ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6WVjxRx?d=n&ui=v64j8rk&e1=cമന്ത്രകോടി :പാർട്ട്‌ -32🌺💚 ഓഫീസിലെ ടെൻഷനും ഭാരവും ഒന്ന് ഇറക്കി വച്ച് അല്പനേരം നിന്നോടും നമ്മുടെ കുഞ്ഞിനോടും സംസാരിക്കാൻ അത്ര കൊതിയൊടെയാണ് ഞാൻ എത്തുന്നത് പക്ഷേ നിനക്ക്........ മഹിയൊന്നു നിർത്തി.... ആദ്യമൊക്കെ നിനക്ക് വയ്യാത്തതുകൊണ്ടാണെന്നു തോന്നും പക്ഷേ ഇപ്പോൾ ഇതൊക്കെ നിന്റെ അഭിനയമാണെന്ന് മാത്രമേ എനിക്ക് തോന്നുള്ളൂ..... എന്നേക്കാൾ നമ്മുടെ കുഞ്ഞിനെക്കാൾ പ്രാധാന്യമുള്ള എന്തോ ഒന്ന് അതിൽ കുടുങ്ങി കിടക്കുകയാണ് നീ.... എന്നിൽ നിന്ന് നീ എന്തോ നന്നായി മറക്കുന്നുമുണ്ട്..... അതെന്താണന്നെനിക്കറിയണം മെറിൻ അവൻ അവളുടെ കണ്ണുകളിലേക്ക് നോക്കി ചോദിച്ചു...... ഒന്ന് നിർത്തുന്നുണ്ടോ മഹി ഈ ചോദ്യം ചെയ്യൽ..... അവൾ ദേഷ്യത്തോടെ അലറി...... നീ ശബ്ദം ഉയർത്താതെ ഞാൻ ചോദിച്ചതിന് മറുപടി പറയ് മെറിൻ........ അവളുടെ ചോദ്യം വിലകൽപിക്കാതെ അവൻ അവളുടെ മുഖത്തേക്ക് നോക്കി എന്നിൽ നിന്ന് നീ എന്താ മറക്കുന്നെ....... വീണ്ടുമവൻ ആവർത്തിച്ചു. മറക്കുന്നുണ്ട്.... പല കാര്യങ്ങളും മറക്കുന്നുണ്ട്.... നിന്നോട് പറയാൻ സൗകര്യമില്ല........ മെറിൻ....... അലറണ്ട മഹി..... നിന്റെ ചോദ്യങ്ങൾക്ക് ഉത്തരം തരാൻ മനസ്സില്ലെനിക്ക്..... അത്രയും പറഞ്ഞവൾ വെട്ടിത്തിരിഞ്ഞ് മുകളിലേക്കുള്ള സ്റ്റെപ്പുകൾ കയറി...... മരപ്പടിയിൽ ഹീലുകൾ ചവിട്ടികയറുമ്പോ ഴുള്ള ശബ്ദമാകെ അവിടെ പ്രതിധ്വനിച്ചു........ 🌼🌼🌼🌼🌼🌼🌼🌼🌼🌼🌼 കല്യാണം പെട്ടന്നായതുകൊണ്ട് കാവ്യക്ക് വല്ലാത്തൊരു ടെൻഷനുണ്ട്. എന്തോ എല്ലാം വളരെ വേഗം നടത്തുന്നത്പോലെ...... അമ്മയോടാണേൽ ഒന്നും തർക്കിക്കാൻ പറ്റാത്ത അവസ്ഥ. അച്ഛനും മറ്റൊന്നും പറയുന്നില്ല. ആകെ ആശ്രയം ഭാമചേച്ചിയാണ് ....... അവൾ വന്ന നേരം മുതൽ കാവ്യക്കൊപ്പം തന്നെയുണ്ട്. ഭാമ അവളെ ചേർത്തുപിടിക്കുന്നുമുണ്ട്. കാരണം അവൾക്കുള്ളിലെ പരിഭ്രമം