ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6awdgM5w?d=n&ui=v64j8rk&e1=cമന്ത്രകോടി :പാർട്ട്‌ -31💚🌺 നീ പഠിപ്പിക്കുന്ന സ്കൂളിലോ നിങ്ങളുടെ ട്യൂഷൻ സെന്ററിലോ കുട്ടികളിലോ അധ്യാപകരിലോ എന്തെങ്കിലും ആസ്വഭാവികമായ പെരുമാറ്റം തോന്നിയിട്ടുണ്ടോ? സഞ്ചു അത് ചോദിച്ചതും നന്ദന്റ നെറ്റി ചുളിഞ്ഞു. എന്ത് ആസ്വഭാവികത...... എടാ ലഹരി ഉപയോഗിക്കുന്നത് പോലെ എന്തെങ്കിലും ആസ്വഭാവികത? ലഹരിയൊ?? ഹ്മ്മ്മ്..... നീ എന്താടാ പറഞ്ഞുവരുന്നേ........ ഇവിടെ ഉള്ള കുട്ടികളിൽ ഒക്കെ.......ലഹരി എങ്ങനെ...... എനിക്കൊരു ഇൻഫർമേഷൻ കിട്ടിയിട്ടുണ്ട് നമ്മുടെ നാട്ടിലേക്കെത്തുന്ന ലഹരി ഉത്പന്നങ്ങൾ ഏറ്റവും കൂടുതൽ എത്തുന്നത് കൗമാരക്കാരായ കുട്ടികളിലേക്കാണ്.... അതും നീ പഠിപ്പിക്കുന്ന സ്കൂളും ട്യൂഷൻ സെന്റരും മറ്റ് അടുത്തുള്ള സ്ഥലങ്ങളും ഉൾപ്പെടെ അതിൽ പെടും. അന്വേഷണത്തിൽ ടൗണിൽ ലഹരി ഉപയോഗ നിരക്ക് കൂടുകയാണ്.... അവിടുന്ന് പതിയെ ഗ്രാമങ്ങളിലേക്കും. ഇത്രയും പെട്ടന്ന് ഇതിന്റെ ഉറവിടം കണ്ടെത്താൻ തന്നെയാണ് തീരുമാനം അന്വേഷണം തുടങ്ങിയോ? നന്ദൻ ചോദിച്ചു ഹ്മ്മ്..... ഞങ്ങൾ സ്റ്റാർട്ട്‌ ചെയ്തു കഴിഞ്ഞു...... ഇവിടുത്തെ ചുമതല എനിക്കുതന്നെയാണ്. പിന്നെ..... നാളെ മുതൽ നീ സ്കൂളിൽ പോകുമ്പോ എല്ലാവരെയും നിന്റെ പരിധി വച്ചൊന്നു നിരീക്ഷിക്കണം എന്തെങ്കിലും സംശയം ഉണ്ടെങ്കിൽ എന്നോട് പറയണം കാരണം കുട്ടികളാണ് ഇതിലെ മെയിൻ ഇര. ഹ്മ്മ്മ്...... ശെരിയെടാ എന്തെങ്കിലും ഉണ്ടെങ്കിൽ നിന്നെ ഞാൻ അപ്പോൾ തന്നെ വിളിക്കാം....... ഹ്മ്മ്..... ശെരിയെന്നാൽ....... നന്ദൻ ഫോൺ കട്ട് ചെയ്ത് ഒരാലോചയോടെ അകത്തേക്ക് ചെന്നു. ആ സമയം ഭാമ ബാത്‌റൂമിൽ നിന്ന് പുറത്തിറങ്ങിയിരുന്നു...... കുറച്ച് മുൻപേയുള്ള പ്രണയ നിമിഷത്തിൽ അവളാകെ പൂത്തുലഞ്ഞിരുന്നു..... കവിളുകളിലെ അരുണാഭ ഇതുവരെയും മാഞ്ഞിട്ടില്ല. അകത്തേക്ക് കയറിയ അവൻ അവളുടെ ആ മുഖം കണ്ടതും തൊട്ടു മുന്നേയുള്ള നിമിഷങ്ങൾ അവന്റെ മനസ്സിലേക്കെത്തി മുഖമുയർത്തി തന്നെയൊന്ന് നോക്കുന്നില്ലവൾ. അത്രമേൽ തരളിതമായിരുന്നു ആ നിമിഷം. ഭാമ മെല്ലെ നടന്ന് ബെഡിനരികിലേക്ക് വന്നിരുന്നു. ആ നിമിഷം തന്നെ നന്ദനും അവൾക്കടുത്തേക്ക് വന്നിരുന്നു.. ഒരുമ്മ കിട്ടിയപ്പോ തന്നെ എന്റെ ഭമാക്കുട്ടി തളർന്നോ...... ഒരു ചിരിയോടെ അവൻ ചോദിച്ചു ..... ഒന്നുപോയെ നന്ദേട്ടാ...... അവൾ മുഖം തിരിച്ചു കളഞ്ഞു..... അവൻ ശബ്ദമില്ലാതൊന്നു ചിരിച്ചു..... എന്നാ കിടന്നാലോ...... ഒന്ന് ചേർന്നിരുന്നവൻ ചോദിച്ചു...... ഹ്മ്മ് കിടക്കാം.... കുറച്ച് കഴിയട്ടെ അവൾ നേരത്തേ വായിച്ചുകൊണ്ടിരുന്ന ബുക്ക്‌ കൈയിലേക്ക് എടുത്തു.... അല്ലാ... ആരാ വിളിച്ചേ.... തനിക്കടുത്തേക്ക് ചേർന്നിരുന്നവനെ നോക്കിയവൾ ചോദിച്ചു.... ആഹ്ഹ്..... സഞ്ചു വാ വിളിച്ചേ....... ഒരു പ്രധാനപ്പെട്ട കാര്യം പറയാൻ വിളിച്ചതാ..... കളിചിരികൾ മഞ്ഞ് അവന്റെ മുഖം ചെറിയ ഗൗരവത്തിലായി....... എന്താ നന്ദേട്ടാ......... അവന്റെ മുഖഭാവം കണ്ടതും ഭാമയുടെ നെറ്റി ചുളിഞ്ഞു..... നന്ദൻ സഞ്ചു പറഞ്ഞ ഓരോ കാര്യങ്ങളും അവളോട് പറഞ്ഞു....... എല്ലാം കേട്ടുകഴിഞ്ഞപ്പോൾ ഭാമയിൽ വല്ലാത്തൊരു ഞെട്ടൽ പ്രകടമായി...... എനിക്ക് വിശ്വസിക്കാൻ കഴിയുന്നില്ല നന്ദേട്ടാ..... ടീവിയിലും പത്രത്തിലും ഒക്കെ കണ്ടും കേട്ടും ഉള്ള അറിവ് മാത്രമേ ഉള്ളൂ...... അത് നമ്മുടെ നാട്ടിൽ നമ്മുടെ കുട്ടികളിൽ..... എനിക്കും പൂർണ്ണമായി വിശ്വസിക്കാൻ ആയിട്ടില്ല ഭാമേ...... പിന്നെ സഞ്ചു പറഞ്ഞത് തള്ളിക്കളയാനും പറ്റില്ലല്ലോ..... അവന് കിട്ടിയ കൃത്യമായ ഇൻഫർമേഷൻ ആണ് അവൻ പറഞ്ഞത്. എന്തായാലും നാളെ മുതൽ പഠിപ്പിക്കാൻ പോകുമ്പോൾ എല്ലാവരെയും നിരീക്ഷിക്കണം ഇവിടെ അടുത്ത് നമ്മുടെ ട്യൂഷൻ സെന്റർ അല്ലാതെ മറ്റുള്ള സെന്ററുകൾ കുറവാണ് അതുപോലെ തന്നെ സ്കൂളും...... സംശയം ഉള്ളവരെ നോക്കി വച്ചേക്കണം..... ഹ്മ്മ്മ്..... ഭാമ തലയാട്ടി..... ശേഷം അവന്റെ നെഞ്ചിലേക്ക് ചാരിയിരുന്നു........ നന്ദനവളെ ചേർത്തു പിടിച്ചു. ഇരുവരുടെയും ചിന്തകൾ ഓരോ ദിശയിലേക്ക് സഞ്ചരിച്ചു. 🌼🌼🌼🌼🌼🌼🌼🌼🌼🌼🌼🌼🌼🌼 ആളൊഴിഞ്ഞൊരു കലിങ്ങിന്റെ ഭാഗത്ത്‌ നിൽക്കുകയാണ് മെറിനും ഗൗതമും...... നമ്മുടെ ടീമിൽ പത്ത് പേരോളമുണ്ട് അവർ തന്നെയാണ് ഇവിടെ സപ്ലൈ നടത്തുന്നതും. ഓരോ കസ്റ്റമെഴ്‌സിനെയായി റെഡിയാക്കി നമ്മുടെ വഴിയിലേക്ക് കൊണ്ടുവരുന്നതേ ഉള്ളൂ...... ആ സമയം തന്നെ ധാരാളമാണ് തീരുന്നവ റീസ്റ്റോക് ചെയ്യാൻ ഒരു കാരണവശാലും പിഴവ് സംഭവയ്ക്കരുത്.. സ്റ്റോക്കിന്റെ മുക്കാൽ ഭാഗവും നിന്റെ കൈയിലാണ് അത് കറക്റ്റ് ആയി നിനക്ക് താഴെ ഉള്ളവർക്ക് സപ്ലൈ ചെയ്യേണ്ടത് നിന്റെ ഉത്തരവാദിത്വമാണ്......... ഗൗതം മെറിനെ നോക്കി പറഞ്ഞു. അവൾ തലയാട്ടി..... ഉപയോഗിക്കുന്ന കുട്ടികൾക്കും ചെറുപ്പക്കാർക്കും അതില്ലാതെ പറ്റില്ലെന്നുള്ള അവസ്ഥ വരുമ്പോൾ മാത്രം കൂടുതൽ സ്റ്റോക് നിന്നിലേക്ക്‌ എത്തിക്കാം........ മെറിൻ തലയനക്കി. ഡേ ബൈ ഡേ നിന്റെ അക്കൗണ്ടിൽ പണം വന്നുകൊണ്ടിരിക്കും. ഹ്മ്മ് ഒക്കെ ഗൗതം........ പിന്നെ ഇതുവരെ പോലീസിനോ മറ്റുള്ളവർക്കോ ഒരു വിവരവും കിട്ടിയിട്ടില്ല. ഇത് ഇങ്ങനെ തന്നെ തുടരണം...... ഹ്മ്മ്മ്....... ശെരി നെക്സ്റ്റ് മീറ്റിങ് എവിടെ വച്ചാണെന്ന് ഞാൻ പറയാം.... നീ അന്ന് വന്നാൽ മതി. ഗൗതം പറഞ്ഞുകൊണ്ട് മെറിനടുത്ത് നിന്നും തന്റെ കാറിനരികിലേക്ക് നടന്നു...... 🌼🌼🌼🌼🌼🌼🌼🌼🌼🌼🌼🌼🌼🌼 എടോ എന്തെങ്കിലും മാറ്റം ട്യൂഷൻ സെന്ററിൽ വന്ന ആർക്കെങ്കിലും തോന്നിയോ ഫ്രീ ടൈമിൽ ഭാമേയെ വിളിക്കുകയാണ്‌ നന്ദൻ...... ഇല്ല നന്ദേട്ടാ...... മോർണിംഗ് ക്ലാസ്സ്‌ സ്റ്റാർട്ട്‌ ചെയ്തപ്പോൾ എനിക്ക് ഒരു കുട്ടികളിലും അങ്ങനെ വ്യത്യാസമൊന്നും കാണാൻ കഴിഞ്ഞില്ല. ഹ്മ്മ്മ്....... സ്കൂളിലോ നന്ദേട്ടാ...... ഇവിടെയും അങ്ങനെ പ്രത്യേകിച്ചൊന്നും കാണാൻ കഴിഞ്ഞില്ല ടോ..... നമ്മൾ തുടങ്ങിയിട്ടല്ലേ ഉള്ളൂ....... ചിലപ്പോ പ്രധീക്ഷിക്കാത്ത നേരത്തായിരിക്കും ഇതിലൊരു തുമ്പ് കിട്ടുന്നത് . മറ്റാരോടും ഇതിനെ ക്കുറിച്ച് ഷെയർ ചെയ്യാൻ പറ്റില്ല അതുകൊണ്ട് ഇങ്ങനെ തന്നെ പോട്ടെ..... ഹ്മ്മ്മ്......... ഭാമയൊരു മൂളലോടെ ഫോൺ വച്ചു. 🌼🌼🌼🌼🌼🌼🌼🌼🌼🌼🌼🌼🌼 സഞ്ചു ഫയലുകൾ ഓരോന്നും മറിച്ചു നോക്കുന്ന തിരക്കിലാണ്......... ഇതുവരെയും നാട്ടിലേക്ക് ഒഴുകിയെത്തുന്ന ലഹരിയുടെ ഉറവിടമറിയാൻ കഴിഞ്ഞിട്ടില്ല...... വളരെ പെട്ടന്നത് സാധ്യമാകില്ലെന്നും അവനറിയാം. കാരണം ഇതിനു പിന്നിലുള്ളവർ വളരെ ബുദ്ധിമാന്മാരാണ് കൂടാതെ സൂത്ര ശാലികളും. ഒരു സംശയം പോലും നൽകാതെ അത്രയും രഹസ്യമായാണ് അവരുടെ നീക്കം. പക്ഷേ അവന്മാർ എത്രയൊക്കെ സൂക്ഷ്മ നീക്കം നടത്തിയാലും ഈ ലഹരിമാഫിയക്കുള്ളിലുള്ളവരെ പുറത്ത് കൊണ്ടുവരുമെന്ന നിശ്ചയധര്ട്യം അവനിലുണ്ട്. 🌼🌼🌼🌼🌼🌼🌼🌼🌼🌼🌼🌼🌼 ദിവസങ്ങൾ പതിയെ കൊഴിഞ്ഞു തുടങ്ങി.... ലഹരി മാഫിയയെ തുടർന്നുള്ള അന്വേഷണം പുരോഗമിക്കുന്നുണ്ട്...... പക്ഷേ വലിയ തെളിവുകളൊന്നും ലഭിച്ചിട്ടില്ല...... സഞ്ചു ഏറ്റെടുത്ത ജോലിക്ക് പിന്നാലെ തന്നെയാണ്....... ഓരോ തെളിവുകളും അവൻ അത്രയും സൂക്ഷ്മതയോടെ ശേഖരിക്കുന്നുണ്ട്...... പൂട്ടുമ്പോൾ ഒറ്റ പൂട്ടിൽ തീർക്കണം. എന്ന ലക്ഷ്യംത്തോടെ 🌼🌼 ദിവസങ്ങൾ അങ്ങനെ പോകുമ്പോഴാണ് കാവ്യയുടെ കല്യാണം എത്തുന്നത്...... വളരെ പെട്ടന്നായിരുന്നു കല്യാണം...... ജീവൻ നാട്ടിലെത്തുകയും കാവ്യയെ കാണുകയും ചെയ്തതോടെ ജീവന്റെ അമ്മയും കാവ്യയുടെ അമ്മയും ചേർന്ന് അതങ്ങ് ഉറപ്പിച്ചു. അവൻ പോകുന്നതിനു മുൻപ് തന്നെ പെട്ടന്നൊരു ഡേറ്റും എടുത്തു. കാവ്യക്ക് എത്രപെട്ടന്ന് നടത്തുന്നതിൽ എതിർപ്പായിരുന്നു എങ്കിലും മുതിർന്നവരുടെ പിടിവാശി കാരണം നിന്നുകൊടുത്തു. അച്ഛനും മൗനം പാലിച്ചു. രണ്ടാഴ്ച കഴിഞ്ഞുള്ള കല്യാണ ദിവസമെത്തിയതും വീട്ടിൽ മഹിക്കും മെറിനു മൊഴിച്ച് ബാക്കി എല്ലാവർക്കും ക്ഷണം ലഭിച്ചിരുന്നു........ തലേ ദിവസമേ എല്ലാവരും പുറപ്പെടുകയും ചെയ്തു. അത് മെറിനു കൂടുതൽ സൗകര്യമായി...... ഓരോ സ്പോട്ടുകളിൽ വിതരണം ചെയ്യാനുള്ള ലഹരി വസ്തുക്കളും അവളുടെ കൈയിൽ സ്റ്റോക്ക് ആണ്...... അത് കൃത്യമായ ആളുകളിലേക്ക് എത്തിക്കാനും രഹസ്യ ഇടങ്ങളിൽ സൂക്ഷിക്കുവാനും ഈ സമയം അവൾ ഉപയോഗപ്പെടുത്തി....... എന്നാൽ കുറച്ച് നാളുകളായി മാറി വരുന്ന മെറിന്റ സ്വഭാവം മഹി ശ്രദ്ധിക്കുന്നുണ്ടായിരുന്നു....... ചില സമയങ്ങളിലേ ഫോൺ കോളുകളും ആവശ്യമില്ലാത്ത പുറത്തേക്ക് പോക്കും തന്നോടുള്ള കയർത്തു പെരുമാറ്റവുമെല്ലാം എന്തുകൊണ്ടോ അവനിൽ ചെറിയ സംശയമുണ്ടാക്കുകയും ചെയ്തു...... എല്ലാവരും വിവാഹം കൂടാൻ പോയ ദിവസമായതുകൊണ്ട് മഹി നേരത്തേ എത്തിയിരുന്നു. മെറിനെ വീട്ടിൽ ഒറ്റക്കാക്കണ്ടല്ലോ എന്ന് വിചാരിച്ചാണ് അവൻ നേരത്തേ എത്തിയതും. എന്നാൽ മെറിൻ വീട്ടിൽ ഉണ്ടായിരുന്നില്ല. വിളിക്കുമ്പോഴൊക്കെ ഫോൺ പരിധിക്കുപുറത്തും. മഹി റൂമിലേക്ക് വന്നൊന്നു ഫ്രഷ് ആയി താഴേക്ക് ചെല്ലുമ്പോഴേക്കും പുറത്തൊരു ഓട്ടോ വന്ന് നിൽക്കുന്നുണ്ടായിരുന്നു അതിൽ നിന്നും മെറിൻ ഇറങ്ങുകയും ചെയ്തു...... അവൾ അകത്തേക്ക് കയറി വരുമ്പോൾ മഹി സോഫയിൽ ചാരി ഇരിക്കുന്നുണ്ടായിരുന്നു..... മുഖം ദേഷ്യം കൊണ്ട് മുറുകിയിരുന്നു..... അവന്റെ മുഖത്തേക്ക് നോക്കിയതും ആ മാറ്റം അവൾക്ക് മനസ്സിലായിരുന്നു. നീ ഇത്രയും നേരം എവിടെ യായിരുന്നു മെറിൻ? അവൾ മുന്നിലേക്ക് വന്നതും ദേഷ്യത്തോടെ അവൻ ചോദിച്ചു. എനിക്ക് പുറത്തേക്ക് പോകേണ്ട ആവശ്യമുണ്ടായിരുന്നു. അതുകൊണ്ട് പോയി. അവൾ കൂസലില്ലാതെ പറഞ്ഞു. എന്നും ഇങ്ങനെ പുറത്തേക്കു പോകാൻ തക്ക എന്ത് ആവശ്യമാണ് നിനക്കുള്ളത്? അവൻ ചോദിച്ചു എല്ലാം മഹിയെ ബോധിപ്പിക്കണോ? അവൾ അവനു