ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/6PJyxE9?d=n&ui=v64j8rk&e1=c💞ദേവനന്ദിനി... Part 46💞 "നന്ദുമോളെ…. എങ്ങനുണ്ട് നിന്റെ ദേവേട്ടന്റെ സർപ്രൈസ് "…. രുദ്രൻ അവളുടെ മിഴികളിലേക്ക് നോക്കിക്കൊണ്ട് ചോദിച്ചു.. പുഞ്ചിരിയോടെ ഒരു ചുംബനമായിരുന്നു ഗൗരിയുടെ മറുപടി….. ================================ കുളിച്ചു ഫ്രഷ് ആയി രുദ്രനും ഗൗരിയും ഭക്ഷണം കഴിക്കാനായി ദാബയിൽ എത്തി. ബേബേയും പാജിയും അവരെ കിച്ചനിലെ ഒരു മുറിക്കുള്ളിൽ ഇരുത്തി. പാജി യാത്രയെ പറ്റിയും മറ്റും രുദ്രനോട് ചോദിച്ചു കൊണ്ടിരുന്നു. ഗൗരിയോടും പാജി ഓരോ കാര്യങ്ങൾ ചോദിച്ചു കൊണ്ടിരുന്നു… "കേട്ടോ മോളെ ….മോളെയും കൊണ്ട് വന്നപ്പോൾ ആദ്യം ഞാനൊന്നു അമ്പരന്നു പിന്നെയെനിക്ക് വളരെ സന്തോഷമായി. എത്ര കാലമായെന്നോ ഇവനോട് ഒരു വിവാഹം കഴിക്കാനായി ഞങ്ങൾ നിർബന്ധിച്ചു കൊണ്ടിരിക്കുന്നു. വിവാഹക്കാര്യം പറയുമ്പോൾ തന്നെ ഇവൻ ഒഴിഞ്ഞു മാറും. ഇപ്പോൾ സമാധാനമായി "….പാജി ചിരിച്ചു കൊണ്ട് ഗൗരിയോട് പറഞ്ഞു… ഗൗരിയത് കേട്ടൊന്നു മന്ദഹസിച്ചു…. "ഇവനോരോ തവണ ഇവിടേക്ക് വരുമ്പോഴും ഇവനൊരു കുടുംബമുണ്ടായിക്കാണണമെന്ന് ഒരുപാട് ആഗ്രഹിച്ചിരുന്നു ഞങ്ങൾ. മോളെയും കൊണ്ട് ഇവൻ വന്നത് കണ്ടപ്പോൾ എനിക്ക് വളരെ സന്തോഷമായി"… അങ്ങോട്ട്‌ ഭക്ഷണവുമായി ബൽക്കാറിന്റെ കൂടെ അവിടേക്ക് വന്ന ബേബേ പറഞ്ഞു… ബേബേയും ബൽക്കാറും രുദ്രനും ഗൗരിയ്ക്കും ഭക്ഷണം വിളമ്പാൻ തുടങ്ങി…. സാമാന്യം വലിയൊരു പ്ലേറ്റിൽ വിളമ്പിയ തന്തൂർ റൊട്ടി പോലെ എന്നാൽ അതല്ലാത്ത ഒരു റൊട്ടി കണ്ട ഗൗരിയിൽ അതെന്താണെന്ന ആകാംഷയുണർന്നു. അവളത് തൊട്ട് നോക്കിയപ്പോൾ ഘോട്ടിയിൽ നിന്നും കഴിച്ച കുൽച്ച പോലെ തോന്നിച്ചു…. "ബേട്ടി… ഞങ്ങൾ പഞ്ചാബികളുടെ പ്രധാന സ്പെഷ്യൽ ഭക്ഷണങ്ങളിൽ ഒന്നായ അമൃത്സാരി ആലൂ കുൽച്ച ആണത്"….കൗതുകത്തോടെ തൊട്ട് നോക്കിക്കൊണ്ടിരുന്ന ഗൗരിയോട് ബേബേ ഒരു ചിരിയോടെ പറഞ്ഞു… ആ പ്ലേറ്റിലേക്ക് വീണ്ടും രണ്ട് മൂന്ന് ചെറിയ പാത്രങ്ങളിൽ ആയി വിളമ്പിയ വിഭവങ്ങൾ വച്ചു ബൽക്കാർ. കൂട്ടത്തിൽ ഒരു ഗ്ലാസ്സ് തൈരും. എല്ലാത്തിലേക്കും നോക്കിയ ഗൗരിയ്ക്ക് ഒരു പാത്രത്തിൽ ചോലെയും, ഒന്നിൽ പരിപ്പ് കറിയും, ഒന്നിൽ മഞ്ഞ നിറത്തിൽ ഉള്ള ഒരു കറിയും പിന്നെ കുറച്ചു ചോറും ആണെന്ന് മനസ്സിലായി എന്നാൽ അതൊക്കെ എന്താണെന്ന് അറിയാൻ അവളുടെയുള്ളിൽ ആകാംക്ഷ വർധിച്ചു… "ബേട്ടി… ഇത് ദാൽ തട്ക, ഇത് പഞ്ചാബി ചോലെ, ഇത് കടി, ഇത് ജീര റൈസ്, ഇത് ലസ്സി"…. ഗൗരിയുടെ മുഖഭാവങ്ങൾ മനസ്സിലായ പാജി ഓരോന്നായി കൊച്ചു കുട്ടികൾക്ക് പറഞ്ഞു കൊടുക്കുന്നത് പോലെ വിവരിച്ചു കൊണ്ടിരുന്നു… "പാജി….പാജിയുടെ കാര്യം പോക്കാ.. ഇനിയിവൾ ഇതിന്റെയൊക്കെ റെസിപ്പിയും ചോദിച്ചു ബുദ്ധിമുട്ടിച്ചു കൊള്ളും"…ഗൗരിയ്ക്ക് പാജി വിവരിച്ചു കൊടുക്കുന്നത് കണ്ടു ചിരിയടക്കാൻ പറ്റാതെ രുദ്രൻ പറഞ്ഞു… "അതിനെന്താ…അത് നല്ല കാര്യമല്ലേ.. നമ്മൾ കഴിക്കുന്ന ഒരു വിഭവം പാചകം ചെയ്യുന്ന രീതിയും അത് ഉണ്ടാക്കാൻ ശ്രമിക്കുന്നതും ഒക്കെ വളരെ നല്ലതാ….മോൾക്ക് സംശയമുള്ളതൊക്കെ എന്നോട് ചോദിച്ചോ ഒരു മടിയും കാണിക്കേണ്ട കേട്ടോ "….. രുദ്രൻ കളിയാക്കുന്നത് കേട്ട് ഒരു വാത്സല്യത്തോടെ ഗൗരിയുടെ കവിളിൽ തഴുകിക്കൊണ്ട് ബേബേ രുദ്രന് മറുപടി നൽകി…. "ദേവ്…ബാബി നിന്നെപ്പോലെ ഊരു ചുറ്റി നടക്കുകയല്ലല്ലോ അത് കൊണ്ട് ഇതിനെ പറ്റി അറിവുണ്ടാകില്ല. അപ്പോൾ ഒരു കൗതുകം തോന്നുന്നതൊക്കെ സ്വാഭാവികമാണ്. ഒരാൾക്ക് അറിയാത്ത കാര്യം നമുക്കറിയാമെങ്കിൽ അത് നമ്മൾ പറഞ്ഞു കൊടുക്കുന്നതിൽ ഒരു തെറ്റുമില്ല"...ബൽക്കാർ ഗൗരിയുടെ പക്ഷം പിടിച്ചു കൊണ്ട് പറഞ്ഞു…. "ഐസേ സംജാവോ ബല്ലൂ തേരാ ഭായ് കൊ. ഇനോനെ ഹമേശാ മുജേ മജാക് ഉഡാനെ കി മൗക ഡൂണ്ട് രഹി ഹേ "…(അങ്ങനെ മനസ്സിലാക്കികൊടുക്ക് ബല്ലൂ നിന്റെ ഭായ്ക്ക്. ഇങ്ങേരു എപ്പോഴും എന്നെ കളിയാക്കാൻ അവസരം നോക്കി നടക്കുവ).... ബൽക്കാറിനോട്‌ മറുപടി പറഞ്ഞു കൊണ്ട് ഗൗരി രുദ്രന്റെ നേരെ കണ്ണുരുട്ടിക്കൊണ്ടിരുന്നു… "ഞാൻ ബാബിയ്ക്ക് സപ്പോർട് ആയി കൂടെയുണ്ട് എപ്പോഴും "… ബൽക്കാർ ഗൗരിയ്ക്ക് മറുപടി നൽകി… "അതൊക്കെ പോട്ടെ…മോളെ ഞങ്ങൾ എന്താ വിളിക്കേണ്ടത് "… ബേബേ ഗൗരിയോട് ചോദിച്ചു.. "ദേവേട്ടൻ എന്നെ നന്ദു എന്നാ വിളിക്കുന്നത്. ബേബേയും പാജിയും അങ്ങനെ വിളിച്ചോളൂ"….ഗൗരി പുഞ്ചിരിയോടെ പറഞ്ഞു… "അത് മതി…മോളിനി ഞങ്ങൾക്ക് നന്ദു മോളാ"…. ബേബേ പുഞ്ചിരിയോടെ മറുപടി നൽകി… യാത്രയെ പറ്റിയും മറ്റും ബേബേയും പാജിയും രുദ്രനോടും ഗൗരിയോടും ഭക്ഷണം കഴിച്ചു കൊണ്ടിരിക്കുമ്പോൾ ചോദിച്ചു കൊണ്ടിരുന്നു…. ഭക്ഷണം കഴിച്ചു കഴിഞ്ഞപ്പോൾ ബേബേ ഗൗരിയോട് ലസ്സി കുടിക്കാനും പഞ്ചാബി ഭക്ഷണം കഴിച്ചു കഴിഞ്ഞാൽ ലസ്സി കുടിക്കേണ്ടതിനെ പറ്റിയും അവരുടെ ഭക്ഷണരീതികളെ പറ്റിയുമൊക്കെ വിവരിച്ചു കൊണ്ടിരുന്നു…. 🌸🌸🌸🌸🌸🌸🌸🌸🌸🌸🌸🌸🌸🌸🌸 ഭക്ഷണം കഴിച്ചു രുദ്രൻ പാജിയോടൊത്ത് ദാബയ്ക്ക് വെളിയിലേക്കിറങ്ങി. ഗൗരി ബേബേയുടെ കൂടെ കിച്ച്നിൽ തന്നെ നിന്നു. ഗുർമീത്തിന് ഗൗരിയെ അവൾ ദാബയിലെ പല വിഭവങ്ങളെ പറ്റിയും അത് തയ്യാറാക്കുന്നതിനെ പറ്റിയും ഒക്കെ ചോദിക്കുന്നത് നന്നായി ഇഷ്ടപ്പെട്ടു. ഗുർമീത്ത് പറയുന്ന എല്ലാ കാര്യങ്ങൾക്കും ഗൗരി നല്ലൊരു ശ്രോതാവായി. അവരുടെ കൂടെ ബൽക്കാറും കൂടി. അവനും ഗൗരിയും നല്ല കമ്പനിയായി. ചില വിഭവങ്ങൾ ഉണ്ടാക്കുന്നത് നോക്കി ഗൗരി പെട്ടെന്ന് എല്ലാം പഠിച്ചെടുക്കുന്നതും ബേബേയുടെ കൂടെ അത് ഉണ്ടാക്കാൻ ശ്രമിക്കുന്നതും ഒക്കെ അവരിൽ കൗതുകമുണർത്തി…. "നന്ദു മോളെ… മോൾക്ക് പാചകം അത്രയ്ക്ക് താല്പര്യമാണോ "… ഗൗരിയുടെ താല്പര്യം ഉണർത്തിയ കൗതുകത്തിൽ ബേബേ അവളോട് ചോദിച്ചു…. "ബേബേ… അറിയാത്ത ഒരു വിഭവത്തെ പറ്റി കേട്ടാൽ എങ്ങനെയെങ്കിലും അത് ഉണ്ടാക്കാൻ ഞാനൊന്ന് ശ്രണിക്കാറുണ്ട്. കുക്കിംഗ്‌ എനിക്ക് ഒരു പാഷൻ പോലെയാണ്. സൗത്ത് ഇന്ത്യൻ വിഭവങ്ങൾ ഒക്കെ ഞാൻ ഉണ്ടാക്കാനായി ഒന്നു ശ്രമിച്ചു നോക്കാറുണ്ട്. പക്ഷെ നോർത്ത് ഇന്ത്യൻ അങ്ങനെ നോക്കിയിട്ടില്ല "…. ഗൗരി പുഞ്ചിരിച്ചു കൊണ്ട് തന്റെ കുക്കിംഗിൽ തനിക്കുള്ള താല്പര്യത്തെ കുറിച്ചു വിശദീകരിച്ചു… തുടർന്ന് ഗൗരി ദാബയിലെ കൽക്കരി അടുപ്പിൽ തേങ്ങ ചുട്ടെടുത്ത് തന്റെ സ്പെഷ്യൽ ചുട്ടരച്ച തേങ്ങാച്ചമ്മന്തി ഉണ്ടാക്കി കൊടുത്തു. അത് രുചിച്ചു നോക്കിയ ഗുർമീത് അവളുടെ കൈപ്പുണ്യത്തിൽ അതിശയം കൊണ്ടു…. "നന്ദു മോൾടെ കൈപ്പുണ്യം അപാരം…ദേവ് മോന്റെ ഭാഗ്യം "…. ഗുർമീത് ഗൗരിയുടെ കഴിവിനെ പ്രശംസിച്ചു. ബൽക്കാറിനും അത് തന്നെയായിരുന്നു പറയാനുള്ളത്… വൈകുന്നേരമായപ്പോൾ ബൽക്കാറും രുദ്രനും കൂടി രുദ്രന്റെ ബൈക്കിനെ പറ്റി അന്വേഷിക്കാൻ പോയി…. വണ്ടിയിൽ പോയിക്കൊണ്ടിരിക്കുമ്പോൾ ബൽക്കാറിന് ഗൗരിയെയും അവളുണ്ടാക്കിയ ചമ്മന്തിയെ കുറിച്ചും അവളുടെ കൈപ്പുണ്യത്തെയും പറ്റി പറയാനേ നേരമുണ്ടായിരുന്നുള്ളൂ… "എടാ… നിനക്ക് നിന്റെ ബാബി ആ ചമ്മന്തിയിൽ വല്ല കൈവിഷവും തന്നോ. ഇറങ്ങിയപ്പോൾ തൊട്ട് തുടങ്ങിയതാണല്ലോ ബാബിയെ പുകഴ്ത്തൽ "…. രുദ്രൻ ബൽക്കാറിനെ കളിയാക്കിച്ചിരിച്ചു കൊണ്ട് ചോദിച്ചു… "ദേവ്….നീയെന്തിനാടാ ബാബിയെ കളിയാക്കുന്നത്. ബാബിയുടെ ഐശ്വര്യമുള്ള ആ മുഖം കണ്ടിട്ട് കളിയാക്കുന്ന നിനക്ക് വട്ടാണ് "….. ബൽക്കാറിന്റെ സ്വരത്തിൽ ഒരു പുച്ഛം നിറഞ്ഞു… "നിന്റെ ബാബി വന്നിട്ട് പന്ത്രണ്ടു മണിക്കൂർ തികഞ്ഞില്ല അതിന് മുൻപ് തന്നെ ബാബിക്കു സപ്പോർട്ടുമായി ഒരു പട തന്നെ ആയല്ലോ"….