ആദ്യത്തെ 40 ഭാഗം മുൻപ് ഇട്ടത് ആണ് അങ്ങനെ ആണ് അക്കൗണ്ട് ബാൻ അയാത് പിന്നെ ഞാൻ അത് നിർത്തി അന്ന് വായിച്ച ചിലർ ബീണ്ടും ബാക്കി ഇടുമോ ചോദിച്ചത് കൊണ്ട് മാത്രം ഇടുക ആണ് ബാൻ ആകുമോ sc കഥ ഡിലീറ്റ് ആക്കുമോ അറിയില്ല എന്തായാലും നോക്കാം അവർക്ക് വേണ്ടി ബ്ലൂ ഐസ് (പാർട്ട് 40) തിരക്കൊഴിഞ്ഞു തുടങ്ങിയിരുന്നു. പോത്തനും സംഘവും അവിടെ റോഡരികിലായി പൊളിഞ്ഞു വീണു കിടന്ന ഒരു വീടിന്റെ അവശിഷ്ടങ്ങൾക്കിടയിൽ ഏതാനും പ്ലാസ്റ്റിക്ക് കസേരകളിട്ട് ഭാവി കാര്യങ്ങളെക്കുറിച്ചുള്ള ചർച്ചയാരംഭിച്ചു. “നമ്മള് പ്രത്യേകിച്ചൊന്നും ചെയ്യേണ്ടെന്നു തോന്നുന്നു.” പോത്തൻ അഭിപ്രായപ്പെട്ടു. “എല്ലാം ഓട്ടോമാറ്റിക്കായിട്ട് നടക്കുന്നുണ്ട്. ല്ലേ ?” “ഉം...” ജെയിംസ് ആലോചനയിലാണ്ടു. “പക്ഷേ ഇനി ഇതുപോലെയാരിക്കുകേല കേട്ടോ. ഏതു നിമിഷവും അവന്മാര് റിയാക്റ്റ് ചെയ്യും. കാരണം കണ്ടിന്യുവസായിട്ട് മൂന്ന് ഹെവി ബസ്റ്റ് അല്ലേ നടന്നേ. എത്ര വല്യ ബേസൊണ്ടെന്നു പറഞ്ഞിട്ടും കാര്യമില്ല. ഒറ്റയടിക്ക് ചില്ലറക്കാശല്ല മറിഞ്ഞേക്കുന്നത്. ഇനി ഇങ്ങനെപോയാൽ, അവന്മാര് പിച്ചയെടുക്കും.” “ഏയ്... ഇതൊക്കെ മുൻകൂട്ടി കാണാതെ ആരെങ്കിലും ഇങ്ങനൊരു ബിസിനസിലേക്കെറങ്ങുവോ ?” ആൽബി ചോദിച്ചു. “സാറിന്റെ ഫോൺ അടിക്കുന്നു.” രൂപേഷ് ഓർമ്മിപ്പിച്ചു. “ഓ, ഈ പണ്ടാരം സൈലന്റാണല്ലോ.” പോത്തൻ പിറുപിറുത്തുകൊണ്ട് ഫോൺ കാതോടു ചേർത്തു. “എടോ മിസ്റ്റർ പോത്താ!” അപ്പുറത്ത് വളരെ പരിചിതമായൊരു സ്വരമായിരുന്നു. സദാശിവൻ. എമിഗ്രേഷൻ ഓഫീസറാണ്. “പറ. ഉഗ്രനൊരു സ്റ്റണ്ട് കഴിഞ്ഞു നിക്കുവാ. നല്ല ന്യൂസ് വല്ലോമുണ്ടെങ്കി മാത്രം പറഞ്ഞാ മതി.” പോത്തൻ പറഞ്ഞു. “നിന്റെ ഫ്രണ്ട് ആഫ്രിക്കനെ എന്റെ ഐ ടി ലെ പിള്ളേര് പൊക്കി മോനേ! അവന്റെ അടിയാധാരം വരെ എടുത്തിട്ടുണ്ട്.” “ആഹാ! കൊള്ളാല്ലോ! അല്ലെങ്കിലും, ആമ്പിള്ളേരെ ഏല്പ്പിച്ചാ പുഷ്പം പോലെ അവനെ പൊക്കുമെന്നെനിക്കറിയാർന്നു. നിനക്കു വയസ്സായി... റിട്ടയർ ചെയ്ത് വീട്ടിലിരിക്ക് കോപ്പേ!” “പോടാ നാറീ!” സദാശിവൻ ചിരിച്ചു. “നീയെനിക്കു തന്ന ഇൻഫർമേഷൻ തെറ്റാർന്നു. അതാ പറ്റിയെ. അവൻ നൈജീരിയക്കാരനല്ല!” “പിന്നെ?” “അവൻ ബേസിക്കലി, ‘ഘാന’ പൗരനാണ്. പക്ഷേ ഇൻഡ്യേലോട്ട് വന്നത് നൈജീരിയേന്നാന്നു മാത്രം. അവടെയാരുന്നു അവന്റെ ജോലിയൊക്കെ. ‘ആൾ ആഫ്രിക്കൻ കണ്ട്രീസ്’ എന്നും പറഞ്ഞ് ഒരു സെർച്ച് നടത്തീപ്പളാ അവന്റെ ഫോട്ടോ മാച്ചായത്. പതിനെട്ടു മണിക്കൂറെടുത്തു.” “എത്ര മണിക്കൂറെടുത്താലും, സംഭവം സക്സസായല്ലോ. ഗുഡ് ജോബ്! ബാക്കീങ്കടെ പറ.” പോത്തൻ സന്തുഷ്ടനായിരുന്നു. “അവൻ ഒരു തീയേറ്റർ ആർട്ടിസ്റ്റാണ്. ട്രഡിഷണൽ ആഫ്രിക്കൻ ഡ്രാമ ആർട്ടിസ്റ്റ് എന്നൊക്കെയാണ് പ്രൊഫഷനിൽ കാണിച്ചേക്കുന്നത്. ഫോക്ക് ഡാൻസൊക്കെയുണ്ട്.” “ഹോ! അവന്റെ ഡാൻസ് ഇച്ചിരി മുൻപും കൂടെ കണ്ടതേയുള്ളൂ. ആ [BLEEP]ൻ ഇവിടെ എങ്ങനെയെത്തീന്നു പറയടാ ?” “ഇവിടെ, കെ എം പി എൽ എന്നൊരു മൂവീ പ്രൊഡക്ഷൻ കമ്പനിയാണ് പുള്ളീടെ സ്പോൺസർ.ഒരു തമിഴ് പടത്തിൽ അഭിനയിക്കാനെത്തിയതാണെന്നാണ് അവൻ ഇമിഗ്രേഷൻ ഓഫീസറോട് പറഞ്ഞത്. കഴിഞ്ഞ ആറു വർഷത്തിനുള്ളിൽ മൂന്നു പ്രാവശ്യം അവൻ ഇൻഡ്യയിൽ വന്നിട്ടുണ്ട്. ലാസ്റ്റ് വന്നത് നുമ്മടെ നെടുമ്പാശേരീൽ. വന്നിട്ട് അഞ്ചു മാസമായി. ഒരു മാസത്തെ വിസ തീർന്നു. ഒരു വട്ടം എക്സ്റ്റൻഡ് ചെയ്തു. ഇപ്പൊ മൂന്നു മാസമായിട്ട് അബ്സ്കോണ്ടിങ്ങ്. എല്ലാ എയർപോർട്ടിലും ലുക്കൗട്ട് ഉണ്ട്. അവനിനി ഇൻഡ്യ വിട്ടു പോകണോങ്കി ഇച്ചിരി പാടാ.“ ”ഉം...“ പോത്തൻ ആലോചനയോടെ ഒന്നു മൂളി. ”ആ, പിന്നെ അവന്റെ പേര്...“ സദാശിവൻ ഒന്നു ചിരിച്ചു. ” വെറും വിൻസന്റ് അല്ല. ആമഡു വിൻസന്റ് ബർമിങ്ങം.“ ”ങ്ഹേ ?“ പോത്തൻ ഞെട്ടി. ”അതില് വിളിക്കാൻ കൊള്ളാവുന്നത് അവന്റെ മിഡിൽ നെയിമാ. അതാരിക്കും എല്ലാരും വിൻസന്റ് എന്നു വിളിക്കുന്നെ.