ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6MD64pb?d=n&ui=v64j8rk&e1=c💞ദേവനന്ദിനി... Part 48💞 മന്ദസ്മിതമൊഴുക്കുന്ന അഭ്യുദ്ഗമയമിഹിരന്റെ പൊൻവെളിച്ചത്തിൽ അവൻ പകർന്ന ചുംബനത്തെ മിഴികൾ കൂമ്പിയടച്ചു കൊണ്ടവൾ സ്വീകരിച്ചു….. ചുറ്റുമുള്ളതെല്ലാം മറന്നു മന്ദാക്ഷത്തിൻ ചാരുകാന്തഛവിയണിഞ്ഞ സുസ്മേരവദനയായ അവളുടെ മിഴികളിൽ കണ്ണും നട്ടിരുന്നു രുദ്രൻ….. കണ്ണോട് കണ്ണും നോക്കിയിരിക്കുമ്പോൾ പൊടുന്നനെ ഇരുവരും സ്ഥലകാലബോധം വീണ്ടെടുത്തപ്പോൾ ഉദയം കാണാൻ വന്നവരിൽ ചിലർ തങ്ങളുടെ പ്രവൃത്തികൾ വീക്ഷിച്ചു കൊണ്ട് അന്തം വിട്ടെന്ന പോലെ നിൽക്കുന്നത് കണ്ട രുദ്രനും ഗൗരിയും ആരെയും ശ്രദ്ധിക്കാതെ കുറച്ചപ്പുറത്തേക്ക് മാറി നിന്നു…. "ദേവേട്ടാ… ഈ കൊടുമുടി എത്ര ഉയരമുണ്ട്"....ഗൗരിയവനെ കെട്ടിപ്പിടിച്ചു അവന്റെ മുഖത്തേക്ക് തന്റെ മുഖമൊന്നുയർത്തിക്കൊണ്ട് ചോദിച്ചു.. "ഈ കൊടുമുടി ആയിരത്തി എഴുന്നൂറ്റി മുപ്പത്തിമൂന്ന് മീറ്റർ ഉയരമുണ്ട്"...രുദ്രൻ ഒന്നു പുഞ്ചിരിച്ചു കൊണ്ട് മറുപടി നൽകി.. "അത്രയും ഉയരം…വെറുതെയല്ല മേഘങ്ങൾ നമുക്കൊപ്പം നിൽക്കുന്ന പോലെ തോന്നുന്നത് "…. ഗൗരി അത്ഭുതം കൂറിക്കൊണ്ട് രുദ്രനോട് പറഞ്ഞൂ… "ഈ ക്ഷേത്രവും താഴെ കണ്ട ക്ഷേത്രവും ഒരു പ്രതിഷ്ഠ തന്നെയാണോ ദേവേട്ടാ"....അവിടെയുള്ള ക്ഷേത്രത്തെ നോക്കിക്കൊണ്ട് ഗൗരി രുദ്രനോട് ചോദിച്ചു.. "അതെ…. ഇവിടെ ത്രിമൂർത്തീകളുടെ അംശാവതാരമായി അത്രി മഹർഷിയ്ക്കും പത്നി അനസൂയ ദേവിയ്ക്കും പിറന്ന ദത്രത്തേയ മുനി തപസ്സിരുന്ന ഒരു ഗുഹ പിന്നീട് അദ്ദേഹത്തിന്റെ പേരിലുള്ള ക്ഷേത്രമായി മാറിയതാണ്. അദ്ദേഹത്തിന്റെ പേരിലാണ് ഇത് ഗുരു ശിഖർ എന്നറിയപ്പെടുന്നത് "….. രുദ്രൻ ഗൗരിയ്ക്ക് വിവരിച്ചു കൊടുത്തു.. "ദേവേട്ടാ….