മറ്റാരേക്കാളുംമിന്ന് ഭാമക്കറിയാം....... കാവ്യ മനസ്സിലെ സങ്കർഷങ്ങൾ മാറ്റി വച്ച് ചിരിക്കാൻ ശ്രമിച്ചു. വൈകുന്നേരത്തെ റിസെപ്ഷൻനെല്ലാം അവസാനിച്ചപ്പോൾ നന്നേ ലേറ്റായിരുന്നു....... അടുത്തുള്ള ക്ഷേത്രത്തിൽ വച്ചാണ് നാളെ താലികെട്ട്നടക്കുന്നത്......... ഭാമയും നന്ദനുമടക്കം എല്ലാവരും അതിന്റെ തായ തിരക്കിൽ തന്നെയാണ്........ 🌼🌼🌼🌼🌼🌼🌼🌼🌼🌼🌼🌼 രാത്രി പത്ത് മണിയായിട്ടും മഹി റൂമിലേക്ക്‌ കയറി വന്നിരുന്നില്ല........ നേരത്തേ തന്നോട് ദേഷ്യപെട്ടത് കൊണ്ട് തന്നെ കഴിക്കാൻ കിച്ചനിലേക്ക് പോയപ്പോൾ മഹിയെ വിളിക്കാൻ പോലും മിനക്കെട്ടില്ല. നേരെ പോയി കഴിച്ച് തിരികെ റൂമിലേക്ക് വന്നു. എന്നാൽ സമയം കഴിയുംതോറും മെറിന്റെ മനസ്സിൽ ചില ചിന്തകൾ കടന്നുവരാൻ തുടങ്ങി...... മഹിക്ക് ഇനിയെന്തെങ്കിലും മനസ്സിലായി കാണുമോ? ഇല്ലന്നു തന്നെയാണ് വിശ്വാസം എന്നാലും മഹിയുടെ ഇന്നത്തെ ദേഷ്യവും പ്രകടനവും കണ്ട് തന്നെക്കുറിച്ച് എന്തൊക്കെയോ സംശയങ്ങൾ ഉണ്ടെന്ന് മനസ്സിലായി...... അവന്റെ മൗനത്തേതന്നെയാണ് ഭയക്കേണ്ടത്...... ഇനിയുള്ള നീക്കങ്ങൾ കുറച്ചുകൂടി സൂക്ഷിക്കണം. അവൾ മനസ്സിലുറപ്പിച്ചു. ശേഷം തന്റെ വയറിലൊന്ന് തഴുകി..... ഇതിപ്പോൾ നാലാം മാസമാണ് തനിക്ക്..... അത്യാവശ്യം വയർ വലുതായി തുടങ്ങിയിട്ടുണ്ട് ......... കഴിയുന്നതും തന്നെ ഏല്പിച്ച പണികൾ പെട്ടന്ന് ചെയ്തു തീർക്കണം...... ഇനി ഡെലിവറി ടൈം അടുത്താൽ അതൊക്കെ റിസ്ക് ആണ്...... കൂടാതെ ഡെലിവറി കഴിഞ്ഞാൽ ഈ പട്ടിക്കാട്ടിൽ നിന്ന് രക്ഷപ്പെടുകയും വേണം.... അവൾ മനസ്സിൽ ചിന്തിച്ചു കൊണ്ട് കണ്ണുകളടച്ച് ഉറക്കത്തിലേക്ക് വഴുതി വീണു. കുറച്ച് നിമിഷങ്ങൾ കഴിഞ്ഞതും മഹി റൂമിലേക്ക്‌ വന്നിരുന്നു....... വിചാരിച്ചിരുന്നത് പോലെ തന്നെ മെറിൻ ഉറങ്ങിയിരുന്നു...... അവൻ മെല്ലെ ബെഡിനരികിൽ ചെന്നുനിന്നു. ഒരു വശം ചരിഞ്ഞു കിടന്നുറങ്ങുകയാണവൾ.... ഒരു കൈ വയറിൽ ചേർത്തിട്ടുണ്ട്...... കുറച്ച് നാൾ മുന്നേ വരെ ഈയൊരു കിടപ്പ് കാണുമ്പോൾ വല്ലാത്തൊരു വാത്സല്യം തോന്നുമായിരുന്നു അവളോട്.... എന്നാൽ ഇന്ന്...... വിവേച്ചിച്ചറിയാൻ കഴിയുന്നില്ല അവളോട് തോന്നുന്നത് എന്താണെന്ന്...... വല്ലാത്തൊരു ദേഷ്യവും അകൽച്ചയും തോന്നിപോകുന്നു...... വയറ്റിലുള്ള കുഞ്ഞിനരികിലേക്ക് പോലും ഒന്നിരിക്കാൻ കഴിയുന്നില്ല... അത്രയ്ക്ക് മരവിച്ചു പോയി മനസ്സ്. അവൻ ടേബിളിനടുത്തുള്ള ചെയറിലേക്ക് വന്നിരുന്നു...... താൻ ആഗ്രഹിച്ച ജീവിതം ഇതായിരുന്നൊ അവൻ ആലോചിച്ചു............ ഒരിക്കലുമല്ല..... നന്ദൻ ജീവിക്കുന്നത് പോലെ സമാധാനമായ ഒരു ജീവിതം അതായിരുന്നു സ്വപ്നം. മെറിനോടൊത്ത് ജീവിതം തുടങ്ങുമ്പോൾ അത് തന്നെയായിരുന്നു മനസ്സിൽ എന്നാൽ സംഭവിച്ചതോ? എല്ലാം തന്റെ തെറ്റാണ്...... തന്റെ മാത്രം തെറ്റ്..... അവൻ ദീർഘമായൊന്നു നിശ്വസിച്ചു........ ശേഷം എഴുന്നേറ്റ് റൂമിലെ ലൈറ്റ് ഓഫ്‌ ചെയ്യാൻ ടേബിളിനരികിലേക്ക് എത്തി.... അപ്പോഴാണ് മെറിന്റ ഫോൺ ചാർജിനിട്ടിരിക്കുന്നത് കണ്ടത്..... എന്തോ മെസ്സേജ് വരുന്ന ശബ്ദം ഇടക്കിടക്ക് കേൾക്കുന്നുമുണ്ട്. അവൻ തിരിഞൊന്നു നോക്കി നല്ല ഉറക്കത്തിലാണവൾ....... കുറച്ചു ദിവസങ്ങളായുള്ള തന്റെ സംശയങ്ങൾക്കുള്ള ഉത്തരം ഇതിൽ കാണുമോ? അവൻ മനസ്സിൽ ചിന്തിച്ചു. ആ ചിന്തയോടെ തന്നെ അവൻ ചാർജാറിൽ നിന്ന് ഫോൺ ഊരി കയ്യിലെടുത്തു...... ശേഷം ഓൺ ആക്കി.... പെട്ടന്ന് ഫിങ്കർ ലോക് കാണിച്ചതും അവനൊന്നു നിശ്വസിച്ചു. ശേഷം പതിയെ ഒന്ന് തിരിഞ്ഞു നോക്കി മെല്ലെ നടന്ന് അവൾക്കരികിലേക്കെത്തി ശേഷം പതിയെ ബെഡിലേക്കിരുന്ന് ഉണർത്താതെ അവളുടെ തള്ളവിരൽ ഫോണിലേക്ക് ഒന്ന് പതിപ്പിച്ചു..... നിമിഷങ്ങൾക്കകം ഫോൺ ഓപ്പൺ ആയി. അവൻ അവൽക്കരികിൽ നിന്ന് പതിയെ എഴുന്നേറ്റ് മാറി നിന്നു...... ശേഷം വാട്ട്സ് ആപ്പ് ഓൺ ആക്കി..... മെസ്സേജ് എല്ലാം തുറന്ന് നോക്കി...... ഫോൺ കാൾ ചെക് ചെയ്തു....