ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/609mj1b?d=n&ui=v64j8rk&e1=cPart 7 നിതാര അയാളുടെ നേരെ തിരിഞ്ഞു. ഒറ്റ കു. ത്ത് കൊടുത്തിട്ട് ഓടിയാലോ?? അയാൾ പെട്ടെന്ന് അവളെ നോക്കി. എന്താ.. എന്നെ കു.ത്താ.ൻ ആണോ നീ നോക്കുന്നത് ?? ക. ത്തി വെച്ച്‌ ഒരാളെ മുറിവേൽപ്പിക്കാനുള്ള ധൈര്യമൊന്നും എനിക്കില്ല ചേട്ടാ. സ്വന്തം നഖം മുറിക്കാൻ വരെ പേടിയുള്ള ആളാണ് ഞാൻ. അതുകൊണ്ടാ നഖം പോലും മുറിക്കാതെ ഇങ്ങനെ നിർത്തിയിരിക്കുന്നത്. അവൾ നീട്ടി വളർത്തിയ നഖം കാണിച്ചു. ഉം..വേഗം വേഗം ജോലി ചെയ്യാൻ നോക്ക്.അയാൾ പറഞ്ഞു. ആഹാ...നിങ്ങളെന്നെ തട്ടിക്കൊണ്ടു വന്നതാണോ, അതോ അടുക്കളക്കാരിയാക്കാൻ കൊണ്ടുവന്നതാണോ ??അവൾ ചോദിച്ചു. കൂടുതൽ പ്രസംഗിക്കാതെ പറഞ്ഞ പണി ചെയ്യാൻ നോക്ക്. അയാൾ ദേഷ്യപ്പെട്ടു. അവൾ ഓരോ ജോലികളും ചെയ്തു. അയാൾ ചപ്പാത്തി ഉണ്ടാക്കി കഴിഞ്ഞ് ചിക്കനും കറിവച്ചു. അയാൾ മൂന്നു ചപ്പാത്തിയും കറിയുമെടുത്ത് കഴിക്കാൻ ഇരുന്നു. എനിക്കില്ലേ ?അവൾ ചോദിച്ചു. നിന്റെ കൈ രണ്ടും ഒടിഞ്ഞു കിടക്കുവൊന്നുമല്ലല്ലോ. വേണെങ്കിൽ എടുത്തു തിന്ന്. അവൾ രണ്ട് ചപ്പാത്തിയും കറിയും എടുത്തു. ചപ്പാത്തി കറിയിൽ മുക്കി വായിൽ വച്ചു. എന്തൊരു ടേസ്റ്റാ മനുഷ്യാ...നിങ്ങൾക്ക് ഗുണ്ടാപ്പണി ഒക്കെ നിർത്തി വല്ല ഭക്ഷണവും ഉണ്ടാക്കുന്ന പണി ചെയ്തുകൂടെ. നിങ്ങളെ കല്യാണം കഴിച്ചാൽ എന്നും ഇങ്ങനെ രുചികരമായ ഭക്ഷണം കഴിക്കാമല്ലോ. മോളെ നിതാരെ.... നിന്റെ അടവൊന്നും ഇങ്ങോട്ട് നടക്കില്ല. എന്നോട് പ്രേമം അഭിനയിച്ചാൽ ഞാൻ നിന്നെ രക്ഷപ്പെടുത്തി കളയും എന്നൊക്കെ അങ്ങ് വിചാരിച്ചു വച്ചിട്ടുണ്ടെങ്കിൽ ആ വെള്ളം അങ്ങ് വാങ്ങി വെച്ചേരെ. അതിന് ആർക്കാ നിങ്ങളോട് പ്രേമം ?? കുമ്പളങ്ങക്ക് മീശ വച്ചത് പോലുള്ള ആ മോന്ത കണ്ടാൽ ഏത് പെണ്ണിനാ ഇഷ്ടം തോന്നുന്നത്?? അയാളുടെ മുഖത്ത് ദേഷ്യം നിറഞ്ഞു. അവൾ അത് വയ്ക്കാതെ കഴിക്കുന്നതിൽ മാത്രം ശ്രദ്ധിച്ചു. 