ഒരു കാര്യം ചോദിച്ചോട്ടെ "… ഗൗരി ഒന്നു പുഞ്ചിരിയിട്ട് കൊണ്ട് രുദ്രനോട് ചോദിച്ചു… "എന്റെ നന്ദു മോള് ഒന്നല്ല ഒമ്പത് കാര്യം വേണമെങ്കിലും ചോദിച്ചോ"… രുദ്രൻ ചിരിച്ചു കൊണ്ട് മറുപടി നൽകി... "അന്ന് കള്ള് കുടിച്ച ദിവസം അങ്ങനെയൊന്നും സംഭവിച്ചില്ലായിരുന്നുവെങ്കിൽ വീണ്ടും ദേവേട്ടനെന്നോട് ഇഷ്ടം തോന്നിയില്ലായിരുന്നുവെങ്കിൽ ദേവേട്ടൻ ഇത് കാണിക്കാൻ എന്നെയും കൊണ്ട് വരുമായിരുന്നോ "…. ഗൗരി ഒരു സംശയം കലർന്ന ചിരിയോടെ ചോദിച്ചു…. "കൊണ്ട് വന്നു കാണിക്കുമായിരുന്നു. പക്ഷെ ഇത് പോലെ ഉമ്മ നിനക്ക് കിട്ടിയെന്നു വരില്ലായിരുന്നു"…. രുദ്രൻ പൊട്ടിച്ചിരിച്ചു കൊണ്ട് മറുപടി നൽകി… "പോടാ കലിപ്പാ… കാര്യമായിട്ട് ചോദിക്കുമ്പോൾ ഒരു കളിയാക്കൽ"...ഗൗരിയൊന്നു ചൊടിച്ചു നിന്നു.. "നന്ദു…. കാര്യമായിട്ടാണ് പറഞ്ഞത്. നിന്നോട് രണ്ടാമതും ഇഷ്ടം തോന്നിയില്ലായിരുന്നെങ്കിലും കൊണ്ട് വന്നു കാണിക്കുമായിരുന്നു. നീയെന്നെ തേടി വന്നു എന്നോട് പണ്ടത്തെ പോലെ ഇടപഴകുമ്പോൾ ഒക്കെ നിന്നോട് തിരിച്ചത് പോലെ പെരുമാറുന്നതിൽ നിന്നും പലതും എന്നെ തടയുകയായിരുന്നു. ഒരു പക്ഷെ നീയന്നു പറഞ്ഞ വാക്കുകൾ ആവാം. നിന്റെ സ്ഥാനത്ത് മറ്റൊരു പെണ്ണിനെ സങ്കൽപ്പിക്കാൻ എനിക്കൊരിക്കലും കഴിയില്ലായിരുന്നു എന്നത് വാസ്തവമായിരുന്നു. നിന്നെ അവഗണിച്ചു കൊണ്ട് കൊണ്ടിരുന്നു അത് കൊണ്ട്…പക്ഷെ നിന്റെ പഴയത് പോലുള്ള സ്നേഹത്തിനു മുൻപിൽ എന്റെയുള്ളിലെ പണ്ടത്തെ രുദ്രൻ ഉണർന്നുകൊണ്ടിരുന്നു. എങ്കിലും പുറത്തു കാണിച്ചില്ല.പക്ഷേ ആ കള്ള് എല്ലാം തകർത്തു "….. രുദ്രൻ ചിരിയോടെ പറഞ്ഞു നിർത്തി… രുദ്രൻ പറയുന്നത് കേട്ടു കഴിഞ്ഞപ്പോൾ ഗൗരി അവനെ മുറുകി പുണർന്നു. രുദ്രൻ അവളെ ഒന്നു കൂടി ചേർത്തു പിടിച്ചു…. "നന്ദുമോളെ…നമുക്ക് അപ്പോൾ പതുക്കെ ഇറങ്ങാം. ഇവിടെ തന്നെ നിന്നാൽ പോരല്ലോ…." ഗൗരി മന്ദഹസിച്ചു കൊണ്ട് തലയാട്ടി… പരസ്പരം ഇഴുകിച്ചേർന്നു കൊണ്ട് പ്രണയപുരസ്സരം മിഴികൾ കൊണ്ട് തമ്മിൽ നോട്ടമെറിഞ്ഞു അവർ തിരിച്ചിറങ്ങാൻ തുടങ്ങി…. 