ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6a8z5aKG?d=n&ui=v64j8rk&e1=c29പറ, എന്നോട് സത്യം പറ. ഡാനി അവളുടെ മുഖത്തേക്ക് നോക്കി പെട്ടെന്ന് കുറച്ച് ആളുകൾ അങ്ങോട്ട് വന്നു. കുറെ നേരമായല്ലോ നിങ്ങൾ ഇവിടെ നിൽക്കുന്നു. ഇത് പരിശുദ്ധമായ സ്ഥലമാണ്, നിങ്ങൾക്ക് പ്രണയിക്കാനുള്ള സ്ഥലമല്ല. ഇതിനുമുമ്പ് ഞാൻ നോക്കിയപ്പോൾ രണ്ടും കൂടെ കെട്ടിപ്പിടിച്ചുകൊണ്ട് നിൽക്കുന്നു അതാ നിങ്ങളോട് വന്നു നോക്കാൻ ഞാൻ പറഞ്ഞത് ഒരുവൻ മറ്റുള്ളവരോട് പറഞ്ഞു. നാണമില്ലേ നിങ്ങൾക്ക്, പരിശുദ്ധമായ ഈ സ്ഥലത്ത് നിന്നാണോ ഇത്തരം പരിപാടികൾ ചെയ്യേണ്ടത്?? മര്യാദയ്ക്ക് പൊയ്ക്കോണം ഇവിടെ നിന്നും. നമുക്ക് പോകാം ഡാനി.. നിതാരാ പേടിയോടെ ഡാനിയോട് പറഞ്ഞു. രണ്ടിനോടും പോകാനാ പറഞ്ഞത്... അവർ ശബ്ദമുയർത്തി. ഡാനി നിതാരയെ വണ്ടിയിൽ കയറ്റി ഡോറടച്ചു, വേഗം പൊയ്ക്കോളൂ അയാൾ പറഞ്ഞു ഡാനി വരുന്നില്ലേ..?? ഞാൻ വന്നോളാമെന്നല്ലേ പറഞ്ഞത്,വേഗം പോ.. അയാൾ ദേഷ്യപ്പെട്ടു. അവൾ വേഗം വണ്ടിയോടിച്ചു പോയി ഡാനി തങ്ങളെ തന്നെ നോക്കി നിൽക്കുന്നവരെ ഒന്ന് ശ്രദ്ധിച്ചിട്ട് വേഗം വാഹനത്തിൽ കയറി, അവിടെ നിന്നും പോയി. വിശ്വാസികൾക്ക് എന്തെങ്കിലും ചെറിയ കാര്യം കിട്ടിയാൽ മതി, അത് വലിയ പ്രശ്നമാക്കാൻ അവർക്ക് എളുപ്പം കഴിയും അയാൾ നേരെ ശിൽപയുടെ ഔട്ട് ഹൗസിലേക്ക് പോയി.. ഡാനി നിതാരയെ കാണാൻ പോയതായിരുന്നു അല്ലേ ?? യമുന ചോദിച്ചു. ഉം... എന്നിട്ട്, എല്ലാം തുറന്നു പറഞ്ഞോ? ഇല്ല. ഞങ്ങൾ സംസാരിക്കുന്നത് കണ്ട് അമ്പലക്കമ്മറ്റിക്കാർ ആണെന്ന് തോന്നുന്നു, വന്ന് പ്രശ്നമുണ്ടാക്കി. അല്ലെങ്കിലും ആണും പെണ്ണും ഒരുമിച്ച് നിന്ന് സംസാരിച്ചാൽ ഉടനെ ചിലർക്ക് സദാചാരം തലപൊക്കും. അതങ്ങനെയാണ് ഒരു മാറ്റവുമില്ല. യമുന പറഞ്ഞു. നിതാര വീട്ടിലെത്തി. അവൾ സ്വന്തം മുറിയിലേക്ക് പോയി. അവളുടെ മനസ്സിലാകെ അസന്തുഷ്ടി നിറഞ്ഞു നിന്നിരുന്നു. ക്രൂരനായ ആ മനുഷ്യൻ അച്ഛൻ തന്നെയാണോ എന്നവൾക്ക് സംശയം തോന്നി. അവൾ ഫോൺ എടുത്തു ഡാനിയെ വിളിച്ചു