💚💚💚💚💚💚 എന്നാലും എന്റെ മോളെ കണ്ടെത്താൻ ഇത്ര ദിവസമായിട്ടും നിങ്ങൾക്ക് കഴിഞ്ഞില്ലല്ലോ വിശ്വനാഥൻ പോലീസിന്റെ മുന്നിലിരുന്ന് ദേഷ്യപ്പെട്ടു. നിങ്ങളുടെ വിഷമം ഞങ്ങൾക്ക് മനസ്സിലാകും, അന്വേഷണം പുരോഗമിക്കുന്നുണ്ട് അവർ അയാളെ ആശ്വസിപ്പിച്ചു. അവരുടെ ആശ്വാസവാക്കുകൾ ഒന്നും അയാളിലെ ആധി അണച്ചില്ല. അയാൾ പുറത്തിറങ്ങി ഇനി മറ്റാരെയും പ്രതീക്ഷിക്കേണ്ട. കൊണ്ടും കൊടുത്തും ഒക്കെ വളർന്നതാണ് ഈ വിശ്വനാഥൻ. തനിക്കറിയാം തന്റെ മകളെ കണ്ടെത്താൻ. അയാൾ മുണ്ടും മടക്കി കുത്തി വാഹനത്തിന് അരികിലേക്ക് പോയി 💚💚💚💚💚 ഫോണിലുള്ള നന്ദലാലിന്റെ ഫോട്ടോയും നോക്കിയിരിക്കുകയാണ് അയാളുടെ അനിയത്തി നന്ദന. മോളെ വാ ഭക്ഷണം കഴിക്കേണ്ട ... അമ്മ ചോദിച്ചു. അവളെ എഴുന്നേറ്റ് ചെന്നു. താൻ കഴിച്ചില്ലെങ്കിൽ വീട്ടിൽ ആരും കഴിക്കില്ലെന്ന് അവൾക്കറിയാം. ഈ വീട്ടിൽ ഇപ്പോൾ തീർത്തും മൗനമാണ്. അവർ കഴിക്കാൻ ഇരുന്നു. ആരും ആരെയും നോക്കാതെ, ഒന്നും മിണ്ടാതെ ഓരോരുത്തരും ഭക്ഷണം കഴിച്ചു എഴുന്നേറ്റു. പിറ്റേന്ന് സ്കൂളിൽ പോയിട്ട് ബസ്സിറങ്ങി വീട്ടിലേക്ക് നടക്കുന്ന നന്ദനയുടെ അരികിലേക്ക് ഒരു മനുഷ്യൻ നടന്നു ചെന്നു മോളെ... ഈ മുല്ലക്കൽ വീട് എവിടെയാണ് ?? അയാൾ ചോദിച്ചു അങ്ങനെ ഒരു വീട് ഞാൻ അറിയില്ല. അയാളെ നോക്കി പറഞ്ഞിട്ട് അവൾ മുന്നോട്ടു നടന്നു അയാൾ ഫോൺ എടുത്ത് ആരെയൊ വിളിച്ചു. മുതലാളി പറഞ്ഞ ആ പെൺകൊച്ചിനെ ഞാനിപ്പോൾ കണ്ടു.നാളെത്തന്നെ അവളെ ക.ട.ത്തി.ക്കൊണ്ടു പോരാനുള്ള കാര്യങ്ങൾ ചെയ്യാം. അയാൾ പറഞ്ഞു. സൂക്ഷിക്കണം സിസിടിവി ക്യാമറയിൽ ഒന്നും പതിയരുത്.അപ്പുറത്തുനിന്നും മറുപടി വന്നു. ശരി ഞാൻ സൂക്ഷിച്ചോളാം.