രുദ്രദൃഷ്ടി: ഭാഗം 14 ഇന്ദ്രജിത്തിന്റെ കണ്ണുകളിലെ ആ അപരിചിതത്വം രുദ്രാവതിയുടെ ഹൃദയത്തിൽ ഒരായിരം വാളുകൾ കുത്തിയിറക്കുന്നത് പോലെയായിരുന്നു…. തന്നെ രക്ഷിക്കാൻ സ്വന്തം ഓർമ്മകൾ ബലിനൽകിയ പ്രിയതമനെ നോക്കി അവൾ വിതുമ്പി…. കാശിയുടെ ഘാട്ടുകളിൽ ഗംഗാനദി ശാന്തമായി ഒഴുകുന്നു. പക്ഷേ ഇന്ദ്രജിത്തിന്റെ മനസ്സ് ഒരു വലിയ ശൂന്യതയായിരുന്നു. താൻ ആരാണെന്നോ തന്റെ നെറ്റിയിലെ ആ മൂന്നാം കണ്ണിന്റെ അടയാളം എന്തിനാണെന്നോ അവന് അറിയില്ല…. ബാലഭൈരവൻ അവനെ നോക്കി നെടുവീർപ്പിട്ടു. "രുദ്രാവതീ വൈതർണി നദി അവന്റെ ഓർമ്മകളെ മായ്ച്ചു കളഞ്ഞു. പക്ഷേ അവയിലെ ഭക്തിയുടെ അംശം ഇന്നും അവശേഷിക്കുന്നു. അത് തിരിച്ചുകൊണ്ടുവരണമെങ്കിൽ നീ അവനെ പഴയ ഇടങ്ങളിലേക്ക് കൊണ്ടുപോകണം. ഓർമ്മകൾ മസ്തിഷ്കത്തിലല്ല ആത്മാവിലാണ് ഉറങ്ങിക്കിടക്കുന്നത്.".... രുദ്രാവതി ഇന്ദ്രജിത്തിനെ അവർ ആദ്യം കണ്ടുമുട്ടിയ വിശ്വനാഥ ക്ഷേത്രത്തിന്റെ പടവുകളിലേക്ക് കൊണ്ടുപോയി. അവൾ അവനോട് അവരുടെ പ്രണയത്തെക്കുറിച്ചും കാലഭൈരവന്റെ അനുഗ്രഹത്തെക്കുറിച്ചും വിവരിച്ചു…. "ഇന്ദ്രജിത്ത്... നീ എന്നെ സ്നേഹിച്ചിരുന്നു. എനിക്ക് വേണ്ടി നീ മരണം വരെ വരിച്ചു." അവൾ അവന്റെ കൈ പിടിക്കാൻ ആഞ്ഞെങ്കിലും അവൻ ഭയത്തോടെ പിന്നോട്ട് മാറി…. "എനിക്ക് ഒന്നും ഓർമ്മിക്കാൻ കഴിയുന്നില്ല പെൺകുട്ടീ... എന്റെ ഉള്ളിൽ ഇരുട്ട് മാത്രമാണ്." ഇന്ദ്രജിത്തിന്റെ വാക്കുകൾ മഞ്ഞുതുള്ളികൾ പോലെ തണുത്തതായിരുന്നു…… ഈ അവസരം മുതലെടുക്കാൻ ഒരാൾ കാത്തിരിക്കുന്നുണ്ടായിരുന്നു.. മായസ്സുരൻ. രൂപങ്ങൾ മാറാനും മനസ്സുകളെ വഞ്ചിക്കാനും കഴിവുള്ള അവൻ ശൂന്യകന്റെ പതനത്തിന് ശേഷം അധികാരത്തിനായി ദാഹിക്കുകയായിരുന്നു. ഇന്ദ്രജിത്തിന് ഓർമ്മയില്ലെന്ന സത്യം അവൻ തിരിച്ചറിഞ്ഞു….. മായസ്സുരൻ ഒരു സന്യാസിയുടെ വേഷം കെട്ടി ഇന്ദ്രജിത്തിന് മുന്നിലെത്തി…. "മകനേ ഇന്ദ്രജിത്ത്... നിന്നെ ഈ പെൺകുട്ടി ചതിക്കുകയാണ്. അവളാണ് നിന്റെ ശക്തികൾ കവർന്നത്. അവൾ ഒരു ദുഷ്ട ശക്തിയാണ്".... ഓർമ്മയില്ലാത്ത ഇന്ദ്രജിത്ത് മായസ്സുരന്റെ വാക്കുകളിൽ വിശ്വസിക്കാൻ തുടങ്ങി. അവൻ രുദ്രാവതിയെ സംശയത്തോടെ നോക്കി. അന്ന് രാത്രി, മായസ്സുരൻ തന്റെ മായയാൽ കാശി നഗരത്തെ ഒരു പ്രേതാലയമാക്കി മാറ്റി. ഇന്ദ്രജിത്തിന് ചുറ്റും രുദ്രാവതി ഒരു ഭീകര രാക്ഷസിയായി മാറുന്ന കാഴ്ചകൾ അവൻ സൃഷ്ടിച്ചു…… "ഇന്ദ്രജിത്ത്... എന്നെ കൊല്ലൂ.. അല്ലെങ്കിൽ ഞാൻ നിന്നെ വിഴുങ്ങും".. രുദ്രാവതിയുടെ രൂപം പൂണ്ട ഒരു നിഴൽ അവനെ ആക്രമിച്ചു. ഇന്ദ്രജിത്ത് തന്റെ ശൂലം ഉയർത്തി….. "നീയാണോ എന്റെ ഓർമ്മകൾ കവർന്നത്".. അവൻ രുദ്രാവതിക്ക് നേരെ ആയുധം ചൂണ്ടി…. യഥാർത്ഥ രുദ്രാവതി ദൂരെ നിന്ന് ഇത് കണ്ട് അലറിവിളിച്ചു… "ഇന്ദ്രജിത്ത് അത് ഞാനല്ല.. അത് മായാസ്സുരന്റെ മായയാണ്".... പക്ഷേ മായസ്സുരന്റെ മന്ത്രശക്തി ഇന്ദ്രജിത്തിന്റെ ബോധത്തെ മൂടിയിരുന്നു. അവൻ തന്റെ ശൂലത്തിൽ നിന്ന് നീലജ്വാലകൾ പുറപ്പെടുവിച്ചു. രുദ്രാവതിക്ക് നേരെ അവൻ ആഞ്ഞടുത്തു….. തന്റെ പ്രിയതമന്റെ കൈകളാൽ മരിക്കേണ്ടി വന്നാലും അവനെ സത്യം ബോധ്യപ്പെടുത്തണമെന്ന് രുദ്രാവതി തീരുമാനിച്ചു. അവൾ ഓടിപ്പോയില്ല. അവൾ അവന്റെ ശൂലത്തിന് മുന്നിൽ നെഞ്ച് വിരിച്ചു നിന്നു….. "ഇന്ദ്രജിത്ത്... നിന്റെ ശൂലം എന്റെ ഹൃദയത്തിൽ തറയ്ക്കുമ്പോൾ നിനക്ക് എന്റെ സ്നേഹം അനുഭവപ്പെടും. അന്ന് നിന്റെ ഓർമ്മകൾ തിരികെ വരും. എന്നെ കൊന്നോളൂ"... ഇന്ദ്രജിത്തിന്റെ ശൂലം അവളുടെ തൊട്ടടുത്തെത്തി നിന്നു. പെട്ടെന്ന് അവന്റെ നെറ്റിയിലെ മൂന്നാം കണ്ണ് കഠിനമായി നീറി. അവന്റെ ഉള്ളിൽ നിന്ന് ഒരു പഴയ ചിത്രം മിന്നിമറഞ്ഞു.. താൻ രുദ്രാവതിയെ ആദ്യമായി ആലിംഗനം ചെയ്ത നിമിഷം. അവൻ ശൂലം താഴെയിട്ടു. തലയ്ക്കകത്ത് ഒരായിരം മിന്നലുകൾ പിണയുന്നത് പോലെ അവന് തോന്നി…. "രു... രുദ്രാവതീ"... അവൻ തപ്പിത്തടഞ്ഞു വിളിച്ചു…. മായസ്സുരൻ ദേഷ്യത്തോടെ തന്റെ യഥാർത്ഥ രൂപം പുറത്തെടുത്തു. "ഓർമ്മകൾ തിരിച്ചു കിട്ടാൻ ഞാൻ അനുവദിക്കില്ല".. അവൻ ഇന്ദ്രജിത്തിന് നേരെ ഒരു കറുത്ത സർപ്പത്തെ വിട്ടു. തുടരും. ✍️സന്തോഷ്‌ ശശി…. #💞 പ്രണയകഥകൾ #📙 നോവൽ #📔 കഥ #കഥ,ത്രില്ലെർ,ഹൊറർ #✍ തുടർക്കഥ