നോക്കി. ബെല്ലടിക്കുന്നതല്ലാതെ അയാൾ എടുക്കുന്നില്ല... അവൾ വിളിച്ചുകൊണ്ടിരുന്നു. അപ്പോഴും അയാൾ ഫോൺ എടുത്തില്ല. ശിൽപയുടെ ഔട്ട് ഹൗസിലാണ് താമസിക്കുന്നതെന്ന് അയാൾ പറഞ്ഞത് അവൾക്കോർമ്മ വന്നു. ഇനിയിപ്പോൾ രാത്രിയായ സ്ഥിതിക്ക് അവിടേക്ക് പോകാനും പറ്റില്ല. എന്തായാലും നേരം വെളുക്കട്ടെ, അല്ലാതെ വേറെ വഴിയില്ല. രാത്രി അവൾക്ക് ഒരുപോള കണ്ണടയ്ക്കാൻ കഴിഞ്ഞില്ല. തന്റെ അച്ഛനാണ് ഇങ്ങനെയുള്ള ക്രൂരത ചെയ്യുന്നതെങ്കിൽ, ഈ ജന്മം തനിക്ക് ഉറങ്ങാൻ സാധിക്കില്ലെന്നവൾക്ക് മനസ്സിലായി. തന്റെ അച്ഛനാണ് ഇതിനെല്ലാം പിന്നിലെങ്കിൽ, ഒരു കാര്യം താൻ ഉറപ്പിച്ചിട്ടുണ്ട്, പിന്നെ ഈ ലോകത്തിൽ താൻ ഒരു നിമിഷം പോലും ജീവിച്ചിരിക്കില്ല. 🍀🍀🍀🍀🍀 ഡാനി ഫോൺ എടുത്തു നോക്കി. നിതാര ഇന്നലെ കുറെ വട്ടം വിളിച്ചിട്ടുണ്ട്. ഇന്ന് രാവിലെയും വിളിച്ചിട്ടുണ്ട്. താൻ മനപൂർവം ഫോൺ എടുക്കാത്തതാണ്. അവൾ എന്തിനുവേണ്ടിയാണ് വിളിക്കുന്നത് എന്ന് തനിക്കറിയാം താനാ പേര് അവളോട് നേരിട്ടാണ് പറയേണ്ടത്, ഫോണിലൂടെ പറയേണ്ട കാര്യമല്ല. കേൾക്കുമ്പോൾ അവൾ ആകെ തകർന്നു പോകുമെന്ന് തനിക്കറിയാം. തനിക്ക് മാത്രമേ ഈ ഭൂമിയിൽ അവളെ ആശ്വസിപ്പിക്കാനാകൂ, അതുകൊണ്ട് താൻ തന്നെ അവളോട് പറയണം. അതുകൊണ്ടാണ് അവൾ വിളിച്ചിട്ട് താൻ കോൾ എടുക്കാതിരുന്നത് തീർച്ചയായും അവൾ രാവിലെ ഇങ്ങോട്ട് വരും. തന്നോട് കാര്യങ്ങൾ ചോദിക്കും. അതുറപ്പാണ്. രാവിലെതന്നെ നിതാര കുളിച് റെഡിയായി താഴേക്ക് ഇറങ്ങി. ഇന്നെന്താ ഇത്ര രാവിലെ പോകുന്നത് അമ്മ ചോദിച്ചു ?? കുറച്ച് ജോലി ചെയ്തു തീർക്കാൻ ഉണ്ട്. നേരത്തെ പോയാൽ എളുപ്പമാകുമല്ലോ എന്ന് കരുതി. തൽക്കാലം ബ്രേക്ക് ഫാസ്റ്റ് കഴിച്ചിട്ട് പോയാൽ മതി.സ്വന്തം ആരോഗ്യം പോലും നോക്കാതെയുള്ള നിന്റെ ജോലിയോടുള്ള ആത്മാർത്ഥത അത്ര ശരിയല്ല. അമ്മയുടെ നിർബന്ധം സഹിക്കവയ്യാതെ അവൾ ബ്രേക്ക് ഫാസ്റ്റ് കഴിക്കാനിരുന്നു. പെട്ടെന്ന് കഴിച്ച് തീർത്ത്, അവൾ വാഹനം എടുത്ത് ശില്പയുടെ വീട്ടിലേക്ക് പോകാൻ ഇറങ്ങി. നിതാരയുടെ വീടും,ശില്പയുടെ വീടുമായി ഏകദേശം ഒന്നര കിലോമീറ്ററോളം ദൂരമേയുള്ളൂ നന്ദുവിന്റെ വീടും,ശില്പയുടെ വീടും, തന്റെ വീടും ഏകദേശം ഒന്നോ രണ്ടോ കിലോമീറ്റർ ചുറ്റളവിനുള്ളിൽ തന്നെയാണ്. എങ്കിലും കുട്ടിക്കാലത്ത് അയൽവക്കത്തെ വീടുകളിൽ പോവുകയോ അവിടെ ഇരുന്നു കളിക്കുകയോ അങ്ങനെയൊന്നും ഉണ്ടായിട്ടില്ല. എല്ലാവരും അവരവരുടെ വീടും ഫാമിലി അംഗങ്ങളുമായി ഒതുങ്ങിക്കൂടി ജീവിക്കുന്നവരാണ് അവളുടെ വാഹനം ശിൽപയുടെ വീടിനടുത്ത് എത്തുംമുമ്പ് ഒരു കുട്ടി റോഡിന്റെ നടുക്ക് നിൽക്കുന്നതുകണ്ട് അവൾ സൈഡിലേക്ക് വണ്ടി ഒതുക്കി നിർത്തി. ഡോർ തുറന്നിറങ്ങി കുഞ്ഞിന് അരികിലേക്ക് ചെന്നു ഇതെന്താ മോനെ...നീ ഇങ്ങനെ വഴിയിൽ ഇറങ്ങി നിൽക്കുന്നത്. ഇങ്ങനെ വഴിയുടെ നടുക്ക് കയറി നിന്നാൽ വണ്ടി ഇടിക്കില്ലേ.. മോന്റെ വീട് ഏതാ ?? അച്ഛനും അമ്മയും കാണാതെയാണോ മോൻ വഴിയിലേക്ക് ഇറങ്ങിയത് ?? ആം..കുഞ്ഞ് പറഞ്ഞു. ഇങ്ങനെയൊന്നും ചെയ്തുകൂടാ കേട്ടോ, അച്ഛനും അമ്മയും മോനെ കാണാതെ വിഷമിക്കില്ലേ ?? മോന്റെ വീട് എവിടെയാ?? ദാ... അവിടെ, അവൻ മുന്നിലേക്ക് വിരൽ ചൂണ്ടി. ഏകദേശം നാല് വയസ്സോളം പ്രായം തോന്നും അവനെ കണ്ടാൽ ചേച്ചി മോനെ വീട്ടിൽ കൊണ്ടുചെന്നാക്കാം, അവൾ അവന്റെ കയ്യിൽ പിടിച്ചുകൊണ്ട് അവൻ പറഞ്ഞ വീടിനരികിലേക്ക് നടന്നു. പെട്ടെന്നാണ് ഒരു സ്ത്രീ ഓടി വന്നത്, കുഞ്ഞിനെ കണ്ട് അവൾ അവരുടെ അടുത്ത് എത്തി. എന്താ മോനെ നീ ആരോടും പറയാതെ റോഡിലേക്ക് ഇറങ്ങിയത് ?? കുഞ്ഞിനെ വഴക്ക് പറഞ്ഞുകൊണ്ട് ആ സ്ത്രീ അവന്റെ കൈയിൽ പിടിച്ചു. ഞാൻ വരുമ്പോൾ റോഡിന് നടുക്ക് നിൽക്കുകയായിരുന്നു മോൻ.നിതാര പറഞ്ഞു. സോറി കേട്ടോ... മോൻ വഴിയിലേക്ക് ഇറങ്ങുന്നത് ഞാൻ കണ്ടില്ല. സാരമില്ല അവൾ വണ്ടിയുടെ അടുത്തേക്ക് തിരിഞ്ഞു നടന്നു. ആ സ്ത്രീ കുഞ്ഞിനെയും കൊണ്ട് അവരുടെ വീട്ടിലേക്ക് നടന്നു നിതാര വണ്ടിയുടെ അടുത്തേക്ക് ചെന്നതും, രണ്ടുമൂന്നാളുകൾ ചേർന്ന് നിതാരയെ ബലമായി പിടിച്ച്‌ മറ്റൊരു കാറിനകത്തേക്ക് കയറ്റി. നിങ്ങളൊക്കെ ആരാ? എന്നെ വീട് അവൾ ഉറക്കെ പറഞ്ഞു. മിണ്ടാതിരിക്കവിടെ? അവർ അവളുടെ വായ പൊത്തി. ആ വാഹനം മുന്നോട്ട് ചീറി പാഞ്ഞു. 🍀🍀🍀🍀🍀🍀🍀 ഡാനി അക്ഷമയോടെ കാത്തിരിക്കുകയാണ്. നിതാര രാവിലെ തന്നെ അന്വേഷിച്ചു വരുമെന്നാണ് ഞാൻ കരുതിയത്, പക്ഷേ ഇതുവരെയും അവൾ വന്നില്ല ഫോൺ വിളിച്ചിട്ട്‌ എടുത്തതുമില്ല. ഇനിയിപ്പോൾ ഇന്നലെ അത്രയും വിളിച്ചിട്ടും താൻ കോൾ എടുക്കാത്തതുകൊണ്ട് അവൾ പിണക്കത്തിൽ ആയിരിക്കുമോ?? അയാൾ ഫോണെടുത്ത് നിതാരയെ വിളിച്ചു. അവൾ കോൾ എടുക്കുന്നില്ല. എന്തായാലും ഒന്ന് പോയി അന്വേഷിക്കാം, നേരിട്ട് കണ്ട് കാര്യങ്ങളൊക്കെ പറയാം. അയാൾ കാറിൽ കയറി, കാർ പുറത്തേക്കിറങ്ങി ഇത്തിരി മുന്നോട്ടുപോയതും നിതാരയുടെ കാർ വഴിയരികിൽ കിടക്കുന്നത് അയാൾ കണ്ടു. അയാൾ കാർ നിർത്തി ഇറങ്ങി നിതായുടെ കാറിനരികിലേക്ക് ചെന്നു, കാറിനുള്ളിൽ ആരുമില്ലല്ലോ നിതാര ഇതെവിടെ പോയി?? ആ പരിസരത്തെങ്ങും അവളില്ല. പെട്ടെന്നാണ് മുൻപ് റോഡിൽ നിന്ന ആ കുട്ടിയുടെ അമ്മ അങ്ങോട്ട് വന്നത് അവർ സംശയത്തോടെ ഡാനിയേ നോക്കുകയാണ്.. ഡാനി അവരുടെ അടുത്തേക്ക് ചെന്നു. ചേച്ചി ഈ വണ്ടിയിൽ ഉണ്ടായിരുന്ന ആൾ എവിടെ പോയെന്ന് അറിയാമോ?? അയാൾ ചോദിച്ചു അത്... അത്... ഞാൻ എന്ത് ചെയ്യണം എന്നറിയാതെ നിൽക്കുകയായിരുന്നു. എന്റെ മോൻ വഴിയിലേക്ക് ഓടി വന്നപ്പോൾ കാർ നിർത്തി, ആ പെൺകുട്ടിയാണവനെ രക്ഷിച്ചത്. ഞാൻ മോനെയും കൊണ്ട് തിരികെ വീട്ടിലേക്ക് പോകുമ്പോഴാണ് ഈ വളവിൽ വെച്ച് ആ പെൺകുട്ടിയെ രണ്ടുമൂന്നുപേർ ബലമായി മറ്റൊരു കാറിൽ കയറ്റി കൊണ്ടു പോയത്. ഡാനി ഞെട്ടിപ്പോയി . ഞാൻ എന്ത് ചെയ്യണമെന്നറിയാതെ നിൽക്കുകയായിരുന്നു. പോലീസിൽ അറിയിച്ചാലോ ?? ആ സ്ത്രീ പരിഭ്രമത്തോടെ ചോദിച്ചു. ഡാനി പൊടുന്നനെ കാറിലേക്ക് കയറി. ആ കാർ അവിടെ നിന്നും പാഞ്ഞു പോയി. 🍀🍀🍀🍀🍀🍀 നിതാരയെ ഒരു കസേരയിൽ കെട്ടി വച്ചിരിക്കുകയാണ്. നിങ്ങളൊക്കെ ആരാണ്? എന്തിനാണ് എന്നെ ഇങ്ങോട്ട് കൊണ്ടുവന്നത്?? അവൾ ചോദിച്ചു അവളുടെ ചുറ്റിനും രണ്ടുമൂന്നു പേർ നിൽപ്പുണ്ട്. നിന്നെ സഹായിക്കുന്നത് ഞങ്ങൾക്കൊപ്പം മുൻപുണ്ടായിരുന്ന ഡാനി ആണോ?? അവരിൽ ഒരാൾ നിതാരയോട് ചോദിച്ചു. ഡാനിയോ അതാരാണ്.?. അങ്ങനെ ഒരാളെ ഞാൻ അറിയില്ല. നിതാര പറഞ്ഞു. നീ കള്ളം പറയുകയാണ്, നിന്നെ ആരാ സഹായിക്കുന്നത്?? നിന്നെ ഞങ്ങൾ പലവട്ടം നോക്കി വച്ചതാണ്, അന്നൊക്കെ അയാൾ തടസ്സമുണ്ടാക്കി. സത്യം പറ, അയാൾ ആരാണ്?? അതെ! നിങ്ങൾ ഉദ്ദേശിക്കുന്ന ആൾ തന്നെയാണ് എന്റെ കൂടെയുള്ളത്. ഡാനി എന്റെ കൂടെയുണ്ട്.നിങ്ങൾ എന്തൊക്കെ ചെയ്യാൻ നോക്കിയാലും അവൻ ഇവിടെ വരികയും എന്നെ രക്ഷിച്ചു കൊണ്ട് പോകുകയും ചെയ്യും. നിതാര ഉറച്ച ശബ്ദത്തോടെ പറഞ്ഞു ഓഹോ...അപ്പോൾ ഞങ്ങളുടെ ഊഹം തെറ്റിയില്ല. ഞങ്ങളുടെ ഗ്രൂപ്പിൽ ഉള്ള എത്ര പേരെയാണ് അവൻ ഇരുമ്പഴിക്കുള്ളിൽ ആക്കിയത്. അതിനുമാത്രം ബുദ്ധിയുള്ള ഒരേ ഒരാൾ അവനാണെന്ന് ഞങ്ങൾക്ക് തോന്നിയിരുന്നു. ഞങ്ങളുടെ കൂടെ ഉണ്ടായിരുന്ന കാലത്തും അവൻ അതിസമർത്ഥനായിരുന്നു. ഇത്രയും വക്രബുദ്ധി അവന്റെ തലയിൽ നിന്നെ ഉദിക്കൂ. പക്ഷേ ഞങ്ങൾ എവിടെയൊക്കെ അന്വേഷിച്ചിട്ടും അവനെ കണ്ടെത്താനായില്ല. ഇനിയിപ്പോൾ നിന്നെ തിരക്കി അവൻ ഇവിടെ വരും, വരാതെ എവിടെ പോകാൻ ?? അവർ ചിരിച്ചു അവൻ വരുമ്പോൾ നിങ്ങളുടെ ഈ ചിരി മാഞ്ഞോളും.നിതാര പറഞ്ഞു വരട്ടെ. ഞങ്ങൾ അവനെ കാത്തിരിക്കുകയാണ്. അവർ പുറത്തിറങ്ങി. നിതാര ചുറ്റിലും നോക്കി. ഇതേതാണ് സ്ഥലം എന്നു പോലും മനസ്സിലാകുന്നില്ല. തന്റെ കണ്ണുകൾ മൂടിക്കെട്ടിയിരുന്നതുകൊണ്ട് എങ്ങോട്ടാണ് പോന്നത് എന്ന് ഒരു ഊഹവുമില്ല. എന്തായാലും ഇതിനൊരു അവസാനം ഉണ്ടാകാൻ പോവുകയാണെന്നവൾക്ക് തോന്നി. തന്നെ അവർ ഉപദ്രവിക്കില്ല എന്ന് അവൾക്കുറപ്പുണ്ടായിരുന്നു. ഇതിനൊക്കെ പിന്നിൽ തന്റെ അച്ഛനാണെങ്കിൽ തന്നെ ഭയപ്പെടുത്താൻ മാത്രമോ, അല്ലെങ്കിൽ ഡാനിയെ പിടികൂടാൻ വേണ്ടി മാത്രമോ തന്നെ കരുവാക്കുകയാണെന്നാണ് അവൾക്ക് തോന്നിയത്. അല്ലാതെ സ്വന്തം മകളെ ഉപദ്രവിക്കാൻ എന്തായാലും അച്ഛൻ നോക്കുകയില്ല. അങ്ങനെയാകാമായിരുന്നെങ്കിൽ ഇതിനു മുൻപേ ആകാമായിരുന്നല്ലോ. ഇത്രയും കാത്തിരിക്കേണ്ടി വരുമായിരുന്നില്ലല്ലോ. തന്നെ അവരാരും ഉപദ്രവിക്കില്ല എന്ന ഉറച്ച വിശ്വാസമുള്ളതുകൊണ്ട് അവൾക്ക് നല്ല ധൈര്യം തോന്നി അല്പസമയം കഴിഞ്ഞപ്പോൾ ഒരുവൻ അകത്തേക്ക് വന്നു. അവളുടെ കയ്യിലെ കെട്ടുകൾ അഴിച്ചു. കസേരയോട് ചേർത്ത് ബന്ധിച്ചിരിക്കുന്നത് കൊണ്ട് കൈകൾക്ക് വല്ലാത്ത വേ.ദ.ന തോന്നുന്നുണ്ടായിരുന്നു. അയാൾ അവളുടെ കയ്യിൽ പിടിച്ചു വലിച്ചുകൊണ്ട് ഒരു മുറിയിലേക്ക് കൊണ്ടുപോയി. ആ മുറിയിലേക്ക് അവളെ തള്ളി വീഴ്ത്തിയിട്ട് അയാൾ പുറത്തു നിന്നും കതകടച്ചു നിതാര തറയിൽ നിന്നും പതിയെ എഴുന്നേറ്റ് നിന്നതും മുൻപിൽ കണ്ട കാഴ്ച അവളെ വല്ലാതെ ഞെട്ടിച്ചു കളഞ്ഞു. നാലഞ്ചു ചെറിയ പെൺകുട്ടികൾ പതിനഞ്ചോ പതിനാറോ വയസ്സിനപ്പുറം പ്രായം തോന്നില്ല, അവർ മുറിയിലെ മൂലയിൽ വെറും തറയിൽ ഇരിക്കുകയാണ് പാറിപ്പറന്ന മുടിയിഴകൾ... കണ്ണുനീർ ഉണങ്ങിയ പാടുകൾ മുഖത്ത് വ്യക്തമായി കാണാം, അവർ വല്ലാതെ ഭ.യപ്പെട്ടിരിക്കുന്നത് പോലെ നിതാരയ്ക്ക് തോന്നി . നിതാര പതിയെ അവരുടെ അടുത്തേക്ക് ചെന്നു . അപ്പോഴാണ് തുണികൊണ്ട് മറച്ച മുറിയുടെ ഒരു ഭാഗം അവളുടെ ശ്രദ്ധയിൽപ്പെട്ടത്, അവൾ ആ തുണി നീക്കി നോക്കി. നന്നേ ക്ഷീണിച്ച രണ്ട് സ്ത്രീകൾ നിലത്ത് കിടപ്പുണ്ട്. അവർ ഉറങ്ങുകയാണോ ?? അതോ അവർ മരിച്ചുപോയോ?? നിതാര അവരെ സൂക്ഷ്മമായി നോക്കി. ഇല്ല.അവരുടെ നെഞ്ചം ഉയർന്നുതാഴുന്നുണ്ട്. അവർ ശ്വാസം എടുക്കുന്നുണ്ട്. അവൾക്ക് ആശ്വാസം തോന്നി നിതാര നിലത്തിരിക്കുന്ന ആ പെൺകുട്ടികളുടെ അടുത്തേക്ക് ചെന്നു. അവർ തന്നെ നോക്കുന്നത് പോലുമില്ല. കുട്ടി.... നീതാര, അതിൽ ഒരു പെൺകുട്ടിയുടെ കൈകളിൽ പിടിച്ചു ആ പെൺകുട്ടി പെട്ടെന്ന് കൈകൾ പിന്നിലേക്ക് വലിച്ചിട്ട്, നിതാരയെ പേടിയോടെ നോക്കിക്കൊണ്ടിരുന്നു. അവളുടെ ഉടലിൽ പലയിടങ്ങളിലും വസ്ത്രം കീറിയിട്ടുണ്ട്, ഇളം മേ.നി.യിൽ മു.റി.