അയാൾ പറഞ്ഞു 💚💚💚💚💚 ഹാളിലെ സോഫയിൽ ഇരിക്കുകയാണ് നിതാര. തൊട്ടടുത്തുള്ള കസേരയിൽ അവളുടെ കാവലിനുള്ള ആളും ഇരിപ്പുണ്ട്. ചേട്ടന്റെ പേരെന്താ ?? അവൾ ചോദിച്ചു. അറിഞ്ഞിട്ട് എന്തിനാ ?? അങ്ങനെ ഇപ്പോൾ അറിയണ്ട. അപ്പോഴാണ് ഒരു വാഹനം വരുന്ന ശബ്ദമവർ കേട്ടത്. നിതാരക്ക് ഭയം തോന്നി . അയാൾ ചെന്നു വാതിൽ തുറന്നു. കഴിഞ്ഞ ദിവസം വന്ന നാലു പേരുമാണ് അവർ അവളുടെ അടുത്തേക്ക് വന്നു. നിന്റെ അമ്മ ഉടനെ നാട്ടിലേക്ക് എങ്ങാനും വരുന്നുണ്ടോ ??അതിൽ ഒരാൾ ചോദിച്ചു എനിക്കറിയില്ല.അവൾ പറഞ്ഞു. അതെന്താ നിന്റെ അമ്മയുടെ കാര്യം നിനക്കറിയില്ലേ?? ഇല്ല. ഇനി അറിയാമെങ്കിൽ തന്നെ പറയാൻ മനസ്സില്ല.അവൾ പറഞ്ഞു അതുകേട്ടതും ഒരുവൻ അവളുടെ മു.ടി.യിൽ ചുറ്റി പിടിച്ച് അവളെ വട്ടം കറക്കി. വിടെടാ അവൾ അവന്റെ കയ്യിൽ അ.ടി.ച്ചു. അയാൾ വിരലിൽ കിടന്ന മോതിരം കൂട്ടി അവളുടെ മുഖത്ത് അ.ടി.ച്ചു. അവളുടെ കാലിൽ ച.വി.ട്ടി അവളെ നിലത്തേക്ക് വീ.ഴ്.ത്തി. അവളുടെ കാലിൽ തൊഴിച്ചു. അയാളുടെ തൊ.ഴിയേറ്റവളുടെ കാലിന്റെ തൊലി അടർന്നു അവൾ ഉറക്കെ കര.ഞ്ഞു. എടാ ഡാനി, നീ ഇവൾക്ക് ഇന്ന് പച്ചവെള്ളം പോലും കൊടുത്തേക്കരുത്. അവൾക്ക് കാവൽ നിൽക്കുന്നവനോട് അവർ പറഞ്ഞു. അയാൾ തലയാട്ടി ഇവളെ നന്നായി സൂക്ഷിക്കണം,ഇവൾ വിളഞ്ഞ വിത്താ, ചാടി പോകാൻ നോക്കും. അതൊക്കെ ഞാൻ നോക്കിക്കോളാം.. ശരി ഡാനി, ഞങ്ങൾ പോയേക്കുവാ. ശരി. അവർ പോയതും ഡാനി വാതിൽ ചേർത്തടച്ചു. അയാൾ അവളുടെ അടുത്തേക്ക് വന്നു. നിലത്തിരിക്കുകയാണ് നിതാര അവർ ചോദിച്ചതിന് മര്യാദയ്ക്ക് മറുപടി പറഞ്ഞാൽ പോരായിരുന്നോ. എതിര് പറഞ്ഞതുകൊണ്ടല്ലേ അവൻ അടിച്ചത്. പടർന്നു കിടക്കുന്ന മുടിയിഴകൾക്കിടയിലൂടെ അവൾ അയാളെ തുറിച്ച് നോക്കി.. നിറഞ്ഞ ആ കണ്ണുകളും അവളുടെ മുഖവും കണ്ടപ്പോൾ അയാൾക്ക് വിഷമം തോന്നി. അവളുടെ കാലുകളിൽ ര. ക്തം പടർന്നിട്ടുണ്ട് ചെറിയ മു.