നേർക്ക് നിന്ന് ചോദിച്ചു? ബോധിപ്പിക്കണം. കാരണം ഞാൻ നിന്റെ ഭർത്താവാണ്. എവിടെ പോകുന്നു എന്തിന് പോകുന്നു എന്നെല്ലാം എനിക്കറിയണം. അതും നിന്റെ ഈ അവസ്ഥയിൽ അതൊക്കെ അറിഞ്ഞേ തീരു. എല്ലാം നിന്നോട് പറഞ്ഞിട്ട് നിന്റെ അനുവാദവും വാങ്ങിപോകാൻ ഞാൻ നിന്റെ അടിമയല്ല മഹി...... വാക്കുകൾ വളച്ചൊടിക്കരുത് മെറിൻ. നീ എന്റെ അടിമയല്ല പക്ഷേ എന്റെ ഭാര്യയാണ്. പരസ്പരമുള്ള കമ്മ്യൂണിക്കേഷൻ നമ്മളിൽ എപ്പോഴും ഉണ്ടായിരിക്കണം. നിനക്ക് ഇപ്പോൾ എന്ത് ആവശ്യമുണ്ടെങ്കിലും എന്നോട് പറയാം. ആ സ്വാതന്ത്ര്യം എപ്പോഴും നമ്മിലുണ്ട്. നിന്റെ സ്വഭാവത്തിലെ മാറ്റം എനിക്ക് മനസ്സിലാകുന്നില്ലെന്നു നീ കരുതരുത്. അത് പറഞ്ഞതും മെറിനൊന്നു ഞെട്ടി..... എനി.... എനിക്ക് എന്ത് മാറ്റം....... മഹി ആവശ്യമില്ലാത്തത് പറയരുത്. അപ്പോ നീ കാണിക്കുന്നതിന് കുഴപ്പമില്ല. അല്ലേ..... എല്ലാ ദിവസവും എത്ര ലേറ്റ് ആയാണ് ഞാൻ ജോലി കഴിഞ്ഞ് കയറി വരുന്നത് നീ ഒന്ന് ശ്രദ്ധിക്കാറെങ്കിലും ഉണ്ടോ എന്നെ....... ആദ്യമൊക്കെ നീ എന്നെ വെയ്റ്റ് ചെയ്യുമായിരുന്നു. പക്ഷേ ഇപ്പോഴോ ഞാൻ വരുന്നതിനു മുൻപേ നീ ഉറങ്ങും. അല്ലെങ്കിൽ എന്തെങ്കിലും പറഞ്ഞെന്നോട് വഴക്കിടും. ഓഫീസിലെ ടെൻഷനും ഭാരവും ഒന്ന് ഇറക്കി വച്ച് അല്പനേരം നിന്നോടും നമ്മുടെ കുഞ്ഞിനോടും സംസാരിക്കാൻ അത്ര കൊതിയൊടെയാണ് ഞാൻ എത്തുന്നത് പക്ഷേ നിനക്ക്........ മഹിയൊന്നു നിർത്തി.... ആദ്യമൊക്കെ നിനക്ക് വയ്യാത്തതുകൊണ്ടാണെന്നു തോന്നും പക്ഷേ ഇപ്പോൾ ഇതൊക്കെ നിന്റെ അഭിനയമാണെന്ന് മാത്രമേ എനിക്ക് തോന്നുള്ളൂ..... നിനക്ക് എന്നേക്കാൾ നമ്മുടെ കുഞ്ഞിനെക്കാൾ പ്രാധാന്യമുള്ള എന്തോ ഒന്ന് അതിൽ കുടുങ്ങി കിടക്കുകയാണ് നീ.... എന്നിൽ നിന്ന് നീ എന്തോ മറക്കുന്നുമുണ്ട്..... ഒന്ന് നിർത്ത് മഹി......... തുടരും..... 💚🌺 കണ്ണൂർകാരൻ 🌹🌹🌹🌹🌹 #📙 നോവൽ #✍ തുടർക്കഥ #📔 കഥ #💞 പ്രണയകഥകൾ #📚 ട്വിസ്റ്റ് കഥകൾ