ആദ്യ ഭാഗങ്ങൾ ലിങ്കിൽ ഉണ്ട് https://sharechat.com/post/607Mwl0?d=n&ui=v64j8rk&e1=cമന്ത്രകോടി :പാർട്ട്‌ -12💚🌺 രണ്ട് മൂന്ന് മാസത്തിനുള്ളിൽ ഏട്ടൻ കല്യാണം നോക്കാൻ ഇരുന്നതാ അവൾക്ക് ...... ഒന്നിനും സമ്മതിക്കത്തില്ല പെണ്ണ്...... അതെന്താ പല്ലവി സമ്മതിക്കാത്തെ..... അവൾ ചോദിച്ചു? അവൾക്കൊരിഷ്ടമുണ്ടെന്നാ പറയുന്നേ..... അതാരാ...... അറിയാവുന്നുള്ള ആരേലും ആണോ? അതെനിക്കറിയില്ല മോളെ....... നന്ദനോട് പോലും പറയില്ലെന്ന വാശിയിൽ നടക്കുവാ പെണ്ണ്........ 🌼🌼🌼 ഹ്മ്മ്മ്........ ദേവകിയമ്മയുടെ മറുപടി കേട്ട് അവളൊന്ന് മൂളി...... ആരാകും പല്ലവിയുടെ മനസ്സിൽ ? ഇനി..... ഇനി.....നന്ദേട്ടനെങ്ങാനം ആണോ.... അവൾ മനസ്സിലോർത്തു...... മോളെന്താ ആലോചിക്കുന്നേ...... ഹേയ്.... ഒന്നുല്ലമ്മേ...... ഇവിടുത്തെ പണിയെല്ലാം കഴിഞ്ഞു....... അമ്മയൊന്ന് ഫ്രഷായി വരാം... മോള് ഉമ്മറത്തേക്ക് ചെല്ല് അവിടെ നന്ദനും പല്ലവിയും ഇരിപ്പുണ്ട്...... അടുക്കളയെല്ലാം ഒതുക്കി കൈയിലെ നനവ് സാരിയുടെ മുൻതാണിയിൽ തുടച്ചുകൊണ്ടവർ പറഞ്ഞു..... ഹ്മ്മ്മ്...... മുഖത്തൊരു ചെറു ചിരി വരുത്തി ദേവകിയമ്മയ്‌ക്കൊപ്പം അവൾ അടുക്കളയിൽ നിന്ന് ഇറങ്ങി..... അമ്മ ഫ്രഷാകാനായ് റൂമിലേക്ക് കയറിയതും കുറച്ച് നേരം അവൾ ഹാളിൽ നിന്നു..... ഉമ്മറത്തേക്ക് പോണോ വേണ്ടയോ എന്നുള്ള ചിന്തയായിരുന്നു അവളുടെ മനസ്സിൽ..... ആ നിമിഷം വിശേഷങ്ങൾ പറഞ്ഞിരുന്ന പല്ലവിയുടെ പൊട്ടിച്ചിരി ഒച്ചത്തിൽ ഉമ്മറവും കടന്ന് അകത്തേക്ക് കേട്ടു...... അത് കേട്ടതും ഹാളിൽ നിൽപ്പുറയ്ക്കാതെ അവൾ പുറത്തേക്ക് തന്നെ നടന്നു..... അവിടേക്ക് ചെന്നതും ഉമ്മറത്തെ നീണ്ട ചവിട്ടുപടിയിൽ ഫോൺ നോക്കി ഇരുപ്പാണ് ഇരുവരും...... നന്ദന്റെ തോളിൽ കൈയിട്ട് അവനെ ചേർന്നാണ് പല്ലവിയുടെ ഇരിപ്പ്...... ഇടക്കിടക്കവൾ ചിരിക്കുന്നുമുണ്ട്..... ഒരുവേള അങ്ങോട്ടേക്ക് ചെല്ലാണോയെന്ന് വാതിൽപ്പടിയിൽ നിന്നവൾ ആലോചിച്ചു...... ആ നിമിഷം തന്നെയാണ് നന്ദൻ പുറകിലേക്ക് തിരിഞ്ഞുനോക്കിയത്..... ഭാമ വാതിൽപ്പടിയിൽ നിൽക്കുന്നത് കണ്ടതും നന്ദൻ ഒരു നിമിഷമവളുടെ മുഖത്തേക്ക് നോക്കി..... നന്ദൻ പിന്നിലേക്ക് നോക്കുന്നത് കണ്ടാണ് പല്ലവി തിരിഞ്ഞു നോക്കിയത്..... ആഹാ....... ഭാമേട്ടത്തിയൊ എന്താ അവിടെ തന്നെ നിൽക്കുന്നെ ..... ഇങ്ങോട്ട് വന്നേ...... പല്ലവി ഭാമയേ നോക്കി വിളിച്ചതും കഷ്ടപ്പെട്ടൊരു ചിരി വരുത്തി അവൾ അവർക്കരികിലേക്ക് നടന്നു...... ഭാമ അടുത്തെത്തിയതും പല്ലവി തനിക്കരികിലേക്ക് അവളെ പിടിച്ചിരുത്തി....... ഈ വാദ്യാരെ തിരക്കി വന്നതാണോ..... തൊട്ടരികിലിരുന്ന നന്ദനെ നോക്കിയവൾ ചോദിച്ചു..... ഏയ്യ് അല്ല..... ഞാൻ വെറുതെ .... ഭാമയൊന്ന് വിക്കി.......... നന്ദൻ താടിയിൽ കൈ ഊന്നി ഒരുവശം ചരിഞ്ഞിരുന്ന് ഇരുവരെയും നോക്കി....... ഹ്മ്മ്മ്..... ഭാമേട്ടത്തിയുടെ വീട് ഇവിടെ അടുത്താണോ?ഹ്മ്മ്.....അടുത്താ......ഏകദേശം ഒരു അരമിക്കൂർ യാത്ര കാണും....... ഹ്മ്മ്മ്മ്....... ദേവുമ്മയുടെയും നന്ദേട്ടന്റെയും ട്യൂഷൻ സെന്ററിലെ ടീച്ചർ ആണല്ലേ ഏട്ടത്തി.... അതേ .... ഭാമ പറഞ്ഞു....... ദേവൂമ്മ ഇന്നലെ എന്നോട് എല്ലാ ഡീറ്റെയിൽസും പറഞ്ഞിരുന്നു....... സത്യത്തിൽ നന്ദേട്ടന്റെ കല്യാണം ഇപ്പോൾ ഉണ്ടാകുമെന്ന് ഞാൻ ഒട്ടും പ്രതീക്ഷിച്ചില്ലാട്ടോ ഏട്ടത്തി...... നന്ദനെയും ഭാമയെയും അപ്പുറവും ഇപ്പുറവും നോക്കിക്കൊണ്ടവൾ പറഞ്ഞു...... അതിലെനിക്ക് നല്ല വിഷമവും നിരാശയുമുണ്ട്...... പല്ലവിയൊരു സങ്കട ഭാവത്തോടെ പറഞ്ഞു...... അതെന്താ....... അടുത്തിരുന്ന ഭാമ മനസ്സിൽ വന്നുവീണ ഭാരത്തേ മറച്ചു വച്ച് പല്ലവിയെ നോക്കി ചോദിച്ചു..... കാരണം..... എന്റെ നന്ദേട്ടന്റെ കല്യാണം ഇങ്ങനെ ഒന്നുമല്ലായിരുന്നു ഞങ്ങളുടെ മനസ്സിൽ... വലിയ വലിയ ആഗ്രഹങ്ങളായിരുന്നു...... എല്ലാം വെള്ളത്തിൽ വരച്ച വരപോലെയാക്കി യില്ലേ ആ മഹിയെട്ടൻ...... അത് കേട്ടതും ഭാമയുടെ ഉള്ളിൽ പെട്ടന്നൊരു വല്ലായ്മ നിറഞ്ഞു..... ടീ മിണ്ടാതിരിക്ക് അതൊക്കെ കഴിഞ്ഞില്ലേ..... പല്ലവിയുടെ തലയിലൊരു കൊട്ടുകൊടുത്തു കൊണ്ട് നന്ദൻ പറഞ്ഞു...... നിനക്കത്രയ്ക്ക് വിഷമമായെങ്കിൽ നിന്റെ കല്യാണത്തിന് ആ കുറവെല്ലാം നികത്താം പോരേ...... പോരാ....... ഞാൻ അങ്ങനൊന്നും കെട്ടാൻ ഉദ്ദേശിക്കുന്നില്ല....... പിന്നെ നീ വിരഹഗാനവും പാടി നടക്ക് അങ്ങനൊന്നും ഞാൻ വിരഹഗാനം പാടില്ലെന്റെ നന്ദേട്ടാ..... പക്ഷേ കല്യാണം കഴിഞ്ഞതോടെ നന്ദേട്ടന്റെ ആരാധികമാരെല്ലാം നല്ലതുപോലെ വിരഹഗാനം പാടുന്നുണ്ടാകും....... ഭാമേട്ടത്തിക്ക് അറിയോ.... അവൾ ഭാമയ്ക്ക് നേരെ തിരിഞ്ഞു.... ഭാമ മുഖത്തെ ഭാവം മാറ്റി പല്ലവിയുടെ മുഖത്തേക്ക് നോക്കി ഈ നന്ദേട്ടന് എത്രയാ ആരാധികമാരെന്ന്...... ഈ നാട്ടിലെ എത്രയോ പെൺകുട്ടികളുടെ ആരാധനാ പാത്രമാ ഈ ഇരിക്കുന്നെ..... ലിസ്റ്റെല്ലാം ഞാൻ സമയം പോലെ പറഞ്ഞു തരാട്ടോ...... കുറേ ഉണ്ട്..... പൊട്ടിച്ചിരിച്ചു കൊണ്ടവൾ പറഞ്ഞു....... ടീ....... നന്ദനവളെ തല്ലാനാഞ്ഞതും പെട്ടന്നവൾ അവന്റെ കൈയിലിരുന്ന ഫോണും തട്ടിപ്പറിച്ച് അകത്തേക്കോടി.... പല്ലവി പോയതും നന്ദനും ഭാമയും മാത്രമായ് അവിടെ....... അവൾ വെറുതെ പറയുവാട്ടോ എല്ലാം ...... എന്റെ വിവാഹത്തിന് അടിച്ചുപൊളിക്കണമെന്ന ചിന്തയിലായിരുന്നവൾ അത് നടക്കാത്തതിന്റെ നിരാശയാ..... പിന്നെ വിവാഹം പെട്ടന്നായതു കൊണ്ട് അവളെ അറിയിച്ചില്ലല്ലോ.... അതും ഉണ്ട്.... നേരത്തേ ഭാമയുടെ മുഖം മങ്ങിയത് കണ്ടതു കൊണ്ട് നന്ദൻ പറഞ്ഞു...... പാവമാ....... ഈ കളിയും ചിരിയും ബെല്ലും ബ്രെക്കുമില്ലാത്ത സംസാരവും..... അതൊക്കെ ഉള്ളൂ...... പണ്ടുമുതലേ ഒരുമിച്ച് കളിച്ച് വളർന്നതാ ഞങ്ങൾ..... അവളുള്ളപ്പോ മാത്രാ.... അമ്മയും ഞാനും ഇത്രേം ആക്റ്റീവ് ആകുന്നെ....... ഭാമ മുഖത്തൊരു ചിരി വരുത്തി....... അവൻ പറയുന്നത് കേട്ടിരുന്നു . നിമിഷങ്ങൾ കഴിഞ്ഞതും നന്ദൻ പതിയെ എഴുന്നേറ്റ് അകത്തേക്ക് നടന്നു........ ഭാമയുടെ മനസ്സ് തെളിയുന്നേയില്ലായിരുന്നു പല്ലവിയെ അങ്ങോട്ട് ഉൾക്കൊള്ളാൻ പറ്റുന്നില്ല....... നന്ദനോട് ഇത്രയും അടുത്തിടപെഴുകുന്നത് കൊണ്ടാണോ എന്നൊന്നും അറിയില്ല..... പുറമെ താനൊരിക്കലും പ്രകടിപ്പിച്ചില്ലെങ്കിലും മനസ്സിലാ കരട് അങ്ങനെ തന്നെ ഉണ്ടാകും. അവളൊരു ദീർഘ നിശ്വാസത്തോടെ ഓർത്തു. 🤍🤍🤍 ഭാമ കുറേനേരമാ ഉമ്മറത്തു തന്നെയിരുന്നു പിന്നീട് അമ്മവന്നു വിളിക്കുമ്പോഴാണ് ചിന്തകളിൽ നിന്നുണർന്നത്...... ഉച്ചക്കുള്ള ഭക്ഷണം എല്ലാവരും ഒരുമിച്ചിരുന്നു തന്നെയാണ് കഴിച്ചത്....... കഴിഞ്ഞ ദിവസം ബഹളങ്ങളൊന്നു മില്ലാതിരുന്ന ഭക്ഷണ മേശ ഇന്ന് പല്ലവിയുടെ വിശേഷങ്ങളും കഥകളും കൊണ്ട് നിറഞ്ഞു....... പറയുന്നതെല്ലാം നന്ദനോടാണ്... താനും അമ്മയും കേൾവിക്കാർ..... ചിലനേരം ആളൊരു പാവമാണെന്നു തോന്നുണ്ട് ...... പിന്നെ ഒരു കാര്യം മനസ്സിലായി..... അവളുടെ ഇഷ്ടം എന്തായാലും നന്ദേട്ടല്ല.... അത് മറ്റാരോ ആണ്...... 🤍🤍 ഭക്ഷണം കഴിച്ചു കഴിഞ്ഞ് ഭാമ അമ്മയുടെ ഒപ്പം അടുക്കളയിൽ കൂടി........ കുറച്ച് നേരം കഴിഞ്ഞ് അവൾ ഹാളിലേക്ക് വരുമ്പോ തൊടിയിലേക്ക് പോകാനുള്ള പ്ലാനുമായി നിൽപ്പുണ്ട് പല്ലവിയും നന്ദനും..... ഹാളിലേക്ക് കടന്നുവന്ന ഭാമയെ കണ്ടതും പല്ലവിക്ക് പുറകേ പുറത്തേക്കിറങ്ങാൻ നിന്ന നന്ദനൊന്നു നിന്നു... ഭാമേ....... ഞങ്ങളൊന്ന് തൊടിയിലേക്കിറങ്ങുവാ താൻ വരുന്നുണ്ടോ? ഞാൻ...... ഭാമയൊന്ന് അറച്ചു....... വാടോ...... താൻ ഈ വീടും പരിസരവുമൊന്നും കണ്ടിട്ടില്ല ല്ലൊ....... അവളോടായവൻ പറഞ്ഞു....... കുറച്ച് നേര നിമിഷം ആലോചിച്ചു. ശേഷം ഭാമയും നന്ദനൊപ്പമിറങ്ങി....... പല്ലവി മുറ്റത്ത്‌ നിൽപ്പുണ്ടായിരുന്നു..... ആഹാ ഏട്ടത്തിയും വരുന്നുണ്ടോ? പല്ലവി ചോദിച്ചു...... ഭാമയും വരുന്നുണ്ട്.... നീ നടക്ക്....... അവളുടെ അടുത്തേക്ക് നടന്നു കൊണ്ട് അവൻ പറഞ്ഞു...... നന്ദൻ നടുക്കായും ഭാമയും പല്ലവിയും അപ്പുറവും ഇപ്പുറവുമായാണ് നടന്നത്...... ഒരുപാട് ഔഷധ ചെടികളും,ഫലവൃക്ഷങ്ങളും, നന്ദന്റെയും ദേവകിയമ്മയുടെയും ജൈവ പച്ചക്കറി കൃഷികളുമെല്ലാം നിറഞ്ഞു നിൽക്കുന്ന തൊടിയും അത് കഴിഞ്ഞ് വേലികൾ തിരിച്ചു കെട്ടിയിരിക്കുന്ന സ്ഥലവും. അവിടെയാണ് ഈ കൃഷികളെല്ലാം പണ്ട് നന്ദനും കൂട്ടുകാരുമൊന്നിച്ചുള്ള ഓർമ്മകൾ ഓരോന്നും പങ്കുവയ്ക്കുന്ന തിരക്കിലായിരുന്ന് പല്ലവി....... ഭാമ എല്ലാം കേൾക്കുന്നുണ്ടെങ്കിലും ഒന്നും മിണ്ടുന്നില്ലായിരുന്നു....... ഏട്ടാ അത് നോക്കിക്കേ പേരക്ക മുഴുവൻ പഴുത്തു നിൽക്കുവാ.... പല്ലവി ചൂണ്ടിക്കാട്ടി ക്കൊണ്ട് പറഞ്ഞു നിനക്ക് വേണോ....... ഹ്മ്മ്മ്...... വേണം നന്ദൻ ചാഞ്ഞു നിന്ന കൊമ്പിൽ നിന്നും ഒരു പേരക്ക എത്തി പറിച്ച് അരികിൽ അവൾക്ക് നൽകി...... അത് കിട്ടേണ്ട താമസം പല്ലവിയത് കടിക്കാ നാഞ്ഞു...... കഴുകിയിട്ട് കഴിക്ക് പല്ലവി..... നന്ദനൊരു ശാസനയോടെ പറഞ്ഞു....... ഭാമ ആ കഴിചകൾ കണ്ടെങ്കിലും ആ ഭാഗത്തേക്ക്‌ ശ്രദ്ധിക്കാതെ...... അവൾ കുറച്ച് മുന്നോട്ട് നടന്നു..... ഒരരികിലായ് പൂത്തു നിന്ന മുക്കുറ്റി കണ്ടതും അവളാ പൂക്കൾക്കടുത്തേക്ക് തിരിഞ്ഞു....... ഒരു ഓരം പിടിച്ച് നിറയെ പൂത്ത് കിടപ്പുണ്ട്. കാണാൻ നല്ല ഭംഗിയും...... അതങ്ങനെ നോക്കി നിൽക്കുമ്പോഴാണ് നന്ദൻ അരികിലേക്ക് വന്നു നിന്നത്....... ഭാമയൊന്ന് തിരിഞ്ഞവനെ നോക്കിയതും നന്നായ് പഴുത്തൊരു മഞ്ഞ നിറമുള്ള പേരക്ക ഒരു കുഞ്ഞ് ചിരിയോടെ അവൾക്ക് നേരെയവൻ നീട്ടി...... തുടരും.💚🌺 അഭിപ്രായങ്ങൾ പറയണേ... കണ്ണൂർകാരൻ ❤️❤️❤️❤️ #✍ തുടർക്കഥ #📚 ട്വിസ്റ്റ് കഥകൾ #📙 നോവൽ #💞 പ്രണയകഥകൾ #📔 കഥ