റി.വാണ്, രണ്ട് ബാൻഡേജ് ഒട്ടിച്ചാൽ മതി. രണ്ടു മൂന്നു ദിവസം കൊണ്ട് ശരിയാകും അയാൾ പറഞ്ഞു. അയാൾ തന്നെ പോയി ബാൻഡേജും, കുറച്ചു കോട്ടണും എടുത്തു കൊണ്ടുവന്നു. ദാ ഒട്ടിച്ചുവച്ചോ അയാൾ അവളുടെ നേരെ നീട്ടി... അവൾ വാങ്ങിയില്ല. വാങ്ങാൻ... അയാൾ ഒച്ച ഉയർത്തി. അവൾ മിഴികൾ ഉയർത്തി അയാളെ നോക്കി. നീട്ടുപ്പിടിച്ച അയാളുടെ കൈയിൽ നിന്നും അവളത് വാങ്ങുമ്പോൾ അയാളുടെ കൈകളിൽ അവളുടെ മിഴിനീർത്തുള്ളികൾ വീണു. ആ കണ്ണുനീർത്തുള്ളികൾ കണ്ടപ്പോൾ അയാൾക്ക് എന്തോ പോലെ തോന്നി അവൾ കോട്ടൺ വച്ച് ര. ക്തം തുടച്ചിട്ട് ശ്രദ്ധയോടെ ബാൻഡേജ് ഒട്ടിച്ചു വയ്ക്കുകയാണ്. നല്ല വേദനയുണ്ടല്ലേ??അയാൾ ചോദിച്ചു. ഇല്ല ഒട്ടും വേദനയില്ല. നല്ല സുഖമാ നിങ്ങളുടെ കാൽ ഇങ്ങോട്ട് കാണിക്ക്. ഇതുപോലെ ച.വിട്ടി.ക്കൂ.ട്ടി തരാം. ഓഹ് നിന്റെ നാക്ക്. നിനക്കിത് കിട്ടിയാൽ പോരാ. അടുത്ത ദിവസം അവന്മാർ വീണ്ടും വരും. അന്നേരം ഇതിന്റെ ബാക്കി നിനക്ക് കിട്ടിക്കോളും. അവൾ ഭീതിയോടെ അയാളുടെ നേരെ നോക്കി. അവർ ഇനിയും വരുമോ? പിന്നെ വരാതെ. എന്നാലും അയാൾ എന്നെ ഉപദ്രവിക്കുന്നത് കണ്ടിട്ടും ചേട്ടൻ നോക്കിക്കൊണ്ട് നിന്നില്ലേ, അവരെ ഒന്ന് തടയാൻ പോലും ശ്രമിച്ചില്ലല്ലോ?? ഞാനെന്തിന് തടയണം? നിന്നെ ഇവിടെ സുഖവാസത്തിന് കൊണ്ടുവന്നു താമസിപ്പിച്ചിരിക്കുന്നതല്ല അയാൾ ഗൗരവത്തോടെ പറഞ്ഞു. 💛💛💛💚💚 അമ്മേ.... നിതാര ചേച്ചി എവിടെ?? അമ്പാടി യമുനയോട് ചോദിച്ചു. ചേച്ചി എവിടെയെന്ന് ആർക്കും അറിയില്ല മോനെ. ചേച്ചി മുട്ടായി മേടിക്കാൻ പോയതായിരിക്കും. അല്ലേ അമ്മേ?? അതെ. അങ്ങനെ ആയിരിക്കും.