രവും പിടിച്ച് നിൽക്കുന്ന നന്ദനെയാണ്...... ആഹാ നീ കൊള്ളാല്ലോ നന്ദനെക്കൊണ്ടാണോ ഇതൊക്കെ ചെയ്യിക്കുന്നത്...... രാവിലെ അവൾക്ക് നേരെ ചെല്ലാനുള്ള ഒരു കാരണം കിട്ടിയെന്ന പോൽ ദേഷ്യത്തോടെ അവളോട് ചോദിച്ചു..... ഭാമ അവരെ നോക്കിയതല്ലാതെ ഒന്നും പറഞ്ഞില്ല...... മോനെന്തിനാ ഇതൊക്കെ ചെയ്യുന്നേ..... ഇവള് പറഞ്ഞിട്ടാണോ...... അവന് നേരെ തിരിഞ്ഞ് ഒരു മയത്തിലവർ ചോദിച്ചു.... അല്ല....... കടുപ്പത്തോടെ യായിരുന്നു അവന്റെ മറുപടി...... ഭാമ ഒറ്റയ്ക്കിതെല്ലാം ചെയ്യുന്നത് കണ്ട് സഹായിക്കാൻ ഞാനായിട്ട് വന്നതാ.... ആണോ..... അവന്റെ ശബ്ദത്തിന്റെ കനം മനസ്സിലാക്കികൊണ്ടവർ പറഞ്ഞു.... മോൻ പൊക്കോ... ഇത് ഞങ്ങൾക്ക് ചെയ്യാവുന്ന ജോലിയെയുള്ളൂ.... തന്റെ ചോദ്യം ചെയ്യൽ നന്ദന് ഇഷ്ടപ്പെട്ടില്ലന്ന് മനസ്സിലായതും അവർ പറഞ്ഞു.... അവൻ ഭാമയെ ഒന്ന് നോക്കിയതിനു ശേഷം പാത്രം അവിടേക്ക് വച്ച് അടുക്കളയിൽ നിന്നും ഇറങ്ങി ഫ്രണ്ടിലേക്ക് പോയി...... നീ ആള് കൊള്ളാല്ലോ...... കെട്ടി രണ്ട് ദിവസം തികയുന്നതിനു മുന്നേ അവനെ പോക്കറ്റിലാക്കിയോ...... അവർ ചോദിച്ചതും ഭാമ ഒന്നും മിണ്ടിയില്ല..... എന്നാലും ഇത്രയും സമർഥ്യം ഞാൻ പ്രതീക്ഷിച്ചില്ല..... അത് പറഞ്ഞിട്ടും ഭാമ തിരിഞ്ഞു നോക്കിയില്ല അതോടെ ഓരോന്ന് പിറുപിറുക്കൻ തുടങ്ങി. ഭാമ ചെയ്യുന്ന കാര്യത്തിൽ മാത്രം ശ്രദ്ധ തിരിച്ചു ....... 🌼🌼🌼🌼🌼🌼🌼🌼🌼 പത്തു മണിയോടെ ഇരുവരും യാത്ര പറഞ്ഞിറങ്ങി........ അപ്പ രണ്ടൂസം കഴിഞ്ഞ് അങ്ങിട് വരാട്ടോ... അയാൾ അവളെചേർത്ത് നിർത്തിപറഞ്ഞു. എന്ത് സങ്കടമുണ്ടേലും വിളിക്കണം.... ഹ്മ്മ്...... നിറഞ്ഞ കണ്ണോടെ അവളൊന്ന് മൂളി....... അമ്മായിയും നവ്യയും സിറ്റൗട്ടിൽ തന്നെ നിൽക്കുകയാണ്... കാവ്യ അപ്പയോട് ചേർന്ന് തന്നെ യാത്രയയക്കാൻ നിൽക്കുകയാണ്..... അവളുടെ കൈകളും ഒന്ന് ചേർത്ത് പിടിച്ച് കാറിലേക്ക് കയറി..... നന്ദൻ ഇരുവരെയും നോക്കിയൊന്നു പുഞ്ചിരിച്ചു...... അവൻ കാർ റിവേഴ്‌സെടുത്തു..... ശാരദ പുച്ഛഭാവവാതിൽ അകത്തേക്ക് കയറി പ്പോയി...... കാവ്യയുടെ കണ്ണുകൾ നന്ദനിൽ തന്നെയായിരുന്നു...... വല്ലാത്തൊരു നിരാശ അവളിൽ നിറഞ്ഞു...... 🌼🌼🌼🌼🌼🌼🌼🌼🌼🌼🌼 ഒരു മണിക്കൂറിനുള്ളിൽ ഇരുവരും വീട്ടിലേക്ക് എത്തി. നന്ദനാണ് ആദ്യം ഡോർ തുറന്ന് പുറത്തേക്കിറങ്ങിയത്..... പിന്നാലെ ഭാമയും...... പിന്നിൽ നിന്ന് ബാഗുമെടുത്ത് കോലായിലേക്ക് കയറി കോളിങ് ബെൽ അടിച്ചു..... കുറച്ച് നിമിഷങ്ങൾ കഴിഞ്ഞതും വാതിൽ തുറന്നു.... അമ്മയാണെന്നു കരുതി മുന്നിലേക്ക് നോക്കിയതും നന്ദന്റെ കണ്ണുകൾ വികസിച്ചു..... ആ നിമിഷം തന്നെ ഒരു പെൺകുട്ടി കാറ്റുപോലെ മുന്നോട്ട് വന്ന് നന്ദനെ കെട്ടിപ്പിടിച്ചിരുന്നു..... അടുത്ത് നിന്ന ഭാമ അറിയാതെ യൊന്ന് ഞെട്ടിപ്പോയി...... തുടരും. 🌺💚 ഒരു കുഞ്ഞു പാർട്ട്‌ ആണേ.... ലൈക് ചെയ്ത് അഭിപ്രായങ്ങൾ എഴുതണേ...... കണ്ണൂർകാരൻ ❤️❤️❤️❤️ #📙 നോവൽ #💞 പ്രണയകഥകൾ #✍ തുടർക്കഥ #📔 കഥ #📚 ട്വിസ്റ്റ് കഥകൾ