ഞ്ഞ പാടുകൾ. കഴുത്തിൽ നീലിച്ച പാടുകൾ ആരൊക്കെയോ ചേർന്നുഴുതുമറിച്ച ഇളം ദേഹമാണ് അതെന്ന് നിതാര വേദനയോടെ തിരിച്ചറിഞ്ഞു. മറ്റു മൂന്നു പെൺകുട്ടികളുടെയും അവസ്ഥ അതേപോലെതന്നെയായിരുന്നു. അവർക്ക് ആളുകളെ നോക്കാൻ പോലുമുള്ള ധൈര്യമില്ലെന്ന് നിതാരക്ക് മനസ്സിലായി. ആകെ ഭയന്ന്, എന്താണ് ചെയ്യേണ്ടത് എന്നറിയാതെ. എന്താണ് സംഭവിച്ചത് എന്ന് പോലും തിരിച്ചറിയാനാവാതെ പാവം പെൺകുട്ടികൾ. നിസ്സഹായരായ പെൺകുട്ടികളെ അവർ ഉപയോഗിക്കുകയാണ്. ഏറ്റവും ഒടുവിൽ ആരോഗ്യം ക്ഷയിച്ച് ഒന്നിനുമാവാത്ത അവസ്ഥയിൽ എത്തുമ്പോൾ അവരുടെ ആ.ന്ത.രിക അ. വ. യവ. ങ്ങൾ എടുത്ത് അവരെ എന്നേക്കുമായി ഈ ഭൂമിയിൽ നിന്നും പറഞ്ഞയക്കും. പല സിനിമകളിലും ഇങ്ങനെയുള്ള വിഷയം കണ്ടിട്ടുണ്ട്. പല നോവലുകളിലും ഈ വിഷയം വായിച്ചിട്ടുണ്ട്. എങ്കിലും അതെല്ലാം ആരുടെയെങ്കിലും വിരൽ തുമ്പിൽ നിന്നും വന്ന ഭാവന നിറഞ്ഞ കഥകൾ ആയിരിക്കും എന്ന് കരുതി. എന്നാൽ അങ്ങനെയല്ല. ഇതാണ് ഇപ്പോൾ പണം ഉണ്ടാക്കാനുള്ള ഏറ്റവും നല്ല മാർഗമെന്ന് കരുതി ജീവിക്കുന്നുണ്ട് ക്രൂരന്മാരായ ചില മനുഷ്യജന്മങ്ങൾ. അവർക്ക് സഹായത്തിനായി വമ്പൻമാരാണ് കൂടെയുള്ളത്. പണവും നി. യ. മവും ഒക്കെ അവരെ സഹായിക്കുകയാണ്. ഈ ലോകത്ത് ജീവിക്കാൻ തന്നെ ഭയക്കേണ്ടിയിരിക്കുന്നു. നിതാര നിലത്തു കിടക്കുന്നസ്ത്രീകളുടെ അടുത്തേക്ക് ചെന്നു. ഇവരെ എന്തോ കു.ത്തി. വെച്ച് മയക്കി കിടത്തിയിരിക്കുകയാണെന്ന് അവൾക്ക് തോന്നി, അല്ലെങ്കിൽ തന്നെ, ഈ മുറിയിലേക്ക് ഇട്ട് വാതിൽ അടച്ച ശബ്ദം കേട്ടിട്ട് പോലും ഇവർ ഉണരാത്തത് എന്താണ്?? നിതാര പതിയെ ആ സ്ത്രീകളുടെ കയ്യിൽ അടിച്ചു നോക്കി. ഇല്ല.അവർ അറിയുന്നതു പോലുമില്ല. ഒരുപക്ഷേ ഇവർ ബഹളം ഉണ്ടാക്കുകയോ, ഓടിപ്പോകാൻ ശ്രമിക്കുകയോ ചെയ്തിരിക്കാം. അല്ലെങ്കിൽ ഭയന്ന് മാനസിക വിഭ്രാന്തി കാണിച്ചിരിക്കണം. അതുകൊണ്ടായിരിക്കും ഇങ്ങനെ മയക്കി കിടത്തിയിരിക്കുന്നത്. നിതാര പെൺകുട്ടികളുടെ അടുത്തേക്ക് ചെന്നു. നിങ്ങൾ പേടിക്കേണ്ട. ഞാൻ നിങ്ങളെ രക്ഷിക്കാൻ വേണ്ടി വന്നതാണ്. നിതാര അവരെ സമാധാനിപ്പിക്കാൻ ശ്രമിച്ചുകൊണ്ടിരുന്നു. 🍀🍀🍀🍀 തുടരും. കണ്ണൂർകാരൻ 🌹🌹🌹🌹🌹 #💞 പ്രണയകഥകൾ #📚 ട്വിസ്റ്റ് കഥകൾ #✍ തുടർക്കഥ #📙 നോവൽ #📔 കഥ