യമുന മോനെ കെട്ടിപ്പിടിച്ചു. ഈ ഭൂമിയിൽ താനല്ലാതെ, തന്റെ മകന് നേരെ സ്നേഹത്തോടെ നോക്കിയ, അവനായി എന്തെങ്കിലും വാങ്ങി നൽകിയ, ഒരേ ഒരാളാണ് നിതാര. കുഞ്ഞിനോട് മാത്രമല്ല തന്നോടും വെറുപ്പില്ലാതെ സംസാരിക്കുന്ന ഒരാളാണ് ആ കുട്ടി. പെട്ടെന്ന് അവളുടെ ഫോൺ ബെല്ലടിച്ചു. അവൾ കോൾ എടുത്തു അപ്പുറത്തുനിന്നും എന്തോ കേട്ടതും യമുനയുടെ കണ്ണുകൾ നിറഞ്ഞു. നിങ്ങൾക്ക് എങ്ങനെ കഴിയുന്നു ഇങ്ങനെയൊക്കെ പറയാൻ?? നിങ്ങൾ ഒരു മനുഷ്യനാണോ?? യമുന അപ്പുറത്തുള്ള ആളോട് ദേഷ്യപ്പെട്ടു. അമ്മ ദേഷ്യപ്പെടുന്നത് അമ്പാടി ഒരിക്കലും കണ്ടിട്ടില്ല. അതുകൊണ്ടുതന്നെ അമ്മയുടെ ശബ്ദം ഉയർന്നപ്പോൾ അമ്പാടി അമ്മയുടെ മുഖത്തേക്ക് പേടിയോടെ നോക്കിക്കൊണ്ടിരുന്നു. നിങ്ങൾ എന്തൊക്കെ പറഞ്ഞാലും ശരി ഇങ്ങനെ ഒരു ചതിക്കു കൂട്ടുനിൽക്കാൻ എന്നെ കിട്ടില്ല.യമുന നിറകണ്ണുകളോടെ പറഞ്ഞു അപ്പുറത്തുനിന്നും എന്തോ മറുപടി കേട്ടതും, യമുനയുടെ മുഖത്ത് ഒരുതരം ഭീതി പടർന്നു. ശരി.ഞാൻ നിങ്ങൾ പറയുന്നതുപോലെ ചെയ്യാം.ഗത്യന്തരമില്ലാതെ അവൾ സമ്മതിച്ചു കോൾ കട്ട് ആക്കിയതും. അവൾ അമ്പാടിയെ വാരിയെടുത്ത് കവിളിൽ ചുംബിച്ചുകൊണ്ട് പൊട്ടിക്കരഞ്ഞു. അമ്മ എന്തിനാ കരയുന്നത്?? അമ്പാടി കുഞ്ഞു കൈകൾ കൊണ്ട് അവളുടെ കണ്ണുനീരൊപ്പി ഒന്നുമില്ല മോനെ, അമ്മ ഇനി കരയില്ല. അവൾ കുഞ്ഞിനെ ആശ്വസിപ്പിച്ചു. കുഞ്ഞിന് ആഹാരവും കൊടുത്ത് അവനെ ഉറക്കിയിട്ട്, അവൾ ഉമ്മറത്തെ വരാന്തയിൽ കാലും നീട്ടിയിരുന്നു ഓർമ്മകൾ അവളെ പിന്നിലേക്ക് പിടിച്ചു വലിച്ചു. അച്ഛനും അമ്മയ്ക്കും ഒരേ ഒരു മകളായിരുന്നു താൻ.അവർ പൊന്നുപോലെ വളർത്തിക്കൊണ്ടുവന്ന ഏക മകൾ അച്ഛന്റെയും അമ്മയുടെയും ജീവനായിരുന്നു താൻ താനെന്ന് ഡിഗ്രി ഫസ്റ്റ് ഇയറിന് പഠിക്കുകയാണ്. കോളേജ് വിട്ട് വൈകുന്നേരം വരുമ്പോൾ രണ്ടു കണ്ണുകൾ തന്നെ പതിവായി ശ്രദ്ധിക്കുന്നത് താൻ അറിയുന്നുണ്ടായിരുന്നു. തിളങ്ങുന്ന കണ്ണുകൾ ഉള്ള ആ മനുഷ്യൻ തന്നെ നോക്കുമ്പോഴെല്ലാം എന്തിനെന്നറിയാതെ തന്റെ ഹൃദയം തരളിതമാകും. ഉള്ളം നിറയെ പൂക്കൾ വിടരും