🌸🌸🌸🌸🌸🌸🌸🌸🌸🌸🌸🌸🌸🌸🌸 തിരിച്ചു പോകുമ്പോൾ മലമുകളിൽ നിന്നുമുള്ള പ്രകൃതിരമണീയമായ ദൃശ്യങ്ങൾ ഗൗരിയിൽ ഒരുപാട് ആനന്ദം നിറച്ചു. പല സ്ഥലത്തും രുദ്രനെക്കൊണ്ട് വണ്ടി നിർത്തിപ്പിച്ചു അവൾ മൊബൈലിൽ ദൃശ്യങ്ങൾ പകർത്തിക്കൊണ്ടിരുന്നു. അവളുടെ പ്രവൃത്തികളെ രുദ്രൻ പ്രണയത്തോടെയും അതിലേറെ വാത്സല്യത്തോടെയും ആസ്വദിച്ചു കൊണ്ടിരുന്നു… "ദേവേട്ടാ…നമ്മൾ ബൈക്കോടിച്ചു വരുമ്പോൾ ചിലരൊക്കെ ഓപ്പൺ ടോപ് ജീപ്പ് ഓടിക്കുന്നത് കണ്ടപ്പോൾ ഒരാഗ്രഹം തോന്നിയിരുന്നു ഇത് പോലെ ഓപ്പൺ ടോപ് വണ്ടിയിൽ ദേവേട്ടനൊപ്പം ഒന്നു പോകാൻ. ദേവേട്ടനെന്റെ മനസ്സ് മനസിലാക്കിയ പോലെ ഇന്ന് എന്റെ ആഗ്രഹം സാധിച്ചു തന്നിരിക്കുന്നു "…. വണ്ടിയോടിച്ചു കൊണ്ടിരിക്കുന്ന രുദ്രനോടങ്ങനെ പറയുമ്പോൾ ഗൗരിയുടെ വാക്കുകളിലും മുഖത്തും ആമോദത്തിൻ സപ്തവർണ്ണങ്ങൾ വിരിഞ്ഞു നിന്നു… "എന്റെ അന്തരംഗത്തിൽ ഒരു ചുവർചിത്രമായി നീ പതിഞ്ഞിരിക്കുമ്പോൾ നിന്റെ ഹൃദയഭിത്തിതൻ മർമ്മരങ്ങൾ പോലും ഞാനറിയും സഖീ.... " "അപ്പോഴാണോ നിന്റെ ഈ ആഗ്രഹം ഞാനറിയാതിരിക്കുന്നത്"….രുദ്രനൊന്നു കണ്ണിറുക്കിച്ചിരിച്ചു കൊണ്ട് മറുപടി നൽകി… "കവി ഭാവന അങ്ങു നിറഞ്ഞു തുളുമ്പുവാണല്ലോ എന്റെ കലിപ്പന്റെ മനസ്സിൽ…അന്തരംഗത്തിൽ നിറഞ്ഞു നിന്നത് കൊണ്ടാവും എന്നെ കണ്ടിട്ട് കണ്ട ഭാവം പോലും നടിക്കാഞ്ഞത് ഞാൻ വന്ന സമയത്ത്…. ഇപ്പോൾ ഇങ്ങനെ പുളുവടിച്ചാൽ മതിയല്ലോ "… ഗൗരിയൊരു പരിഭവത്തോടെ പറഞ്ഞു.. "എടീ പൊട്ടിക്കാളീ… എന്നെ വേണ്ട എന്ന് പറഞ്ഞു എന്നെ നാട്ടിൽ നിന്നും ഓടിച്ചിട്ട് പെട്ടെന്നൊരു ദിവസം നീ വരുമ്പോൾ ഞാൻ നിന്നെ നന്ദു എന്ന് വിളിച്ചു കയ്യിലെടുത്ത് നടക്കുമല്ലോ. നീ വന്നതിന്റെയും അജ്മീറിൽ പോകാമെന്നു പെട്ടെന്ന് പറഞ്ഞതിന്റെയും ഷോക്കിൽ ആയിരുന്നു ഞാൻ ആദ്യം. പിന്നെ നീയെന്നോട് കണ്ണിൽ പ്രണയം നിറച്ചു ഓരോന്ന് ചോദിക്കുമ്പോഴും ആ ദിവസത്തെ ഓർമ്മകൾ എന്നെ വേട്ടയാടുകയായിരുന്നു. പക്ഷെ എപ്പോഴും നീയെന്റെ മനസ്സിൽ ഉണ്ടായിരുന്നു പക്ഷെ ഉള്ളിൽ ഒരു മൂലയ്ക്ക് ഒതുക്കി വച്ചേക്കുവായിരുന്നു നിന്നെ കുറിച്ചുള്ള ഓർമ്മകൾ. നിന്നെ നഷ്ടപ്പെട്ടതിനു ശേഷമുള്ള എന്റെ ജീവിതം എങ്ങനെയായിരുന്നുവെന്നു എനിക്ക് വിവരിക്കാൻ പോലും സാധ്യമല്ല. ഒന്നു മാത്രം നീ അറിഞ്ഞോ നീ മാത്രമേ എന്റെ മനസ്സിൽ എന്നുമുള്ളൂ "…. അത് പറഞ്ഞു നിർത്തുമ്പോഴേക്കും രുദ്രന്റെ ശബ്ദമൽപ്പമിടറിപ്പോയി… ഗൗരിയ്ക്ക് അങ്ങനെ പറയേണ്ടിയിരുന്നില്ല എന്ന് തോന്നിപ്പോയി. അവൾ സീറ്റിൽ മുട്ടുകുത്തി നിന്നു വണ്ടി ഓടിക്കുന്ന രുദ്രനെ കെട്ടിപ്പിടിച്ചു അവന്റെ കവിളിൽ ചുണ്ട് ചേർത്തു… "സോറി ദേവേട്ടാ… ദേവേട്ടനെ വിഷമിപ്പിച്ചു ഞാൻ…ഐ ലവ് യു "… ഗൗരിയുടെ മിഴികൾ നീരണിഞ്ഞു… "സാരമില്ലെടാ…പഴയതൊക്കെ മറന്നു നമുക്ക് ഇന്നും നാളെയുമുള്ള നല്ലതിനെ കുറിച്ചു മാത്രം ആലോചിക്കാം "… രുദ്രനവളെ ആശ്വസിപ്പിച്ചു… ഗൗരിയവനെ ഒന്നുകൂടി ആഞ്ഞു പുൽകി… "ദേവേട്ടാ…. ദേവേട്ടനിത് പോലെ എപ്പോഴെങ്കിലും ഹിന്ദി സിനിമയിലൊക്കെ കാണുന്നത് പോലെ ഓപ്പൺ ടോപ് വണ്ടിയിൽ പോകുന്നത് ഒക്കെ ചിന്തിച്ചിട്ടുണ്ടോ "… ഗൗരി കവിളോട് കവിൾ ചേർത്ത് കൊണ്ട് രുദ്രനോട് ചോദിച്ചു… "ചിലപ്പോൾ ചിലരൊക്കെ പോകുന്നത് കാണുമ്പോൾ ആഗ്രഹിച്ചിട്ടുണ്ട്. പക്ഷെ ഈ വണ്ടി പാജിയുടെ അടുത്തുണ്ടായിട്ടും ഇത് വരെ എടുത്തോടിക്കാൻ ശ്രമിച്ചിട്ടില്ല. നഷ്ടബോധമായിരുന്നു നീയില്ലാത്തതിന്റെ. ആ ലൈഫിനെ പറ്റി പിന്നെ പറഞ്ഞു തരണുണ്ട് ഞാൻ.. ഇപ്പോൾ നിന്നെയും കൊണ്ട് യാത്ര തുടങ്ങുന്നതിന്റെ മുൻപ് തന്നെ പ്ലാൻ ചെയ്തതാണ് നിന്നെയും കൊണ്ട് ഈ വണ്ടിയിൽ ഒരു മലകയറ്റം"….രുദ്രന്റെ മുഖത്ത് ഗൗരിയോടുള്ള പ്രണയവും വാത്സല്യവും നിറഞ്ഞു തുളുമ്പി… "ദേവേട്ടനിനി ഒറ്റയ്ക്ക് എങ്ങോട്ടും പോകേണ്ട…ഞാൻ സമ്മതിക്കില്ല. എങ്ങോട്ടാണെങ്കിലും ഞാനുമുണ്ടാകും എന്റെ കലിപ്പന്റെ കൂടെ "….ഗൗരി രുദ്രന്റെ കവിളിൽ ചുംബിച്ചു കൊണ്ട് പറഞ്ഞു… പരസ്പരം പ്രണയാതുരനിമിഷങ്ങൾ പകർന്നും ആസ്വദിച്ചും ഒക്കെ അവർ മലയിറങ്ങിക്കൊണ്ടിരുന്നു… ഒരു പത്തു മണിയോടെ രുദ്രനും ഗൗരിയും തിരിച്ചു ദാബയിലെത്തി. ബേബേ അവർക്കായി നാസ്ത ഒരുക്കിയിട്ടുണ്ടായിരുന്നു. അത് കഴിച്ചു കൊണ്ടിരിക്കുമ്പോൾ പോയതിനെപറ്റിയും അവിടെ കണ്ട കാഴ്ചകളെ കുറിച്ചുമൊക്കെ വാത്സല്യത്തോടെ ചോദിക്കുന്നുണ്ടായിരുന്നു…. 🌸🌸🌸🌸🌸🌸🌸🌸🌸🌸🌸🌸🌸🌸🌸 നാസ്‌ത കഴിച്ചു രാവിലെ നേരത്തെ എഴുന്നേറ്റതിന്റെ ക്ഷീണം തീർക്കാൻ രുദ്രനും ഗൗരിയും മുറിയിൽ മയങ്ങി. ഉച്ചക്ക് ഭക്ഷണം കഴിക്കാൻ ബേബേ വിളിച്ചപ്പോൾ അവർ ദാബയിലേക്ക് നടന്നു… ഭക്ഷണം കഴിക്കാൻ രുദ്രനും ഗൗരിയു ഇരുന്നപ്പോൾ ബേബേ അവർക്കുള്ള ഭക്ഷണവും കൊണ്ട് വന്നു….. "ബല്ലേ ബല്ലേ…. മഖി കി റോട്ടി ഓർ സർസൂ കാ സാഗ്… ബേബേ ലവ് യു "…. മുന്നിൽ താലത്തിൽ കൊണ്ട് വച്ച ഭക്ഷണം കണ്ട രുദ്രൻ അതീവ സന്തോഷത്തോടെ പറഞ്ഞു… ബേബേ അത് കേട്ടൊന്നു ചിരിച്ചു…. രുദ്രൻ പറയുന്നത് കേട്ട ഗൗരി ഭക്ഷണത്തിലോട്ട് നോക്കി നിന്നു. മഞ്ഞ കളറിൽ ഉള്ള ചപ്പാത്തിയും കടും പച്ച നിറത്തിലുള്ള വെളുത്തുള്ളിയും മുളകും ഒക്കെയിട്ടുണ്ടാക്കിയ പേസ്റ്റ് പരുവത്തിലുള്ള ഒരു കറി. അത് കറിയാണോ ചട്ണി ആണോ എന്ന് ഗൗരി സംശയിച്ചു. റോട്ടി മുറിച്ചു അതിൽ തൊട്ട് വായിലിട്ട് ചവച്ചപ്പോൾ അവൾക്ക് നല്ല സ്വാദ് തോന്നി. എന്നാലും എന്താണെന്ന് അറിയാൻ അവൾക്കതിയായ ആഗ്രഹം തോന്നി. അവൾ രുദ്രനോട് അതെന്താണെന്ന് ആംഗ്യം കാണിച്ചു കൊണ്ട് ചോദിച്ചു…. "ഇതാണ് ചോളം കൊണ്ടുള്ള റോട്ടിയും കടുകിലയുടെ കറിയും "… രുദ്രൻ ഗൗരിയ്ക്ക് പറഞ്ഞു കൊടുത്തു… "നന്ദു ബേട്ടി…. ഞങ്ങൾ സർദാർമാർക്ക് പ്രിയപ്പെട്ട വിഭവങ്ങളിൽ ഒന്നാണ് ഇത്. ഇവനിതു ഭയങ്കര ഇഷ്ടമാണ്. അതാണ് ഇത് കണ്ടപ്പോൾ ഇവനാർത്തു വിളിച്ചത്"....ബേബേ ചിരിച്ചു കൊണ്ട് ഗൗരിയോട് പറഞ്ഞു… തുടർന്നു ബേബേ ഗൗരിയ്ക്ക് അതുണ്ടാക്കുന്നത് എങ്ങനെയാണെന്ന് വിവരിച്ചു കൊടുത്തു. ഗൗരിയത് വളരെ താല്പര്യത്തോടെ കേട്ടിരുന്നു. തുടർന്നവൾ ആസ്വദിച്ചു കൊണ്ട് കഴിക്കാൻ തോന്നി…. "ബേബേ…. ഇനി തിരിച്ചവിടെ എത്തിയാൽ മിക്കവാറും എനിക്ക് പഞ്ചാബി ഭക്ഷണമായിരിക്കും ഇവൾ ഉണ്ടാക്കിത്തരുക. അത്രയേറെ വിഭവങ്ങളുടെ റെസിപ്പി ഇവൾ ചോദിച്ചിട്ടുണ്ടാവുമല്ലോ ബേബേയോട്"….