മറ്റ് ആപ്പുകൾ ഓരോന്നും ഓപ്പണാക്കി നോക്കി എന്നാൽ ഒന്നും കാണാൻ കഴിഞ്ഞില്ല..... എടുത്തതുപോലെ അവൻ ഫോൺ ഓഫ്‌ ആക്കി ചാർജിനിടാൻ തുണിഞ്ഞതും പുതിയൊരു മെസ്സേജ് വന്നു...... *ഹേയ് മെറിൻ നാളെ മീറ്റ് ചെയ്താലോ? നോട്ടിഫിക്കേഷൻ വരുന്നത് വായിച്ചതേയുള്ളവൻ അത് ഓപ്പൺ ആക്കിയില്ല...... എവിടെ അവളെ കാണാൻ ആരാണുള്ളത്? അവന്റെ മനസ്സിൽ സംശയമുരുണ്ടു. പുതിയൊരു നമ്പറിൽ നിന്നാണ് മെസ്സേജ് വന്നിരിക്കുന്നത് ...... ഒറ്റൊരു മെസ്സേജ് മാത്രം...... എന്തൊക്കെയോ ചിന്തകൾ അവന്റെ മനസ്സിലേക്ക് കടന്നുവന്നു. എന്തായാലും നോക്കാം......... അവൻ മനസ്സിൽ ഉറപ്പിച്ചു കൊണ്ട് ഫോൺ എടുത്തത് പോലെ തിരികെ വച്ചു. ശേഷം തിരിഞ്ഞു നോക്കി..... മെറിൻ ഇപ്പോഴും ഉറക്കത്തിലാണ്... 🌼🌼🌼🌼🌼🌼🌼🌼🌼🌼🌼🌼 പിറ്റേന്ന് എല്ലാ ചടങ്ങുകളോടെ കാവ്യയുടെ വിവാഹം മനോഹരമായി നടന്നു...... നന്ദനും ഭാമയും എല്ലാകാര്യങ്ങൾക്കും മുന്നിൽ തന്നെ ഉണ്ടായിരുന്നു........ ജീവനേ അന്നാണ് അവരും പരിചയപ്പെടുന്നത്.......... കല്യാണം കഴിഞ്ഞാൽ ഇന്ന് നേരെ ജീവന്റെ തറവാട്ടിലേക്കാണ് പോകുന്നത്. അത് കഴിഞ്ഞ് ഒരാഴ്ചക്കുള്ളിൽ നേരെ അമേരിക്കയിലേക്കും കാവ്യയുടെ ടികെറ്റ് എല്ലാം ഒക്കെ ആയിരിക്കുകയാണ്..... വീമ്പുപറയാൻ ആണെങ്കിലും അതിനെല്ലാം പിന്നിൽ നിന്ന് സപ്പോർട് കൊടുത്തത് കാവ്യയുടെ അമ്മ തന്നെയാണ്....... ഭാമയെ കാണുമ്പോൾ ആ പൊങ്ങച്ചം എടുത്ത് കാണിക്കാനും അവർ മറന്നില്ല..... എന്നാൽ എന്റെ അനിയത്തിക്ക് നല്ലോരു ജീവിതമാകണേ ഈ കിട്ടിയത് എന്ന് മാത്രമേ അവൾ പ്രാർത്ഥിച്ചുള്ളൂ...... 🌼🌼🌼🌼🌼🌼🌼🌼🌼🌼🌼🌼 കല്യാണത്തിന് പോയിട്ടുള്ളവരൊന്നും വന്നിട്ടില്ല ഗൗതം..... കൂടാതെ മഹി മോർണിംഗ് തന്നെ പോയിട്ടുണ്ട്. ഇന്നെന്തോ പ്രസന്റേഷൻ ഉണ്ട് വരാൻ വൈകുമെന്ന് ഉറക്കത്തിൽ കിടന്ന എന്നെ ഉണർത്തി പറഞ്ഞിട്ടാ പോയേ അതുകൊണ്ട് ആരുടെയും ശല്യം കാണില്ല. So നീ ഇങ്ങോട്ടേക്ക് വാ നമുക്ക് ഇവിടെ ഇരുന്ന് ബാക്കി പ്ലാനിങ് ഒക്കെ ചെയ്യാം.... ഞാൻ ലൊക്കേഷൻ വാട്ട്സ് ആപ്പ് ചെയ്തേക്കാം...... അവൾ ഗൗതമോനോട് പറഞ്ഞുകൊണ്ട് ഫോൺ കട്ട് ചെയ്തു. രാവിലെ മുതൽ ഒരു