ആർദ്രതയോടെ തന്നെ നോക്കുന്ന ആ രണ്ടു മിഴികൾ കാണാനായിരുന്നു. തന്റെ പിന്നീടുള്ള കാത്തിരിപ്പ് അന്ന് നല്ല മഴയുള്ള ദിവസമായിരുന്നു കൂട്ടുകാരി വരാഞ്ഞതിനാൽ, താൻ ഒറ്റയ്ക്കാണ് കോളേജ് വിട്ടു വീട്ടിലേക്ക് പോയത്. അന്ന് അദ്ദേഹം തന്റെ അരികിലേക്ക് വന്ന് തന്നെ ഇഷ്ടമാണെന്ന് മുഖത്തേക്ക് നോക്കി പറഞ്ഞു. താനന്ന് വീട്ടിൽ വന്ന് ആലോചിക്കാനാണ് പറഞ്ഞത്. തന്റെ അച്ഛനും അമ്മയ്ക്കും അയാളെ ഇഷ്ടമാകുമെന്ന് തനിക്ക് ഉറപ്പായിരുന്നു പക്ഷേ പ്രതീക്ഷിക്കാത്ത ഒരു ദുരന്തം ജീവിതത്തിലേക്ക് വന്നു. അപ്രതീക്ഷിതമായി അമ്മ മരണപ്പെട്ടു എന്റെയും അച്ഛന്റെയും ജീവനും ജീവിതവും സന്തോഷവും എല്ലാം അമ്മയിലായിരുന്നു ഞങ്ങൾ ആകെ തളർന്നു പോയിരുന്നു. പിന്നെ പതിയെ പതിയെ അമ്മ ഇല്ലായ്മയോട് പൊരുത്തപ്പെടാൻ ഞാനും അച്ഛനും ശീലിച്ചു. എങ്കിലും ചിലപ്പോഴെല്ലാം അച്ഛൻ ഒറ്റയ്ക്കിരുന്ന് കരയും. ചിലപ്പോൾ ഒറ്റയ്ക്ക് ഇരുന്ന് ചിരിക്കും. കഴിഞ്ഞ കാലങ്ങളെ ഓർക്കുന്നതാവാം. താൻ വീണ്ടും കോളേജിൽ പോയി തുടങ്ങി. ആദ്യമായി പിച്ച നടക്കാൻ ശ്രമിക്കുന്ന കുഞ്ഞുങ്ങളെ പോലെ ഞാനും അച്ഛനും പതിയെ പതിയെ അമ്മയില്ലാതെ നടക്കാൻ, ചിരിക്കാൻ ഒക്കെ പഠിച്ചു. കൂടുതൽ കൂടുതൽ തിരക്കുകളിലേക്ക് മുഴുവൻ ശ്രമിച്ചു.. ജോലി കഴിഞ്ഞ് പതിവുപോലെ എനിക്കുള്ള പലഹാരം ആയി അച്ഛൻ വന്നു എങ്കിലും ഭാര്യയില്ലാത്ത വിഷമം അദ്ദേഹത്തിന് മാറുന്നില്ലായിരുന്നു.അമ്മയില്ലാത്ത ദുഃഖം തനിക്കും m അങ്ങനെയിരിക്കെ ഒരു ദിവസം തന്റെ അമ്മയുടെ ആങ്ങള അച്ഛനുവേണ്ടി മറ്റൊരു വിവാഹമാലോചിച്ചു. തനിക്ക് അംഗീകരിക്കാൻ കഴിയുന്ന കാര്യമല്ലായിരുന്നു അത്. പിന്നെ എപ്പോഴോ അച്ഛന്റെ ദുഃഖം കാണാറുള്ളതുകൊണ്ട് താനും ആ വിവാഹത്തിന് സമ്മതിച്ചു. അങ്ങനെ അച്ഛന്റെ ജീവിതത്തിലേക്ക് പുതിയൊരു സ്ത്രീ കടന്നു വന്നു. സരസ്വതി