രുദ്രൻ ചിരിയോടെ പറഞ്ഞു… "എടാ….അതിനും ഒരു ഭാഗ്യം വേണം. ഭക്ഷണം നല്ല രുചിയോടെ പാകം ചെയ്ത് തന്നു കഴിക്കുന്നവന്റെ വയറു മാത്രമല്ല മനസ്സ് പോലും നിറയ്ക്കുന്നത് ഒരു പ്രത്യേക കഴിവാണ്. നന്ദു മോൾക്ക് അതിനുള്ള കഴിവുണ്ട്. നല്ല കൈപ്പുണ്യമാണ് നന്ദുമോൾക്ക്. നിന്റെ ഭാഗ്യമാണ് ഇവൾ"…..ഗൗരിയെ പുകഴ്ത്തിക്കൊണ്ട് രുദ്രനെ ഒന്നിരുത്തി നോക്കിക്കൊണ്ട് ബേബേ മറുപടി നൽകി.. "അങ്ങനെ പറഞ്ഞു കൊടുക്ക് ബേബേ"...ഗൗരി രുദ്രനെ കളിയാക്കിക്കൊണ്ട് പറഞ്ഞു.. കഴിക്കുമ്പോൾ പലതും പറഞ്ഞു കൊണ്ട് രുദ്രൻ കളിയാക്കുന്നുണ്ടായിരുന്നു. ഗൗരി തിരിച്ചും. ബേബേ ഇടയ്ക്കിടെ രണ്ട് പേരെയും സ്നേഹപൂർവ്വം ശാസിച്ചു കൊണ്ടിരുന്നു... കഴിച്ചു കഴിഞ്ഞപ്പോൾ രുദ്രൻ പാജിയുടെ കൂടെ പുറത്തേക്കിറങ്ങി…. "മോളെ….അവനിങ്ങനെ പറയുമെന്നെ ഉള്ളൂ. അവനു മോളെ ഭയങ്കര ഇഷ്ടമാണ്. അവനിവിടെ വരുമെങ്കിലും അവനെയിത്രയ്ക്ക് സന്തോഷത്തോടെ കാണുന്നത് ആദ്യമായിട്ടാ. അവനെയൊരു പെൺകുട്ടി ചതിച്ചതാണെന്നും അതാണ് അവൻ നാട് വിട്ടതെന്നും പറഞ്ഞിട്ടുണ്ട് മുൻപേ. കൂടുതലൊന്നും അവൻ പറഞ്ഞിട്ടില്ല, എന്തിനാ പഴയതൊക്കെ അവനെയൊർമ്മിപ്പിച്ചു വിഷമിപ്പിക്കുന്നതെന്നു കരുതി ചോദിക്കാൻ ഞങ്ങളൊട്ടും നിന്നിട്ടുമില്ല. എന്തായാലും ആ കുട്ടിയ്ക്ക് ഭാഗ്യമില്ലെന്നേ ഞാൻ പറയൂ"….ഭക്ഷണത്തിന് ശേഷം രസോയിയിൽ ഗൗരിയുമായി സംസാരിച്ചു കൊണ്ടിരിക്കുമ്പോൾ ബേബേ ഗൗരിയോട് പറഞ്ഞു… ബേബേ പറഞ്ഞത് കേട്ട ഗൗരിയുടെ മുഖം പെട്ടെന്ന് മങ്ങി. അത് പുറത്തു കാണിക്കാതിരിക്കാൻ അവൾ ശ്രമിച്ചെങ്കിലും ബേബേ അത് ശ്രദ്ധിച്ചു... "മോളെ….മോളെന്തിനാ വിഷമിക്കുന്നത്"….ഗൗരിയുടെ തലയിൽ തലോടിക്കൊണ്ട് ബേബേ ചോദിച്ചു…. പെട്ടെന്ന് ഗൗരി ബേബേയുടെ ചുമലിലേക്ക് മുഖമമർത്തി കരയാൻ തുടങ്ങി…. എന്തിനാണ് ഗൗരി കരയുന്നതെന്നറിയാതെ അമ്പരന്ന ബേബേ അവളെ ആശ്വസിപ്പിച്ചു കൊണ്ടിരുന്നു… 🌸🌸🌸🌸🌸🌸🌸🌸🌸🌸🌸🌸🌸🌸🌸 രാത്രി രുദ്രൻ ഗൗരിയുടെ കൂടെ ഭക്ഷണം