രുദ്രൻ പൊട്ടിച്ചിരിച്ചു കൊണ്ട് പറഞ്ഞു… "ബാബിയെ കണ്ടാൽ ആരും ഇഷ്ടപ്പെട്ടു പോകും. അത്രയ്ക്ക് ഐശ്വര്യമാ ബാബിക്ക്. നിന്റെ ഭാഗ്യമാ ബാബിയെ പോലെ ഒരു പെണ്ണ്. കല്യാണം കഴിഞ്ഞാൽ ബാബിയേയും കൊണ്ട് നിന്നെ ആ തേച്ചവളില്ലെ അവളെ ഒന്നു കാണിച്ചു കൊടുത്തേക്കണം ബാബിയെ"…ബൽക്കാർ ചിരിയോടെ പറയുമ്പോൾ അവനിൽ അഭിമാനം നിറഞ്ഞു… ബൽക്കാർ പറഞ്ഞു നിർത്തിയതും രുദ്രൻ പൊട്ടിച്ചിരിക്കാൻ തുടങ്ങി…… "നിനക്കെന്താ ദേവ് ഭ്രാന്ത്‌ പിടിച്ചോ…ഇങ്ങനെയിരുന്നു ചിരിക്കാൻ "…..രുദ്രൻ ചിരിക്കുന്നത് കണ്ടു അമർഷത്തിൽ ബൽക്കാർ ചോദിച്ചു… "എടാ….മണ്ടാ…നിന്റെ ബാബി തന്നെയാ ആ പെണ്ണ് "….. രുദ്രൻ പൊട്ടിച്ചിരിച്ചുകൊണ്ടിരുന്നു… "എന്ത് "…..ഒരു ഞെട്ടലോടെ ബൽക്കാർ വണ്ടി ബ്രേക്കിട്ട് നിർത്തി. രുദ്രനും ബൽക്കാറും ബ്രേക്കിട്ട ശക്തിയിൽ മുന്നോട്ടാഞ്ഞു പോയി…. "എന്താടാ നിനക്ക് തീരെ ബോധമില്ലേ"…ഇങ്ങനെ ബ്രേക്കിടാൻ…രുദ്രൻ ബൽക്കാറിനെ രൂക്ഷമായൊന്നു നോക്കി.. "യാരാ…. ബാബിയാണ് നിന്നെ ചതിച്ച പെണ്ണെന്നോ "…. ബൽക്കാറിന്റെ മുഖത്തെ അമ്പരപ്പ് മാറിയിരുന്നില്ല… "അതേടാ.. അവള് തന്നെ നിനക്ക് വിശ്വാസം വരുന്നില്ലേ "…. രുദ്രൻ വീണ്ടും ചിരിച്ചു… പിന്നെ രുദ്രൻ ഗൗരി തന്നെയും തേടി ഘോട്ടിയിൽ വന്നത് മുതലുള്ള കാര്യങ്ങൾ ബൽക്കാറിനോട് വിവരിച്ചു. എല്ലാം കേട്ട ബൽക്കാർ സ്തംഭിച്ചിരുന്നു… "എനിക്ക് വിശ്വസിക്കാൻ പറ്റുന്നില്ല ബാബി അങ്ങനെ ചെയ്തെന്നു. ഒരു പക്ഷെ നീയറിയാത്ത എന്തെങ്കിലും കാരണം കൊണ്ടായിരിക്കും ബാബി അന്നങ്ങനെ പറഞ്ഞത്. വന്നപ്പോൾ തൊട്ട് ഞാൻ ശ്രദ്ധിച്ച കാര്യം നമ്മൾ തമ്മിൽ സംസാരിക്കുമ്പോഴും പിന്നെ ദാബയിൽ വച്ചു നിന്നെക്കുറിച്ചു പറയുമ്പോഴുമൊക്കെ ആ കണ്ണുകളിലും മുഖത്തും നിന്നോടുള്ള സ്നേഹവും നിന്നെക്കുറിച്ചുള്ള അഭിമാനവുമാ…ബാബി ഒരിക്കലും നിന്നെ ചതിക്കില്ല. ഇനി ബാബി പറയാൻ പോകുന്ന കാര്യം മറിച്ചാണെങ്കിലും നിനക്ക് ക്ഷമിച്ചു കൂടെ "….. ബൽക്കാറിന്റെ മുഖത്ത് ഒരു അലിവ് പ്രകടമായി… "ബല്ലൂ….