സുഖമില്ലായ്മ.... പ്രേഗ്നെന്സിയുടെത് തന്നെയാണ്...... അതുകൊണ്ട് പുറത്തേക്ക് പോകാനും തോന്നുന്നില്ല. പക്ഷേ ഗൗതം ഇന്ന് കാണണമെന്നും മെസ്സേജ് ചെയ്തിട്ടുമുണ്ട്...... ആരുമിവിടെ ഇല്ലാത്ത സ്ഥിതിക്ക് അവനെ ഇങ്ങോട്ട് വിളിക്കുന്നതാണ് നല്ലതെന്നു തോന്നി. എന്തായാലും ഗൗതം വരാമെന്ന് സമ്മതിച്ചിട്ടുണ്ട്. ഒരു രണ്ട് മണിക്കൂർ കഴിഞ്ഞതും താൻ അയച്ച ലൊക്കേഷൻ നോക്കി തന്നെ അവൻ എത്തിയിരുന്നു...... ഫ്രണ്ടിലായി കാർ നിർത്തി അവൻ പുറത്തേക്കിറങ്ങി....... ശേഷം ആ പരിസരമാകെയൊന്നവൻ നോക്കി ....... വീടിനു മുന്നിലേക്ക്‌ തിരിഞ്ഞതും മെറിൻ ഇറങ്ങി വന്നിരുന്നു.... കൊള്ളാല്ലോ മെറിൻ......... വീടാകെ യൊന്ന് നോക്കികൊണ്ടവൻ പറഞ്ഞു. നിനക്ക് സംശയം തോന്നാതെ സ്റ്റേ ചെയ്യാൻ പറ്റിയ സ്ഥലം.... അവളൊന്ന് ചിരിച്ചു... വാ... അകത്തിരിക്കാം..... ഹ്മ്മ്...... അവൻ കണ്ണിൽ നിന്നും കൂളിങ് ഗ്ലാസ്‌ എടുത്ത് കൊണ്ട് അവൾക്കൊപ്പം അകത്തേക്ക് കയറി..... ഇരിക്ക്..... ഹാളിലേക്ക് എത്തിയതും അവൾ പറഞ്ഞു . ശേഷം പെട്ടന്ന് തന്നെ കിച്ചനിലേക്ക് പോയി നേരത്തെ അവന് വേണ്ടി സെറ്റ് ചെയ്തു വച്ചിരുന്ന ജ്യൂസ് എടുത്ത് കൊണ്ട് വന്ന്‌ അവന് നേർക്കായി അവളും ഇരുന്നു.... പുതിയ സ്റ്റോക്കിനെക്കുറിച്ചും ഇനി എത്തിക്കാനുള്ള ആളുകളെ ക്കുറിച്ചും ബാങ്ക് ഡീറ്റെയിൽസിനെ ക്കുറിച്ചുമെല്ലാം വ്യക്തമായി പ്ലാൻ ചെയ്യുകയായിരുന്നു പിന്നീടുള്ള ഒരു മണിക്കൂർ ഇരുവരും...... ആ ചർച്ചയിലേക്ക് മുഴുകിയ സമയമാണ് ഒരിരമ്പലോടെ മഹിയുടെ ബൈക്ക് മുറ്റത്ത്‌ വന്ന്‌ നിന്നത്. തുടരും 💚🌺 ജോലി സംബന്ധമായ തിരക്കിലാണ്...... അതാ കേട്ടോ ലേറ്റ് ആകുന്നത്.... മാക്സിമം കിട്ടുന്ന സമയം എഴുതാൻ ശ്രമിക്കുന്നുണ്ട്. എല്ലാം ചേർത്തു വച്ച് ഒരു പാർട്ട്‌ ആക്കുമ്പോഴാ ഓടി വന്നു പോസ്റ്റ്‌ ചെയ്യുന്നത്..... അടുത്ത പാർട്ടുമായി കഴിയുന്നതിലും വേഗം വരാമേ....🦋 കണ്ണൂർകാരൻ 🌹🌹🌹🌹🌹🌹🌹 #📔 കഥ #📙 നോവൽ #✍ തുടർക്കഥ #📚 ട്വിസ്റ്റ് കഥകൾ #💞 പ്രണയകഥകൾ