കഴിക്കാൻ ഉണ്ടായിരുന്നില്ല. അവനാ സമയം ബൽക്കാറിന്റെ കൂടെ മുറിയിലായിരുന്നു. രണ്ട് പേർക്കുമുള്ള ഭക്ഷണം അങ്ങോട്ട് എടുത്തു കൊണ്ട് പോയിരുന്നു ബൽക്കാർ. ഗൗരിയ്ക്ക് രുദ്രൻ കൂടെയില്ലാത്തതിൽ വിഷമം തോന്നിയെങ്കിലും രുദ്രനും ബൽക്കാറും കൂടി ഭക്ഷണം മുറിയിലോട്ട് എടുത്തു കൊണ്ട് പോയതിൽ എന്തോ കള്ളത്തരം ഉള്ളത് പോലെ അനുഭവപ്പെട്ടതിനാൽ അവരുടെ മുറിയിലൊന്നു പോയി നോക്കാമെന്നു വച്ചു… ഭക്ഷണം കഴിച്ചതിന് ശേഷം ബൽക്കാറിന്റെ മുറിയിൽ പോയ ഗൗരി കണ്ടത് രണ്ട് പേരും കൂടി മദ്യപിക്കുന്നതാണ്…. "അപ്പോൾ ഇതായിരുന്നല്ലേ ബല്ലൂ നിന്റെ ഭക്ഷണം ഇങ്ങോട്ട് എടുത്തോണ്ട് വന്നതിനു പിന്നിലെ കഥ…ഞാൻ ബേബേയോടും പാജിയോടും പറയട്ടെ ഇത് "…. ഗൗരി ബൽക്കാറിന്റെ മുഖത്തോട്ട് നോക്കിയൊരു ചിരിയിട്ട് കൊണ്ട് പറഞ്ഞു… "ബാബി ചതിക്കല്ലേ…. ബിയർ മാത്രമേ ഞങ്ങൾ അടിക്കുന്നുള്ളു. ഞങ്ങൾ സിക്കുക്കാർക്ക് ഇത് നിഷിദ്ധമാണ്. പിന്നെ ദേവിന് അടിക്കാൻ പെർമിഷൻ ഉള്ളോണ്ട് ബെബേയും പാജിയുമറിയാതെ ഞാൻ ഒന്നു വീശുന്നതാ ഇവനൊരു കമ്പനി കൊടുക്കാൻ"….. ബൽക്കാർ അപേക്ഷാ രൂപത്തിൽ പറഞ്ഞു… "ദേവേട്ടാ…കലിപ്പാ.. ഒന്നും പറയാനില്ലേ ദേവേട്ടന് "…. അതും പറഞ്ഞു ഗൗരി രുദ്രന്റെ കയ്യിൽ നിന്നും ബിയർ ബോട്ടിൽ വാങ്ങി ഒരു കവിൾ അകത്താക്കി… രുദ്രനും ബൽക്കാറും ഇത് കണ്ടമ്പരന്നു…. "ബാബി….ബാബി കുടിക്കുമോ"…ബൽക്കാർ അമ്പരപ്പോടെ ചോദിച്ചു.. "ഒരു കുപ്പിയൊക്കെ വേണമെങ്കിൽ നിന്റെ ബാബി കഴിക്കും. റെഗുലർ ആയൊന്നും ഇല്ല. ഇതു പോലെ ഒക്ക്കേഷണലി മാത്രം"...ഗൗരിയൊന്നു കണ്ണിറുക്കി ചിരിച്ചു കൊണ്ട് പറഞ്ഞു… "നിങ്ങൾ കഴിയ്ക്ക് ഞാൻ പോകുവാ….ദേവേട്ടാ ഓവർ ആക്കരുത് കേട്ടോ "… ബിയർ ബോട്ടിൽ രുദ്രന് തിരിച്ചു കൊടുത്തു കൊണ്ട് ഗൗരി രണ്ട് പേരോടുമായി പറഞ്ഞു…. അവൾ ഉടനെ തങ്ങളുടെ മുറിയിലേക്ക് പോയി…. "ബാബി പൊളിയാ യാരാ…നിനക്ക് വീട്ടിലും കമ്പനി കിട്ടും ഇനി കുടിക്കാൻ "….