യാരാ നിനക്ക് തോന്നുന്നുണ്ടോ അവൾ പറയുന്ന കാര്യം ഇനി അവൾ അന്ന് പറഞ്ഞ പോലെയായിരുന്നാൽ കൂടി ഞാൻ അവളെ ഉപേക്ഷിക്കുമെന്ന്. അവളെ പിരിഞ്ഞപ്പോൾ മുതൽ എന്റെ മനസ്സിൽ അവൾ പറഞ്ഞതും അവൾ മനസ്സ് കൊണ്ട് പറഞ്ഞതാവില്ല എന്നുള്ള ചിന്തയും തമ്മിലുള്ള വടംവലിയാണ്. എനിക്കവളെയിനി ഉപേക്ഷിക്കാൻ കഴിയില്ല. അവളെ ഞാനത്രയ്ക്കും സ്നേഹിക്കുന്നു യാരാ "…. രുദ്രൻ പറഞ്ഞു നിർത്തുമ്പോൾ അവന്റെ മിഴികളിൽ ഗൗരിയോടുള്ള പ്രണയം തളം കെട്ടി നിന്നു…… "അത് മതിയെടാ…നിങ്ങൾ രണ്ട് പേരും ഒരുമിക്കാനായാണ് ദൈവം വീണ്ടും നിങ്ങളെ പരസ്പരം അരികിലെത്തിച്ചത്….." (ബൽക്കാർ) രുദ്രൻ മറുപടിയായി ഒന്നു ചിരിച്ചു… പിന്നെയവർ ഒന്നും സംസാരിക്കാൻ നിൽക്കാതെ വണ്ടി മുന്നോട്ടെടുത്തു. വൈകാതെ അവർ വർക്ഷോപ്പിൽ എത്തി. അവിടെ അന്വേഷിച്ചപ്പോൾ വണ്ടിയുടെ പിസ്റ്റൺ പിടിച്ചു പോയതാണെന്നും പാർട്സ് കിട്ടാൻ രണ്ട് ദിവസമെടുക്കുമെന്നും പറഞ്ഞു…. അതിന്റെ കാര്യങ്ങൾ സംസാരിച്ചു കുറച്ചു സമയം കഴിഞ്ഞവർ ദാബയിലേക്ക് മടങ്ങി… 🌸🌸🌸🌸🌸🌸🌸🌸🌸🌸🌸🌸🌸🌸🌸 രാത്രി ബേബേയൊരുക്കിയ പഞ്ചാബി സ്പെഷ്യൽ ഭക്ഷണവും കഴിഞ്ഞു തങ്ങളുടെ മുറിയിൽ രുദ്രനും ഗൗരിയും അധികം വൈകാതെ തന്നെ നിദ്രയെ പുൽകി… രാവേറെ കഴിഞ്ഞപ്പോൾ രുദ്രൻ തട്ടി വിളിക്കുന്നത് കേട്ടുന്നർന്ന ഗൗരി മൊബൈലെടുത്തു സമയം ഒന്നു നോക്കി. നാല് മണി… ഇത്രയും നേരത്തെ ദേവേട്ടൻ എന്തിനാ വിളിക്കുന്നത്…ഗൗരിയോർത്തു…. "എന്താ ദേവേട്ടാ….ഇത്രയും നേരത്തെ"...ഗൗരി ഉറക്കച്ചടവോട് കൂടി രുദ്രനെ നോക്കിക്കൊണ്ട് ചോദിച്ചു… "അതൊക്കെയുണ്ട്…താൻ പോയി പെട്ടെന്ന് ഫ്രഷ് ആവ്…നമുക്കൊരിടം വരെ പോകാനുണ്ട് "… രുദ്രൻ ചിരിച്ചു കൊണ്ട് മറുപടി നൽകി…. "എങ്ങോട്ടാ ദേവേട്ടാ…ഇത്രയ്ക്കു രാവിലെ…അതും തണുപ്പുള്ളപ്പോൾ "…ഗൗരി കണ്ണും തിരുമ്മിക്കൊണ്ട് ചോദിച്ചു… "അതൊക്കെ ഉണ്ട്…സസ്പെൻസാ…"രുദ്രനൊന്ന് കണ്ണിറുക്കിക്കൊണ്ട് മറുപടി നൽകി…. തുടരും കണ്ണൂർകാരൻ ❤️❤️❤️❤️❤️ #📚 ട്വിസ്റ്റ് കഥകൾ #💞 പ്രണയകഥകൾ #📙 നോവൽ #📔 കഥ #✍ തുടർക്കഥ