അതായിരുന്നു അവരുടെ പേര്. കഥകളിൽ കേൾക്കാറുള്ളത് പോലെ പോര് എടുക്കുന്ന ഒരു രണ്ടാനമ്മ ഒന്നുമായിരുന്നില്ല അവർ. സ്വന്തം മകളെ പോലെ തന്നെയാണ് തന്നെ അവർ കണ്ടിരുന്നത്. പുതിയ ഭാര്യക്ക് സ്നേഹിക്കാൻ മാത്രം അറിയാവുന്നതു കൊണ്ടാവണം അച്ഛൻ പുതിയ ഭാര്യയെയും സ്നേഹിച്ചു തുടങ്ങി. അവരുടെ പിണക്കവും സ്നേഹവും ഒക്കെ വീട്ടിൽ നിറഞ്ഞു. അവരുടെ ചിരികളിലും കളി തമാശകളിലും വീട് ഉണർന്നു ഒറ്റപ്പെട്ടുപോയത് താനായിരുന്നു. അവർ തനിക്ക് അർഹിക്കുന്ന പരിഗണനയും സ്നേഹവും ഒക്കെ നൽകുന്നുണ്ടായിരുന്നുവെങ്കിലും അവരുടെ സന്തോഷങ്ങളിലേക്ക് കടന്നു ചെല്ലാൻ തനിക്ക് തോന്നിയില്ല താൻ തളർന്നുപോയത് നല്പത്തിയാറാമത്തെ വയസ്സിൽ എന്റെ മാത്രം അച്ഛൻ മറ്റൊരു കുഞ്ഞിന്റെ കൂടെ അച്ഛനാകാൻ പോകുന്നു എന്നറിഞ്ഞതോടുകൂടിയാണ്. പുതിയ അമ്മയുടെ ഉദരം വീർത്തുതീർത്തു വരുന്നത് കാണുമ്പോൾ തനിക്ക് മാത്രം സങ്കടം തോന്നി. മാസം തികഞ്ഞപ്പോൾ രണ്ടാനമ്മ ഒരമ്പോറ്റി കൊച്ചിനെ പെറ്റൂ. സൂര്യ ശോഭയുള്ള ഒരാൺക്കുഞ്ഞ് ഞാനൊരു മുതിർന്ന പെൺകുട്ടി ആയതിനാൽ ആവണം എന്നോടുള്ള അച്ഛന്റെ സ്നേഹപ്രകടനങ്ങൾ ഒക്കെ കുറഞ്ഞുപോയി എങ്കിലും അതൊന്നും താൻ കാര്യമാക്കിയില്ല. കാരണം തന്നെ സ്നേഹിക്കാൻ ഒരാളുണ്ടായിരുന്നു. താൻ ആ മനുഷ്യനിൽ അഡിക്റ്റായി പോയി എന്ന് വേണം പറയാൻ. ഭക്ഷണമോ വെള്ളമോ ഇല്ലാത്ത തനിക്ക് ജീവിക്കാനാകും, എന്നാൽ അദ്ദേഹത്തിന്റെ പ്രസൻസില്ലാതെ തനിക്ക് ഒരു ദിവസം പോലും മുന്നോട്ടു പോകാൻ കഴിയുമായിരുന്നില്ല. അല്ലെങ്കിലും പ്രണയത്തിനു കണ്ണില്ലല്ലോ. മറ്റൊന്നും ചിന്തിക്കാനുള്ള പക്വതയും ഇല്ലായിരുന്നു. പക്ഷേ അത് തന്റെ നാശത്തിനായിരുന്നു എന്ന് അന്ന് താൻ അറിഞ്ഞില്ല. 💚💚💚💚💚 തുടരും കണ്ണൂർകാരൻ ❤️❤️❤️ #📚 ട്വിസ്റ്റ് കഥകൾ #💞 പ്രണയകഥകൾ #📙 നോവൽ #📔 കഥ #✍ തുടർക്കഥ