ബൽക്കാർ ചിരിച്ചു കൊണ്ട് രുദനെ നോക്കി പറഞ്ഞു.. രുദ്രൻ അത് കേട്ടൊന്നു മന്ദഹസിച്ചു….. അല്പസമയം കഴിഞ്ഞു രുദ്രൻ തങ്ങളുടെ മുറിയിലേക്ക് നടന്നു. മുറി തുറന്ന് കയറിയപ്പോൾ ഗൗരി ബാത്ത്റൂമിൽ ആയിരുന്നു... അവൻ കട്ടിലിൽ ഗൗരി വരുന്നതും കാത്ത് മൊബൈലിൽ നോക്കിക്കൊണ്ടിരുന്നു. ബാത്റൂമിന്റെ വാതിൽ തുറക്കുന്ന ശബ്ദം കേട്ട രുദ്രൻ തലയുയർത്തിയൊന്നു നോക്കി… വെള്ള സ്ലീവലസ് ടോപ്പും ബ്ലാക്ക് ഹാഫ് സ്കെർട്ടുമണിഞ്ഞു നീണ്ട മുടിയഴിച്ചിട്ട് നേർത്ത സ്വർണ്ണപ്പാദസരങ്ങളണിഞ്ഞ നനവാർന്ന പാദാരവിന്ദങ്ങളുമായി നടന്നു വരുന്ന ഗൗരിയെ രുദ്രൻ കണ്ണിമയ്ക്കാതെ നോക്കിയിരുന്നു പോയി… രുദ്രൻ തന്നെ എല്ലാം മറന്നു നോക്കിയിരിക്കുന്നത് കണ്ട ഗൗരിയിൽ ഒരു കള്ളച്ചിരി വിടർത്തി. രുദ്രൻ പതിയെ സ്വയമേവ എഴുന്നേറ്റ് അവളുടെ പുഞ്ചിരിയെ രുദ്രൻ ആദ്യമായ് കാണുന്നത് പോലെ കൊതിയോടെ നോക്കി നിന്നു… "ദേവേട്ടാ…എന്താ എന്റെ കലിപ്പൻ ഇങ്ങനെ നോക്കുന്നത് "…..ഗൗരി രുദ്രനോട് ചേർന്ന് നിന്നു അവന്റെ കവിളിലും മുടിയിലും തലോടിക്കൊണ്ട് അവന്റെ മിഴികളിലേക്ക് പ്രണയപുരസരം തന്റെ മിഴികളയച്ചു കൊണ്ട് ചോദിച്ചു…. "നന്ദു "…. രുദ്രൻ പ്രണയാർദ്രമായി തന്നെ വിളിക്കുമ്പോൾ അവന്റെ മിഴികളിൽ തന്നോടുള്ള അടങ്ങാത്ത പ്രണയത്തിൻ രത്നഗർഭ വീചികൾ അലയടിയ്ക്കുന്നത് കണ്ട ഗൗരിയുടെ മനസ്സും തരളിതമായിക്കൊണ്ടിരുന്നു… അവളുടെ കളെബരം പകർന്ന ചെറുചൂടിൽ അവന്റെ കൈകൾ അവളുടെ ടോപ്പിനുള്ളിലൂടെ ഇടുപ്പിൽ കരപരിലാളനകളർപ്പിച്ചു കൊണ്ടിരിക്കുമ്പോൾ പുളകിതയായവളുടെ സരസിജനയനങ്ങളിൽ അവന്റെ ചുണ്ടുകളമർന്നു…. "ദേവേട്ടാ "…ഒരു കുറുകലോടെ അവളുടെ കരാംഗുലികൾ അവന്റെ മുടിയിഴകൾക്കിടയിലൂടെ ഇഴഞ്ഞുകൊണ്ടിരുന്നു…. രുദ്രൻ ഗൗരിയുടെ നാസികയ്ക്ക് നേരെ മുഖം താഴ്ത്തി അവളുടെ രുധിരം തുടിക്കുന്ന വിറയ്ക്കുന്ന രത്നാധരങ്ങളിലെ തേൻകണങ്ങൾ അവൻ തന്റെ അധരങ്ങൾ കൊണ്ടൊപ്പിയെടുക്കാൻ തുടങ്ങി…. തുടരും കണ്ണൂർകാരൻ ❤️❤️❤️❤️ #📙 നോവൽ #✍ തുടർക്കഥ #📚 ട്വിസ്റ്റ് കഥകൾ #💞 പ്രണയകഥകൾ #📔 കഥ