“ സദാശിവന്റെ ചിരി നിന്നിട്ടില്ല. “മൂന്ന് കൊല്ലമായിട്ട് അബ്സ്കോണ്ടിങ്ങായ ഒരുത്തനെ-” “മൂന്ന് കൊല്ലല്ലടാ, മൂന്ന് മാസേ ആയട്ടൊള്ളൂ. നീയിതെവടം കൊണ്ടാ കേക്കണേ ?” സദാശിവന് ദേഷ്യം വന്നു. “അല്ല, എത്ര കാലായാലും, അബ്സ്കോണ്ടിങ്ങായാ, നിങ്ങടെ ഭാഗത്തുന്ന് അന്വേഷണമൊന്നുമുണ്ടാവില്ലേ ?” “അന്വേഷണോന്നു വെച്ചാ, ലോക്കൽ ലോ എൻഫോഴ്സ്മെന്റിനെ അറിയിക്കണന്നാണ് പറയാറ്. പക്ഷേ അതൊക്കെ കണക്കാ, കഴിഞ്ഞ മാസം ഒരു ജെർമ്മൻ കാരനെ പിടിച്ച ന്യൂസ് കേട്ടില്ലേ ? വർക്കലേന്ന്. 17 കൊല്ലമായി കക്ഷി ഇവിടെ. പെണ്ണൊക്കെ കെട്ടി, രണ്ടു പിള്ളേരുമൊക്കെയായി സുഖ ജീവിതം. സാധാരണ ഇങ്ങനെ ഓവർ സ്റ്റേ ആയവന്മാര് തിരിച്ച് നാട്ടിപ്പോകാൻ നേരത്ത് എയർപോർട്ടിൽ വെച്ചാ ഞങ്ങടെ പിടുത്തമൊക്കെ. പെർ ഡേ, നല്ല ഹെഫ്റ്റി ഫൈൻ വരും.” “ഉം...” പോത്തൻ വീണ്ടും ആലോചനയിലാണ്ടു. “ഇപ്പൊ എന്താ അവസ്ഥ? അവനെ കിട്ടുവാണെങ്കി ഒന്നറിയിക്കാമോ? പഴയ കാലമല്ല. എനിക്കു ചിലപ്പൊ പ്രശ്നാവും.” “ബെസ്റ്റ്! അവനെ കിട്ടുവാണെങ്കിലല്ലേ?” പോത്തൻ ചിരിച്ചു. “ഇതുവരെ പിടുത്തം തന്നില്ല പട്ടീടെ മോൻ! അടുത്തവട്ടമാട്ടെ. ഇനിയിപ്പൊ കിട്ടിയാത്തെന്നെ അവനെ ഇന്റർപോളു കൊണ്ടോവും. തനിക്ക് കാണാൻ പോലും കിട്ടില്ല.” “ങ്ഹേ?” സദാശിവൻ നന്നായിട്ടൊന്നു ഞെട്ടിയെന്നു വ്യക്തം. “അവൻ ഒരു രാജ്യാന്തര മയക്കുമരുന്നു ശൃംഘലയുടെ കണ്ണിയാണ് മാൻ! സില്മാ പിടിക്കാൻ വന്നതൊന്നുമല്ല.” പോത്തൻ വിശദമാക്കിക്കൊടുത്തു. “മനോഹരം! MDMA ആരിക്കും അല്ലേ? ഇപ്പൊ കൊറേ കേക്കണൊണ്ട്.” “ങാ. അതു തന്നെ. ശരീടാ എന്നാ. അവനെ കിട്ടിയാ ജീവൻ ബാക്കിയുണ്ടെങ്കിൽ നിന്നെ അറിയിച്ചേക്കാം.” “അതെന്നാ?” സദാശിവൻ അമ്പരന്നു. “ഷൂട്ട് അറ്റ് സൈറ്റ് ആണോ?” “ഞങ്ങടെ ജീവൻ ബാക്കിയൊണ്ടെങ്കിലത്തെ കാര്യാ പറഞ്ഞെ #*രേ! അവനെ പിടിക്കാൻ ഒരു രക്ഷേമില്ലാഡാ! ഉടുമ്പ് പോലെ ഒരു മക്കുണൻ! ദൂരെ നിന്ന് വെടിവെച്ച് പിടിക്കാൻ പറ്റിയെങ്കിലേ ഒള്ളൂ. നേർക്കുനേരേ ഫൈറ്റിനു പോയാ അവൻ നമ്മടെ എടപാട് തീർത്തുവിടും.” “വെരി ഗുഡ്! അപ്പൊ ചെന്നു കേറിക്കൊട്. ഞാൻ വെക്കട്ടെ.” സദാശിവൻ കോൾ കട്ടു ചെയ്തു. “മക്കളേ!” പോത്തൻ ചിരിയോടെ മുഖമുയർത്തി. “ആ തൊലിയാറുമണിയന്റെ ശരിക്കൊള്ള പേരു കേക്കണോ?” “ആരടെ മ്മടെ ഒബോറോന്റെയോ?” ജെയിംസ് ചോദിച്ചു. “യാ യാ! മിസ്റ്റർ ആമഡു വിൻസന്റ് ബർമിങ്ങം!” പോത്തൻ വിടർന്ന ചിരിയോടെ ആ പേരവതരിപ്പിച്ചു. എല്ലാവരും മുഖത്ത് ആശ്ചര്യം കലർന്ന ഒരു ചിരി പ്രത്യക്ഷപ്പെട്ടു. “ആക്ച്വലി ഇതു ഞാൻ പ്രതീക്ഷിച്ചിരുന്നു കേട്ടോ.” രൂപ്പേഷ് താടി തടവിക്കൊണ്ട് പറഞ്ഞു. “അവന്റെ മോന്ത കണ്ടാലറിയാം... വിൻസന്റ് പോലെ അത്ര ഐശ്വര്യമൊള്ള ഒരു പേര് വരാൻ യാതൊരു സാധ്യതേമില്ലാന്ന്.” “അതെയതെ.” ജെയിംസ് ശരിവെച്ചു. എല്ലാവരും ചിരിച്ചു. “എന്നാ ഭയങ്കര തമാശയൊക്കെ?” പുറകിൽ നിന്നും ഒരു ചോദ്യം കേട്ടു. “എന്നോടുങ്കടെ പറ. ഞാനും ചിരിക്കാം.” തിരക്കെല്ലാം ഒഴിഞ്ഞപ്പോൾ ഏ സീ പി മാഡം അടുത്തുകൂടിയിരിക്കുകയാണ്. “പരിപാടിയൊക്കെ കഴിഞ്ഞോ? ആ പയ്യൻസ് എങ്ങനെ സഹകരിക്ക്കുന്നുണ്ടോ?” പോത്തൻ ചോദിച്ചു. “അവന്മാർക്കെന്തോ, ഊരും പേരുമില്ലാത്ത ഒരു വാട്ട്സാപ്പ് മെസേജ് വന്നിട്ടുണ്ട്. ആരാ അയച്ചേന്നൊന്നുമറിയില്ല. ഏതോ ഇന്റർനാഷ്ണൽ ഫെയ്ക്ക് നമ്പറീന്നാ ഇടയ്ക്കിടയ്ക്ക് ഇങ്ങനെ ഓരോ പണി പറയാറുണ്ട്, ചെയ്തുകൊടുത്താ കാശു കിട്ടുമെന്നൊക്കെയാണ് പറയുന്നത്. ഡീറ്റയിലായിട്ട് നമുക്ക് ചോദിക്കണം. ഇവിടെ വെച്ചു വേണ്ട.” “ആയ്ക്കോട്ടെ.” “നിങ്ങളു വരുന്നില്ലേ ക്വസ്റ്റ്യനിങ്ങിന്?” മരിയയുടെ സ്വരത്തിൽ നേരിയ ഒരു അത്ഭുതത്തിന്റെ ലാഞ്ച്ഛന കലർന്നു. “വോ വേണ്ടപ്പാ... നിങ്ങളു തന്നെ എടുത്തോ. അതുങ്ങളെയൊന്നും കിട്ടീട്ട് യാതൊരു പ്രയോജനോമില്ലന്നേ. ഞങ്ങക്ക് അനുഭവൊള്ളതല്ലേ.” “ഓക്കേ! നിങ്ങടെ ഇഷ്ടം. അതൊക്കെ പോട്ടെ. ഞാൻ സത്യസന്ധമായിട്ടൊരു കാര്യം ചോദിക്കട്ടെ?” അവർ രൂപേഷ് തപ്പിയെടുത്തുകൊണ്ടുവന്ന ഒരു പ്ലാസ്റ്റിക്ക് കസേരയിൽ അവർക്കെതിർവശത്തായി ഇരുന്നുകൊണ്ടു തുടർന്നു. “നിങ്ങക്ക് നാലെണ്ണത്തിനും പ്രാന്താണോ?” പോത്തൻ പൊട്ടിച്ചിരിച്ചു. “ഇങ്ങനെയൊക്കെ ഒരു മേജർ സംഭവം നടക്കുമ്പൊ, ഇതുപോലെ മാറി ഒളിച്ചിരുന്നാ എങ്ങനെയാ? നമ്മള് നല്ല ആക്ടീവായിട്ട് നിന്നെങ്കിലല്ലേ ആരെങ്കിലുമൊക്കെ അറിയോള്ളൂ. അങ്ങനെയല്ലേ, കരിയറിൽ എന്തെങ്കിലുമൊക്കെ ഒരു ഡെവലപ്മെന്റുണ്ടാകുവൊള്ളൂ? “ ”മാഡം പറഞ്ഞത് കരിയർ ഡെവലപ്പ്മെന്റിനുവേണ്ടിയല്ല. ജസ്റ്റ് ഫെയിമിനു വേണ്ടി കാണിച്ചുകൂട്ടുന്ന കോപ്രായങ്ങളല്ലേ? “ ”ഓ നോ!“ പോത്തന്റെ തുറന്ന മറുപടി അവർക്കിഷ്ടപ്പെട്ടില്ല. ”നമ്മൾ കഷ്ടപ്പെടുന്ന വിവരം വേണ്ടപ്പെട്ടവരെ അറിയിച്ച് ഇംപ്രെസ്സ് ചെയ്യിച്ചെടുക്കുക എന്നുള്ളതൊക്കെ ഇതിനകത്തെ ഒരു ജെനെറൽ അജണ്ടയാണ്. അങ്ങനെയേ നമ്മൾ ഡിസർവ് ചെയ്യുന്ന റെസ്പെക്റ്റ് നമുക്ക് കിട്ടുവൊള്ളൂ. അല്ലാണ്ട് നിങ്ങളീ കാണിക്കണപോലെ-“ ”ഒരു മിനിറ്റ്!“ പോത്തൻ അവരെ തടഞ്ഞു. ” ഇന്നലെ, ആ മൂവീ ഡയറക്ടറെ കസ്റ്റഡിയിലെടുത്തപ്പോ, ആരാ മാഡത്തിനെ വിളിച്ചത് ? ശുപാർശ ചെയ്യാൻ ?“ ”ഡി ഐ ജി.“ ”ഓക്കെ, അങ്ങേരു വിളിച്ചു പറഞ്ഞു. മാഡം പഞ്ചപുച്ഛമടക്കി നിന്ന് അതനുസരിച്ചു. അതല്ലേ ഉണ്ടായത് ?“ ”യെസ് ബട്ട്-“ ”ഞാൻ പറഞ്ഞു തീർന്നില്ല.“ പോത്തൻ കയ്യുയർത്തി. ” ആട്ടെ, ഞാനാണ് ആ ഡയറക്ടറെ കസ്റ്റഡിയിലെടുത്തതെന്നു വിചാരിക്ക്. ഈ പറഞ്ഞ ഡി ഐ ജി എന്നെ വിളിച്ച് ഭീഷണിപ്പെടുത്തുമെന്നു തോന്നുന്നുണ്ടോ മാഡത്തിന്?“ മരിയയുടെ വായടഞ്ഞു. ”വേറൊന്നും കൊണ്ടല്ല. അയാക്കറിയാം, എന്നോട് കോർത്താ പണി വേറെ കിട്ടുമെന്ന്. ഓർത്തു വെച്ച് പ്രതികാരം ചെയ്യും ഞാൻ. അങ്ങനെയൊരു റെപ്യൂട്ടേഷൻ എനിക്കുള്ള ധൈര്യത്തിലാ, സസ്പെൻഷൻ സമയത്തും ഞാനീ എറങ്ങി കളിക്കണെ. മനസ്സിലായോ?“ മരിയക്ക് മറുപടിയില്ലായിരുന്നു. ”എന്നെ വിളിച്ച് ഈ സാറമ്മാരൊക്കെ പരാതി പറയും. പോത്താ, നീ ചെയ്തത് ശരിയായില്ല... ഭയങ്കര കഷ്ടായിപ്പോയീ ന്നൊക്കെ. പക്ഷേ ഒരുത്തനും, ‘പോത്താ! നീയത് ചെയ്യരുത്’എന്ന് പറയില്ല. അതിനു ധൈര്യമുള്ളവന്മാരാരും തൽക്കാലം ഈ ഡിപ്പാർട്ട്മെന്റിലില്ല. കാരണം, ഈ മൂത്ത സാറമ്മാരടെയെല്ലാം അടുക്കള രഹസ്യം വരെ എനിക്കറിയാം. അതെനിക്കറിയാന്ന് അവർക്കുമറിയാം. അതന്നെ! “ ”നിങ്ങളിങ്ങനെ മാറിയിരിക്കുന്നതു കണ്ടപ്പൊ പറഞ്ഞെന്നേയുള്ളൂ എന്റെ സാറേ! “മരിയക്ക് മതിയായി. ”ഞങ്ങക്ക് ഞങ്ങളെ മാത്രം ബോധിപ്പിച്ചാ മതി. ടീ വീം സോഷ്യൽ മീഡിയേം അങ്ങനെത്തെ ഒരു [BLEEP]ഉം വേണ്ട. ഒരു പണിക്കെറങ്ങിയാൽ, അത് ഭംഗിയായിട്ട്, തട്ടുകേടൊന്നും പറ്റാതെ ചെയ്തു തീർക്കുക. അത്രേയുള്ളൂ നമ്മടെ ഉദ്ദേശം. അല്ലാണ്ട് ചുമ്മാ കൊറേ ഷോ എറക്കീട്ട് റെപ്യൂട്ടേഷനൊണ്ടാകും, റെസ്പക്റ്റ് കിട്ടൂന്നൊക്കെ ധരിച്ചുവെച്ചട്ടൊണ്ടെങ്കി വെറുതെയാ മാഡം. ചുമ്മാ, ഒരു പത്തുമിനിറ്റു നേരം ലൈം ലൈറ്റിൽ നിക്കുമ്പൊ കിട്ടണ ഒരു റെക്കഗ്നിഷൻ. അത്രേയുള്ളൂ അത്. നാളെ മ്മടെ കയ്യീന്ന് ഒരബദ്ധം പറ്റിക്കഴിഞ്ഞാ, പിന്നെ ഇവന്മാരു തന്നെ എയറിൽ കേറ്റില്ലേ?” മരിയയെ ആ സംഭാഷണം നന്നായി ചിന്തിപ്പിച്ചു തുടങ്ങിയെന്ന് മുഖഭാവത്തിൽ നിന്നും വ്യക്തമായിരുന്നു. കുറേ നേരത്തേക്ക് പിന്നെ ആരും ഒന്നും മിണ്ടിയില്ല. അസുഖകരമായൊരു നിശബ്ദത പരന്നു അവിടെ. “ബൈ ദ വേ, രാവിലത്തെ മർഡർ കേസിൽ കൊറച്ച് ഡെവലപ്മെന്റ്സ് ഉണ്ടായി കേട്ടോ.” മരിയ തന്നെ വീണ്ടും സംസാരിച്ചുതുടങ്ങി. “ആ മനുഷ്യന്റെ ഫോണിൽ നിന്ന് കുറേ പീഡൊ വീഡിയോസ് കിട്ടി.” പോത്തൻ മുഖമുയർത്തി. “ഒക്കെ, ഇവിടെ ലോക്കലായിട്ടുള്ള പിള്ളേരാ.” മരിയ തുടർന്നു. “12 വയസ്സു പോലും തികയാത്ത കുട്ടികളുണ്ട്. കുറേ പേരെ നമ്മൾ ഐഡന്റിഫൈ ചെയ്തു.” “വളരെ കെയർഫുൾ ആയിരിക്കണം കേട്ടോ. യാതൊരു കാരണവശാലും, അതിലൊരു വീഡിയോ പോലും ലീക്കാവരുത്.” പോത്തന്റെ സ്വരം അതീവ ഗൗരവമാർജ്ജിച്ചു. “നമ്മളായിട്ട് ലീക്ക് ചെയ്യില്ല. പക്ഷേ, ആ വീഡിയോ എടുത്തവന്മാരുടെ കയ്യിലൊക്കെ അതിന്റെ കോപ്പി കാണില്ലേ? ക്ലാസ്മേറ്റ്സ് തന്നെയാകാനേ വഴിയുള്ളൂ. കുട്ടികളെ ഐഡന്റിഫൈ ചെയ്തുകഴിഞ്ഞാൽ, ഓരോരുത്തരെയായി പൊക്കണം. ഞാൻ ശിവാനന്ദിനെ ഏൽപ്പിച്ചിട്ടുണ്ട്. നല്ല പണിയാ. അതു പോരാണ്ട്, എസ് പി ചൈൽഡ് വെൽഫെയറിൽ കൊണ്ടെ കൊട്ടി! അവരു വേറേ കേസെടുക്കുമെനു പറയുന്നു. എവടെ ചെന്നു നിക്കുമെന്ന് ദൈവത്തിനറിയാം.” “മർഡററെപ്പറ്റി വല്ല വിവരവും കിട്ടിയോ മാഡം?” രൂപേഷാണ് ചോദിച്ചത്. “ഈ വീഡിയോയിലുള്ള ഏതെങ്കിലും കുട്ടിയുടെ ഗാർഡിയനാകാനേ വഴിയുള്ളൂ. ഒരുപക്ഷേ ഗ്രൂപ്പായിട്ട് ചെയ്തതാകാം. എന്തായാലും ആ ഒരാങ്കിളിലാണ് പ്രൊസീഡ് ചെയ്യാന്നു കരുതുന്നെ. അൺലെസ്സ്...“മരിയ നിർത്തി അവരെ നാലുപേരെയും മാറിമാറി നോക്കി. ”നിങ്ങക്ക് അവിടുന്ന് വേറേ വല്ല ഇൻഫോയും കിട്ടീട്ടൊണ്ടെങ്കി -“ ”നോപ്പ്!“ പോത്തൻ നിഷേധ ഭാവത്തിൽ തല വെട്ടിച്ചു. ”ഞങ്ങൾ ജസ്റ്റ് കാഴ്ച്ച കണ്ടേച്ചു പോന്നു. അത്രേയുണ്ടായുള്ളൂ. “ ” ചുമ്മാ കാഴ്ച്ചകണ്ടു പോന്നൂന്ന് പറഞ്ഞാ ഞാൻ വിശ്വസിക്കൂല്ല. ആ ഫോൺ നിങ്ങളല്ലേ അൺ ലോക്ക് ചെയ്തത്? “മരിയയുടെ ചോദ്യത്തിന് നല്ല മൂർച്ചയുണ്ടായിരുന്നു. ”ക്രൈം സീനിൽ നിന്നുകൊണ്ടു തന്നെ നിങ്ങൾ എവിഡൻസ് ഹാൻഡിൽ ചെയ്ത വിവരമൊക്കെ ഞാനറിഞ്ഞു. “ എല്ലാവരുടേയും മുഖത്ത് അമർത്തിയ ഒരു ചിരി പ്രത്യക്ഷപ്പെട്ടു. ”നാലെണ്ണോം കൊള്ളാം... രഹസ്യോം സൂക്ഷിച്ചോണ്ട് നടന്നോ. നാടുമുഴുവൻ കെടന്നോടാൻ ഞാനൊണ്ടല്ലോ. “മരിയ എഴുന്നേറ്റു. “കണ്ടടത്തോളം, അയാൾക്ക് വല്യ ഫാൻസ് ഒന്നും ഉണ്ടാകാൻ വഴിയില്ല. തൽക്കാലം, ഇൻവെസ്റ്റിഗേഷൻ ഹോൾഡ് ചെയ്യൂ മാഡം. എന്നിട്ട് കുട്ടികളെ ഐഡന്റിഫൈ ചെയ്ത് ആ വീഡിയോസ് കണ്ടെത്തി നശിപ്പിക്കാൻ നോക്കൂ.” പോത്തൻ പറഞ്ഞു. “ഡ്രഗ്സ് ഒരു ചെറിയ ഡോസ് കൊടുത്ത് അതുങ്ങളെ ഹുക്ക്ഡാക്കിയിട്ട് ചെയ്യിക്കുന്നതാണിതൊക്കെ. ആദ്യമാദ്യമൊക്കെ ഫ്രീ ആയിട്ട് സാമ്പിൾ കൊടുക്കും. പിന്നെ, കാശ് ചോദിക്കും. കാശില്ലാത്തവന്മാർ, മോഷ്ടിക്കാനിറങ്ങും. അല്ലെങ്കിൽ സാധനം കൂട്ടുകാർക്ക് മറിച്ചു വിൽക്കാൻ ശ്രമിക്കും. പെൺകുട്ടികളാണെങ്കിൽ, സെക്ഷ്വലി എക്സ്പ്ളോയ്റ്റ് ചെയ്യപ്പെടും. എന്നിട്ട് അത് വീഡിയോയിൽ പകർത്തി ബ്ലാക്ക്മെയിൽ ചെയ്ത് ഇതൊക്കെത്തന്നെ വീണ്ടും ആവർത്തിക്കും.” ഒരു ദീർഘനിശ്വാസത്തോടെ പോത്തൻ പറഞ്ഞവസാനിപ്പിച്ചു. മരിയ സാവധാനം തലകുലുക്കി എല്ലാം ശരിവെച്ചു. “കൊറോണക്കു ശേഷം നമ്മടെ നാടാകെ മാറിപ്പോയി. അല്ലേ സർ?” നിസ്സഹായതയുടെ ചുവയുണ്ടായിരുന്നു അവരുടെ ആ ചോദ്യത്തിന്. “സാറിന്റെ ഫോണടിക്കുന്നു...” രൂപേഷ് വീണ്ടും ഓർമ്മിപ്പിച്ചു. “അതാ സൈലന്റ് മോഡീന്ന് മാറ്റ് സർ!” “ഹലോ...” പോത്തൻ അറ്റൻഡ് ചെയ്തു. “മിസ്റ്റർ പോത്തൻ...” അപ്പുറത്തുനിന്നും കേട്ട ശബ്ദം പോത്തൻ ഒരിക്കലും പ്രതീക്ഷിക്കാത്ത ഒരാളുടേതായിരുന്നു എന്ന് വ്യക്തം. പോത്തന്റെ അമ്പരപ്പ്‌ പ്രകടമായിരുന്നു. പക്ഷേ നിമിഷങ്ങൾക്കുള്ളിൽ അയാൾ പഴയ ഭാവത്തിലേക്കു തന്നെ മടങ്ങിവന്നു. “യെസ്! പറയൂ മിസ്റ്റർ ആമഡു!” അതേ ടോണിൽത്തന്നെ പോത്തൻ മറുപടി കൊടുത്തു. “വൗ!” ‘ഒബോറോ’ ഞെട്ടിയെന്നു വ്യക്തം. “ഇറ്റ്സ് ബീൻ എ വെരി ലോങ്ങ് ടൈം സിൻസ് സംവൺ കാൾഡ് മീ ദാറ്റ് നെയിം.” (ആരെങ്കിലും എന്നെ ആ പേരു വിളിച്ചിട്ട് കാലങ്ങളായിരിക്കുന്നു.) ഒരു ചെറു ചിരി കേട്ടതുപോലെ തോന്നി പോത്തന്. പോത്തൻ ഒന്നും മിണ്ടിയില്ല. മരിയ ഒന്നും മനസ്സിലാകാതെ അന്തംവിട്ടു നിൽക്കുന്നുണ്ടായിരുന്നു. മറ്റു മൂന്നുപേരുടേയും ഭാവവ്യത്യാസം കണ്ടിട്ട് വളരെ പ്രധാനപ്പെട്ട ഒരു കോളാണതെന്നവർക്ക് മനസ്സിലായി. “സംവൺ ഈസ് കമിങ്ങ് റ്റു ഗെറ്റ് യൂ ഗയ്സ്!” വിൻസന്റ് തുടർന്നു. “സം വെരി ഡേഞ്ചറസ് പീപ്പിൾ! ഇഫ് യൂ ആർ നോട്ട് കെയർഫുൾ... ആൾ ഫോർ ഓഫ് യൂ വിൽ ബി ഡെഡ് ബിഫോർ സൺ ഡൗൺ!” (നിങ്ങളെ തീർക്കാൻ ഒരു കൂട്ടർ പുറപ്പെട്ടിട്ടുണ്ട്. വളരെ അപകടകാരികളായ ചിലർ. സൂക്ഷിച്ചില്ലെങ്കിൽ, ഇന്നു സൂര്യാസ്തമയത്തിനു മുൻപേ നിങ്ങൾ നാലുപേരും കൊല്ലപ്പെട്ടേക്കാം.) അയാൾ പറഞ്ഞവസാനിപ്പിച്ചുകൊണ്ട് ഫോൺ കട്ട് ചെയ്തു. തുടരും കണ്ണൂർകാരൻ ❤️❤️❤️❤️❤️ #💞 പ്രണയകഥകൾ #📙 നോവൽ #📔 കഥ #✍ തുടർക്കഥ #📚 ട്വിസ്റ്റ് കഥകൾ